12/03/2026
“МОНГОЛЫН УЛАМЖЛАЛТ АНАГААХ УХААНЫ ЭМИЙН ҮЙЛДВЭРЛЭЛ, ИННОВАЦ БА ЭКСПОРТ” ХЭЛЭЛЦҮҮЛЭГ ТӨРИЙН ОРДОНД ЗОХИОН БАЙГУУЛАГДЛАА
“Монголын уламжлалт анагаах ухааны эмийн үйлдвэрлэл, инновац ба экспорт” сэдэвт хэлэлцүүлгийг 2026 оны 03 дугаар сарын 11-ний өдөр Төрийн ордны “Их Эзэн Чингис хаан” танхимд УИХ-ын гишүүн Жаргалсайханы Золжаргал ажлын алба, МЭХШХ-Монголын Эм Хангамжийн Шинэчлэл Холбоо хамтран зохион байгууллаа.
Тус хэлэлцүүлэгт Монголын уламжлалт анагаах ухааныг хөгжүүлэх, сургалт судалгаа, эрдэм шинжилгээ, эмийн үйлдвэрлэлийн чиглэлээр үйл ажиллагаа эрхэлдэг төрийн болон хувийн хэвшлийн байгууллагуудын төлөөлөл, уламжлалт анагаах ухааны үе үеийн эмч, эрдэмтэн судлаачид өргөнөөр оролцов.
Хэлэлцүүлгийг нээж Монгол Улсын Засгийн газрын гишүүн, УИХ-ын гишүүн, Эрүүл мэндийн сайд Жигжидсүрэнгийн Чинбүрэн үг хэлэв. Тэрбээр, уламжлалт анагаах ухааныг орчин үеийн шинжлэх ухаан, инноваци, хиймэл оюун, эмийн үйлдвэрлэлийн шинэ технологитой уялдуулан хөгжүүлэх нь бидний өмнө тавьсан чухал зорилт бөгөөд өв уламжлалаа хадгалсан, нотолгоонд суурилсан, экспортын чадавхтай Монгол уламжлалт анагаах ухааныг хөгжүүлэх цаг ирсэн. Иймээс өнөөдрийн “Монголын уламжлалт анагаах ухааны эмийн үйлдвэрлэл, инновац ба экспорт” хэлэлцүүлэг нь зөвхөн салбарын асуудал бус, Монгол Улсын эрүүл мэнд, шинжлэх ухаан, эдийн засгийн ирээдүйтэй холбоотой чухал алхам болно” гэлээ.
Мөн хэлэлцүүлгийн нээлтэнд:
УИХ-ын гишүүн Ж.Золжаргал
УИХ-ын гишүүн Б.Баярбаатар
УИХ-ын гишүүн Д.Ганмаа
МУ-ын Хөдөлмөрийн баатар, Төрийн соёрхолт, Эрүүлийг хамгаалахын гавьяат ажилтан, Эм зүйн ухааны доктор, профессор, академич Л.Хүрэлбаатар
МУ-ын Хөдөлмөрийн баатар, Төрийн соёрхолт, МУ-ын Хүний гавъяат эмч, Анагаахын шинжлэх ухааны доктор, профессор М.Амбага
Уламжлалт Эмнэлэг Сургалтын Манба Дацан Төвийн тэргүүн, МУ-ын Хүний гавъяат эмч, Хамба лам Д.Нацагдорж
МУ-ын Эрүүлийг хамгаалахын гавъяат ажилтан, Анагаахын шинжлэх ухааны доктор, профессор Г.Чойжамц нарын эрхэм зочид хэлэлцүүлэгт оролцогчдод мэндчилгээ дэвшүүлж, амжилт хүсэв.
Хэлэлцүүлгийн зочин илтгэлүүд:
1. "УЛАМЖЛАЛТ ЭМИЙН БҮРТГЭЛ, СТАНДАРТ, ЭКСПОРТЫН ШААРДЛАГА" - Эм эмнэлгийн хэрэгслийн хяналт зохицуулалтын газрын дарга П.Алтанцэцэг Эм, эмнэлгийн хэрэгслийн хяналт, зохицуулалтын газар-ЭЭХХЗГ
2. "УЛАМЖЛАЛТ АНАГААХ УХААНЫ БОДЛОГО, ХӨГЖЛИЙН ХАНДЛАГА" - Анагаахын Шинжлэх Ухааны Үндэсний Их Сургуулийн Эмнэлэг хариуцсан проректор, Монголын анагаах ухааны академийн гишүүн, Анагаахын шинжлэх ухааны доктор, профессор Д.Цэрэндагва Tserendagva Dalkh Анагаахын Шинжлэх Ухааны Үндэсний Их Сургууль
3. “УЛАМЖЛАЛТ ЭМИЙН ҮЙЛДВЭРЛЭЛИЙН ОНЦЛОГ, ДЭЛХИЙН ЧИГ ХАНДЛАГА” Анагаахын Шинжлэх Ухааны Үндэсний Их Сургуулийн Эм зүйн сургуулийн багш, Эм зүйн ухааны доктор, профессор Д.Энхжаргал АШУҮИС-Эм зүйн сургууль
4. "УЛАМЖЛАЛТ АНАГААХ УХААН БА ИННОВАЦ" - Уламжлалт Анагаах ухаан, технологийн хүрээлэнгийн захирал, Монголын анагаах ухааны академийн гишүүн, Анагаахын шинжлэх ухааны доктор, профессор Ч.Чимэдрагчаа Уламжлалт Анагаах Ухааны Мэргэжлийн Салбар Зөвлөл
Мөн 2026 оны 04 дүгээр сард Монгол-Польшийн парламентын бүлгийн гишүүд БНПУ-д айлчлах бөгөөд энэ үеэр уламжлалтын эм үйлдвэрлэл, эрүүл мэндийн үйлчилгээний чиглэлээр бизнес уулзалтыг Монгол Улсаас БНПУ-д суух элчин сайдын яам, Монголын Үндэсний Худалдаа Аж Үйлдвэрийн Танхим, Монголын эм хангамжийн шинэчлэл холбоо хамтарч зохион байгуулахаар ажиллаж байна.
Хамтран ажилласан, хэлэлцүүлэгт оролцсон эрхэм та бүхэнд талархал илэрхийлье:
Эрүүл Мэндийн Яам Уламжлалт анагаах ухааны хэлтэс
Уламжлалт Анагаах Ухааны Мэргэжлийн Салбар Зөвлөл
Монгол Улсын Шинжлэх Ухааны Академи, Mongolian Academy of Sciences
