https://www.facebook.com/111839391718324/

ဆုလာဘ်-၂အထွေထွေရောဂါကုဆေးခန်းနှင့် ရောဂါရှာဖွေရေး, အမှတ်-၄၊ အောင်မာဃလမ်း၊ ၁ ရပ်ကွက်၊ လှိုင်မြို့နယ်, Yangon (2026)

31/08/2026

Urgent Vacancy Announcement

လှိုင်မြို့နယ် အောင်မာဃလမ်းရှိ

Specialist Clinic တွင်
တာဝန်ထမ်းဆောင်ရန်
Medical Lab Technician Grade 2 ( 1 ) post
(Male/ Female )

*** လိုအပ်သည့် အချက်များ ***

✅ သက်ဆိုင်ရာနယ်ပယ်မှ အသိအမှတ်ပြုလက်မှတ် ရှိသူ ဖြစ်ရမည်။
✅ လုပ်ငန်း အတွေ့အကြုံ ၁နှစ် သို့ ၂နှစ်ရှိပြီး ကျွမ်းကျင်သူဖြစ်ရမည်။
✅ ဆက်ဆံရေးပြေပြစ်ပီး စာရိတ္တကောင်းမွန်သူ ဖြစ်ရမည်။
✅ Teamwork နှင့် ရေရှည်လုပ်ကိုင်နိုင်သူဖြစ်ရမည်။

အလုပ်ချိန် - ညှိနှိုင်း

အလုပ်ပိတ်ရက် - ညှိနှိုင်း

လစာ - ညှိနှိုင်း

စိတ်ပါဝင်စားသူများအနေဖြင့်
Ph 09 793849732 ( Viber ) သို့
CV form ကို
မျှော်မှန်းလစာနှင့် အတူ ပေးပို့လျှောက်ထားနိုင်ပါသည်။

29/07/2026

ကျွန်တော်ကြုံခဲ့ဖူးသော အချို့ကျောက်ကပ်
ရောဂါများ

မှတ်ချက်- ဆေးပညာလောကသားမိတ်ဆွေများအတွက် Experience sharing post ဖြစ်ပါသည်။

ဒီတစ်ခါလူနာက အသက် ၂၀ အရွယ်မိန်းကလေးပါ။ ၅ ရက်
လောက်ဖျားတယ် ။ လည်ချောင်းနာတယ်။ အဖျားတော်တော်နဲ့ မကျဘူးပေါ့။ကျွန်တော်ရော antibiotics ကောင်းကောင်းကို ၅ရက်လောက်ပေးမှ အဖျားကျသွားပါတယ်။ အဲ့ဒီအထိက ပြဿနာမရှိပါဘူး။ ပြဿနာကအဖျားကျပြီးမှ စတာပါ။ လူနာက အဖျားကျပြီး ၂ ရက်လောက်မှာ ခြေချင်းဝတ်တွေရောင်လာပါတယ်။ နာလည်းနာတယ်လို့ ပြောပါတယ်။ ကျွန်တော်
လည်း ဖျားပြီးလို့ အဆစ်ရောင်တာကျန်ခဲ့တယ်လို့ပဲ မှတ်တာပါ။ ဒါပေမယ့် နောက်၂ ရက်လောက်နေတော့ မျက်လုံးတွေပါ အစ်လာပါတယ်။ peri orbital oedema ရတာပါ။ ခြေချင်းဝတ်မှာလည်း oedema ပါရလာပါတယ်။ သွေးပေါင်လည်း ၁၄၀/၉၀ လောက်ဖြစ်လာသလို၊ ဆီးလည်း နည်းလာတယ်လို့ ပြောပါတယ်။အဲ့ဒီတော့မှ ကျောက်ကပ်ပြဿနာများလားလို့ စိတ်ပူပြီး သွေးတွေ၊ ဆီးတွေ စစ်ရပါတော့တယ်။ စစ်လိုက်တော့မှ လူနာက creatinine 1.4
Urine RE မှာ protein +++
RBC ++
ဖြစ်နေတာပါ။
ESR လည်း တက်နေပါတယ်။ 60mm after 1st hour လောက်ရှိပါတယ်။
Anti CCP, RA, Negative ၊ B,C,R negative ပါ။ ANA positive ပြလို့ ENA စစ်တော့ ENA ကတော့ Negative ပါ။
Ultrasound လည်း ကောင်းပါတယ်။လူနာက Nephritis ရနေတာတော့ သေချာနေပါပြီ။ ရောဂါအမည်တိတိကျကျတပ်နိုင်ဖို့နဲ့၊ မှန်ကန်တဲ့ ကုသမှုရဖို့ ကျောက်ကပ်
အထူးကု( Nephrologist)ဆီ လွှဲရပါတော့တယ်။ Nephrologist အစ်မကတော့ APSGN( Acute post streptococcal Glomerulonephritis)ဖြစ်ဖို့များကြောင်း၊ BP control သေချာလုပ်၊ oedema အတွက် diuretic ပေးပြီး တစ်ပတ်လောက် စောင့်ကြည့်ဖို့ ၊ တစ်ပတ်လောက်နေရင် renal function နဲ့ urinalysis ပြန်လုပ်ဖို့နဲ့ မသက်သာရင် vasculitis ဘက်ကို လိုက်မယ့် အကြောင်း ရှင်းပြပါတယ်။လူနာက treatment ကို respond လုပ်ပါတယ်။တစ်ပတ်လောက်နေတော့ oedema တွေလည်းကျ၊ သွေးပေါင်လည်း ကောင်းလာသလို၊နေရတာလည်း တော်တော်ကောင်းနေပါပြီ။ creatinine ပြန်ကျလာသလို၊ Urine RE မှာလည်း protein တွေ၊ RBC တွေ မပါတော့ပါဘူး။ နောက်ပိုင်း ၂ ပတ်လောက်ခြားပြီး ထပ်စစ်တော့လည်း လုံးဝကောင်းသွားတာတွေ့ရပါတယ်။ Final diagnosis က APSGN ပေါ့။ အဓိက ကျေးဇူးတင်ရမှာက ညနေခင်းဆေးခန်းထိုင်တဲ့ ညီမလေးပါ။ လူနာအပေါ် တောက်လျှောက် ဂရုစိုက်၊ တစ်ခုခုဆို အချိန်မဆွဲဘဲ မြန်မြန်တိုင်ပင်၊ မြန်မြန်လုပ်လို့ လူနာ Diagnosis စောစောထွက်တာပါ။ အခုတော့ လူနာ လုံးဝလူကောင်းဖြစ်ပြီး အလုပ်ပြန်လုပ်နေပါပြီ။

နောက်တစ်ယောက်ကတော့ အသက် ၂၉ နှစ်အရွယ် မိန်းကလေးပါ။ သူကကျွန်တော့်ဆီမှာ အခြားရောဂါပြတာပါ။ထုံးစံအတိုင်း ရောဂါရာဇဝင်၊ ရောဂါအခံတွေ မေးရင်းနဲ့ သူ့ရောဂါကလည်း အထူးအဆန်းမို့ အဲ့ဒီညီမလေးကို ခွင့်တောင်းပြီး ဆရာဝန်မိတ်ဆွေတို့ ဗဟုသုတရအောင် ဖောက်သည်ချလိုက်ရပါတယ်။ သူကတော့ စဖြစ်တုန်းက မျက်ခွံတွေမို့တယ်။ Peri orbital oedema ရှိတယ်ပေါ့။ ခြေထောက်တွေ မအမ်းဘူး။ creatinine စစ်တော့ 3.2 ထိတက်သွားတယ်။ Heavy proteinuria ရှိတယ်။ သွေးလည်းပါတယ်ဆိုတော့ Glomerulonephritis ပေါ့။ အဲ့ဒါနဲ့ Underlying cause ရှာတော့ B,C,R negative, ENA မှာ Ku positive (Significant သိပ်မဖြစ်)၊ Vasculitis screening Negative , syphillis screening မှာ VDRL ရော၊ RPR ရော positive ဖြစ်နေတာနဲ့ Nephrologist က Syphillitic nephritis ဖြစ်နိုင်တယ်ဆိုပြီး Benzathine Penicillin ပေးလိုက်တာ creatinine လည်း 3.2 ကနေ 1.1 ထိ ကျသွားသလို၊ proteinuria ပါ တော်တော်ကျသွားပါတယ်။ ( dip stick negative ဖြစ်သွားပါတယ်။) အစက Biopsy အထိ plan ထားပေမယ့် treatment response လုပ်တာကြောင့် Biopsy မလုပ်တော့ဘဲ Syphillis ကို သေချာကုပြီး monitor ပဲ လုပ်နေတာ အဆင်ပြေနေပါတယ်။ ခုတော့ လူနာမိန်းကလေးလည်း ကျန်းကျန်းမာမာနဲ့ အလုပ်တွေဆက်လုပ်နေဆဲပါ။ သူကတော့ Syphillitic nephritis အဖြစ် Diagnosis ထွက်သွားပါတယ်။

နောက်တစ်ယောက်ကတော့ အသက် ၃၅ နှစ် ညီငယ်တစ်ယောက်ပါ။ သူကလည်း ကျွန်တော့်ကို အခြားရောဂါပြရင်းနဲ့ သူ့ရောဂါဟောင်းအကြောင်း စိတ်ဝင်စားဖွယ်ပြောပြတာပါ။ သူကတော့ ဆီးမည်းမည်းကြီးတွေသွားတယ်။ မျက်နှာတွေ ဖောတယ်။ မောလာတယ်ဆိုပြီး ကျောက်ကပ်အထူးကုဆီရောက်လာတာပါ။ စမ်းကြည့်တော့ marked pallor ရှိတယ်။ creatinine က ကျောက်ကပ်ဆေးရမယ့် အထိ တက်လို့ ကျောက်ကပ်ပါဆေးလိုက်ရပါသေးတယ်။ နောက်ဆုံးအကုန်စစ်တော့မှ လူနာက Newly diagnosed G6PD deficiency နဲ့ Intravascular hemolysis ဖြစ်
ပြီး hemoglobinuria ရ၊ အဲ့ဒီကမှ Acute tubular necrosis ( ATN) ထိ ဖြစ်သွားပြီး renal shutdown ပါရသွားတာပါ။ အဲ့ဒါတွေမဖြစ်ခင် အမည်မသိတဲ့ antibiotic တစ်ခု သောက်ခဲ့သေးတယ်ဆိုတော့ အဲ့ဒီ antibiotic ကြောင့်ပဲ ဖြစ်မှာပေါ့။ လူလည်း တော်တော်အသက်လုလိုက်ရပါတယ်။ ကျောက်ကပ်လည်း ခဏခဏ ဆေးလိုက်ရပါတယ်တဲ့။ ခုတော့ လုံးဝ လူကောင်းဖြစ်နေပါပြီ။ သူကတော့ G6PD deficiency ရှိတာ မသိခဲ့လို့ ကျောက်ကပ်ပါဆေးလိုက်ရရှာတာပါ။ သတိပြုစရာပါပဲ။

ဒီ case တွေကတော့ ကျောက်ကပ်ရောဂါနဲ့ ပက်သက်လို့ ကျွန်တော်ကြုံဖူးတဲ့ case လေးတွေပါ။ Diagnosis ကတော့ ကျွန်တော့်ဆီမှာရတာ မဟုတ်ပါဘူး။ Nephrologist တွေ ဆီမှာ Diagnosis ရတာဖြစ်ပါတယ်။ အဲ့ဒီလောက်အထိ နက်နက်နဲနဲ ရောဂါရှာဖို့အတွက် ကျွန်တော့်မှာ skill and expertise မရှိတာ အမှန်ပါ။ မိတ်ဆွေတို့အတွက် တစ်စုံတစ်ရာ အထောက်အကူဖြစ်
မယ်ထင်လို့ ကျွန်တော့်ကိုယ်တွေ့ရော၊ လူနာတွေဆီက အတွေ့အကြုံရော မျှဝေပေးလိုက်ခြင်းဖြစ်ပါတယ်ခင်ဗျ။
အပန်းမကြီးရင် ကျောက်ကပ်ရောဂါတွေနဲ့ပက်သက်လို့ မိတ်ဆွေတို့ အတွေ့အကြုံလေးတွေပါ comment မှာ မျှဝေပေးခဲ့ဖို့ မေတ္တာရပ်ခံပါတယ်။

အားလုံးအဆင်ပြေကြပါစေဗျာ။

သင်ဆရာ၊ မြင်ဆရာ၊ ကြားဆရာများအား ဂါရဝပြုလျက်ပါ။

ဒေါက်တာစိုးထက်အောင်
M.B.,B.S( Ygn)
MRCP ( UK)

ဆုလာဘ်ဆေးခန်း အမှတ်(၁)
အမှတ် ၁၀၅၊ မြိတ်လမ်း၊၁၉ ရပ်ကွက်၊ တောင်ဒဂုံ

ဆုလာဘ်ဆေးခန်း အမှတ်(၂)
အမှတ်-၄၊ အောင်မာဃလမ်း၊(၁) ရပ်ကွက်၊ လှိုင်မြို့နယ်

06/07/2026

ဝိတ်ချဖို့ ဘယ်လေ့ကျင့်ခန်းက အထိရောက်ဆုံးလဲ။

အဖြေမှန် တစ်ခုတည်း မရှိဘူးဗျ။
Cardio + resistance training နှစ်ခုတွဲလုပ်နိုင်ရင် အကောင်းဆုံးပဲ။

Cardio ဆိုတာ လမ်းလျှောက်တာ၊ ပြေးတာ၊ သိုင်း၊ ရေကူး၊ ကြိုးခုန်၊ ကြက်တောင်၊ အေရိုးဗစ်၊ လက်ဝှေ့ စတဲ့ ခေါင်းခါးခြေလက် အကုန်လှုပ်ရှားရတဲ့ အားကစားတွေပါ။ Cardio ဘာကောင်းလဲ။ဝိတ်မြန်မြန်ကျတယ်။ နှလုံးသွေးကြောကျန်းမာရေးအတွက် အလွန်ကောင်းတယ်။ သွေးတွင်းအဆီကျစေတယ်။ သက်လုံကောင်းစေတယ်။

ဒါပေမယ့် Cardio ရဲ့ အားနည်းချက်က ကျသွားတဲ့ ဝိတ်ကို ကြာကြာမထိန်းနိုင်ဘူး။ ရပ်လိုက်ရင် ၊ ကိုယ်လည်း အစားမဆင်ခြင်ရင် ဒိုင်းဒိုင်းဒိုင်းဆိုပြီး ဝိတ်ပြန်တက်နိုင်တယ်။( ငယ်ငယ်တုန်းက အေရိုးဗစ်ကစားတာ ကစားနေရင် လှပေမယ့် ရပ်လိုက်ရင် ဝလာရော ဆိုပြီး လူကြီးတွေ ပြောကြတာ ကြားဖူးလိမ့်မယ်။ ဖြစ်နိုင်တာ ၂ ချက်ရှိတယ်။ ၁။ အစားမလျှော့လို့၊ ၂။ cardio က ဝိတ်
ထိန်းတဲ့နေရာမှာ အားနည်းလို့)။ cardio က ကောင်းပေမယ့် ခွန်အားကိုတော့ မတိုးစေဘူး။

Resistance training ( အလွယ်ပြောရင် ဝိတ်မတာ၊ ဒါပေမယ့် ဒိုက်ထိုး၊ ဘားခို၊ ထိုင်ထ စတဲ့ Bodyweight workout တွေလည်း အကျုံးဝင်ပါတယ်) ဘာကောင်းလဲ။

ခန္ဓာကိုယ်အချိုးအစားကျနစေတယ်။ Body မိုက်ချင်ရင် Resistance Training လိုကိုလိုတယ်။နောက်ပြီး ကြွက်သားထုမလျော့ပါးအောင် ထိန်းပေးတယ်။ ကြွက်သားထု တိုးတက်လာအောင် ကူညီပေးတယ်။ Basal metabolic rate ( BMR) တက်စေလို့ စားသလောက် အဆီမတက်အောင် ကူညီပေးတယ်။ ဝိတ်ကျပြီး ပြန်မတက်အောင် ထိန်းတဲ့နေရာမှာ Resistance training က သာပါတယ်။
ခွန်အားကိုလည်း တိုးစေပါတယ်။

နှစ်ခုပေါင်းရင် ရှယ်ပါပဲ။

Cardio ပဲ လုပ်ပြီး Resistance training မပါရင် ဝိတ်ကျမယ်။ အဆီကျမယ်။ သက်လုံကောင်းမယ်။ ဒါပေမယ့် ကြွက်သားထု ဆုံးရှုံးမှုကို မကာကွယ်
နိုင်ဘူး။ ခွန်အားလျော့ပါးမှုကို မကာကွယ်နိုင်ဘူး။ ခန္ဓာကိုယ်အချိုးအစားလှဖို့ဆိုရင်တော့ cardio နဲ့ မလုံလောက်ဘူး။ ရပ်လိုက်ရင် ဝိတ်ပြန်တက်နိုင်ပိုချေများတယ်။

Resistance training ပဲ လုပ်ပြီး cardio မလုပ်ရင် ဝိတ်ကျမယ်။ အဆီကျမယ်။ ခန္ဓာကိုယ်အချိုးအစားလှမယ်။ ကြွက်သားထုကို ထိန်းနိုင်တာကြောင့် ခွန်အားလျော့ပါးမှုလည်း ကာကွယ်နိုင်မယ်။ ရပ်လိုက်ရင်လည်း ဝိတ်မြန်မြန်မတက်ဘူး။ ဒါပေမယ့် သက်လုံနဲ့ခံနိုင်
ရည်တိုးတက်မှုနည်းမယ်။ နှလုံးနဲ့အဆုတ်ကျန်းမာရေးတိုးတက်မှု နှေးမယ်။

အဲ့ဒါကြောင့် cardio နဲ့ resistance training ပေါင်းလုပ်တာ ရေရှည်မှာ ရလာဒ်အကောင်းဆုံးပါပဲဗျာ။

သင်ဆရာ၊ မြင်ဆရာ၊ ကြားဆရာများအား ဂါရဝပြုလျက်ပါ။

ဒေါက်တာစိုးထက်အောင်
M.B.,B.S( Ygn)
MRCP ( UK)

ဆုလာဘ်ဆေးခန်း အမှတ်(၁)
အမှတ် ၁၀၅၊ မြိတ်လမ်း၊၁၉ ရပ်ကွက်၊ တောင်ဒဂုံ

ဆုလာဘ်ဆေးခန်း အမှတ်(၂)
အမှတ်-၄၊ အောင်မာဃလမ်း၊(၁) ရပ်ကွက်၊ လှိုင်မြို့နယ်

03/07/2026

အလုပ်များသော၊ အားကစားလုပ်ရန် သီးသန့်အချိန်မရသော၊ Gym သွားရန် အခက်အခဲရှိသော အသက် ၃၅ မှ ၆၀ အတွင်း အဝလွန်သူ မိတ်ဆွေများအတွက် အရိုးရှင်းဆုံးအကြံပေးချက်

၁။ အစားလျှော့တာထက် အစားကိုစနစ်တကျရွေးစားဖို့ လိုတယ်ဗျ။ တစ်နေ့တစ်နေ့ ကိုယ့်ပါးစပ်ထဲ ဘာတွေသွင်းနေလဲ ဆင်ခြင်ပါ။
ထမင်းလျှော့ပြီး အသားတိုးစား၊ အရွက်တိုးစားပါ။ ထမင်းပန်းကန်ထဲကို အရွက် ၄ ပုံ ၁ ပုံ၊ အသား၊ငါး၄ ပုံ ၁ ပုံ ထည့်ပြီး အဲ့ဒီအချိုးအဆအတိုင်း စားပါ။ အသားပုံမှန်စားဖို့ ငွေကြေးအခက်အခဲရှိရင် ပဲမျိုးစုံနဲ့ တို့ဟူး၊ ပဲပြား တွေကို အသားအစား အချို့နေ့တွေမှာ စားပါ။ ဗိုက်လည်း ပြည့်၊ အာဟာရလည်း ဖြစ်ပါလိမ့်မယ်ဗျ။ ကျွန်တော်တို့ သိပ်ကြိုက်လေ့မရှိတဲ့ ငါးကလည်း ကျန်းမာရေးအတွက် အလွန်သင့်တော်တယ်ဆိုတာ ထပ်သတိပေးချင်ပါတယ်။

၂။ အချိုရည်ဖြတ်ဖို့ လိုပါတယ်။ လက်ဖက်ရည်လျှော့သောက်ဖို့ လိုတယ်ဗျ။ငါ ဘီယာမသောက်ပဲ ဗိုက်ထွက်နေတယ်ဆိုသူတွေ ကိုယ့်ကိုယ်ကို ပြန်မေးကြည့်။ တစ်နေ့တစ်နေ့ ရေမဟုတ်တဲ့ အခြားအရည်တွေ ပါးစပ်ထဲ
ဘယ်လောက် ဝင်နေလဲဆိုတာ။

၃။ တစ်ခါ တလေ ဗိုက်မဆာဘဲ ပါးစပ်ယားတာ၊ ပါးစပ်က ဆာတာမျိုး ဖြစ်ဖူးကြလား မသိဘူး။ အဲ့ဒီအခါမှာ အာလူးကြော်၊ကိတ်မုန့်၊ ဘီစကွတ်၊ အချိုရည်၊ ထိုးမုန့်၊ဟာလဝါ၊ ဒိုးနပ် စတဲ့ snack တွေ အစား ကန်စွန်းဥပြုတ်၊ ပြောင်းဖူးပြုတ်၊ မြေပဲ ၊ ကြက်ဥပြုတ်၊ ငုံးဥပြုတ်စတဲ့ အာဟာရတန်ဖိုးမြင့်တဲ့ အစားအစာတွေ စားပါ။ အဆာလည်း ပြေ၊ အာဟာရလည်းဖြစ်ပါလိမ့်မယ်။ အသီးအနှံတွေလည်း စားလို့ရပါတယ်။

၄။ အားကစားလုပ်တဲ့အဆင့်မဟုတ်ဘဲ တစ်နေ့တာလုံး လှုပ်လှုပ်ရှားရှား နေခြင်း ကတောင် အဆီမတက်အောင် ကူညီပေးတယ်ဗျ။ ကျွန်တော်တို့ နယ်ဘက်ဆင်းပြီး ဆေးကုတော့ ရွာထဲက အဘွားကြီးတွေ လာပြတာကိုး။( အဘိုးကြီးတွေလာပြတာ နည်းပါတယ်။) ရန်ကုန်သူ၊ရန်ကုန်သားတွေ အသက် ၅၀လောက်ဆို ရောဂါစုံစပြုနေပြီ။ ဆေး ၃၊၄ မျ်ုးသောက်နေရပြီ။ နယ်က အသက် ၇၀ အဘွားကြီးက သွေးပေါင်လည်း ကောင်း၊ ဆီးချ်ုလည်း မရှိ၊ ECG လည်းကောင်း၊ ပိန်ပိန်ပါးပါး သွက်သွက်လက်လက်ဆိုတော့ ကိုယ့်မျက်စိထဲမှာ ထူးဆန်းနေတာ။ အမှန်က လယ်ထဲ၊ ခြံထဲဆင်းပြီး တောက်တောက်တောက်တောက် လုပ်နေတာဆိုတော့ အဆီက သိပ်မတက်တော့ဘူးပေါ့။ တစ်နေ့တာလုံး လှုပ်လှုပ်ရှားရှားနေရင် အဆီကျတာ ပိုမြန်ပါတယ်။ ဘတ်စ်ကားစီးသွားရတဲ့မိတ်ဆွေတွေ တစ်မှတ်တိုင်လောက် ကြိုဆင်းပြီး လမ်းလျှောက်ပါ။ အထုတ်အပိုးမပါရင် တော်ရုံတန်ရုံအထပ်မြင့်ကို ရိုးရိုးလှေကားက ရသလောက်တက်ပါ။ online shop လုပ်တဲ့မိတ်ဆွေတွေ customer reply ပြန်တာမျ်ုး၊ ပို့စ်တင်တာမျိုးကို လမ်းလျှောက်ရင်း ရသလောက်လုပ်ကြည့်ပါ။

၅။ အားကစားလုပ်ပါ။ အထက်မှာ ပြောခဲ့တာက အားကစား မဟုတ်သော လှုပ်ရှားမှုကို ဆိုလိုတာ။ ခုပြောမှာက အားကစား သတ်သတ်မှတ်မှတ်လုပ်ဖို့ပါ။ cardio တစ်ပတ် ၅ ရက်လုပ်ပါ။ တစ်ပတ် ၃ ရက်လောက် အလေးမ ပါ။ ( cardio ဆိုတာ လမ်းလျှောက်တာ၊ ပြေးတာ၊ ကြိုးခုန်တာ၊ကြက်တောင်၊ ဘောလုံး၊ တင်းနစ် ၊ စင်ဘီးနင်း၊သိုင်း၊ လက်ဝှေ့ စတာတွေပါ) အချိန်မပေးနိုင်ရင် တစ်နေ့ ခြေလှမ်း ၇၀၀၀ လောက်နဲ့ တစ်ပတ် ၅ ရက်လောက် လမ်းလျှောက်၊ ရေမချိုးခင်လေးကို body weight squat (ထိုင်ထ)ကို တစ်ရက်ခြားလောက်လုပ်ရင်ကို အတော်ဟုတ်နေပါပြီ။ ထိုင်ထကို စလုပ်လုပ်ချင်း ၅ ခါပဲ ရရ လုပ်ပါ။ တဖြည်းဖြည်းနဲ့ အခါ ၅၀ ထိ ရအောင် ကြိုးစားပါ။ လမ်းကိုလည်း ခြေလှမ်း ၇၀၀၀ မရရင် ၁၀၀၀ ပဲ ရရ၊ ရသလောက်သာလျှောက်ပါ။ ဝိတ်ချတယ်ဆိုတာ ရေရှည်ခရီးပါ။ စွဲမြဲဖို့ လိုပါတယ်။ ယောက်ျားလေးတွေကတော့ Push up ( ဒိုက်ထိုးတာ) ကိုပါ တစ်ရက်ခြားလုပ်ပါ။

အထက်ပါ အကြံပြုချက်တွေဟာ ဝိတ်လဲချချင်တဲ့၊ ဘယ်ကစလုပ်ရမှန်းလည်း မသိတဲ့ ၊ gym လည်း မသွားနိုင်တဲ့ မိတ်ဆွေတွေကို ခေါင်းမရှုပ်အောင် အရိုးရှင်းဆုံး၊ အထိရောက်ဆုံးအကြံပေးထားတာပါ။ အဆင်ပြေကြပါစေဗျာ။

သင်ဆရာ၊ မြင်ဆရာ၊ ကြားဆရာများအား ဂါရဝပြုလျက်ပါ။

ဒေါက်တာစိုးထက်အောင်
M.B.,B.S( Ygn)
MRCP ( UK)

ဆုလာဘ်ဆေးခန်း အမှတ်(၁)
အမှတ် ၁၀၅၊ မြိတ်လမ်း၊၁၉ ရပ်ကွက်၊ တောင်ဒဂုံ

ဆုလာဘ်ဆေးခန်း အမှတ်(၂)
အမှတ်-၄၊ အောင်မာဃလမ်း၊(၁) ရပ်ကွက်၊ လှိုင်မြို့နယ်

08/06/2026

ဒီဆေးက ဒီလိုတော့ ဖြစ်တတ်ပါတယ်။

မှတ်ချက်- ဆေးပညာလောကသားမိတ်ဆွေများအတွက် Experience sharing post ဖြစ်ပါသည်။

ဒီတစ်ခါလူနာက အသက် ၆၅ နှစ်လူနာပါ။ လာပြတာက နှာစေးတာကြာနေလို့ လာပြတာပါ။ လူကို သေချာမေးကြည့်တော့ သူနှာစေးနေတာ ၄ လကျော်လောက်ရှိပြီလို့ ပြောပါတယ်။ နှာရည်တစ်ခါတလေကျပေမယ့် များသောအားဖြင့် နှာခေါင်းပိတ်တာပိုများပါတယ်။ နားနှာခေါင်းအထူးကုနဲ့လည်း ပြဖူးတယ်လို့ ပြောပါတယ်။ နှာခေါင်းထဲမှာ ဆိုးဆိုးရွားရွားပြဿနာမရှိဘူးလို့ သိရပါတယ်။ နှာခေါင်းပိတ်ရင် Topical nasal decongestant (နှာခေါင်းပွင့်ဆေး)လေးထည့်လိုက်၊ steroid nasal spray လေး ဖျန်းလိုက်နဲ့ နေနေတာပါ။ antihistamine လည်း နေ့တိုင်းနီးပါးသောက်နေရပါတယ်။ အဲ့ဒါလည်းခဏပဲ သက်သာပြီး တောက်လျှောက်နှာခေါင်းပိတ်နေတာလို့ လာပြတာပါ။
ကျွန်တော်လည်း လူနာကို သေချာစမ်းကြည့်ပါတယ်။ လူနာက အဲ့ဒီပြဿနာကလွဲရင် ကျန်တာ အိုကေပါတယ်။ သွေးပေါင်ချိန်လည်းကောင်း၊ ဆီးချိုလည်း ကောင်းပါတယ်။ ဆေးမှတ်တမ်းတွေလည်းပါလာပါတယ်။ ဖတ်ကြည့်တော့ လွန်ခဲ့တဲ့ ၅လလောက်က Medical check up စစ်ထားတာတွေ့ရပါတယ်။ HbA1c ၊ renal function ၊ liver function အကုန် ကောင်းပါတယ်။ ultrasound မှာတော့ Fatty liver နဲ့ BPH grade 1 ရှိနေပါတယ်။
သောက်နေတဲ့ ဆေးတွေက
Amlodipine 5 mg od
Tamsulosin 0.4mg hs
Atorvastatin 10mg hs သောက်နေပါတယ်။ နားနှာခေါင်းအထူးကု ပြထားတဲ့ ဆေးမှတ်တမ်းတွေလည်းပါပါတယ်။ ENT assessment မှာလည်း အန္တရာယ်ရှိတဲ့ ရောဂါတွေမတွေ့ရပါဘူး။
လူနာက နှာခေါင်းပိတ်တာကလွဲရင် ကျန်တာဘာမှ မဖြစ်၊ အန္တရာယ်
လက္ခဏာဘာမှ မရှိပါဘူး။ ဒါပေမယ့် ညတိုင်းနီးပါး နှာခေါင်းပိတ်တော့ တော်တော်စိတ်ညစ်နေတာတော့အမှန်ပါ။
အဲ့ဒါနဲ့ လူနာကို နည်းနည်းထပ်ပြီး စပ်စုကြည့်လိုက်တော့ သူနှာခေါင်းပိတ်တာက ညဘက် ၁၀ နာရီခွဲကနေ ၁၂:၃၀/၁ နာရီလောက်မှာအဆိုးဆုံးပါတဲ့။ ဆေးတွေသောက်၊ ဆေးတွေဖျန်းလုပ်ရင်လည်း နောက်နေ့ပြန်ဖြစ်တာပဲတဲ့။ နေ့ဘက်ဆို နေရတာအဆင်ပြေပါတယ်တဲ့။
ကျွန်တော့်အတွက် တော်တော်အဆင်ပြေတာက လူနာ နားနှာခေါင်းဆရာဝန်နဲ့ပြထားတာ၊ assessment လုပ်ထားတာပါ။ ENT assessment လုပ်ပြီးသားမို့ နှာခေါင်းထဲမှာ structural problem မရှိဘူးလို့ ယူဆလို့ရသွားပါတယ်။ ဒါဆိုရင် သူသောက်နေတဲ့ ဆေးထဲမှာ နှာခေါင်းပိတ်စေမယ့် ဆေးပါလားလို့ စစ်ကြည့်တော့ alpha blocker ဖြစ်တဲ့ Tamsulosin သောက်နေတာ သတိထားမိပါတယ်။ အဲ့ဒါနဲ့ သေချာစပ်စုကြည့်တော့ Tamsulosinသောက်တာ ၅ လ လောက်ပဲရှိပါသေးတယ်။ Ultrasound မှာ BPH ရှိလို့ ( ဆီးကျိတ်ကြီးတာရှိလို့) ဖြစ်နိုင်ပါတယ်။ Tamsulosin သောက်မှ သိသိသာသာပိုပိတ်လာတာပါ။ ဆေးသောက်ပြီး ၂ နာရီလောက်အတွင်းမှာ အဆိုးဆုံးပဲလို့ ပြောပါတယ်။
ဒါဆိုရင် တရားခံက Tamsulosin ကြောင့် ဖြစ်နိုင်ပါတယ်။ အဲ့ဒါနဲ့ သေချာအောင် လူနာကို ဆေးခဏရပ်ခိုင်းပြီး စောင့်ကြည့်ဖို့ ဆုံးဖြတ်လိုက်ပါတယ်။ တစ်ခုရှိတာက ဆေးဖြတ်မှ လူနာရဲ့ ဆီးကျိတ်ရောဂါလက္ခဏာပိုဆိုးမှာလည်း ကြောက်ရပါသေးတယ်။ အဲ့ဒါနဲ့ လူနာကို ဆီးသွားရခက်တာ၊ ညှစ်ပေါက်ရတာ စတဲ့ obstructive symptoms တွေ ဆေးမသောက်ခင်ကရော ရှိခဲ့လား၊ အခုရော ရှိသေးလား သေချာမေးကြည့်တော့ တစ်ခါမှ မဖြစ်ဖူးကြောင်း ပြောပြပါတယ်။ ဒါဆို လူနာက လက္ခဏာမပြသေးပေမယ့် ultrasound မှာ BPH ရှိလို့ ဆေးကို ဒီတိုင်းပေးလိုက်တာနေပါလိမ့်မယ်။ ဒါဆိုရင် ဆေးခဏဖြတ်ကြည့်လို့ ပြဿနာမရှိလောက်ဘူးလို့ သုံးသပ်ပြီး လူနာကို Tamsulosin ၃ ရက်လောက်ခဏရပ်ကြည့်ဖို့၊ antihistamine ကို နှာမစေးရင်မသောက်ဖို့၊နှာခေါင်းပွင့်ဆေးတွေ၊ ဖျန်းဆေးတွေ ခဏရပ်ထားဖို့၊ ဆီးသွားရခက်တာ၊ ညှစ်ပေါက်ရတာရှိရင် ပြန်လာပြဖို့ သေချာမှာပြီး နောက် ၃ ရက်နေတော့ ပြန်ချိန်းလိုက်ပါတယ်။
နောက် ၃ ရက်နေတော့ လူနာပြုံးပြုံးရွှင်ရွှင်နဲ့ ပြန်လာပါတယ်။ နှာခေါင်းပိတ်တာ တော်တော်အဆင်ပြေကြောင်း ပြောပါတယ်။ ဒါဆို တရားခံက Tamsulosin ဆိုတာ သေချာသွားပြီပေါ့။ လူနာမှာ BPH grade 1 ရှိတယ်ဆိုပေမယ့် alpha blocker ပေးရမယ့် strong indication ရှိမနေတာနဲ့ ဆေးရပ်ခိုင်းလိုက်ပြီး ၊ တစ်ခုခုထူးခြားမှ ပြန်ပြဖို့မှာလိုက်ပါတယ်။

နောက်တစ်ယောက်ကတော့ အသက် ၃၅ နှစ် လူငယ်တစ်ယောက်ပါ။ သူလည်း နှာခေါင်းတွေပိတ်ပြီး အိပ်မရလို့ လာပြတာပါ။ ပိတ်တာလည်း နှာရည်လုံးဝမကျ၊ နှာလည်းမချေဘဲ ဘလိုင်းကြီး ပိတ်နေတာပါ။ သူကတော့ ဆီးလမ်းကြောင်းကျောက်တည်လို့ ဆီးလမ်းကြောင်းခွဲစိတ်အထူးကုရဲ့ ညွှန်ကြားချက်နဲ့ Tamsulosin သောက်နေတာပါ။ သူ့ကတော့ ဆက်ပေးရမယ့်အခြေအနေလည်းဖြစ်နေလို့ ညဘက်အစား ဆေးကို မနက်ပိုင်း ပြောင်းသောက်ခိုင်းလိုက်ပါတယ်။ အဲ့တော့မှ ညဘက်နှာခေါင်းပိတ်ပြီး အိပ်မရတဲ့ ပြဿနာလွတ်သွားပါတယ်။ ဒါပေမယ့် မနက် ၉ နာရီလောက် ဆေးသောက်ရင် ၁၂ နာရီမထိုးခင်လောက်ထိ နှာခေါင်းပိတ်နေပါသတဲ့။

နောက်တစ်ယောက်ကတော့ ကျွန်တော် ဦးနှောက်စားသွားတဲ့ ပြဿနာပါ။ လူနာကတော့ အသက် ၃၆ နှစ် အမျိုးသားပါ။ သူ့ပြဿနာက အဆန်းပါ။ (နားနဲ့မနာ၊ ဖဝါးနဲ့နာဖို့ ကြိုတင် မေတ္တာရပ်ခံပါရစေခင်ဗျား) လင်မယားအတူနေပြီးရင် သူတို့က ကလေးမရအောင် အပြင်မှာပြီးတဲ့ နည်းလမ်း ( Withdrawal method)ကို သုံးပါသတဲ့။ ပြဿနာက သံဝါသပြုပြီးလို့ အပြင်မှာပြီးတဲ့အခါ သုက်ရည်
ထွက်မလာတာပါ။ ပန်းသေပန်းညှိုးလည်း မဟုတ် ၊လိင်တံမာတင်းမှုလည်း အပြည့်အဝရှိတယ်။ ကြာကြာလည်းဆက်ဆံနိုင်တယ်။ ပြီးမြောက်သွားတဲ့ ခံစားမှုလည်း ရတယ်။ သုက်ရည်ပဲ အပြင်
ထွက်မလာတာပါ။ မသင်္ကာလို့ ကိုယ့်ဘာသာ တစ်ကိုယ်ရည်အာသာဖြေကြည့်တော့လည်း အဲ့ဒီလိုပါပဲ။ ပြီးသွားတယ်။ ဘာမှ ထွက်မလာပါဘူး။ လူနာခမျာ သုက်ပဲ ခန်းသွားတာလား၊ ဘာတွေ ဖြစ်ကုန်တာလဲ၊ လူဖြစ်ရှုံးပြီလားဆိုပြီး စိတ်ပူလို့ လာပြတာပါ။ ကျွန်တော်လည်း ဒီလိုပြဿနာမျိုး စာတွေ့ရော၊ လက်တွေ့ရော မကြုံဖူးတော့ ဘာလုပ်လို့ ဘာကိုင်ရမှန်းမသိဘူးပေါ့။ အဲ့ဒါနဲ့ အင်တာနက်မှာ Ej*******on without semen emission လို့ ရိုက်ရှာကြည့်လိုက်ပါတယ်။ အဲ့တော့မှာ Retrograde ej*******on ကြောင့် ဖြစ်တာဆိုပြီးတွေ့ရပါတယ်။ မြန်မာလိုဆို သုက်ရည်က အပြင်မထွက်ဘဲ ဆီးအိမ်ထဲကို ပြန်ဝင်သွားတာပေါ့။ သူ့ကို ဖြစ်စေတဲ့ အကြောင်းရင်းတွေရှာကြည့်တော့ Urosurgical procedures, Autonomic neuropathy, spinal cord disease, alpha blockers ဆိုပြီးတွေ့ရပါတယ်။ လူနာက အရွယ်ကောင်း၊ ရောဂါအခံမရှိ၊ သန်သန်မာမာ ၊ ခွဲစိတ်ထားတဲ့ ရာဇဝင်မရှိပါဘူး။ သောက်နေတဲ့ဆေးတွေရှိမရှိမေးတော့မှ ဆီးလမ်းကြောင်းကျောက်တည်လို့ Tamsulosin သောက်နေတာ ပေါ်လာပါတယ်။ သောက်နေတာတော့ ၂ ပတ်လောက်ရှိပါပြီ။ ဆီးလမ်းကြောင်းခွဲစိတ်အထူးကု ညွှန်းထားတာပါ။ ဒီဆိုရင် Tamsulosin ကြောင့် Retrograde ej*******on ဖြစ်ပြီး လူနာ dry or**sm ရတာဖြစ်မှာပေါ့။ လူနာက ခုတော့ ဆီးကျောက်ကြောင့် အောင့်တာနာတာ ဘာမှ မဖြစ်တော့ပါဘူး။အဲ့ဒါနဲ့ လူနာကို Tamsulosin ကြောင့် ဖြစ်နိုင်ကြောင်းပြောပြီး၊ ဆေး ၂ရက်လောက်ရပ်ပြီး ပြန်စမ်းကြည့်ဖို့ ပြောလိုက်ပါတယ်။ နောက်နေ့ လူနာပြန်လာပြီး အကုန်အဆင်ပြေသွားပြီ၊ အရင်အတိုင်းပြန်ဖြစ်သွားပြီးဖြစ်ကြောင်း ပြောပြပါတယ်။ လူနာရော၊ ဆရာဝန်ရော စိတ်အေးသွားတာပေါ့ဗျာ။ဆေးကိုတော့ ဆီးလမ်းကြောင်းခွဲစိတ်နဲ့ ရက်ချိန်းပြမယ့်နေ့အထိ ဆက်သောက်ခိုင်းလိုက်ပါတယ်။

ကျွန်တော်ပြောချင်တာလေးတွေက

၁။ Tamsulosin , doxazosin, prazosin စတဲ့ alpha blocker အုပ်စုဝင်ဆေးတွေသည် ဆီးကျိတ်ကြီးတဲ့လူနာတွေ၊ ဆီးလမ်းကြောင်းကျောက်တည်တဲ့ လူနာတွေမှာ အလွန်
အသုံးဝင်တဲ့ ဆေးစွမ်းကောင်းပါ။ ဆီးပေါက်ရခက်တဲ့ ပြဿနာကို လျော့စေတယ်။ ကျောက်ကျစေတယ် စသဖြင့် ကောင်းကျိုးတွေအများကြီးပါ။
ဒီပို့စ်မှာ Tamsulosin ရဲ့ ဘေးထွက်ဆိုးကျိုးတွေချည်းပဲ ရေးထားသလို ဖြစ်သွားပါတယ်။ ဘေးထွက်ဆိုးကျိုးလုံးလုံးမရှိတဲ့ ကုသမှု မရှိပါဘူးဆိုတာ ပြောပါရစေ။ ရမယ့် ကောင်းကျိုးနဲ့ ဖြစ်နိုင်ချေရှိတဲ့ ဘေးထွက်ဆိုးကျိုးကို ချိန်ဆပြီး ကောင်းကျိုးရမယ့်ဘက်က အလေးသာလို့ ဆေးပေးတာပါ။ ဒီပို့စ်ဖတ်ပြီးလို့ ကြောက်လန့်တကြားနဲ့ သောက်နေတဲ့ Tamsulosin ကို ကိုယ့်သဘောနဲ့မရပ်ဖို့ အလေးအနက်မှာပါရစေ။
၂။ Tamsulosin သောက်နေတဲ့ လူနာ နှာခေါင်းပိတ်တိုင်း တရားခံက ဒင်းပဲဆိုပြီး တထစ်ချမတွက်ဖို့ သတိပေးပါရစေ။ နှာခေါင်းပိတ်တဲ့အကြောင်းရင်းမှာ အဖြစ်များဆုံးက Local ENT problems ပါ။ Allergic rhinitis, Vasomotor rhinitis,nasal polyps, rhinosinusitis စတဲ့ cause တွေ အရင် exclude လုပ်ဖို့လိုပါတယ်။ အဲ့ဒါတွေ exclude လုပ်ပြီးလို့မှ၊ ကုသပြီးလို့မှ မသက်သာရင်တော့ alpha blocker ကြောင့် များဖြစ်နေမလားဆိုတာလေး သတိရရင် ကျွန်တော်ကျေနပ်ပါပြီ။ နောက်တစ်ချက်က alpha blocker စသောက်တဲ့ အချိန်နဲ့ symptom ပြတဲ့အချိန်နဲ့ ကိုက်မကိုက် ပြန်သုံးသပ်ဖို့လိုပါသေးတယ်။ အခြား cause တွေလည်း exclude လုပ်ထားတယ်၊ လူနာကလည်း alpha blocker စပြီးတော့မှ နှာခေါင်းသိသိသာသာပိတ်လာတာဖြစ်တယ်၊ဆေးရပ်လိုက်တော့ နှာခေါင်းပိတ်တာသက်သာသွားရင်တော့ alpha blocker ကြောင့် လို့ ရဲရဲပြောနိုင်ပါပြီ။

၃။ alpha blocker ကြောင့် နှာခေါင်းပိတ်တာဆိုရင်တော့ ဆေးရပ်မှ ပျောက်မှာဖြစ်ပါတယ်။ ဆေးမရပ်မချင်း ပိတ်နေဦးမှာပါပဲ။ တစ်ခုရှိတာက ဒီလူနာကို alpha blocker ဘာအတွက်ပေးထားတာလဲဆိုတာ ပြန်သုံးသပ်ဖ်ု့တော့လိုပါတယ်။ ဆေးရပ်လို့ရတဲ့ အခြေအနေလား၊ ဆေးရပ်ရင် ဒုက္ခရောက်နိုင်မယ့် အခြေအနေလား ပေါ့။ ဆေးက ယာယီပေးထားတာဆို ပြဿနာသိပ်မရှိပေမယ့်၊ တစ်သက်လုံးသောက်ရမှာဆို တစ်သက်လုံးနှာခေါင်းပိတ်ပြီး တစ်သက်လုံးအိပ်ရေးပျက်ရမယ်ဆို မစားသာပါဘူး။ အဲ့ဒီလိုမျိုးဆို alpha blocker ကို အချိန်ပြောင်းပြီး သောက်ခိုင်းလို့ရပါတယ်။ ဥပမာ Tamsulosin ကို ပုံမှန်အားဖြင့် postural hypotension မရအောင် ညဘက် ပေးလေ့ရှိပေမယ့် နှာခေါင်းအရမ်းပိတ်ရင် မနက်ပိုင်းကို ပြောင်းသောက်ခိုင်းတာမျ်ုး လုပ်လို့ရပါတယ်။ နှာခေါင်းပိတ်တာတော့ ပိတ်မှာပါပဲ။ ဒါပေမယ့် ညဘက်နှာခေါင်းပိတ်တာလောက်တော့ ဒုက္ခမရောက်တော့ဘူးပေါ့။

၄။ Retrograde ej*******on နဲ့ ပက်
သက်လို့ ပထမတစ်ခါကြုံဖူးတာက အသက် ၇၉ ကျော် အဘိုးကြီး ဆီးအရောင်မကောင်းလို့ လာပြတာပါ။ အဘိုးကြီးက ဆီးချိုလည်းရှိတော့ UTI လား၊ proteinuria လားပေါ့။ မေးကြည့်တော့ ဆီးအရောင်နောက်တာကလွဲရင် ကျန်တာဘာမှ မရှိပါဘူး။ အဲ့ဒါနဲ့ urine RE စစ်တော့ ဆီးထဲမှာ spermatozoa တွေ ပါလာတာတွေ့ရတော့ ကျွန်တော်လည်း ကြောင်သွားပါတယ်။ စာပြန်ဖတ်ကြည့်တော့မှ retrograde ej*******on မှန်းသိတာပါ။ ဒုတိယတစ်ခါကတော့ အပေါ်မှာရေးခဲ့တဲ့ Dry or**sm ရတဲ့လူနာပေါ့။ alpha blocker ကြောင့် retrograde ej*******on ရတာ၊ dry or**sm ရတာသည် reversible ဖြစ်ပါတယ်။ ဆေးရပ်လိုက်ရင်ပြန်ကောင်းပါတယ်။ မကြုံဖူးတဲ့မိတ်ဆွေတွေအတွက် မျှဝေပေးတာပါခင်ဗျာ။

အားလုံးအဆင်ပြေကြပါစေဗျာ။

သင်ဆရာ၊ မြင်ဆရာ၊ ကြားဆရာများအား ဂါရဝပြုလျက်ပါ။

ဒေါက်တာစိုးထက်အောင်
M.B.,B.S( Ygn)
MRCP ( UK)

ဆုလာဘ်ဆေးခန်း အမှတ်(၁)
အမှတ် ၁၀၅၊ မြိတ်လမ်း၊၁၉ ရပ်ကွက်၊ တောင်ဒဂုံ

ဆုလာဘ်ဆေးခန်း အမှတ်(၂)
အမှတ်-၄၊ အောင်မာဃလမ်း၊(၁) ရပ်ကွက်၊ လှိုင်မြို့နယ်

26/05/2026

Hypothyroidism လူနာများအတွက် စကားလက်ဆောင်( လိုတိုရှင်း)

၁။ Levothyroxine ကို အစာမစားခင် ၁ နာရီ ခွါသောက်တာ အကောင်းဆုံးပါ။ ကျွန်တော်တို့ လူနာတွေက ဆေးဆို စားပြီးသောက်တာ အကျင့်ပါနေလို့ သတိပေးတာပါ။ စားပြီးမှ သောက်ဖို့သတိရရင် ၄ နာရီအထိ ခွါဖို့လိုပါတယ်။ အစားအစာက ဆေးစုပ်ယူမှုကို လျော့ကျစေလို့ပါ။

၂။ ရက်ချိန်းမှန်မှန်ပြပါ။ အစောပိုင်းကာလမှာ TSH ကို ၂ လတစ်ခါ၊၃ လ တစ်ခါ စစ်ဖို့လိုပါတယ်။ နောက်ပိုင်း stable ဖြစ်လာရင် ၆ လ တစ်ခါ ၊ ၁ နှစ်တစ်ခါ စစ်ရင်ရပါပြီ။

၃။ အသား၊ငါး၊ဥအမျိုးမျိုး၊အသီးအနှံအစုံစားပါ။ အာဟာရမျှတအောင်စားပါ။ Supplement group တွေ ပြောနေတဲ့ selenium တို့၊ zinc တို့၊ ironတို့၊ iodine တို့ အကုန်ပါသွားပါလိမ့်မယ်။ supplement မဖြစ်မနေသောက်စရာမလိုပါဘူး။ လက်ရှိ သိုင်းရွိုက်ကုသရေး guidelines တွေမှာလည်း selenium ကို hypothyroidism လူနာတိုင်း မဖြစ်မနေပေးဖို့ မညွှန်းထားပါဘူး။ ဒီဓာတ်တွေက trace elements လို့ ခေါ်
တယ်။ များရင်အန္တရာယ်ရှိနိုင်ပါတယ်။ အာဟာရပြည့်ဝအောင်မစားနိုင်လို့ ဒီ
ဓာတ်တွေ ချို့တဲ့ရင်တော့ ပေးလို့ရပါတယ်။

၄။ အားကစားပုံမှန်လုပ်၊ အဆီအဆိမ့်၊ ချိုလွန်း၊ ငန်လွန်းတာတွေ ရှောင်ပါ။ Hypothyroidism ရှိရင် နှလုံးသွေးကြောကျဉ်းနိုင်၊ ပိတ်နိုင်ခြေ သာမန်ထက် မြင့်မားလို့ပါ။

အားလုံးအဆင်ပြေကြပါစေဗျာ။

ဒေါက်တာစိုးထက်အောင်
M.B.,B.S( Ygn) , MRCP(UK)
ဆုလာဘ်ဆေးခန်း အမှတ်(၁)
အမှတ် ၁၀၅၊ မြိတ်လမ်း၊၁၉ ရပ်ကွက်၊ တောင်ဒဂုံ

ဆုလာဘ်ဆေးခန်း အမှတ်(၂)
အမှတ် ၇၉၊ မယ်ဇီကုန်းလမ်း၊ (၈) ရပ်ကွက်၊ လှိုင်မြို့နယ်

13/05/2026

ဆေးခန်းနေရာ ပြောင်းရွှေ့ကြောင်း အသိပေးခြင်း

လက်ရှိ အမှတ် ၇၉၊မယ်ဇီကုန်းလမ်း၊၈ ရပ်ကွက်၊ လှိုင်မြို့နယ်တွင် ဖွင့်လှစ်ထားသော ဆုလာဘ်-၂ အထွေထွေရောဂါကုဆေးခန်းနှင့် ရောဂါရှာဖွေရေးကို ၁.၆.၂၀၂၆ မှ စ၍ အမှတ် ၄၊ အောင်မာဃလမ်း၊ ၁ ရပ်ကွက်၊ လှိုင်မြို့နယ် ( ဘူတာရုံလမ်းနှင့် အောင်မာဃလမ်းထောင့်အနီး) သို့ ပြောင်းရွှေ့ဖွင့်လှစ်မည်ဖြစ်ကြောင်း မိတ်ဟောင်းမိတ်သစ်များကို အသိပေးအပ်ပါသည်ခင်ဗျား။

05/05/2026

လှိုင်မြို့နယ်ရှိ ဓာတ်ခွဲခန်းတွင် sample ကောက်ပေးရန် runner တစ်ဦး အလိုရှိပါသည်။

Job position
Delivery Staff

Male/Female - 1 post

Job Requirement

☑️ ပညာအရည်ချင်း အနည်းဆုံး အလယ်တန်း အောင်မြင်ရမည်။
☑️သွက်လက်ချက်ချာပြီး လူမှုဆက်ဆံရေးကောင်းမွန်သူဖြစ်ရမည်။
☑️စကားပြောပြေပြစ်၍ အကျင့်စာရိတ္တကောင်းမွန်သူဖြစ်ရမည်။

ှင့် စက်ဘီးကောင်းမွန်စွာ စီးနိုင်သောသူကို ဦးစားပေးမည်။

# #ဆေးရုံ ၊ဆေးခန်း၊ ဓါတ်ခွဲခန်းများတွင် runner. လုပ်ခဲ့ဖူးသူများ ပို၍ ဦးစားပေးမည်။

Benefits

-Salary - 400000
-Performance allowance +++
-OT+++

CV form များကို

Viber ph. 09793849732
[email protected]

23/03/2026

ဆီးချ်ုကြောင့် ကျောက်ကပ်အားနည်းနေတယ်။
ဘာအားဆေးစားရမလဲဆရာ။

အဖြေ။

၁။ HbA1c ကို 7% အောက်ချခြင်း၊
၂။သွေးပေါင်ကို 125/75 မကျော်အောင် ထိန်းခြင်း
၃။ကျောက်ကပ်ထိစေမည့် အကိုက်အခဲပျောက်ဆေး၊ တိုင်းရင်းဆေးများကို ရှောင်
ခြင်း
၄။ACEI/ ARB အုပ်စုဝင်ဆေးများကို စနစ်တကျသုံးခြင်း
၅။SGLT-2 inhibitor များကို စနစ်တကျသုံးခြင်းထက် ပိုကောင်းတဲ့ ကျောက်ကပ်
အားဆေးမပေါ်သေးပါဘူးခင်ဗျ။

အဲ့ဒီလို ကုရင် အသက်ရှည်ပါလိမ့်မယ်။ ကျောက်ကပ်မဆေးရအောင် ဆွဲဆန့်နိုင်ပါလိမ့်မယ်။

အားလုံးအဆင်ပြေကြပါစေဗျာ။

ဒေါက်တာစိုးထက်အောင်
M.B.,B.S( Ygn) , MRCP(UK)
ဆုလာဘ်ဆေးခန်း အမှတ်(၁)
အမှတ် ၁၀၅၊ မြိတ်လမ်း၊၁၉ ရပ်ကွက်၊ တောင်ဒဂုံ

ဆုလာဘ်ဆေးခန်း အမှတ်(၂)
အမှတ် ၇၉၊ မယ်ဇီကုန်းလမ်း၊ (၈) ရပ်ကွက်၊ လှိုင်မြို့နယ်

22/03/2026

“လူကို မြင်မှ အဖြေရ”

မှတ်ချက်- ဆေးပညာလောကသားများအတွက် Experience sharing post ဖြစ်ပါသည်။

ဒီတစ်ခါလူနာက အသက် ၆၀ အမျိုးသမီးပါ။ အဖျားတက်လိုက်ကျလိုက်ဖြစ်နေတာ ၁ လကျော်လောက်ရှိပါပြီ။ နှာခေါင်းသွေးလည်း ခဏခဏ လျှံတယ်လို့ ပြောပါတယ်။ နေရတာ မကောင်းဘူး။ နုန်းတယ်လို့လည်း ပြောပါတယ်။ Investigation တွေလည်း စစ်ထားတာ ရှိပါတယ်။ လွန်ခဲ့တဲ့ ၁ လကျော်လောက်က စစ်ထားတာပါ။ ကျွန်တော့်ဆီကို ရောက်လာတာကတော့ သူငယ်ချင်းဆရာဝန်တစ်
ယောက်က လွှဲလို့ရောက်လာတာပါ။

ကျွန်တော်လည်း ဆေးစစ်ထားတာတွေကို ဖတ်ကြည့်လိုက်ပါတယ်။သွေးအဖြေတွေက

B,C- NR
ALT-89.1(⬆️)
AST-75(⬆️)
Alkaline phosphatase 1137(⬆️⬆️)
Full blood count မှာ Hb-10.2,,WBC-Normal ,platelets-141 ( mildly reduced)
USG - Acute hepatitis and duodenitis ပါ။

အဖြေတွေအရတော့ လူနာရဲ့ liver function test က cholestatic pattern ဖြစ်နေပါတယ်။ Full blood count မှာ normochromic normocytic anemia နဲ့ mild thrombocytopenia ရှိပါတယ်။

အဲ့ဒါနဲ့ ကျွန်တော်လည်း လူနာကို စမ်းသပ်ပါတယ်။ လူနာရဲ့ ခြေထောက်တွေကို ထမီလှန်ပြီးကြည့်လိုက်တာနဲ့ စတွေ့တာပါပဲ။ Vasculitic rash တွေပါ။ အဲ့ဒါနဲ့ လူနာကို အဆစ်နာလားမေးတော့ အဆစ်တွေနာတာ၊ မနက်အိပ်ရာထရင် အဆစ်တွေတောင့်တင်းနေတာ ပေါ်လာပါတယ်။ Joint pain ရော၊ morning stiffness ရောရှိနေတာပါ။ဆီးအရောင်ပြောင်းလား၊ သွေးပါလား မေးကြည့်တော့ ဆီးအရောင်ရင့်တယ်လို့ ဆိုပါတယ်။ အခြားဟာတွေ စမ်းကြည့်တာတော့ အကုန်ကောင်းပါတယ်။

ဒါဆိုရင်လူနာမှာ ရောဂါရှာဖို့အတွက် Vasculitic rash ကပဲ စရမှာပါပဲ။ မကြာမကြာဖျားနေတာ၊ Epistasix ရရနေတာ၊ Joint pain တွေရနေတာအတွက် vasculitis ကို နံပတ်(၁) အရင်ဆုံး exclude လုပ်ဖို့လိုပါတယ်။ မဟုတ်ရင် multiorgan failure ထိ ဖြစ်သွားပြီး အန္တရာယ်ရှိနိုင်ပါတယ်။

အဲ့ဒါနဲ့ ကျွန်တော်လည်း လူနာကို အခြေအနေရှင်းပြပြီး သွေးတွေစ၊ ဆီးတွေ စစ်ခိုင်းလိုက်ပါတယ်။ အဖြေတွေက ၁ ပတ်လောက်နေမှ စုံမှာမို့လို့ ကြားထဲမှာ လူနာကို steroid ပါ high dose ခဏ ပေးထားလိုက်ပါတယ်။

၁ ပတ်လောက်နေတော့ အဖြေတွေရလာပါပြီ။ အဖြေတွေကို ကြည့်လိုက်တော့

FBC - Anemia and thrombocytopenia
ESR-125⬆️⬆️
Creatinine-Normal
LFT-AST 324, ALT 151, ALP 158, bilirubin-5.7 ပါ။( hepatitis pattern ပေါ့။ အရင်က cholestatic pattern ပါ)
Urinalysis မှာ RBC++, protein +( Nephritis pattern)
ANA -1:640( positive)
ENAမှာ
dsDNA +++
Nucleosome++
Histone++
Mi2alpha++
PM-SCL 75(+)
DFS70(+) ပါ။
ANCA profile မှာတော့ lactoferin and myeloperoxidase weak positive ပါ။

ဒါဆို လူနာက SLE ကတော့ သေချာသွားပါပြီ။ Active SLE with vasculitis ပေါ့။ ESR တက်၊ dsDNA strong positive ပြ၊ urinalysis မှာ RBC တွေပါဆိုတော့ disease activity ကတော့ high ဖြစ်နေပါပြီ။ Lupus nephritis တောင် ဝင်နေပြီလား မသိပါဘူး။ Aggressive immunosuppression လိုတဲ့ အနေအထားပါ။ ကျွန်တော်ကုလိူ့ မရပါဘူး။ အဲ့ဒါကြောင့် Rheumatologist ဆီ urgent လွှဲရပါတယ်။

ဒီcase မှာ

၁။ လူနာကို ကျွန်တော်ကိုယ်တိုင်ကြည့်ခွင့်ရလိုက်တာ တော်တော်အဆင်ပြေသွားတယ်လို့ ပြောရပါမယ်။ လူနာရဲ့ လုံခြည်ကို လှန်လိုက်ပြီး Vasculitic rash တွေမြင်တာနဲ့ ရောဂါက ၃ ပုံ ၂ ပုံလောက် အဖြေပေါ်သွားတာပါ။ လူနာကို ကိုယ်တိုင်သွားပြဖို့ လွှဲတဲ့ သူငယ်ချင်းဆရာဝန်လင်မယားကိုလည်း ကျေးဇူးတင်ရပါမယ်။ လူနာကို မလွှတ်ဘဲ ဒီတိုင်း investigation results တွေ ပို့ပြီး ကျွန်တော့်ကို မေးရင် cholestastic jaundice ဘက်က စလိုက်ရမလို ဖြစ်ပြီး diagnosis လမ်းလွဲသွားနိုင်ပါတယ်။ လူနာကို ကြည့်လိုက်ရတာနဲ့ လုပ်ရမယ့် လမ်းကြောင်းလည်း ရှင်းရှင်းလင်းလင်းပေါ်သွားသလို၊ အရေးကြီးတဲ့ ဆုံးဖြတ်ချက်တွေပါ မှန်မှန်ကန်ကန်ချနိုင်သွားတာပါ။ အဲ့ဒါကြောင့် ကျွန်တော်တို့ ဆေးကုသသူတွေအနေနဲ့ လူနာရဲ့ clinical context ကို သေချာကြည့်ဖို့၊ ကိုယ်မြင်နေရတဲ့ Abnormal Investigation results တွေသည် သူဖြစ်နေတဲ့ ဝေဒနာနဲ့ တကယ်ရော ဆိုင်ရဲ့လား မေးခွန်းထုတ်ဖို့ လိုပါတယ်။ ဒီဘက်ခေတ်မှာ အချို့လူနာတွေ လိုင်းပေါ်မှာ ဆေးစစ်ချက်တွေ တင်ပြီး “ ဒီအဖြေလေးဖတ်ပေးကြပါဦး”ဆိုပြီး မေးတာ ၊ အဖြေဖတ်ခိုင်းတာဟာ အများကြီးသတိထားရမယ့်အချက်၊ ပြဿနာဖြစ်နိုင်တဲ့အချက်ပါ။ အဲ့ဒီလိုမေးရင် လူနာရဲ့ပကတိအခြေအနေကို ကိုယ်စားပြုသော၊ အသုံးဝင်သော အဖြေရဖို့ ခဲယဉ်းသလို၊ တစ်ခါတရံမှာ လူနာကို လက်တွေ့ကုနေတဲ့ဆရာဝန်ကိုပါ အနှောင့်အယှက်ဖြစ်စေနိုင်ပါတယ်။ ( ဥပမာ- ဆရာဝန်က လူနာကို Enalapril လို၊ Losartan လို၊ telmisartan လိုဆေးမျိုးပေးတယ်။ ၂ ပတ်နေတော့ သွေးစစ်ခိုင်းတယ်။ creatinine နည်းနည်းတက်တယ်။ ဆေးရပ်စရာလိုတဲ့ ပမာဏတော့ မဟုတ်ဘူး။ ဆက်ပေးလို့ရတယ်။ ဒါပေမယ့် လူနာက လိုင်းပေါ်တက်မေး။ ဖြေတဲ့သူက ကျောက်ကပ်အားနည်းတယ်တို့၊ ကျောက်ကပ်ထိနေပြီတို့ ဖြေလိုက်တော့ လူနာ စိတ္တဇဖြစ်ပြီး ဆေးဆက်မသောက်တာတို့၊ ကုတဲ့ ဆရာဝန်ကို အပြစ်တင်တာတို့ဆို လူနာ အတွက် ပြဿနာရှိသလို၊ ဆရာဝန်လည်း အထင်လွဲခံရတတ်ပါတယ်။) လူနာအကြောင်းကို သူ့ကို ကုနေတဲ့ ဆရာဝန်ထက် လိုင်းပေါ်ကလူက ပိုမသိနိုင်ပါဘူး။လူနာကြီးမြင်နေရရင်တောင် ဆရာဝန်ဆုံးဖြတ်ချက်မှားနိုင်ပါသေးတယ်။လစ်ဟာမှုရှိနိုင်ပါသေးတယ်။သတိပြုစရာပါ။

၂။ANCA weak positive ဖြစ်နေတာကတော့ စဉ်းစားစရာပါ။ True ANCA associated vasculitis နဲ့ SLE overlap ဖြစ်နေတာဖြစ်နိုင်သလို၊ active SLE alone မှာလည်း အဲ့ဒီလို non specific ANCA pattern တွေ့ရတတ်ပါတယ်။ ဒါကတော့ နောက်မှ စာပြန်ဖတ်ကြည့်ရင်း တွေ့တာပါ။ ကျွန်တော်ကတော့ Active SLE with lupus nephritis လို့ပိုထင်ပါတယ်။ ဒါက ကျွန်တော့်အထင်ပါ။ ဟုတ်မဟုတ်ကတော့ ကျွန်တော် ဉာဏ်မီတဲ့ အတိုင်းအတာကို ကျော်သွားပါပြီ။ Rheumatologist တွေက ပိုနားလည်ပါလိမ့်မယ်။ နားလည်တဲ့ ဆရာဆရာမတို့ ဝင်ရောက်ဆွေးနွေးပေးဖို့ ဖိတ်ခေါ်ပါတယ်။ ကျွန်တော်လည်း ပညာယူချင်လို့ပါခင်ဗျား။

၃။ SLE သည် အသက်ငယ်ငယ် မိန်းကလေးတွေသာမက အဘိုးအဘွားအရွယ်တွေမှာပါ ဖြစ်နိုင်ပါတယ်။ ကျားမ မရွေးလည်း ဖြစ်နိုင်ပါတယ်။ အဆစ်တွေနာပြီး လာတာရှိသလို၊ ရောဂါလုံးလုံးပေါ်တဲ့အထိ အဆစ်နာကြောင်း တစ်ခွန်းမှ မဟတဲ့ SLE လူနာတွေလည်းရှိပါတယ်။ အဖျားကြာပြီးလာတဲ့ SLE၊ သွေးစစ်တာ blood cell count တွေကျလို့ မသင်္ကာလို့ စစ်မှ ပေါ်လာတဲ့ SLE ၊ ငယ်ငယ်ရွယ်ရွယ်နဲ့ သွေးတိုးလို့ မသင်္ကာလို့ စစ်မှ ပေါ်တဲ့ SLE ( Lupus nephritis)၊ ကယောင်ချောက်ခြားတွေ ပြောနေလို့ စိတ်ရောဂါထင်နေတာ မသင်္ကာလို့ စစ်မှ ပေါ်တဲ့ SLE( Lupus cerebritis) စသဖြင့် လက္ခဏာပေါင်းစုံလာနိုင်ကြောင်း ၊ awareness ရှိဖို့ အထူးလိုအပ်ကြောင်း တင်ပြလိုက်ရပါတယ်။

အားလုံးအဆင်ပြေကြပါစေဗျာ။

သင်ဆရာ၊ မြင်ဆရာ၊ ကြားဆရာများအား ဂါရဝပြုလျက်ပါ။

ဒေါက်တာစိုးထက်အောင်
M.B.,B.S( Ygn)
MRCP ( UK)

ဆုလာဘ်ဆေးခန်း အမှတ်(၁)
အမှတ် ၁၀၅၊ မြိတ်လမ်း၊၁၉ ရပ်ကွက်၊ တောင်ဒဂုံ

ဆုလာဘ်ဆေးခန်း အမှတ်(၂)
အမှတ် ၇၉၊ မယ်ဇီကုန်းလမ်း၊ (၈) ရပ်ကွက်၊ လှိုင်မြို့နယ်

ဆုလာဘ်-၂အထွေထွေရောဂါကုဆေးခန်းနှင့် ရောဂါရှာဖွေရေး

31/08/2026

29/07/2026

06/07/2026

03/07/2026

08/06/2026

26/05/2026

13/05/2026

05/05/2026

23/03/2026

22/03/2026

Address

Telephone

Website

Alerts

Shortcuts

Share

Category

Listing takedown request