17/02/2026
Эрх чөлөөт Монгол Улсын иргэд ээ!
Элгэн садан монгол ахан дүүс ээ!
Элчилгүй уудам талаар аргамаг хүлэг дүүлэн давхих мэт морин жилд Монгол оронд их өөрчлөлт дэвшлийн үйл хэрэг түрхрэн өрнөж, монголчуудын цог хийморь дүүрэн байдаг билээ.
Монголчууд морин жилдээ морьтой.
Ерэн оны цагаан морин жилд асаасан галыг 2026 оны улаан морин жилд улам бадрааж, улсын тусгаар тогтнолоо эдийн засгийн тусгаар тогтнолоор бататгах, монгол хүний улс төрийн эрх чөлөөг эдийн засгийн эрх чөлөөгөөр дархлан гагнах сайн цаг ирж байна.
УИХ-ын даргын хувьд дэвшүүлсэн "Чөлөөлье" санаачилгаа илүү тууштай өрнүүлж, эрх чөлөөт монгол хүнээ сайн явъя гэхэд мунддаггүй саадаас чөлөөлнө.
Морин жилд Монголын “За андгай буй заа” хэмээх журмыг баримтлан санаж, хөрөнгө оруулалтыг хуульчлан хамгаална.
“Эрхэмлэж яваарай” хэмээн захиж өвлүүлсэн, эх орончдын амиараа тулж босгосон тусгаар тогтнолоо эдийн засгийн тусгаар тогтнолоор дархлан бататгах нь өнөө үеийн Та бидний үүрэг ачаа, үр хойчдоо үлдээх эрхэм нандин үнэт зүйл билээ.
Үндсэн хуульд тангараг өргөсөн, ард түмний элч төлөөлөгчдийн танхим УИХ хүний үндсэн эрх, хүүхдийн эрхийг хангахын төлөө хууль тогтоогчдын хувьд ч, ээж, аавуудын хувьд ч сэтгэл чилээн ажиллах болно.
Их түүхийн эзэн, эрх чөлөөт, омог бардам Монгол хүн Танд ирж буй “Сүрээр дарагч” хэмээх гал улаан морин жилдээ морьтой хийморьтой, заяа буянтай, эрүүл энх, эвтэй эетэй, үйлс бүхэн нь тэгш, юу санасан есөн хүсэл нь биелэхийн ерөөл өргөе!
Эрх чөлөөний нар хэн бүхнийг алагчлалгүй ивээх болтугай!
Сар шинэдээ сайхан шинэлээрэй!
Эрх чөлөөт Монгол Улсын иргэд ээ!
Элгэн садан Монгол ахан дүүс ээ!
Элчилгүй уудам талаар аргамаг хүлэг дүүлэн давхих мэт морин жилд Монгол оронд их өөрчлөлт дэвшлийн үйл хэрэг түрхрэн өрнөж, монголчуудын цог хийморь дүүрэн байдаг билээ.
Монголчууд морин жилдээ морьтой.
Ерэн оны цагаан морин жилд асаасан галыг 2026 оны улаан морин жилд улам бадрааж, улсын тусгаар тогтнолоо эдийн засгийн тусгаар тогтнолоор бататгах, монгол хүний улс төрийн эрх чөлөөг эдийн засгийн эрх чөлөөгөөр дархлан гагнах сайн цаг ирж байна.
УИХ-ын даргын хувьд дэвшүүлсэн "Чөлөөлье" санаачилгаа илүү тууштай өрнүүлж, эрх чөлөөт монгол хүнээ сайн явъя гэхэд мунддаггүй саадаас чөлөөлнө.
Морин жилд Монголын “За андгай буй заа” хэмээх журмыг баримтлан санаж, хөрөнгө оруулалтыг хуульчлан хамгаална.
“Эрхэмлэж яваарай” хэмээн захиж өвлүүлсэн, эх орончдын амиараа тулж босгосон тусгаар тогтнолоо эдийн засгийн тусгаар тогтнолоор дархлан бататгах нь өнөө үеийн Та бидний үүрэг ачаа, үр хойчдоо үлдээх эрхэм нандин үнэт зүйл билээ.
Үндсэн хуульд тангараг өргөсөн, ард түмний элч төлөөлөгчдийн танхим УИХ хүний үндсэн эрх, хүүхдийн эрхийг хангахын төлөө хууль тогтоогчдын хувьд ч, ээж, аавуудын хувьд ч сэтгэл чилээн ажиллах болно.
Их түүхийн эзэн, эрх чөлөөт, омог бардам Монгол хүн Танд ирж буй “Сүрээр дарагч” хэмээх гал улаан морин жилдээ морьтой хийморьтой, заяа буянтай, эрүүл энх, эвтэй эетэй, үйлс бүхэн нь тэгш, юу санасан есөн хүсэл нь биелэхийн ерөөл өргөе!
Эрх чөлөөний нар хэн бүхнийг алагчлалгүй ивээх болтугай!
Сар шинэдээ сайхан шинэлээрэй!
