13/10/2023
👨⚕️👩⚕️အခုတလောဖြစ်နေတဲ့ မျက်စိနာရောဂါက Adenovirus လို့ခေါ်တဲ့(ဗိုင်းရပ်စ်) တစ်မျိုးကြောင့်ဖြစ်တာပါ
ဆေးပညာအခေါ်အဝေါ်အရ conjunctivitis လို့ခေါ်တဲ့ မျက်စိအတွင်းသားကာကွယ်ထားတဲ့ မျက်မြှေးပါးလေးရောင်ယမ်းတာမျိုးဖြစ်တာပါ
👉မျက်မြှေးပါးရောင်ယမ်းတတ်တဲ့အခြားအကြောင်းအရာများရှိပါသေးတယ် အလွယ်တကူမှတ်ရင် နှစ်ပိုင်း ရှိတယ်လို့မှတ်လို့ရပါတယ်
၁)ဓာတ်မတည့်ခြင်း —— တချို့အခိုးအငွေ့ တွေ ဥပမာ အမွှေးတိုင်းလိုအငွေ့ တွေမျက်လုံးထဲဝင်တဲ့အချိန်မျိုးဆိုလည်းဖြစ်တတ်ပါတယ်
ဒါကလွယ်လွယ်ကူကူ ဥပမာလေးတစ်ခုပေးလိုက်တာပါ နောက်တစ်ခုကတော့
၂)ပိုးဝင်းခြင်း —— ဗက်တီးရီးယားပိုး (သို့) ဗိုင်းရက်စ်ပိုးဝင် တဲ့အခါမျိုးမှာဖြစ်တတ်ပါတယ်
ကွာခြားချက်အနည်းငယ်တော့ရှိပါတယ်
အခုကတော့ ဗိုင်းရပ်စ်ကြောင့်ဖြစ်တဲ့ မျက်မြှေးပါးရောင်ယမ်းတဲ့အကြောင်းအရာကိုမျှဝေသွားပါမယ်
👉ရောဂါလက္ခဏာများ
ပိုးဝင်ပြီး 10-12 ရက်အတွင်းမှာ
- မျက်စိနာ
- မျက်စိရဲ
- မျက်ဝတ်ထွက်
- မျက်စိထဲမှာ ခုလု ခုလုဖြစ်တာ
- အလင်းရောင်မကြည့်နိုင်တာ တွေဖြစ်လာပြီး နောက်ထပ် ၄ - ၅ ရက်မှာ အခြားမျက်စိတစ်ဖက်ကိုကူးသွားတတ်ပါတယ်
- တစ်ခါတစ်လေ ဒီ့ထက်ပိုဆိုးလာပြီး cornea လို့ခေါ်တဲ့ မျက်ကြည်လွှာ ကိုလည်းထိခိုက်တတ်ပါတယ်
မျက်စိမှာဖြစ်တဲ့ လက္ခဏာအပြင်ရာသီတုပ်ကွေးတို့ရဲ့ထုံးစံအတိုင်း
- ဖျားနာ
- ချောင်းဆိုး
- နှာစေး၊နှာချေ
- လည်ချောင်းနာ
- ပျို့၊အန်၊ဝမ်းလျှောတာတွေလည်းဖြစ်တတ်ပါတယ်
ဒီလက္ခဏာတွေ အကုန်လုံးကတော့ ၂ ပတ်ကနေ ၃ ပတ်အတွင်းမှာ သက်သာသွားတတ်ပါတယ်
💥ဗိုင်းရပ်စ် ထူးခြားချက်
အရမ်းကိုနာမည်ဆိုးနဲ့ နာမည်ကြီးတဲ့အချက်ကတော့အရမ်းကို ကူးစက်မြန် တယ်ဆိုတဲ့အချက်ပါပဲဗျာ😢
ပိုပြီးကူးစက်ခံရတတ်တဲ့သူတွေကတော့
-ဆီးချိုရောဂါရှိသူ
-ကိုယ်ခံအားစနစ်ချတဲ့ဆေးတွေသောက်တဲ့သူတွေမှာပိုပြီး ကူးစက်ခံရတတ်ပါတယ်
နောက်တစ်ချက်ကတော့ ဒီ ဗိုင်းရပ်စ်သည် လေ့လာချက်တွေအရ
ဒီဇင်ဘာ မှ ဧပြီလတွေမှာပိုဖြစ်တတ်တယ်လို့ပြောပါတယ်
💢ကူးစက်ပုံ
ဒီနေရာမှာ အယူအဆအလွဲ တစ်ခုကိုသေချာလေးမှတ်စေချင်ပါတယ်
❌မျက်စိနာတဲ့သူကိုကြည့်နေရုံ ၊ မျက်လုံးချင် ဆုံမိရုံ နဲ့ လုံးဝ လုံးဝ မကူးပါဘူး❌
အဓိက ကူးစက်ရခြင်းက (လက်)ကနေတဆင့်ကူးတယ်လို့မှတ်ထားပါ
💦ဆောင်ရန် ရှောင်ရန်များ
❎ရှောင်ရန်❎
- မျက်စိကို မကြာခဏ မကိုင်ရပါ
- မျက်စိကို မကိုင်ခင်နဲ့ ကိုင်ပြီးတိုင်း လက်ဆေးပါ
- မျက်နှာသုတ်ပုဝါ သီးသန့်ခွဲသုံးပါ
- အချင်းချင်းလက်ဆွဲနှုတ်ဆက်တာတွေ မလုပ်ပါနဲ့
- ရောဂါဖြစ်နေစဉ် တခြားသူတွေကို မကူးစက်ရန် လူစုလူဝေးနေရာတွေကို မသွားပါနဲ့
✅ဆောင်ရန်✅
အိမ်တွင်း ကုထုံးလို့လည်းပြောလို့ရပါတယ်
ရေ ရှိနေရင် ပြည့်စုံပါပြီဗျာ
၁)ကုသပုံနည်းလမ်း
- ရေအေးဝတ် အုပ်ရပါမယ်
- တစ်ခါအုပ်ရင် ၁၀ - ၁၅ မိနစ် လိုအပ်သလို ၂ နာရီခြား အုပ်သင့်ပါတယ်
ရေခဲသေတ္တာရှိရင် ပိုအဆင်ပြေပါတယ် မရှိလည်းရေခဲရှိနေရင် ရပါတယ်
ရေခဲသေတ္တာရှိသူတွေကတော့
- အဝတ်စတစ်ခုကို သန့်စင်အောင် ရေဆေးပါ
- လေးထောင့် ခေါက်ပါ
- ပလတ်စတစ်အိတ်ထဲထည့်ပြီး ရေခဲသေတ္တာထဲမှာ ၁၅ မိနစ်ထားပါ
- ပလတ်စတစ်အိတ်ထဲက ထုတ်ပါ
- မျက်စိကို အုပ်နိုင်ပါပြီ
ရေခဲနဲ့ ကုသနည်း
- ရေခဲအသေးလေး တွေကို ပလပ်စတစ်အိတ်ထဲမှာ ထည့်ပါ
- ရေခဲအိတ်ကို သန့်စင်တဲ့အဝတ်စနဲ့ ပတ်ပါ
- ပြီးရင် မျက်စိမှာ အုပ်နိုင်ပါပြီ
ဘာမှမရှိရင် လည်းပူစရာမလိုပါဘူးနော် ရေရှိနေရင်ရပါပြီ
- ရေစိမ်ထားတဲ့ အဝတ်နဲ့ အုပ်လိုက်ရုံပါပဲနော်
၂)မျက်စိကိုသန့်ရှင်းရေးလုပ်ရပါမယ်
မျက်ချေးမျက်ဝတ်တွေကို သန့်ရှင်းရေးရေနဲ့သေချာလုပ်ပေးရပါမယ်
၃) မျက်ရည်တုမျက်စဉ်းခတ်ပေးတဲ့နည်းလမ်း
၂-၃ နာရီခြား တစ်စက် ခတ်ပါ (နှစ်ဖက်စလုံးကိုခတ်ပါ) စျေးကွက်ထဲမှာတော့ ပြောပြီးဝယ်လို့ရပါတယ် ပေါလည်းပေါပါတယ်
၄)နေကာမျက်မှန်တပ်ခြင်း
ဒီအချက်ကတော့ အလင်းရောင်မခံနိုင်တဲ့သူတွေမှာအသုံးပြုလို့ရပါတယ်
🔥ဒီအချက်တွေတော့ သတိထား❗️
- မျက်စိအရမ်းနီးရဲလာတာ
- အလွန်အမင်းနာကျင်တာ
- မျက်လုံးဝေဝါးလာတာ
- အလင်းရောင် မခံနိုင်တာ ရှိလာခဲ့ရင်တော့ မျက်စိဆရာဝန်နဲ့ပြသရပါမယ်
🌈 ကာကွယ်ရန်နည်းလမ်းများ
ကျွန်တော်တို့ covid တုန်းကလည်းကြုံတွေ့ခဲ့ရသလိုပါပဲ
- ကိုယ်မျက်စိနာရင် အိမ်ပြင်မထွက်တာ
- မကြာခဏလက်ဆေးတာ
- လက်ကို စက္ကန့် ၂၀ ကြာအောင် ဆပ်ပြာနဲ့သေချာဆေးတာ
- မဖြစ်မနေအပြင်ထွက်မယ်ဆို တစ်ခုခု မထိခင် မကိုင်ခင်မှာ လက်ကိုအရက်ပြန်နဲ့ဆေးတာ တွေလုပ်ပေးမယ်ဆိုရင်တော့ ကူးစက်ခံရမှာ လျော့နည်းသက်သာသွားနိုင်ပါတယ်
- အချိန်မှန်အိပ် အချိန်မှန်စား
- ရေများများသောက် တစ်နေ့ကို ၂-၃ လီတာ
- ဆေးလိပ် အရက် ကွမ်းစသည်တို့ရှောင်ကြဉ်တာ တို့ပဲဖြစ်ပါတယ်
Credit to Dr Kyaw
လင်း အထွေထွေရောဂါကုဆေးခန်း
ဆေးခန်းဖွင့်ချိန်
မနက် (၇)နာရီ မှ ည (၇)နာရီအထိ
ငါးထပ်ကြီးဘုရားအနောက်ဘက် ညောင်ကုန်းလမ်းဘေး
စစ်ကိုင်းမြို့
☎️09 402659534
