https://www.facebook.com/229478989644170/

Eat to be fit by Dr.Zaw, Yangon (2026)

06/04/2022

ဗီတာမင် D အကြောင်း
🌞နေရောင်ခြည်လုံလောက်စွာရရှိခြင်းဟာခန္ဓာကိုယ်မှ ဗီတာမင် D အလုံအလောက်ထုတ်လုပ်ရန် အကောင်းဆုံးနည်းလမ်းတခုဖြစ်ပါတယ်။ ဒါ့အပြင် အစားအစာများမှလည်း ဗီတာမင် D ကိုရရှိနိင်ပါတယ်။
🌞 မနက်စောစော ၁၀ မိနစ်ခန့် နေရောင်ခြည်နဲ့ ထိတွေ့အောင်လုပ်ပေးမယ် ဥပမာ(လမ်းလျှောက်ခြင်း)၊ ဗီတာမင် D ပါဝင်တဲ့ အစားအစာတွေ စားပေးမယ်ဆိုရင် ဗီတာမင် D က ရနေပါပြီ။
🌞 ဗီတာမင် D ဟာ အဆီမှာ ပျော်ဝင်တဲ့ ဗီတာမင် ဖြစ်တာကြောင့် ခန္ဓာကိုယ် ကအဆီနဲ့ တူတူရောပြီး စုပ်ယူပါတယ်။ ဒါကြောင့် အူကနေအဆီမစုပ်အောင်တားတဲ့ ပိန်ဆေး သောက်နေတဲ့ သူတွေမှာတော့ ခန္ဓာကိုယ်က အပြည့်အဝ မစုပ်ယူ နိင်တာကို သတိထားဖို့လိုအပ်ပါတယ်။

30/03/2022

🔹ဒီနေ့မှာတော့ အဆီမှာပျော်ဝင်နိင်တဲ့ ဗီတာမင်တွေထဲက ဗီတာမင် A အကြောင်းလေး ဗဟုသုတရအောင်ရှင်းပြပေးချင်ပါတယ်။ ဖုန်းထဲမှာလဲ အလွယ်တကူသိမ်းထားလို့ရအောင် ပုံလေးတွေ နဲ့ ဖော်ပြပေးလိုက်ပါတယ်။
🔹ဗီတာမင် A ရဲ့ တစ်နေ့တာလိုအပ်တဲ့ ပမာဏကို တော့ဖော်ပြမပေးထားပါဘူး။ ဘာလို့လဲ ဆိုတော့ တစ်ဦးနဲ့ တစ်ဦး အသက်အရွယ်၊ ကျား/မ ကွာခြားချက်၊ ကိုယ်ဝန်ဆောင် မိခင်တွေရဲ့ တစ်နေ့တာလိုအပ်ချက်တွေဟာ မတူညီကျလို့ပါ။ ကျန်းမာရေးနဲ့ ညီညွတ်ပြီး အာဟာရပြည့်ဝတဲ့အသီးအရွက်၊ အသား၊ ငါး မျှတစွာ စားသုံးမယ်ဆိုရင် ဗီတာမင်နဲ့ သတ္တုဓာတ်များကတော့ လုံလုံလောက်လောက်ရရှိမှာဖြစ်ပါတယ်။
🔹တကယ်လို့ ဗီတာမင် ဖြည့်စွက်အားဆေးတွေ သောက်တော့မယ်ဆိုရင် သက်ဆိုင်ရာ တတ်ကျွမ်းတဲ့ ဆရာဝန်တွေနဲ့ သေချာတိုင်ပင်ပြီးမှ သောက်သင့်ပါတယ်။

25/03/2022

အရက်ကို မစွဲအောင်သောက်တတ်ဖို့ အကန့်အသတ်နဲ့ ထိန်းသောက်နိင်အောင် ဘယ်နည်းလမ်းတွေအသုံးပြုမလဲ❓

🥃အရက် ဟာ ကောင်းကျိုးထက် ဆိုးကျိုးသာ ပိုများတယ်ဆိုတာ အာလုံးသိပြီးသားပါ။ကမ္ဘာတဝန်းလုံးမှာလည်း အရက်သောက်ခြင်းကို တားမြစ်ဆန့်ကျင်နေကြပါတယ်။
🥃အရက် အနည်းငယ်မျှ သောက်သုံးခြင်းဟာ သွေးတွင်းကောင်းတဲ့ ကိုလက်စထရော HDL ကိုမြင့်တက်စေတာကြောင့်သွေးကြောကျဉ်းခြင်းကို ကာကွယ်နိင်ပြီး နှလုံးရောဂါဖြစ်ခြင်း၊ လေဖြတ်ခြင်း များကိုလျော့နည်းစေနိင်တဲ့အပြင် အသက်ကြီးသူများတွင် ဖြစ်ပွါးလေ့ရှိသော သတိမေ့တတ်ခြင်း၊ မှတ်ဉာဏ်ချို့ယွင်းခြင်းနဲ့ဆိုင်တဲ့ Dementia ရောဂါမဖြစ်အောင်ကာကွယ်ပေးနိင်တာကိုတွေ့ရပါတယ်။
🥃အရက်ဟာ စွဲစေတတ်တဲ့ သဘောရှိတာကြောင့် အရက်သောက်ရာမှာ မစွဲအောင် အကန့်အသတ်နဲ့ ထိန်းနိင်ဖို့က အရေးကြီးပါတယ်။
🥃အရက်အနည်းငယ်မျှ သောက်သုံးခြင်းလို့ဆိုရာမှာ
👉🏻အမျိုးသား အတွက်ဆိုရင် တစ်ပါတ်ကို အများဆုံး ၁၄ ခွက် နဲ့ တစ်ရက် ကို ၂ ခွက်ထက်မပိုစေဘဲ
👉🏻အမျိုးသမီး ဆိုရင် တစ်ပါတ်ကို အများဆုံး ၇ ခွက်၊ တစ်ရက် ကို ၁ ခွက်ထက်မပိုစေရန်အကြံပြုထားပါတယ်။
🥃အရက် ကို အကန့်အသတ်နဲ့ ထိန်းသောက်ဖို့ဘယ်နည်းလမ်းတွေအသုံးပြုမလဲ❓
👉🏻 အပါတ်စဉ် plan ဆွဲထားပါ။ဥပမာ- ၁ပါတ်ကို ၁ ရက် သင့်တင့်မျှတတဲ့ ပမာဏသောက်ပါ။
👉🏻 Alcohol ပြင်းအားများတဲ့ whiskey, Vodka နေရာမှာ ပျော့တဲ့ Wine တို့ beer တို့နဲ့ အစားထိုးသောက်သုံးပါ။
👉🏻 လူမှုပေါင်းသင်းဆက်ဆံရေး အရအပြင်မှာတွေ့ဆုံတိုင်း အရက်သောက်သုံးခြင်းမှ ရှောင်ကြဉ်ပါ။
👉🏻 အရက်သောက်သုံးရာတွင်အသုံးပြုရမဲ့ ပိုက်ဆံ ပမာဏကို သတ်မှတ်ထားပါ။
👉🏻 စိတ်ဖိစီးမှုရှိတိုင်း၊ စိတ်ညစ်တိုင်း စိတ်ထွက်ပေါက်တစ်ခုအနေနဲ့ အရက်သောက်သုံးခြင်းမှရှောင်ကြဉ်ပြီး တစ်ခြား လေ့ကျင့်ခန်းလုပ်တာပဲဖြစ်ဖြစ်၊ စာဖတ်တာပဲဖြစ်ဖြစ်နဲ့ အစားထိုးပါ။
🍺အရက်မသောက်ခြင်းဟာ ကျန်းမာရေးရှုထောင့်ကကြည့်မယ်ဆိုရင် အကောင်းဆုံးဖြစ်ပါတယ်။အရက်သောက်သုံးနေတဲ့သူများဟာလည်း အရက်ကို လျှော့သောက်ခြင်းဟာ ကျန်းမာရေးကို မြှင့်တင်ရန် အမှန်တကယ်ထိရောက်သော နည်းလမ်းတစ်ခုဖြစ်ပါတယ်။

19/03/2022

What are micronutrients❓
🔹ကျနော်တို့နေ့စဉ်စားသုံးနေတဲ့အစားအစာတွေမှာ Macronutrients နှင့် Micronutrients များပါရှိပြီး ခန္ဓာကိုယ်အတွက် နေ့စဉ်လိုအပ်သောအာဟာရများဖြစ်ကြပါတယ်။
🔹ခန္ဓာကိုယ် ကို စွမ်းအင်ထောက်ပံ့ပေးသော ကာဗိုဟိုက်ဒြိတ်၊ ပရိုတင်းနဲ့ အဆီ ဓာတ်များဟာ မရှိမဖြစ်လိုအပ်ချက်ပမာဏများပြားတာကြောင့် Macronutrients ဟုခေါ်ဆိုကြပြီး Micronutrient ဟူသော ဝေါဟာရကတော့ ကယ်လိုရီမပါဝင်သော အာဟာရအမျိုးအစားငယ်ဖြစ်ပြီး ဗီတာမင် (Vitamins) နှင့် သတ္တုဓာတ်များ(Minerals)ကို အထူးရည်ညွှန်းပါတယ်။Macronutrients များကဲ့သို့အရေးကြီးသော်လည်း ပမာဏအနည်းငယ်သာလိုအပ်သောကြောင့် Micronutrients ဟုခေါ်ကြခြင်းဖြစ်ပါတယ်။
🔹ဗီတာမင်နှင့် သတ္တုဓာတ်များသည် ခန္ဓာကိုယ်အတွင်းရှိ ဇီဝဖြစ်စဉ်များအတွက်မရှိမဖြစ်လိုအပ်သလို ခန္ဓာကိုယ် ဖွံ့ဖြိုးတိုးတက်မှု၊ ရောဂါကာကွယ်မှုနဲ့ ကျန်းမာသန်စွမ်းမှုအတွက် လည်းလိုအပ်ပါတယ်။
🔹ဗီတာမင်များဟာ အပင်နှင့် တိရစ္ဆာန်များမှ ထုတ်လုပ်သော အော်ဂဲနစ်ဒြပ်စင်ဖြစ်ပြီး ခန္ဓာကိုယ်ဆဲလ်များရဲ့ဇီဝရုပ်ဖြစ်ပျက်မှုနဲ့ ဖွံ့ဖြိုးတိုးတက်မှုအတွက် လိုအပ်ပါတယ်။ အဆီတွင် ပျော်ဝင်နိုင်သော ဗီတာမင်နဲ့ ရေတွင် ပျော်ဝင်နိင်သော် ဗီတာမင်ဆိုပြီး အမျိုးအစား ၂ မျိုးရှိပါတယ်။
1️⃣ဗီတာမင် A၊ D၊ E နဲ့ K တို့ ဟာ အဆီတွင်ပျော်ဝင်နိင်သောဗီတာမင်များဖြစ်ကြပြီးပုံမှန်အားဖြင့် စားလိုက်သောအစားအစာတွင်အဆီနဲ့အတူ ပိုမိုလွယ်ကူစွာ ခန္ဓာကိုယ်ကစုပ်ယူနိုင်ပါတယ်။ လိုအပ်ချိန်တွင်ထုတ်ယူသုံးစွဲနိင်ရန် အသည်းနဲ့ အဆီတစ်ရှူးများတွင် အချိန်ကြာမြင့်စွာသိမ်းဆည်းထားနိင်ပါတယ်။
2️⃣ ရေတွင်ပျော်ဝင်နိုင်သော ဗီတာမင် B နဲ့ ဗီတာမင် C တို့ဟာ ရေမှာပျော်ဝင်တာကြောင့် ခန္ဓာကိုယ်က လိုသလောက်သာ စုပ်ယူပြီး ဆီးအဖြစ်နဲ့ ပြင်ပကိုပြန်လည်စွန့်ထုတ်ပါတယ်။ ဒါကြောင့် ရေတွင်ပျော်ဝင်နိုင်သော ဗီတာမင်များကို ပုံမှန်သောက်သုံးရန် အရေးကြီးပါတယ်။
🔹သတ္တုဓာတ်များ(Minerals)ဟာ မြေဆီလွှာနဲ့ ရေတွင် တွေ့ရှိရသော ဓာတုဒြပ်စင်များဖြစ်ပြီး သက်ရှိသတ္တဝါများမှ ထုတ်လုပ်နိင်ခြင်းမရှိပါ။ သတ္တုဓာတ်များကိုလည်း Macro-minerals နဲ့ Micro-minerals ဆိုပြီး ၂ မျိုးခွဲထားပါတယ်။ 1️⃣Macro- minerals
Calcium, Phosphorus, Magnesium, Sodium, Chloride, Potassium, Sulphur
2️⃣Micro-minerals
Iron, Zinc, Copper, Manganese, Selenium, Chromium, Iodine, Molybdenum, Cobalt
🔹Micronutrients တစ်ခုစီဟာ ခန္ဓာကိုယ်အတွက် အရေးကြီးပြီး မတူညီသောအခန်းကဏ္ဍမှပါဝင်နေသောကြောင့်မရှိမဖြစ်လိုအပ်ပါတယ် ။ဗီတာမင်နှင့် သတ္တုဓာတ်များ ချို့တဲ့ခြင်း ဟာ နာတာရှည် ရောဂါများ ဖြစ်ပွါးခြင်းနဲ့ ဆက်စပ်နေတာကြောင့် ဗီတာမင်နှင့် သတ္တုဓာတ်များ လုံလောက်စွာ ရရှိစေရန် အစာအာဟာရကို သင့်တင့်မျှတစွာ စားသုံးခြင်းဟာ ကျန်းမာရေးအတွက် အကောင်းဆုံးဖြစ်ပြီး ရောဂါများမဖြစ်ပွါးအောင် ကာကွယ်ရာမှာ အရေးကြီးပါတယ်။

15/03/2022

အနီရောင်ရှိတဲ့အသားတွေစားသုံးခြင်းဟာ ကျန်းမာရေးအတွက် သင့်တော်ပါသလား❓

🥩အနီရောင်ရှိတဲ့ အသား(အမဲသား၊ဝက်သား၊သိုးသား)စတဲ့အသားတွေဟာ စားသုံးနိုင်တဲ့ အာဟာရအရှိဆုံး အစားအစာများထဲမှ တစ်ခုဖြစ်ပြီး ဗီတာမင်၊ သတ္တုဓာတ်၊ ဓါတ်တိုးဆန့်ကျင်ပစ္စည်းများနဲ့ အခြားသော အာဟာရဓာတ်များ ကြွယ်ဝစွာပါဝင်ပြီး ကျန်းမာရေးကို ကောင်းစွာ အကျိုးသက်ရောက်စေပါတယ်။
🥩ခေတ်အဆက်ဆက်တစ်လျှောက်လုံးလူသားတွေဟာအနီရောင်အသားများကိုစားသုံးခဲ့ကြသော်လည်း အန္တရာယ်ဖြစ်စေနိုင်သည်ဟု လူအများက ယုံကြည်နေကြပါတယ်။ဘာကြောင့် အန္တရာယ်ဖြစ်စေနိင်တယ်လို့ယုံကြည်ကြရလည်းဆိုတော့ ယနေ့ခေတ်မှာ အလွန်အကျွံပြုပြင်ပြောင်းလဲထားတဲ့ တချို့အနီရောင်အသားတွေမှာ ကျန်းမာရေးကိုထိခိုက်ပြီး ရောဂါဖြစ်စေမဲ့ တာရှည်ခံဆေးတွေ၊ ဓာတုပစ္စည်းတွေပါဝင်လာတာကြောင့်မို့လို့ဖြစ်ပါတယ်။
🥩 အနီရောင်ရှိတဲ့အသားစားသုံးခြင်းဟာ နှလုံးရောဂါနဲ့ ကင်ဆာဖြစ်နိင်ခြေ ကိုများစေပါသလား❓
✅တချို့အနီရောင်အသားတွေမှာ ပြည့်ဝဆီပါဝင်မှု များပြားတာကြောင့်သွေးတွင်း မကောင်းတဲ့ ကိုလက်စထရောကိုတက်စေပါတယ်။ သွေးတွင်းမကောင်းတဲ့ ကိုလက်စထရော တက်ခြင်းဟာ နှလုံးရောဂါ၊ သွေးကြောကျဉ်းရောဂါနဲ့ သွေးတိုးရောဂါတွေကိုဖြစ်နိင်ခြေများစေပါတယ်။
✅ကင်ဆာဖြစ်စေနိင်တဲ့ ဓာတုပစ္စည်း တွေနဲ့ Heme Iron လို့ ခေါ်တဲ့ Iron တစ်မျိုး ဆဲလ်တွေကိုပျက်စီးစေနိင်တဲ့အတွက် အထူးသဖြင့် အူမကြီး ကင်ဆာဖြစ်နိင်ခြေများစေပါတယ်။
🥩ဝက်သားဟာ အနီရောင်ရှိတဲ့အသားဟုတ်ပါသလား❓
✅ဝက်သားမှာ ကြက်သား၊ ငါးတွေထက် အနီရောင်ပိုဖြစ်စေမဲ့ Myoglobin လို့ခေါ်တဲ့ ပရိုတင်းတစ်မျိုး ပိုမိုပါဝင်တာကြောင့် ဝက်သားဟာ အနီရောင်အသားဖြစ်ပါတယ်။
🥩အနီရောင်အသားဘယ်လောက်စားသင့်လဲ❓
✅ ၁ ရက် ကိုလက်နှစ်လုံးစာ အတုံး ၂ တုံးနဲ့ တပါတ်ကို အများဆုံး ၂ ရက်သာစားသုံးသင့်တယ်လို့ World Cancer Research Fund က အကြံပြုထားပါတယ်။
🥩ပြုပြင်ထားတဲ့ အသင့်စားအသားတွေ ဥပမာ-ဝက်ဥချောင်း၊ အသားပြား၊ အသားချောင်း၊ အသားလုံး တွေစားသုံးခြင်းမှလုံးဝရှောင်ကြဉ်ရမှာဖြစ်ပြီး အခြား အသား၊ ငါး၊ဟင်းသီးဟင်းရွက်နဲ့ သစ်သီးများကို မျှတစွာ စားသုံးမယ်ဆိုရင် ခန္ဓာကိုယ်ကျန်းမာပြီး ရောဂါများဖြစ်ခြင်းမှ လျော့ချနိင်မှာဖြစ်ပါတယ်။

11/03/2022

ဘာကြောင့် ရေဓာတ် အလုံအလောက်ဖြည့်တင်းဖို့လိုတာလဲ❓

💧ကျနော်တို့ အသက်ရှင်ကျန်းမာဖို့ လိုအပ်တဲ့ အာဟာရဓာတ်တွေမှာ ရေဓာတ်ကလည်း တစ်မျိုးအပါအဝင်ဖြစ်ပါတယ်။ခန္ဓာကိုယ်အတွင်းရှိ အင်္ဂါအစိတ်အပိုင်းများနဲ့ စနစ်တိုင်း ကောင်းမွန်စွာလုပ်ဆောင်နိုင်ရန် ရေဓာတ် လိုအပ်ပါတယ်။
💧ခန္ဓာကိုယ်မှာ ရေဟာ ၆၀-၇၀% ခန့်ပါဝင်ပါတယ်။ရေအသက် တစ်မနက်ဆိုသလို ရေဓာတ်ခမ်းခြောက်ပါက ကျန်းမာရေးကိုထိခိုက်နိင်ပါတယ်။ဒါကြောင့် ရေဓာတ်ဟာ နေ့စဉ်လိုအပ်တဲ့ မရှိမဖြစ်အာဟာတစ်ခုဖြစ်ပါတယ်။
💧တစ်နေ့ကို ရေဘယ်လောက်သောက်သင့်တယ်ဆိုတာနဲ့ ပတ်သက်ပြီး မတူညီတဲ့အမြင်တွေ အများကြီးရှိပါတယ်။ ကျန်းမာရေး ကျွမ်းကျင်သူများက ၈ အောင်စ ဖန်ခွက် ၈ ခွက် သို့မဟုတ် ၂ လီတာ သောက်ရန် အကြံပြုလေ့ရှိပါတယ်။ ဒါ့အပြင် နေ့စဉ်စားသုံးတဲ့ အစားအစာ၊ အသီးအရွက်များမှလည်း ရေဓာတ်ကို ၂၀ % ခန့် ရရှိနိင်ပါတယ်။
💧ခန္ဓာကိုယ်မှာ ရေလိုရင် ဦးနှောက်က ရေဆာတဲ့ ဆန္ဒ ဖြစ်ပေါ်စေလို့ ရေသောက်ခြင်းဖြင့် ရေဓာတ်ဖြည့်ပေးရမှာဖြစ်ပါတယ်။လူတစ်ယောက်ရဲ့ ကျောက်ကပ်တစ်စုံကောင်းနေသမျှ ခန္ဓာကိုယ်ထဲမှာ ရေပိုသွားတယ်ဆိုတာ အရမ်းရှားပါတယ်။
💧ရေများများသောက်ရင် ခန္ဓာကိုယ်မှာ ရှိတဲ့ အန္တရာယ်ဖြစ်စေမဲ့ ပစ္စည်းတွေကို ဆီးနဲ့အတူစွန့်ပစ်တာကြောင့် ရေများများသောက်ခြင်းဟာ အသက်ရှည် ကျန်းမာခြင်းရဲ့လာဘ်ကြီးတစ်ပါးလို့တောင်တင်စားခေါ်ဝေါ်ကြပါတယ်။
💧ရေသောက်ခြင်းရဲ့ အကျိုးကျေးဇူးတွေကိုတော့ အောက်က ပုံလေးမှာ တစ်ချက်ခြင်းဖတ်ကြည့်ပေးပါအုံး။

07/03/2022

✅သိထားသင့်တဲ့ Glycemic Index အကြောင်း

🔸Glycemic Index ဆိုတာ အစားအစာတစ်ခုစားလိုက်ရင် သွေးထဲမှာ ဂလူးကို့စ် (Glucose) ဘယ်လောက်တက်သွားလဲဆိုတာပြတဲ့ အတိုင်းအတာတစ်ခုဖြစ်ပါတယ်။
🔸ကာဗိုဟိုက်ဒြိတ်ပါတဲ့အစားအစာတွေကိုတိုင်း တာဖြစ်ပြီး အသားနဲ့ အဆီကတော့ သွေးတွင်း ဂလူးကို့စ် (Glucose) ကို ပြောပါ့လောက်အောင်မတက်တာမို့လို့ ထည့်မတွက်ပါဘူး။
🔸Glycemic Index နည်းတဲ့ အညိုရောင် ဆန် (Brown Rice) လိုမျိုး Whole Grain ဟာ အစာခြေဖျက်နှုန်း ရောသွေးတွင်းဂလူးကို့စ် (Glucose) တက်တာရောနှေးစေပြီး အချိုရည်နဲ့ ပေါင်မုန့်လို Glycemic Index များတဲ့အစားအစာကျတော့ အစာခြေဖျက်နှုန်းလည်းမြန် သွေးတွင်းဂလူးကို့စ်တက်တာလည်းမြန်မြန်ဖြစ်စေပါတယ်။
🔸သွေးတွင်း ဂလူးကို့စ် တက်လာတာနဲ့ အမျှ ခန္ဓာကိုယ်ကနေ ထိန်းညှိပေးဖို့ အင်ဆူလင်(Insulin) လို့ခေါ်တဲ့ ဟော်မုန်းတစ်မျိုးကိုထုတ်ပေးရပါတယ်။ သွေးတွင်းဂလူးကို့စ်မြန်မြန်တက်လေ အင်ဆူလင် များများထုတ်ပေးရလေဖြစ်ပါတယ်။
🔸Glycemic Index များတဲ့ အစားအစာတွေဟာ သွေးတွင်း ဂလူးကို့စ်မြန်မြန်တက်သလိုပြန်ကျတာလဲမြန်တဲ့အတွက် ဗိုက်အဆာမြန်ပြီးစားသောက်မှုလွန်ကဲခြေရှိပါတယ်။
❗️Glycemic Index နည်းတဲ့ အစားအစာတွေဟာကျန်းမာရေးနဲ့ ပိုညီညွတ်ပါသလား❓
✅Glycemic Index များတဲ့ အစားအစာတွေဟာ ကျန်းမာရေးနဲ့ မညီညွတ်သလို Glycemic Index နည်းတဲ့ အစာ အားလုံးဟာလဲကျန်းမာရေးနဲ့ ညီညွတ်တယ်လို့ပြောလို့မရနိင်ပါဘူး။ ဥပမာ- ဖရဲသီးဟာ ချောကလက် ကိတ်ထပ် Glycemic Index ပိုနည်းပါတယ်။
✅ဒါ့အပြင် အသားဓာတ်နဲ့ အဆီဓာတ်ပါတဲ့ အစားအစာတွေဟာ ခန္ဓာကိုယ်ကနေ ကာဗိုဟိုက်ဒြိတ်စုပ်ယူတာနှေးတာမို့လို့ Glycemic Index နည်းပါတယ်။ ဥပမာ- အာလူးကြော် ဟာ ဆီမပါဘဲချက်ထားတဲ့ အာလူးထက် Glycemic Index နည်းတာတွေ့ရပါတယ်
✅Glycemic Index နည်းတဲ့ အစားအစာတွေပဲစားခြင်းဟာ ကျန်းမာရေးကို အထောက်အကူမပြုနိင်ပါဘူး။
❗️Glycemic Index နည်းတဲ့အစားအစာတွေဟာခန္ဓာကိုယ်အလေးချိန်ကျဖို့ကူညီပေးနိင်ပါသလား❓
✅Glycemic Index နည်းတဲ့ အစားအစာတွေဟာ သွေးတွင်းဂလူးကို့စ် တက်တာနှေးတဲ့အပြင် ပြန်ကျရင်လဲ နှေးတဲ့အတွက်ကြောင့် အချိန်ကြာကြာအဆာခံနိင်အောင်ကူညီပေးနိင်ပါတယ်။
✅အစာစားချင်စိတ်ကို ထိန်းချုပ်ရန် ကူညီပေးနိုင်ပေးနိင်တာကြောင့် ကိုယ်အလေးချိန်လျှော့ချရန် ကြိုးစားနေပါက အသုံးဝင်နိုင်ပါတယ်။
✅ အပေါ်မှာ ပြောခဲ့သလို ပဲ Glycemic Index နည်းတဲ့ အစားအစာအားလုံးဟာ ကျန်းမာရေးနဲ့ ညီညွတ်တယ်လို့ပြောလို့မရနိင်ကြောင့် Glycemic Index တစ်ခုတည်းနဲ့ ဆုံးဖြတ်ခြင်းဟာ ယုံကြည်စိတ်ချရသော နည်းလမ်းမဟုတ်ပါ။
❗️ဆီးချိုရောဂါရှိသူများ Glycemic Index အကြောင်း သိထားသင့်ပါသလား❓
✅Glycemic Index နည်းတဲ့ အစားအစာတွေဟာ သွေးတွင်း ဂလူးကို့စ် ကိုထိန်းပေးနိင်တာကြောင့် ဆီးချိုရောဂါရှိသူများအနေဖြင့် သိထားရန်လိုအပ်ပါတယ်။
✅သို့မှသာ ဘယ်အစားအစာတွေက သွေးတွင်းဂလူးကို့စ်တက်စေလည်းဆိုတာသိပြီး အစားအစာတွေကိုမှန်ကန်စွာရွေးချယ်စားသောက်နိင်မှာဖြစ်ပါတယ်။

Photos credit-Internet

04/03/2022

နေ့စဉ်စားသုံးနေတဲ့ အစားအစာတွေမှာ Trans fat ပါနေတယ်ဆိုသင်သိပါသလား‼️
Trans fat ဆိုတာမြန်မာလိုဖွင့်ဆိုရင်တော့ အသွင်ပြောင်းဆီ လို့ အဓိပ္ပါယ်ရပါတယ်။

📝အာဟာရ အုပ်စု (၃) ခုတွင်တခုအပါအဝင်ဖြစ်သော အဆီ ဟာ လူသားတို့၏ခန္ဓာကိုယ်တွင် အရေးကြီးသော အခန်းကဏ္ဍများတွင်ပါဝင်ဆောင်ရွက်နေသော်လည်း တန်ဆေးလွန်ဘေး ကဲ့သို့ စနစ်တကျမစားသုံးဘဲ များများစားသုံးမိလျှင် အဝလွန်ခြင်းနှင့် နောက်ဆက်တွဲရောဂါများဖြစ်ပေါ်နိင်ပါတယ်။
❇️စားသုံးနေတဲ့အဆီတွေကို ပြည့်ဝဆီ(saturated fat)၊မပြည့်ဝဆီ(unsaturated fat)၊ trans fat ( အသွင်ပြောင်းဆီ) ဆိုပြီးခွဲထားပါတယ်။
❇️ပြည့်ဝဆီ (saturated fat)မှာပါဝင်သော fatty acid ဟာ hydrogen molecules များနှင့်အချင်းချင်းသိပ်သည်းစွာနီးကပ်နေကျသဖြင့် အခန်းအပူချိန်မှာပင် အစိုင်အခဲအဖြစ်တည်ရှိနေနိင်ပါတယ်။ ဥပမာအားဖြင့် တိရစ္ဆာန်အဆီ၊ ထောပတ်(Butter),နို့(Milk)။
❇️မပြည့်ဝဆီ(unsaturated fat) ကတော့ ၄င်းတွေပါဝင်သော molecules များအချင်းချင်း သိပ်သည်းစွာကပ်ထားခြင်းမရှိသောကြောင့်အများစုဟာ အခန်းအပူချိန်မှာ အရည် အဖြစ်တည်ရှိပါတယ်။
❇️omega 3 fatty acid ဟာ ကျွန်ုပ်တို့၏ကျန်းမာရေးအတွက် မရှိမဖြစ်လိုအပ်ပြီး ခန္ဓာကိုယ်မှ မထုတ်ပေးနိင်တဲ့အတွက် ငါးများ၊အစေ့အစံများ၊ဟင်းသီးဟင်းရွက်ဆီများပါဝင်သောအစားအစာများမှတစ်ဆင့် စားသုံးရန် လိုအပ်ပါတယ်။
❇️သဘာဝအတိုင်းတွေ့ရသော သံလွင်ဆီ၊ အခွံမာအသီး နှင့် ထောပါတ်သီး တို့တွင်လည်းမပြည့်ဝဆီများပါဝင်ပါတယ်။
❇️လူတို့ဖန်တီးပြုလုပ်ထားသော အသင့်စားအစားအစာများ၊ စားအုံးဆီကဲ့သို့အဆီများ၊ ထပ်ခါ ထပ်ခါပြန်ကြော်ထားအဆီ နှင့် ထိုအဆီနဲ့ ပြန်ကြော်ထားသောအဆီများဟာ trans fat ဟု အဓိပ္ပါယ်ရသော အသွင်ပြောင်းဆီများဖြစ်ကြပါတယ်။
❇️အသွင်ပြောင်းဆီ (trans fat)ဟာ ခန္ဓာကိုယ်ထဲရှိ ကောင်းတဲ့ ကိုလက်စထရော HDL ကို ကျစေတဲ့အပြင် မကောင်းတဲ့ ကိုလက်စထရော LDL ကိုပါတက်လာစေသောကြောင့်နောက်ဆက်တွဲဆိုးကျိုးအနေနဲ့ သွေးကြောကျဉ်းရောဂါ၊ နှလုံးရောဂါ၊ သွေးတိုးရောဂါ အပြင် လေဖြတ်လေငန်းရောဂါအထိဖြစ်စေနိင်ပါတယ်။
❇️ပြည့်ဝဆီ (saturated fat)ကတော့ မကောင်းတဲ့ ကိုလက်စထရော LDLကိုသာတက်စေပြီး ကောင်းတဲ့ ကိုလက်စထရော HDL ကိုတော့ကျစေခြင်းမရှိတာကြောင့် သင့်တင့်မျှတအောင်စားသုံးနိင်ပါတယ်။
❇️Trans fat ကိုဘယ်လိုရှောင်ရှားကြမလဲ❔
🔹ဆီကြော်မုန့်များအလွန်အကျွန်စားသုံးခြင်းမှရှောင်ရှားပါ။
🔹အသင့်စားအစားအစာများစားသုံးခြင်းအားလျော့ချပါ။
🔹Super market များတွေ ရှိသောအသင့်စားအစားအစာများ၏ အာဟာရတန်ဖိုးပြဇယား ( Nutrition label) ကိုဖတ်ကြည့်ပါ။ trans fat ပါဝင်မှု ပမာဏများနေလျှင်မစားသင့်ပါ။ trans fat ပါဝင်မှု ပမာဏ 0 gram ဟုရေးထားရင်တောင် တတ်နိင်သလောက် စားသုံးခြင်းမှ ရှောင်ကြဉ်ပါ။

❇️နောက်ဆုံးအနေနဲ့ကျန်းမာတဲ့စားသုံးမှုအလေ့အကျင့်ရအောင်-
🔹 မပြည့်ဝဆီ (unsaturated fat)ကို စိတ်ချယုံကြည်စွာစားသုံးပါ။
🔹ပြည့်ဝဆီ (saturated fat)စားသုံးမှုကို ကန့်သတ်ပါ။
🔹အသွင်ပြောင်းဆီ (trans fat)ကိုတော့ လုံးဝ စားသုံးခြင်းမှ ရှောင်ရှားပါ။

28/02/2022

Fiber လို့ ခေါ်တဲ့ အမျှင်ဓာတ်အကြောင်း

📌အမျှင်ဓာတ်ဟာ ကာဗိုဟိုက်ဒြိတ်တစ်မျိုးဖြစ်ပြီး အစားအသောက်တစ်ခုရဲ့အရေးကြီးသော အစိတ်အပိုင်းတစ်ခုလည်းဖြစ်ပါတယ်။ အမျှင်ဓာတ်ကို soluble fiber(ရေမှာပျော်ဝင်နိင်သောအမျှင်ဓာတ်) နဲ့ insoluble fiber(ရေမှာမပျော်ဝင်နိင်သောအမျှင်ဓာတ်) ဆိုပြီး ၂ မျိုးခွဲခြားနိင်ပါတယ်။
📌 အမျှင်ဓာတ်များသော အစားအစာများစားသုံးခြင်းဟာ ဝမ်းမှန်၊ ဝမ်းပျော့စေပြီး အူလမ်းကြောင်းကျန်းမာရေးကို ထိန်းသိမ်းပေးနိုင်ခြင်းစသော အကျိုးကျေးဇူးများရရှိနိင်ပါတယ်။
📌 အစေ့အဆန်များ၊ သစ်သိီးများနဲ့ အသီးအရွက်များဟာ အမျှင်ဓာတ်ကြွယ်ဝသောအစားအစာများဖြစ်ပါတယ်။
📌အမျှင်ဓာတ်ပါဝင်တဲ့အစားအစာတွေရဲ့ကျန်းမာရေး အကျိုးကျေးဇူးတွေကိုတော့ အောက်ကပုံမှာ ဆက်လက်ကြည့်ရှုနိင်ပါတယ်။

23/02/2022

အဆီစားပေးပါ❗️
----------------

🔹အဆီလို့ပြောလိုက်တာနဲ့ လူတော်တော်များများက ဆီကြော်မုန့်နဲ့ ဗိုက်ခေါက်ကအဆီကိုပဲပြေးမြင်မိကြမှာပါ။တကယ်တော့အဆီဓာတ်ဟာ ဦးနှောက်နဲ့အာရုံကြော အဖွဲ့အစည်းများကိုကူညီပံ့ပိုးစောင့်ရှောက်ပေးဖို့လိုအပ်ပါတယ်။
🔹The American Heart Association(AHA) က လူတစ်ဦးအတွက် တစ်ရက်တာလိုအပ်တဲ့ စွမ်းအင်ပမာဏရဲ့ ၂၀% မှ ၃၅% ကိုအဆီဓာတ်မှရယူသုံးစွဲဖို့အကြံပြုထားပါတယ်။
🔹အဆီဓာတ်ရဲ့အကျိုးကျေးဇူးတွေကတော့
1️⃣ အသက်ရှင်သန်ရန်နဲ့ သွားလာလှုပ်ရှားရန်စွမ်းအင်ကိုပေးခြင်း
2️⃣ စွမ်းအင်ကိုသိုလှောင်နိင်ခြင်း
3️⃣ ခန္ဓာကိုယ် ဆဲလ်(Cells) များတည်ဆောက်ရာတွင်လိုအပ်ခြင်း
4️⃣ အဆီတွင်ပျော်ဝင်နိင်သော ဗီတာမင် အေ၊ဒီ၊အီး၊ကေ များရရှိနိင်ရန်လိုအပ်ခြင်း
5️⃣ ခန္ဓာကိုယ်ဖွံ့ဖြိုးကြီးထွားမှု အတွက်အဓိကလိုအပ်သော ပရိုတင်း(Protein)ရဲ့လုပ်ငန်းကို ကူညီပေးနိင်ခြင်း စတဲ့ အကျိုးကျေးဇူးတွေရရှိနိင်ပါတယ်။
🔹တိရစ္ဆာန် အဆီ၊ စားအုန်းဆီ၊ ထောပတ်(butter) ကဲ့သို့ ပြည့်ဝဆီ (Saturated Fat) များစာသုံးခြင်းကို လျှော့ချပြီး မပြည့်ဝဆီ(Unsaturated Fat) ပါဝင်တဲ့ မြေပဲဆီ၊ သံလွင်ဆီ၊နေကြာဆီ၊ထောပါတ်သီး စတဲ့ ကျန်းမာရေးနဲ့ညီညွတ်သော အဆီများကို အစားထိုးသုံးစွဲခြင်းဟာကျန်းမာရေးအတွက်ပိုမိုအထောက်အကူပြုပေးနိင်မှာဖြစ်ပါတယ်။

19/02/2022

Covid ကာလမှာ ကိုယ်ခံအားပြည့်ဝအောင်ဘာတွေစားသုံးသင့်လဲ❓

🔹အာဟာရဟာ လူတစ်ဦးရဲ့ ကိုယ်ခံအားစနစ်ကို ပံ့ပိုးပေးရာမှာ အမြဲပါဝင်နေပါတယ်။ကျန်းမာရေးနဲ့ ညီညွတ်တဲ့ စားသောက်မှုဟာ Covid ရောဂါဖြစ်ပွါးခြင်းနဲ့ ရောဂါ လက္ခဏာတွေကို တိုက်ရိုက် လျော့ချပေးနိုင်တဲ့ ခိုင်လုံတဲ့ အထောက်အထား မရှိသေးသောလည်း ကျန်းမာစွာစားသောက်ခြင်းနဲ့ မျှတသော ကိုယ်ခံအားစနစ်၊ အားကောင်းသော ကိုယ်ခံအားစနစ်ရှိခြင်းတို့ကရောဂါကို တိုက်ဖျက်ရာတွင် အထောက်အကူဖြစ်စေသော ခိုင်မာတဲ့ ဆက်စပ်မှုတော့ရှိပါတယ်။
🔹ကိုယ်ခံအားစနစ်အားကောင်းအောင်ဘာတွေစားမလဲ❓
1️⃣ဗီတာမင် စီ ကြွယ်ဝသောအစားအစာများ
ဗီတာမင် စီ ဟာ ခုခံအားစနစ်ကို ပျက်စီးစေသော အန္တရာယ်ရှိတဲ့ မော်လီကျူးများကို တိုက်ခိုက်သည့် antioxidant ဖြစ်ပြီးကိုယ်ခံအားစနစ် ကို မြှင့်တင်ပေးနိုင်သော ဓာတ်တမျိုးဖြစ်ပါတယ်။
ဥပမာ အချဉ်ဓာတ်ပါသောအသီးများ🍋🍏၊ ကီဝီ🥝၊ broccoli 🥦 ၊ strawberries 🍓 စတဲ့ အစားအစာများ
2️⃣ဗီတာမင် အီး ကြွယ်ဝသောအစားအစာများ
ဗီတာမင် အီး ဟာ ဗီတာမင် စီ ကဲ့သို့ ခုခံအားစနစ်ကို ပျက်စီးစေသော အန္တရာယ်ရှိတဲ့ မော်လီကျူးများကို တိုက်ခိုက်သည့် antioxidant တစ်မျိုးဖြစ်ပါတယ်။
ဥပမာ မြေပဲ🥜၊ ထောပါတ်သီး 🥑 နဲ့ ဟင်းနုနွယ် အစရှိတဲ့ အစားအစာများ
3️⃣ဇင့်ဓာတ်ကြွယ်ဝသောအစားအစာများ
ဇင့်ဟာ ကိုယ်ခံအားစနစ်ရဲ့ ဆဲလ်အမျိုးမျိုးတည်ဆောက်ရာမှာ အရေးကြီးသော အခန်းကဏ္ဍမှ ပါဝင်ပါတယ်။ ဇင့်ဓာတ်ချို့တဲ့သူတွေဟာ ရောဂါများ ကူးစက်နိုင်ခြေ ပိုများတယ်လို့ သုတေသနပြုချက်တွေအရ သိရပါတယ်။
ဥပမာ အသားငါး🍗🦪🥩၊ ပဲအမျိုးမျိုး နဲ့ ဟင်းသီးဟင်းရွက်များ🥗
4️⃣ဗီတာမင် အေ ကြွယ်ဝသောအစားအစာများ
ဗီတာမင် အေဟာ ခုခံအားစနစ်ကို အထောက်အကူပြုသောဓာတ်ဖြစ်ပြီး antioxidant တစ်မျိုးလဲဖြစ်ပါတယ်။
ဥပမာ ကန်စွန်းဥ🍠၊ မုန်လာဥနီ🥕၊ သင်္ဘောသီး
4️⃣အသားဓာတ်ကြွယ်ဝသောအစားအစာများ
ကိုယ်ခံအားစနစ်ရဲ့ဆဲလ်များ အလုပ်လုပ်ဆောင်ရန် ပရိုတင်းကို မှီခိုအားကိုးရသလို ကိုယ်ခံအားစနစ်နဲ့ ခန္ဓာကိုယ်အား ကျန်းမာသန်စွမ်းအပြီး အလုပ်လုပ်နိုင်စေရန်အတွက် အသားဓာတ်ပမာဏကို လိုလောက်အောင် ထိန်းသိမ်းရန် အရေးကြီးပါတယ်။
ဥပမာ အသားငါး🥩🍖၊ ကြက်ဥ🥚 နဲ့ ပဲအမျိုးမျိုး
🔹အပေါ်မှာဖော်ပြထားတဲ့ ကိုယ်ခံအားစနစ်မြှင့်တင်ပေးနိင်သောအစားအစာများအပြင် အဓိကအာဟာရ ၃ မျိုးကို ကျန်းမာရေးနဲ့ ညီညွတ်မျှတစွာစားသုံးမယ်၊ junk foods များ၊ အသင့်စား အစားအစာများစားခြင်းမှ လည်းရှောင်ကြဉ်မယ် ဆိုရင် ရောဂါများ တိုက်ထုတ်ရာမှာ အထောက်အကူပြုမှာဖြစ်ပါတယ်။
🔹နောက်ဆုံးအရေးကြီးဆုံးကတော့ ဘယ်သွားသွား mask 😷 တပ်ပါ၊ လူစုလူဝေးနေရာများသွားခြင်းမှ ရှောင်ပါ၊ လက် ဆေးပါ၊ တစ်ဦးနဲ့ တစ်ဦး ခပ်ခွါခွါနေပါ၊ အိပ်ရေးဝအောင်အိပ်ပါ၊ ရေများများသောက်ပါ၊ ကိုယ်လက် လေ့ကျင့်ခန်းလုပ်ပါ၊ ဝိတ်ချနေသူများလဲ ကျန်းမာစွာဝိတ်ချပါ။

16/02/2022

Protein(အသားဓာတ်)ကခန္ဓာကိုယ်အတွက်ဘာတွေဆောင်ရွက်ပေးလဲ❓

✅အသားဓာတ်လို့ခပ်လွယ်လွယ်ခေါ်ကြတဲ့ Protein ဟာ အသားငါး၊ ဥအမျိုးမျိုး၊ နို့နှင့်နို့ထွက်ပစ္စည်းများ(Animal Based Protein)မှသာ ရရှိနိင်တာမဟုတ်ဘဲ အသီးအနှံများနဲ့ ပဲအမျိုးမျိုး(Plant Based Protein)ကလည်းရရှိနိင်ပါတယ်။
✅Protein(အသားဓာတ်)ကို Amino Acid အမျိုးပေါင်း ၂၀ နဲ့ ဖွဲ့စည်းထားကာ Essential Amino Acid နဲ့ Non Essential Amino Acid ဆိုပြီး Amino Acid ကို ၂ မျိုးခွဲထားပါတယ်။
✅Essential Amino Acid ဆိုတာကတော့ ခန္ဓာကိုယ်အတွင်းမှ ကိုယ်တိုင်ထုတ်လုပ်နိင်စွမ်းမရှိတာကြောင့် ပြင်ပ အစားအစာများမှသာရရှိနိင်မှာဖြစ်ပါတယ်။
✅ဒုတိယအမျိုးအစား Non Essential Amino Acid ကတော့ ခန္ဓာကိုယ်အတွင်းမှာတည်ဆောက်နိင်စွမ်းရှိကြပါတယ်။
✅Protein (အသားဓာတ်) ဟာ ခန္ဓာကိုယ်အတွက်အရေးကြီးသော လုပ်ငန်း များကို ပြုလုပ်ပေးလျက်ရှိပါတယ်။ ဘာတွေဆောင်ရွက်ပေးလဲဆိုတာ အောက်က ပုံမှာ ကြည့်ရှုပေးပါ။

Eat to be fit by Dr.Zaw

06/04/2022

30/03/2022

25/03/2022

19/03/2022

15/03/2022

11/03/2022

07/03/2022

04/03/2022

28/02/2022

23/02/2022

19/02/2022

16/02/2022

Address

Website

Alerts

Contact The Business

Shortcuts

Share

Category