http://www.thukhamingalarclinic.com/

Thukhamingalar Medical and Diagnostic Center - North Dagon Branch, Min Ye Kyaw Swar Road, Yangon (2026)

19/08/2026

🧠 ခေါင်းကိုက်တာကို ပေါ့ပေါ့မထားပါနဲ့

ခေါင်းကိုက်ခြင်းဟာ လူတိုင်းနီးပါး ကြုံတွေ့ရတတ်တဲ့ လက္ခဏာတစ်ခုဖြစ်ပါတယ်။ အလုပ်ပင်ပန်းတာ၊ အိပ်ရေးမဝတာ၊ စိတ်ဖိစီးမှုများတာလို ရိုးရိုးအကြောင်းရင်းတွေကြောင့် ဖြစ်နိုင်သလို တစ်ခါတစ်ရံမှာ ကျန်းမာရေးပြဿနာတချို့ရဲ့ လက္ခဏာတစ်ခုလည်း ဖြစ်နိုင်ပါတယ်။

🔹 ခေါင်းကိုက်စေနိုင်တဲ့ အကြောင်းရင်းများ

• အိပ်ရေးမဝခြင်း
• စိတ်ဖိစီးမှုနှင့် အလုပ်ပင်ပန်းမှုများခြင်း
• ရေဓာတ်မလုံလောက်ခြင်း
• အစားအစာကို အချိန်မမှန်ဘဲ စားခြင်း
• ကော်ဖီနှင့် ကဖိန်းဓာတ်ပါဝင်တဲ့ အဖျော်ယမကာများကို အလွန်အကျွံသောက်ခြင်း
• ဖုန်း၊ ကွန်ပျူတာစခရင်ကို အချိန်ကြာမြင့်စွာ ကြည့်ခြင်း
• နေထိုင်မှုပုံစံနှင့် အိပ်စက်ချိန် မမှန်ခြင်း

🌿 ခေါင်းကိုက်လာတဲ့အခါ ဘာလုပ်သင့်လဲ?

✅ ရေကို လုံလောက်စွာ သောက်ပါ။
✅ တိတ်ဆိတ်ပြီး အလင်းရောင်မပြင်းတဲ့နေရာမှာ အနားယူပါ။
✅ အိပ်ရေးဝအောင် ကြိုးစားပါ။
✅ အစားအစာကို အချိန်မှန်စားပါ။
✅ ဖုန်း၊ ကွန်ပျူတာအသုံးပြုချိန်ကို လျှော့ချပြီး မျက်လုံးကို အနားပေးပါ။
✅ ခေါင်းကိုက်တာ မကြာခဏဖြစ်နေပါက ဖြစ်တဲ့အချိန်၊ ကြာချိန်နဲ့ တွဲဖက်လက္ခဏာတွေကို မှတ်သားထားပါ။

⚠️ ဘယ်အချိန်မှာ ဆေးခန်းသွားသင့်လဲ?

ခေါင်းကိုက်တာ ရုတ်တရက်အလွန်ပြင်းထန်လာခြင်း၊ ခေါင်းကိုက်ခြင်းနဲ့အတူ အမြင်အာရုံပြောင်းလဲခြင်း၊ လက်ခြေမသန်ခြင်း၊ စကားပြောရခက်ခြင်း၊ မူးဝေခြင်း၊ အန်ခြင်း သို့မဟုတ် အဖျားရှိခြင်းတို့ ဖြစ်လာပါက အချိန်မဆွဲဘဲ ကျန်းမာရေးဝန်ထမ်းထံ စစ်ဆေးသင့်ပါတယ်။

💚 ခေါင်းကိုက်တာကို အမြဲတမ်း “ပင်ပန်းလို့ပါ” လို့ မယူဆလိုက်ပါနဲ့။

မကြာခဏခေါင်းကိုက်နေခြင်း သို့မဟုတ် နေ့စဉ်ဘဝကို ထိခိုက်လာခြင်းရှိပါက အကြောင်းရင်းကို သိရှိနိုင်ရန် ကျန်းမာရေးဝန်ထမ်းနှင့် တိုင်ပင်စစ်ဆေးပါ။

ကျန်းမာရေးကောင်းမွန်ဖို့ အစောပိုင်းကတည်းက ဂရုစိုက်ပါ။ 💚
📍 Center (1) No.147, Kyun Taw St, Moat (South) Ward, Sanchaung Tsp, Yangon
📞 09458388488 , 09697592937
📍 Center (2) No.243/245, Bo Aung Kyaw St, Middle Block, Kyauktada Tsp, Yangon
📞 018385949 , 09661079000 , 09661089000
📍 Center (3) No.1(A), 43 Qtr, Min Ye Kyaw Swar St, North Dagon Tsp, Yangon
📞 09250646913 , 09767001300 , 09767007900

#ခေါင်းကိုက်ခြင်း

13/08/2026

အခုတလော ဝမ်းပျက်ဝမ်းလျှော ဖြစ်နေကြပါတယ်
“ဝမ်းပျက်တာပဲ… ခဏနေရင်ကောင်းသွားမှာပါ” ဆိုပြီး ပေါ့ပေါ့ဆဆ မနေလိုက်ပါနဲ့နော်!
အခုလို ရာသီဥတုပြောင်းလဲပြီး အပူချိန်၊ မိုးရေ၊ အစားအသောက်နဲ့ သောက်သုံးရေတွေကြောင့် ဝမ်းပျက်ဝမ်းလျှော (Diarrhea) ဖြစ်နိုင်ခြေ ပိုများလာတတ်ပါတယ်။ အထူးသဖြင့် သန့်ရှင်းမှုမသေချာတဲ့ အစားအစာနဲ့ ရေကို စားသုံးမိတာ၊ အစားအစာကို သေချာမချက်ပြုတ်ထားတာတွေကနေ အူလမ်းကြောင်းပိုးဝင်ပြီး ဝမ်းလျှောဖြစ်နိုင်ပါတယ်။
ဝမ်းပျက်ဝမ်းလျှောဆိုတာ ဘာလဲ?
တစ်နေ့အတွင်း ပုံမှန်ထက်ပိုပြီး ဝမ်းပျော့ခြင်း၊ ဝမ်းရည်များခြင်း၊ အကြိမ်ကြိမ်သွားခြင်း ဖြစ်လာတာကို ဝမ်းလျှောခြင်းလို့ ခေါ်ပါတယ်။
ဝမ်းလျှောတဲ့အခါ အရေးကြီးဆုံး သတိထားရမယ့်အရာက “ရေဓာတ်နဲ့ ဆားဓာတ်ဆုံးရှုံးခြင်း (Dehydration)” ပါ။
ဝမ်းရည်တွေ မကြာခဏသွားနေတဲ့အခါ ခန္ဓာကိုယ်ထဲက ရေနဲ့ Electrolytes တွေ ဆုံးရှုံးသွားနိုင်ပြီး အားနည်းခြင်း၊ မူးဝေခြင်းတို့ ဖြစ်လာနိုင်ပါတယ်။
ဝမ်းလျှောတဲ့အခါ တွေ့ရနိုင်တဲ့ လက္ခဏာများ
• ဝမ်းရည်များခြင်း / ဝမ်းပျော့ခြင်း
• ဝမ်းခဏခဏသွားခြင်း
• ဗိုက်အောင့်၊ ဗိုက်နာခြင်း
• ပျို့ခြင်း၊ အန်ခြင်း
• အားနည်းခြင်း၊ မောပန်းခြင်း
• ရေငတ်ခြင်း
• ဆီးနည်းလာခြင်း သို့မဟုတ် ဆီးအရောင်ရင့်လာခြင်း
• ပြင်းထန်လာပါက မူးဝေခြင်း၊ အားအလွန်နည်းခြင်း
ဝမ်းလျှောနေပြီဆို ဘာလုပ်သင့်လဲ?
အရေးကြီးဆုံးက ရေဓာတ်မဆုံးရှုံးအောင် ဖြည့်ပေးဖို့ ဖြစ်ပါတယ်။
✅ ORS (ဓာတ်ဆားရည်) ကို သတ်မှတ်ထားတဲ့အတိုင်း ဖျော်ပြီး သောက်ပါ။
✅ ရေကိုလည်း လုံလောက်စွာ သောက်ပါ။
✅ အစာမစားဘဲ နေခြင်းထက် အစာကို အနည်းငယ်စီ ဆက်စားပါ။
✅ အစားအစာတွေကို သန့်ရှင်းစွာ ပြင်ဆင်စားသုံးပါ။
✅ လက်ကို ဆပ်ပြာနဲ့ သေချာဆေးကြောပါ။
🚫 မိမိဘာသာ ဆေးဝယ်သောက်ပြီး အကြာကြီးမနေပါနဲ့။
ဝမ်းလျှောခြင်းရဲ့ အကြောင်းရင်းက ပိုးဝင်ခြင်း၊ အစားအစာမတည့်ခြင်း၊ ဆေးဝါးအချို့ကြောင့်ဖြစ်ခြင်း စတာတွေအပါအဝင် အကြောင်းရင်းအမျိုးမျိုးရှိနိုင်တာကြောင့် အခြေအနေကိုကြည့်ပြီး လိုအပ်ပါက ဆရာဝန်နဲ့ တိုင်ပင်စစ်ဆေးသင့်ပါတယ်။
🚨 အောက်ပါလက္ခဏာတွေရှိရင်တော့ အထူးသတိထားပြီး ဆေးခန်း/ဆေးရုံသို့ အမြန်သွားပါ
• ဝမ်းထဲမှာ သွေးပါခြင်း
• အဖျားမြင့်ခြင်း
• အန်တာမရပ်ဘဲ ရေတောင်မသောက်နိုင်ခြင်း
• ဆီးအလွန်နည်းလာခြင်း
• မူးဝေပြီး အားအလွန်နည်းခြင်း
• ဝမ်းလျှောတာ မသက်သာဘဲ ဆက်လက်ဖြစ်နေခြင်း
• ကလေးငယ်၊ အသက်ကြီးသူများတွင် ဝမ်းလျှောပြင်းထန်ခြင်း
ဝမ်းပျက်ဝမ်းလျှောကို ပေါ့ပေါ့ဆဆ မထားပါနဲ့။
အထူးသဖြင့် ရေဓာတ်ဆုံးရှုံးမှုက မြန်မြန်ဆန်ဆန် ဖြစ်နိုင်တာကြောင့် အစောပိုင်းကတည်းက ရေဓာတ်ဖြည့်တင်းပြီး လိုအပ်ပါက ဆေးဘက်ဆိုင်ရာအကူအညီ ရယူခြင်းက အရေးကြီးပါတယ်။
“ဝမ်းလျှောတာပဲ” ဆိုပြီး မပေါ့ဆပါနဲ့ — ကိုယ့်ကျန်းမာရေးကို ကိုယ်တိုင်ဂရုစိုက်ကြပါစို့။
Thukhamingalar ဆေးခန်း တွင် လိုအပ်သော ကျန်းမာရေးစစ်ဆေးမှုနှင့် ဆေးဘက်ဆိုင်ရာ အကြံပြုချက်များ ရယူနိုင်ပါတယ်။
#ဝမ်းပျက်ဝမ်းလျှော

#ကျန်းမာရေးအသိပညာ

12/08/2026

သုခမင်္ဂလာအထူးကုဆေးခန်း နဲ့ uab Foundation (uab bank) တို့ ပူးပေါင်းပြီး "မှန်ကင်း မိဘမဲ့ဂေဟာ" မှာရှိတဲ့ သားငယ်၊ သမီးငယ်လေးတွေဆီ သွားရောက်ခဲ့ကြပါတယ်။ 🚗✨
ကလေးငယ်လေးတွေ ကျန်းမာပျော်ရွှင်ပြီး ရောဂါဘယကင်းဝေးစေဖို့အတွက် ကိုယ်တိုင်တစ်ကိုယ်ရေသန့်ရှင်းရေး (Hygiene) ပြုလုပ်ပုံအဆင့်ဆင့်ကို ပျော်ပျော်ရွှင်ရွှင်နဲ့ လက်တွေ့သင်ကြားပြသပေးခဲ့သလို၊ လိုအပ်တဲ့ အသုံးအဆောင်ပစ္စည်းလေးတွေကိုလည်း လှူဒါန်းပေးခဲ့တဲ့ မှတ်တမ်းပုံရိပ်လေးများပဲ ဖြစ်ပါတယ်ရှင်🎁🦷🧼

10/08/2026

👶 ကလေးများ နှင့် ဖျားနာခြင်း လက္ခဏာများ

အခုတလောမှာ ကလေးတွေဖျားနာခြင်းနဲ့ပတ်သက်ပြီး မေမေတို့ မသိလိုက်တာ သတိမထားမိလိုက်ပဲ အလွန်အမင်းဖျားနေမှသိရတာတွေကို တွေ့နေရပါတယ်နော်။ကလေးတွေမှာ ဖျားခြင်းဟာ ရောဂါအခြေအနေတစ်ခု ဒါမှမဟုတ် ရောဂါပိုးတစ်စုံတစ်ရာ ကူးစက်ခြင်းကိုပြတယ်လို့ ယူဆလို့ရပါတယ်။ မွေးကင်းစကလေးငယ်တွေမှာ ကိုယ်ပူချိန်တက်ခြင်းမှာလည်း ရောဂါပိုးရှိကြောင်းပြခြင်း ဖြစ်ပါတယ်။ကလေးတွေမှာ ဖျားတာဟာ ပိုပြီးအဖြစ်များပါတယ်။

ကလေးတွေမှာ ဖျားလျှင် အဖြစ်များဆုံးသော လက္ခဏာတွေမှာ

✅ အလွန်ငိုခြင်း

✅ အသက်ရှူမြန်ခြင်း

✅ နုံးခြင်း၊

✅ တိတ်ဆိတ် ငြိမ်သက်ခြင်း

✅ ကိုယ်နွေးနေခြင်း

✅ အစာ ကောင်းကောင်း မစားခြင်း

✅ အအိပ် နှင့် အစားပုံစံ ပြောင်းသွားခြင်း

✅ တက်ခြင်း

✅ ပုံမှန် အခန်းတွင်း ပူလွန်း သို့ အေးလွန်းသည်ဟု ခံစားနေရခြင်း

✅ အစားအသောက်ပျက်ခြင်း စတဲ့လက္ခဏာမျိုးတွေပြတတ်ပါတယ်။

ကလေးတွေကို ဖျားစေတဲ့ အကြောင်းအရာတွေကတော့ ဘက်တီးရီးယားပိုး ဝင်ခြင်း၊ ဖျားနိုင်တဲ့ ဆေးများသောက်နေရခြင်း၊ ဓါတ်မတည့်ခြင်းများ၊ လွန်ကဲစွာ နေပူခံခြင်း၊ တချို့ကာကွယ်ဆေးများ ဥပမာ ကြက်ညှာချောင်းဆိုး၊မေးခိုင်နှင့် အဆုတ်ရောင်ရောဂါ ကာကွယ်ဆေးများထိုးခြင်းတို့ကြောင့်လည်း ဖျားနာနိုင်ပါတယ်။

ကလေးဖျားနာခြင်း ဖြစ်ပွားနိုင်ချေကိုမြင့်စေတဲ့အကြောင်းရင်းတွေကတော့ ကလေးတွေက ရောဂါတွေ ပိုကူးစက်နိုင်ကြပြီး ဖျားတတ်ကြပါတယ်။
ဖျားနေတဲ့ လူတစ်ယောက်နဲ့ ထိတွေ့မိနိုင်ပြီး ရောဂါပိုးကူးစက်ပြီးတော့လည်းဖျားနိုင်ပါတယ်။

ကိုယ်ခံအားနည်းတဲ့ ကလေးတွေ မသန့်ရှင်းတဲ့ရေ နဲ့ အစာတွေကိုစားမိတဲ့အခါမျိုးမှာလဲ ရောဂါပိုးကူးစက်မှု ပိုဖြစ်နိုင်ပြီး ဖျားနိုင်ပါတယ်။

အထက်ပါအချက်တွေကို သတိထားမိနေပြီဆိုပါက နီးစပ်ရာ ဆေးရုံ ဆေးခန်းများသို့ သွားရောက်၍ ဆရာဝန်များနှင့်ပြသတာက ကလေးအတွက်ဖျားနာခြင်းကို ပိုပြီးမဆိုးသွားအောင် အချိန်မီကုသနိုင်တဲ့ နည်းလမ်းကောင်းပဲဖြစ်ပါတယ်နော်။

#သုခမင်္ဂလာ

29/07/2026

သွေးပေါင်ချိန်မြင့်ခြင်း (High Blood Pressure) ကို လျစ်လျူမရှုပါနဲ့
သွေးပေါင်ချိန်မြင့်ခြင်း (High Blood Pressure) ဟာ ကမ္ဘာတစ်ဝှမ်းမှာ အဖြစ်များတဲ့ နာတာရှည်ရောဂါတွေထဲက တစ်ခုဖြစ်ပြီး အစောပိုင်းအဆင့်တွေမှာ ထင်ရှားတဲ့ လက္ခဏာမပြတတ်တာကြောင့် "Silent Killer" (တိတ်တဆိတ်အန္တရာယ်ပေးနိုင်သော ရောဂါ) လို့လည်း ခေါ်ဆိုကြပါတယ်။
သွေးပေါင်ချိန်ကို မထိန်းချုပ်ဘဲ အချိန်ကြာမြင့်စွာထားမယ်ဆိုရင် သွေးကြောများနှင့် ကိုယ်တွင်းအင်္ဂါများကို ထိခိုက်စေနိုင်ပြီး နှလုံးရောဂါ၊ လေဖြတ်ခြင်း (Stroke)၊ ကျောက်ကပ်ရောဂါနှင့် မျက်စိထိခိုက်မှုများ ဖြစ်ပွားနိုင်ခြေကို မြင့်တက်စေနိုင်ပါတယ်။
📌 သွေးပေါင်ချိန်မြင့်နေချိန်တွင် တွေ့ရနိုင်သော လက္ခဏာများ
• ခေါင်းကိုက်ခြင်း (အထူးသဖြင့် နောက်စေ့ပိုင်း)
• မူးဝေခြင်း
• မျက်စိမှုန်ဝါးခြင်း
• နှလုံးခုန်မြန်ခြင်း သို့မဟုတ် နှလုံးတုန်ခြင်း
• အသက်ရှူမဝခြင်း
• ရင်ဘတ်အောင့်ခြင်း (ဖြစ်ပါက အရေးပေါ်ကုသမှုလိုအပ်နိုင်သည်)
⚠️ သတိပြုရန် – သွေးပေါင်ချိန်မြင့်သူအများစုမှာ မည်သည့်လက္ခဏာမျှ မပြဘဲ ဖြစ်နေနိုင်ပါသည်။ ထို့ကြောင့် မိမိကိုယ်ကို ကျန်းမာနေသည်ဟု ထင်ရသော်လည်း ပုံမှန်စစ်ဆေးရန် လိုအပ်ပါသည်။
👥 ဘယ်သူတွေ ပိုမိုဂရုစိုက်သင့်သလဲ?
✅ အသက် ၄၀ နှစ်နှင့်အထက်သူများ
✅ မိသားစုတွင် သွေးပေါင်ချိန်မြင့်ရောဂါ ရာဇဝင်ရှိသူများ
✅ ဆီးချိုရောဂါ၊ ကျောက်ကပ်ရောဂါ သို့မဟုတ် နှလုံးရောဂါရှိသူများ
✅ ကိုယ်အလေးချိန်ပိုနေသူများ
✅ ဆေးလိပ်သောက်သူများ
✅ လေ့ကျင့်ခန်းနည်းပြီး အငန်ဓာတ်များသော အစားအစာများကို မကြာခဏ စားသုံးသူများ
💙 သွေးပေါင်ချိန်ကို ထိန်းသိမ်းနိုင်ဖို့
✔️ ဆားနှင့် အငန်ဓာတ်များသော အစားအစာများကို လျှော့စားပါ။
✔️ ဟင်းသီးဟင်းရွက်၊ သစ်သီးဝလံနှင့် အာဟာရမျှတသော အစားအစာများကို ရွေးချယ်စားသုံးပါ။
✔️ တစ်ပတ်လျှင် အနည်းဆုံး မိနစ် ၁၅၀ ခန့် ကိုယ်လက်လှုပ်ရှားမှု ပြုလုပ်ပါ။
✔️ ကိုယ်အလေးချိန်ကို သင့်တော်သည့်အတိုင်း ထိန်းသိမ်းပါ။
✔️ ဆေးလိပ်ရှောင်ပြီး အရက်သောက်သုံးမှုကို လျှော့ချပါ။
✔️ စိတ်ဖိစီးမှုကို ကောင်းမွန်စွာ စီမံခန့်ခွဲပါ။
✔️ ဆရာဝန်ညွှန်ကြားထားသော ဆေးဝါးများကို ပုံမှန်သောက်သုံးပြီး ဆေးကို မိမိသဘောဖြင့် မရပ်တန့်ပါနှင့်။
🩺 ပုံမှန်သွေးပေါင်ချိန်တိုင်းတာခြင်းက အရေးကြီးပါတယ်
သွေးပေါင်ချိန်မြင့်ခြင်းကို စောစီးစွာ သိရှိပြီး သင့်တော်သော ကုသမှုနှင့် နေထိုင်မှုပုံစံ ပြောင်းလဲခြင်းတို့ဖြင့် ထိန်းချုပ်နိုင်ပါသည်။ ကျန်းမာရေးကောင်းမွန်စွာ နေထိုင်နိုင်ရန်အတွက် အနည်းဆုံး တစ်နှစ်လျှင် တစ်ကြိမ် ကျန်းမာရေးစစ်ဆေးမှု ပြုလုပ်သင့်ပြီး၊ အန္တရာယ်ရှိအုပ်စုတွင် ပါဝင်သူများသည် ဆရာဝန်၏ အကြံပြုချက်အတိုင်း ပိုမိုပုံမှန် စစ်ဆေးသင့်ပါသည်။
💚 "ကျန်းမာရေးကောင်းဖို့ ကုသခြင်းထက် ကြိုတင်ကာကွယ်ခြင်းက ပိုမိုအရေးကြီးပါတယ်။"
📍 သုခမင်္ဂလာ Medical & Diagnostic Center တွင် သွေးပေါင်ချိန်စစ်ဆေးခြင်းနှင့် အခြေခံကျန်းမာရေးစစ်ဆေးမှုများကို ဆောင်ရွက်ပေးလျက်ရှိပါသည်။
📍 Center (1) No.147, Kyun Taw St, Moat (South) Ward, Sanchaung Tsp, Yangon
📞 09458388488 , 09697592937
📍 Center (2) No.243/245, Bo Aung Kyaw St, Middle Block, Kyauktada Tsp, Yangon
📞 018385949 , 09661079000 , 09661089000
📍 Center (3) No.1(A), 43 Qtr, Min Ye Kyaw Swar St, North Dagon Tsp, Yangon
📞 09250646913 , 09767001300 , 09767007900

#သွေးပေါင်ချိန်မြင့်ခြင်း
#ကျန်းမာရေးအသိပညာ
#ကျန်းမာရေးစစ်ဆေးမှု
#နှလုံးကျန်းမာရေး
#ကြိုတင်ကာကွယ်ရေး
#သုခမင်္ဂလာMedicalDiagnosticCenter

28/07/2026

"သင့်ရဲ့ အသည်းက နာကျင်မှုမပေးဘဲ တဖြည်းဖြည်း ပျက်စီးနေနိုင်တယ်ဆိုတာ သိပါသလား?"
💛 World Hepatitis Day | July 28
Hepatitis (အသည်းရောင်အသားဝါရောဂါ) ဟာ ကမ္ဘာတစ်ဝန်း လူသန်းပေါင်းများစွာကို ထိခိုက်စေတဲ့ ရောဂါတစ်မျိုးဖြစ်ပါတယ်။ အထူးသဖြင့် Hepatitis B နဲ့ Hepatitis C ဟာ အစောပိုင်းအဆင့်တွေမှာ လက္ခဏာမပြဘဲ နှစ်ပေါင်းများစွာ ရှိနေနိုင်တာကြောင့် "Silent Disease" လို့တောင် ခေါ်ဆိုကြပါတယ်။
လူအများစုက နေကောင်းတယ်လို့ ထင်နေချိန်မှာပဲ အသည်းဟာ တဖြည်းဖြည်း ပျက်စီးလာနိုင်ပြီး၊ အချိန်ကြာလာတဲ့အခါ အသည်းခြောက်ခြင်း (Liver Cirrhosis) သို့မဟုတ် အသည်းကင်ဆာ (Liver Cancer) အထိ ဖြစ်ပွားနိုင်ပါတယ်။
⚠️ အောက်ပါလက္ခဏာများကို သတိထားပါ
• အမြဲပင်ပန်းနွမ်းနယ်နေခြင်း
• အစာစားချင်စိတ် လျော့နည်းခြင်း
• ပျို့အန်ခြင်း
• ဗိုက်အောင့်ခြင်း (အထူးသဖြင့် ညာဘက်အပေါ်ပိုင်း)
• ဆီးအရောင် မည်းလာခြင်း
• အသားဝါခြင်း၊ မျက်လုံးဝါခြင်း
သို့သော်...
* လက္ခဏာမရှိတာက ရောဂါမရှိတာကို မဆိုလိုပါဘူး။
Hepatitis B ကို ကာကွယ်ဆေးထိုးခြင်းဖြင့် ကာကွယ်နိုင်ပါတယ်။
Hepatitis B နဲ့ Hepatitis C ကို သွေးစစ်ဆေးခြင်းဖြင့် အလွယ်တကူ သိရှိနိုင်ပါတယ်။
Hepatitis C အတွက် ထိရောက်တဲ့ ကုသဆေးများလည်း ယနေ့ခေတ်မှာ ရရှိနေပြီဖြစ်ပါတယ်။
💛 ဒီ World Hepatitis Day မှာ ကိုယ်တိုင်လည်း စစ်ဆေးပါ၊ မိသားစုနဲ့ ချစ်ရသူတွေကိုလည်း စစ်ဆေးဖို့ တိုက်တွန်းပေးပါ။ စောစီးစွာ သိရှိခြင်းဟာ အသည်းကို ကာကွယ်နိုင်မယ့် အကောင်းဆုံးနည်းလမ်းဖြစ်ပါတယ်။
📍 Thukhamingalar Medical & Diagnostic Center
ကျန်းမာရေးဆိုင်ရာ တိုင်ပင်ဆွေးနွေးခြင်း၊ လိုအပ်သော Hepatitis စစ်ဆေးမှုများနှင့် ဆရာဝန်၏ အကြံဉာဏ်များကို ရယူနိုင်ပါသည်။

21/07/2026

🩸 အမြဲမောပန်းနေတယ်လား? ဒါဆို သွေးစစ်ဆေးဖို့ လိုအပ်နေနိုင်ပါတယ်!
"အလုပ်ပင်ပန်းလို့ပဲ" လို့ ထင်ပြီး လျစ်လျူရှုထားတဲ့ လက္ခဏာတွေဟာ တစ်ခါတစ်ရံမှာ ကျန်းမာရေးပြဿနာရဲ့ အစောပိုင်းသတိပေးချက် ဖြစ်နိုင်ပါတယ်။
အောက်ပါလက္ခဏာတွေထဲက တစ်ခု (သို့) တစ်ခုထက်ပိုပြီး မကြာခဏဖြစ်နေတယ်ဆိုရင် ဆရာဝန်နဲ့ တိုင်ပင်ပြီး လိုအပ်တဲ့ သွေးစစ်ဆေးမှုတွေ ပြုလုပ်ဖို့ အကြံပြုလိုပါတယ်။
🔹 အမြဲမောပန်းနွမ်းနယ်နေခြင်း
အိပ်ရေးဝဝအိပ်ထားပေမယ့် အားမရှိသလို ခံစားရတာမျိုး ဖြစ်နေပါသလား?
🔹 ခေါင်းမူး၊ မူးဝေခြင်း
မတ်တပ်ရပ်လိုက်တိုင်း မူးဝေတာ၊ မကြာခဏ ခေါင်းမူးတာတွေ ဖြစ်နေပါသလား?
🔹 မျက်နှာ၊ နှုတ်ခမ်း သို့မဟုတ် လက်သည်းများ ဖျော့နေခြင်း
သွေးအားနည်းခြင်းရဲ့ လက္ခဏာတစ်ခု ဖြစ်နိုင်ပါတယ်။
🔹 နှလုံးခုန်မြန်ခြင်း၊ ရင်တုန်ခြင်း
အနားယူနေချိန်မှာတောင် နှလုံးခုန်မြန်နေတယ်ဆိုရင် စစ်ဆေးသင့်ပါတယ်။
🔹 အဖျားကြာရှည်ခြင်း
အဖျားက ရက်အတော်ကြာ မကျဘဲ ဆက်ရှိနေတယ်ဆိုရင် သွေးစစ်ဆေးပြီး အကြောင်းရင်းကို ရှာဖွေသင့်ပါတယ်။
🔹 ကိုယ်အလေးချိန် ရုတ်တရက်ကျဆင်းခြင်း
အစားအသောက်မပြောင်းလဲဘဲ ကိုယ်အလေးချိန် ကျနေတယ်ဆိုရင် ဆရာဝန်နဲ့ တိုင်ပင်သင့်ပါတယ်။
💙 ရောဂါကို စောစီးစွာ သိရှိလေ၊ ကုသရ ပိုမိုလွယ်ကူလေ ဖြစ်ပါတယ်။
📌 ကျန်းမာရေးနဲ့ ပတ်သက်ပြီး စိုးရိမ်စရာ လက္ခဏာတွေရှိနေတယ်ဆိုရင် မပေါ့ဆဘဲ ဆရာဝန်နှင့် တိုင်ပင်ပြီး သင့်တော်တဲ့ စစ်ဆေးမှုများကို ခံယူပါ။
သုခမင်္ဂလာ ဆေးခန်း မှာလည်း ဆရာဝန်နှင့် တိုင်ပင်ဆွေးနွေးပြီး လိုအပ်သော သွေးစစ်ဆေးမှုများကို ပြုလုပ်နိုင်ပါတယ်။
📍 Center (1) No.147, Kyun Taw St, Moat (South) Ward, Sanchaung Tsp, Yangon
📞 09458388488 , 09697592937
📍 Center (2) No.243/245, Bo Aung Kyaw St, Middle Block, Kyauktada Tsp, Yangon
📞 018385949 , 09661079000 , 09661089000
📍 Center (3) No.1(A), 43 Qtr, Min Ye Kyaw Swar St, North Dagon Tsp, Yangon
📞 09250646913 , 09767001300 , 09767007900

20/07/2026

🦟 သွေးလွန်တုပ်ကွေး (Dengue Fever) ဆိုတာဘာလဲ?
သွေးလွန်တုပ်ကွေးဟာ Dengue Virus ကြောင့်ဖြစ်တဲ့ ရောဂါတစ်မျိုးပါ။ ဒီဗိုင်းရပ်စ်ကို Aedes (အေးဒီးစ်) လို့ခေါ်တဲ့ အစင်းကျားခြင်တွေကတစ်ဆင့် ကူးစက်တာဖြစ်ပါတယ်။
💡 အရေးကြီးတဲ့အချက် - လူအချင်းချင်း တိုက်ရိုက်မကူးစက်ပါဘူး။ ဖျားနေတဲ့သူကို ခြင်ကိုက်ပြီး၊ အဲဒီခြင်က နောက်တစ်ယောက်ကို ပြန်ကိုက်ရာကနေ ကူးစက်တာဖြစ်ပါတယ်။
🤒 သွေးလွန်တုပ်ကွေးရဲ့ လက္ခဏာများ
ခြင်ကိုက်ခံရပြီး (၄) ရက်ကနေ (၁၀) ရက်အတွင်း အောက်ပါလက္ခဏာတွေ စတင်ပြတတ်ပါတယ် -
အဖျားကြီးခြင်း - ဖျားဖျားချင်း (၃၉°C မှ ၄၀°C) အထိ အဖျား အရမ်းကြီးတတ်ပါတယ်။
ပြင်းထန်စွာကိုက်ခဲခြင်း - ခေါင်းအရမ်းကိုက်ခြင်း၊ မျက်လုံးနောက်ဘက်က နာကျင်ခြင်း၊ ကြွက်သား၊ အရိုးနှင့် အဆစ်များ ပြင်းထန်စွာ နာကျင်ခြင်း (Bone-breaking pain လို့တောင် ခေါ်ကြပါတယ်။)
အစာခြေစနစ်လက္ခဏာ - ပျို့အန်ခြင်း၊ အစားအသောက် လုံးဝပျက်ခြင်း။
အရေပြားလက္ခဏာ - ဖျားပြီး (၂) ရက်မှ (၅) ရက်အတွင်း အရေပြားမှာ အနီစက် သို့မဟုတ် အဖုအပိမ့်များ ထွက်လာခြင်း။
⚠️ လုံးဝသတိထားရမည့် "အန္တရာယ်ရှိသော လက္ခဏာများ" (Warning Signs)
အဖျားကျစပြုတဲ့ ၃ ရက်ကနေ ၇ ရက်အတွင်း ဟာ အရေးကြီးဆုံးအချိန် ဖြစ်ပါတယ်။ အဖျားကျသွားပေမယ့် အောက်ပါလက္ခဏာတွေရှိလာရင် သွေးလန့်ခြင်း (Shock) ဖြစ်နိုင်ခြေရှိလို့ ဆေးရုံ၊ ဆေးခန်းသို့ ချက်ချင်း (ချက်ချင်း) သွားရပါမယ်။
ဗိုက်အရမ်းနာခြင်း၊ အန်တာ မရပ်ခြင်း။
သွားဖုံးသွေးယိုခြင်း၊ နှာခေါင်းသွေးယိုခြင်း။
သွေးအန်ခြင်း သို့မဟုတ် ဝမ်းအမည်းရောင်/သွေးဝမ်း သွားခြင်း။
ဂဏှာမငြိမ်ဖြစ်ခြင်း၊ မှိန်းခြင်း၊ အိပ်ငိုက်ခြင်း။
ခြေဖျားလက်ဖျားများ အေးစက်ပြီး ပြာနှမ်းလာခြင်း။
အသက်ရှူရခက်ခဲခြင်း သို့မဟုတ် မောလာခြင်း။
🛡️ ရောဂါမဖြစ်အောင် ဘယ်လိုကာကွယ်မလဲ?
အဓိကသော့ချက်က "ခြင်မကိုက်အောင် ကာကွယ်ခြင်းနှင့် ခြင်မျိုးပွားမှု ထိန်းချုပ်ခြင်း" ဖြစ်ပါတယ်။
ဝတ်စားဆင်ယင်မှု - အင်္ကျီလက်ရှည်၊ ဘောင်းဘီရှည် ဝတ်ဆင်ပါ။
ကာကွယ်မှု - ခြင်ဆေး (Mosquito Repellent) လိမ်းပါ၊ ခြင်ထောင်နှင့် အိပ်ပါ။ ပြတင်းပေါက်များတွင် ခြင်ကာဇကာများ တပ်ဆင်ပါ။
အချိန်အခါ - အစင်းကျားခြင်များသည် မနက်စောစောနှင့် ညနေပိုင်း တွင် ပိုမိုကိုက်တတ်သဖြင့် ထိုအချိန်များတွင် အထူးသတိပြုပါ။
ပတ်ဝန်းကျင်သန့်ရှင်းရေး - "ဖုံး၊ သွန်၊ လဲ၊ စစ်" ပြုလုပ်ပါ။ အိမ်တွင်း၊ အိမ်ပြင် ရေတင်ကျန်နိုင်သော ဘူးခွံ၊ တာယာဟောင်း၊ ပန်းအိုးခွက်များကို ရှင်းလင်းပါ။
💊 သွေးလွန်တုပ်ကွေးဖြစ်ရင် ဘာလုပ်သင့်လဲ?
✅ ဆောင်ရန်များ
အနားယူပါ - လူနာကို ကောင်းစွာ အိပ်စက်အနားယူခိုင်းပါ။
ဓာတ်ဆားရည်တိုက်ပါ - ရေများများသောက်ရုံတင်မကဘဲ ဓာတ်ဆားရည် ၊ အုန်းစိမ်းရည် သို့မဟုတ် သစ်သီးဖျော်ရည် လတ်လတ်ဆတ်ဆတ်များကို အဓိကတိုက်ပေးပါ။ (ဗိုင်းရပ်စ်ကြောင့် ရေဓာတ်ခမ်းခြောက်မှုကို ကာကွယ်ရန်)
❌ ရှောင်ရန်များ (အထူးအရေးကြီး)
အကိုက်အခဲပျောက်ဆေးများ လုံးဝမသောက်ရ - Ibuprofen, Aspirin, Diclofenac စတဲ့ ဆေးတွေကို လုံးဝ (လုံးဝ) မသောက်ရပါ။ ၎င်းဆေးများသည် သွေးယိုစီးမှုကို ပိုမိုဆိုးရွားစေပြီး အသက်အန္တရာယ် ရှိစေနိုင်ပါတယ်။
ဆရာဝန်ညွှန်ကြားချက်မပါဘဲ ပဋိဇီဝဆေး (Antibiotics) များနှင့် အဖျားကျဆေးပြင်းပြင်းများကို စပ်ဆေးအဖြစ် မဝယ်သောက်ပါနဲ့။
မိမိတွင် သွေးလွန်တုပ်ကွေး သံသယလက္ခဏာများ စတင်တွေ့ရှိရပါက ပေါ့ဆမနေဘဲ သုခမင်္ဂလာ Diagnostic Center ခွဲများတွင် လာရောက်ဆွေးနွေး တိုင်ပင်စစ်ဆေးနိုင်ပါသည်။
📍 Center(1)-No.147, Kyun Taw St, Moat(South)Ward, Sanchaung Tsp, Yangon.
📞 09458388488, 09697592937

📍 Center(2)-No.243/245, Bo Aung Kyaw St, Middle Block, Kyauktada Tsp, Yangon.
📞 018385949, 09661079000, 09661089000

📍 Center(3)-No1(A), 43 Qtr, Min Ye Kyaw Swar St, North Dagon Tsp, Yangon
📞 09250646913, 09767001300, 09767007900
#သွေးလွန်တုပ်ကွေး

15/07/2026

🌧️ ခုတလော လူတိုင်းနီးပါး ဖြစ်နေကြတဲ့ Flu (ရာသီတုပ်ကွေး) ဖြစ်ရင် ဘာတွေ ခံစားရလဲ?
"နေမကောင်းဘူး၊ ကိုယ်တွေလက်တွေ ကိုက်ခဲပြီး ဖျားချင်သလိုလိုပဲ" ဆိုတဲ့ စကားလုံးက ခုရက်ပိုင်း အကြားရဆုံး စကားပဲ ဖြစ်မှာပါ။ မိုးရာသီမှာ ကူးစက်မှု အရမ်းမြန်တဲ့ အဖြစ်များဆုံး ရာသီတုပ်ကွေးရဲ့ လက္ခဏာတွေကို သိထားမှ ကြိုတင်ကာကွယ်နိုင်မှာမို့ အတူတူ ကြည့်လိုက်ရအောင်နော်။ 👀
📌 အဖြစ်များတဲ့ တုပ်ကွေးရောဂါ လက္ခဏာများ -
၁။ ဖျားနာခြင်း (ကိုယ်ပူရှိန်တက်လာခြင်း)
၂။ ချောင်းဆိုးခြင်း (ချောင်းခြောက်ဆိုးတာ ဒါမှမဟုတ် သလိပ်ပါတာ)
၃။ နှာစေးခြင်း (နှာပိတ်ပြီး နှာရည်ယိုခြင်း)
၄။ လည်ချောင်းနာခြင်း (လည်ချောင်းထဲ ယားယံပြီး မျိုရခက်ခြင်း)
၅။ ခေါင်းကိုက်ခြင်း (ဇက်ကြောတက်ပြီး အနည်းငယ်မှ အသင့်အတင့် ကိုက်ခဲခြင်း)
၆။ တစ်ကိုယ်လုံးကိုက်ခဲခြင်း (ကြွက်သားနဲ့ အဆစ်အမြစ်တွေ နာကျင်ခြင်း)
ဒီလို လက္ခဏာတွေ မဖြစ်အောင် ကာကွယ်ဖို့နဲ့ ခံစားလာရရင် သက်သာစေဖို့အတွက် -
😷 အပြင်ထွက်တဲ့အခါတိုင်း Mask ကို စနစ်တကျ တပ်ဆင်ပါ။
🧼 မျက်နှာ၊ နှာခေါင်းနဲ့ ပါးစပ်တို့ကို မကိုင်တွယ်မီ လက်ကို ဆပ်ပြာနဲ့ စက္ကန့် ၂၀ ကြာ မကြာခဏ ဆေးကြောပါ။
💧 အနားယူခြင်း၊ ရေများများသောက်ခြင်းနဲ့ ကိုယ်ခံအားကောင်းမယ့် အစားအစာများကို ရွေးချယ်စားသုံးပေးပါ။
💡 သတိပြုရန် - လက္ခဏာတွေက ပိုဆိုးလာရင် ဒါမှမဟုတ် ၃ ရက်ထက်ကျော်ပြီး မသက်သာရင်တော့ ဆရာဝန်နဲ့ တိုင်ပင်ဆွေးနွေးဖို့ လိုအပ်ပါပြီ။ သုခမင်္ဂလာ Diagnostic Center ရဲ့ ကျွမ်းကျင်ဆရာဝန်ကြီးများနဲ့ ပြသပြီး စိတ်ချရတဲ့ ကျန်းမာရေးစောင့်ရှောက်မှုကို ရယူနိုင်ပါတယ်ရှင်။
ကျန်းမာရွှင်လန်းသော မိုးရာသီလေး ဖြစ်ပါစေကြောင်း သုခမင်္ဂလာ မိသားစုမှ ဆုမွန်ကောင်းတောင်းအပ်ပါသည်။ 🤍
📞 ကျန်းမာရေးစုံစမ်းမေးမြန်းရန် ဖုန်းနံပါတ်များ -
📍 Center(1)-No.147, Kyun Taw St, Moat(South)Ward, Sanchaung Tsp, Yangon.
📞 09458388488, 09697592937

📍 Center(2)-No.243/245, Bo Aung Kyaw St, Middle Block, Kyauktada Tsp, Yangon.
📞 018385949, 09661079000, 09661089000

📍 Center(3)-No1(A), 43 Qtr, Min Ye Kyaw Swar St, North Dagon Tsp, Yangon
📞 09250646913, 09767001300, 09767007900

07/07/2026

သကြားစားများရင် ဘာတွေဖြစ်နိုင်လဲ?
သကြားဟာ ခန္ဓာကိုယ်အတွက် စွမ်းအင်ပေးနိုင်ပေမယ့် လိုအပ်တာထက် ပိုမိုစားသုံးမိရင် ကျန်းမာရေးအပေါ် ထိခိုက်နိုင်ပါတယ်။
သကြားစားများလွန်းရင် ဖြစ်နိုင်တဲ့ အကျိုးဆက်များ

🔸 ကိုယ်အလေးချိန်တိုးလာနိုင်ခြင်း
🔸 သွားပိုးစားခြင်းနှင့် သွားကျန်းမာရေး ထိခိုက်နိုင်ခြင်း
🔸 သွေးတွင်းသကြားဓာတ် မြင့်တက်လွယ်လာခြင်း
🔸 အချိန်ကြာလာပါက ဆီးချိုရောဂါ (Type 2 Diabetes) ဖြစ်နိုင်ခြေ တိုးလာနိုင်ခြင်း
🔸 နှလုံးနှင့် သွေးကြောကျန်းမာရေးကို ထိခိုက်နိုင်ခြင်း
သကြားလျှော့စားဖို့ အကြံပြုချက်များ
✅ အချိုရည်အစား ရေသောက်ပါ။
✅ အသင့်ထုပ်ပိုးထားသော အချိုမုန့်များကို လျှော့စားပါ။
✅ လတ်ဆတ်သော အသီးအနှံများကို ရွေးချယ်စားသုံးပါ။
✅ အစားအသောက်ဝယ်ယူရာတွင် Nutrition Label ကို ဖတ်ရှုပါ။
💙 ကျန်းမာရေးကောင်းဖို့ သကြားကို လုံးဝဖြတ်စရာမလိုပါဘူး။ "သင့်တင့်မျှတစွာ" စားသုံးခြင်းက အရေးကြီးဆုံးပါ။
မှတ်ချက် – ဤအချက်အလက်များသည် အထွေထွေကျန်းမာရေးဗဟုသုတအတွက် ဖြစ်ပါသည်။ ဆီးချိုရောဂါ သို့မဟုတ် အခြားကျန်းမာရေးပြဿနာရှိပါက ဆရာဝန်နှင့် တိုင်ပင်ပြီး လိုက်နာသင့်ပါသည်။
📍 Center (1) No.147, Kyun Taw St, Moat (South) Ward, Sanchaung Tsp, Yangon 📞 09458388488 , 09697592937
📍 Center (2) No.243/245, Bo Aung Kyaw St, Middle Block, Kyauktada Tsp, Yangon 📞 018385949 , 09661079000 , 09661089000
📍 Center (3) No.1(A), 43 Qtr, Min Ye Kyaw Swar St, North Dagon Tsp, Yangon 📞 09250646913 , 09767001300 , 09767007900

Thukhamingalar Medical and Diagnostic Center - North Dagon Branch

19/08/2026

13/08/2026

12/08/2026

10/08/2026

29/07/2026

28/07/2026

21/07/2026

20/07/2026

15/07/2026

07/07/2026

Address

Website

Alerts

Shortcuts

Share

Category

Listing takedown request