Sakura LLC

28/07/2026

28/07/2026

💚 7-р сарын 28 — Гепатиттай тэмцэх дэлхийн өдөр

Гепатит нь элгийг гэмтээдэг вирусийн халдвар бөгөөд удаан хугацаанд ямар нэгэн шинж тэмдэггүй явагдах тохиолдол байдаг. Хэрэв цаг тухайд нь илрүүлж, эмчлэхгүй бол элэгний хатуурал (цирроз), элэгний хорт хавдар зэрэг ноцтой хүндрэлд хүргэж болзошгүй.

Өөрийгөө болон хайртай хүмүүсээ хамгаалах хамгийн үр дүнтэй арга:
💉 Гепатит В-ийн эсрэг вакцинд хамрагдах
🔬 Шинжилгээнд тогтмол хамрагдах
🧼 Хувийн ариун цэврийг сахих
🪒 Хувийн хэрэглээний хэрэгслийг бусадтай хуваалцахгүй байх
🏥 Аюулгүй, стандартын шаардлага хангасан эрүүл мэндийн үйлчилгээг сонгох

💚 Элэгээ хамгаалъя. Ирээдүйгээ хамгаалъя.

27/07/2026

❗️❗️❗️Сэрэмжлүүлэг

ИНФОСАН-гийн мэдээлснээр дараах үйлдвэрлэгчийн цувралын дугаар бүхий Морингагийн навчны нунтаг агуулсан хүнсний нэмэлт бүтээгдэхүүнээс Сальмонелла нян илэрсэн тул АНУ-ын Хүнс эмийн агентлаг болон Өвчний Хяналт сэргийлэлтийн төвөөс эргүүлэн татаж байна.

Уг эргүүлэн татагдсан Live it Up, Why Not Natural, Doctor's Pride, TNVitamins гэсэн 4 брэндийн хүнсний нэмэлт бүтээгдэхүүнүүдийг Amazon, TikTok Shop, Shein, eBay зэрэг олон улсын онлайн худалдааны сувгаар зардаг бөгөөд 80 орчим улс, нутаг дэвсгэрт хэрэглэгчдэд худалдаалагдсан байна.

Иймд иргэд та бүхэн онлайнаар эдгээр үйлдвэрлэгчийн, тодорхой цувралын дугаартай бүтээгдэхүүнийг захиалан авахгүй байхыг анхааруулж байна.