01/02/2023
Skincare , makeup တွေလိမ်းနေရင်း အဖတ်လေးတွေ လိပ်တက်လာတာမျိုး ကြုံဖူးလား ?
ဒါကို skin pilling လို့ခေါ်ပါတယ်။ ကိုယ်လိမ်းလိုက်တဲ့ product တွေက အသားထဲစိမ့်မဝင်နိုင်တော့ပဲ မျက်နှာပေါ်မှာ ball up ဖြစ်ပြီး အလိပ်လိုက်ပြန်ထွက်လာတာမျိုးပါ။ ဒီလိုဖြစ်တဲ့အခါ မိတ်ကပ်လိမ်းရင်လဲ မညီညာနေတော့ပဲ ကြည့်ရဆိုးသလို ခံစားရတယ်။
skin pilling ဘာကြောင့်ဖြစ်ရလဲ -
📌 exfoliation သေချာမလုပ်ဖြစ်ပဲ ဆဲလ်သေတွေ စုပြုံလာတဲ့အခါမျိုး ၊ skin dehydrated ဖြစ်နေချိန် ၊ အသားခြောက်သွေ့နေချိန် စတဲ့ skin texture မကောင်းတာ
📌 skincare ကို step by step မှန်ကန်စွာ မလိမ်းတာ ၊ skincare layer တွေ အများကြီးစုပြုံလိမ်းတာ ၊ skincare တစ်ဆင့်နဲ့ တစ်ဆင့် ကြားထဲမှာ အသားထဲသေချာစိမ့်ဝင်ဖို့ အချိန်ကို မစောင့်တာ
📌 oil base နဲ့ water base လို နှစ်ခုရောစပ်ဖို့ အဆင်မပြေတဲ့ product တွေကို တွဲလိမ်းမိတာ ၊ ကိုယ်သုံးနေတဲ့ product မှာပါတဲ့ ingredient အချို့က skin pilling ဖြစ်စေတာ စတဲ့ အချက်တွေကြောင့် ဖြစ်တာများပါတယ်။
ဒါဆို နိုနိုတို့ skin pilling မဖြစ်အောင် ဘယ်လိုလုပ်လို့ ရနိုင်လဲ -
skin texture ကောင်းစေဖို့ ဆဲလ်သေတွေစုပြုံမနေစေဖို့ exfoliation လုပ်ပေးပါ။ ကိုယ်က အသားခြောက်တတ်ရင် skin pilling ဖြစ်နိုင်ချေပိုများတတ်လို့ ကိုယ့် skintype နဲ့ သင့်တော်မယ့် product တွေကို သေချာရွေးသုံးပါ။
skincare လိမ်းတဲ့အခါ thin to thick texture အတိုင်းလိမ်းပါ။ texture အရည်ကျဲပြီးပေါ့ပါးတာတွေကို အရင်လိမ်းပြီး creamy ဖြစ်တဲ့ texture လေးတွေကို နောက်မှလိမ်းပေးတာမျိုးပေါ့။ (အဲ့လိုပြောလို့လဲ suncream က moisturizer ထက်အရည်ကျဲနေလို့ suncream အရင်လိမ်းလိုက်မယ်တော့ မလုပ်နဲ့နော် 😑 ) သူ့ step by step အတိုင်းပေါ့။
skincare step တစ်ခုလိမ်းပြီး အသားထဲသေချာစိမ့်ဝင်ဖို့ အချိန်ခနစောင့်ပေးပါ။ ဆက်တိုက်ဆိုသလို တစ်ခုပြီးတစ်ခု စွပ်ခနဲ လိမ်းလိမ်းချတာမျိုး သတိထားပေးပါ။ skincare layer ကိုလဲ toner , essence , serum , ampoule , moisturizer , daycream , suncream အဲ့လိုတွေ အပြုံလိုက် မ on ပဲ။ လိုအပ်သလောက်အဆင့်လေးတွေကိုသာ သုံးပေးပါ။
mineral filter ပါတဲ့ အချို့ suncream တွေ , silicone ပါတဲ့ skincare and makeup အချို့က product pilling ဖြစ်နိုင်လို့ ဒါလေးတွေလဲ သတိထားကြည့်ပေးပါ။ ဒီ ingredients တွေပါပေမယ့် pilling မဖြစ်တာတွေလဲ ရှိပါတယ်။ ပြီးတော့ တစ်ခုခုလိမ်းရင် တအားပွတ်လိမ်းတာမျိုးကိုလဲ ရှောင်ပါနော်။
ဒါဆို ဒီ Post လေးကလဲ အထောက်အကူတစ်ခုခုပေးနိုင်မယ်လို့ မျှော်လင့်ပါတယ်။
With love,
Your Dear Noh.
