Олонлог-ЭМЗ хүүхэд, дотрын эмнэлэг

26/05/2026

📌 ДААТГУУЛАГЧ ӨӨРИЙГӨӨ ТАНИН БАТАЛГААЖУУЛСНААР САНГИЙН ЗАРЦУУЛАЛТАД ХЯНАЛТ ТАВИХ БОЛОМЖТОЙ
✅ Монгол Улсын Эрүүл мэндийн тухай хуулийн 8.10 дугаар зүйл, Эрүүл мэндийн сайд болон Цахим хөгжил, инновац, харилцаа холбооны сайдын хамтарсан 2025 оны А/130, А/58 дугаар тушаал, мөн ЭМДҮЗ-ийн 2026 оны 01 дүгээр тогтоолын хүрээнд эрүүл мэндийн тусламж, үйлчилгээ авч буй иргэнийг танин баталгаажуулах журам хэрэгжиж байгаа.
✅ Энэхүү зохицуулалт нь эрүүл мэндийн салбарын цахим шилжилтийг эрчимжүүлэх, эрүүл мэндийн тусламж, үйлчилгээний ил тод, хяналттай тогтолцоог бэхжүүлэх, даатгалын сангийн хөрөнгийн зарцуулалтыг бодит үйлчилгээтэй уялдуулах чухал ач холбогдолтой юм. Иргэнийг танин баталгаажуулснаар тухайн хүний эрүүл мэндийн талаарх эмзэг, хувийн мэдээллийг хамгаалахаас гадна бусдын регистрийн дугаар ашиглан хуурамч нэхэмжлэл үүсгэх, үйлчилгээ аваагүй байхад санхүүжилт авах зэрэг зөрчлөөс урьдчилан сэргийлэх боломж бүрдэнэ.
✅ Мөн энэ нь Эрүүл мэндийн даатгалын сангийн хөрөнгийг бодит тусламж, үйлчилгээнд үндэслэн үр ашигтай, үнэн зөв зарцуулах, эрүүл мэндийн байгууллагын санхүүжилтийн ил тод байдлыг нэмэгдүүлэх, хяналтын тогтолцоог сайжруулахад чиглэж байгаа юм. Иргэн эрүүл мэндийн тусламж, үйлчилгээ авч байгаа тохиолдолд дараах аргуудаар өөрийгөө танин баталгаажуулах боломжтой. Үүнд:
- Хурууны хээгээр баталгаажуулах
- Өөрийн нэр дээр бүртгэлтэй утасны дугаарт нэг удаагийн нууц код (SMS) хүлээн авах
- E-Mongolia цахим системээр дамжуулан баталгаажуулах
✅ Ингэснээр даатгуулагч-иргэн өөрт хамгийн тохиромжтой хэлбэрээр баталгаажуулалтаа хийж, тусламж, үйлчилгээгээ түргэн шуурхай авах нөхцөл бүрдэж байна. Харин хурууны хээний бүтэц арилсан, хэвтрийн өвчтөн, хуруу тайрагдсан зэрэг онцгой нөхцөл бүхий иргэн өрх, сум, тосгоны эрүүл мэндийн төвөөр дамжуулан ЭМДЕГ-аас баталсан маягтын дагуу хүсэлт гаргаснаар танин баталгаажуулалт хийлгүйгээр хэрэгцээт тусламж, үйлчилгээгээ авах боломжтой.
✅ Иргэнийг танин баталгаажуулах тогтолцоо нь эрүүл мэндийн тусламж, үйлчилгээний бүртгэлийн үнэн зөв байдлыг хангах, иргэний мэдээллийн аюулгүй байдлыг хамгаалах, даатгалын сангийн хөрөнгийг бодит үйлчилгээнд үндэслэн зарцуулах тогтолцоог дэмжихэд чиглэж байна. Цаашид энэхүү зохицуулалт нь эрүүл мэндийн тусламж, үйлчилгээний чанар, санхүүжилтийн ил тод байдал, хяналтын тогтолцоог үе шаттайгаар сайжруулах ач холбогдолтой юм.

26/05/2026

07/05/2026

05/03/2026

📌 Даатгуулагч та ЭМДЕГ-тай гэрээт эмнэлэгт хэвтэн эмчлүүлэх үедээ эм, тариаг өөрийн зардлаар гаднаас худалдан авсан бол эхлээд тухайн эрүүл мэндийн байгууллагад хандан буцаан олголт авах боломжтой.
⚠️ Хэрэв тухайн эмнэлэг таны асуудлыг шийдвэрлээгүй тохиолдолд ЭМДЕГ-ын лавлах утас 1800-1363 болон Худалдан авалт, гэрээлэлтийн газрын 70101153, 70101699 дугааруудад мэдэгдэнэ үү.

05/03/2026

🧠📱 Дэлгэц их хэрэглэдэг хүүхдийн тархинд юу өөрчлөгддөг вэ?
АНУ-ын хүүхдийн эмч, судлаач Доктор Жон Хаттон бага насны хүүхдийн өдөр тутмын зуршил тархины хөгжилтэй хэрхэн холбоотойг MRI дүрслэл ашиглан судалжээ.
📖 Ном уншиж, харилцаа ихтэй орчинд өссөн хүүхдүүд
MRI шинжилгээнд тархины хэл яриа, унших чадвар болон сэтгэхүйг зохицуулдаг хэсгүүдийг холбосон цагаан эдийн мэдрэлийн холбоосууд илүү нягт, зохион байгуулалттай харагдсан.
👉 Энэ нь тархины мэдээлэл боловсруулах болон хэл ярианы хөгжлийн замууд идэвхтэй бүрэлдэж байгааг илтгэнэ.
📱 Дэлгэцийн хэрэглээ өндөртэй хүүхдүүд
Харьцуулсан бүлэгт тархины цагаан эдийн холбоосууд харьцангуй сийрэг, зохион байгуулалт багатай харагдсан бөгөөд хэл ярианы өдөөлтийг боловсруулахтай холбоотой тархины хөгжлийн ялгаа ажиглагдсан.
⚠️ Энэ нь дэлгэц тархийг “гэмтээсэн” гэсэн үг биш.
Харин дэлгэцийн цаг нэмэгдэх тусам хүүхдийн яриа, харилцаа, ном унших бодит өдөөлт багасах хандлагатай холбоотой гэж судлаачид тайлбарласан.
📉 Ялангуяа өдөрт 1 цагаас дээш дэлгэц хэрэглэдэг хүүхдүүдэд энэ ялгаа илүү ажиглагдсан.
❗ Хамгийн чухал ойлгох зүйл
👉 дэлгэцийн цаг ихсэх тусам
👉 хүүхэдтэй ярилцах, хамт ном унших, тоглох цаг багасдаг
мөн тархины хөгжлийг дэмждэг бодит өдөөлтүүд цөөрдөг болохыг харуулсан.
Өөрөөр хэлбэл асуудал нь дэлгэц өөрөө биш дэлгэц үзэж буй хугацаа юм.
👨‍👩‍👧 Эцэг эхчүүд юуг анхаарах вэ?
✔ 0–2 нас — дэлгэц аль болох хэрэглэхгүй
✔ 2–5 нас — өдөрт ~1 цагаас ихгүй
✔ Хүүхэд ганцаараа биш, хамт үзэж ярилцах
✔ Өдөр бүр ном унших, асуулт-хариулт хийх
✔ Чөлөөт тоглоом = тархины хамгийн сайн дасгал
🧠 Тархийг хөгжүүлдэг №1 зүйл
Хүүхдийн тархи дэлгэцээр биш,
👉 хүний дуу хоолой
👉 нүүрний илэрхийлэл
👉 хамтдаа тоглох
👉 харилцаанаас хөгждөг.
📌 Дэлгэцийг хориглох шаардлагагүй.
Харин хүүхдийн бодит харилцааг орлуулах хэмжээнд хүргэхгүй байх нь хамгийн чухал.