23/12/2025
🇨🇭ပေါက်ပန်းဖြူ🍀 နှင့်
ရောဂါအလိုက်အသုံးပြုနည်းများ
🌀ဝက်ရူးနာရောဂါ….
#ပေါက်ပန်းဖြူ🍀 ရွက်ကို ငြုပ်ကောင်းနှင့်အတူ နွားကျင်ငယ်နှင့် ကြိတ်၍ ရှုသော် ဝက်ရူးနာ ပျောက်၏။
🌀မျက်စေ့အားနည်း…..
ပေါက်ပန်းဖြူ အပွင့်၏ သတ္တု ရည်ကို မျက်စေ့၌ ခပ်ပါက မျက်စေ့မှုန်ခြင်း၊ မျက်စေ့ဝေခြင်းတို့ကို ပျောက်ကင်းစေ၏။
🌀မီးယပ်ဖြူ ရောဂါ…..
ပေါက်ပန်းဖြူ အစိုအခေါက်ကို ထောင်း၍ အရည်ညှစ်ယူပါ။ ၎င်းသတ္တုရည်ကို စင်ကြယ်သော အဝတ် (သို့မဟုတ်) ဂွမ်းတွင် စိုအောင် ဆွတ်၍ ယောနိတွင်ထည့်၍ ပေးပါက မီးယပ်ဖြူ ရောဂါ ပျောက်ကင်း၏။
🌀အဆစ်အဆက်ရောင်ရောဂါ…..
ပေါက်ပန်းဖြူ (အနီပွင့်)၏ အမြစ်ကို ရေနှင့်ရောကြိတ်၍ မီးဖြင့် နွေးအောင်ပြုပြီးလျှင် ရောင်သောအဆစ်အဆက်များကို လိမ်းပေးမူ အဆစ်ရောင်ရောဂါ ပျောက်၏။
🌀ခေါင်းတခြမ်းကိုက်ခြင်း….
အပွင့်'(သို့)အရွက်ကို အရည်ညှစ်ယူ၍ ၎င်းအရည်ကို ခေါင်းမကိုက်သော တဘက်ရှိ နှာခေါင်းမှ ရှုပါက ပျောက်ကင်း၏။
🌀ရောင်ရမ်းခြင်း…..
ပေါက်ပန်းဖြူ မြစ်နှင့် ပန်းတိုင်းမြစ်ကို ရေနွေးနှင့်သွေး၍ ရောင်ရမ်းသောနေရာသို့လိမ်းမူ ပျောက်ကင်း၏။
🌀ကြက်မျက်သင့်ရောဂါ…..
ပေါက်ပန်းဖြူ ပွင့်ကို ပြုတ်စားပါက ကြက်မျက်သင့်ရောဂါ ပျောက်ကင်း၏။
🌀စိတ်ဖောက်ပြန်သောရောဂါ……
၎င်းအရွက်၏ သတ္တုရည်တွင် ချင်းခြောက်, ပိတ်ချင်း, ကြံသကာတို့ကို ဆတူရော၍ ရှု၍ ရှု၍ ပေးပါက စိတ်ပျံ့လွင့်ခြင်း ပျောက်ကင်း၏။
(အရှင်နာဂသိန်ပုံပြဆေးအဘိဓာန်မှပေါက်ပန်းဖြူ ပင်အား ရောဂါအလိုက်အသုံးပြုနည်းမှ ကူးယူဖော်ပြပါသည်။ (Thura Htay Aung)
-----------------------------
🔘ပေါက်ပန်းဖြူရွက် သတ္ထုရည်ကို မျက်စဉ်း ခတ်ပေးပါက မျက်စိမှုန်ခြင်း၊ ဝေခြင်းတို့ ကို သက်သာစေသည်။
🔘အဆစ်ရောင်ရောဂါ ဝေဒနာ ခံစားရပါက ပေါက်ပန်းနီပွင့်၏ အမြစ်ကို ရေနှင့်သွေး၍ မီးဖြင့်နွေးအောင်ပြုပြီး ရောင်သော အဆစ်များကို လိမ်းပေးခြင်းဖြင့် သက်သာစေသည်။
🔘အတက်ရောဂါ၊ ဝက်ရူးရောဂါ ခံစားနေရသူ များ ပေါက်ပန်းဖြူရွက်ကို ငရုတ်ကောင်းနှင့် ရောစပ်ကာ ကြိတ်ပြီး ရှူပေးခြင်းဖြင့် သက်သာစေသည်။
🔘ခေါင်းတစ်ခြမ်းကိုက်ပါက အပွင့်နှင့်အရွက်ကို အရည်ညှစ်ပြီး ရှူပေးပါက သက်သာစေသည်။ အရိုးကျီးပေါင်း ရောဂါ၊ ကြက်မျက်သင့်ရောဂါဖြစ်ပါ က ပေါက်ပန်းဖြူပွင့်ကို ပြုတ်၍ စားပေးနိုင်သည်။
🔘တုပ်ကွေးဖျား(သို့မဟုတ်) ရိုးရိုးဖျားခြင်းများဖြစ်ပါက ပေါက်ပန်းဖြူရွက်ကို ကြက်သွန်နီနှင့် ကြော်စားနိုင်သည်။
🔘ဆီးနီ၊ ဆီးနည်းရောဂါများအတွက် ပေါက်ပန်းဖြူရွက်ကို ဟင်းချက်စား၍သော် လည်းကောင်း၊ အပွင့်ကို ကြော်ချက်စားခြင်းဖြင့်သော်လည်းကောင်း ဆီးရောဂါ သက်သာစေသည်။
🔘အပူလောင်နာကို ပေါက်ပန်းဖြူရွက်သတ္ထုရည်ကို ထည့်ပေး အုံပေးပါက သက်သာစေသည်။ ထိခိုက်ဒဏ်ရာ ရလျှင် ပေါက်ပန်းဖြူရွက် သတ္ထုရည်ကို လက်ဖက်ရည်အကြမ်းပန်းကန် တစ်လုံးခန့် သောက်ပေးပါက အနာမန်းဝင်ခြင်း ကို ကင်းဝေးစေသည်။
🔘ကွမ်းစားသူများ၊ သည်းခြေ၊ ကျောက်ကပ်တွင် ကျောက်ရှိ သူများ မကြာခဏပြုတ်တို့စားပေးရသည်။
🔘မီးယပ်ဖြူဆင်းရောဂါ၊ သွေးအန်သွေးကျရောဂါဖြစ်လျှင် ပေါက်ပန်းဖြူပွင့်ကို သုပ်စားရသည်။
(မှတ်ချက်။ ကျန်းမာရေးဝန်ကြီးဌာနမှထုတ်ဝေသော အသုံးဝင်ဆေးပင် များနှင့် မြန်မာ့တိုင်းရင်းဆေးနည်း လက်စွဲ စာအုပ်မှ ကောက်နှုတ်ဖော်ပြပါသည်။)
◾ပေါက်ပန်းဖြူ ၊ ပေါက်ပန်းနီ ဆိုပြီး နှစ်မျိုးရှိသည် (အပွင့်ရဲ့ အရောင်ကို လိုက်ပြီး) ပေါက်ပန်းနီသည် ပိုပြီး ဆေးဖက်ဝင်သည်။
◾အသီး ၊ အစေ့ ၊ အမြစ်တို့ ဆေးဘက်ဝင်၏။အရွက်ကို ဟင်းခါးအဖြစ် ချက်သောက်ကြသည်။သွေးကို သန့်စေတယ်။
◾ကြက်မျက်သင့် ရောဂါအတွက် ပေါက်ပန်းဖြူ ပွင့်ရဲ့ သတ္ထုရည်ကို မျက်စဉ်းခပ်လျှင် ကောင်း၏။
◾တက်တတ်သော ကလေးငယ်များအား အရွက်ကို ထောင်းသတ္ထုရည်နှင့် ဂျင်း (သို့မဟုတ်) ကြက်သွန်ဖြူနှင့် ရောရရှိသော အရည်ကို ရှုပေးရမည်။
Ctedit Original Uploader
သမားတော်-တိုင်းရင်ဆေး ထံမှ ထပ်မံကူးယူတင်ပြသည်။
#ကျန်းမာရေးဗဟုသုတရကြပါစေ #ကျန်းမာရေးဗဟုသုတ
