https://royal-tachileik-hospital.business.site/

Royal Tachileik Hospital-တော်ဝင်တာချီလိတ် အထူးကုဆေးရုံ, FV3P+PGC Tachileik, Tachileik (2026)

09/08/2026

ဘယ်နေရာမှာပဲကြည့်ကြည့် ကလေးငယ်တွေဟာ အရင်ကလို ကခုန်ကစားနေတာထက် ဖုန်း၊တက်ဘလက်တစ်ခုခုကိုပဲ အမြဲကြည့်နေတာမျိုးကို တွေ့ရပါလိမ့်မယ်။ ဒါဟာ ကမ္ဘာနဲ့တဝှမ်းကြုံနေရတဲ့ နည်းပညာခေတ်ရဲ့ ဘေးထွက်ဆိုးကျိုးတစ်ခုပါပဲ။

ခေတ်နဲ့အညီ ပြောင်းလဲလာတယ် ဆိုပေမယ့် ဒီ Screen မျက်နှာပြင်တွေဟာ ကလေးတွေရဲ့ နေ့စဉ်ဘဝထဲမှာ ခွဲထားလို့မရတဲ့ အစိတ်အပိုင်းတစ်ခု ဖြစ်လာတာကတော့ ကောင်းတဲ့လက္ခဏာမဟုတ်နေပါဘူး။ ပညာရေးအတွက်၊ အထွေထွေဗဟုသုတအတွက် အလွန် အသုံးဝင်တဲ့ ကောင်းကျိုးတွေရှိနေပေမယ့် အလွန်အကျွံအသုံးပြုမှု Excessive Screen Time ဖြစ်နေခြင်းဟာ ကလေးများရဲ့ ကိုယ်ခန္ဓာ၊ စိတ်ပိုင်းဆိုင်ရာနဲ့ လူမှုဖွံ့ဖြိုးမှုအပေါ် သိသိသာသာ သက်ရောက်မှုရှိနေပါတယ်။

👀 မျက်စိကျန်းမာရေး
မျက်စိပင်ပန်းခြင်း၊ မျက်သားခြောက်သွေ့ခြင်း၊ အမြင်အာရုံ မှုန်ဝါးအားနည်းခြင်း၊ အာရုံစိုက်ကြည့်ရှုနိုင်မှု လျော့နည်းလာခြင်းတို့ဖြစ်ပွားနိုင်ပါတယ်။

🧠 စိတ်ပိုင်းဆိုင်ရာနှင့် အပြုအမူဆိုင်ရာ
စိတ်တိုလွယ်ခြင်း ၊ စိတ်လှုပ်ရှားမှု ထိန်းချုပ်ရန် ခက်ခဲခြင်း၊ စိတ်မတည်ငြိမ်ခြင်း၊ အာရုံစူးစိုက်မှုအား လျော့နည်းခြင်း၊ပေါင်းသင်းဆက်ဆံရေးအားနည်းခြင်း၊ ထိန်းကျောင်းပဲ့ပြင်ရခက်ခဲခြင်းတို့ဖြစ်တတ်ပါတယ်။

😴 အိပ်စက်မှုအပေါ် သက်ရောက်မှု
အိပ်ချိန်နောက်ကျခြင်း၊ အိပ်ချိန်မမှန်ခြင်း ၊ အိပ်မပျော်ခြင်း၊ အိပ်စက်မှုအရည်အသွေး လျော့နည်းခြင်းတို့ဖြစ်နိုင်ပါတယ်။

🧍‍♂️ခန္ဓာကိုယ်အပေါ် သက်ရာမှု
ကိုယ်လက်လှုပ်ရှားမှု လျော့နည်းခြင်း၊ အဝလွန်လွယ်ခြင်း၊
ကိုယ်ကာယဖွံ့ဖြိုးမှု နှောင့်နှေးခြင်း၊ ခန္ဓာကိုယ်သန်စွမ်းကြံ့ခိုင်မှုအားနညါးခြင်းတို့ဖြစ်တတ်ပါတယ်။

ကိုယ့်ကလေးအတွက် Screen Time များနေပြီလားဆိုတာကို သတိပြုရမယ့်အခြေအနေတွေကတော့
⚠️ နေ့စဉ် Screen Time ၂–၃ နာရီထက်ပိုသုံးနေခြင်း
⚠️ အပြင်ထွက်ကစားခြင်း မရှိသလောက်နည်းလာခြင်း
⚠️ အိပ်ချိန် မမှန်တော့ခြင်း
⚠️ စကားနည်းလာခြင်း
⚠️ အမြင်အားနည်းလာခြင်း
⚠️ မျက်တောင်ခတ်တာ မူမမှန်ပဲ မျက်ကြောလိုက်လာခြင်း
⚠️ ဖုန်း၊ တက်ဘလက်မရှိရင် စိတ်မတည်ငြိမ်တော့ခြင်းတို့ ကြုံရပြီဆိုရင်တော့ မဖြစ်မနေ ထိန်းကျောင်ပြုပြင်ဖို့ အရေးကြီးနေပါပြီ။

ဒီအခြေအနေကိုပြင်ဆင်ဖို့အတွက် မိဘတွေမဖြစ်မနေလုပ်ဆောင်ပေးရမှာကတော့..
✅ Screen Time ကို အသက်အရွယ်အလိုက် အချိန်သတ်မှတ်ပြီး စားသောက်ချိန်နှင့် အိပ်ခါနီးတွင် ဖုန်းလုံးဝပေးမသုံးပါနဲ့။
✅ ကစားကွင်းပို့ခြင်း ၊ အားကစားလုပ်စေခြင်း၊ အခြားကလေးများနှင့် ဆော့ကစားစေပြီး သဘာဝနှင့် ထိတွေ့မှုများတဲ့ Outdoor Activitiesများ တိုးမြှင့်အားပေး ရပါမယ်။
✅ လူကြီးတွေကိုယ်တိုင်က ဖုန်းတွေမသုံးပဲ Screen မပါတဲ့ မိသားစုအချိန်များ ၊ စကားပြောခြင်းနှင့် သွားလာလှုပ်ရှားခြင်း Family Time များကို တိုးမြှင့်ရပါမယ်။
✅ ဖုန်းအသုံးပြုမှု စည်းကမ်းများသတ်မှတ်ပြီး Educational content များကိုသာ ရွေးချယ်အသုံးပြုစေကာ Digital Discipline ကို သင်ကြားပေးပါ

Screen Time လွန်အကျွံအသုံးပြုမှုက ကလေးများရဲ့ ဖွံ့ဖြိုးကြီးပြင်းမှုကို တိုက်ရိုက်ထိခိုက်စေနိုင်တာကြောင့် မိဘများအနေနဲ့ ဖုန်းကြည့်ခြင်းကို လုံးပိတ်ပင်တားမြစ်တာထက် မျှတမှန်ကန်စွာ ထိန်းညှိပေးခြင်းက အရေးကြီးဆုံးဖြစ်ပါတယ်။ ဒီနေ့ခေတ်မှာ ကျန်းမာပြီး ဖွံ့ဖြိုးတိုးတက်တဲ့ ကလေးဘဝဟာ မျှတတဲ့ Digital Lifestyle ကနေ စတင်ရမယ်ဆိုတာကို သတိပြုဖို့ အကြုံလိုက်ရပါတယ်ခင်ဗျာ။

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ်✨🏥

05/08/2026

💢𝐕𝐚𝐜𝐚𝐧𝐜𝐲 𝐀𝐧𝐧𝐨𝐮𝐧𝐜𝐞𝐦𝐞𝐧𝐭💢

Medical Officer- 3 Posts

Job Requirements

📌MBBS
📌Must possess and maintain a Valid Registration (SAMA License)
📌At least 1 year and above relevant experience in medical field
📌Ability to work cooperatively in a team environment
📌Compassionate and patient-focused
📌Computer Literate

💫အလုပ်လျှောက်ထားလိုသူများသည် အောက်ဖော်ပြပါ အချက်အလက်များနှင့်တကွ တော်ဝင်တာချီလိတ်အထူးကုဆေးရုံတွင် လူကိုယ်တိုင်လာရောက်၍လည်းကောင်း၊ Email တိုက်ရိုက်ပေးပို့၍လည်းကောင်း လျှောက်ထားနိုင်
ပါသည်။

1. CV Form
2. Passport size ဓာတ်ပုံ (1)
3. မှတ်ပုံတင်မိတ္တူ
4. အိမ်ထောင်စုစာရင်းမိတ္တူ
5. ဘွဲ့လက်မှတ်မိတ္တူ
6. အခြားပညာအရည်အချင်းနှင့်ပတ်သက်သည့်အောင်လက်မှတ်မိတ္တူ

📩𝗘𝗺𝗮𝗶𝗹 𝗮𝗱𝗱𝗿𝗲𝘀𝘀: [email protected]

05/08/2026

💢𝐕𝐚𝐜𝐚𝐧𝐜𝐲 𝐀𝐧𝐧𝐨𝐮𝐧𝐜𝐞𝐦𝐞𝐧𝐭💢

Staff Nurse/ Ward Nurse / Mid-wife - 5 posts
💫အလုပ်လျှောက်ထားလိုသူများသည် အောက်ဖော်ပြပါ အချက်အလက်များနှင့်တကွ အာတော်ဝင်တာချီလိတ်အထူးကုဆေးရုံတွင် လူကိုယ်တိုင်လာရောက်၍လည်းကောင်း၊ Email တိုက်ရိုက်ပေးပို့၍လည်းကောင်း လျှောက်ထားနိုင်ပါသည်။
1. Application form
2. Passport size ဓာတ်ပုံ (1)
3. မှတ်ပုံတင်မိတ္တူ
4. အိမ်ထောင်စုစာရင်းမိတ္တူ
5. ဘွဲ့လက်မှတ်/ Diploma လက်မှတ်မိတ္တူ
6. အခြားပညာအရည်အချင်းနှင့်ပတ်သက်သည့်အောင်လက်မှတ်မိတ္တူ
7. Valid Nursing licenses

📩𝗘𝗺𝗮𝗶𝗹 𝗮𝗱𝗱𝗿𝗲𝘀𝘀: [email protected]

04/08/2026

Asthma လို့ခေါ်တဲ့ ပန်းနာရင်ကျပ်ရောဂါဆိုတာ အဆုတ်ထဲကို လေဝင်လေထွက်လုပ်ပေးတဲ့ လေပြွန်မကြီးတွေ ရောင်ရမ်းပြီး ကျဉ်းမြောင်းသွားတဲ့ နာတာရှည်ရောဂါတစ်ခုပဲ ဖြစ်ပါတယ်။

ပန်းနာရင်ကျပ်ဖြစ်ပြီဆိုရင် လေပြွန်တွေက အလွန် Sensitive ဖြစ်နေတတ်ပြီး အသက်ရှူနေရင်း ပုံမှန်မဟုတ်တဲ့ အခြေအနေတစ်ခုခုနဲ့ ကြုံတဲ့အခါမှာ ရှုံ့သွားကာ အသက်ရှူရ ခက်ခဲလာစေပါတယ်။ ပန်းနာရင်ကျပ်ရောဂါလို့သံသယရှိနိုင်တဲ့ လက္ခဏာတွေကတော့..
💢မကြာခဏ ရင်ကျပ်ခြင်း
💢 အသက်ရှူရခက်ခြင်း
💢 အမောမခံနိုင်ခြင်း၊ အမြဲမောပန်းနေခြင်း
💢 အသက်ရှူတဲ့အခါ ဝီစီသံလို တရွှီရွှီအသံမြည်ခြင်း
💢 ကြာရှည်စွာ ချောင်းဆိုးခြင်း
💢 ညဘက်တွင် အသက်ရှူရခက်ပြီး အိပ်မပျော်ခြင်းတို့ပဲဖြစ်ပါတယ်။

ပန်းနာရင်ကျပ်လူနာအများစုဖြစ်တတ်တဲ့ Trigger point တွေကတော့..

🔺ဖုန်မှုန့်၊ မှို၊ ပန်းဝတ်မှုန်၊ တိရစ္ဆာန်အမွှေးအမှင်များ၊ အညစ်အကြေးများနှင့် ဓာတ်မတည့်မှု Allergic ဖြစ်ခြင်း၊
🔺 ဆေးလိပ်ငွေ့၊ မီးခိုးငွေ့၊ ဓာတုပစ္စည်းအနံ့ပြင်းပြင်းများနှင့် လေထုညစ်ညမ်းခြင်းများ၊
ရာသီဥတုပြောင်းလဲခြင်း:
🔺ရာသီဥတု အကူးအပြောင်း အပူအအေး အခြေအနေများ
🔺တုပ်ကွေးမိခြင်း၊ အအေးမိနှာစေးခြင်း အစရှိတဲ့ အသက်ရှူလမ်းကြောင်းဆိုင်ရာ ကူးစက်ရောဂါများ၊
🔺ခန္ဓာကိုယ်ကို ပင်ပန်းနွမ်းနယ်စေတဲ့ ပြင်းပြင်းထန်ထန် လေ့ကျင့်ခန်းလုပ်ခြင်း၊ အလုပ်လုပ်ခြင်းများ၊
🔺စိတ်ဖိစီးမှုများခြင်း၊ အရမ်းငိုခြင်း/ရယ်ခြင်းဖြစ်တဲ့ စိတ်လှုပ်ရှားခြင်းနှင့် စိတ်ခံစားမှုမြင့်မားတဲ့အခြေအနေများပဲဖြစ်ပါတယ်။

⚠️ မောလွန်းသဖြင့် စကားကို တစ်ဆက်တည်း မပြောနိုင်ဘဲ စကားလုံးပြတ်တောက်သွားခြင်း၊
⚠️အသက်ရှူနေရင်း ရင်ညွန့် သို့မဟုတ် နံရိုးကြားများ ချိုင့်ဝင်သွားထဲအထိဖြစ်ခြင်း၊
⚠️နှုတ်ခမ်း သို့မဟုတ် လက်သည်းခြေသည်းများ ပြာနှမ်းလာခြင်းတို့ ဖြစ်လာပြီဆိုရင်တော့ အရေးပေါ်အခြေအနေလို့ယူဆရမှာဖြစ်ပြီး နီးစပ်ရာ ဆေးရုံဆေးခန်းတွေကို အမြန်ဆုံးပြသကာ အချိန်မီကုသမှုခံယူရပါမယ်။ တော်ဝင်တာချီလိတ်ဆေးရုံကြီးမှာလည်း ပန်းနာရင်ကျပ်အပါအဝင် အသက်ရှူလမ်းကြောင်းဆိုင်ရာရောဂါများကို ကျွမ်းကျင်တဲ့ အထူးကုဆရာဝန်ကြီးများဖြင့် ဂရုစိုက်ကုသပေးလျက်ရှိပါတယ်။

Inhaler ကို စနစ်တကျ မှန်ကန်စွာအသုံးပြုပြီး ဆရာဝန်ညွှန်ကြားထာတဲ့အတိုင်း ဆေးကို ပုံမှန်သောက်သုံးမယ့်အပြင် Trigger point များကို သတိပြု ရှောင်ရှားမယ်၊ ရောဂါအခြေအနေကို ဆရာဝန်နဲ့ ပုံမှန် Follow-up ပြသ စစ်ဆေးနေမယ်ဆိုရင်တော့ ပန်းနာရင်ကျပ်ရောဂါကို သက်သာအောင် ထိန်းချုပ်ကုသနိုင်မှာဖြစ်ကြောင်း အကြံပြုလိုက်ရပါတယ်ခင်ဗျာ။

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ်✨🏥

01/08/2026

မိုးရာသီဟာ အေးမြစိုစွတ်တဲ့ ရာသီဥတုဖြစ်တာနဲ့အညီ လေထုထဲ စိုထိုင်းဆ မြင့်မားခြင်းနှင့် ရေညစ်ညမ်းခြင်းတို့ကြောင့် အရေပြားရောဂါများ အဖြစ်များဆုံးရာသီတစ်ခုလည်းဖြစ်ပါတယ်။ အထူးသဖြင့် ပွေး၊ ဝဲ၊ ညှင်းရောဂါတွေဟာ မိုးတွင်းမှာ ဖြစ်ပွားမှုအမြင့်မားဆုံးပါပဲ။

မိုးရာသီမှာ အရေပြားကျန်းမာ‌ရေး ပြဿနာများကို ဖြစ်ပေါ်စေသည့် အဓိကအခြေအနေတွေကတော့..
⚠️ လေထုထဲတွင် ရေငွေ့ပျံမှု များပြားပြီး ချွေးထွက်ခြင်း၊ စိုစွတ်ခြင်းတို့ကြောင့် အရေပြားတွင် ပိုးမွှားများ ခိုအောင်းလွယ်ခြင်း
⚠️ရေဝပ်နေတဲ့ လမ်းများ၊ မြောင်းရေလျှံခြင်းများကြောင့် ရေပုပ်ရေစပ်များ၊ အညစ်အကြေးများ၊ မသန့်ရှင်းတဲ့ ရေနဲ့ ထိတွေ့မှုများခြင်း
⚠️မိုးမိ မိုးစိုထားတဲ့အဝတ်အစားများ ၊ သေချာမခြောက်သွေ့သေးဘဲ စိုထိုင်းထိုင်းဖြစ်နေသော အဝတ်အထည်များကို မကြာခဏ ဝတ်ဆင်မိခြင်း
⚠️စိုစွတ်တဲ့ ပတ်ဝန်းကျင်ကြောင့် မှို နှင့် ဗက်တီးရီးယား ပိုးမွှားများ လွယ်ကူစွာ အလျင်အမြန် ပွားများလာခြင်း
⚠️ တစ်ကိုယ်ရေသန့်ရှင်းမှုအားနည်းခြင်းတို့ကြောင့်ပဲဖြစ်ပါတယ်။

ဒါကြောင့် မိုးရာသီအတွင်း အရေပြားရောဂါများမှ ကာကွယ်ဖို့အတွက်

✅ ကိုယ်လက်သန့်စင်မှုဂရုစိုက်ပါ
ခြေထောက်ပေလာရင် ခြေလက်သေချာဆေး၊ မိုးမိ မိုးစိုလာရင် ချက်ချင်းရေချိုးသန့်စင်ပြီး ခြောက်သွေ့အောင် သုတ်ပါ။ အထူးသဖြင့် ဂျိုင်း၊ ပေါင်ခြံနှင့် ခြေချောင်းကြားများကို အမြဲခြောက်သွေ့ နေပါစေ။

✅ အဝတ်အထည်များခြောက်သွေ့နေပါစေ
အဝတ်အစားကို ခြောက်သွေ့တဲ့အထိ သေချာလျှော်ဖွတ် မီးပူတိုက်ပါ။ စိုထိုင်းထိုင်း အဝတ်များကို လုံးဝမဝတ်ပဲ လေဝင်လေထွက်ကောင်းပြီး ပေါ့ပါးသော အဝတ်များကို ရွေးချယ်ဝတ်ဆင်ပါ။

✅ ထီး၊ မိုးကာ ၊ ဖိနပ် အမြဲအသုံးပြုပါ
မိုးရွာထဲသွားတဲ့အခါ ထီး၊ မိုးကာအမြဲဆောင်းပြီး
ရေအိုင်ထဲ ဖြတ်သန်းသွားလာရပါက ရေစိုခံဖိနပ် များ ဝတ်ဆင်ပါ။ ထီး၊ မိုးကာ၊ ဖိနပ်များအသုံးပြုပြီးတိုင်းခြောက်သွေ့အောင်ပြန်ထားပါ။

✅ စောလျင် မှန်ကန်စွာကုသပါ
အကယ်၍ ကိုယ့်မှာ အရေပြားရောဂါတစ်ခုခုဖြစ်နေခဲ့ပြီဆိုရင်တော့ ပေါ့ပေါ့ဆဆထားပြီး ဆေးမြီးတိုတွေနဲ့ ကုသမနေနဲ့ ကျွမ်းကျင်တဲ့ ဆရာဝန်တွေနဲ့ သေချာတိုင်ပင်ကုသဖို့လည်း အရေးကြီးပါတယ်။

မိုးရာသီမှာ ဖြစ်ပွားတတ်တဲ့ အရေပြားပြဿနာအများစုဟာ ကြိုတင်ကာကွယ်ရလွယ်ကူပြီး စနစ်တကျ ကုသလျှင်မြန်ဆန်စွာ ပျောက်ကင်းနိုင်တာကြောင့် တစ်ကိုယ်ရေသန့်ရှင်းမှုကို အမြဲဂရုစိုက်ပြီး အရေပြားကျန်းမာရေးကိုထိန်းသိမ်းမယ်ဆိုရင် မိုးရာသီရဲ့အေးမြမှုဟာ ပိုပြီးလှပနေမှာအသေအချာပါပဲခင်ဗျာ 🌧️

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ်✨🏥

31/07/2026

ဗိုက်အပေါ်ညာဘက်ခြမ်း မကြာခဏအောင့်နေပါသလား❓
အဆီများတဲ့ အစားအစာ စားပြီးတိုင်း ဗိုက်နာတာ၊ အစာမကြေတာ၊ ပျို့အန်တာတွေ ဖြစ်နေပါသလား❓

ဒီလိုလက္ခဏာတွေဟာ သည်းခြေကျောက်တည်ခြင်းလို့ခေါ်တဲ့ Gallstones ရဲ့ အစောပိုင်းလက္ခဏာတွေ ဖြစ်နိုင်ပါတယ်။ သည်းခြေရည်ထဲမှာ ပါဝင်တဲ့ Cholesterol၊ Bilirubin နဲ့ အခြားဓာတ်ပစ္စည်းတွေ မျှတမှုမရှိတော့တဲ့အခါ အမှုန်လေးတွေ စတင်ဖွဲ့စည်းပြီး အချိန်ကြာလာတာနဲ့အမျှ ကျောက်အဖြစ် ပြောင်းလဲသွားတတ်ပါတယ်။ အချို့လူနာတွေမှာ အစပိုင်းမှာ ဘာလက္ခဏာမှ မပြဘဲ နေတတ်ပေမယ့် ကျောက်က သည်းခြေလမ်းကြောင်းကို ပိတ်မိသွားတဲ့အခါ ပြင်းထန်တဲ့ နာကျင်မှုနဲ့ နောက်ဆက်တွဲပြဿနာတွေ ဖြစ်လာနိုင်ပါတယ်။

Gallstones ဟာ အဓိကအားဖြင့် စားသောက်နေထိုင်မှုပုံစံမမှန်ကန်တာကြောင့်ဖြစ်ပွားတတ်ပြီး အဖြစ်များတဲ့သူတွေကတော့
⚠️ အဝလွန်သူများ
⚠️ အသက် (၄၀) ကျော်လာသူများ
⚠️ အမျိုးသမီးများ
⚠️ အဆီများသော အစားအစာကို မကြာခဏစားသူများအပြင်
⚠️ ရောဂါမျိုးရိုးရှိသူများ
⚠️ ဆီးချိုရောဂါရှိသူများနှင့်
⚠️ ကိုယ်အလေးချိန်ကို ရုတ်တရက်အပြင်းအထန်လျှော့ချလိုက်သူများမှာလည်း ဖြစ်နိုင်ခြေမြင့်မားတာကို တွေ့ရှိရပါတယ်။

သည်းခြေကျောက်တည်ခြင်းရဲ့ သိသာထင်ရှားတဲ့လက္ခဏာတွေကတော့..
💢 ဗိုက်အပေါ်ညာဘက်ခြမ်း ရုတ်တရက် ပြင်းထန်စွာ နာကျင်ခြင်း
💢 အဆီများသော အစားအစာစားပြီးနောက် ဗိုက်နာခြင်း
💢 ဗိုက်ဖောင်းခြင်း
💢 အစာမကြေခြင်း
💢 ပျို့အန်ခြင်း
💢 နောက်ကျော ၊ ညာဘက်ပခုံးများသို့ နာကျင်မှု ပြန့်သွားခြင်းတို့ပဲဖြစ်ပြီး တချို့လူနာတွေမှာ နာကျင်မှုကို မိနစ် (၃၀) ကနေ နာရီအနည်းငယ်အထိခံစားရနိုင်ပါတယ်။

Gallstones ကို အချိန်မီ မကုသဘဲထားတဲ့အခါ ဖြစ်ပေါ်နိုင်တဲ့ နောက်ဆက်တွဲပြဿနာတွေကတော့
🔺 သည်းခြေအိတ်ရောင်ရမ်းခြင်း
🔺 သည်းခြေလမ်းကြောင်း ပိတ်ခြင်း
🔺 အသားဝါခြင်း
🔺 ပန်ကရိယရောင်ရမ်းခြင်း
🔺 ပြင်းထန်စွာ ပိုးဝင်ခြင်းတို့ ဖြစ်လာနိုင်ပါတယ်။

မိမိမှာ Gallstones ရောဂါလက္ခဏာတွေတွေ့ ရှိပြီး သံသယရှိနေပြီဆိုရင်..
🔹 Ultrasound
🔹 သွေးစစ်ဆေးခြင်း
🔹 လိုအပ်ပါက CT Scan / MRI တို့ဖြင့် သေချာစစ်ဆေးနိုင်ပြီး ဆရာဝန်နဲ့စနစ်တကျပြသရပါမယ်။
ရောဂါကုသမှုဟာ ကျောက်ရဲ့ အရွယ်အစား၊ အရေအတွက်နဲ့ ရောဂါလက္ခဏာတွေပေါ် မူတည်တာကြောင့် စောလျင်စွာသိရှိခြင်းဟာ ကုသမှုအတွက်အထောက်အကူအဖြစ်ဆုံးပါပဲ။

ယနေ့ခေတ်မှာ Laparoscopic Gallbladder Surgery ဖြင့် ခွဲစိတ်ကုသခြင်းဟာ လုံခြုံပြီး လူနာအများစု ပြန်လည်နာလန်ထူမြန်တဲ့ ကုသနည်းဖြစ်ပြီး တော်ဝင်တာချီလိတ်ဆေးရုံကြိးမှာလည်း ခေတ်မီစက်ကိရိယာများနှင့် ကျွမ်းကျင်တဲ့ ခွဲစိတ်ဆရာဝန်ကြီးများမှ အကောင်းဆုံးကုသမှုပေးလျက်ရှိပါတယ်။

ဒါကြောင့် အဆီနည်းပြီး အာဟာရမျှတတဲ့ အစားအစာကို စားသုံးကာ ကိုယ်အလေးအချိန်ကို ထိန်းသိမ်းပြီး ကိုယ်လက်လှုပ်ရှားမှု ပုံမှန်ပြုလုပ်ပေးခြင်းဖြင့် Gallstones မဖြစ်အောင် ကာကွယ်ပြီး ဖြစ်လာခဲ့ရင်လည်း စိုးရိမ်မနေပဲ စောလျင်မှန်ကန်စွာကုသမှု ခံယူဖို့ တိုက်တွန်းလိုက်ရပါတယ်ခင်ဗျာ ။

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ်✨🏥

27/07/2026

မြန်မာနိုင်ငံမှာ အဖြစ်များကြတဲ့ အသည်းအဆီဖုံးခြင်းအပါအဝင် အသည်း၊ သည်းခြေအိတ်နှင့် ကျောက်ကပ်နဲ့သက်ဆိုင်တဲ့ရောဂါရှာဖွေခြင်းတွေမှာ Ultrasound ဖြင့် နာကျင်မှုမရှိဘဲ အသေးစိတ် စစ်ဆေးနိုင်တဲ့အပြင် Radiation မရှိတာကြောင့် ကိုယ်ဝန်ဆောင်မိခင်များ၊ ကလေးများအတွက်လည်း လုံခြုံစိတ်ချစွာ အသုံးပြုနေတဲ့ ခေတ်မီကျန်းမာရေးနည်းပညာပဲဖြစ်ပါတယ်။

Ultrasound ဟာ ရောဂါကုသမှုမဟုတ်ဘဲ ရောဂါရှာဖွေစစ်ဆေးမှုသာဖြစ်ပြီး စစ်ဆေးမှုရလဒ်ပေါ်မူတည်ကာ ဆရာဝန်က လိုအပ်တဲ့ ကုသမှု၊ ဆေးဝါး သို့မဟုတ် နောက်ထပ် စစ်ဆေးမှုတွေကို အကြံပြုပေးနိုင်မှာ ဖြစ်ပါတယ်။

Ultrasound ဖြင့် စစ်ဆေးသိရှိနိုင်တဲ့ အသည်းရောဂါများ
🔹အသည်းအဆီဖုံးခြင်း
🔹အသည်းခြောက်ခြင်း
🔹အသည်းအရည်အိတ်
🔹အသည်းအနာ
🔹အသည်းအရွယ်အစား ကြီးခြင်း/သေးခြင်း
🔹အသည်းရောင်ရောဂါကြောင့် အသည်းပြောင်းလဲမှုများ
🔹အသည်းကင်ဆာဟု သံသယရှိသော အကျိတ်များ

သည်းခြေအိတ်အတွက် စစ်ဆေးနိုင်တဲ့ ရောဂါများ
🔹သည်းခြေအိတ်ကျောက်တည်ခြင်း
🔹သည်းခြေအိတ်ရောင်ရမ်းခြင်း
🔹သည်းခြေအိတ်အသားပို
🔹သည်းခြေအိတ်နံရံ ထူလာခြင်း
🔹သည်းခြေလမ်းကြောင်း ကျယ်လာခြင်း
🔹သည်းခြေလမ်းကြောင်းပိတ်ဆို့ခြင်း
🔹သည်းခြေအိတ်ကင်ဆာဟု သံသယရှိသော အကျိတ်များ

ကျောက်ကပ်အတွက် စစ်ဆေးသိရှိနိုင်တဲ့ ရောဂါများ
🔹ကျောက်ကပ်အရည်အိတ်
🔹ကျောက်ကပ်အကျိတ်
🔹ကျောက်ကပ်ကျောက်တည်ခြင်း
🔹မွေးရာပါ ကျောက်ကပ်ပုံမှန်မဟုတ်ခြင်း
🔹ကျောက်ကပ်အရွယ်အစား ပြောင်းလဲခြင်း
🔹ဆီးလမ်းကြောင်းပိတ်ပြီး ကျောက်ကပ်ဖောင်းခြင်း
🔹နာတာရှည်ကျောက်ကပ်ရောဂါကြောင့် ဖွဲ့စည်းပုံပြောင်းလဲသွားခြင်းတို့ပဲဖြစ်ပါတယ်။

Ultrasound စစ်ဆေးခြင်းဟာ အရေပြားပေါ်ကို Gel လိမ်းပြီး Probe ဖြင့် စစ်ဆေးရုံသာ ဖြစ်ပါတယ်။ စစ်ဆေးချိန်ဟာ ပုံမှန်အားဖြင့် ၁၅ မိနစ်မှ ၃၀ မိနစ်ခန့်သာ ကြာမြင့်တတ်ပါတယ်။ Ultrasound မစစ်ဆေးခင် ပြင်ဆင်ထားရမှာကတော့..
🔎ဆီးအိမ်နှင့် သားအိမ်စစ်ဆေးမှုအတွက် ဆီးအိမ်ပြည့်နေစေရန် မစစ်ဆေးမီတစ်နာရီ ရေသောက်ထားရန် လိုအပ်ပါတယ်။
🔎အချို့သောဝမ်းဗိုက် စစ်ဆေးမှုများအတွက် အစာရှောင်ရန် လိုအပ်နိုင်ပါတယ်။

အသည်း၊ သည်းခြေအိတ်၊ ကျောက်ကပ်နဲ့ဆိုင်တဲ့ရောဂါများအတွက် Ultrasound စစ်ဆေးဖို့လိုအပ်လာနိုင်တဲ့အခြေအနေတွေကတော့ ..
💢ဗိုက်နာခြင်း၊ ဗိုက်အောင့်ခြင်း
💢ဝမ်းဗိုက်ဖောင်းလာခြင်း
💢အစာမကြေ ခဏခဏဖြစ်ခြင်း
💢ခါးအောင့် ခါးနာခြင်း
💢ဆီးသွားစဉ် နာကျင်ခြင်း
💢အသားအရောင်ပြောင်းလဲလာခြင်းတွေကြုံလာရတယ်ဆိုရင် Ultrasound ဖြင့်စမ်းသပ်စစ်ဆေးပြီး ဆရာန်ညွှန်ကြားချက်အတိုင်း လိုအပ်တဲ့ကုသမှုကို ဆက်လက်ခံယူသင့်ပါတယ်။

တော်ဝင်တာချီလိတ်အထူးကုဆေးရုံကြီးမှာတော့ ကျွမ်းကျင်ဆရာဝန်ကြီးများပ နောက်ဆုံးပေါ် Ultrasound နည်းပညာများဖြင့် ရောဂါကို မှန်ကန်စွာ သိရှိနိုင်ဖို့ စစ်ဆေးပေးလျက်ရှိပါတယ်။ ဒါကြောင့် ကိုယ့်မှာ မူမမှန်တဲ့ လက္ခဏာတွေဖြစ်ပေါ်နေတယ်ဆိုရင် မပေါ့ဆဘဲ Ultrasound စစ်ဆေးကာ အချိန်မီ ကုသမှုခံယူရင်း နောက်ဆက်တွဲ ပြဿနာများကို လျှော့ချနိုင်ဖို့ အကြံပြုလိုက်ရပါတယ်ခင်ဗျာ ✅

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ်✨🏥

#‌Ultrasound

22/07/2026

မိုးရာသီရောက်ပြီဆိုတာနဲ့ မဖြစ်မနေဂရုစိုက်ရမှာကတော့ ဝမ်းပျက်ဝမ်းလျှောရောဂါပါပဲ 🌧️

မိုးကောင်းလာတာနဲ့အမျှ ရာသီဥတုစိုစွတ်တာ ၊ ရေကြီးရေလျှံတာတွေဖြစ်တတ်တာ ၊ သောက်သုံးရေနဲ့ အစားအသောက်များ မသန့်ရှင်းမှုတွေပိုလာတာတွေကြောင့် Diarrhea လို့ခေါ်တဲ့ဝမ်းပျက်ဝမ်းလျှောရောဂါ ဖြစ်ပွားမှုက တခြားအချိန်ထက် ပိုများလေ့ရှိပါတယ်။ အထူးသဖြင့်ကလေးသူငယ်များ၊ သက်ကြီးရွယ်အိုများနဲ့ ကိုယ်ခံအားနည်းသူတွေမှာ ပိုပြီးဖြစ်ပွားတတ်ပါတယ်။

ဘက်တီးရီးယား၊ ဗိုင်းရပ်စ်၊ ကပ်ပါးပိုးများကြောင့် ဖြစ်ပွားရတဲ့ ဝမ်းပျက်ဝမ်းလျှောခြင်းဖြစ်ပြီဆိုရင် တစ်နာရီအတွင်း ဝမ်းပျော့ သို့မဟုတ် ဝမ်းအရည်ကို ၃ ကြိမ်နှင့်အထက် သွားနေတယ်ပါတယ်။ အခြားရောဂါလက္ခဏာတွေကတော့..
💢မကြာခဏ ဝမ်းသွားခြင်း
💢ဝမ်းအရည်များဖြစ်နေခြင်း
💢ဗိုက်အောင့်ခြင်း၊ ဗိုက်နာခြင်း
💢ရေငတ်ခြင်း၊ ခံတွင်းခြောက်ခြင်း
💢ဆီးနည်းလာခြင်း
💢ပျို့အန်ခြင်း၊ မူးဝေခြင်း
💢ကိုယ်အပူတက်ခြင်းတို့ကြုံရတတ်ပါတယ်။

ဝမ်းပျက်ဝမ်းလျှောခြင်းကို ကာကွယ်ဖို့အတွက်..
🧼 အစာမစားခင်နှင့် အိမ်သာတက်ပြီးတိုင်းမှာ လက်ကို ဆပ်ပြာဖြင့် အနည်းဆုံး စက္ကန့် ၂၀ ကြာ ဆေးကြောပါ။
💧 သန့်ရှင်းတဲ့ သောက်ရေ၊ ကျိုချက်ထားတဲ့ ရေကိုသာ သောက်ပါ။
🍲 အစားအစာများကို သေချာကျက်အောင်ချက်ပြီး ပူပူနွေးနွေးစားသုံးပါ။
🍔မသန့်ရှင်း၊မလတ်ဆတ်သောသောအစားအစာများကို သတိထားစားသုံးပါ။
🥬 သစ်သီးနှင့် ဟင်းသီးဟင်းရွက်များကို သေချာဆေးကြောပြီးမှ စားသုံးပါ။
🪰 ပိုးမွှား ယင်ကောင်များ မနားစေရန် အစားအသောက်များကို အမြဲဖုံးအုပ်ထားရပါမယ်။

ဝမ်းပျက်ဝမ်းလျှောဖြစ်ပြီဆိုတာနဲ့ ပထမဦးဆုံးအနေနဲ့ ဆုံးရှုံးသွားတဲ့ ရေနဲ့ ဓာတ်ဆားကို ပြန်လည်ဖြည့်တင်းပေးဖို့အရေးကြီးပါတယ်။ ဒါကြောင့် မဖြစ်မနေ ဓာတ်ဆားသောက်ပါ။ ရေများများသောက်ပါ။ အစာမဖြတ်ဘဲ အစာပျော့များကို ဆက်လက်စားသုံးပေးဖို့လည်းလိုပါတယ်။

ဝမ်းပျက်ဝမ်းလျှောခြင်းက မသက်သာလာပဲ..
⚠️ ဝမ်းထဲမှာ သွေးပါလာခြင်း
⚠️ အဖျားကြီးခြင်း
⚠️ အန်တာ မရပ်ခြင်း
⚠️ ရေမသောက်နိုင်ခြင်း
⚠️ ဆီးမသွားတော့ခြင်း
⚠️ မူးဝေပြီး သတိလစ်ချင်သလိုဖြစ်ခြင်းတွေကြုံရပြီဆိုရင်တော့ တော်ဝင်တာချီလိတ်ကဲ့သို့ စိတ်ချယုံကြည်ရတဲ့ နီးစပ်ရာဆေးရုံဆေးခန်းတွေကို အမြန်ဆုံးပြသပြီး မှန်ကန်တဲ့ကုသမှုခံယူနိုင်ဖို့အရေးကြီးပါတယ်။

ကြိုတင်ကာကွယ်ခြင်းဟာ အဓိကကျပြီး အချိန်မီမှန်ကန်တဲ့ကုသခြင်းဟာ နောက်ဆက်တွဲပြဿနာများကို လျှော့ချနိုင်ဖို့
အရေးကြီးတာမလို့ မိုးရာသီမှာ ဝမ်းပျက်ဝမ်းလျှောခြင်းကင်းဝေးဖို့ သတိပြုဂရုစိုက်ကြပါစို့ခင်ဗျာ 🌧️

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ်✨🏥

16/07/2026

ယုံကြည်စိတ်ချရတဲ့ ဆေးရုံကို ရွေးချယ်နိုင်မှသာ ကိုယ့်ရဲ့ ကျန်းမာရေးအတွက် စိတ်အေးရမှာပါ ✅

ကျန်းမာရေးအတွက် ကြိုတင်စစ်ဆေးမှုတွေလုပ်တဲ့အခါပဲဖြစ်ဖြစ်၊ ရောဂါတစ်ခုခုကို ကုသမှုခံယူဖို့ပဲဖြစ်ဖြစ် မှန်ကန်တဲ့ ဆေးရုံဆေးခန်းကို ရွေးချယ်နိုင်ဖို့ အရေးအကြီးဆုံးပါပဲ။ ။ ဒါ့အပြင် ငွေရေးကြေးရေးပိုင်းနဲ့ နောက်ဆက်တွဲကိစ္စရပ်တွေ အဆင်ပြေဖို့အတွက်ပါ များစွာသက်ရောက်မှုရှိနိုင်ပါတယ်။

ဆေးရုံတစ်ရုံက ကောင်းမွန်တဲ့ ဆေးကုသမှုကို ပေးနိုင်ဖို့ဆိုတာ ခေတ်မီစက်ကိရိယာများ ရှိနေရုံသာ မဟုတ်ဘဲ ✨ကျွမ်းကျင်တဲ့ ဆရာဝန်ကြီးတွေနဲ့ ဆေးဘက်ဆိုင်ရာအဖွဲ့၊
✨တိကျတဲ့ ရောဂါရှာဖွေစစ်ဆေးမှု၊
✨သန့်ရှင်းပြီး လုံခြုံတဲ့ နေရာထိုင်ခင်း ပတ်ဝန်းကျင်၊ ✨နိုင်ငံတကာစံနှုန်းနဲ့အညီ ဆောင်ရွက်တဲ့ ဝန်ဆောင်မှုနဲ့ စနစ်တွေရှိနေဖို့လိုအပ်ပါတယ်။
ဒါ့အပြင် စေတနာကိုအရင်းခံတဲ့ နွေးထွေးပျူငှာတဲ့ စောင့်ရှောက်ပေးနိုင်မှုကလည်း အဓိကကျလို့နေပါတယ်။

တော်ဝင်တာချီလိတ်အထူးကုဆေးရုံကြီးမှာတော့ အထက်ပါအရည်အသွေးတွေကို အမြဲပြည့်မီအောင် ဂရုစိုက်ဖြည့်ဆည်းနေပြီး အကောင်းဆုံးဝန်ဆောင်မှုပေးနိုင်ဖို့ အစဉ်တစိုက်ကြိုးစားနေပါတယ်။ စေတနာမေတ္တာကို အခြေခံထားတဲ့ မှန်ကန်တဲ့ စီမံခန့်ခွဲမှုတွေနဲ့အတူ လူနာကိုအဓိကထားတဲ့ စနစ်နဲ့ လုပ်ထုံးလုပ်နည်းတွေကို အမြဲတမ်းတိုးတက်ပြည့်မီအောင် လုပ်ဆောင်နေတဲ့အပြင် သင့်တင်မှန်ကန်တဲ့ နှုန်းထားတွေကြောင့်လည်း တာချီလိတ်နှင့် ရှမ်းရှေ့တစ်ခွင်မှာတော့ အများက စိတ်ချယုံကြည်မှုအပြည့်နဲ့ အားထားရတဲ့ ဆေးရုံအဖြစ်ရပ်တည်လို့နေပါတယ်။

ကိုယ်ကိုယ်တိုင်နဲ့ ကိုယ်အလေးထားရတဲ့ မိသားစုရဲ့ကျန်းမာရေးအတွက် ယုံကြည်စိတ်ချရတဲ့ ဆေးရုံဆေးခန်းဆိုတာဟာ ကိုယ့်အတွက် အမြဲအဆင်သင့်ဖြစ်နေတဲ့ စစ်မှန်တဲ့ မိတ်ကောင်းဆွေမွန်တစ်ယောက်လိုပါပဲ။ တော်ဝင်တာချီလိတ်ဟာ အကောင်းဆုံးကျန်းမာရေးစောင့်ရှောက်မှုတွေနဲ့ ဝန်ဆောင်ပေးဖို့ အသင့်ရှိနေပါတယ် 🙏

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ်✨🏥

09/07/2026

💢𝐕𝐚𝐜𝐚𝐧𝐜𝐲 𝐀𝐧𝐧𝐨𝐮𝐧𝐜𝐞𝐦𝐞𝐧𝐭💢
Staff Nurse/ Ward Nurse / Mid-wife - 5 posts
💫အလုပ်လျှောက်ထားလိုသူများသည် အောက်ဖော်ပြပါ အချက်အလက်များနှင့်တကွ အာတော်ဝင်တာချီလိတ်အထူးကုဆေးရုံတွင် လူကိုယ်တိုင်လာရောက်၍လည်းကောင်း၊ Email တိုက်ရိုက်ပေးပို့၍လည်းကောင်း လျှောက်ထားနိုင်ပါသည်။
1. Application form
2. Passport size ဓာတ်ပုံ (1)
3. မှတ်ပုံတင်မိတ္တူ
4. အိမ်ထောင်စုစာရင်းမိတ္တူ
5. ဘွဲ့လက်မှတ်/ Diploma လက်မှတ်မိတ္တူ
6. အခြားပညာအရည်အချင်းနှင့်ပတ်သက်သည့်အောင်လက်မှတ်မိတ္တူ
📩𝗘𝗺𝗮𝗶𝗹 𝗮𝗱𝗱𝗿𝗲𝘀𝘀: [email protected]

Royal Tachileik Hospital-တော်ဝင်တာချီလိတ် အထူးကုဆေးရုံ

09/08/2026

05/08/2026

05/08/2026

04/08/2026

01/08/2026

31/07/2026

27/07/2026

22/07/2026

16/07/2026

09/07/2026

Address

Telephone

Website

Alerts

Contact The Business

Shortcuts

Share

Listing takedown request