လမ်းပြကြယ် Guiding Star

လမ်းပြကြယ် Guiding Star Contact information, map and directions, contact form, opening hours, services, ratings, photos, videos and announcements from လမ်းပြကြယ် Guiding Star, Yangon.

"မသန်စွမ်းသူတိုင်း မျှတတဲ့ အခွင့်အရေးတွေ ရရှိပြီး၊ လူတိုင်း ပါဝင်နိုင်တဲ့ ပတ်ဝန်းကျင်တစ်ခု ဖြစ်ပေါ်လာစေဖို့ အသိပညာတွေ မျှဝေရင်း၊ အတူတကွ ပူးပေါင်းဆောင်ရွက်ရင်း လှပတဲ့လူ့ဘောင်သစ်ဆီကို ချီတက်ကြပါစို့။"

31/08/2026

ဒူးအောက်ပိုင်း ဖြတ်တောက်ထားသူများအတွက် ခြေဖြတ်ပိုင်း ပုံသဏ္ဌာန် အကောင်းဆုံးဖြစ်အောင် ထိန်းသိမ်းနိုင်ဖို့၊ ဖောရောင်ခြင်းနှင့် အရည်စုခြင်းများမဖြစ်စေဖို့နဲ့ အဆီစုစည်းမှုမရှိဘဲ ကြွက်သားထုထည် သိပ်သည်း ကျစ်လျစ်လာစေဖို့အတွက် မှန်ကန်သော ပတ်တီးစည်းနည်း ကို မျှဝေပေးလိုက်ပါတယ်။

ဤဗီဒီယိုကို The Leprosy Mission Myanmar (TLMM) မှ ကူးယူဖော်ပြထားခြင်း ဖြစ်ပါတယ်။

“ မသန်စွမ်းမှုဆိုတာ” အားနည်းချက်မဟုတ်.. ထူးခြားတဲ့ ခွန်အားတစ်ခု သာဖြစ်ပါတယ်။ #
31/08/2026

“ မသန်စွမ်းမှုဆိုတာ” အားနည်းချက်မဟုတ်.. ထူးခြားတဲ့ ခွန်အားတစ်ခု သာဖြစ်ပါတယ်။

#

“ မသန်စွမ်းမှုဆိုတာ” ခွဲခြားခံရဖို့ မဟုတ် ဖြစ်တည်မှုတစ်ခုသာဖြစ်ပါတယ်။ #
30/08/2026

“ မသန်စွမ်းမှုဆိုတာ” ခွဲခြားခံရဖို့ မဟုတ် ဖြစ်တည်မှုတစ်ခုသာဖြစ်ပါတယ်။

#

ကလေးငယ်များကို "လက်လု_ပ်မို_င်း အန္တရာယ်" ဘယ်လို သင်ကြားပေးမလဲ။ ကလေးငယ်တွေဟာ စူးစမ်းလိုစိတ် ပြင်းပြကြတာကြောင့် ထူးဆန်းတဲ...
28/08/2026

ကလေးငယ်များကို "လက်လု_ပ်မို_င်း အန္တရာယ်" ဘယ်လို သင်ကြားပေးမလဲ။

ကလေးငယ်တွေဟာ စူးစမ်းလိုစိတ် ပြင်းပြကြတာကြောင့် ထူးဆန်းတဲ့ ပစ္စည်းတွေကို မြင်ရင် သွားရောက်ထိတွေ့ဖို့ ဝန်မလေးကြပါဘူး။ ဒါကြောင့် ကလေးတွေကို "မလုပ်ရဘူး" လို့ ဇွတ်တားဆီးတာထက် "အလွယ်တကူ မှတ်မိစေမယ့် နည်းလမ်းများ" နဲ့ အခုလို သင်ကြားပေးကြည့်ကြရအောင်။

၁။ လက်လု_ပ်မို_င်း အကြောင်း အလွယ်ဆုံး ဥပမာပေးပြီး ရှင်းပြပါ

"သားသားမီးမီးတို့ မြင်တွေ့နေကျ ပစ္စည်းတွေဖြစ်တဲ့ အအေးဘူးခွံ၊ ကစားစရာ အရုပ်၊ ရေပိုက်နဲ့ စက္ကူဘူးခွံလေးတွေထဲမှာ ဝါယာကြိုးတွေ၊ ဓာတ်ခဲတွေ၊ ယမ်းတွေ ထည့်ထားပြီး ပေါက်ကွဲအောင် လုပ်ထားတဲ့ ပစ္စည်းတွေကို လက်လု_ပ်မို_င်း လို့ ခေါ်တာပါ" ဆိုပြီး သဘောတရားကို အရင် ပြောပြပေးပါ။

၂။ "မထိရ၊ မကိုင်ရ၊ နေရာမရွှေ့ရ" စည်းကမ်း (၃) ချက်ကို သေချာ မှတ်မိအောင် သင်ပေးပါ

ဒီလို ထူးထူးဆန်ဆန်း ပစ္စည်းတွေကို တွေ့တဲ့အခါ ထိတာ၊ ကိုင်တာနဲ့ နေရာရွှေ့တာမျိုး လုံးဝ မလုပ်ရပါဘူး။ ကြွတ်ကြွတ်အိတ်နဲ့ ထုပ်ထားတဲ့ ပစ္စည်းတွေကို လက်နဲ့ ကိုင်ကြည့်တာ၊ ခြေထောက်နဲ့ တို့ကြည့်တာ၊ အိမ်ကို သယ်သွားတာ ဒါမှမဟုတ် တုတ်ချောင်းနဲ့ ထိုးကြည့်တာမျိုးတွေ လုံးဝ မလုပ်ဖို့ ကစားနည်းသဘောလေးနဲ့ အတူတူ ရွတ်ဆို လေ့ကျင့်ပေးပါ -

မထိရ 🚫 - တုတ်နဲ့ ထိုးကြည့်တာ၊ ခြေထောက်နဲ့ တို့ကြည့်တာမျိုး လုံးဝ မလုပ်ရဘူး။
မကိုင်ရ 🚫 - ကြွတ်ကြွတ်အိတ်နဲ့ ထုပ်ထားရင်တောင် အထဲမှာ ဘာလဲဆိုတာ လက်နဲ့ ကိုင်မကြည့်ရဘူး။
နေရာမရွှေ့ရ 🚫 - ကစားစရာထင်ပြီး အိမ်ကို သယ်သွားတာမျိုး လုံးဝ မလုပ်ရဘူး။ ပေါက်ကွဲသွားရင် ဒဏ်ရာတွေ အများကြီးရပြီး အသက်အန္တရာယ်အထိ ထိခိုက်နိုင်လို့ပါ။

၃။ သတင်းပို့တတ်အောင် လေ့ကျင့်ပေးပါ
မသင်္ကာစရာ ပစ္စည်းတွေ့တဲ့အခါ ကလေးငယ် လက်တွေ့ ပြုမူဆောင်ရွက်ရမယ့် အဆင့်တွေကို အိမ်မှာ အတူတူ လေ့ကျင့်ပေးပါ -
မသိတဲ့ ပစ္စည်းတွေ့ရင် "ချက်ချင်း ရပ်လိုက်ပါ"
ဝေးဝေးကနေ "ချက်ချင်း ရှောင်သွားပါ"
လူကြီးမိဘ၊ ဆရာ/ဆရာမတွေဆီ "ချက်ချင်း ပြေးပြောပါ"

"မသင်္ကာစရာ ပစ္စည်းတွေ့ရင် လူကြီးမိဘတွေနဲ့ ဆရာ/ဆရာမတွေကို သွားပြောပြတာဟာ မိမိနဲ့ သူငယ်ချင်းတွေကိုပါ ကာကွယ်ပေးရာ ရောက်တယ်" ဆိုတဲ့အကြောင်း ကလေးငယ်တွေကို ခွန်အားပေး စကား ပြောပါ။

နောက်ပြီး လက်လု_ပ်မို_င်း အကြောင်းကို သူငယ်ချင်းတွေနဲ့ အခြားမသိသေးသူတွေကို မျှဝေပေးရင်း အန္တရာယ်ကနေ အတူတူ ကာကွယ်ကြဖို့လည်း ကလေးတွေကို သတိပေးစကား ပြောပေးနိုင်ပါတယ်။

မသ_န်စွ_မ်း သူတွေကို ကူညီတဲ့အခါ ဂုဏ်သိက္ခာကို လေးစားဖို့၊ ခွင့်ပြုချက်အရင်တောင်းဖို့နဲ့ ကိုယ်ပိုင်ဆုံးဖြတ်ခွင့်ကို ဦးစား...
21/08/2026

မသ_န်စွ_မ်း သူတွေကို ကူညီတဲ့အခါ ဂုဏ်သိက္ခာကို လေးစားဖို့၊ ခွင့်ပြုချက်အရင်တောင်းဖို့နဲ့ ကိုယ်ပိုင်ဆုံးဖြတ်ခွင့်ကို ဦးစားပေးဖို့ အရေးကြီးပါတယ်။

တန်းတူညီမျှ ဆက်ဆံရေးနဲ့ ခွဲခြားဆက်ဆံမှု ကင်းရှင်းရေးတို့ဟာ အခြေခံကျင့်ဝတ်တွေဖြစ်တာမို့ မသ_န်စွ_မ်းတွေကို ဘယ်လိုအဆင်ပြေပြေ ကူညီပေးလို့ရမလဲဆိုတဲ့ ကျင့်ဝတ်လေးတွေကို ဝေမျှပေးချင်ပါတယ်။

ခွင့်ပြုချက် အရင်တောင်းပါ
မကူညီခင်မှာ အကူအညီလို၊ မလို အရင်မေးမြန်းပါ။ မသ_န်စွ_မ်း သူတစ်ယောက်ဟာ အချိန်နည်းနည်းပိုလိုရင် လိုလိမ့်မယ်၊ ဒါပေမဲ့ မိမိဘာသာ လုပ်နိုင်စွမ်းရှိကြပါတယ်။ တကယ်လို့ "အကူအညီ မလိုပါဘူး" လို့ ငြင်းခဲ့ရင်လည်း မသ_န်စွ_မ်းတွေရဲ့ စွမ်းဆောင်ရည်နဲ့ ဆုံးဖြတ်ခွင့်ကို လေးစားစွာ လက်ခံပေးပါ။

ဂုဏ်သိက္ခာကို လေးစားပါ
ကိုယ်ပိုင်လုပ်ဆောင်နိုင်စွမ်းကို အပြည့်အဝ အသိအမှတ်ပြုပေးပြီး သနားစရာအဖြစ် မမြင်ဘဲ လူသားတစ်ဦးအဖြစ် လေးစားပေးဖို့ လိုပါတယ်။ ဘီးတပ်ကုလားထိုင်၊ လမ်းလျှောက်တုတ် စတဲ့ အထောက်အကူပြုပစ္စည်းတွေဟာ သူတို့ရဲ့ ခန္ဓာကိုယ်အစိတ်အပိုင်းတစ်ခုလို အရေးပါတာမို့ ခွင့်ပြုချက်မရဘဲ မထိပါနဲ့၊ မရွှေ့ပါနဲ့နော်။

တန်းတူညီမျှ ဆက်ဆံပါ
ကလေးတစ်ယောက်လို ချော့မော့ပြောတာ (သို့) အောက်ကျို့ပြီး လွန်လွန်ကဲကဲ သနားပြတာမျိုး မလုပ်ပါနဲ့။ အကြောင်းမရှိဘဲ အော်ပြောတာ၊ ဖြည်းဖြည်းလေး လုပ်ယူပြောတာမျိုးမလုပ်ဘဲ ပုံမှန် အသံအနေအထားအတိုင်းသာ ဆက်ဆံပြောဆိုပါ။

တိုက်ရိုက် စကားပြောပါ
အဖော်၊ စကားပြန် (သို့) ပြုစုစောင့်ရှောက်သူကို လှည့်မမေးဘဲ မသ_န်စွ_မ်း သူ ကိုယ်တိုင်နဲ့ပဲ တိုက်ရိုက် မျက်လုံးချင်းဆုံကြည့်ပြီး စကားပြောပေးပါ။ ဘီးတပ်ကုလားထိုင် အသုံးပြုသူတွေနဲ့ စကားပြောရင်လည်း မျက်စိတစ်တန်းတည်းဖြစ်အောင် ထိုင်ပြီး ပြောပေးရင် ပိုပြီး သက်တောင့်သက်သာရှိတဲ့ ဆက်ဆံရေးကို ဖန်တီးပေးနိုင်ပါတယ်။

ခွင့်မတောင်းဘဲ မထိပါနဲ့
မသ_န်စွ_မ်း သူ ရဲ့ ခန္ဓာကိုယ် (သို့) အသုံးပြုနေတဲ့ ပစ္စည်းတွေကို မကူညီခင်နဲ့ မထိတွေ့ခင် ခွင့်ပြုချက် အရင်တောင်းပါ။ ဘီးတပ်ကုလားထိုင်ကို ဇွတ်အတင်း ကိုင်တွန်းတာ၊ အမြင်အာရုံ မသ_န်စွ_မ်း သူရဲ့ လက်ကို မမေးဘဲ ဆွဲခေါ်တာတွေဟာ လန့်သွားစေနိုင်ပြီး အန္တရာယ် ဖြစ်သွားစေနိုင်ပါတယ်။

အကူအညီပေးခြင်းဆိုတာ မသ_န်စွ_မ်း သူတွေရဲ့ စွမ်းဆောင်ရည်ကို ပိုပြီး မြင့်မားလာအောင် ပံ့ပိုးပေးတာ သာ ဖြစ်ပါတယ်။ ဒါကြောင့်မို့ အားလုံးပါဝင်နိုင်တဲ့ လူ့အဖွဲ့အစည်းတစ်ခုဖြစ်အောင် မိမိရဲ့ အမြင်နဲ့ အပြုအမူတွေကို အတူတူ ပြောင်းလဲလိုက်ကြရအောင်။

မသန်စွမ်းသူများအနေနဲ့ အရေးပေါ်အခြေအနေမှာ ကိုယ်တိုင်ရပ်တည်နိုင်ဖို့နဲ့ အသက်ဘေးမှ ဘေးကင်းစွာ လွတ်မြောက်နိုင်ဖို့ "အရေးပေါ်...
31/07/2026

မသန်စွမ်းသူများအနေနဲ့ အရေးပေါ်အခြေအနေမှာ ကိုယ်တိုင်ရပ်တည်နိုင်ဖို့နဲ့ အသက်ဘေးမှ ဘေးကင်းစွာ လွတ်မြောက်နိုင်ဖို့ "အရေးပေါ်အိတ် Emergency Bag" တစ်လုံး ကြိုတင်ပြင်ဆင်ထားဖို့ အလွန်အရေးကြီးပါတယ်။

📌 မရှိမဖြစ် အခြေခံ အသက်ကယ်ပစ္စည်းများ

🔸 အကူအညီမရမီ အနည်းဆုံး (၃) ရက်စာ အသက်ဆက်နိုင်ရန် -
🔸 သောက်ရေ၊ ချက်ပြုတ်ရန်မလိုသော ရိက္ခာခြောက်များနှင့် အရေးပေါ် ငွေစက္ကူအကြွေများ
🔸 (၇) ရက်စာ ပုံမှန်သောက်ဆေးနှင့် ရှေးဦးသူနာပြုစုရေးအိတ်
🔸 ရေမဝင်အောင် ပလတ်စတစ်အိတ်ဖြင့် အလုံပိတ်ထားသော အရေးကြီး စာရွက်စာတမ်းများ
🔸 ဖုန်း၊ Power Bank၊ လက်နှိပ်ဓာတ်မီးနှင့် အချက်ပြ ဝီစီ

📌 မသန်စွမ်းမှု အမျိုးအစားအလိုက် သီးသန့်ဖြည့်စွက်ရမည့် ပစ္စည်းများ

🔸 ကိုယ်အင်္ဂါမသန်စွမ်းသူများ: လက်ကိုင်တုတ်/Walker အပို၊ ဘီးတပ်ကုလားထိုင်အတွက် လေထိုးတံ၊ တာယာဖာသည့်ပစ္စည်း၊ Tool ကိရိယာအသေးစားနှင့် အပျက်အစီးများကြား လက်မထိခိုက်စေရန် ထူထဲသော လက်အိတ်။
🔸 အမြင်အာရုံမသန်စွမ်းသူများ: လမ်းပြ အဖြူရောင်တုတ်အပို၊ မျက်မှန်အပို၊ အသံထွက် ရေဒီယို/နာရီနှင့် ပစ္စည်းများကို စမ်းသပ်ရလွယ်ကူစေမည့် Braille သို့မဟုတ် ရောင်ပြန်တိပ် စတစ်ကာများ။
🔸 အကြားအာရုံမသန်စွမ်းသူများ: နားကြားကိရိယာ အပိုဘက်ထရီများ၊ စာရေးဘုတ်အသေး/စက္ကူနှင့် "ကျွန်ုပ်သည် နားမကြားပါ/စကားမပြောနိုင်ပါ" ဟု ရေးသားထားသော အရေးပေါ်ကတ်ပြား။
🔸 ဉာဏ်ရည်မသန်စွမ်းမှုနှင့် အော်တစ်ဇင်ရှိသူများ: ဆူညံသံသက်သာစေမည့် နားကြပ်၊ စိတ်ငြိမ်စေမည့် ကစားစရာများနှင့် အမည်၊ အုပ်ထိန်းသူဖုန်း၊ အလေ့အထများ ရေးထားသော ID ကတ်ပြားကို အိတ် သို့မဟုတ် အင်္ကျီတွင် ချိတ်ဆွဲထားခြင်း။

အရေးပေါ်အိတ်ကို လက်လှမ်းမီလွယ်သော နေရာမှာ ထားရှိပြီး မိသားစုနှင့် ပတ်ဝန်းကျင်ကိုပါ ကြိုတင်အသိပေးထားသင့်ပါတယ်။

#လမ်းပြကြယ်

"လင်နဲ့မယား လျှာနဲ့သွား"၊ "အိမ်တွင်းရေး ဘေးလူ မပါရဘူး" ဆိုတဲ့ စကားတွေကို ပတ်ဝန်းကျင်မှာ ကြားဖူးနေကျ မဟုတ်လား။ ဒီလို အယူအ...
31/07/2026

"လင်နဲ့မယား လျှာနဲ့သွား"၊ "အိမ်တွင်းရေး ဘေးလူ မပါရဘူး" ဆိုတဲ့ စကားတွေကို ပတ်ဝန်းကျင်မှာ ကြားဖူးနေကျ မဟုတ်လား။ ဒီလို အယူအဆတွေကြောင့် အိမ်တွင်း အကြ-မ်းဖ-က်မှု တွေကို တွေ့ရတဲ့အခါ မိသားစု ကိစ္စမို့လို့ဆိုပြီး လျစ်လျူရှုမိတာတွေ ရှိတတ်ကြပါတယ်။

အိမ်တွင်းအကြ-မ်းဖ-က်မှု ဆိုတာ ပုဂ္ဂိုလ်ရေးကိစ္စ မဟုတ်ဘဲ ပြင်းထန်တဲ့ ရာဇဝတ်မှု ဖြစ်ပါတယ်။ ရို-က်နှက် ခြိ-မ်းခြော-က်မှုတွေကို လျစ်လျူရှုထားရင် အသက်အန္တရာယ်အထိ စိုးရိမ်ရပါတယ်။ ဒါကြောင့်မို့ ပတ်ဝန်းကျင်အနေနဲ့ တတ်နိုင်သလောက် ဝင်ရောက်ကူညီပေးဖို့ လိုအပ်ပါတယ်။

📌 ဘယ်လိုအခြေအနေမျိုးက အိမ်တွင်း အကြ-မ်းဖ-က်မှု မြောက်စေလဲ?

မိသားစုဝင်တစ်ဦးဦးက အခြားတစ်ဦးကို ရုပ်ပိုင်း၊ စိတ်ပိုင်းနဲ့ လိ-င်ပိုင်းဆိုင်ရာ နာကျင်အောင် ပြုလုပ်ခြင်းက အိမ်တွင်း အကြ-မ်းဖ-က်မှု ဖြစ်ပါတယ်။ (မိသားစုဝင်ဆိုသည်မှာ - ဇနီး၊ ခင်ပွန်း၊ ချစ်သူ၊ သားသမီးများနှင့် အိမ်အကူအပါအဝင် အတူနေသူများ အားလုံး ပါဝင်ပါတယ်။)

အထူးသဖြင့် မသန်စွမ်းသူများ၊ အမျိုးသမီးများနှင့် ကလေးငယ်များက ပိုမိုကြုံရလေ့ရှိပြီး ရုန်းထွက်ဖို့၊ အကူအညီတောင်းဖို့ ပိုမိုခက်ခဲကြပါတယ်။

မိမိအနေနဲ့ တစ်စုံတစ်ဦး အိမ်တွင်းအကြ-မ်းဖ-က်မှု နေရတာကိုတွေ့မြင်သိရှိပါက သက်ဆိုင်ရာသို့ သတင်းပေးပို့ရန် တာဝန်ရှိပါတယ်။

အရေးပေါ်အခြေအနေမှာ သက်ဆိုင်ရာ အာဏာပိုင်များ၊ နီးစပ်ရာ ရဲစခန်း (သို့) GBV အဖွဲ့အစည်းတွေကို ချက်ချင်း အကြောင်းကြားပေးခြင်း၊ ထိခိုက်ခံရသူရဲ့ သဘောတူညီချက်နဲ့ ဘေးကင်းရာကို ခေါ်ဆောင်ပေးခြင်း၊ ဖြစ်စဉ်တွေကို မှတ်တမ်းတင်ပေးပြီး ကျန်းမာရေးနဲ့ စိတ်ပိုင်းဆိုင်ရာ စောင့်ရှောက်မှုတွေ ရရှိစေရန် ချိတ်ဆက်ကူညီပေးခြင်းတို့ ပြုလုပ်နိုင်ပါတယ်။
အမှုဖွင့် တိုင်ကြားဖို့ ပံ့ပိုးတဲ့အပြင်၊ ကျုးလွန်ခံရသူမှ တိုင်ကြားဖို့ အဆင်မပြေပါက ကိုယ်စား အချက်အလက်များဖြင့် အမှုဖွင့် တိုင်တန်းပေးခြင်းတို့ကို ပြုလုပ်ပေးနိုင်ပါတယ်။

အကြ-မ်းဖ-က်မှု ကင်းစင်ပြီး ဘေးကင်းတဲ့ လူ့အဖွဲ့အစည်းဖြစ်ဖို့ အားလုံး အတူတူ ပူးပေါင်း ကာကွယ်ကြရအောင်နော်။

အခုလို မိုးရာသီကာလမှာ ရေကြီးရေလျှံတာတွေ၊ မြေပြိုတာတွေလို သဘာဝဘေးအန္တရာယ်တွေ မကြာခဏ ဖြစ်လေ့ရှိပါတယ်။ ဒီလိုအချိန်မှာ ရေစီး...
29/07/2026

အခုလို မိုးရာသီကာလမှာ ရေကြီးရေလျှံတာတွေ၊ မြေပြိုတာတွေလို သဘာဝဘေးအန္တရာယ်တွေ မကြာခဏ ဖြစ်လေ့ရှိပါတယ်။ ဒီလိုအချိန်မှာ ရေစီးနဲ့ မြေတိုက်စားမှုတွေကြောင့် မြေ-မြှုပ်-မို-င်းတွေနဲ့ မပေါက်ကွဲသေးတဲ့ ပစ္စည်းတွေဟာ မူလနေရာကနေ မျောပါလာနိုင်တာမို့ အထူးသတိပြုကြရမှာဖြစ်ပါတယ်။

မိုးရာသီမှာ အရင်က မို-င်းမရှိဘူးလို့ ယူဆထားတဲ့ နေရာတွေကို ရေစီးနဲ့အတူ မို-င်းတွေ ရောက်ရှိသွားနိုင်ပါတယ်။ ဒါ့အပြင် ရေကြီးရေလျှံ့မှုတွေကြောင့် ရေအောက်၊ ရွှံ့နွံတွေနဲ့ နုန်းစိမ်းတွေကြား နစ်မြုပ်နေနိုင်လို့ သာမန်အားဖြင့် မမြင်နိုင်ပါဘူး။ ရေဘေးနဲ့ မုန်တိုင်းကြောင့် မို-င်းအန္တရာယ် သတိပေးဆိုင်းဘုတ်တွေ ပျက်စီးမျောပါသွားနိုင်ပါတယ်။ မြေဆီလွှာ တိုက်စားခံရပြီး မြေအောက်အနက်တွေကနေ မို-င်းတွေ ပေါ်ထွက်လာတတ်ပါတယ်။

ဘေးကင်းရေးအတွက် အထူးသတိပြုရမည်မှာ
ရေအောက်ကို သေချာမမြင်ရရင် သို့မဟုတ် ရေပြန်ကျခါစ ရေစပ်ဒေသတွေမှာ မလိုအပ်ဘဲ လမ်းမလျှောက်ပါနဲ့၊ ရေမကူးပါနဲ့။
ရေကျပြီးနောက် သို့မဟုတ် မြေပြိုပြီးနောက် မကျွမ်းကျင်တဲ့ လမ်းကြောင်းအသစ်တွေကနေ သွားလာခြင်း လုံးဝမပြုလုပ်ပါနဲ့။
သံချေးတက်နေတဲ့၊ ရွှံ့ပေနေတဲ့ သို့မဟုတ် မြက်ပင်/ချုံပုတ်ကြားက ထူးဆန်းတဲ့ သတ္တုပစ္စည်း၊ ဗုံး-သီးပုံစံတွေကို တွေ့ရင် လုံးဝမထိပါနဲ့၊ မိမိဘာသာ မရှင်းလင်းပါနဲ့။
လေးလံတဲ့ ပစ္စည်းတွေကို မြေကြီးပေါ်မချမီ မြေပြင် ဘေးကင်းမှု ရှိ/မရှိ သေချာ စစ်ဆေးပါ။
သံသယဖြစ်ဖွယ် ပစ္စည်းတွေ့ရင် သက်ဆိုင်ရာ ကျေးရွာတာဝန်ရှိသူများ၊ ဒေသန္တရအဖွဲ့အစည်းများနှင့် အရပ်ဘက် အကူအညီပေးရေးအဖွဲ့များထံ ချက်ချင်း အကြောင်းကြားပါ။
မို-င်းအန္တရာယ်မှ ကင်းဝေးပြီး ဘေးကင်းလုံခြုံတဲ့ ပတ်ဝန်းကျင်တစ်ခုဖြစ်ဖို့ အားလုံးအတူတကွ သတိပြု ဝိုင်းဝန်းကူညီကြရအောင်နော်။

#လမ်းပြကြယ် #ရာသီဥတုပြောင်းလဲမှုနှင့်မို-င်းအန္တရာယ်

ဇူလိုင်လဆိုတာ ကမ္ဘာတစ်ဝှမ်းလုံးက မသန်စွမ်းအသိုင်းအဝိုင်းအတွက် အထူးဂုဏ်ပြုတဲ့ (Disability Pride Month) ပဲ ဖြစ်ပါတယ်။၁၉၉...
27/07/2026

ဇူလိုင်လဆိုတာ ကမ္ဘာတစ်ဝှမ်းလုံးက မသန်စွမ်းအသိုင်းအဝိုင်းအတွက် အထူးဂုဏ်ပြုတဲ့ (Disability Pride Month) ပဲ ဖြစ်ပါတယ်။
၁၉၉၀ ပြည့်နှစ်၊ ဇူလိုင် ၂၆ ရက်မှာ အမေရိကန် မသန်စွမ်းသူများ အခွင့်အရေးဥပဒေ (ADA) အတည်ပြုခဲ့တဲ့ အထိမ်းအမှတ်အဖြစ် စတင်ခဲ့ပြီး မသန်စွမ်းသူများ၏ အခွင့်အရေး၊ ခွဲခြားဆက်ဆံမှု တိုက်ဖျက်ရေးနှင့် အတားအဆီးမဲ့ လူမှုအဖွဲ့အစည်းဖြစ်ရေးကို မီးမောင်းထိုးပြသည့် လလည်း ဖြစ်ပါတယ်။

"Disability Pride" ဆိုတာ ဘာလဲ?
မသန်စွမ်းမှုဆိုတာ ဖုံးကွယ်ထားရမယ့် (သို့) ပြင်ဆင်ရမယ့် အရာတစ်ခု မဟုတ်ဘဲ မိမိတို့၏ ဖြစ်တည်မှု အစိတ်အပိုင်းတစ်ခု ဖြစ်ပါတယ်။
အချို့အတွက် ဂုဏ်ယူခြင်းဆိုသည်မှာ ပျော်ရွှင်စွာ ကျင်းပခြင်းဖြစ်ပြီး၊ အချို့အတွက်ကတော့ မသိမ်ငယ်တော့ဘဲ တန်းတူညီမျှ အခွင့်အရေး၊ လိုအပ်သည့် ပံ့ပိုးမှုနှင့် လေးစားခံရမှုကို ရရှိခြင်း ဖြစ်ပါတယ်။
ခန္ဓာကိုယ်နှင့် စိတ်ပိုင်းဆိုင်ရာ စိန်ခေါ်မှုများကို ကြုံတွေ့နေရစဉ်မှာပင် မိမိ၏ မသန်စွမ်းမှုကို လေးစားတန်ဖိုးထားနိုင်ပါတယ်။

Disability Pride Month မှာ ဘယ်လို ပါဝင်ကြမလဲ?
၁။ ရင်းနှီးမှု တည်ဆောက်ပါ - မသန်စွမ်းသူများ၏ အတွေ့အကြုံ၊ စိန်ခေါ်မှုများနှင့် အောင်မြင်မှုများကို စာအုပ်များ၊ ရုပ်ရှင်များ နှင့် Social Media မှတစ်ဆင့် လေ့လာကြည့်ပါ။
၂။ ခွဲခြားဆက်ဆံမှုများကို စိန်ခေါ်ပါ - မသန်စွမ်းသူများအပေါ် အထောက်အကူမပြုသည့် အပြုအမူများ၊ နှိမ့်ချသော စကားလုံးများနှင့် ပုံသေကားချပ် အယူအဆများကို ငြင်းဆန်ပါ။
၃။ တန်းတူညီမျှမှုကို တောင်းဆိုပါ - မသန်စွမ်းသူများ၏ ပညာရေး၊ ကျန်းမာရေးနှင့် လူမှုဖူလုံရေး အခွင့်အရေးများ မဆုံးရှုံးရအောင် ပံ့ပိုးပေးပါ။
၄။ မျိုးဆက်သစ်များကို သင်ကြားပေးပါ - ကလေးငယ်များကို မသန်စွမ်းမှုအကြောင်း၊ အားလုံးပါဝင်နိုင်မှု အကြောင်းနှင့် အနိုင်ကျင့်စော်ကားမှု တိုက်ဖျက်ရေးအကြောင်း စနစ်တကျ မျှဝေပေးပါ။
မသန်စွမ်းသူများသည် လူမှုအသိုင်းအဝိုင်း၏ ဆုံးဖြတ်ချက်များတွင် ပါဝင်ခွင့်ရှိရန် ထိုက်တန်ပါတယ်။
အားလုံးပါဝင်သည့် လူ့အဖွဲ့အစည်းတစ်ခုဖြစ်အောင် အတူတူ စတင်လိုက်ကြရအောင် !!

02/07/2026

ခြေတုတပ်ဆင်အသုံးပြုဖို့ လိုအပ်လာတဲ့အခါ ချက်ချင်းတပ်လို့ရပါသလား?

တကယ်တော့ ခြေတုမတပ်ခင်မှာ ကြိုတင်ပြင်ဆင်စရာတွေ ရှိပါတယ်။
အရင်ဆုံး မိမိရဲ့ အခြေအနေက ခြေတုတပ်လို့ ရ၊ မရဆိုတာကို အသေအချာ စစ်ဆေးရပါမယ်။
အကယ်၍ ခြေတုတပ်လို့ ရတယ်ဆိုရင် အဆင့်ဆင့် ဘာတွေလုပ်ဆောင်ရမလဲဆိုတာကို ဒီဗီဒီယိုလေးထဲမှာ အသေးစိတ် ရှင်းပြပေးထားပါတယ်နော်။
မိမိကိုယ်တိုင်ဖြစ်စေ၊ မိမိပတ်ဝန်းကျင်က လိုအပ်နေသူတွေအတွက်ဖြစ်စေ ခြေတုတပ်ဆင်ချင်တယ်ဆိုရင်တော့ The Leprosy Mission Myanmar ရုံးကို ဆက်သွယ်စုံစမ်းနိုင်ပါတယ်။

Video Credit : The Leprosy Mission Myanmar

Address

Yangon
11062

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Website

Alerts

Be the first to know and let us send you an email when လမ်းပြကြယ် Guiding Star posts news and promotions. Your email address will not be used for any other purpose, and you can unsubscribe at any time.

Contact The Business

Send a message to လမ်းပြကြယ် Guiding Star:

Shortcuts

Share