Хуяг-Очирын Мөнгөнцэцэг Munguntsetseg Khuyag-Ochir

30/05/2026

📢 ХҮҮХДИЙН ЭМЧ НАРЫН ЖУРНАЛ КЛУБ

“ЦЕЛИАК ЭМГЭГИЙГ ЭРТ ОНОШИЛЖ, ЭРТ ЭМЧИЛЬЕ” сэдвийн хүрээнд журнал клубын уулзалтаа хийх гэж байгаадаа баяртай байна.

🌾Целиак нь улаан буудай ба үр тарианд агуулагдах глютены нөлөөгөөр нарийн гэдэс ба бусад эрхтэн тогтолцоог хамардаг архаг дархлааны эмгэг юм.

✅ Нарийн гэдэсний шим тэжээлийн бодисыг шимэгдүүлэх үндсэн үйл ажиллагаа алдагдаж, улмаар үндсэн ба бичил шим тэжээлийн бодисын дутагдал, төмөр дутлын цус багадалт, өсөлтийн хоцрогдол, жингээ нэмэхгүй байх, арьсны архаг үрэвсэл, хоол боловсруулах эрхтний шинжүүд (хэвлийн өвдөлт, гэдэс дүүрэх, гүйлгэх, өтгөн хатах, бөөлжих) илэрдэг.

‼️ Улмаар насанд хүрэгчдэд хоол боловсруулах эрхтний хавдар болох эрсдэлийг нэмэгдүүлдэг гэж үздэг.

🧑🏻‍⚕️👨🏻‍⚕️👩🏻‍⚕️ Хүүхдийн эмч бүр энэ эмгэгийн шинж тэмдэг, илрэлийн талаар мэдлэгээ бэхжүүлж, эрт оношлох нь олон хүндрэлээс сэргийлж, насанд туршид эрүүл чанартай амьдрах боломжийг олгох юм.

📈 Целиакын тохиолдол 21-р зуунд дэлхий нийтээр нэмэгдэж байгааг судлаачид глютен агуулсан үр тарианы бүтээгдэхүүний хэрэглээ ихэссэн, оношилгооны хүчин чадал ба эмч мэргэжилтнүүдийн мэдлэг чадвар сайжирсан хэмээн тайлбарладаг.

🧬Целиак нь шинээр үүсдэг эмгэг бус тодорхой ген агуулсан хүнд ба тодорхой эмгэгүүдийн үед түгээмэл тохиолддог.

🧑‍🧑‍🧒‍🧒 Тухайлбал эх эцэгт оношлогдлоо гэхэд хүүхдүүдэд нь, хүүхдэд оношлогдлоо гэхэд эх эцэгт байх магадлал их гэсэн үг.

🙌 Тиймээс салбар хоорондын хамтын ажиллагаа энэ эмгэгийг эрт илрүүлж оношлоход чухал.

Хүүхдийн эмч, дотрын эмч, хоол боловсруулах эрхтний эмгэг судлалын эмч, дурангийн эмч, хоолзүйч шим тэжээл судлаач мэргэжилтнүүдээ ЖУРНАЛ КЛУБ-ын уулзалтандаа урьж байна.

📆 2026.6.7 Ням 09.30-11.00
📍Зайсан White Hill хотхон
📲 Бүртгэл: 8807-9249

🥰 Удахгүй баяртайгаар уулзацгаая!

12/05/2026

📢 АКАДЕМИК АНАГААХЫН АНГЛИ ХЭЛ

💻 ЦАХИМ АНГИЙН ЭЛСЭЛТ


🙋‍♀️ 2026 оны СУРАЛЦАХ, ӨӨРТӨӨ ХӨРӨНГӨ ОРУУЛАЛТ ХИЙХ ЖАГСААЛТАА ХИЙЖ ХЭРЭГЖҮҮЛЖ ЭХЭЛСЭН ҮҮ?

🙌 Англи хэлийг эзэмшиж, ашиглаж, ажил мэргэжил, ахуй амьдралаа дээшлүүлэх зорилгоо ХАМТДАА БИЕЛҮҮЛЭХ ҮҮ?

❓Эсвэл хэзээ ч “биелдэггүй, бүтдэггүй” хүслийн жагсаалтандаа байлгасаар байх уу?

Маргааш, нөгөөдөр, дараа, тэгж байгаад, боломжтой үедээ л болно доо гэж хойшлуулсаар байх уу?

✅ Боломжийг ТА өөрөө бүтээж
ЯГ ӨНӨӨДӨР, ЯГ ОДОО эхлэхгүй бол
БОЛОМЖ ХЭЗЭЭ Ч ӨӨРӨӨ бий болохгүй!!!

Эмч, эмнэлгийн мэргэжилтэн ТА мэдэхгүй чадахгүй байгаагаасаа бүү санаа зовж нэрэлхээрэй, ичээрэй!

🤔 Мэддэг ч юм шиг мэдэхгүй ч юм шиг яваад л байдаг.

🙌 Бодит байдалтайгаа нүүр туулж мэддэг бол өдөр бүр хэрэглэж үр шимээ хүртээд, мэдэхгүй бол мэдэхгүйгээ эртхэн хүлээн зөвшөөрч, мэдэх сурах чиглэл рүүгээ явах нь зөв.

👏 Мэдье, суръя, хичээе гэж хүссэн ХҮН БҮРТ СУРГАЛТ МААНЬ НЭЭЛТТЭЙ.

📚 ХӨТӨЛБӨР:

✍🏻 12 долоо хоногийн эрчимжүүлсэн хөтөлбөр

Яг 12 долоо хоног буюу 3 сарыг зоригтойгоор, зорилготойгоор өөртөө, хичээлдээ цаг гаргаж хичээж суралцах хүнтэй хичээллэнэ.

Суралцагч хичээлээ хийхгүй, хичээхгүй бол сургах гэж хичээж байгаа надад амтгүй, үр дүнгүй, урамгүй байдаг юм.

🧑🏻‍⚕️👩🏻‍⚕️👨🏻‍⚕️ Энэ хөтөлбөрөөр хүүхэд, эх барих эмэгтэйчүүд, дотор, зүрх судас, хоол боловсруулах, уушги, мэс засал, чих хамар хоолой, хавдар, мэдээгүйжүүлэг эрчимт эмчилгээ, арьс гоо засал, нүд, сэргээн засах, эмзүй, уламжлалт, халдварын сэргийлэлт, бичил амь судлал гэх мэт цөөнгүй салбарын эмч, эмнэлгийн мэргэжилтнүүд амжилттай, олз омогтой, оюун дүгнэлттэй суралцаж төгсөөд дараагийн аяллаа амжилттай эхлүүлж байгаад баярлаж байна.

📚 Хичээл 7 хоногт 1 удаа 3 академик цагаар буюу 120 минутаар ажлын бус цагаар хичээллэнэ.

💕 Зөв арга замаар хичээвэл чадахгүй, мэдэхгүй, сурахгүй зүйл гэж огтоос үгүй шүү.

Аз жаргал хүсье!

🥰 Удахгүй эхний хичээл дээрээ баяртайгаар уулзацгаая!

08/05/2026

📚 “Академик Анагаахын Англи хэл”-ний намар, өвлийн ангийн эмч нар маань даалгавраа бүрэн гүйцэтгэж, хөтөлбөрөө амжилттай дүүргэлээ.

👏 Намар, өвөл, хаврын амралтын өдрүүдийг хамтдаа суралцаж, хөгжиж өнгөрүүлсэн хөдөлмөрч, ухаалаг, үзэсгэлэнтэй эмч бүсгүйчүүддээ дахин халуун баяр хүргэе!

✍🏻📖 Өөртөө зориулсан хором мөч, хөлс хүч, хичээл зүтгэл бүрийнхээ үр шим, ашиг тусыг өдөр бүр хүртэх болно.

👍 “Academic Medical English” хичээл илүү олон боломж, илүү олон нээлт, илүү олон замын эхлэл нь байх болно гэдэгт итгэлтэй байна багш нь.

✅ Үргэжлүүлэн хүсэл мөрөөдөлдөө, эрхэм зорилгодоо, зөв гэж бодсон зүйлдээ цагаа харамгүй, хамгийн түрүүнд зориулаарай!

🧑🏻‍⚕️👩🏻‍🔬 Англи хэлийг ажил амьдралынхаа салшгүй нэг хэсэг болгож; өдөр бүр ашиглаж, хэрэглэж; үүссэн синапсаа улам сайн бэхжүүлээрэй!

💕 Та нартаа хайртай шүү!

🥰 Аз жаргал хүсье!

03/05/2026

🥰🥰🥰 Хэдэн жил хүссэн, бодсон, тэмүүлсэн зүйлээ эхлүүлж байгаадаа тун баяртай байна.

Хүсээд л бодоод л тэмүүлээд л байсан атлаа алхам хийлгүй өдий хүржээ.

📚📚📚6 жилийн өмнө хамгийн дуртай төрөл болох дурдатгал (memoir)-с эхлэхээр шийдээд 2 номоо сонгосон байхад цар тахал дэгдээд номын клуб, уулзалт манатай болж билээ.

Тэрний дараа, энэний дараа, тэрийг дуусгачихаад, энийг амжуулчихаад гэж хойшлуулсаар явтал эхнээсээ анагаахад орсон оюутнууд эмч болоод төгсөж байна.

Тара Вестоверийн “Educated”, Паул Каланити эмчийн “When breath becomes air” хоёрын алинаас эхлэх вэ гэдгээ 6 жил бодсон гэхээр бодол ихтэй шийдэл багатай хүн юм уу даа.

🎁🎁🎁 Энэ мартаар өөртөө бэлэглэсэн, миний хайртай подкастер, зохиолч Мел Робинсын “Let them theory”-ээр эхлэхээ энэ 7 хоногт шийдээд энэ постоо оруулж байна.

Миний “Self-help” өөртөө туслах төрлийн уншсан жагсаалт гарын 5 хуруунд хүрэхгүй, үлэг гүрвэлийн үеийн хэд бий.
Сэтгэхүйн цар хүрээний гайхамшиг; Хорвоо дэлхий уужим, хийх ажил их байна; Өөртөө туслах ухаан; Өглөөний хүн.

Жилийн өмнө “Let them theory”-н подкастыг сонсоод заавал номоор нь унших ёстой гэж бодсон.

🎉🎊🙌 “Munguu’s Book club” англи хэл дээрх номын клубтээ номонд хайртай, унших дуртай, англиар уншиж, уншсан номоо ярилцахыг, хуваалцахыг хүссэн хүн бүрийг урьж байна.

☕️☕️☕️ Эхний уулзалтаа 6 сарын дундуур амралт зугаалгын өмнө хийнэ.

5 сарын сүүлээр уулзалтын зар, бүртгэлийн мэдээлэл оруулъя.

👏 Монгол хэл дээр хэдхэн хоногийн өмнө Монсудар эрхлэн гаргажээ.

“Let them”-ээ өөртөө сануулахад аль чадлаараа хичээж яваа амьдрал минь илүү утга учиртай, илүү амар амгалан, илүү тайван тогтуун болж байна. Тэсэхгүй бичих гэж байна ш дээ.

💕 💕💕 За удахгүй “Munguu’s Book club” номын клуб дээрээ аз жаргалтайгаар уулзацгаая!!!

23/04/2026

Өглөөний мэндээ!

🙌 Судалгааны аргазүй сураад ойлгоод хийгээд давтаад хичээвэл хэцүү зүйл биш.

✍🏻 Зөв, системтэй суралцвал хэрэглэж чадна.

👩🏻‍🔬👨🏻‍🔬 Хэрэглэж сурвал хэнийг ч гуйхгүй судалгаагаа хийж, өгүүллээ өөрөө бичиж, хэвлүүлнэ гэсэг үг.

✅ Аргыг нь олчихвол айхаар зүйл биш шүү.

ХБНГУ, Япон улсад хос докторын зэргээ хамгаалсан эрдэмтэн багшийн маш чухал хичээлд амжиж бүртгүүлээрэй!

Цөөн суудал үлдсэн байна.

📲 Бүртгэлээ 8807-9249 баталгаажуулаарай!

🥰 Амралтын өдрийн өглөөг өөртөө эхэлж зориулаарай!

🤗 Ням гарагийн өглөө 09.30 цагт уулзацгаая!

19/04/2026

Another week woven full of life. 🌿

Hiking trails and yoga mats.

Good books and even better conversations with friends, students, and the wonderful people from my yoga community.

My soul feels deeply grateful for every single one of them.

In clinic, I spent time with my little patients and their families.

Teaching, grading, reflecting and showing up.
Busy, yes. But the good kind of busy.

Loving every bit of it. 💕

18/04/2026

Proud alumna 👩‍🎓
Proud TarHeel 🩵

18/04/2026

Go TarHeels!

Proud UNC alumna 👩‍🎓

Always Tarheel!

Сургууль маань Forbes-н шилдэг 20 сургуулийн жагсаалтанд.

Бахархаж байна! Бас урамшиж байна. 🩵

UNC-Chapel Hill has been named on the list, recognized for its selectivity and commitment to solving pressing challenges through the North Carolina Collaboratory. With a 1480 median SAT and a legacy of producing leaders like Michael Jordan, Carolina continues to deliver the high-caliber talent employers crave.

Read more: https://www.forbes.com/sites/aliciapark/2026/04/08/the-new-ivies-20-great-employer-friendly-colleges-embracing-ai/?utm_campaign=ForbesMainFB&utm_source=ForbesMainFacebook&utm_medium=social

15/04/2026

🇺🇸 АНУ-ын Хойд Каролинагийн Их Сургуулийн эмнэлэг,
🇦🇹 Австри Улсын Гразын Их Сургуулийн эмнэлэг дээр дадлагажих үедээ тухайн эмнэлгийн эмч нарын ажлын хуваарь, уншиж хэрэглэж байгаа эх сурвалж, ажлын арга барил, мэргэжлийн ба бусад ур чадвар, өвчтөнд зөвлөгөө өгөх зэргийг өөрийнхөө хэмжээнд ажиглаж, асуудаг байлаа.

🧑🏻‍💻✍🏻 Бидний төдийлөн сайн эзэмшээгүй, ажлын байрны тодорхойлолт, ажил үүргийн хуваарьт байдаггүй атлаа зайлшгүй шаардлагатай нэг чадвар бол судалгааны арга зүй, академик бичгийн чадвар билээ.

АНУ, Австрид эмч адилхан 8 цаг ажиллана.
4-5 цаг өвчтнөө оношлох, эмчлэх, зөвлөгөө өгөх ажлаа хийгээд; 3-4 цагт эрдэм шинжилгээ, сургалт ба өөрийгөө хөгжүүлэх ажилдаа шамдана.

“Би бол цэвэр эмнэлзүйч эмч хүн”, “Би бол эрдмийн зэрэг цолтой академик хүн” гэсэн тодорхойлолт цөөнгүй сонсож байлаа.

Энэ бол нэг бүхэл зүйлийн салшгүй хоёр тал нь гэж боддог.
Бид хөгжиж, сайжирч урагшилж л байна. Гэхдээ сайн цаг ирэхийг хүлээгээд л суухгүй аль боломжоороо эрдэм судлалд шамдах нь зүйтэй.

👏 “ХҮҮХДИЙН ЭМЧ НАРЫН ЖУРНАЛ КЛУБ”-ын 4 сарын үнэхээр супер зочин илтгэгчээ танилцуулахдаа таатай байна.

🇩🇪Холбооны Бүгд Найрамдах Герман улсын Любекийн Их Сургуульд эмнэлзүйн эмгэг судлалаар Анагаах Ухааны докторын зэрэг хамгаалсан (PhD),
🇯🇵 Япон улсын Олон Улсын Эрүүл Мэнд, Нийгэм Хамгааллын Их Сургуульд Нийгмийн эрүүл мэнд, Дата, Тархвар судлалаар Нийгмийн Эрүүлийн Мэндийн Ухааны Доктор (DPH) зэрэгтэй АШУҮИС-ийн Ахисан Түвшний сургууль, Олон улсын цахим сургалтын төвийн координатор багш Г.Дариймаа манай журнал клубын 4 сарын зочин илтгэгчээр оролцож, “Түгээмэл хэрэглэгддэг судалгааны аргазүй” сэдвээр лекц уншина.

Хос докторын зэрэгтэй эрдэмтэн багшийн сургалтанд хамрагдах хүсэлтэй бол бүртгэлээ эртхэн баталгаажуулаарай.

Оюутан үедээ Даарийгийнхаа ахалсан судалгааны багт багтаж, эрдэм судлалтай танилцсандаа талархаж явдаг.

Одоо ч гэсэн найздаа шавилсан.

🥰 Удахгүй журнал клуб дээрээ баяртайгаар уулзацгаая!