11/07/2024
#ကလေးငယ်များနှင့် ကာလဝမ်းရောဂါ
ကလေးရော လူကြီးပါ ဂရုစိုက်ရမှာဖြစ်ပေမယ့် ကလေးတွေကို မိဘတွေအနေနဲ့ သတိထားပေးရမယ့် အချက်တွေကို ဖော်ပြပေးလိုက်ရပါတယ်။
ကာလဝမ်းရောဂါက အသက်အန္တရာယ်ဖြစ်နိုင်ပေမယ့် ရောဂါကို ကာကွယ်နိုင်သလို စောစောသိရပါက အချိန်မှီကုသလို့လည်းရတယ်။
ဘယ်လိုအချက်တွေသတိထားရမလဲ
ကာလဝမ်းရောဂါရဲ့ လက္ခဏာအများစုက သာမန်ဝမ်းလျှောတာနဲ့တူပြီး တခြားအကြောင်းကြောင့်ဖြစ်တဲ့ ဝမ်းရောဂါတွေနဲ့ ခွဲရခက်တတ်ပါတယ်။
အသက်အရွယ်မရွေး ဖြစ်နိုင်တယ်။
ကာလဝမ်းရောဂါရဲ့ အဖြစ်များတဲ့ လက္ခဏာများ
၁။ဝမ်းလျှောခြင်း
ကာလဝမ်းကြောင့်ဖြစ်သော ဝမ်းအရောင်က ဖျော့ပြီး နို့ရောင်လို ခပ်နောက်နောက်ဖြစ်တတ်တယ်။ ဆန်ဆေးရည်လိုမျိုးဖြစ်တယ်။
၂။ပျို့အန်ခြင်း
ကာလဝမ်းရောဂါရဲ့ အစောဆုံးအဆင့်မှာ အဖြစ်များတယ်။
၃။ရေဓါတ်ခန်းခြောက်ခြင်း
ကာလဝမ်းရောဂါ လက္ခဏာပြပြီး နာရီပိုင်းအတွင်းမှာ ရေဓါတ်ခမ်းခြောက်နိုင်ပါတယ်။
၄။ကိုယ်တွင်းရှိဓါတ်များ ကမောက်ကမဖြစ်ခြင်း
ကြွက်တက်ခြင်းနဲ့ ရှော့ခ်ရခြင်းလို ဆိုးရွားပြင်းထန်တဲ့ လက္ခဏာတွေ ဖြစ်သွားတတ်ပါတယ်။
ရောဂါကာကွယ်ဖို့ ဘာတွေလုပ်ဆောင်ရမလဲ
၁။နို့တိုက်မိခင်များ နို့မတိုက်ခင် လက်သေချာ ဆေးပြီးမှ နို့တိုက်ပါ။
ကလေးငယ်များ အစာမကျွေးခင် လက်သေချာ ဆေးပြီးမှ ကျွေးပါ။
၂။ လက်ကို ဆပ်ပြာနဲ့ ရေနဲ့ မကြာခဏဆေးခြင်း။ အထူသဖြင့် အစားမစားခင်နှင့် အိမ်သာသွားပြီးချိန်
ကျောင်းနေအရွယ် ကလေးတွေကိုလဲ မိဘများအနေဖြင့် အစားမစားခင်နှင့် အိမ်သာတက်ပြီးတိုင်းလက်ဆေး ဖို့ သင်ကြားပေးထားပါ။
၃။ သန့်စင်သောရေကိုသာ သောက်ခြင်း
ရေသန့်ဗူးကြီးများဖြစ်စေကာမူ ယခုလိုကာလတွင် ကျိုချက်ပြီးမှ သောက်ပါ။
၄။ ဖြစ်နိုင်လျှင် ယခုလို ကာလမျိုးတွင် ယင်နားစာ ၊ အပြင်စာများကို ရှောင်ပါ။
၅။ ကျက်အောင်မချက်ထားသော အသား သို့မဟုတ် ငါးနဲ့ ပင်လယ်စာတွေကို ရှောင်ပါ။
၆။ ကလေးငယ်များ ကျောင်းသွားပါ အိမ်ကမုန့်သာထည့်ပေးပါ။ လတ်တလောအခြေအနေအရအပြင်စာများ ဝယ်ကျွေးခြင်းမျိုးရှောင်ပါ။
၇။ Probiotic supplement တမျိုးမျိုးသောက်ပါ။
အရေးပေါ်အခြေအနေများ
၁။ ဝမ်းထဲတွင် သွေးပါခြင်း
၂။ အဖျားကြီးခြင်း
၃။ မခံမရပ်နိုင်အောင် ဗိုက်နာခြင်း
ဝမ်းသွားပါက
၁။ BPI ဓာတ်ဆား သို့မဟုတ် Peditral ဓာတ်ဆားရေ 1 Litre (1000 ml) နှင့် ဖျော်ပြီးဝင်အောင်သောက်ပါ။
ကလေးငယ်များကိုတော့ Pharolit ဓာတ်ဆားကို ရေ 200 ml နှင့် ဖျော်တိုက်ပါ။
၂။ပိုးသတ်ဆေးများမိမိ သဘောနှင့် သောက်သုံးတာမျိုးရှောင်ပါ။
၃။ အစားမဝင်ပါက သို့မဟုတ် အထက်ဖော်ပြပါ အချက်များတွေ့ရှိရပါက ဆေးရုံဆေးခန်းပြသပါ။
သင်ကိုယ်တိုင်ကသင့်အတွက် အကောင်းဆုံးဆရာဝန်ပါ။
တစ်ယောက်ချင်းစီတိုင်း စိတ်ရောကိုယ်ပါကျန်းမာကြပါစေ
ဒေါက်တာရဲရင့်
အာဟာရအထူးပြု
#ကျန်းမာရေး
