Хөвсгөл аймгийн Нэгдсэн эмнэлэг

07/09/2026

ТӨРИЙН ДЭЭД ОДОН, МЕДАЛИАР ШАГНАЛАА

Хүн ардын эрүүл мэндийг хамгаалах үйлсэд олон жил үр бүтээл, идэвх зүтгэлтэй ажилласан эмч, эмнэлгийн мэргэжилтэн, албан хаагчдыг МУ-ын Ерөнхийлөгчийн зарлигаар төрийн дээд одон, медалиар шагналаа.
Нэгдсэн эмнэлгийн Гэмтэл бичил мэс заслын тасгийн эрхлэгч Б.Чулуунбат ХӨДӨЛМӨРИЙН ГАВЬЯАНЫ УЛААН ТУГИЙН ОДОН-оор, Дотор, арьс харшлын тасгийн туслах сувилагч Н.Тунгалаг Нярайн тасгийн эрхлэгч Ж. Нямхүү, Ариутгал, нийтлэг үйлчилгээний тасгийн арга зүйч А.Идэржаргал, Мэс заслын тасгийн ахмад Т.Нямсүрэн, Дэмжих үйлчилгээний тасаг сантехникч Г.Ренчинбадам, Ахмад сувилагч Н.Бүрэнжаргал нар АЛТАН ГАДАС ОДОН-оор, Уламжлалт сэргээн засах эмчилгээний тасгийн эрхлэгч Т.Оюунтуяа, Дэмжих үйлчилгээний тасгийн арга зүйч Ш.Цолмон, Хүүхдийн тасгийн арга зүйч П.Энхбаяр, Поликлиникийн тасгийн арга зүйч Р.Нэргүй, Ахмад сувилагч Б.Лхагважав, Мэдрэлийн тасгийн сувилагч Ш.Баднаанямбуу, Яаралтай түргэн тусламжийн тасгийн туслах сувилагч Р.Байгалмаа, Төрөх, эмэгтэйчүүдийн тасгийн эх баригч Б.Лхамжав нар ХӨДӨЛМӨРИЙН ХҮНДЭТ МЕДАЛЬ-иар шагнагдсаныг Ерөнхийлөгчийн Тамгын газрын дэд дарга Э.Золбоо гардуулан өглөө.
Эмнэлгийн өдөр тутмын хариуцлагатай ажилд өөрийн мэдлэг, ур чадвар, сэтгэлээ зориулан ажиллаж байгаа та бүхэндээ баяр хүргэж, эрүүл энх, аз жаргал, ажил үйлсэд нь өндөр амжилт хүсэн ерөөе.

Хүний эрүүл мэндийн төлөөх хөдөлмөр бүхэн үнэ цэнтэй.
Хүний төлөөх зүтгэл бүхэн хүндлэлтэй.

02/09/2026

"ЗҮРХ-ХАЛУУН АМЬ" АЯН ЭХЭЛЛЭЭ

Монгол улсын хүн амын дунд сүүлийн 30 жилийн хугацаанд зүрх судасны тогтолцооны өвчин нас баралтын тэргүүлэх шалтгаан, өвчлөлийн гурав дахь шалтгаан болсоор байна.
Хөвсгөл аймгийн хэмжээнд зүрх судасны тогтолцооны өвчин амбулаторийн өвчлөлийн тэргүүлэх шалтгааны гуравдугаарт, нас баралтын шалтгааны нэгдүгээрт эрэмбэлэгдэж байгаа бөгөөд өвчлөл, нас баралтын үзүүлэлт нь улсын дунджаас өндөр үзүүлэлттэй байна. Зүрх судасны өвчин нь иргэдийн амьдралын буруу хэв маяг, сөрөг зан үйлээс хамааралтай үүсдэг бөгөөд иргэдийн зан үйлийг өөрчлөх, эрт илрүүлэгт хамруулах замаар нас баралтыг бууруулах бүрэн боломжтой юм. Зүрх судасны өвчлөлийг бууруулах, иргэдийг мэдээллээр хангаж, зөв дадал хэвшилтэй болгох зорилгоор аймгийн Эрүүл мэндийн газраас санаачлан аймгийн хэмжээнд үйл ажиллагаа явуулж байгаа эрүүл мэндийн байгууллагууд, биеийн тамир спортын газрыг хамруулан "ЗҮРХ-ХАЛУУН АМЬ" аяныг эхлүүлээд байна.
Өнөөдөр аяны нээлтэнд зориулсан нээллттэй хаалганы өдөрлөг боллоо. Энэ үйл ажиллагаанд аймгийн ЭМГ, НЭ,Өрхийн ЭМТ-үүд, Биеийн тамир спортын газар, иргэд оролцож мэдээлэл авч дасгал хөдөлгөөн хийлээ. Мөн өөрийн зүрх судасны өвчний эрсдлээ танин мэдэж, ХАМТДАА зүрхэндээ АМЛАЛТ өглөө.

ТА Ч БАС АЯНД НЭГДЭЭРЭЙ

01/09/2026

01/09/2026

Хөвсгөл аймгийн төрийн байгууллагуудын ажиллах цагийн хуваарь 2026 оны 09 дүгээр сарын 01-ний өдрөөс эхлэн хэвийн горимд шилжинэ.
🕘 Ажлын цаг: 09:00–18:00
🍽️ Цайны цаг: 13:00–14:00
Иргэд, байгууллагууд төрийн үйлчилгээг авахдаа шинэчилсэн ажлын цагийн хуваарийг анхаарна уу.

01/09/2026

ТАЛАРХАЛ

Эрхэм хүндэт эмнэлгийн удирдлага, эмч, эмнэлгийн мэргэжилтэн, сувилагч, ажилтан албан хаагчид, тасаг нэгж, алба хэлтсийн нийт хамт олондоо

Эрүүл мэндийн салбарт 36 жилийн хөдөлмөр зүтгэл, амьдралынхаа үнэтэй цаг хугацааг зориулан ажиллаж, олон жил хамт олонтойгоо мөр зэрэгцэн хөдөлмөрлөсөн бидний хайртай бидний хайртай хань, аав Ц. Хүрэлтунгалаг маань зуурдаар таалал төгсөж, ар гэр, төрөл төрөгсөд, хамт олондоо нөхөж баршгүй хүнд гарз тохиолоо.

Энэхүү хүнд цаг мөчид талийгаачийн ар гэрийн уй гашууг хуваалцан, сэтгэл санааны дэм үзүүлж, эмгэнэл илэрхийлэн, хүндэтгэл үзүүлж, сүүлчийн замд нь үдэн гаргахад чин сэтгэлээсээ оролцсон эмнэлгийн удирдлага, тасаг нэгжийн эрхэм хүндэт хамт олон, үе үеийн эмч, сувилагч, эмнэлгийн мэргэжилтэн, алба хэлтэс, нийт ажилтан албан хаагч Та бүхэндээ гүнээ талархаж байна.

Талийгаач маань эрүүл мэндийн салбарт 36 жил ажиллах хугацаандаа сэтгэл зүрх, хөдөлмөр зүтгэлээ зориулж, хамт олныхоо дунд өөрийн гэсэн мөрөө үлдээсэн билээ. Түүний хөдөлмөр бүтээл, хүнлэг сайхан сэтгэл, хамт олонтойгоо өнгөрүүлсэн он жилүүд бидний дурсамжид үргэлжид хадгалагдан үлдэх болно.

Энэ хүнд үед бидэнтэй хамт байж, нэгэн гэр бүл мэт түшиг тулгуур болж, талийгаачийн гэгээн дурсгалыг хүндэтгэн, ар гэрт маань сэтгэл санаа, ажил үйлсээрээ дэмжлэг үзүүлсэн Та бүхний ач тус, сайхан сэтгэлд ар гэрийн зүгээс чин сэтгэлээсээ талархаж байна.

Та бүхний хүн ардын эрүүл мэндийн төлөөх буянт үйлс дэлгэрч, өргөсөн тангараг, эрхэм үйлс тань үргэлж өөдрөг бүтэмжтэй байг. Та бүхний гэр бүлд эрүүл энх, аз жаргал, сайн сайхан бүхнийг хүсэн ерөөе.

Ц. Хүрэлтунгалагийн гэгээн дурсгал бидний сэтгэлд үүрд мөнхөд орших болно.

Гүнээ талархсан,
Ц. Хүрэлтунгалагийн хань,үр хүүхэд ач зээ төрөл төрөгсөд

31/08/2026

❤ЗҮРХ-ХАЛУУН АМЬ❤ нээлттэй хаалганы өдөрлөгт иргэд та бүхнийг хүрэлцэн ирэхийг урьж байна.
ХЭЗЭЭ: 2026.09.02-ны 14:00 цагт
ХААНА: Баяр наадмын талбайд /стадион/

❤ЗҮРХ-ХАЛУУН АМЬ❤ нээлттэй хаалганы өдөрлөгт иргэд та бүхнийг хүрэлцэн ирэхийг урьж байна.
ХЭЗЭЭ: 2026.09.02-ны 14:00 цагт
ХААНА: Баяр наадмын талбайд /стадион/

ӨДӨРЛӨГТ ХҮРЭЛЦЭН ИРСЭНЭЭР:
❤❤Өөрийн зүрх судасны өвчний эрсдэлээ танин мэдэж,
❤❤Зүрхэндээ АЮУЛТАЙ далд ДАЙСНАА илрүүлж,
❤❤ХАМТДАА зүрхэндээ АМЛАЛТ өгцгөөе.

❤❤ЗҮРХЭНДЭЭ ХАЙРТАЙ ХҮН БҮРИЙН НЭГДЭХ МӨЧ❤❤

#зүрххалуунамь #Зүрх #Эрүүлзүрх
Хөвсгөл аймгийн Нэгдсэн эмнэлэг Далайн-Элбэрэлт ӨЭМТ Дэлгэрмөрөн өрхийн эрүүл мэндийн төв Хөвсгөл Энх-Үйлс Өэмт Энэрэл өрхийн эрүүл мэндийн төв Оюу-Ундраа дотор, зүрх судасны эмнэлэг

31/08/2026

⚠️ ИРГЭДИЙН АНХААРАЛД

2026 оны 8 дугаар сарын 24–31-ний өдрүүдэд Хөвсгөл аймгийн Нэгдсэн эмнэлгийн Хүүхдийн тасгийн яаралтай тусламжид 18 хүүхэд хордлогын шинж тэмдэгтэйгээр хандаж, үүнээс 5 хүүхэд тарвас хэрэглэсэнтэй холбоотой хордлогын тохиолдол бүртгэгдээд байна.

Иймд эцэг, эх, асран хамгаалагч та бүхэн:
🍉 Тарвас болон жимс, хүнсний бүтээгдэхүүнийг гарал үүсэл, хадгалалтын нөхцөл тодорхой, баталгаатай газраас худалдан авах.
🍉 Тарвасыг хэрэглэхийн өмнө гадна талыг сайтар угааж, цэвэр хутга, хэрэгслээр хэрчих.
🍉 Хэрчсэн тарвасыг өрөөний температурт удаан хадгалахгүй, хөргөгчинд хадгалж, аль болох шинээр нь хэрэглэх.
🍉 Удаан хадгалсан, иссэн, эвгүй үнэр, амттай, зөөлөрч муудсан тарвасыг хэрэглэхгүй байх.
🍉 Хүүхдэд өгөхдөө хүнсний эрүүл ахуй, хадгалалтын нөхцөлд онцгой анхаарах.

❗ Хүүхэд тарвас болон бусад хүнс хэрэглэсний дараа бөөлжих, суулгах, хэвлийгээр өвдөх, халуурах, сульдах зэрэг шинж тэмдэг илэрвэл эмнэлгийн байгууллагад яаралтай хандаарай.

28/08/2026

ХАРШЛЫН ЭМИЙГ ЗӨВ ХЭРЭГЛЭЖ ХЭВШИЦГЭЭЕ

27/08/2026

Эмгэнэл.

23/08/2026