26/07/2026
💊 သားဆက်ခြားသောက်ဆေးအကြောင်း အစအဆုံး သိကောင်းစရာ 💊
❔သားဆက်ခြားဆေး သောက်တော့မယ်ဆိုရင် လူတိုင်းလိုလို စိုးရိမ်တာက
🔹ဝလာမလား?
🔹ဝက်ခြံတွေ ထွက်လာမလား?
🔹ဆေးသောက်မေ့သွားရင် ဘာလုပ်ရမလဲ? ဆိုတဲ့ မေးခွန်းတွေပါ။
ဒီနေ့တော့ ဒီမေးခွန်းတွေကို အဖြေရှင်းရှင်းနဲ့ လွယ်လွယ်ကူကူ ရေးပြပေးသွားမယ်နော်။
👩⚕️သားဆက်ခြားဆေးက ဘယ်လို အလုပ်လုပ်တာလဲ?
ဆေးကဒ်ထဲမှာပါတဲ့ ဟော်မုန်းတွေက ခန္ဓာကိုယ်ကို နည်းလမ်း ၃ မျိုးနဲ့ ကာကွယ်ပေးတာပါ။
1️⃣ မမျိုးဥ မကြွေအောင် တားပေးတယ် (မျိုးဥမရှိရင် ကလေးမရနိုင်ပါဘူး)
2️⃣သားအိမ်ခေါင်းအချွဲကို ပစ်စေတယ် (သုတ်ပိုးတွေ အတွင်းထဲ မဝင်နိုင်အောင်လို့ပါ)
3️⃣သားအိမ်နံရံကို ပါးစေတယ် (သန္ဓေမတွယ်နိုင်အောင်လို့ပါ)
🐷ဆေးသောက်ရင် ဘာလို့ ဝလာတတ်တာလဲ?"
ဆေးသောက်ရင် ဝတယ်" ဆိုတာ အဆီတွေ တကယ်တက်လာတာ မဟုတ်ဘဲ ရေဓာတ်စုဆောင်းမိလို့ (ဖောလာလို့) ဖြစ်တာများပါတယ်။
ဆေးအဟောင်းအချို့ (ဥပမာ- Levonorgestrel ပါတာမျိုး) သောက်ရင် ရေဖောဖောပြီး ၁ ကီလို၊ ၂ ကီလိုလောက် တက်လာတတ်တယ်။
ဒါ့အပြင် အစာပိုစားချင်စိတ် ဖြစ်လာလို့လည်း ပါပါတယ်။
💊 ကုသနည်း: ဝမှာ ကြောက်ရင် Drospirenone ပါတဲ့ 4th Generation ဆေးတွေ (ဥပမာ- Drosperin, Yasmin, Yaz) ကို ရွေးပါ။ သူတို့က ရေဖောခြင်းကို သက်သာစေပြီး ကိုယ်အလေးချိန် မတက်အောင် ထိန်းပေးပါတယ်။
🦠ဘာလို့ ဝက်ခြံထွက်တာလဲ / ဘယ်ဆေးက ဝက်ခြံ ပျောက်လဲ?
ဝက်ခြံ ထွက်စေတဲ့ဆေး: ဆေးအဟောင်းတွေမှာပါတဲ့ Progestin ဟော်မုန်းက အဆီဂလင်းတွေကို သွားဆွပေးတာမို့ မျက်နှာ အဆီပြန်ပြီး ဝက်ခြံ ပိုထွက်လာနိုင်ပါတယ်။
💊ဝက်ခြံ သက်သာစေတဲ့ဆေး: Drospirenone သို့မဟုတ် Cyproterone ပါတဲ့ ဆေးတွေကို သောက်ပေးရင်တော့ အသားအရေ အဆီပြန်တာ လျော့သွားပြီး ဟော်မုန်းဝက်ခြံတွေကို ပျောက်ကင်းစေပါတယ်။
💌 ဘယ်လို ဆေးကဒ်အမျိုးအစားကို ရွေးရမလဲ?
ဆေးကဒ်တွေမှာ ၂၁ လုံးကဒ်နဲ့ ၂၈ လုံးကဒ်ဆိုပြီး ရှိပါတယ်။ ဘယ်ဆေးက မိမိနဲ့ ကိုက်ညီမလဲဆိုရင် -ဆေးအမျိုးအစားဘယ်သူတွေ သောက်သင့်လဲ?
🔲Combined Pills (ပေါင်းစပ်ဆေး)
ပုံမှန် အမျိုးသမီးအများစုရာသီမှန် စေတယ်။ ကိုက်ခဲတာ သက်သာစေတယ်။
🔲Progestin-Only Pills (POP)
ကလေးနို့တိုက်မိခင်များ / သွေးတိုးရှိသူများနို့ရည်မခမ်းပါဘူး။
ဘေးကင်းပါတယ်။
🔲4th Generation Pills
(ဥပမာ- Drosperin) ဝမှာ ကြောက်သူများ / ဝက်ခြံထွက်သူများ ရေမဖောစေပါ၊ အသားအရေ လှစေပါတယ်။
⚠️ သတိပြုရန်: ဆေးလိပ်သောက်သူ၊ အသက် ၃၅ နှစ်ထက်ကျော်သူ၊ သွေးတိုး သို့မဟုတ် သွေးခဲတတ်တဲ့ ရောဂါရှိသူတွေကတော့ ဆရာဝန်/ဆေးဝါးကျွမ်းကျင်သူနဲ့ သေချာတိုင်ပင်ပြီးမှ သောက်သင့်ပါတယ်။
💡 ဆေးကို ဘယ်လို သောက်ရမလဲ?
🙌🏻စသောက်ရမယ့်ရက်
ရာသီစလာတဲ့ ပထမဆုံးနေ့ (သို့) ပထမ ၅ ရက်အတွင်း စသောက်ပါ။ (ပထမဆုံးနေ့မှာ သောက်ရင် အကာအကွယ် ချက်ချင်း ရပါတယ်)။
🙌🏻သောက်သုံးရန် ပုံစံ
👉🏽၂၁ လုံးကဒ်: ၁ ရက် ၁ လုံး အချိန်မှန် (ညတိုင်း အိပ်ခါနီး) ၂၁ ရက်သောက်ပါ။ ပြီးရင် ၇ ရက် ဆေးရပ်ထားပါ (ဒီရက်အတွင်း ရာသီလာပါမယ်)။ ၈ ရက်မြောက်နေ့မှာ ကဒ်သစ် ပြန်စပါ။
👉🏽၂၈ လုံးကဒ်: ရက်မနားဘဲ ၂၈ ရက်စလုံး ဆက်တိုက် သောက်ပါ။ (နောက်ဆုံး ၇ လုံးက အားဆေးတွေမို့ ဆေးသောက်မေ့မသွားအောင် ထည့်ပေးထားတာပါ)။ ကုန်တာနဲ့ ကဒ်သစ် ချက်ချင်း ဆက်သောက်ပါ။
❓ဆေးသောက်ဖို့ မေ့သွားရင် ဘယ်လိုလုပ်ရမလဲ?
အရေးကြီးဆုံးအပိုင်းပါပဲ! မေ့သွားတဲ့ ပမာဏပေါ် မူတည်ပြီး ဒီလိုလုပ်ပါ -
🟢 ၁ လုံးတည်း မေ့တာဆိုရင် (၂၄ နာရီအောက်)
သတိရရချင်း မေ့သွားတဲ့ ၁ လုံးကို ချက်ချင်းသောက်ပါ။ နောက်တစ်လုံးကို ပုံမှန်သောက်နေကျ အချိန်မှာ ဆက်သောက်ပါ။ (တစ်နေ့တည်း ၂ လုံး သောက်မိသလို ဖြစ်သွားလည်း ပြဿနာမရှိပါ)။ အကာအကွယ် ကွန်ဒုံး ထပ်သုံးစရာ မလိုပါဘူး။
🔴 ၂ လုံးနဲ့ အထက် မေ့တာဆိုရင် (၄၈ နာရီနဲ့ အထက်)
နောက်ဆုံး မေ့သွားတဲ့ ၁ လုံးကို ချက်ချင်းသောက်ပါ (ကျန်ခဲ့တဲ့ အဟောင်းတွေကို ပစ်လိုက်ပါ)။ ပြီးရင် ကျန်တဲ့ဆေးတွေကို ပုံမှန်အတိုင်း ဆက်သောက်ပါ။🚀ဆေးကို ပုံမှန်အတိုင်း ၇ ရက်ဆက်တိုက် ပြန်မသောက်နိုင်မချင်း ကွန်ဒုံးပါ တွဲသုံးပေးရပါမယ်။
🚀အကယ်၍ ဆေးကဒ်ရဲ့ ပထမဆုံးအပတ် မှာ ၂ လုံးထက်မက မေ့ခဲ့ပြီး၊ လွန်ခဲ့တဲ့ ၅ ရက်အတွင်း လိင်ဆက်ဆံထားဖူးရင် အရေးပေါ် တားဆေး ပါ တွဲသောက်ဖို့ စဉ်းစားပါ။
🔲 ကြုံတွေ့ရနိုင်တဲ့ ဘေးထွက်ဆိုးကျိုးများပျို့အန်ချင်/ခေါင်းမူးတာ: စသောက်ခါစ ၁ လမှ ၃ လအတွင်း ဖြစ်တတ်ပါတယ်။
🔲ညအိပ်ခါနီး (သို့) အစာစားပြီးမှ သောက်တာ ကူညီပေးနိုင်ပါတယ်။ (သောက်ပြီး ၂ နာရီအတွင်း အန်ထုတ်လိုက်ရင် ဆေးတစ်လုံး ပြန်သောက်ပေးပါ)
⚠️ ရာသီ ကြားရက် သွေးဆင်းတာ: ဟော်မုန်းအပြောင်းအလဲကြောင့် ဆေးစသောက်ခါစ ဖြစ်တတ်ပြီး ၃ လကျော်ရင် ပုံမှန် ပြန်ဖြစ်သွားပါလိမ့်မယ်။ သားဆက်ခြားဆေးတွေဟာ သန္ဓေတားပေးရုံတင် မဟုတ်ဘဲ ရာသီလာစဉ် ကိုက်ခဲတာ၊ သွေးဆင်းလွန်တာနဲ့ မျိုးဥအိမ် အိတ်တည်တာ (PCOS) တွေကိုပါ သက်သာစေတဲ့ အကျိုးကျေးဇူးတွေရှိတာမို့ မိမိနဲ့ ကိုက်ညီမယ့် ဆေးကို သေချာ ရွေးချယ်သောက်သုံးဖို့ အကြံပြုချင်ပါတယ်နော်!
Drosperin30/20 လေး မှာချင်ရင် ကျွန်တော်တို့ နဝရတ်ဆေးဆိုင်မှာ မှာယူရရှိနိုင်ပါပြီနော်။
Nawaratt Pharamacy (Bogyoke Road)
09699988862
[email protected]
No. 326, Q1, near Htun Thiri Market, Hlaing Thar Yar (East), Yangon.
#အမျိုးသမီးကျန်းမာရေး #သားဆက်ခြားပညာပေး #အိမ်ထောင်ရေးသုခ
