23/08/2022
ချိုးခြံချွေတာရေးအတွက် လျှော့ချလို့ရနိုင်မယ့် skincare step များ
ပထမဆုံး Skincare Ju**ie တစ်ယောက်အနေနဲ့ ဒီ post ကို ရေးရတာ အတော့်ကို စိတ်မကောင်းဖြစ်ပါတယ်။ ဝါသနာတူ skincare ရတာ ကြိုက်ကြတဲ့ ကိုယ့်ညီအမတွေလဲ ကိုယ့်လိုပဲ စိတ်ထဲ တနုံ့နုံ့နဲ့ ဝမ်းနည်းနေကြလိမ့်မယ်လို့ထင်ပါတယ်။ ဒါပေမယ့်လဲ မြင့်သထက်မြင့်လာတဲ့ product စျေးနှုန်းတွေကြောင့် အားလုံးလဲ သွေးတက်နေမှာမို့ ဒီ post လေးကို ရေးပေးလိုက်ပါတယ်။ အရာရာ ကြပ်တည်းလာတဲ့အခါ အလှအပကို ဘေးချိတ်ပြီး ဝမ်းစာအတွက် အရေးပေးလာရတဲ့အခါ အသက်ရှူချောင်လည်စေဖို့ ရည်ရွယ်ပါတယ်ရှင်။
Toner
exfoliation toner တွေကလွဲပြီး အခြား toner တွေဆို မသုံးလို့ဖြစ်ပါတယ်။ ဘယ် skin type ဖြစ်ဖြစ် ဒီ step ကို skip ခဲ့နိုင်ပါတယ်။ exfoliation toner တွေကတော့ ကိုယ်က ဆဲလ်သေနဲ့ အညစ်အကြေးတွေ တစ်ပတ်တစ်ခါ နှစ်ခါလောက်ရှင်းချင်ရင် သုံးပါ။ သို့ပေမယ့် ကိုယ်က exfoliation အတွက် အခြား clay mask , wash off mask တစ်ခုခုသုံးနေရင် ဒီ step ကလဲ မလိုအပ်ပါ။
Essence,Serum,Ampoule
ဒီ Step သုံးခုစလုံး သုံးနေရင် တစ်ခုပဲ ရွေးသုံးလို့ရပါတယ်။
Dehydration , Acne , Pigmentation , etc... စတဲ့ skin problem တစ်ခုခုရှိနေတာမဟုတ်ဘူး ၊ ကိုယ့် skin ကလဲ အထိုက်အလျောက်ကောင်းနေတယ်ဆိုရင် တစ်ခုမှကိုမသုံးပဲ အကုန် skip ခဲ့လို့ ရသေးတဲ့ step တွေ ဖြစ်ပါတယ်။
Sheet Mask
နောင်တရခြင်းအလျင်းမရှိပဲ skip ခဲ့နိုင်တဲ့ step ဖြစ်ပါတယ်။ မရှိမဖြစ် step တွေထဲ လုံးဝမပါတာ သေချာပါတယ်။ trust me !! တစ်ခါသုံးစာ mask လေးကို မရှိဘူးဆို 1500 2500 ဝန်းကျင်တွေမို့ စျေးကြီးတယ်ပြောလို့ရပါတယ်။ အရေးတကြီး ပွဲတစ်ခုခုရှိချိန်မို့ အသားအရည်ကို ခနနဲ့ ချက်ချင်း hydrated ဖြစ်ပြီး glow နေအောင် ကပ်ချတာမျိုးလောက်မှာပဲ သုံးပါ။
Sleeping Mask
Moisturizer ကိုသာ ကောင်းကောင်းလိမ်းပေးမယ်ဆိုရင် sleeping mask step ကို အသာလေး skip ခဲ့နိုင်ပါတယ်။ ညဘက် မျက်နှာပုံမှန်သစ် moisture ကို ရာသီဥတုနဲ့ skin condition အလိုက် သေချာလေးရွေးလိမ်း ၊ ရေများများသောက် ၊ စိတ်ကြည်အောင် ပုတီးလေးစိတ်ပြီး စောစောသာအိပ် sleeping mask မကူလဲ မျက်နှာလေး အကြည်ဓာတ်အပြည့်ရတယ်နော်။
Facial Spray
တရွှီးရွှီးနဲ့ ဖြန်းရကောင်းတာ မှန်ပေမယ့် အလိုအပ်ကြီးတော့ မဟုတ်ပါဘူး စစ်စတာတို့ရေ။ ပျော်ပျော်ကြီး skip ခဲ့လို့ရပါတယ်နော်။
ကိုယ့်အခုလက်ရှိ Skin condition လေးကိုပဲ care လုပ်ချင်တယ် ၊ skin problem အထွေအထူးလဲမရှိဘူးဆိုရင်
Skintype အားလုံးအတွက် Essential Skincare Step က သုံးခုနဲ့တင် လုံလောက်ပါတယ်။
(1)Facial Cleanser
(2)Moisturizer
(3)Sunscreen ထိပါပဲ။
ဒါတောင် အခုနောက်ပိုင်း sunscreen တွေက အစိုဓာတ်ပါတစ်ခါထဲ ပေးနိုင်တာတွေရှိလာပြီမို့ dry skin မဟုတ်ဘူးဆိုရင် moisturizer ကိုပါ ချန်ခဲ့နိုင်ပါသေးတယ်။
တစ်ခါတစ်ရံမှာ skin is smart ဆိုတာလေးလဲ မေ့မထားကြပါနဲ့ဦး။ skincare အကူအညီမပါပဲလဲ အသားအရည် အစိုဓာတ်ရဖို့ ၊ ဆဲလ်သေတွေ ကွာကျဖို့ ၊ ဝက်ခြံတွေ healing ဖြစ်ဖို့ skin က သူ့ဟာနဲ့သူ အလုပ်လုပ်နိုင်ပြီးသားပါ။ ဒီခေတ်ဆိုးစနစ်ဆိုးကြီးထဲမှာ ကျန်းမာရေးနဲ့ ညီညွှတ်အောင်နေပါ ၊ စားပါလို့ ပြောရမှာ အင်မတန်အားနာမိလို့ အတတ်နိုင်ဆုံးတော့ ကျန်းမာစွာ ရှင်သန်ပေးပါ။ စိတ်ကောင်းနှလုံးကောင်းထားပါ။ ဒါဆိုရင်လဲ skin care လုပ်ရာ ရောက်ပါတယ်ရှင်။
