Happy & Healthy

Directions Website Contact the business

Happy & Healthy မှန်ကန်တဲ့ ကျန်းမာရေးဗဟုသုတတွေ မျှဝေပေးနေပါတယ်

ကျန်းမာရေးအသိပညာနဲ့ သတင်းတွေ မျှဝေပေးမယ်။ စနစ်တကျ ကုသပေးမယ်။ တရားဝင်ဆေးဝါးတွေ အလွယ်တကူ ဝယ်နိုင်အောင် စီစဉ်ပေးမယ်။ Set See First/Get Noti Please

20/09/2026

အစာအိမ်ပိုးကုရာတွင် အကျိုးပြုပိုးမွှား (Probiotics)‌ လိုလား

လိပ်ခေါင်း (Hemorrhoids)- - - - - - - - - - - - - - - - - - - - - - -ဝမ်းသွားရင် သွေးပါတာ၊ စအိုနားမှာ ဖောင်းလာတာ၊ ယားယံ/...
19/08/2026

လိပ်ခေါင်း (Hemorrhoids)
- - - - - - - - - - - - - - - - - - - - - - -

ဝမ်းသွားရင် သွေးပါတာ၊ စအိုနားမှာ ဖောင်းလာတာ၊ ယားယံ/နာကျင်တာတွေဟာ လိပ်ခေါင်း (Hemorrhoids) ရဲ့ လက္ခဏာတွေ ဖြစ်နိုင်ပါတယ်။ လိပ်ခေါင်းဆိုတာ စအိုနားက သွေးကြောလေးတွေ ဖောင်းကားလာခြင်း ဖြစ်ပြီး — အလွန်အဖြစ်များတဲ့ ပြဿနာ ဖြစ်ပါတယ်။

➡️ ဘာကြောင့် ဖြစ်တာလဲ
- - - - - - - - - -
👉 ဝမ်းချုပ်ပြီး အားစိုက်ညှစ်ခြင်း (အဓိကအကြောင်း)
👉 အိမ်သာမှာ ကြာကြာ ထိုင်ခြင်း
👉 ကိုယ်ဝန်ဆောင်ခြင်း
👉 အမျှင်ဓာတ် အစားနည်းခြင်း၊ ရေသောက်နည်းခြင်း

➡️ ဘယ်လို ကုသရသလဲ
- - - - - - - - - -
👉 ASCRS Guideline (2024) အရ — ပထမဆုံး ကုသနည်းက အစားအသောက်ပုံစံ ပြင်ဆင်ခြင်းပါ — အမျှင်ဓာတ်များများစား တစ်နေ့ ၂၅–၃၀ ဂရမ်ခန့် (အသီးအရွက် လက် ၅ ဆုပ်ခန့် + အစေ့အဆန်/ပဲ ပေါင်း၍) ၊ ရေများများသောက်၊ ဝမ်းမချုပ်အောင် ဂရုစိုက်ပါ
👉 အိမ်သာမှာ ကြာကြာ မထိုင်ပါနဲ့၊ အားစိုက် မညှစ်ပါနဲ့
👉 နွေးထွေးတဲ့ ရေမှာ (မိနစ် ၁၀-၁၅) ထိုင်ပေးတာ (Sitz Bath) က သက်သာစေပါတယ်
👉 ဆေးနဲ့ မသက်သာတဲ့ အဆင့် (Grade I–II) နဲ့ တချို့ Grade III မှာ — ခွဲစိတ်စရာမလိုတဲ့ လက်ကိုင်ပြွန်နဲ့ဖြစ်စေ၊ မှန်ပြောင်းနဲ့ဖြစ်စေ သား‌ရေကွင်းချည်ခြင်း Band Ligation၊ ဆေးထိုးကျုံ့စေခြင်း Sclerotherapy၊ အနီအောက်ရောင်ခြည် Infrared Coagulation) တွေ လုပ်နိုင်ပါတယ် — ဒီထဲမှာ သား‌ရေကွင်းချည်ခြင်းက အထိရောက်ဆုံးပါ
👉 (Grade III–IV) အဆင့်မျိုး (သို့) အထက်ပါနည်းတွေနဲ့ မသက်သာမှသာ ခွဲစိတ်ကုသ (Hemorrhoidectomy) လုပ်ကြပါတယ်

⚠️ သတိထားစရာ
- - - - - - - - - -
ဝမ်းသွားရင် သွေးပါတာကို "လိပ်ခေါင်းပဲ" လို့ အလွယ်တကူ မမှတ်ယူသင့်ပါ — အထူးသဖြင့် အသက် (၄၅) ကျော်၊ ကိုယ်အလေးချိန်ကျ၊ ဝမ်းသွားပုံ ပြောင်းလဲ၊ သွေးအားနည်းရင် — အူမကြီးကင်ဆာ မဟုတ်ဘူးလားဆိုတာ အူမကြီးမှန်ပြောင်း (Colonoscopy) နဲ့ စစ်ဆေးဖို့ လိုပါတယ်။

သိချင်တာရှိရင် ကွန်မန့်မှာ မေးသွားနိုင်ပါတယ်။
မသိသေးသူ မိတ်ဆွေတွေသိအောင်လည်း မျှဝေပေးနိုင်ပါတယ်။

***

References
1. Hawkins AT et al. Dis Colon Re**um. 2024 (ASCRS Clinical Practice Guidelines: Management of Hemorrhoids)
2. Wald A et al. Am J Gastroenterol. 2021 (ACG Clinical Guidelines: Management of Benign Anorectal Disorders)

ဒေါက်တာငြိမ်းကိုဟိန်း
အစာအိမ်အူလမ်းကြောင်း၊ သည်းခြေလမ်းကြောင်းနှင့် မုန့်ချိုအိတ်ရောဂါ အထူးကုသမားတော်

ကျန်းမာပျော်ရွင်ကြပါစေ

#လိပ်ခေါင်း

အူလှုပ်ရှားမှုမမှန်ရောဂါ (IBS)- - - - - - - - - - - - - - - - - - - - - - -ဗိုက်အောင့်တယ်၊ ဝမ်းပြောင်းလဲမှုတွေ ရှိတယ်၊ ဒ...
18/08/2026

အူလှုပ်ရှားမှုမမှန်ရောဂါ (IBS)
- - - - - - - - - - - - - - - - - - - - - - -

ဗိုက်အောင့်တယ်၊ ဝမ်းပြောင်းလဲမှုတွေ ရှိတယ်၊ ဒါပေမဲ့ အူမကြီးမှန်ပြောင်းစစ်ဆေးကြည့်တော့ ဘာအနာ/ကင်ဆာမှ မတွေ့ဘူးဆိုရင် — အူလှုပ်ရှားမှုမမှန်ရောဂါ (Irritable Bowel Syndrome / IBS) ဖြစ်နိုင်ပါတယ်။ တော်တော်အဖြစ်များတဲ့ ရောဂါဖြစ်ပြီး၊ အူလမ်းကြောင်းစနစ်နဲ့ ဦးနှောက်အာရုံကြောစနစ်ကြား ချိတ်ဆက်တုံ့ပြန်မှု မမှန်လို့ ဖြစ်တာပါ (Disorder of Gut Brain Interaction / DGBI) လို့ခေါ်ပါတယ်။

➡️ ဘယ်လို ခံစားရသလဲ
- - - - - - - - - -
👉 ဗိုက်အောင့်/ဗိုက်နာ — ဝမ်းသွားပြီးရင် သက်သာတတ်
👉 ဝမ်းသွားပုံ ပြောင်းလဲ (ဝမ်းချုပ်လိုက် / ဝမ်းလျှောလိုက်)
👉 ဗိုက်ဖောင်း၊ လေပွခြင်း
စိတ်ဖိစီး/စိတ်ပူပန်မှုတွေက လက္ခဏာကို ပိုဆိုးစေတတ်ပါတယ်။

➡️ ဘယ်လို စစ်ဆေးရသလဲ
- - - - - - - - - -
👉 IBS ကို လက္ခဏာအပေါ်မူတည်ပြီး ရောဂါရှာပါတယ် (Rome IV) — အန္တရာယ်လက္ခဏာ မရှိရင် စစ်ဆေးမှု အများကြီး မလိုပါ
👉 လိုအပ်ရင် အခြားရောဂါ ဖယ်ထုတ်ဖို့ — သွေး (CBC/CRP)၊ ဂျုံဓာတ်မတည့် (Celiac serology)၊ အူမကြီးရောင်ရမ်းမှုအမှတ်အသား (F***l Calprotectin) စစ်ပါတယ်
👉 အန္တရာယ်လက္ခဏာ ရှိမှသာ အူမကြီးမှန်ပြောင်း (Colonoscopy) ကြည့်ဖို့ လိုပါတယ်

➡️ ဘယ်လို ကုသရသလဲ
- - - - - - - - - -
👉 ACG (2021)/AGA (2022) Guideline အရ — အစားအသောက်ကနေ တဖြည်းဖြည်း အလေ့အထ ပြင်ဆင်ခြင်းက အခြေခံပါ
👉 Low FODMAP ကို အဆင့် (၃) ဆင့်နဲ့ လုပ်ပါ — (၁) လျှော့စား (၄-၆ ပတ်)၊ (၂) တစ်မျိုးချင်း ပြန်ထည့်စမ်း၊ (၃) ကိုယ်နဲ့တည့်တာ ရွေးထား — အမြဲ အကုန်ဖြတ်ထားတာ မဟုတ်ပါ (ပုံနဲ့တင်ပေး ထားတာရှိပါတယ်)
👉 ရေမှာပျော်ဝင်တဲ့ အမျှင်ဓာတ် (Soluble fiber — Psyllium/Ispaghula) က အထောက်အကူ ဖြစ်ပြီး — အထူးသဖြင့် ဝမ်းချုပ်အမျိုးအစား (IBS-C) မှာ သင့်တော်ပါတယ်
👉 ဝမ်းလျှောတဲ့အမျိုးအစား (IBS-D) မှာ Rifaximin၊ ဝမ်းချုပ်တဲ့အမျိုးအစား (IBS-C) မှာ အူတွင်းရေဓာတ်ထွက်စေသောဆေး (Linaclotide စသည်) တွေ အကျိုးရှိပါတယ်
👉 လိုအပ်ရင် အူ-ဦးနှောက် ဆက်သွယ်မှုကို ထိန်းတဲ့ဆေး (Amitriptyline) နဲ့ စိတ်ကုထုံး (Gut-directed psychotherapy/CBT) တွေ ကူညီပါတယ်

➡️ ကိုယ်တိုင် လုပ်နိုင်တာ
- - - - - - - - - -
👉 ဗိုက်အောင့်/ဝမ်းလျှော/ချုပ်ခြင်း ကို ပိုဆိုးစေတဲ့ အစားအသောက်ကို မှတ်သားပြီး ရှောင်ပါ
👉 ပုံမှန် လေ့ကျင့်ခန်း၊ အိပ်ရေးဝဝ၊ စိတ်ဖိစီးမှု လျှော့ချပါ

⚠️ ဝမ်းသွားရင် သွေးပါ၊ ကိုယ်အလေးချိန်ကျ၊ ညပိုင်း ဝမ်းသွားရ၊ သွေးအားနည်း၊ အသက် (၅၀) ကျော် စတဲ့ အန္တရာယ်လက္ခဏာ ရှိရင်တော့ IBS လို့ မမှတ်ယူဘဲ ဦးစွာ စစ်ဆေးဖို့ လိုပါတယ်။

သိချင်တာရှိရင် ကွန်မန့်မှာ မေးသွားနိုင်ပါတယ်။
မသိသေးသူ မိတ်ဆွေတွေသိအောင်လည်း မျှဝေပေးနိုင်ပါတယ်။

***

References
1. Lacy BE et al. Am J Gastroenterol. 2021 (ACG Clinical Guideline: Management of IBS)
2. Chang L et al. Gastroenterology. 2022 (AGA Guideline: Pharmacological Management of IBS)
3. Chey WD et al. Gastroenterology. 2022 (AGA Clinical Practice Update: Role of Diet in IBS)

ဒေါက်တာငြိမ်းကိုဟိန်း
အစာအိမ်အူလမ်းကြောင်း၊ သည်းခြေလမ်းကြောင်းနှင့် မုန့်ချိုအိတ်ရောဂါ အထူးကုသမားတော်

ကျန်းမာပျော်ရွင်ကြပါစေ

#အူလှုပ်ရှားမှုမမှန်

နာတာရှည် ဝမ်းလျှောခြင်း (Chronic Diarrhea)- - - - - - - - - - - - - - - - - - - - - - -ဝမ်းပျော့ပျော့ (တစ်ရက် (၃) ကြိမ်န...
14/08/2026

နာတာရှည် ဝမ်းလျှောခြင်း (Chronic Diarrhea)
- - - - - - - - - - - - - - - - - - - - - - -

ဝမ်းပျော့ပျော့ (တစ်ရက် (၃) ကြိမ်နဲ့အထက်) သွားနေတာ (၄) ပတ်ကျော်လာရင် နာတာရှည် ဝမ်းလျှောခြင်း (Chronic Diarrhea) လို့ သတ်မှတ်ပါတယ်။ လူ (၁၀) ယောက်မှာ (၁-၂) ယောက်လောက် ခံစားနေရတဲ့ ပြဿနာဖြစ်ပြီး — အဖြစ်များတာမို့ သာမန်ထင်ကာ ဆေးပြောင်းဆေးလဲ သောက်နေရင်း နှစ်ပေါင်းများစွာ ကြာသွားတတ်ပါတယ်။

➡️ ဘာကြောင့် ဖြစ်နိုင်သလဲ
- - - - - - - - - -
👉 IBS — အူလှုပ်ရှားမှုမမှန်ခြင်း (အဖြစ်အများဆုံး)
👉 IBD — နာတာရှည် အူရောင်ရောဂါ (Crohn's, Ulcerative Colitis)
👉 Microscopic Colitis — မှန်ပြောင်းနဲ့ မမြင်ရ၊ အသားစစစ်မှ တွေ့ရတဲ့ အူရောင်ရောဂါ
👉 အစာမစုပ်ယူနိုင်ခြင်း (Malabsorption)၊ ဂျုံဓာတ်မတည့်ခြင်း (Celiac)
👉 သည်းခြေအက်ဆစ် အူထဲ ပိုဆင်းခြင်း (Bile acid diarrhoea)၊ သိုင်းရွိုက်ဟော်မုန်းများခြင်း
👉 ဆေးဝါးအချို့ကြောင့်

⚠️ ဒီအချက်တစ်ခုခုရှိရင် အထူးသတိထားပါ
- - - - - - - - - -
👉 ဝမ်းသွားရင် သွေးပါခြင်း
👉 ကိုယ်အလေးချိန် ကျခြင်း
👉 မကြာခဏ ညအိပ်ရင်း ဝမ်းသွားရအောင် နိုးလာခြင်း
👉 သွေးအားနည်းခြင်း၊ အသက် (၅၀) ကျော်ခြင်း
👉 မိသားစုထဲ အူမကြီးကင်ဆာ/IBD ရှိသူ

➡️ ဘာလုပ်သင့်သလဲ
- - - - - - - - - -
👉 AGA Guideline (2019) အရ — အကြောင်းရင်း သိရအောင် ဝမ်း/သွေး စစ်ဆေးမှုတွေ (ရောင်ရမ်းမှုအမှတ်အသား၊ Celiac စစ်ခြင်း စသည်) လုပ်ပြီး လိုအပ်ရင် အူမကြီးမှန်ပြောင်း (Colonoscopy) ကြည့်သင့်ပါတယ်
👉 ဘာကြောင့်ပဲ ဝမ်းလျှောလျှော — ဆုံးရှုံးတဲ့ ရေဓာတ်နဲ့ ဓာတ်ဆား (ORS) ပြန်ဖြည့်ပေးဖို့ အရေးကြီးဆုံးပါ

နာတာရှည် ဝမ်းလျှောနေတဲ့ လက္ခဏာတွေကို လျစ်လျူမရှုပါနဲ့။
မသိသေးသူ မိတ်ဆွေတွေသိအောင် မျှဝေပေးနိုင်ပါတယ်။

***

References
1. Smalley W et al. Gastroenterology. 2019 (AGA Guideline: Evaluation of Chronic Diarrhea)
2. Schiller LR et al. Am J Gastroenterol. 2017 (Chronic Diarrhea Diagnosis & Management)

ဒေါက်တာငြိမ်းကိုဟိန်း
အစာအိမ်အူလမ်းကြောင်း၊ သည်းခြေလမ်းကြောင်းနှင့် မုန့်ချိုအိတ်ရောဂါ အထူးကုသမားတော်

ကျန်းမာပျော်ရွင်ကြပါစေ

#နာတာရှည်ဝမ်းလျှော

❓ အက်ဆစ်လျှော့ဆေး (PPI) ဘယ်လောက်ကြာကြာ သောက်သင့်သလဲ- - - - - - - - - - - - - - - - - - - - - - -Omeprazole, Esomeprazole...
11/08/2026

❓ အက်ဆစ်လျှော့ဆေး (PPI) ဘယ်လောက်ကြာကြာ သောက်သင့်သလဲ
- - - - - - - - - - - - - - - - - - - - - - -

Omeprazole, Esomeprazole, Pantoprazole, Rabeprazole စတဲ့ အက်ဆစ်လျှော့ဆေး (PPI) တွေဟာ ရင်ပူ၊ အစာအိမ်အနာ၊ စားချဉ့်ပြန်ရောဂါတွေအတွက် အလွန်ကောင်းတဲ့ ဆေးတွေဖြစ်ပါတယ်။ ဒါပေမဲ့ လူတော်တော်များများက အကြောင်းရင်း သေချာ မသိဘဲ နှစ်ချီ ကြာရှည်စွဲသောက်နေတတ်တာ တွေ့ရပါတယ်။

➡️ ဘယ်လောက်ကြာ သောက်သင့်သလဲ
- - - - - - - - - -
👉 ရင်ပူ/စားချဉ့်ပြန် ရိုးရိုးဆိုရင် — များသောအားဖြင့် (၄-၈) ပတ်
👉 အစာအိမ်/အူသိမ်အနာဆိုရင် — (၄-၈) ပတ်
👉 အစာအိမ်ပိုး ကုသချိန်မှာ ပိုးရှင်းဆေးနဲ့အတူ (၂) ပတ်
👉 တချို့ အခြေအနေ (ဥပမာ — ပြင်းထန်တဲ့ အစာမျိုပြွန်ရောင်၊ ကြာရှည် NSAIDs သောက်ရသူ) မှာတော့ ရေရှည် ဆက်သောက်ဖို့ လိုနိုင်ပါတယ်

➡️ ကြာရှည်စွဲသောက်ရင် ဂရုစိုက်စရာ
- - - - - - - - - -
👉 AGA Guideline (2022) အရ — PPI သောက်နေသူတိုင်း "ဘာအတွက် သောက်နေတာလဲ" ဆိုတဲ့ အကြောင်းရင်းကို အခါအားလျော်စွာ ဆရာဝန်နဲ့ ပြန်သုံးသပ်သင့်ပါတယ်
👉 တိကျတဲ့ အကြောင်းရင်း မရှိတော့ရင် — ဆေးကို လျှော့ (သို့) ဖြတ်ဖို့ စဉ်းစားသင့်ပါတယ်
👉 နှစ်ကြိမ်သောက်နေသူများ — တစ်ကြိမ်ထိ လျှော့ပေးနိုင်တာများပါတယ်

⚠️ ကိုယ်တိုင် ရုတ်တရက် ဖြတ်လိုက်ရင် — ခဏတာ ရင်ပြန်ပူတတ်ပါတယ် (Rebound Acid)။ ဒါကြောင့် ဆရာဝန်နဲ့ တိုင်ပင်ပြီးမှ လျှော့/ဖြတ်သင့်ပါတယ်။ သွေးယိုဖွယ် အန္တရာယ်များသူများကတော့ ကိုယ့်ဘာသာ မဖြတ်သင့်ပါ။

➡️ မှတ်သားစရာ
- - - - - - - - - -
PPI ကို လိုအပ်သလို မှန်ကန်စွာ သောက်ရင် အလွန်လုံခြုံပါတယ်။ "ဆေးဆိုးကျိုးကြောက်လို့" ချက်ချင်း ဖြတ်ဖို့ မဟုတ်ပဲ — "လိုအပ်မှုရှိ/မရှိ" အပေါ်မူတည်ပြီး ဆရာဝန်နဲ့ ဆုံးဖြတ်တာ အကောင်းဆုံးပါ။

သိချင်တာရှိရင် ကွန်မန့်မှာ မေးသွားနိုင်ပါတယ်။
မသိသေးသူ မိတ်ဆွေတွေသိအောင်လည်း မျှဝေပေးနိုင်ပါတယ်။

***

References
1. Targownik LE et al. Gastroenterology. 2022 (AGA Clinical Practice Update: De-Prescribing of PPIs)
2. Katz PO et al. Am J Gastroenterol. 2022 (ACG Clinical Guideline: GERD)

ဒေါက်တာငြိမ်းကိုဟိန်း
အစာအိမ်အူလမ်းကြောင်း၊ သည်းခြေလမ်းကြောင်းနှင့် မုန့်ချိုအိတ်ရောဂါ အထူးကုသမားတော်

ကျန်းမာပျော်ရွင်ကြပါစေ

#အက်ဆစ်လျှော့ဆေး

🦠 အစာအိမ်ပိုး (Helicobacter pylori)- - - - - - - - - - - - - - - - - - - - - - -ကမ္ဘာ့လူဦးရေရဲ့ တစ်ဝက်လောက်မှာ အစာအိမ်ပိ...
10/08/2026

🦠 အစာအိမ်ပိုး (Helicobacter pylori)
- - - - - - - - - - - - - - - - - - - - - - -

ကမ္ဘာ့လူဦးရေရဲ့ တစ်ဝက်လောက်မှာ အစာအိမ်ပိုး (Helicobacter pylori) ရှိနေတယ်လို့ တွေ့ရပါတယ်။ မြန်မာနိုင်ငံမှာလည်း အဖြစ်များပြီး မကြာခဏ ဗိုက်အောင့်တဲ့ ပြဿနာရဲ့ တရားခံလည်း ဖြစ်နေတတ်ပါတယ်။ ဒီပိုးက အစာအိမ်ရောင်၊ အစာအိမ်/အူသိမ်အနာ ဖြစ်စေတာတင်မကပဲ အစာအိမ်ကင်ဆာလည်း ဖြစ်စေနိုင်ပါတယ်။

➡️ ဒီလိုသူတွေမှာ ပိုးရှိမရှိ စစ်သင့်ပါတယ်
- - - - - - - - - -
👉 အစာအိမ်/အူသိမ်မှာ အနာ ရှိနေသူ (သို့) အနာဖြစ်ဖူးသူ
👉 မကြာခဏ ဗိုက်အောင့်ပြီး အသက် (၆၀) အောက် (Functional Dyspepsia)
👉 အကိုက်အခဲပျောက်ဆေး/သွေးကျဲဆေး Aspirin ကို ကြာရှည်သောက်မယ့်သူ
👉 မိသားစုထဲ အစာအိမ်ကင်ဆာ ဖြစ်ဖူးသူ ရှိသူ

➡️ ဘယ်လို စစ်ရသလဲ
- - - - - - - - - -
👉 လေမှုတ်စစ်ဆေးခြင်း Urea Breath Test (UBT) နဲ့ ဝမ်းစစ်ဆေးခြင်း H. pylori Stool Antigen Test တွေက အတိကျဆုံးပါ
👉 သွေးစစ်တာ (Antibody) ကတော့ အရင်ဖြစ်ဖူးတာလား၊ ခုဖြစ်နေတာလား မခွဲနိုင်လို့ ကုသမှုအောင်မြင်သလား သိဖို့ စစ်ဖို့ မသင့်ပါ။ သွေးစစ်တာ Positive ဖြစ်နေတယ် မကုဖူးသေးဘူးဆိုရင်တောင် တန်းမကုပဲ အဖြေမှားစေနိုင်တဲ့ ပိုးသတ်ဆေးတွေ၊ အစာအိမ်ဆေးတွေ သေချာရပ်ထားပြီး လေမှုတ်စစ်ဆေးခြင်း/ဝမ်းစစ်‌ဆေးခြင်း ပြုလုပ်သင့်ပါတယ်။ အဲ့တာတွေ မတွေ့ရင် မသက်သာရင်တော့ နာတာရှည်အစာအိမ်ရောင်ပြီး အစာအိမ်နံရံပါးခြင်းကြောင့် ဖြစ်နိုင်ပါတယ်။ အစာအိမ်မှန်ပြောင်းကြည့် အသားစယူပြီး သေချာစစ်ဆေးသင့်ပါတယ်။
⚠️ အက်ဆစ်လျှော့ဆေး (PPI) ကို စစ်ဆေးမှုမတိုင်ခင် (၂) ပတ် ရပ်ထားမှ ရလဒ်မှန်ပါတယ်
⚠️ ပိုးသတ်ဆေး (Antibiotics) ကို စစ်ဆေးမှုမတိုင်ခင် (၄) ပတ် ရပ်ထားမှ ရလဒ်မှန်ပါတယ်
အကြောင်းအမျိုးမျိုးကြောင့် ဆေးမရပ်နိုင်ပဲ စစ်မိရင် တွေ့တာရှိသလို၊ ပိုးရှိပေမဲ့မတွေ့တာလည်း ရှိပါတယ်။ သေချာ ရပ်ပြီး ထပ်စစ်ပေးဖို့ လိုပါတယ်။
⚠️ တစ်ခါနဲ့မတွေ့ရင် နောက်တစ်ခါ နောက်နည်းလမ်းတစ်မျိုးနဲ့ ထပ်စစ်ပေးသင့်ပါတယ်။

➡️ ဘယ်လို ကုသရသလဲ
- - - - - - - - - -
👉 ACG Guideline (2024) အရ — ပိုးရှင်းဆေးအဖြစ် Bismuth Quadruple Therapy (PPI + Bismuth + Tetracycline + Metronidazole/Tinidazole) ကို (၁၄) ရက် သောက်တာ ပထမဦးစားပေး ဖြစ်ပါတယ်
👉 ယခင် အသုံးများခဲ့တဲ့ Clarithromycin သုံးမျိုးတွဲ ဆေးက ပိုးယဉ်ပါးမှု များလာလို့ ပထမရွေးချယ်စရာ မဟုတ်တော့ပါ။ ဆေး (၄) မျိုးတွဲထားတဲ့ Non Bismuth Quadruple Therapy (PPI + Clarithromycin + Amoxicillin + Metronidazole/Tinidazole) ကိုသုံးနိုင်ပါတယ်။
👉 ဆေးကို ညွှန်ကြားထားသလို ရက်ပြည့်အောင် မှန်မှန်သောက်မှ ပိုးပျောက်ပါတယ်။

➡️ အရေးအကြီးဆုံး အချက်
- - - - - - - - - -
ဆေးကုန်ပြီး (၄) ပတ်ကျော်မှ UBT (သို့) Stool Antigen Test နဲ့ ပိုးပျောက်မပျောက် ပြန်စစ်ဖို့ လိုပါတယ်။ မပျောက်သူ (၅) ရာခိုင်နှုန်းလောက်ရှိပါတယ်။ နောက်ဆေးအတွဲတစ်မျိုးနဲ့ ကုပေးရပါတယ်။
👉 ပိုးကို စနစ်တကျ ရှင်းလင်းကုသခြင်းက အစာအိမ်ကင်ဆာ ဖြစ်ပွားနှုန်းကို သိသိသာသာ လျှော့ချပေးနိုင်ပါတယ်။

သိချင်တာရှိရင် ကွန်မန့်မှာ မေးသွားနိုင်ပါတယ်။
မသိသေးသူ မိတ်ဆွေတွေသိအောင်လည်း မျှဝေပေးနိုင်ပါတယ်။

***

References
1. Chey WD et al. Am J Gastroenterol. 2024 (ACG Clinical Guideline: Treatment of H. pylori)
2. Malfertheiner P et al. Gut. 2022 (Maastricht VI/Florence Consensus)
3. Myanmar GI & Liver Society Consensus. 2024

ဒေါက်တာငြိမ်းကိုဟိန်း
အစာအိမ်အူလမ်းကြောင်း၊ သည်းခြေလမ်းကြောင်းနှင့် မုန့်ချိုအိတ်ရောဂါ အထူးကုသမားတော်

ကျန်းမာပျော်ရွင်ကြပါစေ

#အစာအိမ်ပိုး

⚠️ အစာအိမ်ကင်ဆာ — သတိပြုရမည့် လက္ခဏာများ (Gastric Cancer Warning Signs)- - - - - - - - - - - - - - - - - - - - - - -အစာအ...
06/08/2026

⚠️ အစာအိမ်ကင်ဆာ — သတိပြုရမည့် လက္ခဏာများ (Gastric Cancer Warning Signs)
- - - - - - - - - - - - - - - - - - - - - - -

အစာအိမ်ကင်ဆာဟာ အာရှတိုက်မှာ အဖြစ်များတဲ့ ကင်ဆာတစ်မျိုးဖြစ်ပြီး၊ ကနဦးအဆင့်မှာ ဘာလက္ခဏာမှ မပြတတ်တာကြောင့် နောက်ကျမှ တွေ့ရတတ်ပါတယ်။ ဒါကြောင့် အန္တရာယ်ရှိနိုင်တဲ့ လက္ခဏာတွေကို ကြိုသိထားဖို့ အရေးကြီးပါတယ်။

⚠️ ဒီလက္ခဏာတွေ သတိထားပါ (Alarm Symptoms)
- - - - - - - - - -
👉 ကိုယ်အလေးချိန် အလိုလို ကျဆင်းလာခြင်း
👉 သွေးအန်ခြင်း၊ ဝမ်းမည်း/ဝမ်းနက်သွားခြင်း
👉 စစ်ဆေးရာမှာ သွေးအားနည်းနေခြင်း (Iron Deficiency Anemia)
👉 အန်တာ မရပ်ဘဲ ဆက်ဖြစ်နေခြင်း
👉 ဗိုက်အပေါ်ပိုင်း အလုံးအကျိတ် စမ်းမိခြင်း

➡️ ဘယ်သူတွေ အန္တရာယ်ပိုများသလဲ
- - - - - - - - - -
👉 အစာအိမ်ပိုး (Helicobacter pylori) ရှိသူ — အဓိကအကြောင်းရင်း
👉 နာတာရှည် အစာအိမ်ရောင်/နံရံပါးခြင်း (Atrophic Gastritis)၊ ကင်ဆာပြောင်းနိုင်ခြေ အစပြုပြောင်းလဲခြင်း (Intestinal Metaplasia) ရှိသူ
👉 မိသားစုထဲတွင် အစာအိမ်ကင်ဆာ ဖြစ်ဖူးသူ ရှိသူ
👉 ဆေးလိပ်သောက်၊ အငန်/မီးဖုတ်/အချဉ်ဖောက်ထားသောအစားအသောက် အစားများသူ

➡️ ဘာလုပ်သင့်သလဲ
- - - - - - - - - -
👉 အသက် (၄၅-၅၀) ကျော်ပြီး အထက်ပါ လက္ခဏာတစ်ခုခုရှိရင် — အစာအိမ်မှန်ပြောင်း (OGD) နဲ့ ချက်ချင်း စစ်ဆေးသင့်ပါတယ်
👉 AGA Guideline (2025) အရ — အာရှ/အစာအိမ်ကင်ဆာ အန္တရာယ်များတဲ့ လူမျိုးများ၊ နာတာရှည် အစာအိမ်ရောင်/နံရံပါးနေသူများကို အစာအိမ်မှန်ပြောင်း (OGD) နဲ့ စောင့်ကြည့်စစ်ဆေးဖို့ အကြံပြုထားပါတယ်
👉 အစာအိမ်ပိုးကို ကုသခြင်းက ကင်ဆာ ကာကွယ်ရာမှာ အထိရောက်ဆုံးပါ

မစိုးရိမ်သင့်တာကို မစိုးရိမ်ပြီး၊ စိုးရိမ်သင့်တာကို စိုးရိမ်နိုင်ကြပါစေ။
မသိသေးသူ မိတ်ဆွေတွေသိအောင် မျှဝေပေးနိုင်ပါတယ်။

***

References
1. Shah SC et al. Gastroenterology. 2025 (AGA Clinical Practice Update: Gastric Cancer Screening & Surveillance)
2. Gupta S et al. Gastroenterology. 2020 (AGA Guideline: Gastric Intestinal Metaplasia)

ဒေါက်တာငြိမ်းကိုဟိန်း
အစာအိမ်အူလမ်းကြောင်း၊ သည်းခြေလမ်းကြောင်းနှင့် မုန့်ချိုအိတ်ရောဂါ အထူးကုသမားတော်

ကျန်းမာပျော်ရွင်ကြပါစေ

#အစာအိမ်ကင်ဆာ

🤮 ပျို့အန်ခြင်း အကြောင်းရင်းများ (Nausea & Vomiting)- - - - - - - - - - - - - - - - - - - - - - -ပျို့ခြင်း၊ အန်ခြင်းဟာ ...
05/08/2026

🤮 ပျို့အန်ခြင်း အကြောင်းရင်းများ (Nausea & Vomiting)
- - - - - - - - - - - - - - - - - - - - - - -

ပျို့ခြင်း၊ အန်ခြင်းဟာ ရောဂါတစ်ခုမဟုတ်ပဲ အကြောင်းရင်း အများကြီးက ဖြစ်စေနိုင်တဲ့ လက္ခဏာတစ်ခုပါ။ ခဏတာ ဖြစ်တာက များသောအားဖြင့် သိပ်စိုးရိမ်စရာ မဟုတ်ပေမဲ့၊ ကြာရှည် (သို့) ပြင်းထန်ရင်တော့ အကြောင်းရင်း ရှာဖွေဖို့ လိုပါတယ်။

➡️ ဖြစ်စေတတ်တဲ့ အကြောင်းရင်းများ
- - - - - - - - - -
👉 အစာအိမ်အူလမ်းကြောင်း — အစာအိမ်ပိုး၊ အနာ၊ အစာအိမ်လှုပ်ရှားမှုနှေးခြင်း (Gastroparesis)၊ အူပိတ်ခြင်း
👉 ရောဂါပိုးဝင်ခြင်း (ဗိုင်းရပ်စ်၊ အစာအဆိပ်)
👉 ဆေးဝါးများ၊ ကင်ဆာဆေးများ
👉 ကိုယ်ဝန်ဆောင် (ကနဦးလများ)
👉 ဦးနှောက်/နားတွင်းပြဿနာ (ခေါင်းမူး၊ ခေါင်းတစ်ခြမ်းကိုက် Migraine)
👉 ဆီးချို မထိန်းနိုင်ခြင်း၊ အသည်း/ကျောက်ကပ် ပြဿနာများ

⚠️ ချက်ချင်း ဆရာဝန်ပြသင့်တဲ့ လက္ခဏာများ
- - - - - - - - - -
👉 အန်တဲ့အထဲ သွေးပါ (သို့) ကော်ဖီအနယ်လို အန်ဖတ်
👉 ပြင်းထန်စွာ ဗိုက်နာ၊ ဗိုက်တင်းမာခြင်း
👉 ခေါင်းအလွန်ကိုက်၊ လည်ပင်းတောင့်၊ သတိမကောင်းခြင်း
👉 ရေဓာတ်ခန်းခြောက်လက္ခဏာ — ဆီးနည်း၊ ခေါင်းမူး၊ နှုတ်ခမ်းခြောက်
👉 (၁-၂) ရက်ကျော် အအန်မရပ်ဘဲ ဘာမှ မစားနိုင်/မသောက်နိုင်ခြင်း

➡️ ဘယ်လို ကုသရသလဲ
- - - - - - - - - -
👉 အကြောင်းရင်းကို ရှာပြီး ကုသတာ အဓိကပါ
👉 ရေဓာတ်နဲ့ ဓာတ်ဆား ပြန်ဖြည့်ပေးဖို့ အရေးကြီးဆုံးပါ — အနည်းငယ်စီ မကြာခဏ သောက်ပါ
👉 ပျို့အန်ပျောက်ဆေးတွေ ခေတ္တသုံးနိုင်ပေမဲ့ အကြောင်းရင်း မသိဘဲ ကိုယ့်ဘာသာ ကြာရှည်မသောက်သင့်ပါ

သိချင်တာရှိရင် ကွန်မန့်မှာ မေးသွားနိုင်ပါတယ်။
မသိသေးသူ မိတ်ဆွေတွေသိအောင်လည်း မျှဝေပေးနိုင်ပါတယ်။

***

References
1. Lacy BE et al. Am J Gastroenterol. 2024 (Nausea and Vomiting Evaluation and Management)
2. AAFP. Evaluation and Treatment of Nausea and Vomiting in Adults. Am Fam Physician. 2024

ဒေါက်တာငြိမ်းကိုဟိန်း
အစာအိမ်အူလမ်းကြောင်း၊ သည်းခြေလမ်းကြောင်းနှင့် မုန့်ချိုအိတ်ရောဂါ အထူးကုသမားတော်

ကျန်းမာပျော်ရွင်ကြပါစေ

#ပျို့အန်

⚠️ လည်ပင်နင်ခြင်း/အစာမျိုရ ခက်ခဲခြင်း (Dysphagia)- - - - - - - - - - - - - - - - - - - - - - -အစာ/အရည်ကို မျိုချလိုက်ရင်...
04/08/2026

⚠️ လည်ပင်နင်ခြင်း/အစာမျိုရ ခက်ခဲခြင်း (Dysphagia)
- - - - - - - - - - - - - - - - - - - - - - -

အစာ/အရည်ကို မျိုချလိုက်ရင် လည်ချောင်း/ရင်ဘတ်မှာ တစ်နေသလို၊ ကျန်နေသလို ခံစားရတယ်ဆိုရင် လည်ပင်းနင်ခြင်း/အစာမျိုရခက်ခြင်း (Dysphagia) လို့ ခေါ်ပါတယ်။ ဒါဟာ လျစ်လျူမရှုသင့်တဲ့ အန္တရာယ်လက္ခဏာ (Alarm Symptom) တစ်ခုဖြစ်လို့ အမြဲ စစ်ဆေးသင့်ပါတယ်။

➡️ ဘာကြောင့် ဖြစ်တာလဲ
- - - - - - - - - -
👉 အစာမျိုပြွန် ကျဉ်းသွားခြင်း — စားချဉ်ပြန်ရောဂါ (GERD) ကြာ၍ အမာရွတ်ဖြစ်ခြင်း (Stricture)
👉 အစာမျိုပြွန်ကင်ဆာ (Esophageal Cancer) — အထူးသဖြင့် အစာအဖတ်စားမှဖြစ်တာကနေ အရည်ပါနင်လာအောင် တဖြည်းဖြည်း ဆိုးလာရင်
👉 Eosinophilic Esophagitis (အစာမျိုပြွန် ရောင်ခြင်း) — လူငယ်တွေမှာ မကြာခဏလည်ပင်းနင်စေ
👉 အစာမျိုပြွန် ရှုံ့ကြွက်သားလှုပ်ရှားမှု မမှန်ခြင်း (Achalasia)
👉 လေဖြတ်၊ အာရုံကြောရောဂါ (မျိုချရ ခက်ပြီး ချောင်းဆိုးတတ်)

⚠️ ချက်ချင်း ဆရာဝန်ပြသင့်တဲ့ လက္ခဏာများ
- - - - - - - - - -
👉 အစာအဖတ်ကနေ အရည်ထိ တဖြည်းဖြည်း ပိုဆိုးလာခြင်း
👉 ကိုယ်အလေးချိန် ကျဆင်းခြင်း
👉 သွေးအားနည်းခြင်း၊ အန်ဖတ်ထဲ သွေးပါခြင်း
👉 အစာမျိုရင်း ချောင်းဆိုး/အသက်ရှူကျပ်ခြင်း

➡️ ဘယ်လို စစ်ဆေးရသလဲ
- - - - - - - - - -
👉 အစာအိမ်မှန်ပြောင်း (OGD) က ပထမဆုံး လုပ်သင့်တဲ့ စစ်ဆေးမှုဖြစ်ပြီး၊ ကျဉ်းခြင်း/ကင်ဆာ/ရောင်ခြင်း ရှိမရှိ ကြည့်ကာ လိုအပ်ရင် အသားစ (Biopsy) ယူပါတယ်
👉 လိုအပ်ရင် Barium Swallow (သို့) အစာမျိုပြွန် ဖိအားတိုင်းစစ်ခြင်း (Manometry) ထပ်လုပ်ပါတယ်

အစာမျိုရခက်ခြင်းကို "အသက်ကြီးလို့ပါ" လို့ ပေါ့ပေါ့တန်တန် မထားပါနဲ့ — အမြဲ အကြောင်းအရင်း ရှာသင့်ပါတယ်။

သိချင်တာရှိရင် ကွန်မန့်မှာ မေးသွားနိုင်ပါတယ်။
မသိသေးသူ မိတ်ဆွေတွေသိအောင်လည်း မျှဝေပေးနိုင်ပါတယ်။

***

References
1. Liu LWC et al. J Can Assoc Gastroenterol. 2018 (CAG Guideline: Esophageal Dysphagia)
2. Gyawali CP et al. Am J Gastroenterol. 2020 (ACG Guidelines: Clinical Use of Esophageal Physiologic Testing)

ဒေါက်တာငြိမ်းကိုဟိန်း
အစာအိမ်အူလမ်းကြောင်း၊ သည်းခြေလမ်းကြောင်းနှင့် မုန့်ချိုအိတ်ရောဂါ အထူးကုသမားတော်

ကျန်းမာပျော်ရွင်ကြပါစေ

#အစာမျိုရခက်

😰 အဖြစ်အများဆုံး ဗိုက်အောင့်ရောဂါ (Functional Dyspepsia)- - - - - - - - - - - - - - - - - - - - - - -ဗိုက်အပေါ်ပိုင်း မက...
03/08/2026

😰 အဖြစ်အများဆုံး ဗိုက်အောင့်ရောဂါ (Functional Dyspepsia)
- - - - - - - - - - - - - - - - - - - - - - -

ဗိုက်အပေါ်ပိုင်း မကြာခဏ အောင့်တယ်၊ စစ်ဆေးကြည့်တော့ အနာလည်း မတွေ့ဘူးဆိုရင် — Functional Dyspepsia (အစာအိမ်တုံ့ပြန်မှုနှင့် အလုပ်လုပ်ပုံ မမှန်၍ ဗိုက်အောင့်ခြင်း) ဖြစ်နိုင်ပါတယ်။ တော်တော်အဖြစ်များပြီး၊ နာတာရှည် ဗိုက်အောင့်သူတွေရဲ့ (၇၀%) ဝန်းကျင်က ဒီရောဂါကြောင့် ဖြစ်ပါတယ်။

➡️ ဘယ်လို ခံစားရသလဲ
- - - - - - - - - -
👉 အစာစားပြီး သိသိသာသာ ရင်ပြည့်/ရင်ကယ်ဖြစ်တဲ့ အမျိုးအစား
👉 ဝမ်းဗိုက်အပေါ်ပိုင်း အောင့်တတ်တဲ့ အမျိုးအစား
👉 နှစ်မျိုးတွဲ ဖြစ်နေတာလည်း ရှိပါတယ်

ဒါဟာ အူလမ်းကြောင်းစနစ်နဲ့ ဦးနှောက်အာရုံကြောစနစ်ကြား ချိတ်ဆက်တုံ့ပြန်မှု မမှန်လို့ ဖြစ်တဲ့ ရောဂါ (DGBI) အုပ်စုထဲက ဖြစ်ပြီး၊ စိတ်ပူပန်/စိတ်ဖိစီးမှုတွေက လက္ခဏာကို ပိုဆိုးစေတတ်ပါတယ်။

➡️ ဘယ်လို စစ်/ကုသရသလဲ
- - - - - - - - - -
👉 ACG/CAG Guideline (2017) အရ — အသက် (၆၀) အောက်၊ အန္တရာယ်လက္ခဏာ မရှိရင် ဦးစွာ အစာအိမ်ပိုး (H. pylori) စစ်ပြီး ရှိရင် ကုသပါတယ်
👉 ပိုးမရှိ (သို့) ပိုးကုသပြီး မသက်သာသေးရင် အက်ဆစ်လျှော့ဆေး (PPI) ပေးပါတယ်
👉 မသက်သာသေးရင် အစာအိမ်လှုပ်ရှားမှု အားပေးဆေး၊ အာရုံကြောထိန်းဆေး (TCA) တွေ ထည့်ပေးနိုင်ပါတယ်

➡️ ကိုယ်တိုင် လုပ်နိုင်တာ
- - - - - - - - - -
👉 ဗိုက်အောင့်တာကို ပိုဆိုးစေတဲ့ အစားအသောက်တွေ မှတ်သားပြီး ရှောင်ပါ (တစ်ဦးနဲ့တစ်ဦး မတူပါ)
👉 တည့်တဲ့အစာကို နည်းနည်းချင်း မကြာခဏ စားပါ
👉 ဆေးလိပ်/အရက် ဖြတ်ပါ၊ ဝနေရင် ဝိတ်လျှော့ပါ
👉 စိတ်ဖိစီးမှု လျှော့ချ၊ ပုံမှန်လေ့ကျင့်ခန်း လုပ်ပါ

⚠️ အသက် (၆၀) ကျော်၊ (သို့) ကိုယ်အလေးချိန်ကျ၊ သွေးအန်/ဝမ်းမည်း၊ အစာမျိုရခက်၊ သွေးအားနည်း စတဲ့ အန္တရာယ်လက္ခဏာ ရှိရင်တော့ — အစာအိမ်မှန်ပြောင်း (OGD) နဲ့ ဦးစွာ စစ်ဆေးဖို့ လိုပါတယ်။

သိချင်တာရှိရင် ကွန်မန့်မှာ မေးသွားနိုင်ပါတယ်။
မသိသေးသူ မိတ်ဆွေတွေသိအောင်လည်း မျှဝေပေးနိုင်ပါတယ်။

***

References
1. Moayyedi PM et al. Am J Gastroenterol. 2017 (ACG and CAG Clinical Guideline: Management of Dyspepsia)
2. Wauters L et al. Gut. 2021 (ESNM/UEG Consensus on Functional Dyspepsia)

ဒေါက်တာငြိမ်းကိုဟိန်း
အစာအိမ်အူလမ်းကြောင်း၊ သည်းခြေလမ်းကြောင်းနှင့် မုန့်ချိုအိတ်ရောဂါ အထူးကုသမားတော်

ကျန်းမာပျော်ရွင်ကြပါစေ

#ဗိုက်အောင့်

Address

Nyein Clinic ငြိမ်းဆေးခန်းနှင့်ဆေးဆိုင်
Yangon

Website

Alerts

Be the first to know and let us send you an email when Happy & Healthy posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Happy & Healthy:

Shortcuts

Share