YinThway Maternal & Child Call Center

Home
Myanmar
Yangon
YinThway Maternal & Child Call Center

ကိုယ်ဝန်ဆောင်မိခင်နှင့် ကလေးကျန်းမာရေး

မြန်မာနိုင်ငံရဲ့ မည်သည့်အရပ်ဒေသမှမဆို ဆက်သွယ်နိုင်ခြင်း

24 နာရီပိတ်ရက်မရှိခေါ်ဆိုမှုအကြိမ်အရေအတွက်၊ အချိန်အကန့်အသတ်မရှိခေါ်ဆိုဆွေးနွေးနိုင်ခြင်း

မည်သည့်ဖုန်းနံပါတ်နှင့်မဆို ဆက်သွယ်နိုင်ခြင်း

ကိုယ်ဝန်ဆောင်မိခင် (သို့မဟုတ်) Baby လေးတို့ရဲ့ အခြေအနေ‌ နှင့် ဆေးမှတ်တမ်း၊ ဆေးပုံတို့ကို ဓာတ်ပုံ သို့မဟုတ် Video များဖြင့်ပေးပို့ဆွေးနွေးပေးနိုင်ခြင်း

ဆေးမှတ်တမ်းအခြေပြု စနစ်ဖြစ်ခြင်း (Electronic Medical

Record)

မိသားစုဆရာဝန်တစ်ယောက်ကဲ့သို့ နွေးထွေးစွာ ဖွင့်ဟဆွေးနွေးနိုင်ခြင်း၊ နွေးထွေးမှုကို ခံစားရခြင်း

ဖုန်းခေါ်ဆိုလိုက်သည်နှင့် တိုင်ပင်ဆွေးနွေးနိုင်သည့် ဆရာဝန် အဆင်သင့်ရှိနေခြင်း၊ ချက်ချင်း တိုင်ပင်ဆွေးနွေးနိုင်ခြင်း

Mobile Banking၊ အွန်လိုင်း Payment များမှတဆင့် အလွယ်တကူ ငွေပေးချေနိုင်ခြင်း

တစ်လစာ Member ဝင်မယ်ဆိုရင် ဆေးမှတ်တမ်း EMR အတွက် 5,000 ကျပ် နှင့် တစ်လစာအတွက် 5,000 ကျပ် စုစုပေါင်း (10,000) ကျပ်သာ ကျသင့်မှာပါ။

သုံးလစာဝင်မယ်ဆိုရင် တစ်သက်တာဆေးမှတ်တမ်း EMR အတွက် 5,000 ကျပ်နှင့် သုံးလစာအတွက် 15,000 ကျပ် စုစုပေါင်း 20,000 ကျပ်ပါရှင့်

အီလက်ထရောနစ်ဆေးမှတ်တမ်း EMR အတွက် Member စဝင်တဲ့တစ်ကြိမ်သာပေးသွင်းရမည်ဖြစ်ပြီး သက်တမ်းထပ်တိုးမည်ဆိုပါက တစ်လလျှင် 5000 ကျပ်ဖြင့် မေမေတို့အဆင်ပြေရာ လအလိုက် Member သက်တမ်းတိုးနိုင်မှာပဲဖြစ်ပါတယ်ရှင့်။

07/06/2026

ကိုယ်ဝန်ဆောင်ကာလဆိုတာ မေမေအပါအဝင် တစ်မိသားစုလုံးအတွက် စိတ်လှုပ်ရှားရတဲ့အချိန်ပါ။

မိသားစုဝင်အသစ်လေးကို ဘေးကင်းကင်းနဲ့ လောကကြီးထဲခေါ်ဆောင်ဖို့ အာဟာရရှိတာတွေကျွေးမွေးပြီး၊အနေအထိုင်ကအစ ဂရုစိုက်ကြရပါတယ်။

ပထမဆုံးကိုယ်ဝန်ဆောင်ဖူးတဲ့ သက်ဦးမေမေတွေဆိုရင် ပိုပြီးစိတ်လှုပ်ရှားရသလို အပြုအမှုအစားအသောက်လေးတစ်ခုနဲ့ ထိခိုက်သွားမှာကိုလည်းစိုးရိမ်ကြရတယ် မဟုတ်လား။

မေမေတို့ရဲ့ စိုးရိမ်စိတ်တွေကို လျှော့ချပေးဖို့ 🩺YinThway Maternal & Child Call Center✨ ရှိပါတယ်။

ဘယ်လိုနေထိုင်ရမယ်၊ဘယ်လိုစားသောက်ရမယ်၊ ဘယ်အစားအစာတော့ မစားဘဲနေရမယ် အစရှိသဖြင့် မေမေတို့ရဲ့ ကိုယ်ဝန်ဆောင်ကာလတစ်လျှောက် သိချင်သမျှ ကျန်းမာရေးအ‌မေးအဖြေကိစ္စရပ်များကို (၂၄) နာရီ (၇) ရက်လုံး ကျွမ်းကျင်ဆရာဝန်များက ပြောပြဆွေးနွေးပေးသွားမှာပဲဖြစ်ပါတယ်။

တန်တာထက်ပိုတန်တဲ့ ပမာဏအနည်းငယ်နဲ့ မန်ဘာရယူထားရုံနဲ့ ကိုယ်ဝန်ဆောင်ကာလတစ်လျှောက် ကျန်းမာရေးအတွက် လမ်းညွှန်မှုများရရှိပြီး အကူအညီဖြစ်စေမှာပါ။

မိသားစုဝင်အသစ်လေးကို အချစ်တွေနဲ့ ကျန်းမာစွာကြိုဆိုဖို့ YinThway Call Center က ကူညီလမ်းညွှန်ပေးဖို့ အသင့်ရှိတာမို့ ကျန်းမာပျော်ရွှင်တဲ့ ကိုယ်ဝန်ဆောင်ကာလလေးကို ပိုင်ဆိုင်နိုင်ဖို့ အခုပဲ မန်ဘာလာဝင်ထားလိုက်တော့နော် ။😉🤍

#ကိုယ်ဝန်ဆောင်ကျန်းမာရေး

02/06/2026

ကိုယ်ဝန်ဆောင်မေမေ ဒူးရင်းသီးစားလို့ရရဲ့လား 💬🤰

ဒူးရင်းသီးပေါများတဲ့ ဒီလိုရာသီမှာ ဒူးရင်းသီးအနံ့ကလည်း နေရာစုံကနေ ရနေတတ်ပါတယ်။

ကိုယ်ဝန်ဆောင်မေမေတို့မှာ မြင်သော်လည်း မကြင်ရဖြစ်ရတာလည်း ဒူးရင်းသီးပါပဲ။

ကိုယ်ဝန်ဆောင်သည်နဲ့ ဒူးရင်းသီးမတည့်ဘူး ၊ကလေးအတွက်မကောင်းဘူးဆိုတာတွေကြောင့် မေမေတို့မှာ စားချက်ရက်နဲ့ကြည့်နေရတာပေါ့ ။

တကယ်ပဲ ဒူးရင်းသီးက စားလို့မရဘူးလားဆိုတာကို YinThway Maternal & Child Call Centre က အဖြေရှာပေးချင်ပါတယ်။💁‍♀

ဒူးရင်းသီးမှာပါတဲ့ အဆီဟာ ကိုယ်ဝန်ဆောင်သည်တွေကိုထိခိုက်စေတယ်လို့ ထင်ခဲ့ကြပေမဲ့ ဆရာဝန်တွေရဲ့ သုတေသနပြုချက်အရ မပြည့်ဝဆီဖြစ်တာကြောင့် ကျန်းမာရေးနဲ့ညီညွတ်တယ်လို့ သတ်မှတ်ထားကြပါတယ်။

ဒူးရင်းသီး ဗီတာမင်စီ၊ ဗီတာမင်ဘီ၊ ကော့ပါး၊မဂ္ဂနီဆီယမ်၊ ဖော့စဖော့ရပ်စ်၊ ဇင့်၊သံဓာတ် အစရှိတာတွေ ကြွယ်ဝစွာပါဝင်တာကြောင့် အိပ်ပျော်စေပြီး စိတ်ခံစားချက်ကောင်းမွန်စေပါတယ်။

အူလှုပ်ရှားမှုကို ကောင်းစေတဲ့ အမျှင်ဓာတ်တွေ ပါဝင်တာကြောင့် ဝမ်းချုပ်ခြင်းကိုလည်း သက်သာစေပါတယ်။

ဒူးရင်းသီးမှာ သဘာဝကပေးတဲ့ အကျိုးပြုအာဟာရဓာတ်တွေများစွာပါဝင်ပေမဲ့ 📌သကြားဓာတ်နဲ့ ကာဗိုဟိုက်ဒရိတ် ဓာတ်အများအပြားပါဝင်တာကြောင့် အလွန်အကျွံစားသုံးသူတွေကို အန္တရာယ်ရှိစေပါတယ်။

📍ကိုယ်ဝန်ဆောင်တွေ စားလို့ရတယ်ဆိုပေမဲ့ ကိုယ်ဝန်ဆောင်ဆီးချိုရှိသူတွေ၊သွေးတိုးရောဂါရှိသူတွေနဲ့ ကိုယ်အလေးချိန်တက်လွယ်တဲ့ မေမေတွေကတော့ ရှောင်သင့်ပါတယ်။

ဒူးရင်းသီးစားချင်ပေမဲ့ မစားရဘူးဖြစ်နေတဲ့မေမေတို့အနေနဲ့ ကိုယ်လည်းစိတ်ချမ်းသာ ကလေးလည်းဘေးကင်းစေဖို့ တစ်မွှာ၊နှစ်မွှာလောက် ပဲစားပြီး ပိုမစားကြဖို့✨ YinThway🩺 မှအကြံပြုချင်ပါတယ်။

ကိုယ်ဝန်ဆောင်မေမေတို့အနေနဲ့ စိတ်ချရစေဖို့ မိမိတို့ ပြသနေကျ ဆရာဝန်နဲ့ပြောပြပြီး ဆရာဝန်စားခိုင်းတဲ့ ပမာဏကို စားခြင်းဟာ အကောင်းဆုံးပါပဲနော်။

မေမေတို့ရော ဒူးရင်းသီးစားနေကြလား မစားဘဲ ဆင်ခြင်ကြလား အခြားသောမေမေတွေသိရဖို့ ပြောပြပေးခဲ့ပါဦးနော်။ 🤍

#ဒူးရင်းသီး
#ကိုယ်ဝန်ဆောင်
#ကိုယ်ဝန်‌သည်နှင့်ဒူးရင်းသီး

02/06/2026

YinThway Call Center is a 24/7 Call Center focusing on Maternal and Child Health Care. Currently we are hiring Medical Officer Positions at YinThway.

𝐏𝐨𝐬𝐢𝐭𝐢𝐨𝐧 - 𝐌𝐞𝐝𝐢𝐜𝐚𝐥 𝐎𝐟𝐟𝐢𝐜𝐞𝐫
(Full time)
Location : Mayangone Township

𝐑𝐞𝐬𝐩𝐨𝐧𝐬𝐢𝐛𝐢𝐥𝐢𝐭𝐢𝐞𝐬

- Providing telehealth services to mothers and children
through phone calls and other digital platforms.
- Providing health education and information on digital
consultation tools and media
- Clinical practice such as medical check-up and clinical
care to the patients on demand
- To participate in regular training programs and CME
sessions
- Report to Clinical Team Leader/Call Center Manager

𝐑𝐞𝐪𝐮𝐢𝐫𝐞𝐦𝐞𝐧𝐭𝐬

- M.B.B.S degree holder
- Strong knowledge and experience in Maternal and
Child Health preferred
- IT literacy with basic computer skills
- Good Communication skills
- Able to join both day and night shifts

For those who are interested, please send your personal resume or CV which includes your updated information and relevant working experiences to:

𝐲𝐢𝐧𝐭𝐡𝐰𝐚𝐲.𝐦𝐞𝐝𝐢𝐜𝐚𝐥.𝐭𝐞𝐚𝐦@𝐦𝐲𝐚𝐧𝐜𝐚𝐫𝐞.𝐨𝐫𝐠
𝐝𝐫.𝐤𝐚𝐮𝐧𝐠.𝐦𝐨𝐧@𝐦𝐲𝐚𝐧𝐜𝐚𝐫𝐞.𝐨𝐫𝐠

01/06/2026

မိဘများဟာ ဘဝရဲ့ လက်ဦးဆရာ 🪄❤️

ယနေ့ဇွန်လ (၁) ရက်နေ့ဟာ မိဘများရဲ့ ဂုဏ်ကျေးဇူးကို သားသမီးများအမှတ်ရစေဖို့နဲ့ သားသမီးတိုင်းကို မေတ္တာအပြည့်နဲ့ သွန်သင်ဆုံးမ ကျွေးမွေးစောင့်ရှောက်တဲ့ မိဘတိုင်းကို လေးစားစွာ ဂုဏ်ပြုကြဖို့ ကမ္ဘာတစ်ဝန်းနှိုးဆော်တဲ့ " Global Day Of Parents" ကမ္ဘာ့မိဘများနေ့ဖြစ်ပါတယ်။

သားသမီးတွေရဲ့ ဘဝအစ‌
ခြေလှမ်းတိုင်းမှာ လမ်းပြပေးခဲ့ပြီး ကိုယ်ကျင့်တရားကောင်းမွန်ဖို့ ၊လောကကြီးအလယ် ရဲရဲဝံ့ဝံ့ရပ်တည်နိုင်ဖို့ မမောမပန်းနိုင် သွန်သင်ဆုံးမပေးတာဟာ မိဘပါ။

ဘဝရဲ့လမ်းပြကြယ်အဖြစ်အမြဲရှိပေမဲ့ မိဘတွေရဲ့ ကျေးဇူးဟာ တစ်ရက်တည်းနဲ့ ကျေးဇူးတင်အသိအမှတ်ပြုရမဲ့ အရာမဟုတ်ပေမဲ့လည်း ဒီနေ့ Global Day of Parents မှာ အထူးတလည်သတိတရနဲ့ ကျေးဇူးတင်စကားဆိုဖို့ တိုက်တွန်းချင်ပါတယ်။

သားသမီးတိုင်းကို လူတော်လူကောင်းဖြစ်အောင် လမ်းပြကြယ်အဖြစ် အနစ်နာခံ မေတ္တာအရင်းခံကာ ပြုစုပျိုးထောင်ပေးတဲ့ မိဘတစ်ဦးချင်းစီကိုလည်း လေးစားဂုဏ်ပြုကြောင်း ✨YinThway Maternal & Child Call Center မှ လေးစားစွာဂုဏ်ပြုရင်းမိဘတိုင်းသားသမီးတွေရဲ့ သိတတ်မှုနဲ့ ပျော်ရွှင်တဲ့ နေ့လေးဖြစ်ပါစေကြောင်း ဆန္ဒပြုဆုတောင်းအပ်ပါတယ်။

#ကမ္ဘာ့မိဘများနေ့

29/05/2026

မိုးရာသီဝင်ခါစမှာ ကလေးငယ်ကျန်းမာစေဖို့ရာ ဒါတွေကိုဂရုစိုက်ပေးပါ🌧🩺

မိုးရာသီဝင်ခါစ အကူးအပြောင်းကာလဟာ စိုထိုင်းဆများတာကြောင့် ကလေးငယ်တွေနေမကောင်းဖြစ်တတ်တဲ့ အချိန်အခါဖြစ်ပါတယ်။

ဒီလိုအချိန်မှာ ကလေးငယ်တွေကျန်းမာရေးကောင်းမွန်စေဖို့ ဂရုစိုက်ရမဲ့နည်းလမ်းတွေကို သေချာသိရှိထားဖို့လိုအပ်ပါတယ်။

🌧🤍လက်ကိုမကြာခဏဆေးပေးပါ

မိုးရာသီမှာ ဗိုင်းရပ်စ်နဲ့ ဘက်တီးရီးယားပိုးမွှားတွေဟာ ပိုမိုပေါက်ဖွားလွယ်တာကြောင့် ကလေးငယ်တွေကစားပြီးချိန်၊အစားမစားခင်နဲ့ အိမ်သာသုံးပြီးချိန်မှာ လက်ကိုဆပ်ပြာနဲ့သေချာဆေးကြောပေးထားရပါမယ်။

🌧🤍 အာဟာရပြည့်ဝစွာကျွေးပါ

မိုးရာသီမှာ ကိုယ်ခံအားကောင်းအောင် စားသောက်နေထိုင်ထားမှသာ ပြင်ပကရောဂါတွေကိုခုခံနိုင်မှာမို့ နွေးထွေးပြီးသေချာကျက်တဲ့အစားအစာတွေနဲ့ ဗီတာမင်စီကြွယ်ဝတဲ့အသီးအနှံ‌
တွေကိုကျွေးပေးပါ။

🌧🤍 ခြင်အန္တရာယ်မှကာကွယ်ပါ

မိုးရာသီမှာသွေးလွန်တုပ်ကွေးရောဂါဖြစ်ပွားလွယ်တာကြောင့် ကလေးအိပ်ချိန်မှာ ခြင်ထောင်နဲ့သိပ်ပါ၊ လက်ရှည်ဘောင်းဘီရှည်ဝတ်ပေးထားပြီး ခြင်ပြေးခရင်မ်သေချာလိမ်းပေးပါ။ ပတ်ဝန်းကျင်ကရေတင်ကျန်နိုင်တဲ့နေရာတွေကို သေချာရှင်းလင်းထားပါ။

🌧🤍ကာကွယ်ဆေးသေချာထိုးနှံပေးပါ

ရာသီတုပ်ကွေးကာကွယ်ဆေးနဲ့ အခြားရောဂါများအတွက် လိုအပ်တဲ့ ကာကွယ်ဆေးတွေကို လအလိုက်သေချာထိုးနှံထားပေးရပါမယ်။

မေမေတို့အနေနဲ့ ကလေးငယ်မှာဖျားနာခြင်း၊ နှာစေးချောင်းဆိုးခြင်း၊ဝမ်းပျက်ခြင်းနဲ့ မှိန်းနေတဲ့ လက္ခဏာတွေ ပြသခဲ့ရင် နီးစပ်ရာကျန်းမာရေးဌာနသို့သွားရောက်၍ ချက်ချင်းပြသပေးရပါမယ်နော်။

‌ကျန်းမာပျော်ရွှင်တဲ့ ကလေးလေးအဖြစ် မိုးရာသီကိုဖြတ်ကျော်နိုင်ဖို့ဂရုစိုက်ရမဲ့နည်းလမ်းတွေကို" YinThway "ကမျှဝေဖော်ပြပေးလိုက်ပါတယ်။

ကလေးငယ်ကျန်းမာရေးနဲ့ ပတ်သက်ပြီး အခြားသိလိုတာရှိရင်လည်း မေးမြန်းခဲ့နိုင်ပါတယ်နော် ။🩺🤍

#မိုးရာသီကျန်းမာရေး
#ကလေးကျန်းမာရေး

23/05/2026

YinThway Call Center is a 24/7 Call Center focusing on Maternal and Child Health Care. Currently we are hiring Nurse Positions at YinThway.

𝐏𝐨𝐬𝐢𝐭𝐢𝐨𝐧 - 𝐍𝐮𝐫𝐬𝐞 (Full Time Position)
Location : Mayangone Township

𝐑𝐞𝐬𝐩𝐨𝐧𝐬𝐢𝐛𝐢𝐥𝐢𝐭𝐢𝐞𝐬

- Providing telehealth services to mothers and children
through phone calls and other digital platforms.
- Providing health education and information on digital
consultation tools and media
- Clinical practice such as medicines check, remind follow up and clinical care to the patients on demand
- To participate in regular training programs and CME
sessions
- Report to Clinical Team Leader/Call Center Manager

𝐑𝐞𝐪𝐮𝐢𝐫𝐞𝐦𝐞𝐧𝐭𝐬

- Relevant Nurse degree holder, preferably midwife diploma
- Strong knowledge and experience in Maternal and
Child Health preferred
- IT literacy with basic computer skills
- Good Communication skills
- Able to join both day and evening shifts

For those who are interested, please send your personal resume or CV which includes your updated information and relevant working experiences to

𝐲𝐢𝐧𝐭𝐡𝐰𝐚𝐲.𝐦𝐞𝐝𝐢𝐜𝐚𝐥.𝐭𝐞𝐚𝐦@𝐦𝐲𝐚𝐧𝐜𝐚𝐫𝐞.𝐨𝐫𝐠
𝐝𝐫.𝐤𝐚𝐮𝐧𝐠.𝐦𝐨𝐧@𝐦𝐲𝐚𝐧𝐜𝐚𝐫𝐞.𝐨𝐫𝐠
Viber Phone : 095412891

21/05/2026

မေမေတို့အတွက် အကူအညီဖြစ်စေတဲ့ App " YinThway "

ကလေးငယ်ကို ပြုစုစောင့်ရှောက်ဖို့ ဗဟုသုတတွေကို လေ့လာတဲ့‌အခါ အရမ်းကိုများပြီး ဘယ်ကစဖတ်ရမလဲမသိဖြစ်တတ်ကြပါတယ်။ လေ့လာလို့မကုန်ဖြစ်တတ်ကြပါတယ်။

ဘယ်အသက်အပိုင်းအခြားမှာ ဘယ်လိုကာကွယ်ဂရုစိုက်ရမလဲ

သွားလေးတွေကရော အသက်အရွယ်အလိုက် ပုံမှန်ပေါက်တာဟုတ်ရဲ့လား လိုအပ်ချက်ရှိနေလား အစရှိသဖြင့် မေးခွန်းတွေရှိတတ်ကြပါတယ်။

ဒီလိုမျိုး မိခင်နဲ့ရင်သွေးလေးအတွက် လိုအပ်တဲ့ အချက်အလက်‌
တွေကို တနေရာတည်းမှာသိနိုင်ဖို့ "YinThway Application "ရှိပါတယ်။

App ကို မေမေတို့ဖုန်းထဲမှာထည့်ထားလိုက်ရုံနဲ့

▪️အသက်အရွယ်အလိုက် ကြီးထွားဖွံ့ဖြိုးသင့်တဲ့အဆင့်တွေ

▪️သွားပေါက်ပုံအဆင့်ဆင့်

▪️ကာကွယ်ဆေးထိုးနှံပေးရမဲ့ အသက်အပိုင်းအခြားအကြောင်းအရာများ

အစရှိတာတွေအပြင် မေမေတို့ဖတ်ရှုရမဲ့ ကျန်းမာရေးဆောင်းပါးတွေ၊ကလေးငယ်ကိုဖွင့်ပြဖို့ ပုံပြင်တွေလည်း ပါရှိပါသေးတယ်။

YinThway App ကို အခမဲ့ ဒေါင်းလုခ်ယူထားရုံနဲ့ မေမေတို့ရဲ့ ကလေးစောင့်ရှောက်ဖို့ ဝေခွဲမရဖြစ်နေတဲ့ အကြောင်းအရာတွေဟာ အဆင်ပြေသွားမှာပါ။

App ကနေပဲ မန်ဘာဝင်လို့ရပေမဲ့ ဒီ App သုံးဖို့ မန်ဘာဝင်ထားဖို့မလိုဘဲ အခမဲ့သုံးလို့ရပါတယ်နော်။

ဒီလောက်ထိ အဆင်ပြေပြီး အကူအညီဖြစ်စေတဲ့ App က မေမေတို့ရှေ့ကိုရောက်နေပြီဖြစ်လို့ အခုပဲ ဖုန်းထဲကို ဒေါင်းလုခ်လုပ်ယူလိုက်တော့နော်။🫶🤍

#ကလေးကျန်းမာရေး

18/05/2026

ကိုယ်ဝန်ဆောင်ချိန် ငလျင်လှုပ်ရင် ဗိုက်ထဲက ကလေးဘာဖြစ်နိုင်လဲ💬🩺

ကိုယ်ဝန်ဆောင်ထားရချိန် ငလျင်လှုပ်ခြင်းနဲ့ ကြုံရတဲ့အခါ မေမေတို့အနေနဲ့ ကိုယ်တိုင်ထက် ဗိုက်ထဲက ရင်သွေးလေးအတွက် စိုးရိမ်ကြရပါတယ်။

မေမေတို့စိုးရိမ်သလို ငလျင်နဲ့ ဗိုက်ထဲက ကလေးရဲ့ ကျန်းမာရေးဟာ တကယ်ပဲဆက်စပ်နေလား အောက်မှာဆက်ပြီးဖတ်ကြည့်ပေးပါနော်။🫶

ကိုယ်ဝန်ဆောင်နေရချိန်ငလျင်လှုပ်ခြင်းကြောင့်

▪️စိတ်ဖိစီးမှုမြင့်တက်လာခြင်း

ကိုယ်ဝန်ဆောင်ချိန် ငလျှင်လှုပ်ခြင်းကြောင့် ကလေးမှာ ဘယ်လိုထိခိုက်မှုမှမဖြစ်ပေမဲ့ မိခင်ရဲ့စိတ်ဖိစီးမှုနဲ့ စိုးရိမ်စိတ်အရမ်းကို များပြားလာမယ်ဆိုရင်‌တော့ ချက်ကြိုးကတဆင့် သွေးကြောတွေကိုကျဉ်းစေပြီး ကလေးဆီ သွေးနဲ့ အောက်ဆီဂျင်ရောက်မှု လျော့နည်းသွားစေနိုင်တာကြောင့် မေမေတို့အနေနဲ့ စိတ်အေးအေးထား ဂရုစိုက်သင့်ပါတယ်။

▪️လမစေ့ဘဲမွေးဖွားခြင်း

သုတေသနပြုချက်အရ ရင်သွေးလေးမွေးဖွားဖို့ ရက်နီးနေတဲ့ မေမေတွေအနေနဲ့ ငလျှင်လှုပ်တဲ့အခါဖြစ်တဲ့ စိတ်လှုပ်ရှားမှုကြောင့် သတ်မှတ်ထားတဲ့ရက်ထက်စောမွေးတာမျိုးဖြစ်တတ်ပါတယ်။ ဒီလိုအခြေအနေဟာ ကိုယ်ဝန်ဆောင်တိုင်းမဟုတ်ပေမဲ့မေမေတို့အနေနဲ့ဂရုစိုက်သင့်ပါတယ်။

▪️ပေါင်မပြည့်ဘဲမွေးဖွားခြင်း

ငလျှင်လှုပ်တဲ့အခါ မွေးလာတဲ့ကလေးပေါင်မပြည့်ဘူး၊ကြီးထွားမှု‌နှေးလာတတ်တယ်လို့ ပြောတတ်ကြပေမဲ့ တကယ်တမ်းမှာတော့ ငလျင်ကိုကြောက်တဲ့ အမေ့ရဲ့ စိတ်ကြောင့် အစားသေချာမစားခြင်း၊အိပ်ရေးပျက်ခြင်းတွေကြောင့် ဖြစ်တတ်ကြတာဖြစ်ပါတယ်။ မေမေတို့အနေနဲ့ ဂရုစိုက်ပေးဖို့အရေးကြီးပါတယ်နော်။

▪️ငလျင်လှုပ်လို့ပြေးလွှားခြင်း

ငလျင်လှုပ်တဲ့အခါ ပြေးလွှားပြီး ထိခိုက်မိတာမျိုးကတော့ ကလေးကိုတကယ်ထိခိုက်စေတဲ့ အရာမို့ ငလျင်လှုပ်ချိန် အနားမှာတယောက်ယောက်ရှိနေပေးဖို့ အရေးကြီးပါတယ်။

ငလျင်လှုပ်တဲ့အခါ ကိုယ်ဝန်ဆောင်မေမေကို ငလျင်က တိုက်ရိုက်ထိခိုက်တာမဟုတ်ဘဲ မေမေတို့ရဲ့စိုးရိမ်စိတ်ကြောင့် ကလေးကျန်းမာရေးမှာပြဿနာလေးတွေ ရှိလာတာပဲဖြစ်ပါတယ်။

ဒီလို ကျန်းမာရေးပြဿနာကြုံရတာဟာလည်း ကိုယ်ဝန်ဆောင်မေမေတိုင်းမဟုတ်တာမို့ မေမေတို့အနေနဲ့ငလျင်လှုပ်တဲ့အခါ အရမ်းကြောက်တာမျိုး မဖြစ်အောင် ဂရုစိုက်ပေးရင်ရပါပြီနော်။

📌ဒီနေ့မနက်မှာ လှုပ်ခတ်သွားတဲ့ငလျှင်ကြောင့် ကိုယ်ဝန်ဆောင်မေမေတို့ စိုးရိမ်စိတ်တွေသက်သာစေဖို့ ✨YinThway Maternal & Child Call Center 🩺မှ မျှဝေပေးခဲ့တာပဲဖြစ်ပါတယ်။

ဘယ်လိုအခြေအနေမှာ ကျန်းမာရေးဌာနကို အမြန်ဆုံးသွားရောက်ရမလဲဆိုတာ ပုံလေးနဲ့ဖော်ပြပေးထားပါတယ်ရှင်။

စီနီယာမေမေတို့ရော ကိုယ်ဝန်ဆောင်ထားရချိန် ငလျင်လှုပ်တာကြုံဖူးကြလား မွေးခဲ့တဲ့ကလေးတွေကျန်းမာကြောင်း စိုးရိမ်နေတဲ့မေမေတွေကို မျှဝေပြောပြပေးခဲ့ပါဦး‌နော်။🤍🩺

#ကိုယ်ဝန်ဆောင်မေမေ
#ငလျင်

14/05/2026

ရာသီဉတု မညီမျှချိန်မှာ " YinThway Call Center " ကိုသာ သတိရလိုက်ပါ📞🤍

မိုးရွာလာလိုက်၊နေပူလာလိုက်နဲ့ ရာသီဉတုမညီမျှတဲ့ ခုလိုအချိန်မှာ ကိုယ်ဝန်ဆောင်မေမေနဲ့ ကလေးငယ်တို့အတွက် ကျန်းမာရေးကိုအထူးဂရုစိုက်ဖို့လိုအပ်ပါတယ်။

မညီမျှတဲ့ရာသီဉတုကြား ဘက်တီးရီးယားနဲ့ အဖျားဝေဒနာတို့ဟာပိုမိုဖြစ်စေနိုင်တာမို့ မေမေတို့အနေနဲ့ ရင်သွေးငယ်လေးကို အရိပ်တကြည့်ကြည့်နဲ့ စိတ်ပူနေမိမှာအမှန်ပါပဲ။

မညီမျှတဲ့ရာသီဉတုမှာ ကျန်းမာရေးအတွက် ညီမျှတဲ့အကြံပြုချက်တွေကို ပေးဖို့တော့ ✨YinThway Maternal & Child Call Center🩺 ရှိပါတယ်။

မန်ဘာဝင်ထားတဲ့မေမေတို့အနေနဲ့ မိုးရွာထဲ၊နေပူနေတဲ့ကြားက ကျန်းမာရေးဌာနဆီအပြေးသွားစရာမလိုဘဲ ဖုန်းတစ်ချက်ကောက်ဆက်ရုံနဲ့ ကလေးအထူးကုဆရာဝန်များရဲ့ အကြံပြုချက်ကိုရယူနိုင်မှာပဲဖြစ်ပါတယ်။

စိုးရိမ်သင့်တဲ့အခြေအနေလား ဘယ်လိုလုပ်ပေးရင်သက်သာမလဲဆိုတာကို (၂၄) နာရီ (၇) ရက်ပတ်လုံး လိုအပ်ချိန်တိုင်း မေးမြန်းနိုင်အောင်လည်းစီစဉ်ထားပါတယ်။

ဒါကြောင့်မညီမျှတဲ့ရာသီဉတုကြားမှာ ကျန်းမာရေးပြဿနာတွေကြုံလာတဲ့အခါ YinThway Call Center က အမြဲအသင့်ရှိကြောင်း အသိပေးဖိတ်ခေါ်လိုက်ပါတယ်ရှင်။🫶

မေမေတို့ရောမညီမျှတဲ့ရာသီဉတုအပြောင်းအလဲမှာ ကလေးငယ်ကျန်းမာရေးအတွက် ဘယ်လိုအခက်အခဲတွေကြုံနေရလဲ ပြောပြပေးသွားပါဦးနော်။🥺🩺

#ကလေးကျန်းမာရေး

10/05/2026

မေမေ့နေရာရောက်မှ မေမေ့ကိုစာနာနားလည်မိပါပြီ "အမေ"

ကိုယ်တိုင် ရင်သွေးလေးကိုလွယ်ထားရတဲ့အခါ

ကိုယ်တိုင် ညဘက်တွေ အိပ်ရေးပျက်ခံပြီး သားသမီးတွေကို ချော့သိပ်ရတဲ့အခါ

ကိုယ်ဗိုက်ဝဖို့ထက် သားသမီးတွေစားရဖို့ကိုပဲ အရင်ကြည့်မိလာတဲ့အခါ

"အမေ"ဆိုတဲ့အမျိုးသမီးကို အရင်ကထက်ပိုပြီး စာနာနားလည်မိပါတယ်။

အမေပြောနေကျ "နင်တို့ ငါ့နေရာရောက်မှ သိမယ်" ဆိုတဲ့စကားရဲ့ လေးနက်တဲ့ ခံစားချက်တွေကိုလည်း နားလည်တတ်ခဲ့ပါပြီ။

ကိုယ်တိုင်ကိုယ်ဝန်ဆောင်သည်ဖြစ်လာမှ ကလေးတစ်ချက်လှုပ်ရင် ဝမ်းသာစိတ်လှုပ်ရှားသလို နည်းနည်းလေးငြိမ်နေရင်တောင် ရင်တထိတ်ထိတ်နဲ့ ပူပန်ရတာကို နားလည်လာတယ်။ အမေလည်း ကျွန်မကို ဒီလိုမျိုး ဂရုတစိုက်စောင့်ရှောက်ခဲ့တာပါလား "အမေ"ရယ်

ရင်သွေးလေးကို မွေးဖွားပြီး ကလေးမေမေဖြစ်လာတဲ့အခါ ကိုယ့်အတွက်အချိန်ဆိုတာမရှိတော့ဘဲ ကလေးအတွက်ပဲ ပုံအောပေးလိုက်ရတဲ့အခါ အမေ့ရဲ့ ပျိုရွယ်မှုနဲ့ အချိန်တွေဟာ ကျွန်မတို့အတွက် ဘယ်လောက်တောင်ပေးဆပ်ခဲ့ရလဲဆိုတာ မြင်ယောင်လာမိတယ်။

နေမကောင်းလို့ ကလေးငိုတဲ့အခါ မခံစားနိုင်တော့ဘဲ လိုက်ငိုမိတဲ့ ညတွေမှာ အမေ့ကိုပိုလွမ်းမိတယ် ကျွန်မတို့င်ုခဲ့တဲ့ ညပေါင်းများစွာမှာ အမေဘယ်လိုကြံ့ကြံ့ခံကျော်ဖြတ်ခဲ့ပါလိမ့်
"အမေ"ရယ်

ဒီနေ့ နိုင်ငံတကာအမေများနေ့‌မှာ အမေ့ကိုပိုပြီး သတိရမိသလို ပေးဆပ်ခြင်းအချစ်နဲ့ အမေ့ရဲ့မေတ္တာတွေကိုလည်း ဦးညွှတ်ကန်တော့ချင်ပါတယ် "အမေ"

ဒီနေ့လေးကစ ကိုယ်ဝန်ဆောင်မေမေများအားလုံး ကျန်းမာဘေးကင်းစွာ မွေးဖွားနိုင်ကြပါစေ၊ ကလေးမေမေများ ပင်ပန်းပေမဲ့ စိတ်ချမ်းသာပျော်ရွှင်ပါစေ။

မိခင်တိုင်း သားသမီးတွေရဲ့ သတိရသိတတ်မှုကြောင့် ပီတိဖြစ်ကာပျော်ရွှင်ဝမ်းသာရ‌သော အမေများနေ့ဖြစ်ပါစေကြောင်း ဆုတောင်းအပ်ပါတယ်။

ဒီစာလေးကိုဖတ်ကြည့်ပြီး မေမေ့ကိုအရမ်းသတိရမိတယ်ဆိုရင်‌‌တော့ ရင်ထဲကစကား‌တွေကို ရင်ဖွင့်ပြောပြပေးခဲ့ဖို့လည်း ဖိတ်ခေါ်ချင်ပါတယ်။

#အမေများနေ့

Address

Yangon

Telephone

+959799225566

Website

https://myancare.org/yinthway-x-telenor-zay-program/

Alerts

Be the first to know and let us send you an email when YinThway Maternal & Child Call Center posts news and promotions. Your email address will not be used for any other purpose, and you can unsubscribe at any time.

Contact The Business

Send a message to YinThway Maternal & Child Call Center:

Shortcuts

Want your business to be the top-listed Health & Beauty Business in Yangon?

07/06/2026

02/06/2026

02/06/2026

01/06/2026

29/05/2026

23/05/2026

21/05/2026

18/05/2026

14/05/2026

10/05/2026

Address

Telephone

Website

Alerts

Contact The Business

Shortcuts

Share