Knester

13/06/2026

På tide med ei oppdatering frå oss.
Rederiet vårt har satsa stort dei siste åra. "Steinevik" vart henta til Austevoll med ringnotkvoter i 2020. I 2022 bestilte me ny "Knester" hos Karstensens Skibsværft. Gamle "Knester" gjekk då inn som "Steinevik", og me fekk behalde eit velfungerande fartøy me likte godt. Hausten 2025 henta me stolt heim nye "Knester". Blautkakene var knapt spist opp før me fekk høve til å investere i kolmulekonsesjon til "Steinevik". Det drøyde i direktoratet å få ting unna, så me nytta tida til å få montert NOx - katalysator (SCR) hos Westcon i Ølen. Ei veke ut i juni var både SCR og kolmulekonsesjonen på plass, og "Steinevik" kunne for første gong hive laust og gå på kolmula med eigen konsesjon. Når kvoteråda peiker nedover og drivstoffprisane oppover, er det difor ekstra kjekt når mannnskapet lukkast og sig inn på Salthella ein kort stopp, fullasta med kolmule, på veg til Egersund. Kolmula, fangsta i norsk sone, var ekstra kjærkommen denne gangen.
"Knester" - gjengen har på si side fiska ferdig nordsjøsilda, også den i norsk sone.
Me er stolte av mannskapet, kry av fartøya og glade for flinke folk som leverer fartøy, bruk og finans til næringa 🇧🇻🐟🇧🇻

11/02/2026

Knester på vei til Måløy med si aller første kolmule - last. Viser seg å håndtere både dårlig vær og last på ypperlig vis.
Filmet av Anders Remøy på Herøyhav.

22/01/2026

Sølv på tankene og smaragd på himmelen. Knester på veg til losseplass med 1250 tonn NVG-sild.

22/01/2026

10/01/2026

MS Steinevik i sving på NVG-silda. Markus Stenevik debuterte som skipper i nordlyset i Altafjorden og klinka likesåratt til med eit storkast. No blir det nokre daga seilas før lossing. Kjekt 🙏

07/11/2025

07/11/2025

«Knester» er døypt!

Me vil retta ei stor takk til alle som kom og ville dele denne store dagen med oss!
Å sjå at så mange trossa været og tok del i dåpen, gjer oss takknemlege over å vera ein del av dette flotte lokalsamfunnet vårt.

Spesielt takk til Austevoll Brass som skapte nydeleg feststemning på kaien med korpsmusikk, Esther Birkeland Hordvik og Audun Instefjord med rørande vakkert song og musikkinnslag, og Mykola Basyuk som heilproft gjorde at lyden nådde ut til alle dei oppmøtte.

Takk til Ordførar Bente Kari som holdt ei flott tale på kaien. Det er stort å få høyre nokon utanfrå sette ord på det me strevar mot i kvardagen;
verdiane som me ynskjer skal gjenspegle rederiet, og det å sleppe den yngre generasjonen til.

Takk til Skipsdesigner Kent Damgård for flott tale, og for at du og Knud D. Karstensen kom for å dele denne dagen med oss. Takk for godt samarbeid i heile prosessen; me er svært nøgd med sluttresultatet, og imponert over det du og Karstensens Skibsværft får til.

Ein stor takk til Gudmor Rut Stenevik Sanne for vel gjennomført dåpsseremoni. Gleda var stor når flaska knuste på fyrste forsøk.

Takk til Hanna Nordstrand som dyktig dokumenterte dagen med kameraet! Me er kry av kreasjonen frå “Logomotivet” / Andreas Mølland som pyntar dagrommet og alle dei flotte bileta frå “Austevoll Natur”/Algirdas Motiejunas som smykker innredninga.

Folkefesten forsatte med deilig fiskesuppe, sild- og makrellrettar frå Bekkjarvik Gjestgiveri, og deilige marsipankaker bestilt hos Joker Stolmen. Ein stor takk til Stella, Hasse, Irmelin og jentene som hjalp til i serveringa av rundt 700 skuelystne som tok turen innom matteltet.

Festen fortsatte med mannskap, familie og gode støttepartnarar i Løo. Takk til Amund Hatlevik som leda oss gjennom kvelden, og me er fortsatt overvelda over alle fine taler som blei holdt den kvelden. Me set pris på kvar enkelt.

Me avslutta dåpsfesten med dans! Ein stor takk til «Gone fishing band» som laga god stemning og gjorde at me fekk svinga dansefoten!

Til sist vil me takke det fantastiske mannskapet vårt som stilte opp for å lage fest, me er heldige som har denne gjengen!