Баян-Өлгий Аймгийн Зоонозын Өвчин Судлалын Төв

31/07/2026

🇲🇳ҮНДЭСНИЙ ИХ БАЯР НААДМЫН МЭНД ДЭВШҮҮЛЬЕ! 🇲🇳

Эрхэм хүндэт Баян-Өлгий аймгийнхаа нийт иргэд, хамтран ажилладаг байгууллага, хамт олон Та бүхэндээ Монгол Улсад Тулгар төр байгуулагдсны 2235 жил, Их Монгол Улсын 820 жил, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жил, Баян-Өлгий аймаг байгуулагдсаны 86 жилийн ой, Үндэсний их баяр наадмын халуун мэндийг өргөн дэвшүүлье.

Эрийн гурван наадамдаа хүчит бөх нь эр бяраа гайхуулж, хүлэг морьд нь салхи татуулан хурдалж, мэргэн харваачдын сум нь цэц мэргэн байхын өлзийтэй ерөөлийг өргөе.

Та бүхэн баяр наадмын өдрүүдэд гэр бүл, үр хүүхэд, ойр дотнын хүмүүстэйгээ эрүүл энх, аз жаргалтай сайхан наадахын зэрэгцээ хүн, малын гоц халдварт болон зоонозын өвчнөөс урьдчилан сэргийлэх зөвлөмжийг мөрдөн, тарвага агнахгүй, өвчихгүй, түүхий эд эрхтэнтэй нь харьцахгүй байж, өөрийн болон бусдын эрүүл мэндийг хамгаалахыг уриалж байна.

Элгээрээ энх амгалан, төрлөөрөө түвшин амгалан, түмэн олноороо сайхан наадаарай!

БАЯН-ӨЛГИЙ АЙМГИЙН ЗООНОЗЫН ӨВЧИН СУДЛАЛЫН ТӨВ

30/07/2026

Өнөөдрийн Засгийн газрын хуралдаанаар САТ-1 хэвшлийн шүлхий өвчний эсрэг авч хэрэгжүүлсэн хариу арга хэмжээ бүрэн үр дүнд хүрч, тархалтын эрсдэлийг хяналтад авч, аюулгүй байдлын түвшин хангагдсан гэж үзэн Баян-Өлгий, Ховд аймагт тогтоосон хорио цээрийн дэглэмийг цуцлах шийдвэрийг гаргалаа. Баян-Өлгий аймагт 2026 оны 5 дугаар сарын 26-наас, Ховд аймагт 2026 оны 5 дугаар сарын 30-ны өдрөөс эхлэн хорио цээрийн дэглэм тогтоож, төрийн байгууллага, төрийн албан хаагчид өндөржүүлсэн бэлэн байдалд ажилласан.

Өнгөрсөн хугацаанд Монгол Улсын Засгийн газар, Улсын онцгой комисс, Хүнс, хөдөө аж ахуй, хөнгөн үйлдвэрийн яам, МЭЕГ нягт уялдаатай ажиллаж, холбогдох шийдвэрүүдийг шуурхай гарган, өвчнийг хязгаарлах, өвчилсөн малыг устгах, голомт болон хязгаарлалтын бүсэд байгаа малыг дархлаажуулах арга хэмжээг шуурхай авч хэрэгжүүлсэн.

Тухайлбал, 2026 оны 6 дугаар сарын 17-ны өдөр Бүгд Найрамдах Хятад Ард Улсаас САТ-1 хэвшлийн 1 сая 650 мянган тун вакциныг шуурхай татан авчирч, Баян-Өлгий, Ховд, Говь-Алтай аймгийн нийт 2.5 сая толгой малыг дархлаажуулалтад хамруулснаар өвчний тархалтыг бүрэн хязгаарлаж, хяналтад авч чадсан.

Түүнчлэн ОХУ-ын Мал, амьтны эрүүл мэндийг хамгаалах холбооны улсын төвөөс захиалсан О болон САТ-1 хэвшлийн шүлхий өвчний эсрэг 2.0 сая тун вакциныг 2026 оны 7 дугаар сарын 25-ны өдөр Монгол Улсад хүлээн авч, 7 дугаар сарын 25–27-ны өдрүүдэд холбогдох аймаг, орон нутагт бүрэн хүргэн, 7 дугаар сарын 27-ноос нэмэлт дархлаажуулалтын ажлыг эхлүүлээд байна.

Хоёр сарын хугацаанд удирдлагаар хангаж зөв стратеги гарган ажилласан Засгийн газар, Улсын Онцгой Комисс, МЭЕГ, өндөржүүлсэн бэлэн байдалд, хорио цээрийн дэглэмийг чанд сахин ажилласан Баян-Өлгий, Ховд аймгийн төрийн албан хаагчид, малын эмч нар, малчид, иргэдэд талархал илэрхийлье.

29/07/2026

28/07/2026

28/07/2026

🦟 ШУМУУЛ ГЭЖ ЮУ ВЭ?

Шумуул нь дэлхий даяар өргөн тархсан, олон төрлийн халдварт өвчнийг дамжуулах боломжтой шавж юм. Шумуулаар дамжин халдварладаг өвчнөөс урьдчилан сэргийлэхийн тулд шумуулд хазуулахгүй байх, үржлийн голомтыг бууруулах нь чухал.

📌 Дэлхий дээр 3600 орчим зүйл шумуул тархсан байдаг.
📌 30 орчим өвчин шумуулаар дамжин халдварладаг.
📌 Жил бүр дэлхий даяар сая сая хүн шумуулаар дамжих халдварт өвчнөөр өвчилдөг.

👉 Шумуулаар дамжих халдвараас сэргийлэхийн тулд өөрийгөө болон гэр бүлээ хамгаалаарай.

#ЗӨСҮТ #Шумуул #ШумуулаарДамжихХалдвар #УрьдчиланСэргийлье

27/07/2026

26/07/2026

⚠️ АНХААРУУЛГА

Та тарваган тахлын голомтот бүсэд зорчиж байгаа бол дараах зөвлөмжийг мөрдөнө үү.

✅ Тарвага болон бусад мэрэгч амьтанд хүрэхгүй байх
✅ Бөөс, бүүрэгт хазуулахаас сэргийлэх
✅ Халуурах, булчин өвдөх, тунгалгийн булчирхай томрох зэрэг шинж тэмдэг илэрвэл яаралтай эрүүл мэндийн байгууллагад хандах

Тарваган тахал нь урьдчилан сэргийлэх боломжтой халдварт өвчин юм. Иргэн бүр өөрийгөө болон гэр бүлээ хамгаалахын тулд эрсдэлтэй үйлдлээс татгалзаж, сэрэмжтэй байхыг уриалж байна.

📍 Баян-Өлгий аймгийн Зоонозын өвчин судлалын төв

#ТарваганТахал #Сэрэмжлүүлэг #БаянӨлгий #ЗоонозынӨвчин #ЭрүүлМэнд

25/07/2026

🚨 ТАРВАГАН ТАХАЛ ӨВЧНӨӨС СЭРГИЙЛЬЕ

🚫 Тарвага агнахыг хориглох

🥩 Тарваганы түүхий мах, дотор эрхтнийг хэрэглэхгүй, өвчихгүй байх

❄️ Агнасан тарвага, түүний махыг хөлдөөж хадгалахгүй, тээвэрлэхгүй байх

🛑 Тарвага, тулам худалдах, худалдаж авахгүй байх

🦟 Бөөс, бүүрэгт хазуулахаас сэргийлж тарваганы нүх, дош руу ойртохгүй байх

⚠️ Тарваганы үхдэл, сэг зэм, хөдөлгөөн нь удааширсан тарвагатай таарвал гар хүрэлгүй, орон нутгийн болон нийслэлийн Зоонозын өвчин судлалын төвд мэдээлэх

ТАРВАГАН ТАХАЛ ӨВЧНӨӨС СЭРГИЙЛЭХЭД ИРГЭН ТАНЫ ОРОЛЦОО НЭН ЧУХАЛ.

25/07/2026

🚨 ТАРВАГАН ТАХЛЫН ШИНЖ ТЭМДГИЙГ ТАНЬЖ, ЭРТ ХАНДААРАЙ

Тарваган тахал нь богино хугацаанд хүндэрч, амь насанд аюул учруулж болзошгүй зоонозын халдварт өвчин юм.

⚠️ Хэрэв тарвагатай харьцсан, агнасан, арьс өвчсөн, махтай нь харьцсан, эсвэл тарваганы бөөс, бүүрэгт хазуулсны дараа дараах шинж тэмдэг илэрвэл яаралтай эрүүл мэндийн байгууллагад хандана уу.

🔸 Гэнэт өндөр халуурах
🔸 Чичрэх
🔸 Толгой хүчтэй өвдөх
🔸 Булчирхай томорч, эмзэглэлтэй болох
🔸 Бөөлжих
🔸 Цээжээр өвдөх, цустай цэр гарах
🔸 Ханиах

❗ Эрт оношлуулж, эмчилгээг цаг алдалгүй эхлүүлэх нь өвчний хүндрэлээс сэргийлэх хамгийн чухал арга юм.

Өөрийгөө болон гэр бүлээ хамгаалъя. Тарвага агнахгүй, түүхий эд, махтай нь харьцахгүй байцгаая.

#ТарваганТахал #ЭртИлрүүлэг #ЗӨСҮТ #ХалдвараасСэргийлье