12/05/2026
ကိုယ်ဝန်ဆောင်ချိန် ခြေထောက်ဖောရောင်တာနဲ့ ပတ်သက်ပြီး သိထားသင့်တဲ့အချက်များ🤩🩵
====================================
ကိုယ်ဝန်ဆောင်ချိန်မှာ ခြေထောက်ဖောရောင်တာဟာ မေမေအများစု ခံစားရလေ့ရှိတဲ့ ပုံမှန်ဖြစ်စဉ်တစ်ခုပါ။ သားအိမ်ကြီးလာတာနဲ့အမျှ သွေးပြန်ကြောတွေကို ဖိမိပြီး ခြေဖဝါးနဲ့ ခြေချင်းဝတ်တွေ အနည်းငယ် ဖောရောင်လာတတ်ပါတယ်။ အထူးသဖြင့် ညနေပိုင်းတွေနဲ့ ရာသီဥတုပူတဲ့အချိန်တွေမှာ ပိုပြီးဆိုးလာတတ်ပါတယ်။ ဒီလိုဖောရောင်တာမျိုးက စိုးရိမ်စရာမလိုဘဲ ကလေးမွေးဖွားပြီးနောက်ပိုင်း ရက်အနည်းငယ်အတွင်းမှာ သူ့အလိုလို ပြန်ပျောက်သွားတတ်ပါတယ်။
⚠️ ဘယ်အချိန်မှာ ဆရာဝန် ချက်ချင်းသွားပြရမလဲ?
သာမန်ဖောရောင်တာ မဟုတ်ဘဲ အောက်ပါလက္ခဏာတွေထဲက တစ်ခုခုဖြစ်လာရင်တော့ မပေါ့ဆဘဲ ဆရာဝန်နဲ့ ချက်ချင်းပြသဖို့ လိုအပ်ပါတယ် -
🔹ကိုယ်ဝန်ဆိပ်တက်ခြင်း (Pre-eclampsia) လက္ခဏာများ - ရုတ်တရက် ပြင်းထန်စွာ ဖောရောင်လာတာ၊ ခေါင်းကိုက်တာ၊ အမြင်အာရုံ ဝေဝါးတာ၊ ဗိုက်အပေါ်ပိုင်း (သို့မဟုတ်) ပခုံးနာတာ၊ အသက်ရှူကြပ်တာတွေနဲ့ တွဲဖြစ်လာရင် အထူးသတိထားရပါမယ်။
🔹သွေးကြောအတွင်း သွေးခဲပိတ်ဆို့ခြင်း (DVT) လက္ခဏာများ - ခြေထောက်နှစ်ဖက်လုံး မဟုတ်ဘဲ တစ်ဖက်တည်းသာ ဖောရောင်နေတာအပြင်၊ အဲဒီရောင်နေတဲ့ ခြေထောက်က နာကျင်နေတာ၊ နီရဲပြီး ပူနေတာမျိုးဖြစ်ရင် သွေးခဲတာရဲ့ လက္ခဏာဖြစ်နိုင်လို့ ချက်ချင်းကုသမှု ခံယူရပါမယ်။
✅ ဖောရောင်တာကို သက်သာအောင် ဘယ်လိုနေထိုင်စားသောက်မလဲ?
ဖောရောင်တာကို သက်သာစေဖို့ ကိုယ်တိုင်လုပ်လို့ရတဲ့ လွယ်ကူတဲ့ နည်းလမ်းလေးတွေကတော့ -
🔹Compression ခြေအိတ် ဝတ်ဆင်ပါ - သွေးလည်ပတ်မှုကောင်းအောင်နဲ့ ခြေထောက်ဖောရောင်တာ သက်သာအောင် မနက်အိပ်ရာက မထခင်ကတည်းက Compression ခြေအိတ်ကို စွပ်ထားပေးတာက အထိရောက်ဆုံး နည်းလမ်းတစ်ခု ဖြစ်ပါတယ်။
🔹ဘယ်ဘက်သို့ စောင်းအိပ်ပါ - ဒီလိုအိပ်တာက သွေးပြန်ကြောမကြီးကို ဖိမိခြင်းမှ ကင်းဝေးစေပြီး သွေးလည်ပတ်မှုကို ကောင်းမွန်စေပါတယ်။
🔹အငန်လျှော့ပြီး ပိုတက်ဆီယမ် ကြွယ်ဝတာတွေ စားပါ - ရေစုဖွဲ့မှုကို လျှော့ချဖို့ ငန်တဲ့ အစားအစာတွေကို လျှော့စားပါ။ အဲဒီအစား ဖောရောင်တာကို သက်သာစေတဲ့ ပိုတက်ဆီယမ် (Potassium) ကြွယ်ဝတဲ့ ငှက်ပျောသီး၊ ကန်စွန်းဥ လိုမျိုး အစားအစာတွေကို ရွေးချယ်စားသုံးပေးပါ။
🔹ရေများများသောက်ပါ - ခန္ဓာကိုယ်တွင်း ရေဓာတ်ထိန်းညှိဖို့ တစ်နေ့ကို ရေ (၁၀) ခွက်လောက် သောက်ပေးဖို့လည်း အရေးကြီးပါတယ်။
🔹ခြေထောက်ကို မြှင့်ထားပါ - အိပ်တဲ့အခါ ဒါမှမဟုတ် ထိုင်တဲ့အခါ ခြေထောက်အောက်မှာ ခေါင်းအုံးလေးခံပြီး မြှင့်ထားပေးပါ။
🔹လှုပ်လှုပ်ရှားရှားနေပါ - ပုံမှန် လမ်းလျှောက်ပေးတာကလည်း သွေးလည်ပတ်မှုကို ကောင်းစေပါတယ်။
သာမန်ဖောရောင်တာက စိတ်ပူစရာမလိုပေမယ့် ရုတ်တရက် ပြင်းထန်တဲ့ ပြောင်းလဲမှုတွေကိုတော့ သတိထားစောင့်ကြည့်ဖို့ မေမေတို့ကို တိုက်တွန်းလိုက်ပါတယ်နော်။
အခုဆိုရင်တော့ ကိုယ်ဝန်ဆောင်ချိန် ခြေထောက်ဖောရောင်တာနဲ့ ပတ်သက်ပြီး သိထားသင့်တဲ့အချက်တွေကို သိသွားလောက်ပြီလို့ ထင်ပါတယ်။
နောက်ထပ်လည်း ကိုယ်ဝန်ဆောင်မေမေတို့အတွက် ဒီလိုမျိုး ဗဟုသုတရစေမယ့် အကြောင်းအရာလေးတွေကို တင်ပေးသွားမှာဖြစ်လို့ Page ကို Like & Follow လေး လုပ်ပေးထားကြပါဦးနော်….
📌𝐑𝐞𝐟𝐞𝐫𝐞𝐧𝐜𝐞
https://www.babycenter.com/pregnancy/your-body/swollen-feet-ankles-and-hands-edema-during-pregnancy_230
𝐏𝐮𝐥𝐬𝐞 & 𝐏𝐮𝐫𝐩𝐨𝐬𝐞 ရဲ့ Update များကို အချိန်နဲ့တပြေးညီ သိရှိနိုင်ဖို့အတွက် Viber Channel ကိုပါ Join ပေးထားကြပါဦးနော်…
𝐕𝐢𝐛𝐞𝐫 𝐂𝐡𝐚𝐧𝐧𝐞𝐥
https://invite.viber.com/?g2=AQABkjkdsX9HxFGwWZXP%2BnyIOC2axqwK3znxLvTpZNn0MM7Dbntry64Ua2O0ofSE
🏢 𝐒𝐮𝐥𝐞 𝐁𝐫𝐚𝐧𝐜𝐡: 10-01, 10th Floor, Sule Square Office Tower, 221 Sule Pagoda Road, Kyauktada Township, Yangon
🏢 𝐘𝐚𝐧𝐤𝐢𝐧 𝐁𝐫𝐚𝐧𝐜𝐡: No 56 Ground Floor, Room No 106, Maha Land Business Centre, Yankin Township, Yangon
📞 𝐇𝐨𝐭𝐥𝐢𝐧𝐞 𝐍𝐮𝐦𝐛𝐞𝐫 : 𝟎𝟗𝟗 𝟓𝟒 𝟐𝟏 𝟐𝟏 𝟐𝟐
🌐 𝐖𝐞𝐛𝐬𝐢𝐭𝐞 : https://pnp.com.mm/
💌 𝐌𝐚𝐢𝐥 : 𝐜𝐨𝐧𝐭𝐚𝐜𝐭@𝐩𝐧𝐩.𝐜𝐨𝐦.𝐦𝐦
#ခြေထောက်ဖောရောင်ခြင်း #ကိုယ်ဝန်ဆောင်မိခင်
