15/08/2026
အခုလိုမိုးရာသီကာလမှာ ရာသီဥတုအကူးအပြောင်းနှင့်အတူ ပြင်းထန်းဝမ်းပျက်ဝမ်းလျှောရောဂါတွေ ဖြစ်ပွားလျှက် ရှိနေပါတယ်။ ဒါကြောင့် မိသားစုတိုင်း အထူးသတိပြုရန် လိုအပ်လှပါတယ်။
ရောဂါပိုးက မသန့်ရှင်းတဲ့ သောက်သုံးရေ၊ ယင်ကောင်နားထားတဲ့ အစားအစာများနှင့် မသန့်ရှင်းသော လက်တို့မှတစ်ဆင့် ခန္ဓာကိုယ်အတွင်းသို့ လွယ်ကူစွာ ကူးစက်နိုင်ပါတယ်။
⚠️ သတိပြုရန် ရောဂါလက္ခဏာများကတော့
ဝမ်းသွားခြင်း: ငါးညှီနံ့ရှိသော ဆန်ဆေးရည်ကဲ့သို့ အရည်ဝမ်းများ ဆက်တိုက်သွားခြင်း
အန်ခြင်းနှင့် နှလုံးခုန်နှုန်းမြန်ခြင်း: ဆက်တိုက် အော့အန်ခြင်း၊ ရေဓာတ်ခန်းခြောက်မှုကြောင့် နှလုံးခုန်နှုန်း မြန်လာခြင်း၊ နုံးခြင်း
ရေဓာတ်ခန်းခြောက်သည့် လက္ခဏာများ: မျက်တွင်းချိုင့်ဝင်ခြင်း၊ ခံတွင်းနှင့် နှုတ်ခမ်းများ ခြောက်သွေ့ခြင်း၊ အရေပြား ကျုံ့ဆန့်နိုင်အား လျော့နည်းသွားခြင်း
ပြင်းထန်းသည့် လက္ခဏာများ: ခြေလက် ကြွက်တက်ခြင်းနှင့် သတိလစ်မေ့မြောခြင်း
🛡️ ကာကွယ်ရန် လိုက်နာရမည့် အချက်များ
၁။ သောက်သုံးရေ သန့်ရှင်းရေး: သောက်သုံးရေကို ဆူပွက်အောင် သေချာကျိုချက်ပြီးမှ သောက်သုံးပါ။
၂။ လက်သန့်ရှင်းရေး: အစားမစားမီ၊ အစားအစာ မပြင်ဆင်မီ၊ အိမ်သာမှဆင်းချိန်နှင့် အမှိုက်များ ကိုင်တွယ်ပြီးတိုင်း လက်ကို ဆပ်ပြာဖြင့် စနစ်တကျ ဆေးကြောပါ။
၃။ အစားအသောက် ဂရုပြုရေး: အစားအစာများကို ပူပူနွေးနွေး ကျက်အောင် ချက်ပြုတ်စားသုံးပြီး ယင်မနားစေရန် လုံခြုံစွာ ဖုံးအုပ်ထားပါ။
၄။ ပတ်ဝန်းကျင် သန့်ရှင်းရေး: ယင်လုံအိမ်သာကို စနစ်တကျ သုံးစွဲပြီး ယင်ကောင်နှင့် ခြင် ပေါက်ဖွားနိုင်သည့် ပတ်ဝန်းကျင် အညစ်အကြေးများကို ရှင်းလင်းပါ။
🚨 အရေးကြီး အသိပေးချက်
မိမိ သို့မဟုတ် မိသားစုဝင်များတွင် အထက်ပါ လက္ခဏာများ တွေ့ရှိရပါက ဓာတ်ဆားရေ အမြန်သောက်သုံးပြီး နီးစပ်ရာ ကျန်းမာရေးဌာန သို့မဟုတ် ပြည်သူ့ဆေးရုံများသို့ အချိန်မဆိုင်းဘဲ ချက်ချင်းသွားရောက် ပြသပို့ တိုက်တွန်းလိုက်ရပါတယ်ရှင်။
Stay safe
Marlar Myaing, always by your side.
