Latha Nine Nine Specialist Clinic & Diagnostic Center

Latha Nine Nine Specialist Clinic & Diagnostic Center We provide comprehensive healthcare for patients who come for diagnosis, treatment or follow up care.

Latha Nine Nine ဆေးခန်းတွင် တာဝန်ထမ်းဆောင်ရန် သူနာပြုအကူနှင့် ဆေးဝါးအကူ ဝန်ထမ်းများခေါ်ယူလျက်ရှိပါသည်။၁) တက္ကသိုလ်ဝင်တန်...
19/06/2026

Latha Nine Nine ဆေးခန်းတွင် တာဝန်ထမ်းဆောင်ရန် သူနာပြုအကူနှင့် ဆေးဝါးအကူ ဝန်ထမ်းများခေါ်ယူလျက်ရှိပါသည်။

၁) တက္ကသိုလ်ဝင်တန်း အောင်မြင်ပြီးသူများ

၂) Nurse Aid/ Pharmacy Aid သင်တန်းတက်မြောက်အောင်မြင်ပြီးသူများ

၃)သက်ဆိုင်ရာလုပ်ငန်းအတွေ့အကြုံရှိသူများ

၄)အသင်းအဖွဲ့နှင့်ပူးပေါင်းဆောင်ရွက်တတ်ရမည်

၅)Duty Roster Type နှင့် လုပ်ကိုင်ဆောင်ရွက်နိုင်သူများ

၆)ကျောင်းကိစ္စရှင်းလင်းသူဖြစ်ရပါမည်

စိတ်ဝင်စားသူများသည် Viber Number 09 942 420 000 သို့ပေးပို့လျှောက်ထားနိုင်ပါသည်။

⚠ ကင်ဆာဆိုတာ ရှုပ်ထွေးတဲ့ရောဂါတစ်ခုဖြစ်ပြီး အချက်အလက်မှန်တွေ သိထားတာက ရောဂါကို ကာကွယ်ကုသရာမှာ များစွာအထောက်အကူပြုပါတယ်။...
12/06/2026

⚠ ကင်ဆာဆိုတာ ရှုပ်ထွေးတဲ့ရောဂါတစ်ခုဖြစ်ပြီး အချက်အလက်မှန်တွေ သိထားတာက ရောဂါကို ကာကွယ်ကုသရာမှာ များစွာအထောက်အကူပြုပါတယ်။

ကင်ဆာနဲ့ပတ်သက်ပြီး လူအများစု မှားယွင်းစွာ သိထားတတ်တဲ့အချက်များ❗

ကင်ဆာဆိုတာ ကူးစက်တတ်တဲ့ ရောဂါ: ကင်ဆာဟာ လူတစ်ဦးကနေ တစ်ဦးကို ကူးစက်နိုင်တဲ့ရောဂါမဟုတ်ပါဘူး။ ကင်ဆာဆဲလ်တွေဟာ ခန္ဓာကိုယ်ထဲမှာပဲ ဖြစ်ပွားပြီး အပြင်ကို ကူးစက်မသွားပါဘူး။
ကင်ဆာဆိုတာ မျိုးရိုးဗီဇကြောင့်ပဲ ဖြစ်တာ: ကင်ဆာဖြစ်ရတဲ့ အကြောင်းရင်းတွေထဲမှာ မျိုးရိုးဗီဇလည်း ပါဝင်ပေမယ့်၊ ၉၀ ရာခိုင်နှုန်းကျော်သော ကင်ဆာတွေဟာ ပတ်ဝန်းကျင်ဆိုင်ရာ အကြောင်းတရားတွေ (ဥပမာ- ဆေးလိပ်သောက်ခြင်း၊ အစားအသောက်ပုံစံ၊ ကိုယ်လက်လှုပ်ရှားမှု နည်းပါးခြင်း စတာတွေ) ကြောင့် ဖြစ်တာပါ။ မျိုးရိုးဗီဇကြောင့် ဖြစ်တာက အနည်းငယ်ပဲရှိပါတယ်။
ကင်ဆာဆိုတာ အမြဲတမ်း သေစေနိုင်တဲ့ရောဂါ: အရင်တုန်းက ကင်ဆာကို သေဆုံးရမယ့်ရောဂါလို့ ထင်ခဲ့ကြပေမယ့် ၊ ဒီနေ့ခေတ်မှာတော့ ဆေးပညာ တိုးတက်လာတာနဲ့အမျှ ကင်ဆာအမျိုးအစားအများစုကို စောစီးစွာ ရှာဖွေတွေ့ရှိပြီး အချိန်မီ ကုသမယ်ဆိုရင် ပျောက်ကင်းအောင် ကုသနိုင်တဲ့အပြင် ရှင်သန်နှုန်းလည်း တိုးတက်လာပါတယ်။
ကင်ဆာအတွက် ကုသမှုတွေက ရောဂါထက်ပိုပြီး နာကျင်စေတယ်: ကင်ဆာကုသမှုတွေဖြစ်တဲ့ ခီမိုဆေးသွင်းခြင်း (Chemotherapy)၊ ဓာတ်ရောင်ခြည်ပေးခြင်း (Radiation Therapy)၊ ခွဲစိတ်ကုသခြင်း (Surgery) စတာတွေမှာ ဘေးထွက်ဆိုးကျိုးတွေ ရှိနိုင်ပါတယ်။ ဒါပေမယ့် ဒီကုသမှုတွေက ကင်ဆာဆဲလ်တွေကို ဖျက်ဆီးဖို့နဲ့ ရောဂါပျံ့နှံ့မှုကို တားဆီးဖို့အတွက် အရေးကြီးပါတယ်။ ခေတ်မီကုသမှုတွေက ဘေးထွက်ဆိုးကျိုးတွေကို ထိန်းချုပ်နိုင်ဖို့လည်း ပိုကောင်းလာပါတယ်။
သကြားစားရင် ကင်ဆာပိုဆိုးစေတယ်: ကင်ဆာဆဲလ်တွေက သာမန်ဆဲလ်တွေထက် စွမ်းအင်ပိုသုံးပြီး မြန်မြန်ကြီးထွားတာကြောင့် သကြားကို ပိုစားသုံးတယ်ဆိုတာ မှန်ပါတယ်။ ဒါပေမယ့် သကြားလုံးဝမစားရင် ကင်ဆာဆဲလ်တွေ အစာငတ်ပြီး သေသွားမယ်ဆိုတာ မဟုတ်ပါဘူး။ ခန္ဓာကိုယ်ထဲက ဆဲလ်တိုင်းက စွမ်းအင်အတွက် သကြားဓာတ်ကို လိုအပ်ပါတယ်။ သကြားများများစားတာကတော့ အဝလွန်ခြင်းကို ဖြစ်စေနိုင်ပြီး ကင်ဆာအချို့ ဖြစ်ပွားနိုင်ခြေကို တိုးစေနိုင်ပါတယ်။
သစ်ဥသစ်ဖုတွေက ကင်ဆာပျောက်စေသလား :ဟိုအရွက်တွေ၊ ဒီအမြစ်တွေ ပြုတ်သောက်၊ ကြိတ်သောက်ရင် ကင်ဆာပျောက်တယ်ဆိုပြီး ပြောကြပေမယ့် တကယ်တမ်း ဘယ်ဟာကမှ လေ့လာမှု သေချာ မလုပ်ထားပါဘူး။ ဘယ်လူနာ၊ ကင်ဆာဘယ်အဆင့်ဆို ဘယ်လောက်သောက်ရမယ်ဆိုပြီး တိတိကျကျ သိတာမျိုး မဟုတ်ပါဘူး။ သန့်စင်ထားတဲ့ ပစ္စည်းတွေ မဟုတ်တာကြောင့် နောက်ဆက်တွဲအနေနဲ့ ကိုယ်တွင်းအင်္ဂါ (ကျောက်ကပ်နဲ့ အသည်း)တွေ ထိခိုက်ပြီး ကင်ဆာကုသမှုကို အနှောင့်အယှက်ဖြစ်စေနိုင်ပါတယ်။

ကင်ဆာအကြောင်း မှန်ကန်တဲ့အချက်များ❗

ကင်ဆာဆိုတာ ဆဲလ်တွေ ထိန်းချုပ်မှုမရှိဘဲ ကြီးထွားတဲ့ရောဂါ: ကင်ဆာဆိုတာ ခန္ဓာကိုယ်ထဲက ဆဲလ်တွေဟာ ပုံမှန်မဟုတ်ဘဲ ထိန်းချုပ်မှုမရှိဘဲ အဆမတန် ပွားများလာတာကို ခေါ်ပါတယ်။ ဒီလို ပွားများလာတဲ့ ဆဲလ်တွေက အကျိတ် (Tumor) တွေ ဖြစ်လာနိုင်ပြီး ခန္ဓာကိုယ်ရဲ့ တခြားအစိတ်အပိုင်းတွေကိုလည်း ပျံ့နှံ့နိုင်ပါတယ်။
စောစီးစွာသိရှိခြင်းက အရေးကြီးဆုံး: ကင်ဆာရောဂါကို စောစီးစွာ ရှာဖွေတွေ့ရှိခြင်းဟာ ကုသမှုအောင်မြင်ဖို့ အဓိကအချက်ပါ။ ကင်ဆာအမျိုးအစားအများစုမှာ အစောပိုင်းလက္ခဏာတွေ မပြတတ်တာကြောင့် ပုံမှန်ကျန်းမာရေးစစ်ဆေးမှုတွေနဲ့ ကင်ဆာစစ်ဆေးမှုတွေ (ဥပမာ- ရင်သားကင်ဆာအတွက် Mammogram၊ သားအိမ်ခေါင်းကင်ဆာအတွက် Pap smear၊ အူမကြီးကင်ဆာအတွက် Colonoscopy) ပြုလုပ်သင့်ပါတယ်။
ကင်ဆာဖြစ်ပွားနိုင်ခြေကိုလျှော့ချနိုင်တဲ့နည်းလမ်းတွေ ရှိတယ်: ကင်ဆာအားလုံးကို ကာကွယ်လို့မရနိုင်ပေမဲ့ ကင်ဆာဖြစ်ပွားနိုင်ခြေကို လျှော့ချနိုင်တဲ့ နည်းလမ်းတွေ အများကြီးရှိပါတယ်။
ဥပမာ -
- ဆေးလိပ်မသောက်ခြင်း၊ ကွမ်းမစားခြင်း၊ အရက်လျှော့သောက်ခြင်း။
- ကျန်းမာရေးနဲ့ညီညွတ်တဲ့ အစားအသောက်စားခြင်း (အသီးအရွက်၊ အသီးအနှံများများစားခြင်း၊ အဆီများတဲ့အစားအစာနဲ့ ပြုပြင်ထားတဲ့ အစားအစာတွေ လျှော့စားခြင်း)။
- ပုံမှန်ကိုယ်လက်လှုပ်ရှားမှု ပြုလုပ်ခြင်း။
- ကိုယ်အလေးချိန်ကို ထိန်းညှိခြင်း။
- နေရောင်ခြည်ကို လိုအပ်တာထက် ပို၍ မထိတွေ့ခြင်း။
- ရောဂါကာကွယ်ဆေးများ ထိုးခြင်း (ဥပမာ- HPV ကာကွယ်ဆေးက သားအိမ်ခေါင်းကင်ဆာကို ကာကွယ်နိုင်ပါတယ်)။

ကင်ဆာဟာ အမျိုးအစားများစွာ ရှိပြီး တစ်ခုနဲ့တစ်ခု မတူညီပါဘူး။ ခန္ဓာကိုယ်ရဲ့ မတူညီတဲ့နေရာတွေမှာ ဖြစ်ပွားနိုင်တဲ့ ကင်ဆာအမျိုးအစားပေါင်း များစွာရှိသလို ကင်ဆာအမျိုးအစားတစ်ခုစီမှာ ဖြစ်ပွားပုံ၊ လက္ခဏာနဲ့ ကုသမှုနည်းလမ်းတွေကလည်း ကွဲပြားပါတယ်ဆိုတဲ့အကြောင်းလေးကို ဗဟုသုတအဖြစ် မျှဝေလိုက်ရပါတယ်ရှင်။

ကျန်းမာရေးဝန်ဆောင်မှုများကို ရယူလိုပါက ဆက်သွယ်မေးမြန်းရန်

📭 အမှတ်(၉၉)၊ လသာလမ်း(အပေါ်ဘလောက်)၊ လသာမြို့နယ်၊ ရန်ကုန်မြို့။

☎ 09 408 992 244 // 09 408 992 255

📞 09 942 420 000 (Hotline)



22-Jan-2026
22/01/2026

22-Jan-2026

Address

No. 99, Latha Street (Upper Block), Latha Township//အမှတ်(၉၉)၊ လသာလမ်း(အပေါ်ဘလောက်)၊ လသာမြို့နယ်၊ ရန်ကုန်မြို့
Yangon
11141

Opening Hours

Monday 07:00 - 19:00
Tuesday 07:00 - 19:00
Wednesday 07:00 - 19:00
Thursday 07:00 - 19:00
Friday 07:00 - 19:00
Saturday 07:00 - 19:00
Sunday 07:00 - 19:00

Telephone

+959942420000

Website

Alerts

Be the first to know and let us send you an email when Latha Nine Nine Specialist Clinic & Diagnostic Center posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Latha Nine Nine Specialist Clinic & Diagnostic Center:

Shortcuts

Share

Category