20/07/2026
श्रीमान् प्रधानमन्त्री ज्यू, मिति: २०८३/०४/०४
नेपाल सरकार
प्रधानमन्त्री तथा मन्त्रिपरिषद्को कार्यालय
सिंहदरबार, काठमाडौं।
विषय: मुख्य सचिवको अध्यक्षतामा भएको स्थायी पदपूर्ति
रोक्ने निर्णय तत्काल खारेज गरी लोकसेवा आयोगको
वार्षिक कार्यतालिकाअनुसार विज्ञापन सुनिश्चित गरियोस्।
माननीय प्रधानमन्त्रीज्यू,
लोकसेवा आयोगको वार्षिक कार्यतालिका सार्वजनिक भएपछि देशभरका हजारौँ तयारीरत युवामा आशा र उत्साह जागेको थियो। तर, मुख्य सचिवको अध्यक्षतामा बसेको सचिवहरूको बैठकले प्रधानमन्त्री तथा मन्त्रिपरिषद्को कार्यालयको स्वीकृतिबिना स्थायी पदपूर्ति नगर्ने तथा लोकसेवा आयोगमा माग नगर्ने/नगराउने निर्णय गरेको भन्ने जानकारी सार्वजनिक भएपछि लाखौँ तयारीरत युवाको भविष्य अन्योलमा परेको छ।
हामी सरकारसँग कुनै विशेष सुविधा मागिरहेका छैनौँ। हाम्रो माग केवल संविधान, कानुन, योग्यता, निष्पक्ष प्रतिस्पर्धा र लोकसेवा आयोगको वार्षिक कार्यतालिकाको सम्मान हो।
अतः, लोकसेवा आयोगको नियमित पदपूर्ति प्रक्रियामा अवरोध पुर्याउने उक्त निर्णय तत्काल खारेज गरी वार्षिक कार्यतालिकाअनुसार विज्ञापन प्रकाशित गर्न आवश्यक पहल गरियोस्।
हजारौँ युवाको भविष्यसँग जोडिएको विषयलाई हल्का रूपमा नलिइयोस्। हामी सडकमा उत्रिन चाहँदैनौँ, तर युवाको भविष्य अन्योलमा पार्ने निर्णय कायम रहेमा आफ्ना संवैधानिक अधिकारको प्रयोग गर्दै शान्तिपूर्ण रूपमा आवाज उठाउन बाध्य हुनेछौँ। त्यस अवस्थाको जिम्मेवारी सम्बन्धित निकायले नै वहन गर्नुपर्नेछ।
हाम्रो स्पष्ट माग:
√ मुख्य सचिवको अध्यक्षतामा भएको उक्त निर्णय तत्काल खारेज गरियोस्।
√ लोकसेवा आयोगको वार्षिक कार्यतालिकाअनुसार विज्ञापन समयमै प्रकाशित गरियोस्।
√ तयारीरत युवाको भविष्यसँग कुनै पनि प्रकारको खेलवाड नगरियोस्।
भवदीय,
लोकसेवा तयारीरत सम्पूर्ण उम्मेदवारहरूको तर्फबाट
