28/07/2026
🩸 "ဆီးချိုရှိရင် ဒါတွေ လုံးဝမစားရဘူး" ဆိုတာ အမှန်ပဲလား…❓
ဆီးချိုရောဂါ ခံစားနေရသူ အများစု ကြုံတွေ့ရတဲ့ အခက်အခဲဆုံးအရာကတော့ "ဘာစားရမလဲ" ဆိုတာပါပဲ။
အချို့ကလည်း "အချို လုံးဝမစားရဘူး"၊ "ထမင်း လုံးဝလျှော့ရမယ်" ဆိုပြီး Extreme သွားကြရင်း အာဟာရချို့တဲ့တာ၊ သွေးတွင်းသကြားဓာတ် လွန်ကဲစွာ ကျဆင်းတာတွေ ဖြစ်တတ်ကြပါတယ်။
တကယ်တော့ ဆီးချို ဝေဒနာရှင်များအတွက် အဓိက သော့ချက်က "လုံးဝမစားရတာ မဟုတ်ဘယ် တန်ဆေး လွန်ဘေး မျှတအောင် စားသောက်ခြင်း" ဖြစ်ပါတယ်!
🥗 ၁။ ဆီးချိုသမားများအတွက် "Plate Method" (ပန်းကန်ပြင်နည်း)
အလွယ်ကူဆုံးနဲ့ အထိရောက်ဆုံး နည်းလမ်းကတော့ မိမိ စားသုံးမယ့် ပန်းကန်ကို (၃) ပိုင်း ပိုင်းခြားလိုက်တာပါပဲ။
(၁) ပန်းကန်၏ ၅၀% (တစ်ဝက်): ဟင်းသီးဟင်းရွက်များ (ကန်စွန်းရွက်၊ ဂေါ်ဖီ၊ ပန်းဂေါ်ဖီ၊ ခိုင်လန့်၊ ခဝဲသီး စသည့် အမျှင်ဓာတ်များသော အသီးအရွက်များ)
(၂) ပန်းကန်၏ ၂၅% (လေးပုံတစ်ပုံ): အသား/ငါး (ကြက်သား၊ ငါး၊ အမဲသား သို့မဟုတ် အဆီနည်းသော အသားများ၊ တိုဖူး၊ ဥမျိုးစုံ)
(၃) ပန်းကန်၏ ၂၅% (လေးပုံတစ်ပုံ): ကာဘိုဟိုက်ဒရိုက် (ထမင်း၊ ကောက်ညှင်း၊ ပြောင်းဖူး၊ အာလူး - တတ်နိုင်ပါက ဆန်လုံးညို သို့မဟုတ် ဂျုံကြမ်းသုံးပါ)
💡 ၂။ ရှောင်ရန်/ဆောင်ရန် လွယ်ကူသော အချက်များ
❌ ရှောင်ရန် (သို့) အထူးသတိထားရန်: -
(၁) အချိုရည်များ၊ ဘူးသွပ်ဖျော်ရည်များနှင့် Energy Drink များ (သွေးတွင်းသကြားဓာတ်ကို ရုတ်တရက် အလွန်တက်စေပါသည်)
(၂) မုန့်ချိုများ၊ ဘီစကစ်၊ ကိတ်မုန့် နှင့် သန့်စင်ထားသော ဂျုံဖြူမုန့်များ
(၃) အကြော်အလှော်များ နှင့် အဆီများသော အစားအစာများ
✅ ဆောင်ရန်: −
(၁) ရေကို လုံလောက်စွာ သောက်သုံးပါ။
(၂) ရာသီပေါ် အသီးအနှံများကို စားပေးပါ (သို့သော် သရက်သီးမှည့်၊ ဒူးရင်းသီး ကဲ့သို့ အချိုလွန်သော အသီးများကို တန်ရုံမျှသာ စားပါ)။
(၃) တစ်နေ့လျှင် မိနစ် (၃၀) ခန့် ပုံမှန် လမ်းလျှောက်ပါ သို့မဟုတ် လေ့ကျင့်ခန်း လုပ်ပါ။
⚠️ သွေးတွင်းသကြားဓာတ် ကျဆင်းသည့် လက္ခဏာကို သတိပြုပါ!
ဆီးချိုဆေး သောက်နေသူများတွင် အစားနည်းခြင်း သို့မဟုတ် လေ့ကျင့်ခန်း လွန်ကဲခြင်းကြောင့် သွေးတွင်းသကြားဓာတ် ရုတ်တရက် ကျသွားတတ်ပါသည်။
လက္ခဏာများ: ချွေးစေးပြန်ခြင်း၊ လက်တုန်ခြင်း၊ ရင်တုန်ခြင်း၊ ခေါင်းမူးခြင်း၊ ဗိုက်ဆာလွန်းခြင်း။
💡 အရေးပေါ် အကူအညီ: အထက်ပါ လက္ခဏာများ ဖြစ်ပါက စကြားလုံး (၂) လုံး၊ သကြားရေ သို့မဟုတ် အချိုရည် အနည်းငယ် ချက်ချင်း သောက်ပေးပါ။
💙 နိဂုံးချုပ် မှာချင်တာကတော့ -
ဆီးချိုဆိုတာ စနစ်တကျ စီမံခန့်ခွဲနိုင်ရင် သာမန်လူတစ်ယောက်လိုပဲ သက်ရှည်ကျန်းမာစွာ နေထိုင်နိုင်တဲ့ ရောဂါတစ်ခုပါ။ ဆရာဝန် ညွှန်ကြားထားသည့် ဆေးကို ပုံမှန်သောက်သုံးပြီး သွေးတွင်းသကြားဓာတ်ကို ပုံမှန် စစ်ဆေးဖို့ မမေ့ပါနဲ့နော်။
📞 ရက်ချိန်းယူရန် သို့မဟုတ် စုံစမ်းမေးမြန်းရန် -
Address: အခန်း(၄)၊ တိုက်(A)၊ လှိုင်မြစ်လမ်း၊ရွာမအလယ်ရပ်ကွက်၊အင်းစိန်။
Phone: 013 640 702, 09 885 021 347
Opening Hours: နံနက် 8:00 AM - 6:00 PM
#ဆီးချိုဝေဒနာရှင်များအတွက် #ဆီးချို #ကျန်းမာရေးဗဟုသုတ #ကျန်းမာသောနေထိုင်မှုပုံစံ #မေတ္တာရှင်အထူးကုဆေးခန်း
