Her får du nyttig informasjon og kjekke glimt knytt til tenesteområdet vårt. Viktig informasjon blir også delt på nettsida til Herøy kommune og via helsestasjonsportalen vår som du finn lenkje til nedst i denne informasjonen. Denne Facebook-sida er drifta av tilsette ved Herøy helsestasjon. PERSONVERN
Du styrer sjølv kva du deler og kven du besøker på Facebook. Derfor er din eigen policy like vik
tig som Herøy helsestasjon (Herøy kommune) sin. Når du følgjer, liker eller kommenterer noko på Facebook-sidene våre, får Facebook tilgang og vil bruke opplysningane og spora du legg igjen etter deg. Deler du noko med status «offentleg» gir du alle tilgang og tillating til å nytte informasjonen og knyte den til deg. I Facebook sine retningslinjer står det at «at offentlig informasjon er tilgjengelig for alle i eller utenfor tenestene våre, og kan sees eller fås tilgang til gjennom søkemotorer på Internett, API’er eller media mv.» Det vil seie at spørsmåla du stiller og det du kommenterer på våre Facebook-sider, kan lesast og brukast av andre. SPØRSMÅL ELLER KOMMENTARAR? Vi set pris på at du engasjerer deg i innhaldet vårt. Vi svarer gjerne på spørsmål og tek imot innspel. Innspel som er arkivverdige, blir lagra i arkivsystemet vårt og vil kome i postlistene våre som er offentlege. BLEI INNLEGGET DITT SLETTA? Det er sjølvsagt heilt OK å vere ueinig med oss. Vi tar også imot sakleg og konstruktiv kritikk. God debatt og diskusjon er bra for demokratiet. Facebook slettar innlegg som inneheld enkelte upassande ord og uttrykk. Vi slettar også innlegg med upassande språk, som angrip person i staden for sak eller som kan opplevast som krenkande. Vi kan også velje å slette feilinformasjon som blir spreidd, som eit bidrag i kampen styresmakter og media står i, for å stanse villeiande, falsk og skadeleg informasjon. Vi slettar også innlegg eller kommentarar der vi meiner forfattar utleverer seg sjølv eller andre og som bryt med personvern eller teieplikt. HAR DU SPØRSMÅL TIL DENNE POLICYEN? Ta kontakt med oss på tlf. eller e-post. Vi minner om at du aldri må sende sensitiv informasjon på e-post. Du finn både kontaktinformasjon og meir informasjon på helsestasjonsportalen Søre Sunnmøre: https://www.ssikt.no/helsestasjonsportal/
