09/08/2026
🩸 #ဆီးချိုသွေးချိုဓာတ်ကျဆင်းနေတဲ့အခါ ဘာတွေလုပ်ရမလဲ? 15 - 15 Rule! အတိုင်းလုပ်ရမယ်။
ဆီးချိုသမားတွေအနေနဲ့ သွေးချိုဓာတ် 70 mg/dL (3.9 mmol/L) အောက်ကျသွားခြင်း ကို (သွေးချိုကျခြင်း) လို့ သတ်မှတ်ပါတယ်။
သွေးချိုကျတာကို မကုသဘဲထားရင် သတိလစ်ခြင်း၊ တက်ခြင်းနဲ့ အသက်အန္တရာယ်အထိ ဖြစ်နိုင်ပါတယ်။
⚠️ သွေးချိုကျတဲ့အခါ #တွေ့နိုင်တဲ့လက္ခဏာများ
• လက်တုန်ခြင်း
• ချွေးစေးထွက်ခြင်း
• နှလုံးခုန်မြန်ခြင်း
• အလွန်ဆာလောင်ခြင်း
• မူးဝေခြင်း၊ အားနည်းခြင်း
• စိတ်လှုပ်ရှားခြင်း၊ စိုးရိမ်ခြင်း
• အာရုံစူးစိုက်ရခက်ခြင်း
• စကားပြောမရှင်းခြင်း
• အမြင်အာရုံဝေဝါးခြင်း
• ပြင်းထန်လာပါက သတိလစ်ခြင်း၊ တက်ခြင်း ဖြစ်နိုင်ပါတယ်။
🍬 #သွေးချိုကျနေတယ်ဆိုရင်ဘာလုပ်ရမလဲ?
1️⃣ သွေးချိုတိုင်းနိုင်ရင် ချက်ချင်းတိုင်းပါ။
70 mg/dL (3.9 mmol/L) အောက်ဆိုရင် သွေးချိုကျနေပြီလို့ သတ်မှတ်နိုင်ပါတယ်။
2️⃣ “15–15 Rule” ကို အသုံးပြုနိုင်ပါတယ်။
👉 ချက်ချင်းစုပ်ယူနိုင်တဲ့ သကြားဓာတ် 15 g ခန့် စား/သောက်ပါ။
ဥပမာ—
• Glucose tablet 3–4 လုံး (ထုတ်ကုန်ညွှန်ကြားချက်အတိုင်း)
• သစ်သီးဖျော်ရည် ½ ခွက်ခန့်
• ပုံမှန်အချိုရည် ½ ခွက်ခန့်
• သကြား 3 ဇွန်းခန့်ကို ရေထဲဖျော်သောက်ခြင်း
⚠️ Diet/Zero/အချိုမပါသော အချိုရည်တွေ မသုံးပါနှင့်။
3️⃣ 15 မိနစ်ခန့်ကြာပြီး သွေးချိုပြန်တိုင်းပါ။
သွေးချို 70 mg/dL အောက်မှာရှိနေသေးရင် သကြားဓာတ် 15 g ခန့်ကို ထပ်မံစား/သောက်ပြီး 15 မိနစ်အကြာ ပြန်တိုင်းပါ။
🍚 သွေးချိုပြန်တက်လာရင်?
နောက်တစ်ကြိမ်အစားစားချိန် မနီးသေးဘူးဆိုရင်
အစာအနည်းငယ် (carbohydrate + protein ပါသော snack) သားရေစာ စားထားပါ။
ဥပမာ— ပေါင်မုန့်နှင့် ကြက်ဥ၊ နို့နှင့် ပေါင်မုန့် စသည်တို့ ဖြစ်ပါတယ်။
🚨 သတိလစ်နေသူကို သကြား/အစားအစာ မတိုက်ပါနှင့်!
သွေးချိုအလွန်ကျပြီး—
❌ သတိလစ်နေခြင်း
❌ အစာမျိုချနိုင်ခြင်း မရှိခြင်း
❌ တက်ခြင်း
❌ စိတ်ရှုပ်ထွေးပြီး မိမိကိုယ်တိုင် မစား/မသောက်နိုင်ခြင်း
ဖြစ်နေပါက ပါးစပ်မှ အစားအစာ၊ ရေ၊ သကြားရည် မတိုက်ပါနှင့်။ အစာဝင်လမ်းကြောင်းပိတ်ပြီး အဆုတ်ထဲဝင်နိုင်ပါတယ်။
👉 အရေးပေါ်ဆေးကုသမှု ချက်ချင်းခံယူပါ။
👉 Glucagon ရှိပြီး အသုံးပြုတတ်ပါက ညွှန်ကြားချက်အတိုင်း အသုံးပြုနိုင်ပါတယ်။
🔍 သွေးချိုဘာကြောင့်ကျရတာလဲ?
သွေးချိုကျခြင်းကို ကုသပြီးတာနဲ့ မပြီးသေးပါဘူး။ ဘာကြောင့်ကျသွားတာလဲ ရှာဖွေဖို့ အရေးကြီးပါတယ်။
ဖြစ်နိုင်တဲ့အကြောင်းရင်းတွေက—
• အင်ဆူလင်/ဆီးချိုဆေး ပမာဏများခြင်း
• အစားအစာနောက်ကျခြင်း သို့မဟုတ် မစားဖြစ်ခြင်း
• အစားအစာနည်းနည်းပဲစားခြင်း
• လေ့ကျင့်ခန်းပြင်းထန်စွာလုပ်ခြင်း
• အရက်သောက်ခြင်း
• ကျောက်ကပ် သို့မဟုတ် အသည်းလုပ်ဆောင်ချက် ကျဆင်းခြင်း
• အချို့သော ဆီးချိုဆေးများ အသုံးပြုခြင်း
တို့ကြောင့် ဖြစ်နိုင်ပါတယ်။
အထူးသဖြင့် အင်ဆူလင် သို့မဟုတ် သွေးချိုကျစေနိုင်သော ဆေးများ သောက်/ထိုးနေသူများအနေဖြင့် သွေးချိုကျတာ မကြာခဏဖြစ်နေပါက ဆရာဝန်နှင့် ဆေးပမာဏ ပြန်လည်ဆွေးနွေးသင့်ပါတယ်။
❤️ အရေးကြီးဆုံး မှတ်ထားရန်
“သွေးချိုကျရင် 15 g သကြားဓာတ် → 15 မိနစ်စောင့် → ပြန်တိုင်း”
သွေးချိုကျတတ်သူများအနေဖြင့် ချိုချဉ်/သကြားလုံး သို့မဟုတ် အချိုရည်တစ်မျိုးမျိုးကို အမြဲဆောင်ထားခြင်း က အရေးကြီးပါတယ်။
Dr Min Lifestyle online clinic
Viber 09 7972 39686
