HIV Knowledge and ရွင္သန္ျခင္း

23/06/2026

HIV Test ဆိုတာဘာလဲ?
HIV Test ဆိုသည်မှာ လူ့ခန္ဓာကိုယ်အတွင်း လူ့ခုခံအားကျဆင်းမှုဗိုင်းရပ်စ် (HIV) ရှိ၊ မရှိကို စစ်ဆေးသိရှိရန် ပြုလုပ်သော ဆေးစစ်ချက်ဖြစ်သည်။
HIV စစ်ဆေးမှုတွင် အောက်ပါအရာများကို စစ်ဆေးနိုင်ပါသည်။
HIV ပဋိပစ္စည်း (Antibodies) – HIV ဗိုင်းရပ်စ်ကို တုံ့ပြန်ရန် ခန္ဓာကိုယ်က ထုတ်လုပ်သော ခုခံကာကွယ်ပစ္စည်းများ
HIV အန်တီဂျင် (Antigens) – HIV ဗိုင်းရပ်စ်၏ အစိတ်အပိုင်းတစ်ခုဖြစ်သော ပရိုတိန်းများ
ဗိုင်းရပ်စ်၏ မျိုးရိုးဗီဇပစ္စည်း (Viral Genetic Material) – HIV ၏ RNA သို့မဟုတ် DNA ကို တိုက်ရိုက်စစ်ဆေးခြင်း
HIV Test ပြုလုပ်ခြင်း၏ အရေးပါမှု
HIV ကူးစက်မှုကို စောစီးစွာ သိရှိနိုင်သည်။
လိုအပ်သော ကုသမှု (ART) ကို အချိန်မီ စတင်နိုင်သည်။
မိမိကျန်းမာရေးကို ကောင်းမွန်စွာ စီမံနိုင်ပြီး အခြားသူများထံ ကူးစက်မှုလျှော့ချနိုင်သည်။
သတိပြုရန် – HIV စစ်ဆေးမှုသည် လျှို့ဝှက်မှုကို ကာကွယ်ထားသော၊ လုံခြုံပြီး အရေးကြီးသော ကျန်းမာရေးဝန်ဆောင်မှုတစ်ခုဖြစ်သည်။ HIV ရှိခြင်းကို စောစီးစွာ သိရှိခြင်းက ကုသမှုနှင့် ကျန်းမာသော ဘဝနေထိုင်မှုအတွက် အလွန်အရေးကြီးပါသည် ။
JUNE 27 ရက် နေ့ သည် HIV သွေးစစ်ဆေးမူ အထိမ်းအမှတ်နေ့ ဖြစ်ပြီး မိမိတို့ တွင် HIV ရှိ မရှိ စောစီးစွာ စစ်ဆေးကြည့်ခြင်းဖြင့် ပူးပေါင်းပါဝင်နိူင်ပါသည် ။
ကောင်စယ်လင်း Counseling လိုအပ်ပါက ယုံကြည်စိတ်ချစွာ တိုင်ပင်ဆွေးနွေးနိူင်ပါသည် ။
ဆက်သွယ်ရန် ဖုန်း 09441430034
ကျန်းမာပျော်ရွှင်စွာ ပုံမှန်နေထိုင်မူ ရရှိနိူင်ပါစေ ။
HHIG

21/06/2026

HIV News 😢😢
အ​မေရိကန်က တောင်အာဖရိကရှိ HIV တိုက်ဖျက်ရေးအတွက် ရန်ပုံငွေထောက်ပံ့မှု ရပ်ဆိုင်းမည်

တောင်အာဖရိကနိုင်ငံရှိ HIV နှင့် AIDS ကူးစက်ပြန့်ပွားမှု တိုက်ဖျက်ရေး အစီအစဉ်များအတွက် ထောက်ပံ့နေ သည့် ရန်ပုံငွေများကို ရပ်ဆိုင်းတော့မည်ဖြစ်ကြောင်း အမေရိကန်အစိုးရက ​ကြေညာလိုက်သည်။ လက်ရှိ တောင်အာဖရိကတွင် HIV ကူးစက်ထားသူ ရှစ်သန်းကျော်ရှိနေပြီး ကမ္ဘာပေါ်တွင် ပမာဏအများဆုံးဖြစ်သည်။

အမေရိကန် နိုင်ငံခြားရေးဝန်ကြီးဌာန၏ အဆိုအရ ယခုကဲ့သို့ ရန်ပုံငွေဖြတ်တောက်ရခြင်းမှာ တောင်အာဖရိက အစိုးရက လူနည်းစုလူဖြူ အာဖရီကန်နာ အသိုင်းအဝိုင်းကို ကာကွယ်စောင့်ရှောက်ရန် ပျက်ကွက်ခဲ့ခြင်းကြောင့် ဖြစ်ကာ၊ တောင်အာဖရိက အစိုးရဘက်ကမူ ယင်းစွပ်စွဲချက်ကို အကြိမ်ကြိမ်ငြင်းဆိုခဲ့သည်။ တောင်အာဖရိက ကျန်းမာရေးဝန်ကြီးဌာနက အမေရိကန်၏ တရားဝင်အကြောင်းကြားစာ မရသေးသော်လည်း ကိုယ်ထူကိုယ်ထ အစီအစဉ်တစ်ရပ်ကို ကြိုတင်ပြင်ဆင်ထားသည်ဟု ဆိုသည်။

အမေရိကန်အစိုးရသည် ၂၀၂၅ ခုနှစ်အထိ အေအိုင်ဒီအက်စ် ကယ်ဆယ်ရေး အရေးပေါ်ရန်ပုံငွေ (Pepfar) မှတစ်ဆင့် တောင်အာဖရိက၏ HIV တိုက်ဖျက်ရေးအတွက် တစ်နှစ်လျှင်ခန့်မှန်းခြေ အမေရိကန်ဒေါ်လာ သန်း ၄၀၀ ပံ့ပိုးပေးခဲ့သည်။ သို့သော် ဒေါ်နယ်ထရန့် သမ္မတဖြစ်လာပြီးနောက်ပိုင်း နှစ်နိုင်ငံဆက်ဆံရေး သိသိသာသာ ဆိုးရွားလာခဲ့သည်။

ထရန့်က တောင်အာဖရိကတွင် လူဖြူမျိုးတုံးသတ်ဖြတ်မှု ဖြစ်ပွားနေသည်ဟု စွပ်စွဲပြောဆိုခဲ့ပြီး အနောက်ဥရောပနွယ်ဖွား အာဖရီကန်နာများအတွက် ဒုက္ခသည်အစီအစဉ်တစ်ခုကို အမေရိကန်အစိုးရက ဖော်ဆောင်ပေးခဲ့သည်။ လက်ရှိတွင် ယင်းလူဖြူအုပ်စုက အမေရိကန်နိုင်ငံအတွင်း ဝင်ရောက်ခွင့်ရသည့် တစ်စုတည်းသော ဒုက္ခသည်များ ဖြစ်နေသည်။

#အ​မေရိကန် တိုက်ဖျက်ရေး #တောင်အာဖရိ

■Website Link - - - >>>https://news-eleven.com/article/312842

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

တောင်အာဖရိကနိုင်ငံရှိ HIV နှင့် AIDS ကူးစက်ပြန့်ပွားမှု တိုက်ဖျက်ရေး အစီအစဉ်များအတွက် ထောက်ပံ့နေ သည့် ရန်ပုံငွ.....

21/06/2026

HIV(+) ဖြစ်နေသူများ ကျန်းမာစွာ နေထိုင်နိူင်မည့် နည်းလမ်း ..❤❤❤

၁။ HIV ပိုး ထပ်မံကူးစက်ခြင်း မခံရအောင် ရှောင်ကြဉ်ပါ။
(လိင်ဆက်ဆံတိုင်း ကွန်ဒုံးကို အသုံးပြုပါ။) ======HIV ပိုးရှိသူ အချင်းချင်း လိင်ဆက်ဆံပါကလည် ကွန်ဒုံး သုံးပါ ။

၂။ တစ်ခြားကူးစက်ရောဂါများ ကူးစက် မခံရအောင် ရှောင်ကြဉ်ပါ။

၃။ အာဟာရပြည့်အောင် စားသုံးပါ။ အသားဓာတ်၊ ကစီဓာတ်၊
အဆီဓာတ်၊ ဗီတာမင်ဓာတ်နှင့် သတ္တုဓာတ်များ အချိုးကျ ပါဝင်ပါစေ။ သန့်ရှင်း လတ်ဆတ်သော အသီးအနှံနှင့်
ဟင်းသီးဟင်ရွက် မျိုးစုံကို တတ်နိုင်သလောက် စားပါ။

၄။ ဆေးလိပ်၊ အရက်နှင့် မူးယစ်ဆေးဝါးကို ရှောင်ကြဉ်ပါ။

၅။ အိပ်ရေးဝအောင် အိပ်ပါ။

၆။ သင့်တင်မျှတသော အားကစား လေ့ကျင့်မှုကို ပုံမှန်ပြုလုပ်ပါ။
မိမိစိတ် ပျော်ရွှင် ချမ်းမြေ့စေသော အားကစားမျိုး ဖြစ်ပါစေ။ လွန်လွန်ကဲကဲ လေ့ကျင့်ခန်း
ပြုလုပ်ခြင်းများ ရှောင်ကြဉ်ပါ။

၇။ အလုပ် ပင်ပင်ပန်းပန်း လုပ်ခြင်းကို ရှောင်ကြဉ်ပါ။

၈။ အပြုသဘောဆောင်သည့် စိတ်ထား မွေး၍ အရာရာကိုအကောင်းဘက်မှ အမြဲ ကြည့်တတ်ပါစေ။

၉။ စိတ်ဆိုးခြင်း၊ ဒေါသထွက်ခြင်း၊ စိတ်ဓာတ်ကျခြင်း၊
စိုးရိမ်သောကများခြင်း တို့ကို တတ်နိုင်သလောက် လျှော့ချပါ။

၁၀။ စိတ်တည်ငြိမ်မှု ရစေရန် တရားထိုင်ပါ။

၁၁။ စိတ်ချမ်းသာမှုကို ဖြစ်စေသည့် ဂီတ၊ သီချင်း နားထောင်ခြင်း၊
တီးမှုတ်ခြင်းတို့ကို ပြုလုပ်၍ စိတ် အပင်ပန်းဖြေပါ။

၁၂။ မိမိတို့ကိုးကွယ်ရာ ဘာသာအလိုက် ကျန်းမာရေး ကောင်းမွန် လာစေရေးအတွက် လေးနက်စွာ ဆုတောင်းယူပါ။

၁၃။ မိသားစု၊ သူငယ်ချင်းများနှင့် ပုံမှန် တွေ့ဆုံပါ.

၁၄။ ဆရာဝန်နှင့် ပုံမှန်စမ်းသပ် စစ်ဆေးမှုကို ခံယူ၍ ညွှန်ကြားချက်အတိုင်း လိုက်နာကျင့်သုံးပါ။

၁၅။ ဆေးကုသမှု ခံယူခဲ့လျှင် မိမိအား ကုသပေးမည့် ဆရာဝန်အားမိမိ၌ HIV ပိုး ကူးစက် ခံထားရကြောင်း အသိပေးပါ။

၁၆။ မိမိကိုယ်တွင်းမှ HIV ပိုး အခြားသူများသို့
မကူးစက်စေရန် သတိပြုပါ -

(က) လိင်ဆက်ဆံတိုင်း ကွန်ဒုံးသုံးပါ။

(ခ) သွေး၊ သုက်နှင့် ကိုယ်အင်္ဂါ အစိတ်အပိုင်းများ၊
ကျောက်ကပ်၊ မျက်ကြည်လွှာ လှူဒါန်းခြင်း မပြုပါနှင့်။

(ဂ) ဆေးထိုးအပ်များကို သူများနှင့် ခွဲဝေ မသုံးစွဲပါနှင့်၊
တစ်ခါသုံး အပ်သာ အသုံးပြုပါ။

(ဃ) သွားတိုက်တံ၊ မုတ်ဆိတ်ရိတ် ကိရိယာများကိုလည်း
တခြားသူများနှင့် မျှဝေသုံးစွဲခြင်း မပြုပါနှင့်။

၁၇။ တစ်ကိုယ်ရေ သန့်ရှင်းမှုကို ဂရုစိုက်ပါ။ ဝမ်းလျှောဝမ်းပျက်
ရောဂါများ မရစေရန် အစားမစားမီ လက်ကို စင်ကြယ်စွာ ဆေးကြောပါ။ အိမ်သာတက်ပြီး မြေကြီး
အညစ်အကြေးများနှင့် ထိတွေ့ပြီးလျှင် လက်ကို စင်ကြယ်စွာ ဆေးကြောပါ။

၁၈။ မသန့်ရှင်းသော ရေများကို မသောက်သုံးသင့်ပါ။
ချောင်းရေ၊ မြစ်ရေ၊ ကန်ရေများကို မကျိုချက်ဘဲ မသောက်သုံးသင့်ပါ။

၁၉။ အသားစိမ်း၊ ငါးစိမ်း၊ ကြက်ဥ၊ ဘဲဥအစိမ်းများကို
မစားသုံးသင့်ပါ။

၂၀။ အရေပြားတွင် သွေးထွက်သော ထိခိုက်ဒဏ်ရာရှိပါက
ပလာစတာဖြင့် ကပ်ခြင်း၊ ပတ္တီး စီးခြင်းများ ပြုလုပ်၍ ဖုံးအုပ် ထားသင့်ပါသည်။

၂၁။ နှာစေး၊ ချောင်းဆိုး ဖြစ်နေသူများ၊ အရေပြားတွင်
အနာဖြစ်နေသူများနှင့် နီးကပြ္စာ မနေခြင်းဖြင့် မိမ်ိကို ရောဂါများ ထပ်မံမကူးစက်အောင် နေသင့်ပါသည်။

၂၂။ မုတ်ဆိတ်ရိတ်ဓား၊ သွားတိုက်တံ၊ လက်သည်းညှပ်၊
နားကွင်းတို့ကို သူများနှင့် ခွဲဝေမသုံးသင့်ပါ

ART နှင့် PEP ဆေးဝါးများ အကြောင်း သိရှိလိုအက်ပပါက ဆက်သွယ်နိူင်ပါသည် ***
ကျန်းမာပျော်ရွှင်အေးချမ်းကြပါစေ
HHIG 🤺🤺🏋🏋🤼‍♂️🤼‍♂️🤼‍♂️⛹️‍♀️❤❤❤
Phone **09441430034*

20/06/2026

HIV နှင့် ART ဆေးအမျုိးအစား များ

HIV ရှိပါက ART ဆေး ပိုးထိန်းဆေးကို သောက်ကြရပါတယ်
×××ဆေးသောက်တဲ့အခါ ကိုယ်သောက်တဲ့ ဆေးဗူး အရောင် မှတ်ခြင်း / ဆေး လုံး အရောင်မှတ်ခြင်း က မှားနေပါတယ် 😏😏×××

ကိုယ် သောက်တဲ့ ဆေးဘူး မှာ ဆေးရဲ့ ပါဝင် မူ အမျိုးအစား ပါရှိပါတယ် 😊😊❤️
မိမိ သောက်နေသည် ဆေးအမျိုးအစား ကိုသာ မှတ်ထားသင့်ပါတယ် ***

ဆေးအမျိုအစား ကို မှတ်ထားပီး ကိုယ်သောက်တဲ့ဆေးအမျိုးအစား ဆေးအမျုိးအစား အတွဲ ကို ရောက်သည့်နေရာ နိုင်ငံခြားဖစ်စေ ပြည်တွင်းဖြစ်စေ ထုတ်ယူခြင်း/ ဝယ်ယူ သောက်သုံးခြင်း ပြုလုပ်လို့ရပါတယ် ***

ဆေးအတွဲတွေကနိင်ငံအလိုက်ကုမ္ပဏီမတူရင်
ဆေးဘူးပုံစံကွဲတတ်ကြပါတယ်...........

HIV နှင့် ဖြစ်စေ ဆေးနှင့်ပါတ်သက်၍ ဖြစ် စေယုံကြည်စိတ်ချစွာ တိုင်ပင်ဆွေးနွေး လို့ရပါတယ် 😀😊😊
မှာယူ ပါက မြို့တွင်းနယ်ဝေး ပို့ဆောင်ကူညီပေးပါတယ်
ကျန်းမာပျော်ရွှင်စွာ ပုံမှန်နေထိုင်မူ ရရှိပိုင်ဆိုင်ပါစေ
Please ဆက်သွယ်ရန် ph ..09441430034 or Pg Cb or Viber

20/06/2026

HIV ကာကွယ်ဆေး PEP နှင့် PreP ❤❤🎗
သောက်တော့မယ်ဆိုရင်
ဘယ်လိုရွေးချယ်မလဲ?🎗
ဘယ်ဆေးတွေသောက်မလဲ?🎗

အိပ်ချ်အိုင်ဗွီပိုးကူးစက်မှုကိုကာကွယ်ဖို့
PreP နဲ့ PEP ဆေးသောက်မယ်ဆိုရင်ရွေးချယ်
စရာဆေးတွဲတွေရှိပါတယ်....🎗🎗

NRTIs, NNRTIs, P*s, INTIs
စတဲ့ အဓိကဆေးအုပ်စုကြီး
(၄)မျိုးထဲမှထိရောက်တဲ့ဆေးအမျိုး
ပေါင်း(၂)မျိုး၊(၃)မျိုး၊(၄)မျိုးတို့အား
အန္တရာယ်အနည်းအများပေါ်မူတည်ပြီး
ပေါင်းစပ်ပေးရတာဖြစ်ပါတယ်....

အသုံးများတဲ့ ဆေးတွဲ (၂)မျိုးရှိပါတယ်၊
ဆေးတွေ​တစ်မျိုးနဲ့တစ်မျိုးကဘေးထွက်ဆိုးကျိုး
အနည်းငယ်ကွဲပြားပါတယ်....🎗🎗

ဈေးနူန်းလဲကွဲပြားမှုရှိပါတယ်....

အာနိသင်ရတာလဲကွဲပြားနိုင်ပါတယ်....

ဒါပေမယ့် ဘယ်ဆေးကိုပဲရွေးရွေး
အဓိကတွဲစပ်ရမည်ဖြစ်သောဆေးအုပ်စု
ကြီးများမှ ဆေးများပါဝင်တယ်ဆိုရင်
ကာကွယ်မှုရရှိနိုင်မှာဖြစ်ပါတယ်...🎗🎗

ဆေးသောက်နေစဉ်မှာလည်း ပြောင်းလဲမူ
တစ်ခုခုဖြစ်ပေါလာခြင်း.. အကြောင်းအရာ တစ်ချို့အတွက် သိရှိလိုခြင်း များ ရှိလာပါကလည်း
ဆေးရယူထားတဲ့နေရာသို့အကြောင်းကြားရမှာ
ဖြစ်တဲ့အတွက် ဆွေးနွေး တိုင်ပင်ပြီးမှ
သောက်သုံးကြဖို့ အကြံပြုလိုပါတယ် ❤❤..

🎗🎗Prep ကို မသောက်ထားဘဲ ကူးစက်နိူင်တဲ့ အပြုအမူ အဖြစ်အပျက် ရှိတယ် ဆိုယင် PEP ဆေး ကို ကြုိတင် သောက်သုံး ခြင်းဖြင့် HIV မကူးအောင် ကာကွယ် ပါ 🎗🎗
🎗🎗❤❤🎗🎗ကျန်းမာပျော်ရွှင်အေးချမ်းကြပါစေ
PEP နှင့် HIV ART ဆေးအကြောင်း သိလို ဆွေးနွေးလိုပါက Page Cb နှင့် Ph 09441430034 ကို ဆက်သွယ်
နိူင်ပါသည် ။


Knowledge
Ph 09441430034

17/06/2026

HIV ကာကွယ်ဆေးPEP❣🍮❓❓❓❓( pls စာလေးဆုံးအောင် ဖတ်ကြည့်ပါ အသိဖြင့် သတိနဲ့ ကာကွယ်ပါ)
PEP❣❓-post exposureost prophylaxis)လို့ခေါ်တဲ့အရေးပေါ်ကာကွယ်ဆေးပေါ့။ Post ဆိုတာက Afterပြီးနောက်လို့ အဓိပ္ပာယ် ဖွင့်ဆိုနိုင်ပါတယ်။ exposureဆိုတာက ထိတွေ့မှုပါ။ အန္တရာယ်ရှိတဲ့ ထိတွေ့မှု တွေ ဥပမာ လိင်အလုပ်သမနဲ့ အကာကွယ်မဲ့ လိင်ဆက်ဆံမိတာ၊ဒါမှ မဟုတ် ကွန်ဒုံးတော့ သုံးပါရဲ့။ လိင်ဆက်ဆံနေစဉ် ကွန်ဒုံး ပေါက်ပြဲသွားတာ၊ HIVပိုးရှိ လူနာကို ထိုးထားတဲ့အပ် နဲ့ ထိုးမိတာ၊ဓားရှမိတာ၊ HIVပိုးရှိသူနဲ့ မူးယစ်ဆေးထိုးအပ်အတူတူ မျှဝေသုံးမိတာတွေကိုဆိုလိုပါတယ်။အန္တရာယ်ရှိတဲ့ အပြုအမူ၊မတော်တဆမှုတွေ ဖြစ်ပြီးနောက် Prophylaxis ဆိုတာက ရောဂါကူးစက်မှုမဖြစ်အောင်ကာကွယ်တာ၊လျော့ပါးအောင် လုပ်ဆောင်တာကို ဆိုလိုပါတယ်။
ဒီဆေးက အန္တရာယ်ရှိ အပြုအမူ ပြုလုပ်ပြီး ဒါမှမဟုတ် မတော်တဆ ဖြစ်ပွားပြီးရ၂နာရီအတွင်းမှာပဲ သောက်လို့ရတဲ့ဆေး။၂၄နာရီ အတွင်းသောက်ရင် အကောင်းဆုံး ကာကွယ်မှုပေးနိုင်တယ်လို့ လေ့လာမှုတွေက ဆိုတယ်။ ရ၂ နာရီအတွင်းဆိုပေမဲ့ စောနိုင်သမျှ စောလေ အကောင်းဆုံးပါပဲ၊စောနိုင်သမျှစောလေ ကူးစက်မှု ကာကွယ်နိုင်မှု အမြင့်ဆုံးပေးနိုင်တယ်လို့ ဆိုပါတယ်။
❣🍮 HIV ရောဂါ ကူးစက်စေနိုင်တဲ့ အပြုအမူ (ဥပမာ ရောဂါရှိမှန်း၊မရှိမှန်း မသိတဲ့လူနဲ့ အကာကွယ်မဲ့ လိင်ဆက်ဆံတာ၊ မူးယစ်ဆေးထိုးအပ် မျှဝေသုံးမိတာ၊ HIVရှိလူနာကိုထိုးတဲ့ အပ်နဲ့ စူးမိတာ) ဖြစ်ပွားပြီး နောက် HIV ကူးစက်မှု လျော့နည်းအောင် ဆေး၂၈ ရက်သောက်ရတဲ့ ရေတို ကုသမှု တစ်ခုပါ။
PEP မှာ သောက်ရတဲ့ဆေးက စတင် ခဲ့ စဥ်က ဆေးအမျိူးအစားပါဝင်မူ နှစ်မျိုးသာ စပ်ခဲ့ပေမယ့် 2018 နောက်ပိုင်း သုံးမျိုး လေးမျိုး​ ပေါင်းစပ် တိုက်ကြပါတယ်..
NRTIs ဆေးနှစ်မျိုးနဲ့အတူ တတိယမြောက်ဆေးကတော့ P*s(Protease inhibitors) ဒါမှမဟုတ် NNRTIs ဒါမှမဟုတ် INSTIs အမျိုးနွယ်ဝင် ဆေးတစ်မျိုး သို့မဟုတ် နှစ်မျိုး ကို ထည့်ပေးကြမှာပါ။ ဒါက လူနာရဲ့ အသက်၊တခြားရောဂါတွေ ရှိမရှိ နဲ့ တခြားအခြေအနေများစွာ ဆရာဝန်က မေးမြန်းစမ်းသပ်ပြီးမှ သင့်တော်တဲ့ဆေးနဲ့ ကောင်းကျိုး၊ဆိုးကျိုးတွေ လူနာကို ရှင်းပြပြီး ရွေးချယ်ခိုင်းမှာပါ။
PEP❣☺ သောက်ရမယ့် လူနာ ဆေးတကယ်တမ်း မသောက်ခင်မှာ ပထမဦးဆုံး HIV ပိုး ရှိ မရှိ စစ်ဆေးရပါမယ်။
HIV ပိုး မကူးစက်အောင် ဆေးသောက်ရတာ ဖြစ်တဲ့ အတွက် ပိုးရှိနေပြီးသား လူကို PEP တိုက်စရာ မလိုပါဘူး။ ပိုးရှိနေသူက တစ်သက်လုံး ဆေးသောက်ရမှာပါ။
နောက် PEP က အန္တရာယ်ရှိတဲ့ အပြုအမူဖြစ်ပွားပြီး တစ်နည်းအားဖြင့် HIV ပိုးရှိသူနဲ့ ကူးစက်နိုင်လောက်တဲ့ ထိတွေ့မှု ဖြစ်ပြီး ရ၂ နာရီ အတွင်းသောက်မှ သာ အကျိုးရှိတာမို့ ရ၂ နာရီကျော်သွားရင် ကာကွယ်တဲ့ ရာခိုင်နူန်း နည်းသွားတတ်ပါတယ်
နောက်အဓိက အရေးကြီးဆုံးအချက်က အန္တရာယ်ရှိတဲ့ အပြုအမူက ဘယ်သူနဲ့ ဖြစ်ပွားခဲ့တာလဲ ထည့်သွင်း စဉ်းစားရပါမယ်။ ဥပမာ ဆရာဝန် တစ်ဦးက လူနာကို ဆေးထိုးရင်း အပ်စူးမိတယ်ဆိုပါစို့။ ဒီလူနာကို သွေးစစ်ကြည့်တဲ့အခါ HIVပိုး ရှိမနေဘူး။အဲဒီလူနာက လွန်ခဲ့တဲ့ ၆လအတွင်း ပိုးကူးစက်နိုင်တဲ့ အပြုအမူတွေလုပ်မထားဘူးဆိုရင် ဒီဆရာဝန်က PEP သောက်စရာ မလိုပါဘူး။ မိမိရည်းစားမှာ ဘာရောဂါမှ မရှိဘူး။ သူနဲ့ ကိုယ်ကလည်း သစ္စာရှိနေကြမယ်ဆိုရင် ဆေးသောက်စရာ မလိုပါဘူး။ နောက်တစ်ချက် ထည့်သွင်းစဉ်းစားဖို့လိုတာက ထိတွေ့မိတဲ့လူက HIV ရှိနေမယ်။ ဒါပေမယ့် ARVsဆေးတွေသောက်ပြီး ပိုးကောင်ရေက တိုင်းမရအောင်နည်းနေရင် သူ့ဆီကနေ အကာအကွယ်မဲ့ လိင်ဆက်ဆံခြင်းကနေတောင် ရောဂါ မကူးစက်တော့ဘူး undetectable = untransmitable (U=U)လို့ ကမ္ဘာ့ကျန်းမာရေး အဖွဲ့ကြီးက အတည်ပြုပေးထားပါတယ်။ ဒါကြောင့် ဘယ်သူနဲ့ ထိတွေ့ခဲ့တာလည်းကလည်း PEP သောက်သင့် မသောက်သင့် ဆုံးဖြတ်တဲ့ အချက်ထဲမှာ အဓိကကျနေပါတယ်။ HIV ပိုးကူးစက်ခံရဖို့ အခွင့်အလမ်းများသူတွေကတော့ လိင်အပျော်အပါးလိုက်စားသူတွေ၊လိင်လုပ်သားတွေ၊တစ်ဦးထက်ပိုတဲ့ လိင်တူ/လိင်ကွဲဆက်ဆံတဲ့အမျိုးသားတွေ၊မူးယစ်ဆေးသွေးကြောထဲထိုသွင်းသူတွေ၊ကာလာသားရောဂါဖြစ်ပွားဖူးသူတွေ၊ကာလရှည်စွာ အိမ်မှထွက်ခွာကာ လှည့်လည်လုပ်ငန်းဆောင်ရွက်နေသူတွေပဲ ဖြစ်ပါတယ်။
နောက် PEP ပေးသင့် မပေးသင့် ဆုံးဖြတ်တဲ့ ကိစ္စတွေမှာ ဘယ်အရာနဲ့ ထိတွေခဲ့တာလဲဆိုတာပါဝင်ပါတယ်။ HIV ကူးစက်နိုင်တဲ့ နည်းတွေက

၁။ ရောဂါရှိသူရဲ့ သွေး၊ သွေးနဲ့ထိတွေ့ထားတဲ့ ပစ္စည်းတွေကတဆင့် ကူးစက်ခံရခြင်း
- သွေးသွင်းခြင်း
- ဆေးထိုးအပ် မျှဝေသုံးစွဲခြင်း
- မတော်တဆ အပ်စူးခြင်း

၂။ ရောဂါပိုးရှိသူနဲ့ အကာအကွယ်မဲ့ လိင်ဆက်ဆံခြင်း
- ရောဂါရှိသူ၏ မိန်းမကိုယ်(Vagina) အတွင်းသို့ လိင်တံထိုးသွင်းခြင်း
- ရောဂါရှိသူ၏ လိင်တံကို မိန်းမကိုယ်အတွင်းသို့ ထိုးသွင်းခံခြင်း
- ရောဂါရှိသူ၏ စအို အတွင်းသို့ လိင်ဆက်ဆံခြင်း
- ရောဂါရှိသူ၏ လိင်တံဖြင့် စအိုအတွင်းသို့ ထိုးသွင်းခံခြင်း
- ရောဂါရှိသူ၏ ပါးစပ်ဖြင့် လိင်ဆက်ဆံခြင်း
- ရောဂါရှိသူမှ ပါးစပ်အတွင်းသို့ လိင်ဆက်ဆံခြင်း

၃။ HIV ပိုးရှိသူမိခင်မှ ကလေးသို့ ကူးစက်ခြင်း
(HIV အတွက် ကုသမှု မခံယူထားတဲ့ မိခင်၊
ဆရာဝန်ညွှန်ကြားချက်အတိုင်း မလိုက်နာဘဲ မီးဖွားတဲ့ မိခင်တွေကို အဓိကဆိုလိုပါတယ်)

❣☺ HIV ပိုးဟာ သွေး၊သွေးပါတဲ့ တံတွေး၊
သုက်ရည်၊လိင်အဂါင်္ကနေထွက်တဲ့ အရည်၊မိခင် နို့ရည်၊
၊ ကိုယ်ဝန်သန္ဓေသားကိုဝန်းရံထားသော အရည်များ (Amniotic Fluid)ရေမွှာ၊ ဦးနှောက်၊အာရုံကြောတွင်းရည်တွေ၊၀မ်းဗိုက်အတွင်းအရည်တွေ၊အဆစ်အတွင်းအရည်တွေ၊ နှလုံးနံရံကြားက အရည်တွေနဲ့ အဆုတ်အလွှာကြားက အရည်တွေမှာ တခြားလူကို ကူးစက်နိုင်ဖို့ HIV ပိုး အလုံ အလောက်ပါပါတယ်။ဒီအရည်တွေနဲ့ အသားနုအတွင်းအမြှေးပါ ထိတွေ့မိတဲ့အခါ ဥပမာ
လိင်ဆက်ဆံတာ၊ ကူးစက်နိုင်တဲ့ အထက်ပါအရည်တွေ မျက်စိ၊နှာခေါင်းနဲ့ ပါးစပ် ထဲဝင်တာ၊စင်တာ။ ဒီအရည်တွေကို ဆေးထိုးအပ်ကတစ်ဆင့် ဒါမှမဟုတ် အရည်နဲ့ ထိတွေ့ထားတဲ့ ပစ္စည်းတွေက တစ်ဆင့် အသား၊ သွေးကြောအတွင်း ထိုးသွင်းမိတဲ့ အခါ PEP သောက်ဖို့ လိုပါတယ်။ ထိတွေ့မှုဖြစ်တဲ့အခါ
အရေပြားဆိုရင် ရေ၊ ဆပ်ပြာနှင့်စင်အောင်ဆေးပါ။
အမြှေးပါးဆိုရင် ရေနဲ့စင်အောင်ဆေးပါ။ သွေးတွေ ညှစ်ထုတ်တာမျိုး မလုပ်သင့်ပါဘူး။
HIV❣🍮 ပိုးဟာ မျက်ရည်၊ချွေး၊ ဆီးနဲ့ တံတွေး( သွေးမပါတဲ့) မှာ တခြားလူကို ကူးစက်ဖို့ လုံလောက်တဲ့ ပမာဏ မပါရှိပါဘူး။ ဒါကြောင့် ရောဂါရှိသူရဲ့ ဒီအရည်တွေနဲ့ ထိတွေ့မိရင် PEP သောက်စရာ မလိုပါဘူး။။
PEP သောက်တဲ့အခါ ဆေးမှန်၊အချိန်မှန် နဲ့ ၂၈ ရက်တိတိ သောက်ရပါမယ်။တစ်နေ့ကို ဆေးတစ်ကြိမ်လား နှစ်ကြိမ်လားက ပေးတဲ့ ဆေးအပေါ် မူတည်ပါတယ်။ အများစုကတော့ တစ်ရက်တစ်ကြိမ်ဆေးပါ။ ဆေးရဲ့ ဆိုးကျိုး အနည်းငယ် ရှိပါတယ်။ ဆိုးကျိုးတွေကတဲ့ ပေးတဲ့ ဆေးအပေါ်မူတည်ပြီး ပြောင်းလဲနိုင်ပါတယ်။ ဥပမာ ပျို့အန်တာ။ခေါင်းမူးတာ၊ မျက်လုံးဝါတာ၊ဝမ်းလျှောတာတွေ ဖြစ်တတ်ပါတယ်။ PEP သောက်တဲ့လူဟာ ဆေးမသောက်ခင် HIV မရှိကြောင်း သွေးတစ်ကြိမ် စစ်ရပါမယ်။ ။PEPရဲ့ HIV ကူးစက်နှုန်း ကာကွယ်ပေးနိုင်မှု စွမ်းအားက အန္တရာယ်ရှိတဲ့ ထိတွေ့မှု ဖြစ်ပြီး စောနိုင်သမျှ ဆေးစောသောက်တာ၊ အချိန်မှန်၊ဆေးပမာဏမှန် ၂၈ ရက်သောက်တာပေါ် မူတည်ပါတယ်။ ။အထူးသတိပေးလိုတာက PEP ဆိုတာ အရေးပေါ် အခြေအနေမှာ သုံးတဲ့ဆေးပါ။ ဆေးသောက်ပြီဆိုရင်လည်း ၂၈ရက်တိတိ သောက်ရပါမယ်။

ဆေးကုန်ပြီးယင် သွေးပြန်စစ်လို့ရပါပြီ..

(@@ Page အနေ 2016 ကထဲ က စတင် ဖွင့်ထားခဲ့ ပြီး ညွန်ကြားမူ ပြုလုပ်ပေးသမျှ ထဲ မှာ ကူးစက်မူ ရှိသွားတာ တစ်ဦးမှ မရှိသေးတာ ကြောင့် ဆေးနဲ့ ပါတ်သက်သမျှ သိလိုသမျှ ယုံကြည်စွာ တိုင်ပင်ဆွေးနွေး လို့ .ရပါတယ် 🎗🎗
ကျေးဇူးတင်ပါတယ်) 🎗🎗
❣❣❣❣❣❣❣❣

ကျန်းမာပျော်ရွှင်အေးချမ်းပါစေ 🎗🎗🎗
HHIG
ph # #09441430034
❣❣❣❣❣❣❣❣❣❣❣❣❣

18/05/2026

HIV ကူးစက်မူ အသိ နှင့် သတိ

"Hi ခန်း" ထဲက ပျော်ပွဲစားပွဲနှင့် ကြောက်မက်ဖွယ် HIV လှိုင်းလုံးသစ်

မေ ၊ ၁၇ ရက်
The Justice Wave
(ဆောင်းပါး)

ရန်ကုန်နှင့် မန္တလေးကဲ့သို့ မြို့ကြီးများအပါအဝင် နယ်စပ်ဒေသများရှိ အပျော်အပါး အမှောင်လောကတွင် "Hi ခန်း" (ဟိုင်းခန်း) ဟု ခေါ်ဆိုသည့် စိတ်အပန်းဖြေရာ နေရာများသည် ယခုနောက်ပိုင်းတွင် ရေပန်းစား လူကြိုက်များလာခဲ့သည်။

သို့သော် ထိုအပျော်ခန်းများ၏ နောက်ကွယ်တွင် လူငယ်၊ လူလတ်ပိုင်းနှင့် အထက်တန်းလွှာများအကြား ဆိတ်ကွယ်ရာ ကြောက်မက်ဖွယ်ရာ HIV ကူးစက်မှု အန္တရာယ်ကြီးတစ်ခု တိတ်တဆိတ် ကူးစက်ပြန့်ပွားနေကြောင်း သိရသည်။

တရိပ်ရိပ် တက်လာနေသည့် HIV ကူးစက်မှုနှုန်း
ပြည်တွင်းရှိ HIV ကာကွယ်စောင့်ရှောက်ရေး NGO တစ်ခုတွင် လုပ်ကိုင်နေသည့် အမျိုးသမီးဆရာဝန်တစ်ဦးက လက်ရှိရင်ဆိုင်နေရသည့် အခြေအနေကို ယခုလို ညည်းတွားပြောဆိုသည်။

"လူငယ်အချင်းချင်း မတော်တဆ အိပ်မိကြရင်းနဲ့ ကိုယ့်ကိုယ်ကို မသင်ကာလို့ဆိုပြီး ဆေးလာစစ်ကြည့်တော့မှ HIV Positive (ပိုးတွေ့ရှိကြောင်း) တွေ ထွက်လာကြတာ။ ဆေးစစ်ချက်ရလဒ်မြင်ပြီး ငိုကြယိုကြတဲ့ မြင်ကွင်းက နေ့တိုင်းလိုလို တွေ့နေရတယ်"

အဆိုပါ ဆရာဝန်၏ ပြောပြချက်အရ လက်ရှိတွင် HIV ပိုးထိန်းဆေး (ART) လာရောက်သောက်သုံးရသည့် လူနာဦးရေသည် ယခင်ကထက် နှစ်ဆခန့် မြင့်တက်လာပြီး ကူးစက်မှုနှုန်းမှာ စိုးရိမ်ရသည့် အနေအထားသို့ ရောက်ရှိနေပြီ ဖြစ်သည်။

မူးယစ်ဆေးနှင့် အပျော်ကျူးခြင်း (Chemsex) ရိုက်ခတ်မှု
ယခုကဲ့သို့ ကူးစက်မှုနှုန်း သိသိသာသာ ထိုးတက်လာရခြင်း၏ အဓိကတရားခံမှာ ခေတ်စားလာသည့် "Chemsex" (ချက်မ်ဆက်စ်) ကြောင့် ဖြစ်သည်ဟု ဆိုသည်။

Chemsex ဆိုသည်မှာ စိတ်ကြွရူးသွပ်စေသည့် မူးယစ်ဆေးတစ်မျိုးမျိုးကို သုံးစွဲပြီးနောက် လိင်ဆက်ဆံကြခြင်းကို ခေါ်ဆိုခြင်း ဖြစ်သည်။

အထူးသဖြင့် ကလပ် (Club) များ၊ KTV အခန်းများတွင် ခေတ်စားနေသည့် Ecstasy (E ဆေးပြား)၊ Ketamine (K အမှုန့်) နှင့် Happy Water ကဲ့သို့သော ဓာတုအရည်များကို အသုံးပြုကာ စိတ်အခြေအနေ လွတ်ကင်းသွားသည်အထိ "Hi" ကြပြီးနောက် အကာအကွယ်မဲ့ လိင်ဆက်ဆံမှုများ ပြုလုပ်ကြခြင်းဖြစ်သည်။

"E သောက်လိုက်ရင် အသိစိတ်က ပြင်ပကမ္ဘာကို ရောက်သွားပြီး စည်းချက်နဲ့အတူ ကကြတယ်။ K ကျတော့ ခွဲခန်းသုံးမေ့ဆေး။ အဲဒါကို ပိုက်နဲ့ နှာခေါင်းကနေ ရှုကြတာ။ အဲဒီလို ဆေးတွေ တရားလွန်သုံးပြီး လူမှန်းသူမှန်း မသိတော့တဲ့အချိန်မှာ တွေ့ကရာလူတွေနဲ့ ဟိုတယ်လိုက်အိပ်၊ အကာအကွယ်မပါဘဲ Chemsex တွေ လုပ်ကြရင်း ကူးကုန်ကြတာပဲ" ဟု ၎င်းက ရှင်းပြသည်။

ငွေကြေးတတ်နိုင်သူတို့၏ အမှောင်ကမ္ဘာ
လူအများစုက ဤကဲ့သို့သော Party Drug မူးယစ်ဆေးဝါးများကို လမ်းဘေးလူငယ်များသာ သုံးစွဲနေကြသည်ဟု ထင်မှတ်မှားတတ်ကြသော်လည်း အမှန်တကယ်တွင် လူလတ်ပိုင်း၊ သက်ကြီးပိုင်းများနှင့် ငွေကြေးအင်အား တတ်နိုင်သူများက အဓိက သုံးစွဲနေကြခြင်း ဖြစ်သည်။

"Hi ခန်း" တစ်ခါသွားလျှင် အခန်းခတင်ပင် တစ်ညလျှင် ကျပ် ၁၀ သိန်းမှ သိန်း ၂၀ အနည်းဆုံး ကုန်ကျပြီး၊ နယ်စပ်ဒေသရှိ ကျားဖြန့် (အွန်လိုင်းငွေလိမ်ဂိုဏ်း) အဖွဲ့များနှင့် မူးယစ်ဂိုဏ်းများ သွားလာသည့် KTV များတွင်မူ တစ်ညလျှင် အခန်းခတင် ကျပ်သိန်း ၅၀ ခန့်အထိ ကုန်ကျတတ်သည်။

"ဒီလောက် ပမာဏကို ညတိုင်း ဖြုန်းနိုင်တဲ့အင်အားက သာမန်လူငယ်တွေမှာ မရှိပါဘူး။ စီးပွားရေးလုပ်ငန်းရှင်တွေ၊ ဌာနဆိုင်ရာကလူတွေ၊ အဖွဲ့အစည်းတွေထဲက လူကြီးတွေပဲ ရှိတာ။ လူငယ်အချို့ကတော့ ငွေစုပြီး အပျော်ရှာရင်း လိုက်ဟိုင်းကြတာမျိုး ရှိတယ်"

လူမှုပတ်ဝန်းကျင်နှင့် အိမ်ထောင်စုများဆီသို့ ကူးစက်လာခြင်း
အဆိုးဝါးဆုံး အခြေအနေမှာ ဆေးအရှိန်ကြောင့် အသိစိတ်လွတ်ကာ ကွန်ဒုံးအသုံးမပြုဘဲ စည်းလွတ်ဝါးလွတ် ဆက်ဆံမိကြခြင်း ဖြစ်သည်။ ထို့အပြင် မိမိတွင် ရောဂါပိုးရှိမှန်း သိလျက်နှင့် တမင်သက်သက် ပိုးလိုက်ဖြန့်သည့် ကျင့်ဝတ်ပျက်ပြားသူအချို့လည်း ရှိနေသည်။

ဤ "Hi ခန်း" များအတွင်းမှ စတင်ခဲ့သော HIV ပြဿနာသည် အပျော်ခန်းအတွင်းတင် ပြီးဆုံးမသွားဘဲ၊ အပျော်အပါးမက်သူများမှတစ်ဆင့် အိမ်၌ရှိကျန်ရစ်သည့် အပြစ်မဲ့သော ဇနီးမယားနှင့် မိသားစုဝင်များထံသို့ပါ ဆင့်ပွားကူးစက်မှုများ ဖြစ်ပွားလာနေသည်။

လက်ရှိစာရင်းဇယားများအရ မြန်မာတစ်နိုင်ငံလုံးတွင် HIV ပိုးတွေ့ရှိ၍ ART ဆေးသောက်နေရသူစုစုပေါင်း၏ ၄၅ ရာခိုင်နှုန်း မှာ ရန်ကုန်မြို့မှဖြစ်ပြီး၊ ၂၅ ရာခိုင်နှုန်း မှာ မန္တလေးမြို့မှ ဖြစ်သည်။

ကာကွယ်ခြင်းက ကုသခြင်းထက် ထိရောက်သည်
အကယ်၍ အပျော်အပါး လမ်းကြောင်းသို့ ရောက်ရှိသွားပြီး မူးယစ်ရီဝေကာ လိင်ဆက်ဆံမှု ပြုလုပ်တော့မည်ဆိုလျှင်ပင် အနည်းဆုံး မိမိကိုယ်မိမိ ကာကွယ်သည့်အနေဖြင့် "ကွန်ဒုံး (Condom)" ကို မဖြစ်မနေ အသုံးပြုရန် ကျန်းမာရေးပညာရှင်များက အထူး သတိပေးနှိုးဆော်ထားသည်။

လက်ရှိခေတ်တွင် HIV ကူးစက်ခံရပါက ART ဆေးဝါးများ မှန်မှန်သောက်သုံးပြီး သာမန်လူများကဲ့သို့ သက်တမ်းစေ့ နေထိုင်နိုင်သည်မှာ မှန်သော်လည်း၊ ရောဂါပိုး မကူးစက်အောင် ကြိုတင်ကာကွယ်ခြင်းသည်သာ မိမိနှင့် မိမိမိသားစုအတွက် အကောင်းဆုံးသော ဘဝအာမခံချက် ဖြစ်ပေတော့သည်။


်း

18/05/2026

Celebrating my 10th year on Facebook. Thank you for your continuing support. I could never have made it without you. 🙏🤗🎉

22/04/2026

စကော့တလန်နိုင်ငံသည် အိတ်ချ်အိုင်ဗွီ (HIV) အသစ်ကူးစက်မှုများ ပပျောက်တော့မည့် ပထမဆုံးနိုင်ငံ ဖြစ်လာနိုင်

************************************************

စကော့တလန်နိုင်ငံဟာ အိတ်ချ်အိုင်ဗွီ (HIV) ကူးစက်ခံရသူအသစ် မရှိတော့သည့် ကမ္ဘာ့ပထမဆုံးနိုင်ငံ ဖြစ်လာနိုင်ကြောင်း ထိပ်တန်း ပရဟိတအဖွဲ့အစည်းများက ပြောကြားပါတယ်။

သူတို့အနေနဲ့ စကော့တလန်နိုင်ငံသည် အခြေအနေကောင်းမွန်သော်လည်း ၂၀၃၀ ပြည့်နှစ် မတိုင်မီ ဒီပန်းတိုင်သို့ ရောက်ရှိရန်အတွက် လာမည့် စကော့တလန် အစိုးရထံမှ အရေးတကြီး လုပ်ဆောင်မှုများ လိုအပ်ကြောင်း သတိပေးထားပါတယ်။



# # HHIG ကျန်းမာပျော်ရွှင်စွာ ဖြင့် ပုံမှန်နေထိုင်မူ ရရှိနိူင်ပါစေ