01/09/2026
"အသက်ကို ထည့်မတွက်ပါနဲ့… မင်းမှာ လုပ်ချင်စရာတွေ ရှိနေသေးရင် မင်းမအိုသေးပါဘူး။" 🍀🩵
◾ဘဝမှာ တစ်ခါတလေများဆိုရင် အသက်ဆိုတာကို ကိုယ်တိုင်က အရမ်းအလေးထားမိတတ်တာ ရှိကြတယ်။ “ငါ့အသက်က ဒီလောက်တောင်ရှိနေပြီ…” “အခုမှ စရင် နောက်ကျသွားပြီလား…” “ငယ်ငယ်ကတည်းက မလုပ်ခဲ့တာ အခုမှ ဘယ်လိုလုပ်တော့မလဲ…” အဲဒီလိုအတွေးလေးတွေကြားမှာ ကိုယ်တကယ်လုပ်ချင်တဲ့ အရာတွေကို တိတ်တိတ်လေး ပြန်ချန်ထားမိကြပြန်တယ်။
တကယ်တော့ ဘဝမှာ နောက်ကျတယ်ဆိုတာထက် မစဖြစ်တော့တာက ပိုဝမ်းနည်းစရာကောင်းပါတယ်။ မင်းအသက် ဘယ်လောက်ရှိနေပြီလဲ ဆိုတာက တကယ်အရေးမကြီးပါဘူး။ အဓိကက မင်းရဲ့နှလုံးသားထဲမှာ ဘာတွေ ရှိနေသေးလဲ ဆိုတာကသာ ပိုအရေးကြီးတာပါ။
◾စာတစ်အုပ် ဖတ်ချင်သေးတယ်။ ပညာအသစ်တစ်ခုလည်း သင်ယူချင်သေးတယ်။ လုပ်ငန်းလေးတစ်ခုကိုလည်း စတင်လိုက်ချင်သေးတယ်။ တစ်နေရာရာကိုလည်း သွားချင်သေးတယ်။ တစ်စုံတစ်ရာကိုတောင် ဖန်တီးချင်လိုက်သေးတယ် စသဖြင့်ပေါ့။
ဒါမှမဟုတ် ကိုယ့်ဘဝကို အရင်ကထက် နည်းနည်းပိုကောင်းအောင် နေချင်သေးတယ်။ ဒီ “ချင်သေးတယ်” ဆိုတဲ့စိတ်လေးရှိနေသေးရင် မင်းရဲ့ဘဝဟာ မပြီးသေးပါဘူးလို့ မှတ်ရမှာပါ။
◾အသက်ကြီးလာတာဟာ အိပ်မက်တွေကို စွန့်လွှတ်ရမယ့် အကြောင်းပြချက်တော့ မဖြစ်ပါစေနဲ့။ တစ်ခါတလေမှာ အသက်ကြီးလာလေလေ ကိုယ်တကယ်လိုချင်တာကို ပိုသိလာလေလေပါပဲ။ငယ်ငယ်တုန်းက သူများပြောတာနဲ့ လိုက်လုပ်ခဲ့တာတွေ ရှိနိုင်တယ်။
လူအများကြိုက်တာကို ကိုယ်လည်း ကြိုက်တယ်ထင်ခဲ့တာတွေ ရှိနိုင်တယ်။ အောင်မြင်မှုဆိုတာ ဒီလိုပဲ ဖြစ်ရမယ်လို့ ယုံခဲ့တာတွေလည်း ရှိခဲ့မှာပါ။ အခုတော့ ကိုယ့်စိတ်က ဘာကို တကယ်တန်ဖိုးထားသလဲဆိုတာ နည်းနည်းချင်း သိလာပြီ။
◾အဲဒီအတွက် အသက်ရလာတာဟာ ဆုံးရှုံးမှုတစ်ခုမဟုတ်ပါဘူး။ ကိုယ့်ဘဝကို ကိုယ်ပိုနားလည်လာတဲ့ အချိန်တစ်ခုလည်း ဖြစ်နိုင်ပါတယ်။ "You are not too old. You are simply wiser than before." ပါ။
မင်းရဲ့လမ်းက တခြားသူတွေနဲ့ တူနိုင်မှာ မဟုက်ပါဘူး။ တချို့လူတွေက ငယ်ငယ်နဲ့ အောင်မြင်ကြတယ်။ တချို့ကတော့ ဘဝအလယ်ပိုင်းရောက်မှ ကိုယ့်လမ်းကို တွေ့မိကြရတယ်။ တချို့က အသက်အရွယ်တော်တော်ရလာမှ သူတို့တစ်သက်လုံး လုပ်ချင်ခဲ့တဲ့အရာကို စတင်ဖြစ်ကြပြန်တယ်။
◾ဒါက ဘယ်သူမှားတယ်၊ ဘယ်သူမှန်တယ်ဆိုတာတော့ မရှိပါဘူး။ ပန်းတစ်ပွင့်နဲ့တစ်ပွင့် ပွင့်ချိန်မတူသလိုပါပဲ၊ လူတစ်ယောက်နဲ့တစ်ယောက် ဘဝပွင့်ချိန်လည်း မတူကြပါဘူး။ ဒါကြောင့် ကိုယ့်ဘဝကို သူများရဲ့နာရီနဲ့ မတိုင်းတာမိဖို့က အရေးကြီးပါတယ်။
သူများအခုရောက်နေတဲ့ နေရာကိုကြည့်ပြီး ကိုယ်နောက်ကျနေပြီလို့လည်း ဆုံးဖြတ်မစောပါနဲ့။ မင်းဟာ မင်းရဲ့အချိန်နဲ့ မင်းရဲ့ခရီးကို လျှောက်နေတာပါ။ သူများခရီးနဲ့ ကိုယ့်လမ်းကို အထွာမတိုင်းစေချင်ဘူး။ သူနဲ့ကိုယ် တာထွက်ချိန်လည်းမတူ၊ ပန်းတိုင်းလည်းမတူ၊ အလိုလည်းမတူ၊ စိတ်ခံစားချက်လည်း တူပါဘူး။
◾တစ်ခါတလေများဆိုရင် ဘဝမှာ အရေးကြီးဆုံး စတင်မှုတွေက နောက်ကျမှ ရောက်လာကြတာပါ။ နာကျင်မှုတစ်ခု ဖြတ်ပြီးမှ ကိုယ်ဘာလိုချင်တယ်ဆိုတာ သိလာတာမျိုး။ တစ်ယောက်တည်း နေတတ်လာပြီးမှ ကိုယ့်ကိုယ်ကို ပြန်တွေ့လာတာမျိုး။ အများကြီး ဆုံးရှုံးပြီးမှ ဘာကို တကယ်တန်ဖိုးထားရမလဲ သိလာတာမျိုးပါ။
အဲဒီအချိန်မှာ စတင်လိုက်တာဟာ အရင်ကထက် ပိုအဓိပ္ပါယ်ရှိနိုင်ပါတယ်။ ဘာကြောင့်လဲဆိုတော့ ဒီတစ်ခါ မင်းဟာ သူများအတွက် မဟုတ်တော့ဘူး။ ကိုယ့်အတွက် ကိုယ်ရွေးချယ်တာ ဖြစ်လာလို့ပါ။
◾ဒါကြောင့်မို့ အသက်က မင်းကို တားဆီးတဲ့နံရံတော့ မဖြစ်စေပါနဲ့။ အတွေ့အကြုံတွေကိုတော့ မင်းရဲ့အင်အားအဖြစ် အသုံးချပါ။ မနေ့ကထက် ဒီနေ့ နည်းနည်းပိုကောင်းအောင် လုပ်နိုင်ရင် ကောင်းပါပြီ။
အိပ်မက်ကြီးတစ်ခုလုံးကို တစ်ခါတည်း အကောင်အထည်ဖော်ဖို့ မလိုပါဘူး။ တစ်နေ့ကို ခြေလှမ်းလေးတစ်လှမ်းပဲ လျှောက်ပါ။ လုပ်ရမှာက စာမျက်နှာတစ်မျက်နှာကို စဖတ်ပါ။ အတွေးတစ်ခုကို စရေးချပါ။ အလုပ်တစ်ခု စမ်းလုပ်ကြည့်ပါ။ သင်ခန်းစာတစ်ခုကို စတင်လေ့လာပါ။ အဲဒီလို သေးသေးလေးတွေကပဲ တစ်နေ့မှာ မင်းမထင်ထားတဲ့နေရာကို ရောက်စေပါလိမ့်ယ်။
◾"Age is a number. Purpose gives life its meaning." ပါ။ ဒါကြောင့် အသက်တစ်ခုကိုသာ မကြည့်ပါနဲ့။ ကိုယ့်ရဲ့ purpose ကို ကြည့်ပါ။ မင်းမှာ ဘာလုပ်ချင်သေးလဲ။ ဘယ်လိုလူတစ်ယောက် ဖြစ်ချင်သေးလဲ။ ဘယ်လိုဘဝမျိုးကို ရှင်သန်ချင်သေးလဲ။
အဲဒီမေးခွန်းတွေအတွက် အဖြေတစ်ခုခု ရှိနေသေးရင် မင်းမှာ ရှေ့ဆက်စရာ ရှိနေသေးပါတယ်။ ဘဝရဲ့ အလှဟာ အရာအားလုံးကို အချိန်မီလုပ်ပြီးသွားခြင်း မဟုတ်ပါဘူး။
◾တစ်ခါတလေ ကိုယ့်အတွက် အရေးကြီးတဲ့အရာကို နောက်ကျမှ သိလာပြီး၊ သိလာတဲ့အချိန်မှာ တကယ်စတင်ရဲခြင်းလည်း ဖြစ်ပါတယ်။ ဒါကြောင့် ဒီနေ့ကို “နောက်ကျသွားပြီ” ဆိုတဲ့နေ့အဖြစ် မမြင်ပါနဲ့။ “အခုမှ စလို့ရသေးတယ်” ဆိုတဲ့နေ့အဖြစ်ပဲ မြင်ကြည့်ပါ။
မင်းရဲ့အသက်မှာ အချိန်တွေ တိုးလာတာမှန်ပါတယ်။ ဒါပေမဲ့ မင်းရဲ့နှလုံးသားထဲမှာ အိပ်မက်တစ်စင်း၊ သိချင်စိတ်တစ်စင်း၊ လုပ်ချင်စိတ်တစ်စင်း ရှိနေသေးရင်— မင်းဟာ မအိုသေးပါဘူး။ မင်းရဲ့ခရီးကလည်း မပြီးသေးပါဘူး။
◾စာမျက်နှာတချို့ ရေးပြီးသွားပြီဆိုပေမယ့် နောက်စာမျက်နှာတွေ အများကြီး ကျန်နေပါသေးတယ်။ အဲဒီစာမျက်နှာတွေကို ဘယ်လိုရေးမလဲဆိုတာကိုတော့ ဒီနေ့ကစပြီး မင်းကိုယ်တိုင် ရွေးချယ်လို့ရပါတယ်။
So, forget your age for a moment. Listen to your heart. If there is still something you want to achieve, begin. တဲ့။ အသက်ဟာ မင်းရဲ့အတိတ်ကို ပြောပြနိုင်ပါတယ်။ ဒါပေမဲ့ မင်းရဲ့မနက်ဖြန်ကိုတော့ ဆုံးဖြတ်ပေးနိုင်မှာ မဟုတ်ပါဘူး။
မင်းရဲ့မနက်ဖြန်ကို ဆုံးဖြတ်ပေးမှာက— မင်းမလျှော့သေးတဲ့ မျှော်လင့်ချက်၊ မင်းမသေသေးတဲ့ အိပ်မက်နဲ့ မင်းပြန်စရဲတဲ့ သတ္တိပါပဲ။
ချစ်ခြင်းများစွာဖြင့်။
— Professor Dr
---Crd
