26/05/2026
ဗိုက်ထဲက အောင့်တာ၊ နာကျင်တာဟာ လူတိုင်းကြုံဖူးတဲ့ ဝေဒနာတစ်ခုပါ။ ဒါပေမဲ့ မိမိရဲ့ ဗိုက်နာတာက ဘယ်နေရာကနေ စဖြစ်ပြီး ဘာကြောင့်ဖြစ်နိုင်လဲဆိုတာ သင်သတိပြုမိပါသလား။
ဒီနေ့ပို့စ်မှာတော့ ဝမ်းဗိုက်ကို နေရာ (၉) ပိုင်း စနစ်တကျခွဲခြားပြီး ဘယ်နေရာမှာ ဘယ်လိုကိုယ်တွင်းအင်္ဂါတွေရှိနေလဲ၊ ဘယ်လိုရောဂါလက္ခဏာတွေ ဖြစ်ပွားတတ်သလဲဆိုတာ အသေးစိတ် မျှဝေပေးချင်ပါတယ်။
အပိုင်း (၁) - ညာဘက်အပေါ်ပိုင်း (Right Upper)
ရှိသော အင်္ဂါများ - အသည်း၊ သည်းခြေအိတ်၊ အူမကြီးအကွေးပိုင်း၊ ညာဘက်အဆုတ်အောက်ခြေ။
ဖြစ်နိုင်သော ရောဂါများ - အသည်းရောင်ခြင်း (ဗိုင်းရပ်စ် သို့မဟုတ် အရက်ကြောင့်)၊ အသည်းပြည်တည်ခြင်း၊ သည်းခြေအိတ်နှင့် လမ်းကြောင်း ရောင်ရမ်းခြင်း၊ အူမကြီးရောင်ခြင်း/ပိတ်ခြင်း၊ အသည်းကင်ဆာ။
အပိုင်း (၂) - အလယ်အပေါ်ပိုင်း (Epigastric)
ရှိသော အင်္ဂါများ - အစာအိမ်၊ မုန့်ချိုအိတ်၊ ကန့်လန့်ဖြတ်အူမ၊ အသည်းအမွှာနု။
ဖြစ်နိုင်သော ရောဂါများ - အစာအိမ်ရောင်ခြင်း/အနာဖြစ်ခြင်း (သွေးအန်ခြင်း၊ ဝမ်းအမည်းသွားခြင်း)၊ အစာအိမ်နှင့် အူသိမ်ဦး ပေါက်ခြင်း၊ အစာအိမ်ကင်ဆာ၊ အူသိမ်ပိတ်ခြင်း။
အပိုင်း (၃) - ဘယ်ဘက်အပေါ်ပိုင်း (Left Upper)
ရှိသော အင်္ဂါများ - သရက်ရွက်၊ အူမကြီးအကွေးပိုင်း၊ ဘယ်ဘက်အဆုတ်အောက်ခြေ။
ဖြစ်နိုင်သော ရောဂါများ - သရက်ရွက်ထိခိုက်ဒဏ်ရာရခြင်း၊ အူရောင်ခြင်း/ပိတ်ခြင်း/ကင်ဆာဖြစ်ခြင်း/ပေါက်ထွက်ခြင်း၊ ပြတ်ရှဒဏ်ရာများ။
အပိုင်း (၄) - ညာဘက်အလယ်ပိုင်း (Right Flank)
ရှိသော အင်္ဂါများ - ညာဘက်ကျောက်ကပ်၊ အထက်တက်အူမ။
ဖြစ်နိုင်သော ရောဂါများ - ကျောက်ကပ်ရောင်ခြင်း/ကွဲခြင်း/ကင်ဆာဖြစ်ခြင်း/ရေဝင်ခြင်း၊ အူလမ်းကြောင်းရောင်ရမ်းခြင်း။
အပိုင်း (၅) - အလယ်ချက်နား (Umbilical)
ရှိသော အင်္ဂါများ - အူသိမ်။
ဖြစ်နိုင်သော ရောဂါများ - အူသိမ်ပိတ်ခြင်း/ပေါက်ခြင်း/လိမ်ခြင်း/ခေါက်ခြင်း၊ သန်ထိုးခြင်း/သန်ကောင်ပိတ်ဆို့ခြင်း၊ ပြင်ပပစ္စည်းဝင်ရောက်ပိတ်ဆို့ခြင်း။
အပိုင်း (၆) - ဘယ်ဘက်အလယ်ပိုင်း (Left Flank)
ရှိသော အင်္ဂါများ - ဘယ်ဘက်ကျောက်ကပ်၊ အောက်ဆင်းအူမ။
ဖြစ်နိုင်သော ရောဂါများ - (အပိုင်း ၄ တွင် ဖော်ပြထားသည့် ကျောက်ကပ်နှင့် အူရောဂါများအတိုင်း ဖြစ်ပွားနိုင်ပါသည်။)
အပိုင်း (၇) - ညာဘက်အောက်ပိုင်း (Right Lower)
ရှိသော အင်္ဂါများ - အူအတက်၊ အူမစပိုင်း၊ (အမျိုးသမီးများတွင်) ညာဘက်မျိုးဥအိမ်နှင့် သားဥပြွန်။
ဖြစ်နိုင်သော ရောဂါများ - အူအတက်ရောင်ခြင်း/ပြည်တည်ခြင်း/ပေါက်ခြင်း၊ အူမကင်ဆာ/ပိတ်ခြင်း/ရောင်ခြင်း၊ ပိုးဝင်ခြင်း၊ မျိုးဥအိမ်အကျိတ်ထွက်ခြင်း/ရောင်ရမ်းခြင်း။
အပိုင်း (၈) - အလယ်အောက်ပိုင်း (Suprapubic/Hypogastric)
ရှိသော အင်္ဂါများ - ဆီးအိမ်၊ သားအိမ်၊ မစင်အိမ်။
ဖြစ်နိုင်သော ရောဂါများ - ဆီးလမ်းကြောင်းကျောက်တည်ခြင်း၊ ဆီးအိမ်/ဆီးကျိတ်/သားအိမ် ကင်ဆာ သို့မဟုတ် အကျိတ်ဖြစ်ခြင်း၊ ကိုယ်ဝန်ပျက်ကျခြင်း/သားအိမ်ပေါက်ခြင်း/ဆီးအိမ်ပေါက်ခြင်း၊ ဆီးအိမ်/သားအိမ်/မစင်အိမ် ရောင်ရမ်းခြင်း၊ ကိုယ်ဝန်ရှိခြင်း။
အပိုင်း (၉) - ဘယ်ဘက်အောက်ပိုင်း (Left Lower)
ရှိသော အင်္ဂါများ - အူမအဆုံးပိုင်း၊ (အမျိုးသမီးများတွင်) မျိုးဥအိမ်၊ ဘယ်ဘက်သားဥပြွန်။
ဖြစ်နိုင်သော ရောဂါများ - အူမကင်ဆာ/ရောင်ရမ်းခြင်း၊ ဂရင်ဂျီနာနာ၊ သားဥအိမ်ကင်ဆာ/ရောင်ရမ်းခြင်း။
မှတ်ချက် - ယခုဖော်ပြထားတဲ့ အချက်အလက်တွေဟာ ကျန်းမာရေးဗဟုသုတအဖြစ် လေ့လာနိုင်ဖို့သာ ဖြစ်ပါတယ်။ မိမိမှာ ဗိုက်နာတဲ့ဝေဒနာ ပြင်းထန်ရင်ဖြစ်ဖြစ်၊ မသက်သာဘဲ ကြာရှည်နေရင်ဖြစ်ဖြစ် နားလည်တတ်ကျွမ်းတဲ့ ဆရာဝန်ကြီးများနှင့် အမြန်ဆုံးပြသပြီး စစ်ဆေးကုသမှုခံယူဖို့ အထူးအရေးကြီးပါတယ်နော်။
