Myathida physiotherapy and rehab clinic

06/06/2026

🦶 𝐅𝐥𝐚𝐭 𝐅𝐨𝐨𝐭 လို့ခေါ်တဲ့ “ခြေဖဝါးပြားခြင်း” ဆိုတာ ဘာလဲ။

ပုံမှန်အားဖြင့်တော့ ကျွန်မတို့ရဲ့ ခြေဖဝါးအလယ်မှာ ခွက်နေတဲ့ Arch အကွေးလေး ရှိရပါတယ်။ အဲဒီ Arch မရှိဘဲ ခြေဖဝါးတစ်ပြင်လုံး မြေပြင်နဲ့ထိကပ်နေတာကို Flat Foot လို့ ခေါ်ပါတယ်။ ဒါက ကလေးတွေမှာတင်မကဘဲ လူကြီးတွေမှာပါ တွေ့ရတတ်ပါတယ်ရှင်။

🔎 Flat Foot ဖြစ်ရတဲ့ အကြောင်းရင်းတွေကတော့
- မွေးရာပါ ခြေဖဝါးအကွေး (Arch) မဖွံ့ဖြိုးတာ
- အဆစ်နဲ့အရွတ်တွေ လျော့ရဲတာ
- အဝလွန်တာ
- ခြေချင်းဝတ် ဒဏ်ရာရဖူးတာ
- အဆစ်အမြစ်ရောင်ရောဂါရှိတာတွေအပြင်
- အကြာကြီးမတ်တပ်ရပ်အလုပ်လုပ်ရတာနဲ့
- ကိုယ်နဲ့ မသင့်တော်၊ မကိုက်ညီတဲ့ ဖိနပ်တွေအစီးများတာတွေကြောင့် ဖြစ်တတ်ပါတယ်။
မကုသဘဲထားမယ်ဆိုရင်တော့ ခြေဖဝါးနဲ့ဖနောင့်နာတာတွေအပြင် ဒူးနာ၊ ခါးနာတာတွေကိုပါခံစားရလာနိုင်ပြီး၊ ခဏခဏ ချော်လဲတာနဲ့ လမ်းလျှောက်ပုံစံ မမှန်တော့တာတွေပါ ဖြစ်လာနိုင်ပါတယ်။

💪 ဒီအတွက် အိမ်မှာတင်ပဲ ပြုလုပ်နိုင်မယ့် ထိရောက်တဲ့ လေ့ကျင့်ခန်း (၃) မျိုးကိုလည်း မြသီတာဆေးခန်းကဖော်ပြပါရစေ။
𝟏. 𝐓𝐨𝐰𝐞𝐥 𝐂𝐮𝐫𝐥 𝐄𝐱𝐞𝐫𝐜𝐢𝐬𝐞
သဘက်တထည်ကို ကြမ်းပြင်မှာခင်းပါ။ အဲဒီ့သဘက်ကို တဖက်ခြင်းစီရဲ့ ခြေချောင်းလေးတွေနဲ့ ကုပ်ယူပြီးဆွဲပေးပါ။ တခါလုပ်ရင် ၁၀ကြိမ်ကနေ ၁၅ကြိမ်ခန့်ကို တရက်ကို ၂ခါ ပြုလုပ်လို့ရပါတယ်။
𝟐. 𝐇𝐞𝐞𝐥 𝐑𝐚𝐢𝐬𝐞 𝐄𝐱𝐞𝐫𝐜𝐢𝐬𝐞
ခြေဖနောင့် ၂ဖက်ကိုအပေါ်ကိုကြွပြီး ပြန်ချပေးပါ။ ခြေဖျားထောက်တဲ့သဘောပါပဲ။ အဲဒီ့လိုမျိုးလုပ်တာက ခြေသလုံးကြွက်သားတင်းတာကို လျှော့ချပေးပါတယ်။ သူ့ကိုလည်း တခါလုပ်ရင် ၁၀ကြိမ်ကနေ ၁၅ကြိမ်ခန့်ကို တရက်ကို ၂ခါ ပြုလုပ်ပေးပါ။
𝟑. 𝐓𝐨𝐞𝐬 𝐏𝐢𝐜𝐤-𝐮𝐩
ခြေချောင်းလေးတွေနဲ့ ပစ္စည်းသေးသေးလေးတွေကို ကောက်ယူကြည့်ရမှာပါ။ ဒါက ခြေချောင်းကြွက်သားတွေကို ပိုသန်မာစေပြီးတော့ ဟန်ချက်ထိန်းနိုင်စွမ်း (Coordination) ကိုကောင်းမွန်စေပါတယ်ရှင်။ ကြုံရင်ကြုံသလို ကောက်ယူလေ့ကျင့်ကြည့်နိုင်ပါတယ်။

ဆောင်ရန်၊ ရှောင်ရန်နဲ့ ကုသမှုတွေကိုလည်း ပြောပြပါရစေ။
✅ လိုက်နာဖို့လိုအပ်တာတွေက
- Arch Support ပါတဲ့ဖိနပ် ဒါမှမဟုတ် အောက်ခံသားအိတဲ့ဖိနပ်တို့ကို စီးပါ။
- ကိုယ်အလေးချိန်ကို ထိန်းညှိပြီး နေ့စဉ် လေ့ကျင့်ခန်းပုံမှန်လုပ်ပါ။

❌ ရှောင်ကြဉ်ရမှာတွေကတော့
- တသားတည်းပါးတဲ့ ဖိနပ်အပါး (Slippers) နဲ့ ဒေါက်မြင့်ဖိနပ်တွေ စီးတာရှောင်ပေးပါ။
- အချိန်ကြာမြင့်စွာ မတ်တပ်ရပ်တာကိုလည်းရှောင်သင့်ပါတယ်။

✨𝐏𝐡𝐲𝐬𝐢𝐨𝐭𝐡𝐞𝐫𝐚𝐩𝐲 𝐓𝐫𝐞𝐚𝐭𝐦𝐞𝐧𝐭 တွေအနေနဲ့တော့ 𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄 မှာ ခြေဖဝါး Arch သန်မာစေမယ့် လေ့ကျင့်ခန်းတွေ၊ နာကျင်တာတွေအတွက် ခေတ်မီစက်ကိရိယာတွေနဲ့ ကုသပေးမှုတွေနဲ့အတူ Parallel Bar သုံးပြီး လမ်းလျှောက်ပုံစံ မှန်ကန်အောင် လေ့ကျင့်ပေးတာတွေကို စနစ်တကျ ပြုလုပ်ပေးနေပါတယ်ရှင်။

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

31/05/2026

📱 ဂုတ်နာခြင်း 𝐍𝐮𝐜𝐡𝐚𝐥 𝐏𝐚𝐢𝐧 နဲ့ သတိထားရမယ့် လက္ခဏာများ

ခေါင်းအောက်ခြေ ဆံပင်အဆုံးပိုင်းကနေ လည်ပင်းနောက်ဘက်နဲ့ ပုခုံးအပေါ်ပိုင်းအထိ နာကျင်မှုကို ဂုတ်နာခြင်း 𝐍𝐮𝐜𝐡𝐚𝐥 𝐏𝐚𝐢𝐧 လို့ ခေါ်ပါတယ်။

💥 ခံစားရတတ်သော လက္ခဏာတွေကတော့
- လည်ပင်းကြွက်သားတွေ တင်းမာနေတာ
- ခေါင်းလှည့်ရခက်တာ
- ခေါင်းကိုငုံ့တဲ့အခါနဲ့ မော့တဲ့အခါတွေမှာ နာကျင်တာ
- ပုခုံးနဲ့ကျောအပေါ်ပိုင်းအထိ ပြန့်ပြီးနာတာတွေနဲ့
- တချို့လူတွေမှာ Headache ခေါင်းကိုက်တာနဲ့ အတူတူတွဲပြီးပါ ဖြစ်နိုင်ပါတယ်။

➡️ ဘာကြောင့် ဂုတ်နာရသလဲဆိုရင်တော့
၁။ Text Neck လို့ခေါ်တဲ့ ဖုန်းနဲ့ ကွန်ပျူတာကို ခပ်ကြာကြာ ငုံ့ကြည့်ပါများတာ
၂။ အိပ်စက်မှုပုံစံအရ ခေါင်းအုံး မြင့်လွန်း၊ နိမ့်လွန်းခြင်းနဲ့ အိပ်ရာအနေအထားမမှန်တာတွေ
၃။ စိတ်ဖိစီးမှုကြောင့် လည်ပင်းကြွက်သားတွေ အလိုအလျောက် တင်းမာနေတာ
၄။ ကျန်းမာရေးအခြေအနေအရလည်း လည်ပင်းကျီးပေါင်းရောဂါ (Cervical Spondylosis) ရှိနေတာတွေအပြင်
၅။ ပတ်ဝန်းကျင်အနေအထားအရ အေးလွန်းတဲ့နေရာမှာ ကြာကြာနေရတာတွေကြောင့် ဖြစ်တတ်ပါတယ်။

⚠ တခါတလေနာကျင်တာက ကိစ္စမရှိပေမယ့် ဂုတ်နာခြင်းနဲ့အတူ အောက်ပါလက္ခဏာများ တွဲဖြစ်လာရင်တော့ ဆရာဝန်နဲ့ အမြန်ဆုံး ပြသသင့်ပါတယ်။
- ဖျားပြီး လည်ပင်း တင်းခဲနေတာမျိုး
- ခေါင်းအရမ်းကိုက်တာ၊ ခေါင်းအရမ်းမူးလာတာမျိုးနဲ့
- လက်မောင်းတွေပါ ထုံကျင်ပြီး အားနည်းလာတာမျိုးဆိုရင် မပေါ့ဆသင့်ပါဘူးရှင်။

🏥 Physiotherapy နဲ့ ကုသနိုင်တဲ့ နည်းလမ်းတွေအနေနဲ့ဆိုရင်တော့ 𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄 မှာ စနစ်တကျ ကုသပေးနေပါတယ်။ ဒီကုသနည်းတွေကတော့
- 𝐇𝐞𝐚𝐭 𝐓𝐡𝐞𝐫𝐚𝐩𝐲 အပူပေးကုသခြင်းနဲ့ ကြွက်သားတင်းမာမှုတွေကို လျှော့ချပေးတဲ့ ကုသမှု
- 𝐒𝐭𝐫𝐞𝐭𝐜𝐡𝐢𝐧𝐠 𝐄𝐱𝐞𝐫𝐜𝐢𝐬𝐞 အကြောလျှော့ လေ့ကျင့်ခန်းတွေကို ပြုလုပ်စေတဲ့ လေ့ကျင့်ကုသပေးမှု
- 𝐏𝐨𝐬𝐭𝐮𝐫𝐞 𝐂𝐨𝐫𝐫𝐞𝐜𝐭𝐢𝐨𝐧 လည်ပင်းနဲ့ ခန္ဓာကိုယ်နေထိုင်မှုပုံစံကို မှန်ကန်အောင် ပြင်ဆင်ပေးတဲ့ သင်ကြားကုသမှု
- 𝐍𝐞𝐜𝐤 𝐒𝐭𝐫𝐞𝐧𝐠𝐭𝐡𝐞𝐧𝐢𝐧𝐠 လည်ပင်းကြွက်သားတွေ သန်မာစေဖို့ လေ့ကျင့်ခန်းတွေနဲ့ ကူညီကုသပေးမှုတွေပဲဖြစ်ပါတယ်။

ဒါကြောင့်လည်ပင်းနဲ့ ဂုတ်နာကျင်မှုတွေကြောင့် နေရမခက်စေရဖို့ မြသီတာဆေးခန်းရဲ့ထိရောက်တဲ့ကုသမှုတွေကို ရယူနိုင်ပါပြီရှင်။

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

22/05/2026

🦵 Total Knee Replacement (TKR) နဲ့ ဒူးခွဲစိတ်ပြီးနောက် ပြန်လည်သန်စွမ်းရေး

Total Knee Replacement (TKR) ဆိုတာ ဒူးအဆစ် ပြင်းပြင်းထန်ထန် ပျက်စီးနေသူတွေအတွက် ဒူးအဆစ်အတု (Prosthesis) နဲ့ အစားထိုးကုသတာ ဖြစ်ပါတယ်။

ဘယ်လိုလူနာတွေ TKR ခွဲစိတ်ဖို့ လိုအပ်သလဲဆိုရင်
- ဒူးအဆစ် ပြင်းပြင်းထန်ထန် ပျက်စီးပြီး နာကျင်မှု မသက်သာသူတွေ
- ဆေးသောက်တာ၊ ဆေးထိုးတာနဲ့ Physical Therapy ကုသမှုတွေနဲ့တောင် မသက်သာတော့တဲ့သူတွေ
- ဒူးပုံသဏ္ဍာန် သိသိသာသာ ပြောင်းလဲသွားသူတွေ (ဥပမာ - ဒူးမဆန့်နိုင်တာနဲ့၊ Bow Leg ,Knock Knee တို့ဖြစ်တာ)
- ဒူးလှုပ်ရှားနိုင်မှု နည်းပါးလွန်းလို့ လမ်းလျှောက်ဖို့ ခက်ခဲသူတွေဖြစ်ပါတယ်။

⚠️အမေးများဆုံးကတော့ ခွဲစိတ်ပြီးရင် ချက်ချင်း ပြန်ကောင်းသွားတာလားဆိုတာပါ။
အဖြေကတော့ ချက်ချင်းဆိုသလိုပြန်မကောင်းနိုင်ပါဘူး။ ခွဲစိတ်ပြီးနောက်ပိုင်းမှာ နာကျင်မှုနဲ့ ရောင်ရမ်းမှုတွေ ရှိနေတတ်သလို ဒူးလှုပ်ရှားမှုလည်း အပြည့်အဝ မရသေးပါဘူး။ ပုံမှန်အတိုင်း ပြန်လည်သန်စွမ်းဖို့အတွက် အနည်းဆုံး ၆ ပတ်ကနေ ၃ လ ခန့်အထိ အချိန်ယူပြီး Physiotherapy နဲ့ပတ်သက်တဲ့ လေ့ကျင့်ခန်းလုပ်ဖို့ လိုအပ်ပါတယ်။

ဒီလိုလုပ်ပေးခြင်းရဲ့အကျိုးကျေးဇူးတွေကတော့
1️⃣ Knee Stiffness - ဒူးဆစ်တောင့်တင်းမှုကို ကာကွယ်ဖို့
2️⃣ Range of Motion (ROM) - ဒူးကွေး၊ဆန့် လှုပ်ရှားမှု ပြန်လည်ရရှိဖို့
3️⃣ Muscle Strength: အားနည်းသွားတဲ့ ကြွက်သားတွေ ပြန်လည်သန်မာဖို့နဲ့
4️⃣ Normal Walking - ပုံမှန်အတိုင်း ယုံကြည်မှုရှိရှိ လမ်းပြန်လျှောက်နိုင်ဖို့တို့ဖြစ်ပါတယ်။
တကယ်လို့ လေ့ကျင့်ခန်းမလုပ်ဘူးဆိုရင်တော့ ဒူးဆစ်ခဲခြင်း၊ မကွေးနိုင်၊မဆန့်နိုင်ဖြစ်ခြင်းနဲ့ လမ်းလျှောက်တဲ့အခါ ခက်ခဲခြင်း စတဲ့နောက်ဆက်တွဲ ပြဿနာတွေ ဖြစ်နိုင်ပါတယ်။

☘️ မြသီတာဆေးခန်း မှာ TKR လူနာတွေအတွက် နာကျင်မှုကင်းကင်းနဲ့ ဒူးလှုပ်ရှားမှု ပြန်လည်ရရှိစေမယ့် CPM (Continuous Passive Motion) စက်အသစ်ကြီးရှိနေပါပြီ။ ဒီစက်အသစ်နဲ့အတူ ကျွမ်းကျင်တဲ့ Physiotherapist တွေရဲ့ ထိရောက်တဲ့ လေ့ကျင့်ခန်းကုထုံးတွေနဲ့စနစ်တကျ ပြန်လည်ကုသနိုင်ပြီဖြစ်ကြောင်းသတင်းကောင်းပါးလိုက်ရပါတယ်ရှင်။

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

13/05/2026

🧠 လေဖြတ်ပြီးနောက် Post-Stroke မှာ ပြန်လည်ကျန်းမာလာဖို့ Physiotherapy ရဲ့ အခန်းကဏ္ဍ

လေဖြတ်ခြင်း (Stroke) ဖြစ်ပြီးနောက်ပိုင်း ခန္ဓာကိုယ် လှုပ်ရှားမှု၊ ခြေလက်အားအင်နဲ့ စကားပြောဆိုမှုတွေ ထိခိုက်နိုင်ပါတယ်။ ဒီလိုအခြေအနေကနေ မူလအတိုင်း ပြန်လည်နီးစပ်လာအောင် Physiotherapy ကကူညီပေးနိုင်ပါတယ်။ ဒါတွေကတော့
- အားနည်းသွားတဲ့ ကြွက်သားတွေကို ပြန်လည်နိုးကြားလာစေပါတယ်။
- လှုပ်ရှားမှု (Mobility) တိုးတက်စေပြီး အဆစ်အမြစ်များ တောင့်တင်းခြင်းမှ ကာကွယ်ပေးပါတယ်။
- ဟန်ချက်ညီမှု (Balance)ကိုထိန်းညှိပေးလို့ လမ်းလျှောက်ရာမှာ ယိမ်းယိုင်ခြင်းမရှိအောင် လေ့ကျင့်ပေးပါတယ်။
- သူတစ်ပါး အကူအညီမပါဘဲ နေ့စဉ်လုပ်ငန်းတွေမှာ ကိုယ်တိုင်လှုပ်ရှားနိုင်အောင် ကူညီပေးပါတယ်။

🏃‍♀️ ထိရောက်တဲ့ လေ့ကျင့်ခန်း ကုထုံးတွေကတော့
၁။ Range of Motion Exercise - အဆစ်အမြစ်တွေ တောင့်တင်းခြင်း (Joint Stiffness) မဖြစ်အောင် ကာကွယ်ပေးပါတယ်။
၂။ Strengthening Exercise - အားနည်းသွားတဲ့ ကြွက်သားတွေကို ပြန်လည်သန်မာစေပြီး လှုပ်ရှားမှုတိုင်းမှာ အားရှိစေပါတယ်။
၃။ Balance Training - လမ်းလျှောက်ချိန် လဲကျမယ့်အန္တရာယ်ကို လျော့နည်းစေပြီး ယုံကြည်မှုရှိရှိ လမ်းလျှောက်နိုင်စေပါတယ်။
၄။ Gait Training (လမ်းလျှောက်လေ့ကျင့်ခြင်း) - မှန်ကန်တဲ့ လမ်းလျှောက်ပုံကို ပြန်လည်သင်ကြားပေးသလို ဂျိုင်းထောက်၊ တုတ်ကောက် (Walking Stick, Walker) စတာတွေကို စနစ်တကျ အသုံးပြုနည်း သင်ပေးပါတယ်ရှင်။

လေဖြတ်လူနာတွေအတွက် ဆောင်ရန်နှင့် ရှောင်ရန်တွေကိုလည်းပြောပြချင်ပါတယ်ရှင်။
✅ လိုက်နာရန် (Do's)
- နေ့စဉ် ပုံမှန် လေ့ကျင့်ခန်း ပြုလုပ်ပါ။
- Physiotherapist ရဲ့ ညွှန်ကြားချက်ကို တိတိကျကျ လိုက်နာပါ။
- စိတ်ဓာတ်မကျဘဲ စိတ်ရှည်ရှည်နဲ့ ဆက်လက်ကြိုးစားပါ။

🚫 ရှောင်ကြဉ်ရန် (Don'ts)
- မလှုပ်ရှားဘဲ အချိန်ကြာမြင့်စွာ ထိုင်ခြင်း၊ အိပ်ခြင်း မလုပ်ရပါ။
- လဲကျနိုင်သည့် နေရာတွေမှာ တစ်ဦးတည်း လေ့ကျင့်ခန်း မလုပ်ရပါ။
- ခန္ဓာကိုယ်က မခံနိုင်လောက်အောင် အလွန်အကျွံ လေ့ကျင့်ခြင်း မလုပ်ရပါ။
- နာကျင်မှုခံစားရရင် ဇွတ်မလုပ်ဘဲ ဆရာဝန်ကို အမြန်ဆုံး အသိပေးပါ။

💡 နိဂုံးချုပ် အကြံပြုချက်လေးလည်းရှိပါတယ်။ လေဖြတ်ပြီးနောက် ပြန်လည်ကောင်းမွန်လာတယ်ဆိုတာက တရက်တည်းနဲ့ မဖြစ်နိုင်ပေမဲ့ မှန်ကန်တဲ့ Physiotherapy ကုထုံးတွေနဲ့ စိတ်ရှည်ရှည်သာ ကြိုးစားမယ်ဆိုရင် သင့်ရဲ့ ဘဝအရည်အသွေးကို ပြန်လည်မြှင့်တင်နိုင်မှာ ဖြစ်ပါတယ်ရှင်။

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

08/05/2026

🦵 ဒူးနာခြင်းကို သက်သာစေမယ့် လေ့ကျင့်ခန်း (၃) မျိုးနှင့် ဆောင်ရန်၊ ရှောင်ရန်များ

ဒူးနာတဲ့အခါ အနားယူရုံတင်မဟုတ်ဘဲ မှန်ကန်တဲ့ လေ့ကျင့်ခန်းတွေ လုပ်ပေးတာက နာကျင်မှုကို လျှော့ချပေးသလို ဒူးဆစ်ကိုလည်း ပိုမိုခိုင်မာစေပါတယ်။
ဒီ့အတွက် လိုက်လုပ်သင့်တဲ့ လေ့ကျင့်ခန်း (၃) ခုကို မြသီတာက ပထမဆုံးပြောပြပေးပါရစေ။ ဒီလေ့ကျင့်ခန်းတွေကို တနေ့မှာ ၂ကြိမ်ပြုလုပ်ပေးနိုင်ပါတယ်။
1️⃣ Straight Leg Raise - ခြေထောက်အဖြောင့်မြှောက်ခြင်း
ပက်လက်လှဲနေပြီး ဒူးမကွေးဘဲ ခြေထောက်ကို အဖြောင့်အတိုင်း ဖြည်းဖြည်းချင်း မြှောက်ပါ။ ပြီးရင် ပြန်ချပါ။ ဒါကို ၁၀ ကြိမ်စီ လုပ်ပေးရမှာပါ။
2️⃣ Quadriceps Set - ဒူးညှစ်လေ့ကျင့်ခန်း
ဒူးအောက်မှာ တဘက်လိပ် (Towel Roll) ခံပြီး ဒူးကို အောက်သို့ ဖိချပါ။ ၅ စက္ကန့်မှ ၁၀ စက္ကန့်ထိ တင်းတင်းညှစ်ထားပြီးမှ ပြန်လျော့ပါ။ ဒါကိုလည်း ၁၀ ကြိမ်စီ လုပ်ပေးပါ။
3️⃣ Heel Slide - ခြေဖနောင့်ဆွဲခြင်း
ခြေဖနောင့်ကို ကြမ်းပြင်နဲ့ ထိထားပြီး ဒူးကို ဖြည်းဖြည်းချင်း ကွေးလိုက်၊ ဆန့်လိုက် ပြုလုပ်ပေးပါ။ ၁၀ ကြိမ်စီ လုပ်ပေးရပါမယ်ရှင်။

✅ ဆောင်ရန် အချက်တွေကိုလည်း ဆက်ပြောပြပါရစေ။
- ကိုယ်အလေးချိန်ကို ထိန်းညှိပါ။
- ပေါ့ပါးတဲ့ လေ့ကျင့်ခန်းတွေကို နေ့စဉ် ပုံမှန်ပြုလုပ်ပါ။
- နာကျင်နေချိန်မှာ အနားယူပြီး အပူ (သို့) အအေး ကပ်ပေးပါ။
🚫 ရှောင်ရန် အချက်တွေကိုလည်း မမေ့ပါနဲ့နော်။ ဒါတွေကတော့
- အကြာကြီး ထိုင်ခြင်းနှင့် မလှုပ်ရှားဘဲ နေခြင်း
- လှေကား အတက်အဆင်း များခြင်း
- အလေးအပင်များ မခြင်း၊ ဆွဲခြင်း
- တင်ပလင်ခွေထိုင်ခြင်းနှင့် ခြေချိတ်ထိုင်ခြင်း တို့ဖြစ်ပါတယ်။

🏥 ကိုယ့်ဘာသာ လုပ်ရုံနဲ့ မသက်သာဘူးဆိုရင်တော့ ကျွမ်းကျင်သူတွေနဲ့ တိုင်ပင်ပြီး အောက်ပါကုသမှုတွေ ခံယူနိုင်ပါတယ်။
- Exercise Therapy လို့ခေါ်တဲ့ စနစ်ကျတဲ့ လေ့ကျင့်ခန်း ကုထုံးတွေ
- Electrotherapy လို့ခေါ်တဲ့ အာရုံကြောနဲ့ ကြွက်သားနိုးဆွမှု ကုထုံးတွေနဲ့
- Advanced Technology ဆိုတဲ့ ခေတ်မီစက်ကိရိယာတွေအသုံးပြုပြီး အပူ၊ အအေးပေးကာ နာကျင်မှု လျှော့ချပေးတဲ့ နည်းပညာတွေအပြင်
- လိုအပ်ပါက ဆရာဝန် ညွှန်ကြားချက်နဲ့ ဆေးဝါး ကုသမှုတွေကို ခံယူမှုတွေကို ပြုလုပ်နိုင်ပါတယ်။

အချိန်မီ စနစ်တကျ ကုသခြင်းက ဒူးနာဝေဒနာကို ထိန်းချုပ်နိုင်ပြီး လှုပ်ရှားမှုတွေကို ပြန်လည် ကောင်းမွန်စေမှာပါ။ နာကျင်မှုကင်းပြီး နေ့စဉ် လှုပ်ရှားနိုင်မှ ဘဝက ပိုလှပါတယ်မဟုတ်ပါလားရှင်။ 💙

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

02/05/2026

🕯️နာကျင်မှုကို သက်သာစေတဲ့ ဖယောင်းကပ်ကုထုံး

ဖယောင်းကပ်ပေးတာက ရိုးရာနဲ့ခေတ်သစ်ဆေးပညာကို ပေါင်းစပ်ထားတဲ့ ထိရောက်တဲ့ ကုထုံးတစ်ခုဖြစ်ပါတယ်။ ဖယောင်းအခြေပြု ဆေးပစ္စည်းများကို ကပ်ပေးတာက ကြွက်သားနဲ့ အကြောအဆစ် နာကျင်ကိုက်ခဲမှုတွေကို သိသိသာသာ လျော့ပါးသက်သာစေပါတယ်ရှင်။

✨ Wax Bath ရဲ့ အကျိုးကျေးဇူးတွေကတော့
- ကြွက်သားနဲ့ အဆစ်နာကျင်မှုတွေကို သက်သာစေပါတယ်။
ပူနွေးတဲ့ ဖယောင်းက ခန္ဓာကိုယ်အတွင်းပိုင်းထဲထိ အပူကို ဖြည်းဖြည်းချင်းပို့ပေးပြီး နာကျင်မှုကို လျော့နည်းစေပါတယ်။
- သွေးလည်ပတ်မှုကိုလည်းကောင်းစေပါတယ်။
ဖယောင်းရဲ့ အပူဓာတ်ကြောင့် သွေးကြောတွေကျယ်လာပြီး သွေးလည်ပတ်မှု ပိုမိုကောင်းမွန်စေတာဖြစ်ပါတယ်။
- အသားအရေကိုလည်း နူးညံ့ချောမွေ့စေပါတယ်။
ဖယောင်းမှာပါဝင်တဲ့ Moisturizing Effect ကအသားအရေကို စိုပြေပြီး နူးညံ့စေတာပါ။
- ကိုယ်ရောစိတ်ပါ Relaxation Effect ရရှိစေပါတယ်။
ပူနွေးတဲ့ခံစားချက်ကြောင့် စိတ်ဖိစီးမှုတွေကိုလျော့နည်းပြီး စိတ်အေးချမ်းမှုရရှိစေပါတယ်။

✅ ဘယ်လိုလူနာတွေအတွက် အသင့်တော်ဆုံးလဲဆိုတာကိုလည်း ဖော်ပြပါရစေနော်။ ဖယောင်းကပ်ကုထုံးက ဒူးကျီးပေါင်းခံစားနေရသူတွေ၊ ပခုံးအဆစ်ရောင်နေသူတွေ၊ လေးဖက်နာကြောင့်အဆစ်အမြစ်နာကျင်နေသူတွေ၊ အရိုးကျိုးပြီးနောက်ပိုင်း ခြေလက်တွေတောင့်တင်းနာကျင်နေသူတွေ၊ ကြွက်သားနာကျင်နေသူတွေနဲ့ ကိုယ်လက်ညောင်းညာနေသူတွေအတွက် အထူးသင့်တော့်ပါတယ်။
⚠️ ဆီးချိုရောဂါကြောင့် အပူ၊ အအေး အာရုံခံစားမှုအားနည်းသူတွေ၊ အသားအရေထိခိုက်လွယ်သူတွေနဲ့ ကွဲရှထားတဲ့ဒဏ်ရာအနာတရရှိသူတွေကတော့ ဆရာဝန်နဲ့ သေချာတိုင်ပင်ပြီးမှ ကုသမှုခံယူသင့်ပါတယ်။

Wax Bath လို့ခေါ်တဲ့ ဖယောင်းကပ်ကုထုံးကို 𝐌𝐲𝐚𝐭𝐡𝐢𝐝𝐚 𝐩𝐡𝐲𝐬𝐢𝐨𝐭𝐡𝐞𝐫𝐚𝐩𝐲 𝐚𝐧𝐝 𝐫𝐞𝐡𝐚𝐛 𝐜𝐥𝐢𝐧𝐢𝐜 မှာလည်း ခံယူနိုင်ပြီဖြစ်လို့ ကုသမှုခံယူလိုသူတွေအနေနဲ့ ဆေးခန်းကိုလာရောက်ဆွေးနွေးပြီး ကုသမှုခံယူနိုင်ပါတယ်ရှင်။

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

30/04/2026

30/04/2026

ဖွားပွင့်ဟောစံ ကဆုန်လပြည့် နေ့တွင် မြန်မာပြည်သူပြည်သားများအားလုံး ရောဂါဘယ ကင်းဝေးကွာရျ် ကြည်လင်ချမ်းမြကြပါစေကြောင်းဆုမွန်ကောင်းတောင်းလိုက်ပါတယ်ရှင်🙏🙏🙏

26/04/2026

လက်မောင်းနဲ့ ပခုံးနာလို့ ခေါင်းဖြီးဖို့နဲ့ အဝတ်အစားလဲဖို့ ခက်ခဲနေပါသလား။

ပခုံးနာကျင်လို့ နောက်ကျောကိုကုတ်ရခက်တာ၊ ပုဆိုး၊ ထမီဝတ်ရခက်တာ စတဲ့ လှုပ်ရှားမှုအကန့်အသတ်တွေက အကြောင်းအမျိုးမျိုးကြောင့် ဖြစ်နိုင်ပါတယ်။ ဒီလိုဖြစ်ရတဲ့ အကြောင်းအရင်းအများစုကတော့ ပခုံးဝန်းကျင်ကကြွက်သားတွေတင်းမာတာ၊ Frozen shoulder လို့ခေါ်တဲ့ ပခုံးအဆစ်ခဲကပ်တာနဲ့ အရည်အိတ်ရောင်ရမ်းတာတွေကြောင့်ဖြစ်ပါတယ်။

✅ နာကျင်တာတွေကို သက်သာစေမယ့် နည်းလမ်းကောင်းတွေကိုလည်း မြသီတာဆေးခန်းက ပြောပြပါရစေ။
၁။ အနားယူရင်း ပေါ့ပေါ့ပါးပါး လှုပ်ရှားပါ။
နာကျင်နေချိန်မှာ အပြင်းအထန် မလှုပ်ရှားရပါဘူး။ ဒါပေမဲ့ လုံးဝမလှုပ်ဘဲထားရင်လည်း အဆစ်တွေ ပိုခဲသွားနိုင်တာမို့လို့ လက်မောင်းကို ဖြည်းဖြည်းချင်း မြှောက်တာမျိုးနဲ့ ဝိုင်းပြီးလှည့်တာမျိုး လို Gentle Exercisesတွေကို နေ့တိုင်းလုပ်ပေးသင့်ပါတယ်။
၂။ အပူ (သို့) အအေးကပ်ပေးပါ။
ဒဏ်ရာဖြစ်ခါစ နာကျင်ရောင်ရမ်းနေချိန်မှာ အအေးကပ်ရင် နာကျင်မှု လျော့ကျစေပါတယ်။
နာတာရှည်ဖြစ်ပြီး ကြွက်သားတွေ တင်းမာနေချိန်မှာ အပူကပ်ပေးရင်တော့ ကြွက်သားတွေကို ပျော့ပျောင်းစေပါတယ်။
၃။ နေထိုင်မှုပုံစံ Posture ကို သတိပြုပါ။
ထိုင်တဲ့အခါမှာ ကျောကိုတည့်တည့်ထားပြီး ပခုံးကိုလျော့ထားပါ။ အိပ်တဲ့အခါမှာလည်း နာတဲ့ဘက်ကို ဖိအိပ်တာ၊ အလေးအပင်မတာတွေနဲ့ ပခုံးတစ်ဖက်တည်းကနေပဲ အိတ်အလေးကြီး လွယ်တာမျိုးတို့ကို ရှောင်ကြဉ်ရပါမယ်။

💥 တကယ်လို့ နာကျင်တာက မသက်သာဘဲ လက်လှုပ်ရှားရတာ ပိုခက်ခဲလာတယ်ဆိုရင်တော့ အကြောအဆစ်အထူးကုသမားတော်ကြီးတွေနဲ့ တိုင်ပင်ဆွေးနွေးပြီး စနစ်ကျတဲ့ Physiotherapy & Rehab ကုသမှုတွေကို အချိန်မဆွဲဘဲ ခံယူသင့်ပါပြီ။

𝐌𝐲𝐚𝐭𝐡𝐢𝐝𝐚 𝐩𝐡𝐲𝐬𝐢𝐨𝐭𝐡𝐞𝐫𝐚𝐩𝐲 𝐚𝐧𝐝 𝐫𝐞𝐡𝐚𝐛 𝐜𝐥𝐢𝐧𝐢𝐜 မှာဒီလိုမျိုးခံစားနေရတဲ့ ဝေဒနာရှင်တွေအတွက် အထူးဆွေးနွေးတိုင်ပင်ပေးနိုင်တဲ့ ဆရာဝန်ကြီးတွေရှိပြီး သင့်တော်တဲ့ကုသမှုတွေကို ဂရုတစိုက်ကုသဆွေးနွေးပေးနိုင်ပါတယ်။ ဒီလိုမျိုး အချိန်မီ ဂရုတစိုက်ကုသတာက သာမန်နေ့စဉ်ဘဝ လှုပ်ရှားမှုတွေကို အမြန်ဆုံး ပြန်လည်လုပ်ကိုင်ိနုင်ပြီး သက်သာကာင်းမွန်စေမှာပါရှင်။ 💫

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
📞 01-3500555,09-409556363,09-944556363 ( Viber , Telegram )
🏡 1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။

24/04/2026

မြသီတာဆေးခန်းကို သင်္ကြန်ပိတ်ရက်တွေအပြီးမှာ ပုံမှန်အတိုင်းဖွင့်လှစ်လျှက်ရှိပြီး ဝန်ဆောင်မှုများကို အကောင်းဆုံးပေးလျှက်ရှိပါတယ်ရှင်။ ❤️

𝑴𝒚𝒂𝒕𝒉𝒊𝒅𝒂 𝒑𝒉𝒚𝒔𝒊𝒐𝒕𝒉𝒆𝒓𝒂𝒑𝒚 𝒂𝒏𝒅 𝒓𝒆𝒉𝒂𝒃 𝒄𝒍𝒊𝒏𝒊𝒄
01-3500555,09-409556363,09-944556363 ( Viber , Telegram )
1A/30 , မြသီတာအိမ်ယာ၊ ဥဇ္ဇနာလမ်း၊ မေတ္တာလမ်းနှင့် ရတနာလမ်းကြား၊ တောင်ဥက္ကလာပမြို့နယ်၊ ရန်ကုန်မြို့။