Баянбигэр өрхийн эрүүл мэндийн төв

04/06/2026

📢 Товлолт дархлаажуулалт — ирээдүйн эрүүл мэндийн хамгаалалт

Товлолт дархлаажуулалт нь хүүхдийг амь насанд аюултай олон төрлийн халдварт өвчнөөс урьдчилан сэргийлэх хамгийн үр дүнтэй, аюулгүй арга юм.

Дархлаажуулалтад товлолын дагуу цаг тухайд нь хамрагдсанаар дараах өвчнүүдээс хамгаална. Үүнд: сүрьеэ, В вируст гепатит, саа, сахуу, хөхүүл ханиад, татран, улаанбурхан болон умайн хүзүүний хавдраас сэргийлэх ХПВ (HPV) вакцин багтдаг.

📊 ДЭМБ-ын мэдээллээр:

Жил бүр дэлхий даяар 3 сая гаруй хүүхэд вакцинжуулалтаар сэргийлэх боломжтой өвчнөөр нас барсаар байна
Улаанбурхан өвчний үед вакцинд хамрагдаагүй хүүхдийн халдвар авах эрсдэл 10 дахин өндөр
Улаанбурханаар өвчилсөн 1000 хүүхдийн 1–3 нь нас барах эрсдэлтэй
Хөхүүл ханиад нь нярай хүүхдэд хүндрэл үүсгэж, эмнэлэгт хэвтэн эмчлүүлэх шаардлагад хүргэдэг
🧬 Умайн хүзүүний хавдраас урьдчилан сэргийлэх (ХПВ вакцин)

Хүний папиллома вирус (ХПВ) нь умайн хүзүүний хавдрын гол шалтгаан бөгөөд вакцины тусламжтайгаар 80–90%-аас урьдчилан сэргийлэх боломжтой.

📊 Дэлхийд:

Жил бүр 600,000 орчим шинэ тохиолдол бүртгэгддэг
300,000 орчим эмэгтэй нас бардаг

💉 ХПВ вакцин:

Ихэвчлэн 9–14 насанд хамгийн үр дүнтэй
Хавдар үүсгэдэг өндөр эрсдэлтэй вирусээс хамгаална
Эмэгтэй, эрэгтэй хүүхдүүдэд аль алинд нь хамгаалалт үзүүлнэ

👉 Дархлаажуулалт нь зөвхөн хувь хүний бус, гэр бүл, хамт олон, нийгмийн хамтын хамгаалалт юм.
👉 Товлолын вакцинд хамрагдах нь ирээдүйн олон өвчнөөс урьдчилан сэргийлэх хамгийн энгийн бөгөөд үр дүнтэй алхам.

💙 Өнөөдрийн дархлаажуулалт — маргаашийн хамгаалалт

Хүүхдээ товлолын дагуу дархлаажуулалтад бүрэн хамруулж, эрүүл ирээдүйг хамтдаа бүтээе.

03/06/2026

02/06/2026

Улаанбурхан өвчнөөс урьдчилан сэргийлцгээе

28/05/2026

💙 ШУДАРГА, СОЁЛТОЙ ЭРҮҮЛ МЭНДИЙН ҮЙЛЧИЛГЭЭНИЙ ТӨЛӨӨ ХАМТДАА 💙

Бид авлига, ашиг сонирхлын зөрчлөөс ангид,
иргэн бүрт тэгш, шударга, дарааллын дагуу үйлчилгээ үзүүлэхийг зорин ажиллаж байна.

🤝 Хүн бүрт хүндэтгэлтэй хандах
🩺 Шаардлагатай тусламжийг ил тод, зөв зохион байгуулалттай хүргэх
🚫 Дур зоргоор давуу эрх олгохгүй байх
💙 Эрүүл мэндийн байгууллагын ёс зүйг хамтдаа хамгаалах

Та бүхэн бидэнтэй хамт
шударга, соёлтой үйлчилгээний жишиг орчныг бүрдүүлцгээе.

#ШударгаЁс #авлигагүй #Соёлтойүйлчилгээ #ЭрүүлМэнд #тэгшхандах

27/05/2026

📢 ДАРХЛААЖУУЛАЛТЫН ХЯНАЛТ-ҮНЭЛГЭЭНД АМЖИЛТТАЙ ХАМРАГДЛАА

Баянбигэр өрхийн эрүүл мэндийн төв нь 2026 оны 05 дугаар сарын 26-ны өдөр зохион байгуулагдсан дархлаажуулалтын хяналт-үнэлгээнд амжилттай хамрагдлаа. 👏👏

Хяналт-үнэлгээг Дэлхийн Эрүүл Мэндийн Байгууллага-ын төлөөлөгчид, Эрүүл Мэндийн Яам болон Сонгинохайрхан дүүргийн Эрүүл Мэндийн Төв-ийн мэргэжилтнүүд хийж, дархлаажуулалтын үйл ажиллагаа, вакцины хадгалалт хамгаалалт, бүртгэл мэдээлэл, аюулгүй байдал болон үйлчилгээний чанарт үнэлгээ өглөө.

Энэхүү үнэлгээ нь манай байгууллагын эмч, сувилагч, нийт ажилтнуудын хариуцлагатай, хамтын ажиллагаатай ажлын үр дүн юм. 💙

Цаашид иргэдэд чанартай, аюулгүй, хүртээмжтэй дархлаажуулалтын үйлчилгээг хүргэхийн төлөө тогтмол ажиллах болно.

#баянбигэрөэмт #Дархлаажуулалт #хяналтүнэлгээ #ЭрүүлИргэн

26/05/2026

"Би - хариуцлагатай аав ээж" аян хүрээнд иргэдийн эрүүл мэндийн боловсролд

22/05/2026

💙👶 ӨНДӨР ТУНТ А ВИТАМИНЫ ТАРААЛТ ЭХЭЛЛЭЭ 👶💙

Баянбигэр өрхийн эрүүл мэндийн төвөөс 0-5 насны хүүхдүүдэд өндөр тунт А аминдэм уулгаж байна.

✅ Хүүхдийн хараа хамгаална
✅ Дархлааг дэмжинэ
✅ Эрүүл өсөлт хөгжилд тустай
✅ Халдвараас сэргийлэхэд ач холбогдолтой

📌 Эцэг, эх, асран хамгаалагч та бүхэн хүүхдээ идэвхтэй хамруулаарай.
📕 Эх хүүхдийн ягаан дэвтрээ авч ирэхээ мартуузай.

📍 Баянбигэр Өрхийн Эрүүл Мэндийн Төв

#авитамин #ХүүхдийнЭрүүлМэнд #баянбигэрөэмт #ЭрүүлИрээдүй

21/05/2026

📌 Баянбигэр өрхийн эрүүл мэндийн төвийн танилцуулга

Манай Баянбигэр өрхийн эрүүл мэндийн төв нь иргэдийнхээ эрүүл мэндийг хамгаалах, өвчнөөс урьдчилан сэргийлэх, эрт илрүүлэг, оношилгоо, эмчилгээний чанартай үйлчилгээг үзүүлэх зорилготой ажиллаж байна.

👩‍⚕️👨‍⚕️ Туршлагатай эмч, сувилагч нарын баг
🩺 Анхан шатны үзлэг, оношилгоо, эмчилгээ
💊 Урьдчилан сэргийлэх үзлэг, зөвлөгөө
📊 Эрүүл мэндийн хяналт
🔬 Сүүлийн үеийн дэвшилтэт оношилгоо, эмчилгээний аппаратуудыг ашиглан үйлчилгээ үзүүлж байна

Бид иргэн бүрт хүртээмжтэй, найдвартай, чанартай тусламж үйлчилгээг хүргэхийг зорин ажиллаж байна.

📍 Та бүхэн манай төвөөр үйлчлүүлж, өөрийн болон гэр бүлийнхээ эрүүл мэндийг хамгаалаарай.

#ЭрүүлМэндэнд #ӨЭМТ #баянбигэр

15/05/2026

🚹 ЭРҮҮЛ МЭНДЭЭ ХОЙШ ТАВИХ ХЭРЭГГҮЙ!

Эрэгтэйчүүдийн олонх нь өвдсөн хойноо эмчид ханддаг нь хүндэрсэн онош, оройтсон эмчилгээний шалтгаан болдог.
⚠️ Түрүү булчирхай, бөөр шээсний зам, даралт, дотор эрхтний олон өвчин эхний үедээ шинж тэмдэг багатай байдаг.

🩺 Урьдчилан сэргийлэх үзлэгт тогтмол хамрагдсанаар:
✔️ Өвчнийг эрт илрүүлнэ
✔️ Эрсдэлээс сэргийлнэ
✔️ Гэр бүл, үр хүүхдийнхээ төлөө эрүүл байж чадна

📢 Эрүүл мэнддээ анхаарч, эрэгтэйчүүдийн үзлэгт идэвхтэй хамрагдаарай!