18/10/2026
Tħalluhomx jitnejjku bikom iżjed.
Għax fil-waqt li ż-żmien jgħaddi minn fuq kullħadd, ġismek jixjieħ BISS jekk int tkun traskurat.
Il-mediċina konvenzjonali tgħidlek li ħafna mard jiġri minħabba li tixjieħ.
U jbellgħulek kemm trid pinuri biex “jgħinuk”.
Imma l-fatti juruna li ħafna mard jiġri għax TKUN TRASKURAT.
Fil-waqt li naqbel li ż-żmien isajjar il-bajtar, żomm f’moħħok li l-bajtar trid tkun żrajtu INT biex isir.
U qed ngħidilkom mija fil-mija li ċ-ċuċati li qed tagħmlu issa b’saħħitkom, SE TPATTUHOM KOLLHA.
Mija fil-mija, mingħajr ebda dubju.
Għax il-ġisem MA JINSIEX il-ħsara li tkun għamiltlu.
U bħal ma l-ilma jqattar fuq ġebla JHERRIHA, ġismek ukoll jitfarrak ftit ftit.
Imma, daqshekk ieħor hu veru li JEKK TIEĦU ĦSIEB TIEGĦEK INNIFSEK, l-arloġġ bijoloġiku tiegħek tista' żżommu jtektek ħafna aktar BIL-MOD.
U ġismek ikun ħafna aktar żagħżugħ mill-età kronoloġika tiegħek.
Dan mhux biss jixhduh ħafna studji li saru fuq dan is-suġġett, imma nista’ niggarantiehulkom jien wara aktar minn tletin sena karriera f’dan ix-xogħol u eluf kbar ta’ nies li għaddew min taħt idejja matul is-snin.
Però tistennewx li dawn l-affarijiet se tgħidomlok l-industrija tal-mediċina u tal-farmaċewtika.
Anzi, nerġa' nsostnilkom li minflok jinkoraġġuk timxi fit-triq it-tajba, ibqa' ċert li dawk se jgħidulek li meta ġismek ifellaq x’ħin tixjieħ huwa normali.
U joffrulek mitt farmaċewtiku għal kull sintomu tat-traskuraġni li int ikkultivajt matul is-snin.
X’ma jarawx kif jagħmlu biex lili JGĦALQULI ĦALQI talli nwasslilkom il-verità li MA JRIDUKOMX TKUNU TAFU.
Isimgħuni sa x’ħin iħalluni hawn.
Irridilkom wisq ġid.
Qumu minn hemm u EJJA ĦA NTAJJRU N-NAR.
