Asyne Clinic - Хүүхдийн дотоод шүүрлийн эмнэлэг

21/07/2026

Илүүдэл жинтэй, таргалалттай хүүхдэдээ хэрхэн тусалж, тэднийг дэмжих вэ? 🤷🏻‍♀️🤷🏻‍♂️

Бид эцэг эхчүүд та бүхэнд энэхүү зөвлөмжөөр дамжуулан дараах мэдээллүүдийг дэс дараатайгаар хүргэх болно. Эхний хүргэх мэдээлэл бол- Хүүхдийн илүүдэл жин, таргалалт хэр түгээмэл байдаг вэ? Анхааралтай уншиж, танилцаарай.

✅ Хүүхдийн илүүдэл жин ба таргалалт хэр түгээмэл байдаг вэ?
✅ Хүүхдийн илүүдэл жин ба таргалалт юунаас үүдэлтэй вэ?
✅ Илүүдэл жинтэй эсвэл таргалалттай байх нь эрүүл мэндэд ямар сөрөг нөлөөтэй вэ?
✅ Хүүхэд маань илүүдэл жинтэй эсэхийг би хэрхэн мэдэх вэ?
✅ Хүүхэд маань жин хасах шаардлагатай юу?
✅ Хүүхдээ эрүүл жинд хүрэхэд нь хэрхэн туслах вэ? Хүүхдээ хэрхэн дэмжих вэ?
✅ Хүүхдийг эрүүл жинд хүргэхэд туслах өөр ямар эмчилгээ байдаг вэ?
✅Хүүхдийн илүүдэл жин ба таргалалттай холбоотой судалгаа, туршилтууд

⁉️1. Хүүхдийн илүүдэл жин ба таргалалт хэр түгээмэл байдаг вэ?

📍Хүүхэд өсөж, хөгжихийн хирээр тэдний биеийн өндөр, жин нэмэгдэж байдаг. Иймд эцэг эхчүүд хүүхдээ хэт их жин нэмж байна уу, эсвэл эрүүлээр өсөж том болж байгаа үгүйг ялгахад бэрхшээлтэй байдаг байж болох юм. ДЭМБ-ын судалгаагаар “илүүдэл жинтэй, таргалалттай хүүхэдтэй эцэг эхчүүдийн 66.6% нь буюу 3 эцэг эх тутмын 2 нь хүүхдээ илүүдэл жинтэй, таргалалттай гэж боддоггүй” гэсэн үр дүн гарсан байдаг нь маш сонирхолтой.

📍“Монгол Улсын Хүн Амын Хоол Тэжээлийн байдал” 2024 оны Үндэсний 6-р судалгааны тайланд 5 хүртэлх насны хүүхдийн 11.3% нь Илүүдэл жинтэй, 6-18 насны хүүхдийн 25.8% нь Илүүдэл жинтэй, Таргалалттай байгаа тухай статистик мэдээлэл бидэнд байна. Энэ нь 5 хүртэлх насны хүүхдийн 10 хүүхэд тутмын 1, сургуулийн насны хүүхдийн 4 хүүхэд тутмын 1 нь илүүдэл жингийн асуудалтай байна гэсэн үг юм. Жил ирэх тусам энэ тоо өсөн нэмэгдэх хандлагатай байна.

⁉️Таргалалттай хүүхэд= Таргалалттай насанд хүрэгч буюу цэцэрлэгийн насандаа таргалалттай байсан хүүхдийн 26-41% нь насанд хүрэхдээ таргалттай байсан бол 10-13 насандаа таргалалттай байсан хүүхдийн 70-80% нь насанд хүрэхдээ таргалалттай хэвээр байдаг.

Энэ нь хүүхдийн өөртөө итгэх итгэлийг бууруулах, сэтгэлээр унах, сэтгэл түгшил өртөх эрсдлийг нэмэгдүүлдэг бол, цаашлаад эрүүл мэндэд нь сөргөөр нөлөөлж, насанд хүрэхдээ Чихрийн шижин/ Диабетаар өвдөх, Зүрх судасны эмгэгээр өвдөх, нуруу, үений эмгэгээр өвдөх, хавдраар өвдөх зэрэг эрсдлийг нэмэгдүүлж байдаг.

Эх сурвалж: https://www.niddk.nih.gov/health-information/weight-management/helping-your-child-who-is-overweight

⁉️Хэрэв таны хүүхэд жингийн илүүдэлтэй бол та мэргэжлийн хүүхдийн эмчид хандан, эмчилгээ, зөвлөгөө аваарай.
Та урьдчилан цаг авч үйлчлүүлнэ үү.
Утас: 7266-7566
Хаяг: Дөлгөөн нуур, Төгс-Ялгуун төвийн 4 давхар 416 тоот

25/06/2026

⁉️Тахианы мах идвэл охидод бэлгийн бойжилт эртсэж, хөвгүүдэд хөх ургах уу?

Охидод бэлгийн бойжилт хамгийн эртдээ 8 наснаас эхлэх нь хэвийн ба эхэлж буйг илтгэх хамгийн эхний шинж нь хөх ургах (telarche) юм. Охидод 8 наснаас өмнө хөх ургаж эхлэхийг бэлгийн бойжилт эртсэл (precocious puberty) гэнэ. Харин өсвөр насны хөвгүүдэд хөх хөндүүрлэж, хэмжээгээр бага зэрэг томорч болох ба энэ нь ихэнхдээ хэвийн бэлгийн бойжилтын нэг шинж байдаг (gynecomastia) боловч эдгээр зовуурь охид, хөвгүүдэд илэрвэл хүүхдийн дотоод шүүрлийн эмчид хандах зайлшгүй шаардлагатай.

⚠️Харин охидод хөх эрт ургах, өсвөр насны хөвгүүдэд хөх ургахыг эцэг эхчүүд эсвэл зарим эмч, мэргэжилтнүүд тахианы мах их идсэнээс үүдэлтэй гэж тайлбарлах, итгэх нь цөөнгүй. Тэгвэл үнэхээр охидын бэлгийн бойжилт эрт эхлэх, хөвгүүдэд хөх ургахад тахианы мах нөлөөлөх эсэх тухай мэдээлэл хүргэе.

⚠️“Үржүүлгийн тахианд өсөлтийн даавар, стеройд даавар тарьдаг, ийм тахиа идсэнээс болж хүүхдүүд таргалж байгаа юм, даавартай тахиа идээд хөх нь ургачихлаа” гэж хүүхдээ үзүүлэхдээ эцэг эхчүүд хэлэх нь цөөнгүй.

Гэвч үүнд хэд хэдэн төрлийн тайлбар бий. Америкийн Хөдөө Аж Ахуйн Судалгааны төвийнhttps://www.uaex.uada.edu/publications/pdf/FSA-8007.pdf мэдээллэснээр:

1. Үржүүлгийн тахианд (broiler chicken) өөрийн сорт, нэр төрөл гэж байх ба хурдан нас бие гүйцдэг, жин ихтэй сортын тахиаг үржүүлэгдээ фермчид ашигладаг. 1925 онд 1 тахиа дунджаар 1 кг жинтэй байсан ба 16 долоо хоногт бие гүйцэж, 2 кг тэжээл хэрэглэдэг байсан бол 2010 оны байдлаар 1 тахиа 2.5 кг жинтэй, 6 долоо хоногт бие гүйцэж, 900гр тэжээл хэрэглэдэг болжээ. Энэ нь генетик, тэжээл, үржүүлгийн тахианы сортыг шинэчилсэнтэй холбоотой юм. Харин бид даавартай тахиа хөх ургалтад нөлөөлж буй эсэх тухай санаа зовохоос илүү энэ хэт таргалалттай, хүүхдээр бол 3кг төрсөн нярай 2 сарын дараа 300кг жинтэй болж буй мэт тахианы энэ эрчимтэй жингийн нэмэгдэлтэй, 2 хөл дээрээ биеэ ч даахгүй, хөдөлгөөний дутагдалтай тахианы махыг бид идэх нь зөв эсэх тухай бодох хэрэгтэй байж болох юм. Мэдээж энэ хөдөлгөөний дутагдалтай, цадахаа мэдэхгүй иддэг, булчин сулралтай тахиатай холбоотой халдварт өвчин, антибиотикийн зохисгүй хэрэглээ ч дагаж байхыг үгүйсгэхгүй.https://www.aspca.org/sites/default/files/chix_white_paper_nov2015_lores.pdf

2. Дааврыг зөвхөн тарьж байж үйлдлээ үзүүлдэг. Иймд тахианы тэжээлд даавар холих нь огт утгагүй бөгөөд уг даавар хоол боловсруулах замд задардаг. Иймд зөвхөн тарих хэрэгтэй болох ба хэдэн сая тахианд өдөр бүр тарилга тарина гэвэл өртөг өндөр, арчилгаа ихтэй болох юм.

3.Хэрэв тахианд өсөлтийн даавар, стеройд даавар тарьдаг гэж тооцоолбол энэ нь их үнэтэй. Шувууны аж ахуй өрсөлдөх чадвараа хадгалахын тулд зардлаа хамгийн бага байлгаж, жилийн дундаж ашиг (2 хувь)-ыг бага байлгадаг.

4. Шувууны аж ахуйд даавар хэрэглэх нь хууль бус.

⚠️Охидын жинхэнэ бэлгийн бойжилтын 80-90% нь, хөвгүүдийн 25-80% нь шалтгаан тодорхойгүй. Бусад шалтгаанд нь илүүдэл жин, таргалалт, төв мэдрэлийн системийн эмгэгүүд, бөөрний дээд булчирхайн зэрэг дотоод шүүрлийн эмгэгүүд байдаг.

⁉️Харин дараах зүйлс бага тунгаар даавар агуулдаг ба та болон таны гэр бүлд хэрэглэдэг зүйлс бий эсэхийг шалгаарай. Үүнд:
1. Шар буурцаг- Фитоэстроген (Phytoestrogen) буюу ургамлын эстроген агуулдаг тул хүнсэндээ тохируулан хэрэглэх.
2. Лавандаа- Лавандаатай биеийн тос, саван.
3. Tea tree oil- зарим ууршуулагч үнэртэй тос, гоо сайхны бүтээгдэхүүнд агуулагдаж байж болох
4. Даавартай тосон түрхлэг, жирэмслэлтээс хамгаалах дааврын эмийг хүүхэд хүрэхгүй газарт хадгалахыг зөвлөж байна.

✅Хүүхдийн өсөлт, биеийн өөрчлөлтийг тогтмол ажиглах.
✅Илүүдэл жингээс сэргийлж, эрүүл хооллолт, идэвхтэй хөдөлгөөнийг хэвшүүлэх.
✅Дааврын найрлагатай эм, тос, нэмэлт бүтээгдэхүүнийг эмчийн зөвлөгөөгүй хэрэглэхгүй байх.
✅Интернет, сошиал мэдээлэлд тулгуурлан өөрөө эмчилгээ хийхгүй байх.

❗️Дараах тохиолдолд хүүхдийн дотоод шүүрлийн эмчид яаралтай үзүүлэх:
- Охидод 8 наснаас өмнө хөх ургах, сарын тэмдэг ирэх
- Хөвгүүдэд 9 наснаас өмнө төмсөг томрох
- Хүүхдийн өсөлт гэнэт хурдасч, үеийнхнээсээ огцом өндөр болох
- Эрт бэлгийн бойжилтыг эрт оношилж, шаардлагатай үед эмчилснээр хүүхдийн насанд хүрэх үеийн өндөр болон сэтгэлзүйн хөгжилд эерэг нөлөө үзүүлэх боломжтой.

✅Манай эмнэлэг ажлын өдөр 19.00 цаг хүртэл, Хагасайн өдөр 10.00-16.00 цагт ажиллаж байна.
Та урьдчилан цаг авч үйлчлүүлнэ үү.
Утас: 7266-7566
Хаяг: Дөлгөөн нуур, Төгс-Ялгуун төвийн 4 давхар 416 тоот

03/06/2026

Хооллолт буруу бол мянган эм тус болохгүй!
Хооллолт зөв бол нэг ч эм хэрэг болохгүй!

Энэхүү зүйр үг маш энгийн. Буруу хоолло, тэгвэл ямар ч эм таныг эмчилж чадахгүй. Зөв хоолло, тэгвэл ямар ч эм танд хэрэг болохгүй гэсэн санааг агуулдаг эртний Аюурведийн сургааль юм.

🚘 Та өөрийгөө мөн хүүхдээ автомашинтай зүйрлээд 1 бодоорой. Та машинаа 7 хоног бүр засварын газар үзүүлж, засуулж болох ч, машиндаа буруу бензин, муу түлш хийсээр байвал машин байнга доголдох, эвдрэх нь тодорхой. Машин нь муу машин биш, түлш нь муу байгаад гол асуудал бий.

🥦🥬🥝🥑 Хоол хүнс бидний биед маш их мэдээлэл, командыг өгч байдаг. Таны идсэн хоолны хазалт бүр таны биед засах эсвэл эвдэх, үрэвсэлтэй тэмцэх эсвэл үрэвслийг нэмэгдүүлэх, удаан эсвэл хурдан хөгшрөхийг шийддэг зааварчилгааг илгээж байдаг.

Бид ямар нэгэн зүйл эвдэртэл хүлээгээд дараа нь засах, эмчлэх эм хайж байдаг. Гэхдээ эм уух нь үргэлж эцсийн авах арга хэмжээ байх ёстой - Тэрнээс байнгын эрүүл амьдралын төлөвлөгөө биш.

Эрүүл хоол хүнс бол эрүүл амьдралын төлөвлөгөө.

#эрүүлхооллолт #эрүүлхоол #хүүхдийнхоол #хүүхдийнэрүүлмэнд

24/05/2026

-д
Манай эмнэлгийн Хүүхдийн Дотоод Шүүрлийн эмч Б.Азжаргал амжилттай оролцлоо. 🏃🏻‍♀️🏅
Эрүүл амьдралын хэв маягийг түгээн дэлгэрүүлэх энэхүү арга хэмжээнд идэвхтэй оролцож, тэсвэр хатуужил, эрч хүчээ сорин гүйсэн эмчдээ баяр хүргэе. 👏

Та бидний үйлдэл, хөдлөл бүрийг хүүхдүүд маань дуурайж байдаг. Эцэг, эх та ч мөн адил хүүхдүүддээ эрүүл амьдралын хэв маягийг үлгэрлээрэй 🥳

15/05/2026

✨ХҮҮХДИЙН ЭРҮҮЛ МЭНДИЙН БОЛОВСРОЛД ХӨРӨНГӨ ОРУУЛАХ НЬ✨

Манай эмнэлгийн эрхлэгч, хүүхдийн дотоод шүүрлийн нарийн мэргэжлийн эмч Б.Азжаргал өнөөдөр "Шинэ зууны удирдагч" ОУ-ын сургуулийн сурагчидтай уулзаж, эрүүл мэндийн боловсрол олгох үр өгөөжтэй сургалт орлоо.

Сургалтанд Ж.Мөнхзул багштай 4а, Ө.Өлзийханд багштай 4б ангийн сурагчид идэвхтэй оролцож, хүүхдийн насан туршийн зөв дадалд суурь болох дараах чухал сэдвүүдээр мэдлэгээ тэллээ:

✅ Өглөөний цай: Өдрийн турш сурч мэдэх эрч хүчний эх үүсвэр
✅ Сахрын зохистой хэрэглээ: Нуугдмал чихэр ба түүнээс татгалзах нь
✅ Ус: Зөв уухын ач холбогдол ба биед үзүүлэх нөлөө
✅ Дэлгэцийн хэрэглээ: Ухаалаг утас, дэлгэцийг хэрхэн хязгаарлах вэ?
✅ Хүнсний шошго: Юу идэж байгаагаа шошгоноос уншиж сурах нь 🥤📱🚫

Хүүхэд багачууд маань багаасаа зөв мэдээлэлтэй байснаар утаснаас илүү усыг, амттанаас илүү эрүүл хоолыг сонгох ухамсартай болдог. Мэргэжлийн эмчийн энэхүү зөвлөгөө нь тэдний ирээдүйн эрүүл мэндэд оруулж буй хамгийн том хөрөнгө оруулалт юм.🌟

📍 Бид зөвхөн эмнэлэг дээрээ оношилгоо, эмчилгээ хийхээс гадна сургууль, цэцэрлэгийн хүүхэд багачууд, өсвөр үеийнхэнд зориулсан сонирхолтой сургалт, мөн албан байгууллагад буюу эцэг эхчүүдэд зориулсан мэргэжлийн зөвлөгөө, сургалтыг зохион байгуулж байна.

Танай хамт олонд хүүхдийн эрүүл мэнд, зөв дадлын талаар цэгцтэй мэдээлэл, мэргэжлийн дэмжлэг хэрэгтэй бол бидэнтэй холбогдоорой. Бид хүүхэд бүрийн эрүүл ирээдүйн төлөө хамтран ажиллахад үргэлж бэлэн байна! ✨

☎️ 7266-7566 утсаар болон чатаар холбогдох боломжтой!

#ХүүхдийнЭрүүлМэнд #ХүүхдийнЭмч #ДотоодШүүрлийнЭмч #ЭрүүлМэндийнБоловсрол #ШинэЗууныУдирдагч #ЭрүүлДадал #ЗөвХооллолт #ӨглөөнийЦай #СахрынХэрэглээ #УсУухынАчТусынТухай #ДэлгэцийнХамаарал #ЗөвСонголт #СургуулийнСургалт #ЭрүүлИрээдүй

13/05/2026

Тэргүүний ажилтан эмчтэй шдээ нээрээ!
Цаг авах бол 7266-7566

13/05/2026

💊🌡️ХҮҮХДЭДЭЭ ЯАГААД ДУР МЭДЭН ЭМ УУЛГАЖ БОЛОХГҮЙ ВЭ?

Эмч хүүхдийг нь үзээд, одоо байгаа зовуурь, оношинд үндэслэн, биеийн жин, биеийн гадаргууд тохирох эмчилгээг бичих ба хэдэн хоног ямар тунгаар хэрэглэхийг нь заадаг. Гэвч зарим тохиолдолд эцэг эхчүүд өөрсдөө дур мэдэн хүүхдэдээ эм уулгах,
уулгах ёстой хоногоос бага хоногоор уулгах эсвэл
илүү олон хоногоор ч уулгах тохиолдол гардаг.

Мэдээж ханиадны эхлэл үед хэрэглэдэг зөөлөн эм, халуурсан тохиолдолд халуун буулгах эмийг заавар дээрх кг жинд нь тааруулан уулгаж бололгүй яах вэ. Гэхдээ эмчид үзүүлэхдээ уг эмийг хүүхдэдээ уулгаж болох эсэхийг асуух, зовуурь нэмэгдвэл эмнэлэгт хандах, зөвлөгөө авах зайлшгүй шаардлагатай.

Учир нь:

1. Хүүхэд бүр харилцан адилгүй тул нэг хүүхдэд таарсан эм нөгөө хүүхдэд ч мөн таарах албагүй.

2. Зарим эм, тос, бэлдмэл даавар агуулсан байдаг.
Таны дур мэдэн, хэн нэгний аман зөвлөгөөгөөр сайн гээд хэрэглэж буй эм, бэлдмэл, утлагын бодис, тос даавар агуулсан, дархлаа дарангуйлах, өсөлт удаашруулах үйлчилгээтэй ч байх эрсдэлтэй юм.

3. Хүүхдийн арьс нимгэн тул аливаа арьс, салстаар хэрэглэсэн эм, тос, дусаалга, цацлага хурдан шимэгдэж, удаан үйлчилдэг.

4. Эм өвчний шинж тэмдгийг түр дараад, оношийг “далдалж” болдог. Жишээ нь халуун бууруулах, өвчин намдаах, харшлын эм ууснаар зовуурь түр намдаж болох ч суурь өвчин хүндрэх эрсдэлтэй.

5. Антибиотикийг дур мэдэн хэрэглэх хамгийн аюултай
Вирусын ханиаданд антибиотик хэрэггүй
Дутуу хоногоор уувал бактер тэсвэртэй болж, дараагийн удаа өөр антибиотик хэрэглэх хэрэгтэй болдог. Гэдэсний ашигтай бактерийг устах эрсдэлтэй.

6.Зарим эмийг хүүхдэд огт хэрэглэж болохгүй.
❗️ Аспирин (Reye syndrome эрсдэлтэй)
❗️ Кодеин агуулсан ханиалгын эм (амьсгал дарангуйлах эрсдэлтэй)
❗️ Зарим хамрын дусаалга (удаан хэрэглэвэл дасал үүсэх, салст гэмтээх, даавартай бол дааврын илүүдэлд оруулдаг)

💊 Ингэж шалгалгүй, дур мэдэн эм хэрэглэснээс хүүхдэд дараах сөрөг нөлөө илрэх эрсдэлтэй.
❗️ Худалдааны нэршил өөр, хоорондоо ижил эм хэрэглэснээс эмийн тун ихдэх, хордох
❗️ Өсөлт удаашрах
❗️ Жин нэмэгдэх, таргалах
❗️ Биеийн үс ихээр ургах, харлах
❗️ Ойр ойрхон шээх
❗️ Биеэр тууралт гарах
❗️ Харшлын хүнд урвал, нүүр уруул хавдах, амьсгал давчдах г.м

Бодит жишээ:

Сүүлийн үед стеройд даавар агуулсан хамрын дусаалга/цацлагыг эмчийн зөвлөсөн хугацаанаас удаан хэрэглэсний улмаас:
📌 Эмийн шалтгаант Кушингийн хам шинжтэй 2 хүүхэд оношлогдлоо.
Энэ нь гаднаас стеройд дааврыг хэт удаан хэрэглэснээс:
❗️ Өсөлт хоцрогдох, удаашрах
❗️ Төвийн таргалалттай
❗️Арьс нимгэрч, язралттай
❗️Цус шүүрэмтгий болох зэрэг шинж илэрдэг

Тиймээс эцэг эхчүүд та бүхэн:
👉 Эмийг зөвхөн эмчийн заавраар хэрэглэж хэвшээрэй
👉 Тун, хэрэглэх хоног, хэрэглэх аргыг ягштал мөрдөөрэй
👉 Эм уугаад сайжрахгүй бол дур мэдэн үргэлжлүүлэхгүй, эмчид хандаарай, давтан үзүүлээрэй
👉 “Сайн эм” гэж бусдын хэлсэн эмийг шууд хэрэглэхээс татгалзаарай
💊 Хүүхдийн эрүүл мэнд бол туршилтын талбар биш юм.

---------------------------------------------------------

⚠️ Хэрэв таны хүүхдэд дээрхи шинж тэмдгүүд илэрсэн бол цаг алдалгүй Мэргэжлийн Хүүхдийн Дотоод Шүүрлийн Эмчид яаралтай хандаж, зөвлөгөө, эмчилгээ авах шаардлагатай.

Манай эмнэлэг өдөр бүр ажиллаж байна.

☎️ 7266-7566 дугаараар холбогдон, эсвэл чат бичин цаг захиалаарай!

Зургийн эх сурвалж:
Keil MF. Quality of life and other outcomes in children treated for Cushing syndrome. J Clin Endocrinol Metab. 2013 Jul;98(7):2667-78. doi: 10.1210/jc.2013-1123. Epub 2013 May 2. PMID: 23640970; PMCID: PMC3701267.

13/05/2026

❓Энэхүү постыг бичих болсон шалтгаан юу вэ?

12 настай хүү таргална, арьс язарна, биеэр үс ургана зовуурьтай эмнэлэгт хандсан.

Хүүгийн ээжээс дэлгэрүүлэн асуухад хүүгийн хамар байнга битүүрдэг ба тухай бүрд нь эмийн сангаас цацлага аваад цацчихдаг, тэр цацлагаа 2 жил гаран хэрэглэж байна гэв. Харамсалтай нь тэр хамрын цацлага даавар агуулсан байсан ба хэдий хамарт л цацна, хэсэг газрын эмчилгээ гэж та бодож байж болох ч урт хугацаанд хэрэглэхэд ялангуяа хүүхдэд бие махбодод бүхэлд нь сөргөөр нөлөөлдөг буюу системийн гаж нөлөө үзүүлдэг. Гаднаас илүүдэл хэт их даавар хэрэглэснээс хүүхдийн өөрийн бөөрний дээд булчирхай кортизол даавраа ялгаруулж чадахгүйд хүрэх ба лийр хэлбэрийн буюу төвийн таргалалт, дугуй, улаан, саран царайтай, хүзүү суга орчмын арьс харласан, арьс язралт, өсөлт удаашрах,биеэр ширүүн хар үс ургах шинжүүд илэрч эмийн шалтгаант Кушингийн хам шинж үүссэн байв.

💊 Хүүхдэд тохиолдох аливаа эмгэгүүдийн үед даавар эмчилгээ хийдэг. Энэ эмчилгээний явцад мэргэжлийн эмч хүүхдэд илрэх шинж тэмдгийг ажиглаж, дааврыг хэрэглэх тун, үргэлжлэх хоногийг зааж өгдөг ба дааврыг хянаж байдаг тул айх шаардлагагүй юм. Харин доторх найрлагыг нь мэдэхгүй, эмчийн заасан хоногоос илүү хугацаанд, илүү тунгаар хэрэглэх, Chat Gpt гэх мэт хиймэл оюун ухаан ашиглан мэдээлэл авсан ч хүүхдэдээ дур мэдэн аливаа эмийг, ямар ч хэлбэрээр (утлага, цацлага, шахмал, шингэн, наалт) хэрэглэхгүй байж, хүүхдийн эмчээсээ асууж, тодруулаарай. Иймд:

- Даавартай ч бай дааваргүй ч бай хамрын цацлагыг эмчийн заасан хоногоос хэтрүүлэн хэрэглэхгүй байх. Хамар битүүрээд байгаа шалтгааныг нь олох. Эмчийн заавраар эмчилгээг нь хийгээрэй.

- Хүүхдээ ханиад хүрэх бүрд дур мэдэн утлага эмчилгээ хийхгүй байх. Хүүхдийн эмч зайлшгүй тохиолдолд утлага зөвлөнө, тэр нь хүүхдийн нас, жин, өвчлөлөөс шалтгаалах ба эмчийн заасан хоногт багтаан хэрэглэх нь аюулгүй.

- Ээжүүд бие биеэндээ эмчилгээ зөвлөхгүй байх. Учир нь таньд болон таны хүүхдэд таарсан эмчилгээ бусдад таарах албагүй.

- Хүүхдэд диатез, экзем харшлын тууралт, элдэв тууралт тохиолдох нь элбэг. Эмчилгээнд нь зарим тохиолдолд даавар хэрэглэдэг ба хүүхдийн арьс нимгэн, цусан хангамж ихтэй тул даавар бүтэн биеэр шимэгдэх эрсдэлтэй. Биеийн аль хэсэгт, ямар дааврыг өдөрт хэдэн удаа, хэдэн хоног түрхэх нь нарийн, чухал асуудал.

⁉️Одоо та 1 бодоод үзээрэй, хүүхдэдээ дур мэдэн эм хэрэглэж байгаа юм биш биз?

💊🌡️ХҮҮХДЭДЭЭ ЯАГААД ДУР МЭДЭН ЭМ УУЛГАЖ БОЛОХГҮЙ ВЭ?

Эмч хүүхдийг нь үзээд, одоо байгаа зовуурь, оношинд үндэслэн, биеийн жин, биеийн гадаргууд тохирох эмчилгээг бичих ба хэдэн хоног ямар тунгаар хэрэглэхийг нь заадаг. Гэвч зарим тохиолдолд эцэг эхчүүд өөрсдөө дур мэдэн хүүхдэдээ эм уулгах,
уулгах ёстой хоногоос бага хоногоор уулгах эсвэл
илүү олон хоногоор ч уулгах тохиолдол гардаг.

Мэдээж ханиадны эхлэл үед хэрэглэдэг зөөлөн эм, халуурсан тохиолдолд халуун буулгах эмийг заавар дээрх кг жинд нь тааруулан уулгаж бололгүй яах вэ. Гэхдээ эмчид үзүүлэхдээ уг эмийг хүүхдэдээ уулгаж болох эсэхийг асуух, зовуурь нэмэгдвэл эмнэлэгт хандах, зөвлөгөө авах зайлшгүй шаардлагатай.

Учир нь:

1. Хүүхэд бүр харилцан адилгүй тул нэг хүүхдэд таарсан эм нөгөө хүүхдэд ч мөн таарах албагүй.

2. Зарим эм, тос, бэлдмэл даавар агуулсан байдаг.
Таны дур мэдэн, хэн нэгний аман зөвлөгөөгөөр сайн гээд хэрэглэж буй эм, бэлдмэл, утлагын бодис, тос даавар агуулсан, дархлаа дарангуйлах, өсөлт удаашруулах үйлчилгээтэй ч байх эрсдэлтэй юм.

3. Хүүхдийн арьс нимгэн тул аливаа арьс, салстаар хэрэглэсэн эм, тос, дусаалга, цацлага хурдан шимэгдэж, удаан үйлчилдэг.

4. Эм өвчний шинж тэмдгийг түр дараад, оношийг “далдалж” болдог. Жишээ нь халуун бууруулах, өвчин намдаах, харшлын эм ууснаар зовуурь түр намдаж болох ч суурь өвчин хүндрэх эрсдэлтэй.

5. Антибиотикийг дур мэдэн хэрэглэх хамгийн аюултай
Вирусын ханиаданд антибиотик хэрэггүй
Дутуу хоногоор уувал бактер тэсвэртэй болж, дараагийн удаа өөр антибиотик хэрэглэх хэрэгтэй болдог. Гэдэсний ашигтай бактерийг устах эрсдэлтэй.

6.Зарим эмийг хүүхдэд огт хэрэглэж болохгүй.
❗️ Аспирин (Reye syndrome эрсдэлтэй)
❗️ Кодеин агуулсан ханиалгын эм (амьсгал дарангуйлах эрсдэлтэй)
❗️ Зарим хамрын дусаалга (удаан хэрэглэвэл дасал үүсэх, салст гэмтээх, даавартай бол дааврын илүүдэлд оруулдаг)

💊 Ингэж шалгалгүй, дур мэдэн эм хэрэглэснээс хүүхдэд дараах сөрөг нөлөө илрэх эрсдэлтэй.
❗️ Худалдааны нэршил өөр, хоорондоо ижил эм хэрэглэснээс эмийн тун ихдэх, хордох
❗️ Өсөлт удаашрах
❗️ Жин нэмэгдэх, таргалах
❗️ Биеийн үс ихээр ургах, харлах
❗️ Ойр ойрхон шээх
❗️ Биеэр тууралт гарах
❗️ Харшлын хүнд урвал, нүүр уруул хавдах, амьсгал давчдах г.м

Бодит жишээ:

Сүүлийн үед стеройд даавар агуулсан хамрын дусаалга/цацлагыг эмчийн зөвлөсөн хугацаанаас удаан хэрэглэсний улмаас:
📌 Эмийн шалтгаант Кушингийн хам шинжтэй 2 хүүхэд оношлогдлоо.
Энэ нь гаднаас стеройд дааврыг хэт удаан хэрэглэснээс:
❗️ Өсөлт хоцрогдох, удаашрах
❗️ Төвийн таргалалттай
❗️Арьс нимгэрч, язралттай
❗️Цус шүүрэмтгий болох зэрэг шинж илэрдэг

Тиймээс эцэг эхчүүд та бүхэн:
👉 Эмийг зөвхөн эмчийн заавраар хэрэглэж хэвшээрэй
👉 Тун, хэрэглэх хоног, хэрэглэх аргыг ягштал мөрдөөрэй
👉 Эм уугаад сайжрахгүй бол дур мэдэн үргэлжлүүлэхгүй, эмчид хандаарай, давтан үзүүлээрэй
👉 “Сайн эм” гэж бусдын хэлсэн эмийг шууд хэрэглэхээс татгалзаарай
💊 Хүүхдийн эрүүл мэнд бол туршилтын талбар биш юм.

---------------------------------------------------------

⚠️ Хэрэв таны хүүхдэд дээрхи шинж тэмдгүүд илэрсэн бол цаг алдалгүй Мэргэжлийн Хүүхдийн Дотоод Шүүрлийн Эмчид яаралтай хандаж, зөвлөгөө, эмчилгээ авах шаардлагатай.

Манай эмнэлэг өдөр бүр ажиллаж байна.

☎️ 7266-7566 дугаараар холбогдон, эсвэл чат бичин цаг захиалаарай!

Зургийн эх сурвалж:
Keil MF. Quality of life and other outcomes in children treated for Cushing syndrome. J Clin Endocrinol Metab. 2013 Jul;98(7):2667-78. doi: 10.1210/jc.2013-1123. Epub 2013 May 2. PMID: 23640970; PMCID: PMC3701267.

08/05/2026

❗️ 17-29 насандаа жингийн илүүдэлтэй байх нь цагаасаа өмнө үхэх магадлалыг 70% нэмэгдүүлдэг❗️

Залуу насандаа (17–29) жингийн илүүдэлтэй эсвэл таргалалттай байх нь зүрх судасны өвчин, чихрийн шижин, зарим төрлийн хорт хавдрын суурийг маш эрт тавьдаг.

⚠️ Тэгвэл хүүхэд насны таргалалт нь насанд хүрсэн үеийн эрүүл мэндэд бүр ч хүчтэй нөлөөлдөг болохыг судалгаанууд харуулдаг.

❗️ Үргэлжлэх магадлал: 10–17 насандаа таргалалттай байсан хүүхдүүдийн 70%-аас илүү нь насанд хүрсэн хойноо таргалалттай хэвээр үлддэг. Энэ нь эрсдэлийг шууд дамжуулдаг гэсэн үг.

❗️ Зүрхний нас: Энэ насны таргалалт нь зүрхний артерийн судасны хатуурал (atherosclerosis)-ыг маш эрт эхлүүлдэг. Хүүхэд байхдаа жин ихтэй байсан хүмүүс 50 нас хүрэхээсээ өмнө зүрхний шигдээс болох магадлал эрс өндөр байдаг.

❗️ Нас баралтын эрсдэл: Тодорхой "70%" гэх мэт ганц тоо хэлэхэд хэцүү боловч хүүхэд наснаасаа таргалалттай байсан хүмүүсийн дундаж наслалт хэвийн жинтэй хүмүүсээс 5–20 жилээр богино байж болохыг зарим судалгаанд харуулдаг.

✅ 10–17 нас бол бие махбодын бодисын солилцоо, дааврын систем төлөвшдөг үе учир энэ үеийн таргалалт нь 17–29 насныхаас илүү "хортой" байж болно. Учир нь өвчин эмгэг үүсэх хугацаа нь уртсаж, биед үзүүлэх дарамт нь эрт эхэлж байна гэсэн үг юм. Тиймээс таны хүүхэд жингийн илүүдэлтэй, эсвэл дутагдалтай бол Мэргэжлийн Дотоод Шүүрлийн Эмчид яаралтай хандах хэрэгтэйг зөвлөж байна.

✅ "АСИНЕ клиник" - Хүүхдийн Дотоод Шүүрлийн эмнэлэг танд болон таны хүүхдэд туслахад бэлэн байна. Та утасаар болон чатаар цаг авч, оочер дараалалгүй үйлчлүүлээрэй!

☎️ 7266-7566

#таргалалт #ХҮҮХЭД #хүүхдийн #хүүхдийнэмч #хүүхдийнэмнэлэг #хүүхдийндотоодшүүрэл