What are the opening hours?

Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00 Sunday 09:00 - 20:00

https://www.facebook.com/952465164794713/

Book Street - စာအုပ်လမ်း, အ. ထ. က (၁) ရန်ကင်းရှေ့ ၊ ရန်ကင်းလမ်းမကြီး၊ ၁၂ လုံးတန်းမှတ်တိုင်အနီး။, Yangon (2026)

08/11/2024

နိုင်ငံခြားသားယောဂီတစ်ဦးဖြစ်သည့် Doug McGill မှ ဆရာတော် အရှင် ဦးတေဇနိယ ( ရွှေဥမင် ) ၏တရားစခန်းတွင် နေ့စဉ်ဟောပြောညွှန်ကြားသည့် အလုပ်ပေးတရားများကိုကောက်နှုတ်စီစဉ်ရေးသားထုတ်ဝေထားသည့် Relax & Be Aware စာအုပ်အား
ဒေါက်တာယမင်းနွယ် ( ဓမ္မဝိဘဇ္ဇ ) မှ ဘာသာပြန်ဆိုထားခြင်းဖြစ်ပါသည်။

မူရင်းစာရေးသူမှ ဗုဒ္ဓဟောကြားညွှန်ပြခဲ့တဲ့အရှိတရားပရမတ်သဘာဝတွေကိုစူးစမ်းလေ့လာရာတွင် ထိုင်နေစဉ်တင်မဟုတ်ဘဲနေ့စဉ်ဘဝရဲ့အချိန်တိုင်းမှာ သတိရှိနေနိုင်ရန်လိုအပ်ကြောင်းရည်ရွယ်ညွှန်ပြလိုစိတ်နဲ့ရေးသားခဲ့ခြင်းဖြစ်ပါသည်။အဓိကဖေါ်ပြထားတဲ့ ၃၁ ရက် ( တစ်လ ) အားထုတ်နည်းသည်လည်းတရားစခန်းတွင်ဆရာတော်နေ့စဉ်ညွှန်ကြားထားသည့်အလုပ်‌ေပးတရားတွေကို အခြေခံထားတာဖြစ်ပြီးမှန်ကန်တဲ့တရားအားထုတ်မှုရဲ့ရလာဒ်ဟာစိတ်ငြိမ်းချမ်းမှုဆိုတာကိုယ်တိုင်သိရှိနားလည်ပြီးဗုဒ္ဓရဲ့အဆုံးအမကို ကြည်ညိုသဒ္ဒါစိတ်နဲ့ရေးသားဖြန်ချိထားတဲ့စာအုပ်ဖြစ်ပါသည်။

ဓမ္မဒါန လှူဒါန်းလိုပါက -
Book Street
Ph : 09425764230
09443019665
သို့ဆက်သွယ်မှာယူနိုင်ပါသည်။

03/07/2024

စာအုပ်ထွက်ရှိနေပါပြီ။

14/01/2024

အရှင်ပညာသီရိ (ရမ္မာကျွန်း) ရဲ့ "လောကဓံကို ရင်ဆိုင်ခြင်း" စာအုပ် ဒုတိယအကြိမ်ထွက်ပါပြီ။

"ဒုတိယအကြိမ်အမှာစာ"

“လောကဓံကို ရင်ဆိုင်ခြင်း” စာအုပ်ကို ပထမအကြိမ် ထုတ်ဝေခဲ့တာ ၈ နှစ်ကျော်ရှိသွားပါပြီ။ စာအုပ်ကုန်သွားတာလည်း အတော်ကြာ ပါပြီ။ စာအုပ်အသစ် တစ်နှစ်တစ်အုပ် ထွက်နိုင်အောင် ကြိုးစားနေတဲ့ အတွက် ဒီစာအုပ်ကို ဒုတိယအကြိမ် ထပ်မထုတ်ဖြစ်ခဲ့ဘူး။

၂၀၂၁ ကိုဗစ်ဖြစ်ပြီး နောက်ပိုင်းမှာ စာအသစ်ရေးဖို့ ဦးဇင်းအတွက် သိပ်မလွယ်ကူတော့ပါဘူး။အာရုံစိုက်နိုင်မှုလျော့ကျသွားသလို ကွန်ပျူတာ ရှေ့မှာလည်း ကြာကြာ မထိုင်နိုင်ပါဘူး။ ၂၀၂၁ နောက်ပိုင်း အသစ်ထွက် ဖြစ်ခဲ့တဲ့ စာအုပ်တွေဟာဆိုရင်လည်း ကိုဗစ်မဖြစ်ခင် ရေးထားပြီးသား စာမူတွေ အဆင်သင့်ရှိနေလို့သာ ထုတ်နိုင်ခဲ့ခြင်း ဖြစ်ပါတယ်။

ဒီနှစ်အတွင်း စာအုပ်အသစ်တစ်အုပ် ထွက်ဖို့ ကြိုးစားကြည့် ပေမယ့် စာအုပ်တစ်အုပ်စာရဖို့ စာမူအဆင်သင့် မဖြစ်ခဲ့ဘူး။ ဟိုတစ်စ ဒီတစ်စအနေနဲ့ပဲ ရှိနေပါသေးတယ်။ အချိန်ပေးပြီး ထိုင်ရေးဖို့ကျတော့ ဦးဇင်းရဲ့ ကျန်းမာရေးက မစွမ်းနိုင်တော့ဘူး။ ဒါကြောင့် “လောကဓံကို ရင်ဆိုင်ခြင်း" စာအုပ်ကိုပဲ ဒုတိယအကြိမ်အနေနဲ့ ထုတ်လိုက်ရခြင်း ဖြစ်ပါတယ်။

ပထမအကြိမ်ထုတ်စဉ်က မဂ္ဂဇင်း၊ ဂျာနယ်တွေမှာ ရေးခဲ့တဲ့ ဓမ္မရသ၊ ဓမ္မသုတ အတွေးဆောင်းပါး ၁၉ ပုဒ်ကို စုစည်းထုတ်ခဲ့ခြင်း ဖြစ်တယ်။ ယခု ဒုတိယအကြိမ်မှာ ပထမအကြိမ်ထုတ်တဲ့ထဲက ဆောင်းပါးနှစ်ပုဒ်ကို ဖြုတ်ပြီး မဂ္ဂဇင်းတွေမှာရေးခဲ့ပြီး စာအုပ်အဖြစ်မထုတ်ရသေးတဲ့ ဆောင်းပါးအသစ် ၇ ပုဒ် ထပ်ဖြည့်ထားပါတယ်။

ဆောင်းပါးတွေက စာရေးဟန်၊ စကားပြောဟန် ရောနေတဲ့ အတွက် ဖတ်ရချောသွားအောင်တချို့ဆောင်းပါးတွေကို စကားပြောဟန်အဖြစ် ပြောင်းထားပါတယ်။ တချို့ဆောင်းပါးတွေက လွန်ခဲ့တဲ့ ဆယ်စုနှစ်တစ်စုအကျော်က မဂ္ဂဇင်း၊ ဂျာနယ်တွေမှာ ဖြတ်သန်းခဲ့တဲ့ စာမူတွေ ဖြစ်တယ်။ လူတစ်ယောက်အဖို့ ဆယ်စုနှစ်ဆိုတာဟာ အတွေး၊ အရေးတွေ ပြောင်းလဲသွားဖို့ လုံလောက်တဲ့ အချိန်ပါပဲ။

စာမူတွေကို ပြန်ဖတ်တဲ့အခါ “အခုအချိန်မှာ ဒီလိုယုံကြည်မှုမျိုး ရှိနေသေးရဲ့လားလို့” ပြန်မေးမိတယ်။ အားမရတော့တာလေးတွေလည်း ရှိတယ်။ သူ့အချိန်ဖြစ်ပေါ်လာတဲ့ အတွေးကို သူ့အတိုင်းပဲ ထားချင်တဲ့ အတွက် ရေးဟန်ကလွဲရင် ကျန်တာ မပြင်ပါဘူး။

မရင့်ကျက်ခဲ့တာကို မရင့်ကျက်ခဲ့ဘူးလို့ သိတာဟာ ပြဿနာမှ မဟုတ်တာ။ ရင့်ကျက်ချင်ယောင်ဆောင်လိုက်မှ ပြဿနာဖြစ်သွားမယ် ထင်ပါတယ်။ အခုလည်း ရင့်ကျက်နေတာမှ မဟုတ်တာလေ။ ရင့်ကျက် ခြင်း ‘စံ’ ကတော့ တစ်ဦးနဲ့တစ်ဦး တူချင်မှ တူမှာပေါ့နော်။

ဓမ္မရသ ဆောင်းပါးတွေဖြစ်တဲ့အတွက် စာဖတ်သူကို ခံစားမှု အတွေး တစ်စုံတစ်ရာတော့ ပေးနိုင်ပါလိမ့်မယ်။ ကြည်နူးမှုလေးတွေ ခံစားရနိုင်သလို၊ သံဝေဂရစရာ ထိတ်လန့်မှုမျိုးလည်း ခံစားမိစေမှာပါ။ ခံစားမိတယ်ဆိုရင်ပဲ စာရေးသူတစ်ဦးအတွက် ရည်ရွယ်ချက် ပြည့်မြောက်တာပဲ မဟုတ်လား။

_ _ _ _ _ _ _ _ _ _ _ _ _ _ _ _ _

ဒုတိယအကြိမ်၊ ၂၀၂၄ ဇန်နဝါရီ
💰 တန်ဖိုး - ၆,၀၀၀ ကျပ်
📖 စာမျက်နှာ - ၁၆၉

📌 ဆက်သွယ်ဝယ်ယူရန်📌

📖 Book Street - စာအုပ်လမ်း စာအုပ်ဆိုင်
အ.ထ.က (၁) ရန်ကင်းရှေ့၊ ရန်ကင်းလမ်းမ၊ ၁၂ လုံးတန်းမီးပွိုင့်အနီး၊ ရန်ကင်း။

☎️ : 09443019665
09425764230

📩 :
Page messenger မှဖြစ်စေ၊
Viber နံပါတ် 09425764230 ကိုဖြစ်စေ ဆက်သွယ်မှာယူနိုင်ပါတယ်။

Operating Hours 🕒 :
မနက် ၉ နာရီမှ ညနေ ၅ နာရီထိ

(🔺တနင်္လာနေ့တိုင်းတော့ ဆိုင်ပိတ်တဲ့အတွက်ကြောင့်မို့လို့ ဝန်ဆောင်မှုများရပ်နားပါတယ်ခင်ဗျာ။ )

08/01/2024

❝ တစ်နေ့ပြီးတစ်နေ့ ဖြတ်သန်းဖို့အရေး
အရေးကြီးဆုံးက ဘာဖြစ်မလဲ ❞

ဖြစ်ချင်တဲ့ဆန္ဒလေးတွေ၊ လုပ်ချင်တဲ့အိပ်မက်လေးတွေ။ ဘယ်သွားလို့ ဘာစားမယ်ဆိုတာအစ ဘဝရည်မှန်းချက်တွေအဆုံး စိတ်ကူးတွေအားလုံးဟာ မျှော်လင့်ဖြစ်ချင်တာတွေကနေ စတာပါပဲ။ အဲ့ဒီ့ဖြစ်ချင်စိတ်တွေကုန်လို့ မျှော်လင့်ချက်တွေ နုတ်ယူခံလိုက်ရတဲ့အခါ ဘဝမှာ ဘာမှမလိုချင်လောက်အောင် ထွက်ပေါက်ပိတ်လို့ စိတ်ဓာတ်ကျရတဲ့နေ့ရက်တွေရှိကြရဲ့မဟုတ်လား။

မျှော်လင့်ချက်ပျောက်ပြီး စိတ်ညစ်ညူးနေတဲ့သူတွေအဖို့ ခက်ခက်ခဲခဲလေးလေးလံလံတွေ နည်းလမ်းမရှာဖွေနိုင်သလို အကူအညီတောင်းခံရင်ဖွင့်ရမယ့် အနီးကပ်အဖော်ဆိုတာကလည်းအရှားသား။ တချို့ကျတော့လည်း မပြေလည်တာတွေ ထုတ်ပြောရဖို့ဆိုတာ အားနည်းကြောင်းဝန်ခံရာရောက်သလိုမို့ ဝန်လေးတတ်ကြတယ်။ အဲ့ဒီ့တော့ အွန်လိုင်းမှာတွေ့မိတဲ့စာလေးတွေ၊ သွားရင်းလာရင်း တွေ့ဖြစ်တဲ့ စာအုပ်တွေပေါ်ပဲ အားကိုးပြီး ဖြေဆည်ရာရှာရတော့တာပါပဲ။ ဒီလိုကနေ စိတ်ခွန်အားပေးတဲ့စာအုပ်တွေဟာ စာအုပ်တွေအရောင်းပါးနေတဲ့ကြားက လူအများစုကြား ပေါက်ရောက်ပျံ့နှံ့တဲ့ စာအုပ်တွေဖြစ်လာပါတယ်။

Hope နဲ့ Peace စာအုပ်တွေဟာလည်း ဒီလိုမျိုးပဲ၊ လူတွေရဲ့ရင်ဘတ်နဲ့နီးပြီး ရောင်းအားကောင်းတဲ့စာအုပ်တွေဖြစ်လာပါတယ်။ စာရေးသူ ဆရာဆင့်ညီဟာ အွန်လိုင်းပေါ်မှာလည်း စိတ်ခွန်အားရအားတက်စေမယ့် ဆောင်းပါးစာတိုလေးတွေရေးလေ့ရှိသူမို့ လူအများနဲ့ရင်းနှီးကျွမ်းဝင်ပြီးသားဖြစ်ပါတယ်။ သူ့စာတွေဟာ ခပ်ရှင်းရှင််းပဲ၊ သူရေးတတ်သလို ချပြထားပြီး ဆောင်းပါးတိုလေးတွေမို့ ကြိုက်တဲ့နေရာ လှန်လှောဖတ်လည်း ထိရောက်တာပါပဲ။ အခြေခံအကျဆုံးရင်းမြစ် “မျှော်လင့်ချက်” နဲ့ပတ်သက်ပြီး Hope ကို သူစာအုပ်အရင်ထုတ်လို့ ရောင်းရလွန်းတာနဲ့အကြိမ်ကြိမ်လည်း ပြန်ပုံနှိပ်ခဲ့ရပြီ။ မျှော်လင့်ချက်ကိုရပြီဆိုရင် အခုကြုံနေရတဲ့အခက်အခဲတွေကိုကျော်လွှားဖို့ ပူပန်ရမှုတွေကို ငြိမ်းအေးစေမယ့် Peace ဆိုပြီး နောက်တစ်အုပ်လည်း ထွက်ထားပါတယ်။

စာမြည်းလေးတွေဖတ်ချင်ရင် Sint Nyi Nyi Tun ဆိုတဲ့ ဆရာ့ page မှာ သွားရောက်ကြည့်ရှုနိုင်သလို စာအုပ်အဖြစ် ဖတ်ရှုသိမ်းထားချင်တယ်ဆိုရင်လည်း Hope နဲ့ Peace နှစ်အုပ်လုံးကို မှာယူလို့ရပါတယ်။

_ _ _ _ _ _ _ _ _ _ _ _ _ _ _ _ _ _ _ _ _ _ _

▪️ HOPE
💰 တန်ဖိုး - ၆,၀၀၀ ကျပ်
📖 စာမျက်နှာ - ၈၈

▪️ PEACE
💰 တန်ဖိုး - ၁၀,၀၀၀ ကျပ်
📖 စာမျက်နှာ - ၂၃၆

_ _ _ _ _ _ _ _ _ _ _ _ _ _ _ _ _ _

📌 ဆက်သွယ်ဝယ်ယူရန်📌

📖 Book Street - စာအုပ်လမ်း စာအုပ်ဆိုင်
အ.ထ.က (၁) ရန်ကင်းရှေ့၊ ရန်ကင်းလမ်းမ၊ ၁၂ လုံးတန်းမီးပွိုင့်အနီး၊ ရန်ကင်း။

☎️ : 09443019665
09425764230

📩 :
Page messenger မှဖြစ်စေ၊
Viber နံပါတ် 09425764230 ကိုဖြစ်စေ ဆက်သွယ်မှာယူနိုင်ပါတယ်။

Operating Hours 🕒 :
မနက် ၉ နာရီမှ ညနေ ၅ နာရီထိ

(🔺တနင်္လာနေ့တိုင်းတော့ ဆိုင်ပိတ်တဲ့အတွက်ကြောင့်မို့လို့ ဝန်ဆောင်မှုများရပ်နားပါတယ်ခင်ဗျာ။ )

#ဆင့်ညီ

#စာအုပ်လမ်း

16/09/2023

❝ ဘဝရဲ့ စိန်ခေါ်မှုတွေ၊ အပူအပင်တွေကြားမှာ ငြိမ်းချမ်းစေဖို့ ပိုပြီးကျေနပ်ပျော်ရွှင်စေဖို့ နည်းလမ်းရှိပါသလား လို့မေးလာခဲ့ရင် အဖြေက ‘ငြိမ်းချမ်းသောစိတ်’ဖြင့် ငြိမ်းချမ်းသောဘဝကို ပြုစုပျိုးထောင်ခြင်းပါပဲ ❞

ဒီနေ့ခေတ်ကမ္ဘာကြီးမှာ စိတ်ဖိစီးမှုတွေ၊ စိုးရိမ်ပူပန်နေရမှုတွေ၊ အဆိုးမြင်စိတ်တွေက လူသားတွေရဲ့ စိတ်ခံစားချက်ကို လွှမ်းမိုးဖို့ လွယ်ကူတဲ့ အနေအထား ဖြစ်လာပါတယ်။ နေ့စဉ် မိသားစုဘဝ၊ လုပ်ငန်းခွင်တွေနဲ့ ဆိုရှယ်မီဒီယာတွေရဲ့ နေ့စဉ်မပြတ် ပွက်လောရိုက် ဆူညံနေမှုတွေကြောင့် ကိုယ်နဲ့ တခြားသူတွေကြား အဆက်အသွယ် ပြတ်တောက်လာသလို ခံစားလာရတဲ့သူတွေလည်း များလာပါတယ်။

ဒီစာအုပ်ကို သတိပဋ္ဌာန်၊ တရားထိုင်ခြင်းနဲ့ ကိုယ့်ကိုယ်ကို ဆင်ခြင်သုံးသပ်ခြင်းဆိုတဲ့ သဘောတရားတွေကို အခြေခံပြီး ရေးသားထားပါတယ်။ ဒီစာအုပ်မှာ အပိုင်းလေးပိုင်း ပါပါတယ်။

🔸ပထမအပိုင်း "မြင့်မြတ်သော ဘဝနေနည်း" မှာတော့ မေတ္တာ၊ ကရုဏာ၊ စိတ်ညစ်ညူးမချမ်းမြေ့စေတဲ့သူတွေပေါ် ထားဖို့ဥပေက္ခာနဲ့ confidence အကြောင်းတို့ ပါဝင်ပြီး

🔸ဒုတိယပိုင်း "သတိ၊ သမ္မဇဉ်" မှာတော့ စိတ်ဖိစီးမှုတွေကို ကိုင်တွယ်ဖြေရှင်းဖို့၊ အဆိုးတွေကို ဘယ်လိုခံနိုင်ရည်ရှိအောင် ပြင်ဆင်မလဲ၊ အကြောက်တရားကို ဘယ်လိုကျော်လွှားမလဲတို့ ပါဝင်ပါတယ်။

🔸တတိယပိုင်း " ကုစားခြင်း " မှာတော့ dark side တွေ၊ စွဲလမ်းမှုတွေ၊ စိတ်ဂယောက်ဂယက်ဖြစ်မှုတွေနဲ့ ခွင့်လွှတ်မှု အစရှိတာတွေ ပါဝင်ပြီး

🔸စတုတ္ထပိုင်း " ဘဝရဲ့ အဓိပ္ပါယ်ရှိမှု " မှာတော့ ပျော်ရွှင်မှုတွေအကြောင်း၊ ချစ်ခြင်းမေတ္တာတွေနဲ့၊ ကိုယ့်ကိုယ်ကိုယ် လေးစားတတ်လာအောင်နဲ့မျှော်လင့်ချက်တွေအကြောင်း ပါဝင်ပါတယ်။
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _

▪️ ငြိမ်းချမ်းသောစိတ် ငြိမ်းချမ်းသောဘဝ
✍🏻 စာရေးသူ - ဉာဏ

ပထမအကြိမ်၊ ၂၀၂၃ ဩဂုတ်
💰 တန်ဖိုး - ၆,၀၀၀ ကျပ်
📖 စာမျက်နှာ - ၁၈၂

07/09/2023

❝ စက်တင်ဘာလ အသစ်ထွက်နှင့် ပြန်ရစာအုပ်များ ❞
_ _ _ _ _ _ _ _ _ _ _ _ _ _ _ _ _ _ _ _ _

▪️ ကိုယ့်ဘဝကို ကိုယ်ကိုယ်တိုင်ကုစားနည်း ( You Can Heal Your Life )
✍🏻 ဘာသာပြန်ဆိုသူ - ဒေါက်တာခင်စန်းမော်

စတုတ္ထအကြိမ်၊ ၂၀၂၃ စက်တင်ဘာ
💰 တန်ဖိုး - ၁၀,၀၀၀ ကျပ်
📖 စာမျက်နှာ - ၂၅၆
………………………………………..

▪️ သတိပဌာန်ဦးနှောက်
✍🏻 စာရေးသူ- ဇော်ဝင်းကြူ (ပျဉ်းမနား)

ဒုတိယအကြိမ်၊ ၂၀၂၃ စက်တင်ဘာ
💰 တန်ဖိုး - ၇,၀၀၀ ကျပ်
📖 စာမျက်နှာ - ၄၅၃
………………………………………..

▪️ သင်မသေမီ သိသွားသင့်သောလျှို့ဝှက်ချက်ငါးရပ်
✍🏻 ဘာသာပြန်ဆိုသူ - ဦးတင်ဦး (ကျူရှင်)

တတိယအကြိမ်၊ ၂၀၂၃ စက်တင်ဘာ
💰 တန်ဖိုး - ၇,၀၀၀ ကျပ်
📖 စာမျက်နှာ - ၁၇၇
………………………………………..

▪️ လူတွေ၊ လမ်းတွေ၊ အလုပ်အကိုင်တွေနဲ့ ပတ်သက်ရာ ပတ်သက်ကြောင်းတွေ
✍🏻 စာရေးသူ - ချစ်မင်းဝေ

တတိယအကြိမ်၊ ၂၀၂၃ ဩဂုတ်
💰 တန်ဖိုး - ၇,၀၀၀ ကျပ်
📖 စာမျက်နှာ - ၂၃၂
………………………………………..

▪️ လှည့်ဖြားတတ်သော မိုးတိမ်များရဲ့အကြောင်း
✍🏻 စာရေးသူ - အညို

၂၀၂၃ စက်တင်ဘာ
💰 တန်ဖိုး - ၇,၀၀၀ ကျပ်
📖 စာမျက်နှာ - ၁၄၄
………………………………………..

▪️ ရာဇဝင်တွင်ရစ်မယ့် စကားဝိုင်းများ (Kissinger Transcripts )
✍🏻 ဘာသာပြန်သူ - ကျော်ဝင်း

ဒုတိယအကြိမ်၊ ၂၀၂၃ ဩဂုတ်
💰 တန်ဖိုး - ၇,၀၀၀ ကျပ်
📖 စာမျက်နှာ - ၂၀၃
………………………………………..

▪️ အိန္ဒိယဒဿနပညာ (An Introduction to Indian Philosophy)
✍🏻 ဘာသာပြန်သူ - ဝင်းအောင် (Philosophy)

ဒုတိယအကြိမ်၊ ၂၀၂၃ စက်တင်ဘာ
💰 တန်ဖိုး - ၁၂,၀၀၀ ကျပ်
📖 စာမျက်နှာ - ၃၅၉

_ _ _ _ _ _ _ _ _ _ _ _ _ _ _ _ _ _

📌 ဆက်သွယ်ဝယ်ယူရန်📌

📖 Book Street - စာအုပ်လမ်း စာအုပ်ဆိုင်
အ.ထ.က (၁) ရန်ကင်းရှေ့၊ ရန်ကင်းလမ်းမ၊ ၁၂ လုံးတန်းမီးပွိုင့်အနီး၊ ရန်ကင်း။

☎️ : 09443019665
09425764230

📩 :
Page messenger မှဖြစ်စေ၊
Viber နံပါတ် 09425764230 ကိုဖြစ်စေ ဆက်သွယ်မှာယူနိုင်ပါတယ်။

Operating Hours 🕒 :
မနက် ၉ နာရီမှ ညနေ ၅ နာရီထိ

(🔺တနင်္လာနေ့တိုင်းတော့ ဆိုင်ပိတ်တဲ့အတွက်ကြောင့်မို့လို့ ဝန်ဆောင်မှုများရပ်နားပါတယ်ခင်ဗျာ။ )

02/09/2023

❝ ဆူဆိုက် ကလွဲပြီး ကိုယ့်မှာ အခြားနည်းမရှိတော့ပြီလား ❞

ခုချိန် မြန်မာပြည်မှာ ဆူဆိုက် rate တွေ အရမ်းတက်လာတာနဲ့အမျှ စိတ်ကျရောဂါ ခံစားနေရသူတွေလည်း များပြားလာပါတယ်။ ပိုဆိုးတာက စိတ်ကျနေတဲ့သူ အများစုက သူတို့ကိုယ်သူတို့ စိတ်ကျလို့ ကျနေမှန်းတောင် မသိကြတာပဲဖြစ်ပါတယ်။ “အနာသိရင်ဆေးရှိတယ်” ဆိုတဲ့ စကားအတိုင်း ကိုယ်ခံစားနေရတာ ဘာ၊ ကိုယ်ရင်ဆိုင်နေရတာ ဘာဆိုတာ သ်ိရရင်တော့ ကိုယ့်ကိုယ်ကို ပြင်ဆင်နိုင်ဖို့က ပိုလွယ်ကူပါလိမ့်မယ်။

တစ်နှစ်မှာ လူ ရှစ်သိန်းလောက်က ဆူဆိုက် လုပ်ကြပါတယ်။ စက္ကန့် ၄၀ မှာ လူတစ်ယောက်နှုန်း လုပ်နေကြတာဖြစ်ပါတယ် ။ ဆူဆိုက် ဖြစ်ရပ်တွေဟာ ဆင်းရဲ ချမ်းသာမရွေး အောင်မြင် ကျရှုံးမရွေး လူတန်းစားမရွေးမှာ ဖြစ်တတ်ပါတယ်။ မြန်မာနိုင်ငံမှာလည်း ဆူဆိုက် case တွေ ခပ်စိတ်စိတ်တွေ့နေရပါတယ်။

စိတ်ဓာတ်ကျတယ်ဆိုတာ ဘာလဲ၊ စိတ်ဓာတ်ကျရင် ဘယ်လိုတွေ ခံစားရမလဲ၊ ဘာတွေရင်ဆိုင်ရမလဲ၊ ကိုယ်တိုင်မကျရင်တောင် ကိုယ့်အနားက လူတစ်ယောက် စိတ်ဓာတ်ကျနေလား၊ သူခံစားနေရတာ ဘာတွေလဲဆိုတာတွေသိရရင် ဖေးမဖို့၊ ကူညီနိုင်ဖို့ ယုံကြည်ပါတယ်။

ဘဝမှာ လက်လျှော့အရှုံးပေးဖို့ အကြောင်းအရာပေါင်း ၁၀၀ ရှိရင်တောင် ပြန်လည်ရှင်သန်ဖို့ အကြောင်းပြချက် အနည်းဆုံး တစ်ခုကတော့ ရှိမှာပါ။ တကယ်တော့ တစ်ခုမကလည်း ရှိနိုင်ပါတယ်။

▪️နောက်ဆုံးထွက်သက်မှာ နာကျင်ထိတ်လန့်နောင်တရသွားမယ့်ခံစားမှုကလည်း ရှင်သန်ဖို့အကြောင်းရင်းဖြစ်နိုင်တယ်။

▪️သက်မဲ့ခန္ဓာကိုမိသားစုတွေတွေ့တဲ့အခါ ခံစားရမယ့်ချောက်ချားမှုနဲ့ ကိုယ့်လုပ်ရပ်ရဲ့ နောက်ဆက်တွဲ ပြဿနာတွေကလည်း ဆက်ရှင်သန်နေဖို့အကြောင်းဖြစ်နိုင်တယ်။

▪️ပတ်ဝန်းကျင်က ထင်ရာမြင်ရာခေါင်းစဉ်တပ်တာတွေကိုမခံချင်တာကလည်း အကြောင်းရင်းဖြစ်နိုင်တယ်။

▪️ကိုယ်ခံစားရတာတွေအားလုံးကနေ လွတ်မြောက်ဖို့ဆိုပြီးမှ ဒါတွေကို မမေ့သွား၊ မကျော်လွှားနိုင်ဘဲ ထွက်ပေါက်ပါမရှိတော့တဲ့ မကျွတ်မလွတ်တဲ့ဘဝမျိုးရောက်သွားမှာကိုကြောက်စိတ်ကလည်း အရှုံးမပေးဖို့အကြောင်းရင်းဖြစ်နိုင်ပါသေးတယ်။

အသက်ရှင်နေသရွေ့က တစ်နည်းမဟုတ်တစ်နည်းပြန်ပြင်ဆင်လို့ရသလို ပြန်နေပျော်မယ့်အကြောင်းရင်းတွေကို ရှာတွေ့လာမှာပါ။ အဲ့တော့ အကြောက်တရားတစ်ခုခုပဲဖြစ်ဖြစ်၊ တစ်စုံတစ်ယောက်အပေါ်ပူပန်ချစ်ခင်ရမှုပဲဖြစ်ဖြစ်၊ ကိုယ့်အတွက်ကိုယ်မာနထားတာပဲဖြစ်ဖြစ် အကြောင်းရင်းလေးတစ်ခုကို ရှာတွေ့ဖို့ပါပဲ။

Reasons To Stay Alive ဆိုတဲ့ စာအုပ်ကို Matt Haig က ရေးခဲ့ပါတယ်၊ စာရေးသူ Matt Haig ကိုယ်တိုင်က စိတ်ကျရောဂါ ခံစားခဲ့ရပြီး အဖက်ဖက်က ရှုံးနိမ့်မှုဒဏ်ကို အလူးအလဲ ခံစားနေခဲ့ရပါတယ်။ ဒီစာအုပ်ထဲမှာပါတဲ့ အကြောင်းအရာတွေက သူ့ရဲ့ ဘဝအတွေ့အကြုံတွေကို မျှဝေထားတာပဲ ဖြစ်ပါတယ်။

" စိတ်ကျရောဂါ ဖြစ်လာတာ၊ မူမမှန်တဲ့ ဦးနှောက်က တိုက်ခိုက်မှုတွေ ရှိလာတာ၊ ကိုယ့်ကိုယ်ကို သတ်သေချင်သလို ခံစားလာရတာတွေက မှန်တယ်ဆိုတာမရှိသလို မှားတယ်ဆိုတာမရှိပါဘူး။ ယောဂကျင့်စဉ်လိုပဲ၊ သက်တောင့်သက်သာမရှိသလို ယှဉ်ပြိုင်တိုက်ခိုက်ရတဲ့ အားကစားမျိုးလည်း မဟုတ်ပါဘူး။ ဒါပေမဲ့ နှစ်တွေကြာမှ သိလာရတာက တခြားသူတွေ ခံစားနေရတဲ့ အကြောင်းတွေ၊ ကြံ့ကြံ့ခိုင်ဖြတ်ကျော်သွားနိုင်တဲ့အကြောင်းတွေ ပြန်လည်ရှင်သန်နိုင်တဲ့ အကြောင်းတွေ လိုက်ဖတ်ရင် ကျနော့်ကို မျှော်လင့်ချက်တွေ ပေးစွမ်းနေသလို စိတ်ဖြေလို့ ရနိုင်တယ်ဆိုတာပါပဲ။ ဒါကြောင့် ကျနော့်ရဲ့ ဒီစာအုပ်လေးကလည်း ခင်ဗျားတို့ကို စိတ်သက်သာရာ ရစေမယ်လို့ မျှော်လင့်ပါတယ်" လို့ Matt Haig က အမှာစာ ရေးသားခဲ့ပါတယ်။

ဒီစာအုပ်လေးကို ဆရာမမိုးသစ်လင်းကနေပြီး "ရှင်သန်ဖို့ရာ အကြောင်းများစွာ" ဆိုတဲ့ နာမည်လေးနဲ့ ဘာသာပြန်ထုတ်ဝေထားတာ ဖြစ်ပါတယ်။ ဆရာမကိုယ်တိုင်လည်း ၂၀၁၆/၂၀၁၇ လောက်က ဘဝရဲ့ဟိုးအောက်ဆုံးအခြေအနေတစ်ခုကို ရောက်နေတဲ့ကာလမှာ အကူအညီတစ်စုံတစ်ရာများ ဖြစ်လေမလားဆိုတဲ့ မျှော်လင့်ချက်နဲ့ ဖတ်ခဲ့တာပါ။ တကယ်လည်း ပြန်နလန်ထူနိုင်ခဲ့တဲ့ အကြောင်းအရင်းတွေထဲမှာ ဒီစာအုပ်လေးလည်း ပါဝင်ခဲ့ပါတယ်။ ကိုယ်တိုင်လည်း စိတ်ဓာတ်ကျတဲ့ ဝေဒနာခံစားခဲ့ဖူးသူဖြစ်လို့ ကိုယ်ချင်းစာစိတ်၊ မေတ္တာစိတ်အပြည့်နဲ့ ဘာသာပြန်ထားတာကို စာဖတ်သူတွေခံစားမိဖို့ မျှော်လင့်ပါတယ်တဲ့။

ဒီ “ရှင်သန်ဖို့ရာ အကြောင်းများစွာ” ဆိုတဲ့ စာအုပ်လေးဟာ ရောင်းအားအကောင်းဆုံး Top Ten ထဲမှာလည်း ပါဝင်နေခဲ့ပြီးဖြစ်ပါတယ်။
ကိုယ့်ဘေးနားက စိတ်ဓာတ်ကျနေတဲ့ ချစ်ခင်ရတဲ့သူတွေကို လက်ဆောင်ပေးဖို့ပဲဖြစ်ဖြစ်၊ ကိုယ်တိုင်ဖြေဆည်ရာရဖို့ပဲဖြစ်ဖြစ် ဖတ်ကြည့်သင့်တဲ့ စာအုပ်တစ်အုပ်ပဲဖြစ်ပါတယ်။
………………………………………..………………..

▪️ ရှင်သန်ဖို့ရာ အကြောင်းများစွာ (𝗥𝗲𝗮𝘀𝗼𝗻𝘀 𝘁𝗼 𝗦𝘁𝗮𝘆 𝗔𝗹𝗶𝘃𝗲)
✍🏻 မိုးသစ်လင်း

ပထမအကြိမ်၊ ၂၀၂၃ မတ်
💰 တန်ဖိုး - ၇,၅၀၀ ကျပ်
📖 စာမျက်နှာ - ၂၇၉

_ _ _ _ _ _ _ _ _ _ _ _ _ _ _ _ _ _

📌 ဆက်သွယ်ဝယ်ယူရန်📌

📖 Book Street - စာအုပ်လမ်း စာအုပ်ဆိုင်
အ.ထ.က (၁) ရန်ကင်းရှေ့၊ ရန်ကင်းလမ်းမ၊ ၁၂ လုံးတန်းမီးပွိုင့်အနီး၊ ရန်ကင်း။

☎️ : 09443019665
09425764230

📩 :
Page messenger မှဖြစ်စေ၊
Viber နံပါတ် 09425764230 ကိုဖြစ်စေ ဆက်သွယ်မှာယူနိုင်ပါတယ်။

Operating Hours 🕒 :
မနက် ၉ နာရီမှ ညနေ ၅ နာရီထိ

(🔺တနင်္လာနေ့တိုင်းတော့ ဆိုင်ပိတ်တဲ့အတွက်ကြောင့်မို့လို့ ဝန်ဆောင်မှုများရပ်နားပါတယ်ခင်ဗျာ။ )

#ရှင်သန်ဖို့ရာအကြောင်းများစွာ
#မိုးသစ်လင်း

#စာအုပ်လမ်း

31/08/2023

❝ အသစ်ထွက်နှင့် ပြန်ရစာအုပ်များ ❞
_ _ _ _ _ _ _ _ _ _ _ _ _ _ _

▪️ Money, Mindset, Miracles
✍🏻 စာရေးသူ-မွန်ဟော်စီ

၂၀၂၃ ဩဂုတ်
💰 တန်ဖိုး - ၇,၀၀၀ ကျပ်
📖 စာမျက်နှာ - ၂၂၅

………………………………………..

▪️ မင်းမှုထမ်း ( A Royal Duty by Paul Burrell )
✍🏻 ဘာသာပြန်ဆိုသူ - ဝင်းငြိမ်း

၂၀၂၃ ဇူလိုင်
💰 တန်ဖိုး - ၁၄,၀၀၀ ကျပ်
📖 စာမျက်နှာ - ၅၄၇
………………………………………..

▪️ စိတ်ချမ်းသာနည်း ၁၀၀
✍🏻 ဘာသာပြန်ဆိုသူ - နေထွန်းလင်း

၂၀၂၃ ဇူလိုင်
💰 တန်ဖိုး - ၆,၀၀၀ ကျပ်
📖 စာမျက်နှာ - ၁၃၆
………………………………………..

▪️ Nike ဖိနပ်ပုံပြင်
✍🏻 ဘာသာပြန်ဆိုသူ - ဗန်းမော် သိန်းဖေ

၂၀၂၃ ဩဂုတ်
💰 တန်ဖိုး - ၉,၀၀၀ ကျပ်
📖 စာမျက်နှာ - ၅၁၉
………………………………………..

▪️ ကျွန်မက အင်္ဂလိပ်မှ မဟုတ်တာမောင်
✍🏻 စာရေးသူ - အကြည်တော်

ဒုတိယအကြိမ်၊ ၂၀၂၃ ဩဂုတ်
💰 တန်ဖိုး - ၅,၀၀၀ ကျပ်
………………………………………..

▪️ သိသောသူမည်ကား ကြားပါစေ
✍🏻 စာရေးသူ - သိုးဆောင်း

ဒုတိယအကြိမ်၊ ၂၀၂၃ ဩဂုတ်
💰 တန်ဖိုး - ၆,၀၀၀ ကျပ်
📖 စာမျက်နှာ - ၂၂၄
………………………………………..

▪️ တတိယနှင်း
✍🏻 စာရေးသူ - မိုးဦးနေ

၂၀၂၃ ဩဂုတ်
💰 တန်ဖိုး - ၉,၀၀၀ ကျပ်
📖 စာမျက်နှာ - ၃၀၆
………………………………………..

▪️ ၂၅ နှစ်ကျော် ဖြတ်သန်းခဲ့သော ကယ်ရီကေးချားခရီး ( 100 Caricature Pages)
✍🏻 စာရေးသူ-TTO

၂၀၂၃ ဇူလိုင်
💰 တန်ဖိုး - ၁၀,၀၀၀ ကျပ်
📖 စာမျက်နှာ - ၁၁၁
………………………………………..

▪️ ငြိမ်းချမ်းသောစိတ် ငြိမ်းချမ်းသော ဘဝ
✍🏻 စာရေးသူ-ဉာဏ

၂၀၂၃ ဩဂုတ်
💰 တန်ဖိုး - ၆,၀၀၀ ကျပ်
📖 စာမျက်နှာ - ၁၈၂
………………………………………..

▪️ Mental Detox (စိတ်ကို အဆိပ်ထုတ်ခြင်း)
✍🏻 စာရေးသူ-မွန်ဟော်စီ

ဒုတိယအကြိမ်၊ ၂၀၂၃ ဩဂုတ်
💰 တန်ဖိုး - ၆,၀၀၀ ကျပ်
📖 စာမျက်နှာ - ၁၄၃

_ _ _ _ _ _ _ _ _ _ _ _ _ _ _ _ _ _

📌 ဆက်သွယ်ဝယ်ယူရန်📌

📖 Book Street - စာအုပ်လမ်း စာအုပ်ဆိုင်
အ.ထ.က (၁) ရန်ကင်းရှေ့၊ ရန်ကင်းလမ်းမ၊ ၁၂ လုံးတန်းမီးပွိုင့်အနီး၊ ရန်ကင်း။

☎️ : 09443019665
09425764230

📩 :
Page messenger မှဖြစ်စေ၊
Viber နံပါတ် 09425764230 ကိုဖြစ်စေ ဆက်သွယ်မှာယူနိုင်ပါတယ်။

Operating Hours 🕒 :
မနက် ၉ နာရီမှ ညနေ ၅ နာရီထိ

(🔺တနင်္လာနေ့တိုင်းတော့ ဆိုင်ပိတ်တဲ့အတွက်ကြောင့်မို့လို့ ဝန်ဆောင်မှုများရပ်နားပါတယ်ခင်ဗျာ။ )

27/08/2023

ရွှေတြိဂံဒေသသည် ကမ္ဘာလုံးဆိုင်ရာ မူးယစ်ဆေးဝါး အရောင်းအဝယ် ဗဟိုချက်ဖြစ်လာချိန်တွင် အမျိုးသမီးဘိန်းဖြူရာဇာတစ်ဦးဖြစ်သော အသက် ၃၀ အရွယ် အော်လစ်(ဖ်)ယန် ၏ ဒဏ္ဍာရီများက နိဒါန်းချီလာလေသည်။

မြန်မာနိုင်ငံ၊ ရှမ်းပြည်မြောက်ပိုင်းတွင် အော်လစ်ဖ်ယန် ပိုင်ဆိုင်သော ဝန်တင်လားတွေ မျက်စိတဆုံး၊ မိုးတဆုံး ရှိသည်။ ဒေသတွင်း ထွက်သမျှ ဘိန်းတွေကို ရောင်းချဖြန့်ဖြူးရင်း အော်လစ်ဖ်ယန် ပိုင်ဆိုင်သော ရွှေချောင်းတွေက သေတ္တာကြီးများဖြင့် တစ်အိမ်လုံးအပြည့်၊ တစ်ဝန်းလုံးအပြည့်။

အော်လစ်ဖ်ယန်၏ ဘဝတစ်ဆစ်ချိုးတွင် ရွှေတြိဂံ ဒေသကို နာမည်ဆိုးဖြင့် ကျော်ကြားစေသူ၊ ဘိန်းဘုရင်အသီးသီးကို တင်မြောက်ရာနှင့် ကမ္ဘာ့ဘိန်းဖြူဈေးကွက်၏ရာခိုင်နှုန်းများစွာ၏ အဓိကနေရာတွင် ပါဝင်ခဲ့သူဖြစ်ခဲ့သည်။

🐲အောလစ်(ဖ်)ယန် ဆိုတာ ဘယ်သူလဲ..?

🐲 သူရဲ့ကိုးကန့်ဟော်နန်းမျိုးဆက်က ဘာလဲ...?

🐲 ကိုးကန့်ဟော်နန်းဆက် ဘယ်လိုပုံနဲ့ ပြိုပျက်သွားခဲ့ရသလဲ...?

🐲ကိုးကန့်ဒေသရဲ့ သူရဲကောင်းလား..?

🐲 ဒါမှမဟုတ်...ကိုးကန့်ဒေသအတွက် ကျိန်စာလား...?

🐲ဘိန်းဘုရင်မတစ်ပါးလား...?

အော်လစ်ဖ်ယန်အကြောင်း ရေးသားထားသည့် ဝတ္ထုအမျိုးမျိုးလည်း ရှိခဲ့သည်။ သူ့အကြောင်း (ယခု စာအုပ် ) ကို ပြည့်ပြည့်စုံစုံရေးသားရန် မြန်မာတိုင်းမ်သတင်းစာထုတ်ဝေခဲ့စဉ်နှစ်များအတွင်း သတင်းထောက်အဖြစ်လုပ်ကိုင်ခဲ့သူ အမေရိကန်နိုင်ငံသူ Gabrielle Paluch က အော်လစ်ဖ်ယန်အကြောင်း စာအုပ်များ၊ မှတ်တမ်းများကို ကိုးကားခဲ့ပြီး၊ အော်လစ်ဖ်ယန်၏ ဆွေမျိုးများ၊ သားချင်းမောင်နှမများ၊ သက်ဆိုင်သူများနှင့်ပါ တွေ့ဆုံမေးမြန်းပြီး ရေးသားထားခြင်းဖြစ်သည်။

အော်လစ်ဖ်ယန်၏ ဘဝဇာတ်ကြောင်းသည် ရှုပ်ထွေးလွန်းပြီး တစ်ခါတစ်ရံ ဒဏ္ဍာရီဆန်ဆန် မယုံနိုင်စရာကောင်းလှသည်။ ဘယ်ဟာက သတင်းအချက်အလက်အစစ်အမှန်လဲ၊ ဘယ်ဟာက ယုံတမ်းလဲ၊ ဘယ်ဟာက ချဲ့ကားပြောဆိုခြင်းလဲ ဆိုတာကို ခွဲခြားသိမြင်နိုင်ရန် စာရေးသူကိုယ်တိုင်လည်း ခက်ခဲလာ၍ ပုံနှိပ်စာလုံး font ဖြင့်သာ ကွဲပြားအောင် ရေးသားခဲ့ပါသည်။ ဆိုလိုသည်မှာ ယခုစာအုပ်၏ တချို့အခန်းများတွင် စာလုံးစောင်း ( Italic font) ဖြင့် ရေးသားထားသည်မှာ ယုံတမ်း သို့ ချဲ့ကားပြောဆိုခြင်းများဖြစ်သည်လို့ စာရေးသူက အမှာစာမှာ ထည့်သွင်းရေးသားခဲ့ပါတယ်။

မူရင်း The O***m Queen အမည်ဖြင့်စာအုပ်ကို မြန်မာနိုင်ငံတွင် နေခဲ့သော မြန်မာတိုင်းမ်သတင်းထောက် အမေရိကန်လူမျိုး Gabrielle Paluch မှ ရေးသားထုတ်ဝေခဲ့ပြီး ဆရာနိုင်ဦးမှ ကိုးကန့်မင်းသမီး အမည်ဖြင့် မြန်မာပြန်ကာ ပုံနှိပ်ထုတ်ဝေပါသည်။ ကိုးကန့်မင်းသမီး အော်လစ်ဖ်ယန်၏ ဒဏ္ဍာရီဆန်ဆန် ဘဝအချိုးအကွေ့များကို စုံစုံလင်လင် တိတိပပ ဖတ်ရှုနိုင်မည့် စာအုပ်ကောင်းတစ်အုပ် ဖြစ်ပါသည်။

_ _ _ _ _ _ _ _ _ _ _ _ _ _ _ _ _ _ _

▪️ ကိုးကန့်မင်းသမီး အောလစ်(ဖ်)ယန် - နိုင်ဦး
💰 တန်ဖိုး - ၉,၀၀၀ ကျပ်
📖 စာမျက်နှာ - ၂၅၆

ပထမအကြိမ်၊ ၂၀၂၃ ဇူလိုင်

_ _ _ _ _ _ _ _ _ _ _ _ _ _ _ _ _ _ _

📌 ဆက်သွယ်ဝယ်ယူရန်📌

📖 Book Street - စာအုပ်လမ်း စာအုပ်ဆိုင်
အ.ထ.က (၁) ရန်ကင်းရှေ့၊ ရန်ကင်းလမ်းမ၊ ၁၂ လုံးတန်းမီးပွိုင့်အနီး၊ ရန်ကင်း။

☎️ : 09443019665
09425764230

📩 :
Page messenger မှဖြစ်စေ၊
Viber နံပါတ် 09425764230 ကိုဖြစ်စေ ဆက်သွယ်မှာယူနိုင်ပါတယ်။

Operating Hours 🕒 :
မနက် ၉ နာရီမှ ညနေ ၅ နာရီထိ

(🔺တနင်္လာနေ့တိုင်းတော့ ဆိုင်ပိတ်တဲ့အတွက်ကြောင့်မို့လို့ ဝန်ဆောင်မှုများရပ်နားပါတယ်ခင်ဗျာ။ )

#ကိုးကန့်မင်းသမီး
#အောလစ်ဖ်ယန်
***mQueen
#နိုင်ဦး

#စာအုပ်လမ်း

26/08/2023

𝗘𝗮𝘁 𝗠𝗲 🍰

ဆောင်းမရှိ၊ မိုးနဲ့ နွေနဲ့ပဲ ရှိတဲ့ ရန်ကုန်မြို့က တိုက်ခန်းကျဉ်းလေးမှာနေတဲ့၊ ဂျင်းဘောင်းဘီတွေ ကြိုက်တဲ့ အညာသားလူငယ်လေးတစ်ယောက်။

စည်းစနစ်အကျလွန်ပြီး နေရာတကာ ပစိပစပ်များလွန်းတဲ့ ဆံပင်အရှည်နဲ့ စာအုပ်ကြီးသမားအခန်းဖော်။

အညာသားလေးချစ်မိတဲ့ မိန်းကလေးတစ်ယောက်။

အဲ့ဒိ့မိန်းကလေးမွေးနေ့အတွက် အချစ်ကိုသက်သေပြဖို့ဆိုပြီး အညာသားလေး ဖုတ်ပေးတဲ့ ကိတ်မုန့်အကြီးကြီးတစ်လုံး။

ဆယ်မျက်နှာပဲရှိတဲ့ 𝗘𝗮𝘁 𝗠𝗲 ဆိုတဲ့ ဝတ္ထုတိုလေးမှာ အချိုးအကွေ့တွေက အများကြီး။ နယ်ကတက်လာရတဲ့ လူငယ်တစ်ယောက်ရဲ့ဘဝကို ခပ်ဝါးဝါးမြင်ရတယ်။ စရိုက်မတူတဲ့ အခန်းဖော်နဲ့ နေရတဲ့ အခက်အခဲ၊ နောက်ပြီး အခန်းဖော်နဲ့ကြားက မေးခွန်းထုတ်ချင်စရာ ပတ်သက်မှု။ ဇာတ်လမ်းက ဪ ဒီလိုဇာတ်လမ်းပဲမလားလို့ တွေးမိလိုက်တိုင်း နောက်အချိုးအကွေ့တစ်ခု ပေါ်လာတယ်။ ဪ ဒီလိုဖြစ်သွားပြီပဲ၊ ဒီလိုဝတ္ထုပေါ့ဆိုပြီး တွေးမိတုန်း နောက် အကွေ့တစ်ခုက နောက်တစ်မျက်နှာမှာ စောင့်နေတယ်။ ကိတ်မုန့်က ဘယ်သူလဲ၊ အညာသားလေးလား၊ ဆံပင်ရှည်နဲ့ အခန်းဖော်လား၊ ကြည်နူးဝမ်းသာရုံနဲ့ပြီးသွားပြီး တကယ်တမ်းကျ ဘယ်သူမှ အားပါးတရမစားကြတဲ့ မွေးနေ့ပွဲအလယ်က ကိတ်မုန့်ကြီးလား။

ဆယ်မျက်နှာစာ ဝတ္ထုတိုလေး ပြီးသွားတော့ အစကိုပြန်လှန်ရတယ်။ ဘယ်သူက ဘာလဲ၊ ဘယ်သူက ကိတ်မုန့်လဲ ?

စာရေးသူ ကိတ်မုန့် ကို မဂ္ဂဇင်းတွေဖတ်လေ့ရှိတဲ့ စာဖတ်ပရိတ်သတ်တွေကတော့ ရင်းနှီးပြီးသား ဖြစ်မှာပါ။ ကိတ်မုန့်ရဲ့ ဝတ္ထုတိုတွေဟာ ရွှေအမြုတေမဂ္ဂဇင်းတွေမှာ ပါဝင်လေ့ရှိပါတယ်။ ဒီ Eat Me ဆိုတဲ့ ဝတ္ထုတိုတွေစုထားတဲ့ စာအုပ်လေးမှာလည်း မဂ္ဂဇင်းထဲမှာ ပါခဲ့ပြီးသား ဝတ္ထုတွေ ပါဝင်ပါတယ်။

ဒီဝတ္ထုတိုများ စာအုပ်ထဲမှာ ဝတ္ထုတို ၁၂ ပုဒ်ပါဝင်ပါတယ်။ မဂ္ဂဇင်းတွေထဲမှာကတည်းက ရေးလာတဲ့ စာရေးသူဖြစ်တဲ့အတိုင်း ကိတ်မုန့်ရဲ့ အနုပညာဖန်တီးမှုက အကြောင်းအရာစုံတယ်။ “ပက်ကြားအက်ဒဏ်ရာ လက်တက်များ” လို အညာနောက်ခံ၊ ဆရာမခင်ခင်ထူးဆန်ဆန် ဝတ္ထုတိုတွေလည်းပါသလို၊ “Eat Me” လို မြင်နေကျမဟုတ်တဲ့ ဝတ္ထုတိုလည်းပါပြီး “ပန်” ဆိုတဲ့ ဝတ္ထုတိုလေးလို နေ့စဉ်ဘဝမှာရှိပေမယ့် သိပ်သတိမထားမိ၊ မမြင်မိ၊ နားမလည်မိတဲ့ လူတွေအကြောင်းကို ရေးထားတဲ့ ဝတ္ထုတိုတွေလည်းပါတယ်။ အကြောင်းအရာတွေ နောက်ခံတွေက မတူပေမယ့် ကိတ်မုန့်ရဲ့ ဝတ္ထုတိုတွေမှာ တူညီတာတွေက ထင်မထားမိတဲ့ ဇာတ်လမ်းအချိုးအကွေ့တွေနဲ့ လူတွေရဲ့ခန့်မှန်းမရတဲ့ စိတ်သဘောတွေအကြောင်းပါပဲ။ "ပန်" ဆိုတဲ့ ဝတ္ထုတိုလေးကို " ရန်ကုန်တွင် သေဆုံးနိုင်သော နည်းပေါင်းတစ်ထောင် " ဆိုတဲ့ လုံးချင်းဝတ္ထုအဖြစ်လည်း အရှည်ထွက်ရှိထားပါသေးတယ်။

စာရေးသူကိတ်မုန့်က အမှာစာမှာ ရေးထားတာ တစ်ခုရှိပါတယ်။ ဝတ္ထုတိုတွေဟာ စာရေးသူရဲ့ ဘဝကို ချဉ်းကပ်ဖို့ အကောင်းဆုံးနည်းလမ်းပါတဲ့။ ဒါကြောင့်မို့ စာရေးသူကိတ်မုန့်ရဲ့ ဝတ္ထုတိုတွေမှာ အပြင်ကဘဝနဲ့ အတွေ့အကြုံတွေကို အတတ်နိုင်ဆုံး မပါအောင်ရှောင်ပေမယ့်လည်း တစ်နည်းနည်းနဲ့တော့ ထင်ဟပ်ချိတ်တွယ်လာပါတယ်တဲ့။ နောက်ပြီးတော့ စာရေးသူကိတ်မုန့် ၂၀၁၆ ကနေ ၂၀၂၂ ထိရေးခဲ့သမျှ ဝတ္ထုတိုတွေထဲက ဇာတ်ကောင်အများစုက "ရန်ကုန်တွင် သေဆုံးနိုင်သော နည်းပေါင်းတစ်ထောင်" ဆိုတဲ့ လုံးချင်းဝတ္ထုတိုထဲမှာလည်း ပါဝင်နေပါသေးတယ်။ အဲ့သည့်ဝတ္ထုကလည်း အခုထွက်ရှိပြီးလို့ဝယ်ယူဖတ်ရှုလို့ရနေပါပြီ။

_ _ _ _ _ _ _ _ _ _ _ _ _ _ _ _ _ _ _

▪️ Eat Me - ကိတ်မုန့်
💰 တန်ဖိုး - ၄,၀၀၀ ကျပ်
📖 စာမျက်နှာ - ၁၅၂

ပထမအကြိမ်၊ ၂၀၂၂ ဇူလိုင်

_ _ _ _ _ _ _ _ _ _ _ _ _ _ _ _ _ _ _

📌 ဆက်သွယ်ဝယ်ယူရန်📌

📖 Book Street - စာအုပ်လမ်း စာအုပ်ဆိုင်
အ.ထ.က (၁) ရန်ကင်းရှေ့၊ ရန်ကင်းလမ်းမ၊ ၁၂ လုံးတန်းမီးပွိုင့်အနီး၊ ရန်ကင်း။

☎️ : 09443019665
09425764230

📩 :
Page messenger မှဖြစ်စေ၊
Viber နံပါတ် 09425764230 ကိုဖြစ်စေ ဆက်သွယ်မှာယူနိုင်ပါတယ်။

Operating Hours 🕒 :
မနက် ၉ နာရီမှ ညနေ ၅ နာရီထိ

(🔺တနင်္လာနေ့တိုင်းတော့ ဆိုင်ပိတ်တဲ့အတွက်ကြောင့်မို့လို့ ဝန်ဆောင်မှုများရပ်နားပါတယ်ခင်ဗျာ။ )

#ကိတ်မုန့်

#စာအုပ်လမ်း

23/08/2023

❝ ကျန်းမာရေးဆိုတာ အမွေရလိုက်တဲ့ စည်းစိမ်ဖြစ်ပါတယ်။ တိုးပွားအောင် မလုပ်နိုင်ရင်တောင် အရင်းလျော့မသွားဖို့ ဂရုစိုက်ရမယ် ❞

ပြင်သစ်နိုင်ငံမှာ အလွန်အောင်မြင်ပြီး ကမ္ဘာ့ရောင်းစားအကောင်းဆုံး စာအုပ်စာရင်းဝင်ထားတဲ့ 𝗠𝗶𝗰𝗵𝗲𝗹 𝗖𝘆𝗺𝗲𝘀 ရေးသားတဲ့ " 𝗟𝗶𝘃𝗲 𝗕𝗲𝘁𝘁𝗲𝗿 𝗮𝗻𝗱 𝗟𝗼𝗻𝗴𝗲𝗿 " ဆိုတဲ့ စာအုပ်လေးကို ဒေါက်တာချစ်စောက "အသက်ရှည်ရှည်၊ ပျော်ပျော်ရွှင်ရွှင် " ဆိုတဲ့နာမည်နဲ့ ဘာသာပြန်ရေးသားထုတ်ဝေထားပါတယ်။

ဒီစာအုပ်လေးမှာ အဓိကအပိုင်းလေးပိုင်း ပါဝင်ပါတယ်။

အပိုင်း (၁) မှာတော့ လူအများစုက အသေးအဖွဲလို့ ထင်ကြပြီး သိပ်သတိမထားမိကြတဲ့ ကျန်းမာရေးအတွက် အစားအသောက်တွေကို ဘယ်လိုအစားအစာက ဘာအတွက်ကောင်းတယ်ဆိုပြီး အသေးစိတ်ရှင်းပြထားပါတယ်။

အပိုင်း (၂) မှာတော့ ကျန်းမာရေးကို တိုးတက်စေ၊ ထိခိုက်စေတဲ့ အသေးအဖွဲအမှုအကျင့်လေးတွေကို ဆွေးနွးထားပါတယ်။

အပိုင်း (၃) မှာတော့ ကိုယ့်ရဲ့ကိုယ်တွင်းကဝိဉာဉ်ကိုနှိုးဆွပြီး လက်ရှိခန္ဓာကိုယ်ကို တိုးတက်အောင် ကြိုးစားချင်စိတ်ပေါ်လာအောင် လမ်းညွှန်ထားပါတယ်။

အပိုင်း(၄) မှာတော့ ကျန်းမာကြံ့ခိုင်ရေးအတွက် တကယ်အသုံးဝင်တဲ့ လမ်းညွှန်ချက်တွေကို မျိုးတူ စုဖွဲ့ပေးထားပါတယ်။ အသေးအဖွဲလေးတွေပေမယ့် ရေရှည်လိုက်နာနိုင်ရင် အကျိုးများစေတဲ့အကြောင်း ရှင်းပြထားပါတယ်။

ကျန်းမာခြင်းဟာ လာဘ်ကြီးတစ်ပါးလို့ မြန်မာလူမျိုးတိုင်း သိကြပါတယ်။ အဲ့လိုသိနေတာတောင် မြန်မာလူမျိုးတို့မှာ မတ်တတ်နာလို့ ခေါ်တဲ့ " အဝလွန်၊ သွေးတိုး၊ ဆီးချို " ရောဂါတွေဖြစ်ကြပါတယ်။ ဒီစာအုပ်လေးက မတ်တတ်နာတွေအတွက် ထိရောက်စွာကူညီနိုင်မယ်လို့ ယုံကြည်တာကြောင့် ပြန်ဆိုတင်ဆက်လိုက်ပါတယ်လို့ ဒေါက်တာချစ်စောက ရေးသားထားပါတယ်။

_ _ _ _ _ _ _ _ _ _ _ _ _ _ _ _ _ _ _

▪️ အသက်ရှည်ရှည် ပျော်ပျော်ရွှင်ရွှင် - ဒေါက်တာချစ်စော
💰 တန်ဖိုး - ၁၀,၀၀၀ ကျပ်
📖 စာမျက်နှာ - ၂၅၅

ပထမအကြိမ်၊ ၂၀၂၃ ဇူလိုင်

_ _ _ _ _ _ _ _ _ _ _ _ _ _ _ _ _ _ _

📌 ဆက်သွယ်ဝယ်ယူရန်📌

📖 Book Street - စာအုပ်လမ်း စာအုပ်ဆိုင်
အ.ထ.က (၁) ရန်ကင်းရှေ့၊ ရန်ကင်းလမ်းမ၊ ၁၂ လုံးတန်းမီးပွိုင့်အနီး၊ ရန်ကင်း။

☎️ : 09443019665
09425764230

📩 :
Page messenger မှဖြစ်စေ၊
Viber နံပါတ် 09425764230 ကိုဖြစ်စေ ဆက်သွယ်မှာယူနိုင်ပါတယ်။

Operating Hours 🕒 :
မနက် ၉ နာရီမှ ညနေ ၅ နာရီထိ

(🔺တနင်္လာနေ့တိုင်းတော့ ဆိုင်ပိတ်တဲ့အတွက်ကြောင့်မို့လို့ ဝန်ဆောင်မှုများရပ်နားပါတယ်ခင်ဗျာ။ )

#အသက်ရှည်ရှည်ပျော်ပျော်ရွှင်ရွှင်
#ဒေါက်တာချစ်စော

#စာအုပ်လမ်း

17/08/2023

လွန်းထားထား (ဆေးတက္ကသိုလ်) ဆိုတာ 80's နဲ့ 90's kid တွေအတွက် မစိမ်းလှတဲ့ ကလောင်နာမည် တစ်ခုပါ။ ခုခေတ်လို ဖုန်းတွေ၊ အင်တာနက်တွေ မရှိသေးတဲ့ကာလမှာ ဆရာမရဲ့ ဝတ္ထုတွေက ဆယ်ကျော်သက်တွေရဲ့ရန်ခုန်တတ်တဲ့ ချစ်စိတ်တွေကို တစ်ထောင့်တစ်နေရာကနေပြီး စိတ်ကူးယဉ်စရာကောင်းအောင် ပံ့ပိုးပေးခဲ့ဖူးပါတယ်။ ဆရာမရဲ့ဝတ္ထုတွေက စာအုပ်နဲ့တင် ရပ်မသွားဘဲ ရုပ်ရှင်ကားတွေအဖြစ်လည်း အသက်သွင်းခံခဲ့ရပါသေးတယ်။

ခုတော့ ဆရာမရဲ့စာတွေကလည်း တစ်ချိန်က ဆယ်ကျော်သက်တွေနဲ့ အတူ အရွယ်ရောက်လာခဲ့ပါပြီ။ တစ်ချိန်က နေကြာစေ့ဝါး၊ အချဉ်ထုပ်စားရင်း ဆရာမဝတ္ထုတွေကိုဖတ်ရင်း ရင်ခုန်ဖူးခဲ့ကြတဲ့ ဆယ်ကျော်သက်လေးတွေလည်း ခုဆို ကိုယ်စီ မိသားစုဘဝတွေကိုထူထောင်ပြီး အခြေကျနေပါပြီ။

ဆရာမရဲ့ "ပိုအေးချမ်းတဲ့ကိုယ်" ဆိုတဲ့ စာအုပ်လေးကို ဒီနှစ်ရဲ့ ဇွန်လမှာမှ ထုတ်ဝေခဲ့တာပါ။ ဒီတစ်ခါတော့ ဝတ္ထုမဟုတ်ဘဲ ဆရာမရဲ့ ဘဝအတွေ့အကြုံတွေကိုအခြေခံပြီး စာဖတ်သူတွေကို စာအုပ်နာမည်အတိုင်း ပိုပြီးအေးချမ်းတဲ့ဘဝကို ကိုယ်တိုင်ရရှိအောင် ပိုင်ဆိုင်အောင် ဘယ်လိုနေထိုင်ရမယ်၊ ဘယ်လိုတွေးတောသင့်တယ်ဆိုတာ ရေးသားထားတာဖြစ်ပါတယ်။

အရာရာကို နှလုံးသားနဲ့ လုပ်ဖို့၊ ကိုယ့်အနားမှာ စစ်မှန်သူတွေရှိစေချင်ရင် ကိုယ်တိုင်ကလည်း စစ်မှန်ဖို့ လိုတယ်ဆိုတဲ့ အကြောင်း၊ ငြိမ်းအေးမှုဆိုတာ ဘာလဲ၊ စိတ်ကိုဘယ်လိုရှင်းကြမလဲ၊ တကယ်ချစ်တတ်ဖို့ဆို ဘာတွေလိုမလဲစတဲ့ စာစုလေးပေါင်း ၃၅ ခုပါဝင်ပါတယ်။ ဆရာမရဲ့ ပရိတ်သတ်ဟောင်းတွေအနေနဲ့ရော ပရိတ်သတ်အသစ်တွေပါ ဖတ်ရှုသင့်တဲ့ စာအုပ်ဖြစ်ပါတယ်။

••••••••••••••••••••••••
🔸 မာတိကာ 🔸

၁။ ပိုအေးချမ်းတဲ့ကိုယ်...
၂။ နှလုံးသားနဲ့ လုပ်ပါ...
၃။ ကိုယ့်အနားမှာ စစ်မှန်သူတွေ ရှိစေချင်ရင် ကိုယ်ကလည်း စစ်မှန်ဖို့ လိုပါတယ်
၄။ ဆိတ်ငြိမ်ခြင်းရဲ့တန်ဖိုး။
၅။ ဘယ်အရာမှ အလကား မလိုချင်ပါနဲ့...။
၆။ ငြိမ်းအေးခြင်းရဲ့အစ...။
၇။ ကိုယ်တန်ဖိုးထားတဲ့အရာတွေကသာ ကိုယ့်ဘဝကို
ပုံဖော်ပေးပါတယ်။
၈။ လက်ခံပါ...အသိအမှတ်ပြုပေးပါ...။
၉။ နေ့ရက်တိုင်းကို ဘယ်လိုဖြတ်သန်းမလဲ။
၁၀။ စိတ်နဲ့ မိတ်ဆွေဖွဲ့ပါ...။
၁၁။ ပေါ့ပါးစွာ အိုမင်းကြမယ်...
၁၂။ ကိုယ့်ကိုယ်ကိုယ် ဆင်ခြင်သုံးသပ်ကြည့်ပါ...။
၁၃။ ရန်သူကျေနပ်အားရအောင် ကိုယ့်ကိုယ်ကိုယ် ထိုးမကျွေးပါနဲ့...။
၁၄။ ကိုယ့်ကိုယ်ကိုယ် မကြာခဏပြောတဲ့စကားက
ကိုယ့်ရဲ့စရိုက်ကို ပုံဖော်ပေးလာပါတယ်...။
၁၅။ တန်ဖိုးရှိတဲ့ကိုယ့်စိတ်ထဲမှာ တန်ဖိုးရှိတဲ့အတွေးတွေသာ နေရာပေးပါ။
၁၆။ အဆင်မပြေမှုတွေထဲကနေ
အဆင်ပြေစရာလေးတွေ ရှာကြည့်ပါ...။
၁၇။ တစ်ဖန်ပြန်ပွင့်တဲ့ပန်း...
၁၈။ တန်ဖိုးသိသူရဲ့လက်ထဲမှာ တန်ဖိုးထားခံရပါတယ်...။
၁၉။ စူးရှတဲ့စကားလုံးတွေက သူတစ်ပါးရဲ့နှလုံးသားကို
ပြတ်ရှစေပါတယ်။
၂၀။ သူ့ဘက်ကိုလည်း တွေးပေးပါ...။
၂၁။ ယုံကြည်မှုနဲ့ နှောင်ဖွဲ့ပါ...။
၂၂။ လက်ဆောင်ပေးခြင်းအနုပညာ...
၂၃။ တရားမှာ တိုးတက်မှုရှိမရှိ...
ဒီအချက်လေးတွေနဲ့ တိုင်းတာပါ...။
၂၄။ လှပသော ထောင်ချောက်တွေ ရှိတယ်...။
၂၅။ ကောင်းတဲ့အလေ့အကျင့်လေးတွေ...ကူးစက်ယူပါ...။
၂၆။ မမြင်ရတဲ့ စိတ်ထဲကမှိုကို ဖယ်ရှားပေးပါ...။
၂၇။ တစ်လတစ်ခါ Electronic Detox လုပ်ကြည့်ပါ...။
၂၈။ positive vibes လေးတွေ ဝန်းရံပါ။
၂၉။ စိတ်ခံစားမှုကို အသိအမှတ်ပြုပါ...
ဦးစားတော့မပေးပါနဲ့...။
၃၀။ ခံစားဖို့ ထိုက်တန်ရဲ့လားလို့ တွေးကြည့်ပါ..။
၃၁။ စိတ်ရှင်းနည်း...။
၃၂။ ပြင်းပြတဲ့ဆန္ဒရှိရင် ဘာမဆိုဖြစ်နိုင်ပါတယ်..။
၃၃။ တကယ်ချစ်တတ်ပါစေ..။
၃၄။ မနှစ်သက်ရင် နှုတ်ဆိတ်နေပါ..။
၃၅။ ဥပေက္ခာလက်ဆောင်.....

_ _ _ _ _ _ _ _ _ _ _ _ _ _ _ _ _ _ _

▪️ ပိုအေးချမ်းတဲ့ကိုယ် - လွန်းထားထား (ဆေးတက္ကသိုလ်)
💰 တန်ဖိုး - ၅,၅၀၀ ကျပ်
📖 စာမျက်နှာ - ၁၆၀

ပထမအကြိမ်၊ ၂၀၂၃ ဇွန်

_ _ _ _ _ _ _ _ _ _ _ _ _ _ _ _ _ _ _

📌 ဆက်သွယ်ဝယ်ယူရန်📌

📖 Book Street - စာအုပ်လမ်း စာအုပ်ဆိုင်
အ.ထ.က (၁) ရန်ကင်းရှေ့၊ ရန်ကင်းလမ်းမ၊ ၁၂ လုံးတန်းမီးပွိုင့်အနီး၊ ရန်ကင်း။

☎️ : 09443019665
09425764230

📩 :
Page messenger မှဖြစ်စေ၊
Viber နံပါတ် 09425764230 ကိုဖြစ်စေ ဆက်သွယ်မှာယူနိုင်ပါတယ်။

Operating Hours 🕒 :
မနက် ၉ နာရီမှ ညနေ ၅ နာရီထိ

(🔺တနင်္လာနေ့တိုင်းတော့ ဆိုင်ပိတ်တဲ့အတွက်ကြောင့်မို့လို့ ဝန်ဆောင်မှုများရပ်နားပါတယ်ခင်ဗျာ။ )

#ပိုအေးချမ်းတဲ့ကိုယ်
#လွန်းထားထား

#စာအုပ်လမ်း

Book Street - စာအုပ်လမ်း

08/11/2024

03/07/2024

14/01/2024

08/01/2024

16/09/2023

07/09/2023

02/09/2023

31/08/2023

27/08/2023

26/08/2023

23/08/2023

17/08/2023

Address

Opening Hours

Telephone

Website

Alerts

Shortcuts

Share

Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00
Sunday	09:00 - 20:00