The Elixir for your health

The Elixir for your health Your health companion

22/05/2026

မိုးရာသီနှင့် အရေပြားပြဿနာများ

ပူနေတုန်းမိုးလေးကျလာတော့ပျော်ကြရွှင်ကြရတာ။ မိုးရာသီရောက်ရင်တော့ အေးမြမှုတွေနဲ့အတူစိတ်ကသိကအောင့်ဖြစ်စရာအခြေအနေလေးတချို့ကိုပါ တွေ့ကြုံတတ်ပါတယ်။
- အဲလိုအခြေအနေတွေထဲကက တမျိုးက အရေပြားဆိုင်ရာပြဿနာလေးတွေပါပဲ။
မိုးရာသီမှာ တွေ့ရများတဲ့အရေပြား ပြဿနာလေးတွေရယ် ဘယ်လိုကာကွယ်နိုင်မလဲဆိုတာရယ်ကိုပြောပြပေးသွားပါမယ်။

၁။ အရေပြားယားယံခြင်း၊ အရေပြားတုံ့ပြန်လွယ်ခြင်း။
၂။ အရေပြားမှိုရောဂါများဖြစ်တဲ့ ခန္ဓာကိုယ်ချောင်ကြားတွေမှာအဖြစ်များတဲ့ ပွေး၊ ရေတစိုစိုဖြစ်နေတဲ့ခြေထောက်တွေမှာဖြစ်တတ်တဲ့ ခြေဝဲစားခြင်း။
၃။ Scabies လို့ခေါ်တဲ့ဝဲရောဂါ။
၄။ ဝက်ခြံများထွက်ခြင်း။
၅။ မွေးကျွတ်နာများ။
၆။ Eczema flares အရေပြားတုံ့ပြန်လွယ်မှု ဓါတ်မတဲ့မှုများ ကြွခြင်း။

- ခုပြောပြခဲ့တဲ့ပြဿနာလေးတွေက
မိုးတွင်းမှာ humidity စိုထိုင်းဆ များလာခြင်း ရာသီဥတုပြောင်းပြီး အပူချိန်ရုတ်တရက်အပြောင်းအလဲဖြစ်ခြင်းတွေကြောင့် အရေပြားတုံပြန်လွယ်မှု ယားယံမှုတွေနဲ့အတူ ဖြစ်လာတာဖြစ်ပါတယ်။

- ကာကွယ်နိုင်မဲ့နည်းလမ်းလေးတွေကတော့
၁။ တကိုယ်ရည်သန့်ရှင်းရေးကို ဂရုစိုက်ပါ။ စိုထိုင်းစများတဲ့ရာသီဥတုဖြစ်လို့ အရေပြားမှာချွေးပေါက်ပိတ်တာမျိုးတွေဖြစ်ပြီး ဝက်ခြံထွက်တာမျိုး‌‌တွေ ဖြစ်တတ်လို့ မျက်နှာကို မပြင်းတဲ့မျက်နှာသစ်နဲ့ တနေ့သုံးကြိမ်လောက်ထိသစ်ပေးနိုင်ပါတယ်။အသားအရေကို ရေဓါတ်ရအောင် moisturizer လိမ်းတာ ရေများများသောက်ပေးတာမျိုးလုပ်နိုင်ပါတယ်။
၂။ သန့်ရှင်းပြီးခြောက်သွေ့တဲ့အဝတ်အစားများကိုသာဝတ်ဆင်သင့်ပါတယ်။ ခြေဝဲစားတတ်သူများအနေနှင့်လည်း ခြေထောက်ရေစိုပြီးရင် ခြောက်အောင်ပြန်သုတ်တာ ခြောက်သွေ့တဲ့ခြေအိတ်ကိုသာဝတ်ဆင်တာ လေဝင်လေထွက်ကောင်းတဲ့ဖိနပ်မျိုးဝတ်ဆင်တာတွေ လုပ်နိုင်ပါတယ်။
၃။ ခန္ဓာကိုယ်ရေစို ချွေးစိုတာတွေဖြစ်ရင် ‌ခြောက်သွေ့အောင်သုတ်ဖို့လိုပါတယ်။အထူးသဖြင့် ချိုင်းကြား ပေါင်ကြား ဂုတ်ကြား ကိုယ်အလေးချိန်များသူတွေဆို ရင်ဘက်အောက်ရင်ဘက်ကြား ဗိုက်ခေါက်ကြားတွေ ခြောက်သွေ့ဖို့သတိပြုရပါမယ်။ အရေပြားမှိုသတ်ဆေးပါတဲ့ ပေါင်ဒါမှုန့်တွေသုံးပြီးခြောက်သွေ့အောင်လည်းလုပ်နိုင်ပါတယ်။

- ဆီးချိုရာဂါရှိသူ၊ အရေပြားတုံပြန်လွယ်ရောဂါ eczema ရှိသူ၊ ကိုယ်ဝန်ဆောင်တွေအနေနဲ့ကတော့ ကျွမ်းကျင်ရာ ဆရာဝန်နဲ့ပြသပြီးမှသာ ကုသမှုခံယူသင့်ပါတယ်။

- ကဲဒီလောက်ဆိုရင်တော့ မိုးရာသီအရေပြားပြဿနာလေးတွေအတော်အသင့်ကာကွယ်နိုင်ပြီ ဖြစ်လို့ မိုးရာသီနဲ့တူ ဘေးကင်းပျော်ရွှင်ကြပါစေနော်။

22/05/2026

📢ကာလဝမ်းရောဂါ သို့မဟုတ် cholera သို့မဟုတ် အသက်အန္တရယ်ရှိသော ပြင်းထန် ဝမ်းပျက်ဝမ်းလျောရောဂါ 📢

📢 ကာလဝမ်းရောဂါ cholera ရောဂါက Vibrio cholerae လို့ခေါ်တဲ့ဘက်တီးရီးယားကြောင့်ဖြစ်ပြီး ရေမသန့်ရာက တဆင့်ဖြစ်တဲ့ ကူးစက်မှုပြင်းထန်တဲ့ရောဂါဖြစ်ပါတယ်။

📢 မသန့်သောရေကတဆင့် အစားအသောက်ကတဆင့်၊ ရောဂါပိုးရှိသူရဲ့ မစင်ကိုထိတွေ့မှု့ကတဆင့် ပါးစပ်ကနေ ရောဂါပိုးဝင်ပြီးကူးစက်ဖြစ်ပွားပါတယ်။

📢 ကာလဝမ်းရောဂါကြောင့် အချိန်တိုအတွင်း ရေဓါတ်ခမ်းခြောက်မှုဖြစ်ကာ အချိန်မှီမကုသပါက အသက်ဆုံးရှုံးနိုင်ပြီး အစုလိုက်အပြုံလိုက်ဖြစ်ပါက ကပ်ရောဂါအသွင် ကုသရခက်ခဲနိုင်ပါတယ်။

🔍🔍🔍🔍ရောဂါလက္ခဏာများကတော့

_ ပျို့ ချင် အန်ချင်မယ်၊ အန်မယ်။ ပမာဏများနိုင်ပါတယ်။

_ ဆန်ဆေးရေအရောင်ဝမ်းတွေ ပမာဏာများစွာသွားမယ်။ အနဲံ့ကငါးညှီနံ့လိုဖြစ်ပြီး ဝမ်းသွားပြီး နာရီပိုင်းအတွင်း အရေဓါတ်ခမ်းခြောက်မယ်။ ဓါတ်ဆားဆုံးရှုံးလို့ ကြွက်တက်တာ၊နုန်းတာ၊ သတိလစ်တာ ဖြစ်မယ်။ အချိန်မှီမကုသရင် အသက်ဆုံးရှုံးနိုင်ပါတယ်။

📢📢 အရေးပေါ်ကုသမှုက တော့ ရေတလီတာနဲ့ဖျော်ရတဲ့ အများအခေါ် BPI ဓါတ်ဆားပဲဖြစ်ပါတယ်။
_ ဓါတ်ဆားရည်ကို ဝမ်းသွားသမျှပမာဏအတိုင်း ပြန်သောက်သောက်ပေးဖို့လိုပါတယ်။
_ ရေသန့်ဖို့ ဖျော်ပုံဖျော်နည်းစနစ်ကျဖို့လိုပါတယ်။
_ ရေသန့်မရနိုင်ရင် ရေကျက်အေးနှင့်ဖျော်နိုင်ပါတယ်။

📢📢✅အရေးပေါ်ဓါတ်ဆားဝယ်မရပါက
ရေသန့် သို့မဟုတ် ရေကျက်အေး တစ်လီတာထဲကို သကြားလဘက်စားဇွန်း ၆ ဇွန်းနှင့် ဆား လဘက်စားဇွန်း ဇွန်းတဝက်ထည့်ပြီး သောက်သုံးရပါတယ်။

✅အန်နေလျှင် အများကြီးတခါထဲမသောက်ပဲ တဖြည်းဖြည်းချင်းသောက်ပေးပါ။

✅ရေဓါတ်ဆုံးရှုံးမှုအလွန် များရင်တော့ drip ပုလင်းချိတ်ရနိုင်လို့ ဆေးရုံပြသသင့်ပါတယ်။

📢📢 ကာကွယ်မှုတွေအနေနဲ့ကတော့

_မသန့်သော ရေမှတဆင့်ကူးစက်တာဖြစ်လို့ ရေသန့်ဖို့လိုပါတယ်။ သန့်ရှင်းသောရေကိုသာသောက်သုံးပါ။ရေသန့်မရနိုင်လျှင်ရေကိုကြိုချက်သောက်သုံးပါ။ အိမ်သုံးရေ ရေကန်ကို ကလိုရင်းခတ်ပါ။

_ လက်ကိုသေချာစင်ကြယ်စွာဆေးကြောပါ။ ( အစားအစာကိုမကိုင်တွယ်ခင်၊ အစားအစာမပြင်ဆင်ခင် ပြင်ဆင်နေစဉ်နှင့်ပြင်ဆင်ပြီးချိန်၊ အသီးအရွက်အသားငါးကိုင်တွယ်ပြီးချိန်၊ အစားမစားခင်၊ ကလေးအစာမကျွေးခင်၊ အိမ်သာမှထွက်သောအခါ၊ ကလေးကို အိမ်သာအညစ်အကြေးဆေးကြောပြီးသောအခါ၊ ဝမ်းရောဂါလူနာအားကိုင်တွယ်ပြီးသောအခါ လက်ကို စနစ်တကျ ဆေးကြောပါ။ ရေမရနိုင်လျှင် လက်သန့်ဆေးရေ သုံးပါ)

_ စိတ်ချရသောအိမ်သာသုံးစွဲပါ။ ယင်လုံအိမ်သာသုံးပါ။
အိမ်သာနှင့် ရေအရင်းအမြစ် ရေကန် ပေတစ်ရာကွာပါစေ။ အိမ်သာ သွားရန်အဆင်မပြေပါက ပလတ်စတစ်အိတ်ထဲတွင် မစင်စွန့်ပြီးလုံခြုံအောင်ပိတ်ကာ ရေအရင်းအမြစ်နှင့်ပေတစ်ရာအကွာတွင် မြေမြှပ်ရပါမယ်။

_ အစားအသောက်သန့်ရှင်းမှု ဂရုစိုက်ပါ။

_ သန့်ရှင်းပူနွေးပြီး ကျက်နေအောင်ချက်ထားသော အစားအစာများသာ စားသုံးပါ။ အသီးအနှံများကို ကိုယ်တိုင် လက်ဆေး၍ အခွံခွာ၍စားသုံးပါ။ အသီးအနှံအရွက် အသားငါး အစိမ်းစားခြင်းမှ ရှောင်ကျဉ်ပါ။

_သန့်ရှင်းမှုဂရုပြုပါ။
_မီးဖိုချောင် ဟင်းချက်တဲ့နေရာကို ရေနှင့်ဆပ်ပြာသုံးပြီးဆေးကြောပါ။ပြီးလျှင် ခြောက်သွေ့စွာထားပါ။
_ အညစ်အကြေးပေထားသောအဝတ်များအား ရေအရင်းအမြစ်နဲ့ ပေတစ်ရာအကွာတွေလျော်ဖွတ်ပါ။ ရေနွေးနဲ့လျော်ဖွတ်ပြီး အခြောက်လှမ်းပါ။
_ ဝမ်းနဲ့ အန်ဖတ်များကို အိမ်သာတွင်းသာစွန့်ပြစ်ပါ။ အိမ်သာ ကို အညစ်အကြေးပိုးသတ်ဆေးရည်ဖြင့်ဆေးကြောပါ။
_သန့်ရှင်းရေးလုပ်ပြီးတိုင်း လက်ကိုသေချာပြန်ဆေးပါ။



#ကာလဝမ်းရောဂါ
#ဝမ်းပျက်
#အန်
#ကျန်းမာရေး

ကမ္ဘာ့ကျန်းမာရေးသတိပေးချက်- အီဘိုလာ (Ebola) ဗိုင်းရပ်စ် အရေးပေါ်အခြေအနေနှင့် သိထားရမည့်အချက်များ 🚨​ ကမ္ဘာပေါ်မှာ ကူးစက်ရ...
18/05/2026

ကမ္ဘာ့ကျန်းမာရေးသတိပေးချက်- အီဘိုလာ (Ebola) ဗိုင်းရပ်စ် အရေးပေါ်အခြေအနေနှင့် သိထားရမည့်အချက်များ 🚨
​
ကမ္ဘာပေါ်မှာ ကူးစက်ရောဂါသစ်တွေ၊ ပုံစံပြောင်းဗိုင်းရပ်စ်တွေအကြောင်း ပိုပြီးသတိထားလာကြရပါတယ်။

အခုတစ်ခါမှာလည်း ကမ္ဘာ့ကျန်းမာရေးအဖွဲ့ကြီး (WHO) ကနေ အာဖရိကတိုက်က အီဘိုလာဗိုင်းရပ်စ် ကူးစက်ပြန့်ပွားမှုနဲ့ပတ်သက်ပြီး စိုးရိမ်ရတဲ့ ထုတ်ပြန်ချက်တစ်ခု ထွက်ပေါ်လာလို့ မိမိတို့ကျန်းမာရေးအတွက် ကြိုတင်ဗဟုသုတရရှိအောင် မျှဝေပေးလိုက်ပါတယ်။

​🌍 ၂၀၂၆ မေလ နောက်ဆုံးရ အခြေအနေ (Latest Update)

_ ​ကမ္ဘာ့ကျန်းမာရေးအဖွဲ့ (WHO) သည် အာဖရိကအလယ်ပိုင်း ကွန်ဂိုဒီမိုကရက်တစ်သမ္မတနိုင်ငံ (DRC) နှင့် ယူဂန်းဒါးနိုင်ငံ တို့တွင် ဖြစ်ပွားနေသော အီဘိုလာရောဂါ ကူးစက်မှုကို "အပြည်ပြည်ဆိုင်ရာ စိုးရိမ်ဖွယ်ရာ ပြည်သူ့ကျန်းမာရေး အရေးပေါ်အခြေအနေ" (PHEIC) အဖြစ် မေလ ၁၇ ရက်နေ့တွင် တရားဝင်ကြေညာလိုက်ပြီ ဖြစ်ပါတယ်။

✅ ​ထူးခြားချက်- ယခုတစ်ကြိမ် ကူးစက်မှုသည် ပုံမှန်တွေ့နေကျ Zaire strain မဟုတ်ဘဲ ပိုမိုရှားပါးသည့် Bundibugyo ဗိုင်းရပ်စ်အမျိုးအစား ဖြစ်နေပြီး လက်ရှိအချိန်ထိ ယင်းအမျိုးအစားအတွက် သီးသန့်အတည်ပြုထားသော ကာကွယ်ဆေး သို့မဟုတ် ကုသဆေး မရှိသေးပါ။

✅ ​လက်ရှိအခြေအနေ- လက်ရှိအချိန်အထိ သံသယဖြစ်ဖွယ်လူနာ ၃၀၀ ကျော်နှင့် သေဆုံးသူ ၈၀ ကျော် ရှိနေပြီး နယ်စပ်ဖြတ်ကျော် ကူးစက်မှုများ ရှိလာနေသည့်အတွက် ကမ္ဘာ့ကျန်းမာရေးအဖွဲ့များက အထူးစောင့်ကြည့်လျက် ရှိသည်။ (သို့သော် နိုင်ငံတကာ ခရီးသွားလာခွင့် ပိတ်ပင်ခြင်းမျိုး မလိုအပ်သေးကြောင်း ထုတ်ပြန်ထားပါတယ်)။

​🦠 အီဘိုလာ ရောဂါအကြောင်း သိကောင်းစရာ (Disease Information)

✅ ​အီဘိုလာဗိုင်းရပ်စ် (Ebola Virus Disease) ဆိုတာ ပြင်းထန်ပြီး အသက်အန္တရာယ်အထိ စိုးရိမ်ရတဲ့ သွေးလွန်တုပ်ကွေးဆန်ဆန် ဗိုင်းရပ်စ်ရောဂါတစ်မျိုး ဖြစ်ပါတယ်။

​၁။ ရောဂါကူးစက်နိုင်သည့် လမ်းကြောင်းများ

အီဘိုလာသည် လေထုထဲမှတစ်ဆင့် မကူးစက်နိုင်ပါ။

📢 အောက်ပါအတိုင်း တိုက်ရိုက်ထိတွေ့မှုမှသာ ကူးစက်ပါသည်-

_ ​ရောဂါပိုးရှိသော တိရစ္ဆာန်ရိုင်းများ (ဥပမာ- လင်းနို့၊ မျောက်၊ တောဝက်) ၏ သွေး၊ ကိုယ်ခန္ဓာအစိတ်အပိုင်းများနှင့် ထိတွေ့မိခြင်း။

_ ​အီဘိုလာလူနာ သို့မဟုတ် လူနာ၏ အညစ်အကြေး၊ သွေး၊ တံတွေး၊ ချွေး စသည့် ခန္ဓာကိုယ်ထွက်ရည်များနှင့် တိုက်ရိုက်ထိတွေ့ခြင်း။

_ ​လူနာအသုံးပြုထားသော အဝတ်အထည်၊ အိပ်ရာခင်းနှင့် ဆေးထိုးအပ်များကို ကိုင်တွယ်မိခြင်း။

​၂။ ပြသလေ့ရှိသော လက္ခဏာများ

✅ ဗိုင်းရပ်စ်ပိုး ဝင်ရောက်ပြီး ၂ ရက်မှ ၂၁ ရက်အတွင်း လက္ခဏာများ စတင်ပြသတတ်ပါသည်-

📢 ​ရုတ်တရက် ဖျားခြင်း၊ အလွန်အမင်း နုံးခွေခြင်း။

📢 ​ကြွက်သားများ နာကျင်ခြင်း၊ ခေါင်းကိုက်ခြင်းနှင့် လည်ချောင်းနာခြင်း။

📢 ​နောက်ဆက်တွဲအနေဖြင့် အော့အန်ခြင်း၊ ဝမ်းပျက်ခြင်း။

✅ ​ရောဂါပြင်းထန်လာပါက ခန္ဓာကိုယ်အတွင်းပိုင်းနှင့် ပြင်ပတွင် သွေးယိုစိမ့်မှုများ ဖြစ်ပွားခြင်း (ဥပမာ- သွားဖုံးမှ သွေးထွက်ခြင်း၊ ဝမ်းထဲသွေးပါခြင်း)။

​🛡️ ကြိုတင်ကာကွယ်ရန် နည်းလမ်းများ

✅ ​ကျွန်ုပ်တို့နိုင်ငံနှင့် အလှမ်းဝေးသည်ဟု ထင်ရသော်လည်း ပြည်ပခရီးသွားသူများပြားသည့် ယနေ့ခေတ်တွင် အောက်ပါအချက်များကို ဆင်ခြင်ရန် လိုအပ်ပါသည်-

✅ ​တစ်ကိုယ်ရေသန့်ရှင်းရေး- လက်ကို ဆပ်ပြာ၊ ရေ သို့မဟုတ် အယ်လ်ကိုဟောပါဝင်သော Hand Gel ဖြင့် စနစ်တကျ မကြာခဏ ဆေးကြောပါ။

✅ ​တိရစ္ဆာန်ရိုင်းများကို ရှောင်ကြဉ်ပါ- အထူးသဖြင့် လင်းနို့ သို့မဟုတ် မျောက် သေဆုံးမှုများ ရှိပါက အကာအကွယ်မပါဘဲ လုံးဝမကိုင်တွယ်ပါနှင့်။

✅ အသားများကို ကျက်အောင် ချက်ပြုတ်စားသောက်ပါ။

✅ ​ခရီးသွားသတိပြုရန်- ရောဂါဖြစ်ပွားရာ ဒေသများ (အာဖရိကဒေသအချို့) သို့ သွားရောက်ရန်ရှိပါက ကျန်းမာရေး သတိပေးချက်များကို စောင့်ကြည့်ပြီး ဖျားနာနေသူများနှင့် ထိတွေ့မှုကို ရှောင်ကြဉ်ပါ။

​💡 The Elixir's Note: ရောဂါတိုင်းအတွက် အကောင်းဆုံးဆေးတစ်ခွက်ကတော့ "ကြိုတင်ကာကွယ်ခြင်းနှင့် ဗဟုသုတရှိခြင်း" ပါပဲ။

📢 အီဘိုလာဟာ လက်ရှိမှာ မြန်မာနိုင်ငံအတွင်း ကူးစက်ပြန့်ပွားမှု မရှိသေးတဲ့အတွက် ထိတ်လန့်စရာမလိုဘဲ ကျန်းမာရေးသတိရှိနေဖို့သာ လိုအပ်ပါတယ်။

​မိမိတို့ရဲ့ ကျန်းမာရေးဗဟုသုတ အမြဲတိုးပွားနေစေဖို့ The Elixir for Your Health စာမျက်နှာကို Like နဲ့ Follow လုပ်ထားဖို့ မမေ့နဲ့ဦးနော်။

သူငယ်ချင်းတွေလည်း သိရအောင် Share ပေးလိုက်ကြရအောင်... ✨

​ Health #အီဘိုလာဗိုင်းရပ်စ် #ကျန်းမာရေးဗဟုသုတ

📢 Hanta Virus (ဟန်တာဗိုင်းရပ်စ်) အကြောင်း သိကောင်းစရာနှင့် နောက်ဆုံးရ သတင်းများ 🌐☝️ ​မကြာသေးမီက လူမှုကွန်ရက်စာမျက်နှာမျ...
09/05/2026

📢 Hanta Virus (ဟန်တာဗိုင်းရပ်စ်) အကြောင်း သိကောင်းစရာနှင့် နောက်ဆုံးရ သတင်းများ 🌐

☝️ ​မကြာသေးမီက လူမှုကွန်ရက်စာမျက်နှာများတွင် ပြန်လည်စိုးရိမ်မှု မြင့်တက်လာနေသည့် Hanta Virus (ဟန်တာဗိုင်းရပ်စ်) သည် ကြွက်နှင့် ရှူးပျံ (Rodents) များမှတစ်ဆင့် လူသို့ ကူးစက်တတ်သော ဗိုင်းရပ်စ်မိသားစုတစ်ခု ဖြစ်ပါသည်။

​🔍 ကူးစက်ပုံနှင့် ရောဂါလက္ခဏာများ (Transmission & Symptoms)

✅ ​ကူးစက်ပုံကတော့ ပိုးရှိသော ကြွက်၏ ဆီး၊ တံတွေး သို့မဟုတ် အညစ်အကြေးများမှတစ်ဆင့် လေထဲတွင် ဖုန်မှုန့်အဖြစ် လွင့်ပါနေသော ဗိုင်းရပ်စ်ကို ရှူရှိုက်မိခြင်းမှ အဓိက ကူးစက်ပါသည်။

✅Hanta Virus (ဟန်တာဗိုင်းရပ်စ်) ကူးစက်ခံရပါက အဓိကအားဖြင့် အောက်ပါလက္ခဏာများကို ခံစားရနိုင်ပါသည် -
_ ​အဖျားတက်ခြင်း
_ ​ခေါင်းကိုက်ခြင်း
_ ​ကြွက်သားများ နာကျင်ခြင်း (အထူးသဖြင့် ပေါင်၊ ခါးနှင့် ပုခုံးကြွက်သားများ)
_ ​မောပန်းနွမ်းနယ်ခြင်း
_ ​အော့အန်ခြင်းနှင့် ဝမ်းလျှောခြင်း
🤔 ​ပြင်းထန်လာပါက အသက်ရှူရ ခက်ခဲလာခြင်း၊ အဆုတ်ထဲ ရေဝင်ခြင်းနှင့် ကျောက်ကပ်ပျက်စီးခြင်းတို့အထိ ဖြစ်နိုင်ပါသည်။

​ဤလက္ခဏာများသည် များသောအားဖြင့် ဗိုင်းရပ်စ်ပိုးဝင်ပြီး (၁) ပတ်မှ (၈) ပတ်အတွင်း စတင်ပြသတတ်ပါသည်။

​🌐 WHO ၏ နောက်ဆုံးရ Update (2026)

​ကမ္ဘာ့ကျန်းမာရေးအဖွဲ့ (WHO) ၏ လက်ရှိထုတ်ပြန်ချက်များအရ Hanta Virus နှင့် ပတ်သက်၍ အောက်ပါအချက်များကို သတိပြုရန် လိုအပ်ပါသည် -

✅ ​ကပ်ရောဂါ မဟုတ်ပါ: Hanta Virus သည် လူအချင်းချင်း ကူးစက်မှု အလွန်ရှားပါးသောကြောင့် ကိုဗစ်ကဲ့သို့ ကမ္ဘာလုံးဆိုင်ရာ ကပ်ရောဂါ (Pandemic) ဖြစ်လာနိုင်ခြေ အလွန်နည်းပါးပါသည်။

✅ ​ဒေသအလိုက် ဖြစ်ပွားမှု: ကြွက်ပေါများသော ဒေသများတွင် ရံဖန်ရံခါ (Endemic) ဖြစ်ပွားတတ်သဖြင့် ပတ်ဝန်းကျင် သန့်ရှင်းရေးကိုသာ အလေးထားရန် ညွှန်ကြားထားပါသည်။

📢 ​သတင်းအမှားများကို သတိပြုပါ:

​✅ ကာကွယ်ရေးနှင့် မှန်ကန်သော တုံ့ပြန်မှု (Prevention & Response)

☝️ ​ပတ်ဝန်းကျင် သန့်ရှင်းရေး

✅ နေအိမ်နှင့် လုပ်ငန်းခွင်အတွင်း ကြွက်များ မခိုအောင်းနိုင်အောင် ရှင်းလင်းထားခြင်းသည် အကောင်းဆုံး ကာကွယ်နည်း ဖြစ်ပါသည်။

📢 ​စနစ်တကျ ကုသမှု

✅ ရောဂါလက္ခဏာများ ခံစားရပါက ကျွမ်းကျင်သူ ဆရာဝန်များနှင့် တိုင်ပင်ဆွေးနွေးရန် အရေးကြီးပါသည်။

✅ ​လက်အိတ်နှင့် Mask သုံးပါ: ကြွက်များ ရှိနိုင်သော ဂိုဒေါင် သို့မဟုတ် နေရာဟောင်းများကို သန့်ရှင်းရေးလုပ်ပါက အကာအကွယ် ပစ္စည်းများကို မဖြစ်မနေ သုံးစွဲပါ။

😀 ​The Elixir Tip: ရောဂါကို ကြိုတင်ကာကွယ်ခြင်းနှင့် စောစီးစွာ ကုသမှုရယူခြင်းသည် အကောင်းဆုံးသော ဧကရာဇ်ဆေးတစ်ခွက် ဖြစ်ပါသည်။

😀 ​ကျန်းမာရေးဗဟုသုတများ အမြဲဖတ်ရှုရန် The Elixir for your health Page ကို Follow လုပ်ထားကြပါဦး။ ✨

​

🏥 သင့်ကျန်းမာရေးကို နှောင့်နှေးစေတဲ့ "အယူအဆအမှား" နဲ့ "စိတ်ပိုင်းဆိုင်ရာ အတားအဆီး" များ 🧠🤔😀 ​ကျန်းမာရေးပြဿနာတစ်ခုခု ကြုံ...
07/05/2026

🏥 သင့်ကျန်းမာရေးကို နှောင့်နှေးစေတဲ့ "အယူအဆအမှား" နဲ့ "စိတ်ပိုင်းဆိုင်ရာ အတားအဆီး" များ 🧠

🤔😀 ​ကျန်းမာရေးပြဿနာတစ်ခုခု ကြုံလာရတဲ့အခါ ကျွန်တော်တို့ရဲ့ တုံ့ပြန်ပုံတွေဟာ အသက်အန္တရာယ်အထိ ဆုံးဖြတ်ချက်ပေးနိုင်ပါတယ်။

✅ ကျန်းမာရေးစိတ်ပညာရှင် Leventhal ရဲ့ လေ့လာချက်အရ လူတွေဟာ ရောဂါလက္ခဏာတစ်ခုအပေါ်မှာ ကိုယ်ပိုင် "အသိအမြင် (Illness Beliefs)" တွေနဲ့ ဆုံးဖြတ်လေ့ရှိကြပါတယ်။

​ဒီအသိအမြင်တွေနဲ့ စိတ်ပိုင်းဆိုင်ရာ တုံ့ပြန်မှုတွေ လွဲမှားနေတဲ့အခါ ကုသမှုနောက်ကျပြီး အချိန်မမီတော့တာမျိုး ဖြစ်တတ်ပါတယ်။

​❌ ကုသမှုကို နှောင့်နှေးစေတဲ့ အဓိက အချက် (၅) ချက်

​၁။ ရောဂါကို လက်မခံချင်တဲ့စိတ် (Denial)

🤔 ဒါဟာ အဖြစ်အများဆုံး စိတ်ပိုင်းဆိုင်ရာ အတားအဆီးပါ။
🤔 "ငါက ကျန်းမာရေးလိုက်စားတာပဲ၊ ငါ့မှာ ဒီရောဂါမရှိနိုင်ဘူး" ဆိုပြီး အမှန်တရားကို ငြင်းပယ်ခြင်း (Denial) ဟာ ကြောက်ရွံ့မှုကို ကာကွယ်ဖို့ ကြိုးစားတဲ့ စိတ်ရဲ့ တုံ့ပြန်မှုတစ်ခုသာ ဖြစ်ပါတယ်။

😀 ဒါပေမဲ့ ဒီငြင်းပယ်မှုက ကုသမှုစတင်ဖို့ အချိန်ဆွဲမိစေပြီး ရောဂါကို ပိုမိုဆိုးရွားစေပါတယ်။

​၂။ "နာမှ ရောဂါရှိတာ" ဆိုတဲ့ အယူအဆ (Identity)

🤔 ကျွန်တော်တို့ရဲ့ အာရုံခံစားမှု (Senses) ကနေ နာကျင်မှုရမှ ရောဂါလို့ ထင်တတ်ကြပါတယ်။

🤔 တကယ်တော့ သွေးတိုး၊ ဆီးချို စတဲ့ရောဂါတွေဟာ အစောပိုင်းမှာ ဘာနာကျင်မှုမှ မပေးဘဲ ခန္ဓာကိုယ်ထဲမှာ တိတ်တဆိတ် ပျက်စီးနေတတ်ပါတယ်။

"မနာသေးလို့ ဘာမှမဖြစ်ဘူး" ဆိုတဲ့ အတွေးဟာ အန္တရာယ်အကြီးဆုံးပါ။

​၃။ ပတ်ဝန်းကျင်အမြင်ကို စိုးရိမ်ခြင်း (Psychosocial Barriers)

✅ တချို့သောရောဂါတွေဖြစ်တဲ့အခါ လူတွေသိသွားရင် အထင်သေးခံရမှာ၊ ခွဲခြားဆက်ဆံခံရမှာ (Stigma) ကို ကြောက်ပြီး ဆေးခန်းမပြဘဲ ဖုံးကွယ်ထားတတ်ကြပါတယ်။

🤔 ပတ်ဝန်းကျင်ရဲ့ အမြင်ထက် ကိုယ့်ရဲ့ အဖိုးတန်တဲ့ အသက်က ပိုအရေးကြီးတယ်ဆိုတာကို သတိပြုရပါမယ်။

​၄။ "ခဏလေးပါ၊ ပြန်ကောင်းသွားမှာပါ" (Timeline)

🤔 ရောဂါလက္ခဏာတစ်ခုကို ကိုယ်ပိုင် "Common Sense" နဲ့ပဲ ဆုံးဖြတ်ပြီး "အိပ်လိုက်ရင် ပျောက်မှာပါ"၊ "အပူစာစားလို့ဖြစ်မှာပါ" ဆိုတဲ့ အယူအဆတွေနဲ့ အချိန်ဆွဲတာဟာ ရောဂါကို ရင့်သွားစေပါတယ်။

​၅။ မှားယွင်းသော ကျန်းမာရေးရှာဖွေမှု (Inefficient Health Seeking)

🤔 အင်တာနက်ပေါ်က အညွှန်းတွေ၊ နီးစပ်ရာမိတ်ဆွေတွေရဲ့ ပြောစကားတွေကို ယုံပြီး ကိုယ်တိုင်ဆေးဝယ်သောက်တာ (Self-medication) ဟာ ရောဂါအစစ်အမှန်ကို ဖုံးကွယ်ထားသလို ဖြစ်စေပြီး ကုသမှုလမ်းကြောင်းမှားစေပါတယ်။

​✅ ကျွန်ုပ်တို့ ဘာလုပ်သင့်သလဲ?

☝️ ​အမှန်တရားကို ရင်ဆိုင်ပါ

ရောဂါရှိတာကို လက်ခံခြင်းဟာ ကုသခြင်းရဲ့ ပထမဆုံးခြေလှမ်းပါ။

☝️​ကိုယ့်ခန္ဓာကိုယ်ရဲ့ အချက်ပြမှုကို နားထောင်ပါ

သင့်ရဲ့ senses တွေကနေ ပုံမှန်မဟုတ်တဲ့ နာကျင်မှု၊ ထုံကျင်မှု ဒါမှမဟုတ် မောပန်းမှုတွေ ခံစားရရင်

☝️ကျွမ်းကျင်သူနဲ့ ချက်ချင်းတိုင်ပင်ပါ။

🤔 ​Problem-solving Approach

✅ ရောဂါကို နေ့စဉ်ကြုံတွေ့နေရတဲ့ ပြဿနာတွေကို ဖြေရှင်းသလိုပဲ စနစ်တကျနဲ့ သိပ္ပံနည်းကျ နည်းလမ်းတွေနဲ့ ဖြေရှင်းရပါမယ်။

☝️ ​"ရောဂါကို စောစောသိ၊ စောစောလက်ခံပြီး စောစောကုသခြင်းဟာ သင့်ကျန်းမာရေးအတွက် အကောင်းဆုံးသော ဧကရာဇ်ဆေးတစ်ခွက် (The Elixir) ပါပဲ။"

​ကျန်းမာရေးဗဟုသုတတွေ အမြဲဖတ်ရှုဖို့ The Elixir for your health Page ကို Like & Follow လုပ်ထားဖို့ မမေ့နဲ့ဦးနော်။ ✨

​

📢 🤔☝️နှာခေါင်းသွေးလျှံရင် ခေါင်းမော့ထားရမလား ငုံ့ထားရမလား။ ပူပြင်းတဲ့ နွေရာသီမှာ မိဘတော်တော်များများ စိုးရိမ်ရတဲ့ ပြဿနာတ...
28/04/2026

📢 🤔☝️နှာခေါင်းသွေးလျှံရင် ခေါင်းမော့ထားရမလား ငုံ့ထားရမလား။ ပူပြင်းတဲ့ နွေရာသီမှာ မိဘတော်တော်များများ စိုးရိမ်ရတဲ့ ပြဿနာတစ်ခုကတော့ ကလေးတွေ "နှာခေါင်းသွေးလျှံတာ" ပဲ ဖြစ်ပါတယ်။

📢 ဒီပြဿနာရဲ့ အကြောင်းရင်း၊ ကာကွယ်နည်းနဲ့ အရေးပေါ် ပြုစုနည်းတွေကို အသေးစိတ် ရေးသားပေးလိုက်ပါတယ်။

​☀️ နွေပူပူမှာ ကလေးတွေ ဘာလို့ နှာခေါင်းသွေးလျှံကြတာလဲ? (Nosebleeds in Children)

🤔 ​အပူရှိန်ပြင်းထန်တဲ့အခါ ကလေးငယ်တွေမှာ နှာခေါင်းသွေးလျှံတာဟာ အဖြစ်များတဲ့ ကိစ္စတစ်ခုပါ။ မိဘတွေအနေနဲ့ အလွန်အမင်း မထိတ်လန့်ဘဲ မှန်ကန်တဲ့ နည်းလမ်းနဲ့ ပြုစုပေးဖို့ လိုအပ်ပါတယ်။

​🔍 ဘာကြောင့် ဖြစ်ရတာလဲ? (Causes)

​၁။ ခြောက်သွေ့သော လေထု: နွေရာသီရဲ့ ပူပြင်းခြောက်သွေ့တဲ့ လေဟာ နှာခေါင်းအတွင်းပိုင်းက နုနယ်တဲ့ အမြှေးပါးလေးတွေကို ခြောက်သွေ့စေပြီး သွေးကြောလေးတွေ ပေါက်ထွက်လွယ်စေပါတယ်။

၂။ နှာခေါင်းနှိုက်ခြင်း: နှာခေါင်းထဲမှာ ယားယံတာ၊ အဖတ်တွေ ကပ်နေတာကြောင့် ကလေးက လက်နဲ့နှိုက်ရာကနေ သွေးကြောလေးတွေကို ထိခိုက်စေပါတယ်။

၃။ ဓာတ်မတည့်ခြင်း (Allergy): ဖုန်မှုန့် သို့မဟုတ် အပူကြောင့် နှာစေး၊ နှာပိတ်ဖြစ်ပြီး နှာခေါင်းကို အားပြင်းပြင်း ညှစ်မိရာမှ သွေးထွက်တတ်ပါတယ်။

၄။ ခန္ဓာကိုယ် အပူချိန်တက်ခြင်း: နေပူထဲမှာ အဆော့လွန်ပြီး ကိုယ်အပူချိန်တက်လာတဲ့အခါ သွေးကြောတွေ ကျယ်လာပြီး သွေးလျှံတတ်ပါတယ်။

​🚨 အရေးပေါ် ပြုစုနည်း - နှာခေါင်းသွေးလျှံရင် ဘာလုပ်ရမလဲ?

❌ ​သွေးထွက်လာတဲ့အခါ အများစု မှားယှဉ်တတ်တာက "ခေါင်းကို နောက်လန်ခိုင်းတာ" ပါ။ ဒါဟာ မှားယွင်းတဲ့ နည်းလမ်းဖြစ်ပါတယ်။

✅ မှန်ကန်တဲ့ နည်းလမ်းမှာ -

☝️ ​ရှေ့သို့ အနည်းငယ် ငိုက်ပါ: ကလေးကို မတ်မတ်ထိုင်ခိုင်းပြီး ခေါင်းကို ရှေ့သို့ အနည်းငယ် ငိုက်ခိုင်းပါ။ (သွေးများ လည်ချောင်းထဲသို့ စီးမသွားစေရန် ဖြစ်ပါတယ်)။

☝️ ​နှာခေါင်းကို ညှစ်ထားပါ: နှာခေါင်းရဲ့ ပျော့တဲ့အပိုင်း (နှာသီးဝ) ကို လက်မနဲ့ လက်ညှိုးသုံးပြီး ၅ မိနစ်မှ ၁၀ မိနစ်ခန့် မလွှတ်တမ်း ဖိညှစ်ထားပေးပါ။

☝️​ပါးစပ်ဖြင့် အသက်ရှူပါ: နှာခေါင်းကို ပိတ်ထားစဉ်အတွင်း ပါးစပ်ဖြင့် အသက်ရှူခိုင်းပါ။

☝️​အအေးဝတ် ကပ်ပေးပါ: နှာတံပေါ်တွင် ရေခဲဝတ် သို့မဟုတ် အအေးဝတ် ကပ်ပေးခြင်းဖြင့် သွေးကြောများကို ကျဉ်းစေပြီး သွေးတိတ်မြန်စေပါတယ်။

​🛡️ ဘယ်လိုကာကွယ်မလဲ? (Prevention)

😀 ​နေပူထဲ အဆော့လွန်ခြင်းကို ရှောင်ပါ: အပူရှိန်ပြင်းတဲ့ နေ့လယ်ပိုင်းတွေမှာ အပြင်ထွက် ဆော့ကစားခြင်းကို ထိန်းချုပ်ပါ။

😀 ​ရေများများတိုက်ပါ: ခန္ဓာကိုယ်အတွင်း ရေဓာတ်ပြည့်ဝနေမှ နှာခေါင်းအတွင်းပိုင်း စိုစွတ်နေမှာပါ။

😀 ​နှာခေါင်းနှိုက်သည့် အလေ့အကျင့်ကို ဖျောက်ပါ: ကလေးရဲ့ လက်သည်းကို တိုတိုညှပ်ပေးထားပါ။

😀 ​စိုစွတ်အောင် ထားပါ: အိပ်ခန်းထဲတွင် လေထုစိုစွတ်စေသည့် စက် (Humidifier) သုံးခြင်း သို့မဟုတ် နှာခေါင်းအတွင်းပိုင်းကို Vaseline ကဲ့သို့ အဆီတစ်မျိုးမျိုး ခပ်ပါးပါး လိမ်းပေးထားနိုင်ပါတယ်။

📢📢 ​🏥 ဘယ်အချိန်မှာ ဆရာဝန်ပြသင့်သလဲ?

🤔 ​မိနစ် ၂၀ ကြာအောင် ဖိညှစ်ထားသော်လည်း သွေးမတိတ်လျှင်။

🤔 ​သွေးထွက်တာ အလွန်များပြီး ကလေးက မူးဝေ၊ ဖြူဖျော့လာလျှင်။

🤔 ​ထိခိုက်မိရာမှ (ဥပမာ- ချော်လဲခြင်း၊ အတိုက်ခံရခြင်း) သွေးထွက်လာလျှင်။

🤔 ​ခဏခဏ နှာခေါင်းသွေးလျှံနေလျှင် နီးစပ်ရာဆေးရုံ ဆေးခန်းကို ပြသရပါမယ်။

​The Elixir for Your Health ပရိသတ်ကြီးလည်း ခုလို ပူပြင်းတဲ့ရာသီမှာ မိသားစုဝင်တွေရဲ့ ကျန်းမာရေးကို အထူးဂရုစိုက်နိုင်ကြပါစေကြောင်း ဆုမွန်ကောင်းတောင်းအပ်ပါတယ်။

​ #နှာခေါင်းသွေးလျှံခြင်း

27/04/2026

🥵😫🌞 ပူပြင်းလွန်းတဲ့နွေရာသီကို ရောက်လာပြန်ပါပြီ။
အပူဒါဏ်ရဲ့ ပြဿနာတွေကို အများစုက သိပြီးသားဖြစ်ကြပေမဲ့ သတိထားသင့်တဲ့ အခြေအနေလေးတွေ ဆောင်ရန် ရှောင်ရန် လေးတွေကို ပြောပြပေးသွားမယ်နော်။

🌡️🌡️🌞 ရာသီဥတု အပူချိန်ပြင်းလွန်းလာတဲ့အခါ အသက် အန္တရယ်ထိခိုက်နိုင်တဲ့ပြဿနာ‌တွေ ထိဖြစ်နိုင်ပါတယ်။

_ အပူရှပ်ခြင်း၊
_ အပူဒါဏ်ကြောင့် ပင်ပန်းနွမ်းနယ်ခြင်း၊
_ နေလောင်ခြင်း၊
_ အပူဒါဏ်ကြောင့် မိတ်ထွက်ခြင်း
_ အရေပြားပြဿနာများနဲ့
_ အခြားကျန်းမာရေးပြဿနာတွေဖြစ်တဲ့ နှလုံးသွေးကြောပိတ်ခြင်း၊ လေဖြတ်ခြင်း၊ ကျောက်ကပ်ပျက်စီးခြင်း စသဖြင့်ပြဿနာများဖြစ်စေနိုင်ပါတယ်။

🔍🔍📢 အထူးဂရုပြုသင့်တဲ့သူများကတော့ အသက် ၆၅ အထက်လူကြီးများ၊ ကလေးသူငယ်များ၊ ကိုယ်ဝန်ဆောင်များနှင့် နဂိုလ် ရှိရင်းစွဲ‌ နာတာရှည်ရောဂါအခံရှိသူများဖြစ်ပါတယ်။

🔍🔍📢 အခြားအပူဒါဏ်အန္တရယ်ဖြစ်နိုင်ခြေများသူတွေကတော့ နေပူထဲ အပြင်ဘက်မှာ အလုပ်လုပ်ရသူတွေ၊ ကိုယ်လက်လေ့ကျင့်ခန်းလုပ်သူတွေ၊ ဆီးဆေး နှလုံးဆေးစသဖြင့် ဆေးဝါးသောက်သုံးနေရသူတွေ၊ တစ်ယောက်ထဲနေသူများ(အပူဒါဏ်ကြောင့် နေထိုင်မကောင်းလျှင် ကူပေးမည့်သူမရှိလျှင်)၊ အပူဒါဏ်သက်သာစေရန် အအေးဓါတ်ပေးရန် မလုံလောက်သော အိမ်မျိုးတွင်နေထိုင်ရသူများနှင့် အိမ်ခြေယာမဲ့များ ဖြစ်ပါတယ်။

🔍🔍📢 အပူဒါဏ်ကြောင့် ဖြစ်လာတဲ့ပြဿနာတွေက ဘယ်လို လက္ခဏာတွေရှိပြီး ဘယ်လိုအရေးပေါ်ဖြေရှင်းရမလဲပြောပြပေးသွားပါမယ်။

🌡️🌡️ 🌞 ပုံမှန်အားဖြင့် ပတ်ဝန်းကျင်အပူချိန်မြင့်တက်လာတဲ့အခါ လူ့ခန္ဓာကိုယ် အရေပြားတလျှောက် သွေးအ လျှောက်များစေကာ ချွေးထွက်ပြီး ချွေးအငွေ့ပျံစေခြင်းဖြင့် ကိုယ်အပူချိန်ကို ပြန်လည်လျော့ကျဖို့ လုပ်ဆောင်ပေးပါတယ်။

_ 😫 အပူဒါဏ်ကြောင့် အရေပြားယားယံတာ ယောင်ယမ်းတာ မိတ်ထွက်တာမျိုးတွေ သက်သာစေဖို့
✅ ပွပွခြောင်ခြောင်နဲ့ လေဝင်လေထွက်ကောင်းပြီး ချွေးစုတ်တဲ့ အဝတ်အထည်တွေ ဝတ်ဆင်သင့်ပါတယ်။

_ 😫 နေလောင်တာသက်သာစေဖို့လည်း
✅ နေပူထဲထွက်တဲ့အခါ ထီး၊ ဦးထုတ်ဆောင်းသင့်ပါတယ်။
✅ နေရောင်ကာလိမ်းဆေးလည်းလိမ်းနိုင်ပါတယ်။

_ 😫 ချွေးထွက်များတဲ့အတွက် အရေဓါတ် ခမ်းခြောက်တာမျိုးဖြစ်လာတတ်ပါတယ်။
🔍 လိုအပ်တဲ့ရေဓါတ်မပြည့်ဝရင်၊ မဖြည့်နိုင်တဲ့အခါ အာခြောက်လာမယ် ရေငတ်လာမယ်၊ ဆီးအရောင့်ရင့်လာမယ် နည်းလာမယ်၊ ခေါင်းမူးခေါင်းကိုက်တာ ဝေဝါးတာတွေဖြစ်လာတတ်ပါတယ်။
✅ အဲအခါမျိုးမှာဆိုရင်တော့ အေးပြီးအရိပ်ရတဲ့နေရာကိုရွေ့ပြောင်းအနားယူမယ်။
✅ အရည်များများသောက်မယ်။
✅ မလိုအပ်တဲ့အဝတ်တွေချွတ်ပြီး အရေပြားစိုစွတ်အောင် ‌ရေစွတ်ပေနိုင်ပါတယ်။

_ 😫 နောက်တဆင့်အနေနှင့်ကတော့ အပူဒါဏ်ကြောင့်ပင်ပန်းနွမ်းနယ်ခြင်းပါ။
📢 ဒီအဆင့်ကို မသိရှိပဲသေချာ မကုသဘူးဆိုရင် အသက်အန္တရယ်ရှိတဲ့ အပူရှပ်ခြင်းအဆင့်ကိုရောက်တတ်ပါတယ်။
🔍 အပူဒါဏ်ကြောင့်ပင်ပန်းနွမ်းနယ်တဲ့အခါ ခန္တာကိုယ်အပူချိန် (၃၈°_၃၉°)လောက်ထိ တက်နိုင်ပြီး ချွေးအလွန်အကျွံထွက်မယ်၊ ဖြူဖြူလျော်ဖြစ်မယ်၊ ကြွက်သားတွေနာမယ် ကြွက်တက်မယ်၊ မူးဝေအော့အန်ချင်မယ်၊ နှလုံးခုန်မြန်လာပြီး မေ့လဲကျတာမျိုးထိဖြစ်တတ်ပါတယ်။

✅ အဲလိုအခြေအနေမျိုးမှာဆိုရင် အရင်ဆုံး အရေးပေါ်ကားကို ဆက်သွယ်ပြီး အရေးပေါ်ဌာနကိုသွားရပါမယ်။
✅ တပြိုင်နက်မှာပဲ လူနာကို အရိပ်ရပြီး အေးမြတဲ့ နေရာကိုရွေ့မယ်၊ မလိုအပ်တဲ့အဝတ်အစားတွေချွတ်ပြီး ခန္တာကိုယ် အထူးသဖြင့် ချိုင်းကြားပေါင်ကြားကို အေးမြအောင် ရေပတ်တိုက်တာကို ရေခဲရေ သို့မဟုတ်ရေအေးနဲ့လုပ်ရပါမယ်။
✅ အနားမှာ ပန်ကာ အဲကွန်းရှိရင် ဖွင့်ထားရပါမယ်။
✅ လူနာသတိကောင်းရင် ရေအေးအေးလေးတိုက်ရပါမယ်။

_ 😫 အပူဒါဏ်ကြောင့် ပင်ပန်းနွမ်းနယ်တဲ့အဆင့်မှာ မကုသရင်တော့ ခန္တာကိုယ်အပူချိန် ဆက်လက်မြင့်တက်လာပြီး (၄၀°အထက်) ဖြစ်လာပြီး ခန္တာကိုယ်ရဲ့ အရေးကြိးတဲ့အင်္ဂါအစိတ်အပိုင်းတွေဆီ သွေးမရောက်တော့ပဲ အသက်အန္တရယ်ဖြစ်နိုင်ပါတယ်။

🔍အပူရှပ်ခြင်းရဲ့လက္ခဏာတွေက အပူဒါဏ်ကြောင့်ပင်ပန်းနွမ်းနယ်ခြင်းနဲ့ ခပ်ဆင်ဆင်တူပေမဲ့ အပူရှပ်ခြင်းအဆင့်ကိုရောက်တဲ့အခါ ချွေးမထွက်တော့ပဲ ချွေးရုတ်တရက်ခြောက်သွားတတ်ပြီး သတိမရှိတော့တာ ကယောင်ကတမ်းတွေပြောတာ၊ တက်တာ သတိလစ်တာမျိုးထိဖြစ်နိုင်ပါတယ်။

✅ အရေးပေါ်အခြအနေဖြစ်တာမို့ အရေးပေါ်ဌာနကိုဆက်သွယ်ပို့ဆောင်ရင်း တပြိုင်နက်မှာပဲ လူနာကို အေးမြအရိပ်ရတဲ့နေရာမှာထားပါ။
✅ မလိုအပ်တဲ့အဝတ်တွေချွတ်ပြီး ခန္ဓာကိုယ်ကို‌လည်ပင်း ချိုင်းကြား ပေါင်ကြားကို ရေအေးပတ် ရေခဲပတ်တိုက်ရပါမယ်။
✅ ခန္ဓာကိုယ်ကို ရေအေးဝတ်နဲ့ပတ်ပြီး ပန်ကာ သို့မဟုတ် အဲကွန်းကိုဖွင့်ထားပြီးအေးအောင်လုပ်ထားရပါမယ်။
✅ လူနာသတိရှိ၍ မြိုနိုင်လျှင် ရေအေးအေးတိုက်ပေးရပါမယ်။

📢 လူနာသတိလစ်နေပါက ဘေးစောင်းထားပြီး၊ အသက်မရှူပါက အရေးပေါ်ဌာန မရောက်ခင်အချိန်မှာ ရှေးဦးသူနာပြုနည်းနှင့်အသက်ကယ်ရပါမယ်။

😀✅ ခုဆိုရင်တော့ အပူဒါဏ်နဲ့ နွေရာသီရဲ့ အရေးပေါ်ကျန်းမာရေးပြဿနာတွေနဲ့ ကာကွယ်ကုသရေးကို အတန်အသင့်သိရှိပြီး နွေရာသီကို ကျန်းမာစွာဖြတ်ကျော်နိုင်ကြမယ်ထင်ပါတယ်။

27/04/2026

📢📢 ဆင်ရေယုံအကြောင်း တစေ့တစောင်း

🤔🙄 ဆင်ရေယုံလို့ ပြောလိုက်ရင် ခန္ဓာကိုယ်တခြမ်း၊ တခြမ်းမှာမှ တနေရာထဲ ကွက်ပေါက်ပြီး နာကျင်တတ်တဲ့ အရည်ကြည်ဖုအနာ အစုအ‌ဝေးကို မြင်ကြမှာပါ။

✅ ဆင်ရေယုံရောဂါကလည်း ရေကျောက်ရောဂါကို ဖြစ်စေတဲ့ varicella zoster virus ကြောင့်ပဲ ဖြစ်တာဖြစ်ပါတယ်။

✅ ဆင်ရေယုံက လောလောလတ်လတ်ရောဂါပိုးဝင်တာကြောင့် ဖြစ်တာမဟုတ်ပဲ အရင်က ခန္ဓာကိုယ်ထဲဝင်ဖူးတဲ့ varicella virus ငြိမ်နေငုံ့နေရာက ကိုယ်ခံအားကျတဲ့အခါ ပြန်ကြွလာလို့ ဖြစ်ရတာပဲဖြစ်ပါတယ်။

🤔🙄 ဆင်ရေယုံရောဂါ က ဘယ်အချိန်မှာ ပြန်ကြွပြီး ဘယ်လိုလူတွေက အဖြစ်များလဲ ???

_ အသက်ကြီးတဲ့သူတွေမှာ အဖြစ်များပါတယ်။ အသက်ကြီးလေ ပိုဖြစ်တတ်လေပါပဲ။

_ ကိုယ်ခံအားကျဆင်းနေသူများမှာ ဖြစ်တတ်ပါတယ်။

(ရိုးတွင်းခြင်ဆီနဲ့ ကိုယ်အင်္ဂါအစားထိုးထားရသူတွေ၊ သွေးနှင့်အခြားကင်ဆာရောဂါခံစားနေရသူတွေ၊ ကိုယ်ခံအားကို ပြန်တိုက်တဲ့ရောဂါရှိသူတွေ၊ ကင်ဆာဆေးသွင်းနေရသူတွေ၊ ကာလကြာရှည် စတီးရိုက်ဆေးသောက်နေရသူတွေနဲ့ HIV ကိုယ်ခံအားကျရောဂါခံစားနေရသူတွေမှာ ဖြစ်တတ်ပါတယ်။)

🤔🙄 ဆင်ရေယုံက ကူးစက်တတ်သလား???

_ ဆင်ရေယုံက ရေကျောက်ရောဂါလောက်တော့ အကူးမမြန်ပါဘူး။

_ ဆင်ရေယုံရဲ့အရည်ကြည်ဖုအရည်ကို တိုက်ရိုက်ထိတွေ့မိတာက တဆင့်တော့ကူးစက်နိုင်ပါတယ်။

_ ခန္တာကိုယ်တကွက်ထဲမဟုတ်ပဲ ခန္တာကိုယ်နေရာများများမှာ ပေါက်နေတဲ့ ဆင်ရေယုံ လူနာဆီကတော့ အမှုန်အမွှားကတဆင့် အသက်ရှူလမ်းကြောင်းကနေ ကူးစက်တတ်လို့ mask တပ်တာ၊ လက်ဆေးတာမျိုး သတိထားလုပ်ဆောင်သင့်ပါတယ်။

✅ ရေကျောက်ရောဂါကိုဖြစ်စေတဲ့ရောဂါပိုးနဲ့တူနေတာကြောင့် ရေကျောက်မပေါက်ဖူးသူတွေ အနေနဲ့တော့ ဆင်ရေယုံဖြစ်သူဆီကနေ ရေကျောက်ရောဂါ ကူးစက်ခံရတတ်ပါတယ်။

🤔🙄 ဆင်ရေယုံဖြစ်ရင် ဘာတွေခံစားရမလဲ ဘယ်လိုသိနိုင်မလဲ ???

_ ဆင်ရေယုံမပေါက်ခင် တရက်ကနေသုံးရက်၊ တပတ်လောက် ကြိုတင်ပြီး ဆင်ရေယုံပေါက်မဲ့နေရာ နာနေတာ၊ယား‌နေတာ၊ပူစပ်စပ်ဖြစ်နေတာမျိုးဖြစ်တတ်ပါတယ်။

_ ဆင်ရေယုံကို စစပေါက်ခြင်း အနီဖု အနီပြင်အနေနဲ့တွေရပြီး တရက်လောက်နေရင် အရည်ကြည်ဖုထလာပြီးတော့ နောက်ရက်တွေမှာ ပြည်ဖုအနေနဲ့တွေ့ရတတ်ပါတယ်။

_ တပတ်က‌နေ နှစ်ပတ်လောက်ထိကြာတတ်ပြီးရင်တော့ ခြောက်ပြီးအနာဖေးတတ်ပြီး ပျောက်ရင်တော့အနာဖေးကွာပြီးပျောက်ပါတယ်။

_ ကြာချိန်ကတော့ အသက်ကြီးတဲ့သူတွေမှာ ပိုကြာပြီးပိုဆိုးတတ်ပါတယ်။

🔍 ဆင်ရေယုံကို
_ ခေါင်း၊ မျက်နှာ၊ နား၊ နှာခေါင်းနေရာတွေမှာ ဖြစ်တာ၊

_ ရင်ဘက်၊ဗိုက်၊ တင်မဆုံနေရာတွေမှာဖြစ်လို့ ခန္တာကိုယ်အတွင်းပိုင်းနေရာ‌တွေပါ နာကျင်နေတာ၊

_ တနေရာထက်ပိုဖြစ်တာ ဆိုရင်တော့ နောက်ဆက်တွဲဆိုးကျိုးတွေမဖြစ်အောင် ကျွမ်းကျင်ရာဆရာဝန်နဲ့ပြသပြီးကုသမှုခံယူသင့်ပါတယ်။

🔍 ဆင်ရေယုံဖြစ်တဲ့အခါ နာကျင်တာ၊ ယားယံတာက လည်းပြင်းထန်နိုင်ပါတယ်။

🔍 နောက်ထပ်ဆင်ရေယုံရဲ့ ဆိုးကျိုးတခုကတော့ ဆင်ရေယုံပေါက်ပြီးတဲ့နေရာမှာ အချိန်အတော်ကြာ နာကျင်ပြီးကျန်ခဲ့တတ်ပါတယ်။ အဲလိုလက္ခဏာတွေရှိရင်တော့ ဆရာဝန်နဲ့ပြသပြီး ကုသမှုခံယူသင့်ပါတယ်။

ကဲဒီလောက်ဆိုရင်တော့ ဆင်ရေယုံအကြောင်း အတော်လေးသိကြပြီထင်ပါတယ်။

#ဆင်ရေယုံ
#ကျန်းမာရေး



27/04/2026

📢📢🔍 ရေကျောက်ရောဂါအကြောင်း သိကောင်းစရာ

🔍 ရာသီအကူးအပြောင်း အပူချိန်ပြောင်းလဲလာမှုတွေနဲ့အတူ ရေကျောက်ရောဂါ ဖြစ်ပွားမှုလေးတွေ ခပ်စိတ်စိတ်တွေ့လာရပါတယ်။

🔍 Chicken pox လို့ ခေါ်တဲ့ ရေကျောက်ရောဂါကတော့ varicella zoster လို့ခေါ်တဲ့ ဗိုင်းရပ်စ်ကြောင့်ဖြစ်ရတာပါ။

✅ Varicella zoster ဗိုင်းရပ်စ်ကဆိုရင်တော့ လူကြီးတွေမှာအတွေ့များတတ်တဲ့ shingles လို့ခေါ်တဲ့ ဆင်ရေယုံကို ဖြစ်စေတဲ့ ဗိုင်းရပ်စ်ပိုးနဲ့အတူတူပဲဖြစ်ပါတယ်။

✅ရောဂါပိုးတူပေမဲ့ ခန္တာကိုယ်အတွင်းတုံ့ပြန်မှုမတူတာကြောင့် ရေကျောက်နဲ့ဆင်ရေယုံရောဂါနှစ်မျိုးက ပုံသဏ္ဍန်၊ ဖြစ်ပေါ်မှုကွာခြားသွားရတာပဲ ဖြစ်ပါတယ်။

😀😀 ဒီတပတ်မှာတော့ ရေကျောက်နဲ့ပတ်သက်တာကိုပဲ အသေးစိတ်ပြောပြပေးသွားပါမယ်နော်။

🤔 ရေကျောက်ရောဂါက အလွန်ပဲ ကူးစက်တတ်တဲ့ရောဂါတခုပါ။

🤔 ရေကျောက်ရောဂါလူနာနဲ့ထိတွေဆက်ဆံရတဲ့အခါ ရေကျောက်ရောဂါမဖြစ်ဖူးသူ လူဦးရေ ၉၀ ရာခိုင်နှုန်းနီးပါးက ကူးစက်နိုင်ဖို့ အခွင့်အလမ်းရှိနေပါတယ်။

🤔🤔🔍 ရေကျောက်ရောဂါ ဘယ်လို ကူးစက်လဲ ???

_ ရောဂါဖြစ်ပွားသူရဲ့ အသက်ရှူလမ်းကြောင်းကထွက်တဲ့အမှုန်အမွှားတွေကတဆင့်ကူးစက်တာပဲ ဖြစ်ပါတယ်။

_ အဲဒီအမှုန်အမွှားတွေရှုမိတာ ထိကိုင်မိတာကတဆင့်ကူးစက်နိုင်တာဖြစ်ပြီး ရေကျောက်အဖုရဲ့အရည်ကနေတော့ မကူးစက်နိုင်ပါဘူး။

_ ရောဂါကူးစက်စေနိုင်တဲ့အချိန်ကတော့ လူနာရေကျောက်အဖုတွေစမထွက်ခင် နှစ်ရက်လောက်အလိုကနေ နောက်ဆုံးရေကျောက်အဖုတွေစုံပြီး လေးငါးရက်နေတဲ့အထိ ရောဂါကူးစက်စေနိုင်ပါတယ်။

✅ရေကျောက်ရောဂါဖြစ်နေသူဆီကတော့ ဆင်ရေယုံမကူးစက်နိုင်ပါဘူး။

✅ရေကျောက်ရောဂါမပေါက်ဖူးသူတွေအနေနဲ့တော့ ဆင်ရေယုံရောဂါဖြစ်သူဆီက ရေကျောက်ရောဂါကူးစက်နိုင်ပါတယ်။

ရေကျောက်ရောဂါရဲ့ လက္ခဏာတွေကဘာတွေဖြစ်မလဲ ???

🤔 အဖုတွေမပေါ်လာခင် ၂ ရက် ၃ ရက် မတိုင်ခင်မှာ
ဖျားမယ်၊ နုန်းနေမယ်၊ မူးဝေတာ၊ လည်ပင်းနာတာ နေထိုင်မကောင်းတာ မျိုး ဖြစ်တတ်ပါတယ်။

🤔 အဖုတွေ စပေါ်မှာက မျက်နှာနဲ့ လည်ပင်းတဝိုက် စပြီးပေါ်လာနိုင်ပြီး ခန္ဓာကိုယ် အလယ်ပိုင်းရင်ဘတ် ကျောမှာ အများစုပေါ်တတ်ပြီး လက်တွေ ခြေတွေမှာတော့ အဖုနည်းနိုင်ပါတယ်။

🤔 အဖုတွေကတော့ စစ ပေါ်ချင်းမှာ
_ အနီစက် အနီဖု ကနေ
_ အရည်ကြည်ဖု လေးတွေ၊
_ နောက် အရေကြည်ဖုလေးတွေဘေးမှာနီနေနိုင်ပြီး
_ အရည်ကြည်ဖုမှာ ပြည်လေးတွေ စုလာပြီး ပြည်ဖု၊
_ ခြောက်လာတဲ့အခါ အလယ်မှာ ချိုင့်ပြီး
_ အနာဖေးတက်လာတဲ့အဖုလေးတွေ ဖြစ်လာပါတယ်။

✅ ခန္ဓာကိုယ်အနှံ့ ခုနက ပြောတဲ့အဖုတွေကို အဖုအသစ် အဖုအဟောင်းတွေပုံစံစုံ တပြိုင်နက်တွေရတတ်ပါတယ်။

✅ ခန္ဓာကိုယ် အတွင်းပိုင်းတွေမှာလည်း အရည်ကြည်ဖုတွေပေါက်နိုင်ပါတယ်။

🤔 အဖုတွေက ယားယံတတ်ပြီး အနာဖေးတက်ချိန်မှာ ပိုယားနိုင်ပါတယ်။

✅ ကုတ်ဖဲ့တာ၊ ပိုးဝင်တာမရှိရင်တော့ အဖုလေးတွေက အမာရွတ်မကျန်ပဲ ပျောက်နိုင်ပါတယ်။

😀😀 ရေကျောက်ပေါက်နေချိန် ဘာတွေလုပ်ရမလဲ ???

✅အရည်များများသောက်ပါ
✅ ဖျားလျှင် ပါရာစီတမောသောက်ပါ။
✅ ကလေးတွေမှာ အဖုတွေ မကုတ်ဖဲ့မိစေဖို့လက်သည်းညှပ်ပေးတာ လက်အိတ်ဝတ်တာတွေလုပ်နိုင်ပါတယ်။
✅ ရေအေးအေးလေးချိုးတာ၊ အဖုတွေကို ရေအေးဖတ်တိုက်တာ၊ calamine lotion ကျဲကျဲလိမ်းပေးတာ လုပ်နိုင်ပါတယ်။
✅ အရမ်းယားလျှင် ဆရာဝန်နဲ့တိုင်ပင်ပြီး အယားပျောက်ဆေးတိုက်နိုင်ပါတယ်။

🤔 ရှောင်ရမှာကတော့
❌ ကိုယ့်သဘောနဲ့ကိုယ် စပ်ဆေးတွေသောက်တာ၊ ဆေးအပြင်းတွေသောက်တာတွေက အဖုတွေနဲ့ရောဂါကိုပိုဆိုး‌စေနိုင်ပါတယ်။

❌ ရောဂါဖြစ်သူအနေနဲ့ ကိုယ်ဝန်ဆောင်တွေ၊ သက်ကြီးရွယ်အိုတွေ၊ နာတာရှည်ရောဂါအခံရှိသူတွေ၊ မွေးကာစကလေးတွေနဲ့ ထိတွေ့ခြင်းကို ရှောင်ရပါမယ်။

❌ ကျောင်းနေအရွယ်ကလေးဆိုရင်တော့ အဖုတွေ ပျောက် ကင်းတဲ့အထိ ကျောင်းမလွတ်သင့်ပါဘူး။

🤢😫 ရေကျောက်ပေါက်ရင် စိုးရိမ်ရလား ???
နောက်ဆက်တွဲ ဆိုးကျိုးတွေရှိလား ???

🤔 ပုံမှန်ကလေးတစ်ယောက်အတွက်ကတော့ ရေကျောက်ပေါက်ရင် ပုံမှန်လေးပဲ လျောလျောရှူရှူပြန်ကောင်းနိုင်ပါတယ်။
_ နောက်ဆက်တွဲ ဘက်တီးရိးယားပိုးဝင်တာမျိုးဖြစ်ရင်တော့ အနာပိုးဝင်တာ အမာရွတ်ကျန်တာတွေဖြစ်နိုင်ပါတယ် ။

😫 ကြီးမှရေကျောက်ပေါက်သူတွေကတော့ ရောဂါအနည်းငယ်ပိုဆိုးနိုင်ပါတယ်။

_ နောက်ဆက်တွဲ အဆုတ်ရောင်တာ၊ ဦးနှောက်ရောင်တာတွေ ဖြစ်တတ်ပါတယ်။

_ တခြားခန္ဓာကိုယ်အစိတ်အပိုင်းရောင်ရမ်းမှုတွေဖြစ်တဲ့ နှလုံးရောင်တာကျောက်ကပ်ရောင်တာ ပန်ကရိယရောင်တာ အူရောင်တာ၊ အာရုံကြောရောင်တာ စသဖြင့်လည်း တချို့သူတွေမှာ ဖြစ်တတ်ပါတယ်။

😫 ကိုယ်ဝန်ဆောင်ချိန်မှာ ဖြစ်ရင်တော့ အမေရော ကလေးပါ အန္တရယ်ရှိနိုင်ပါတယ်။ အမေမှာ ရောဂါဆိုးဝါးနိုင်ပြီး ကလေးစောမွေးတာ ကလေးပါ အသက်အန္တရယ်ရှိတာမျိုးဖြစ်တတ်ပါတယ်။

😫 မွေးကာစ ကလေး မှာ ရေကျောက်ဖြစ်ရင်လည်း ဆိုးဝါးနိုင်ပါတယ်။

😫 သက်အရွယ်ကြီးရင့်သူတွေ၊ ကိုယ်ခံအားမကောင်းသူတွေမှာ ရေကျောက်ဖြစ်ရင်လည်း ဆိုးဝါးနိုင်ပြိး

_ ခန္ဓာကိုယ်အတွင်းမှာပါ အရည်ကြည်ဖုထွက်တာ ရောင်ရမ်းတာတွေဖြစ်နိုင်ပြိး အန္တရယ်ဖြစ်နိုင်ပါတယ်။

✅ ခုပြောခဲ့တဲ့ အသက်အန္တရယ်ဖြစ်နိုင်တဲ့ သူတွေအနေနဲ့ မဖြစ်ခင် ကြိုတင်ကာကွယ်ဆေးထိုးထားသင့်ပြီး ရောဂါဖြစ်လာတဲ့အခါလည်း ကျွမ်းကျင်ရာဆရာဝန်နဲ့သေချာပြသဖို့ လိုအပ်ပါတယ်။

📢📢 ရေကျောက်ရောဂါကာကွယ်ဆေးအနေနဲ့ကတော့

✅ အသက် ၁ နှစ်အထက်ကလေးကနေစပြီးတော့ စတင်ထိုးနှံနိုင်ပြီး ကာကွယ်ဆေးအကြိမ်‌ရေအားဖြင့် အနည်းဆုံး တလ သို့မဟုတ် နှစ်လခြားပြီး လေးငါးနှစ်အတွင်း နှစ်ကြိမ်ထိုးရမှာဖြစ်ပါတယ်။

✅ ရေကျောက်ရောဂါက လူကြီးတွေမှာဖြစ်ရင် ရောဂါပိုဆိုးလေ့ရှိတာကြောင့် ရေကျောက်မဖြစ်သေးတဲ့ ဖြစ်နိုင်ချေရှိတဲ့လူကြီးတွေအနေနဲ့ကာကွယ်ဆေးထိုးထားဖို့ သင့်တော်ပါတယ်။

✅ ကျန်းမာရေးဝန်ထမ်းတွေ၊ ကလေးထိန်းရသူတွေ၊ ကလေးနဲ့အတူတူနေသူတွေ၊ သက်ကြီးရွယ်အိုတွေကို ပြုစုစောင့်ရှောက်ရသူတွေ၊ ကိုယ်ဝန်ဆောင်ဖို့ အစီအစဉ်ရှိသူအမျိုးသမီးများ

✅ ရေကျောက်ရောဂါ ကူးစက်ပျံ့ပွားနိုင်တဲ့နေရာဌာနတွေမှာ‌ နေသူတွေ၊ အလုပ်လုပ်ရသူတွေ (ဥပမာ ဆရာဆရာမများ၊ သင်တန်းကျောင်းဝန်ထမ်းများ၊ အဆောင်နေသူများ)

✅ နိုင်ငံတကာ ခရီးသွားလာနေသူများ အနေနဲ့ ရေကျောက်ရောဂါ ကာကွယ်ဆေးကို ကြိုတင်ထိုးနှံထားသင့်ပါတယ်။

ဒီလောက်ဆိုရင်တော့ ရေကျောက်ရောဂါနဲ့ပတ်သက်တဲ့ဆောင်ရန် ရှောင်ရန်လေးတွေ သိပြီထင်ပါတယ်နော်။

#ရေကျောက်


#ကာကွယ်ဆေး
#ကျန်းမာရေး

📢📢 လိင်မှတဆင့်ကူးစက်တတ်သောရောဂါများ (STDs) အကြောင်း သိကောင်းစရာ - "ရှက်စရာမဟုတ်‌သော၊ သိထားမှ ဘေးကင်းမည့် ကျန်းမာရေးဗဟုသု...
21/04/2026

📢📢 လိင်မှတဆင့်ကူးစက်တတ်သောရောဂါများ (STDs) အကြောင်း သိကောင်းစရာ - "ရှက်စရာမဟုတ်‌သော၊ သိထားမှ ဘေးကင်းမည့် ကျန်းမာရေးဗဟုသုတ"

​✅ ကျန်းမာရေးဗဟုသုတဆိုတာ လူငယ်တိုင်းအတွက် လက်နက်တစ်ခုပါပဲ။

✅ အထူးသဖြင့် ဆယ်ကျော်သက်နဲ့ လူငယ်လူရွယ်တွေ သိထားသင့်တဲ့ လိင်မှတစ်ဆင့် ကူးစက်တတ်တဲ့ရောဂါ (STDs/STIs) အကြောင်းကို ဒီနေ့ အသေးစိတ် မျှဝေပေးသွားပါမယ်။

​📍 ဘာကြောင့် အရေးကြီးတာလဲ? (Importance)
​
_ အသက် ၁၅ နှစ်ကနေ ၂၄ နှစ်ကြား လူငယ်တွေဟာ STD ကူးစက်ခံရဖို့ အခွင့်အလမ်း အများဆုံးဖြစ်ပါတယ်။

_ အချို့သောရောဂါပိုးတွေဟာ ခန္ဓာကိုယ်မှာ ဘာလက္ခဏာမှ မပြဘဲ ရှိနေတတ်လို့ မိမိမှာ ရောဂါရှိမှန်းမသိဘဲ သူတစ်ပါးကို ပြန်လည်ကူးစက်စေနိုင်သလို၊ ရေရှည်မှာ ပြင်းထန်တဲ့ ကျန်းမာရေးဆိုးကျိုးတွေ ခံစားရနိုင်လို့ ကြိုတင်ကာကွယ်ဖို့ လိုအပ်ပါတယ်။

​🦠 ရောဂါဖြစ်ပွားရခြင်း အကြောင်းရင်းများ (Causes)

_ ​STDs တွေကို အဓိကအားဖြင့် ဗိုင်းရပ်စ်၊ ဘက်တီးရီးယား နဲ့ ကပ်ပါးပိုး တွေကြောင့် ဖြစ်ပွားစေပါတယ်။

📢📢 ​ကူးစက်ပုံ

🤔 အကာအကွယ်မဲ့ လိင်ဆက်ဆံခြင်း၊
🤔 ပိုးရှိသော သွေး သို့မဟုတ် ဆေးထိုးအပ်များကို မျှဝေသုံးစွဲခြင်းနှင့်
🤔 မိခင်မှကလေးသို့ ကိုယ်ဝန်ဆောင်စဉ်အတွင်း ကူးစက်နိုင်ပါတယ်။

📢📢 ​အဖြစ်များသောရောဂါများ

_ ဂနိုရောဂါ Gonnorhoea
_ ဆစ်ဖလစ် syphllis၊
_ HIV/AIDS၊
_ ရေယုန်၊
_ ကြွက်နို့ (HPV) နှင့်
_ အသည်းရောင်အသားဝါ (ဘီနှင့် စီ) ပိုးတို့ ဖြစ်ပါတယ်။

​⚠️ သတိထားရမည့် လက္ခဏာများ (Symptoms)

📢 ​အကယ်၍ သင့်မှာ အောက်ပါအချက်တွေ ခံစားနေရရင် သတိပြုပါ -

၁။ ဆီးသွားလျှင် ပူခြင်း၊ ကျဉ်ခြင်း သို့မဟုတ် နာကျင်ခြင်း။

၂။ လိင်အင်္ဂါမှ ပုံမှန်မဟုတ်သော ပြည် သို့မဟုတ် အနံ့ဆိုးသည့် အရည်များဆင်းခြင်း။

၃။ လိင်အင်္ဂါ၊ စအို သို့မဟုတ် ပါးစပ်ပတ်ပတ်လည်တွင် အနာများ၊ အဖုများ သို့မဟုတ် ကြွက်နို့များ ပေါက်ခြင်း။

၄။ လိင်အင်္ဂါတစ်ဝိုက် အလွန်အမင်း ယားယံခြင်း သို့မဟုတ် နီမြန်းခြင်း။

၅။ လိင်ဆက်ဆံစဉ် နာကျင်ခြင်း သို့မဟုတ် ဗိုက်အောက်ပိုင်း (ဆီးစပ်) နာကျင်ခြင်း။
မှတ်ချက် - အချို့သောရောဂါများသည် လက္ခဏာ လုံးဝမပြဘဲ ရှိနေတတ်ပါသည်။

၆။ အကာအကွယ်မဲ့ လိင်ဆက်ဆံပြီး သုံးလမှ တနှစ်အတွင်းအရေပြားပေါ်တွင် အနီကွက်များထွက်လာခြင်း။

🔥 နောက်ဆက်တွဲ ဆိုးကျိုးများ (Complications)

_ ​မကုသဘဲ ထားပါက အောက်ပါ ပြဿနာများ ဖြစ်လာနိုင်ပါတယ်။

☝️ ​မြုံခြင်း_ အမျိုးသားရော အမျိုးသမီးပါ ကလေးမရနိုင်တဲ့အထိ ဖြစ်သွားနိုင်ခြင်း။

☝️ ​ကင်ဆာရောဂါ _ အချို့သော ပိုးများကြောင့် သားအိမ်ခေါင်းကင်ဆာ ဖြစ်နိုင်ခြင်း။

☝️​ကိုယ်ဝန်ဆောင် ပြဿနာများ: သားအိမ်အပြင်ပဋိသန္ဓေတည်ခြင်းနှင့် ကလေးအသေမွေးခြင်း။

☝️​နာတာရှည်ရောဂါများ: ကိုယ်ခံအားကျဆင်းခြင်း (HIV) နှင့်

☝️ကိုယ်အင်္ဂါအစိတ်အပိုင်းများ ပျက်စီးခြင်း (ဥပမာ _ ဆစ်ဖလစ်ပိုးကြောင့် ဦးနှောက်ထိခိုက်ခြင်း)

​🛡️ ဘယ်လိုကာကွယ်မလဲ? (Prevention)

_ ​Abstinence: အိမ်ထောင်မပြုမီ လိင်ဆက်ဆံခြင်းကို ရှောင်ကြဉ်ခြင်း။

_ ​Be Faithful: မိမိ၏ အမြဲတမ်းလက်တွဲဖော် တစ်ဦးတည်းနှင့်သာ သစ္စာရှိခြင်း။

_ ​Condom: လိင်ဆက်ဆံတိုင်း ကွန်ဒုံးကို စနစ်တကျ အသုံးပြုခြင်း။

_ ​Vaccination: အသည်းရောင်အသားဝါ (ဘီ) နှင့် HPV ကာကွယ်ဆေးများ ထိုးနှံထားခြင်း။

​💡 ကျန်းမာရေး အမှန်တရားများ (Health Education Facts)

​✅ ရောဂါလက္ခဏာ မရှိတိုင်း ပိုးမရှိတာ မဟုတ်ပါ: ကျန်းမာသယောင် ထင်ရပေမယ့် ပိုးရှိနေနိုင်ပါတယ်။

​✅ ဆေးမြီးတိုနဲ့ မကုပါနဲ့: နားလည်တတ်ကျွမ်းတဲ့ ဆရာဝန်နှင့် ပြသခြင်းကသာ အကောင်းဆုံးပါ။

​✅ လက်တွဲဖော်ကို အသိပေးပါ: သင့်မှာ ရောဂါရှိခဲ့ရင် လက်တွဲဖော်ကိုပါ အတူတူ ဆေးစစ်ကုသမှု ခံယူစေရပါမယ်။

✅ Unhealthy s*x practice လိင်ဆက်ဆံရာတွင် အကာအကွယ်မသုံးခြင်း၊ multiple s*xual partners ရှိခြင်း စသဖြင့် အလေ့အထရှိပါက သုံးလတကြိမ် သို့မဟုတ် ခြောက်လတကြိမ် ကျွမ်းကျင်ဆရာဝန်နှင့်တိုင်ပင်၍ သွေးစစ်ပြီး လိုအပ်သော ကုသမှု ခံယူသင့်ပါတယ်။

✅ ​ကျန်းမာရေးဆိုတာ သင့်ရဲ့ လက်ထဲမှာပဲ ရှိပါတယ်။

✅ မှန်ကန်တဲ့ ဗဟုသုတတွေနဲ့ သင့်ဘဝကို ပိုမိုလှပအောင် တည်ဆောက်ပါ။

✅ သံသယရှိရင် နီးစပ်ရာ ကျန်းမာရေးဌာနတွေမှာ ယုံကြည်စိတ်ချစွာ အကြံဉာဏ်တောင်းခံဖို့ မမေ့ပါနဲ့နော်။

​ #လူငယ်နှင့်ကျန်းမာရေး

Address

Yangon

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00

Website

Alerts

Be the first to know and let us send you an email when The Elixir for your health posts news and promotions. Your email address will not be used for any other purpose, and you can unsubscribe at any time.

Shortcuts

Share

Category