Municipal Health Office - Angono, Rizal

05/08/2026

𝐏𝐇𝐈𝐋𝐇𝐄𝐀𝐋𝐓𝐇 𝐘𝐀𝐊𝐀𝐏 𝐒𝐀 𝐁𝐀𝐑𝐀𝐍𝐆𝐀𝐘 🩺❤️

Hatid ng Pamahalaang Bayan ng Angono ang serbisyong may puso para sa ating mga kababayang miyembro ng PhilHealth sa pamamagitan ng PhilHealth YAKAP sa Barangay.

Layunin ng programang ito na mailapit ang mga pangunahing serbisyong pangkalusugan sa komunidad upang mas marami ang mabigyan ng pagkakataong makatanggap ng atensyong medikal.

𝗞𝗮𝗯𝗶𝗹𝗮𝗻𝗴 𝘀𝗮 𝗺𝗴𝗮 𝘀𝗲𝗿𝗯𝗶𝘀𝘆𝗼𝗻𝗴 𝗺𝗮𝗮𝗮𝗿𝗶𝗻𝗴 𝗺𝗮𝗽𝗮𝗸𝗶𝗻𝗮𝗯𝗮𝗻𝗴𝗮𝗻:
✅ 𝗟𝗶𝗯𝗿𝗲𝗻𝗴 𝗞𝗼𝗻𝘀𝘂𝗹𝘁𝗮
✅ 𝗟𝗶𝗯𝗿𝗲𝗻𝗴 𝗟𝗮𝗯𝗼𝗿𝗮𝘁𝗼𝗿𝘆
✅ 𝗟𝗶𝗯𝗿𝗲𝗻𝗴 𝗚𝗮𝗺𝗼𝘁

𝗡𝗮𝗿𝗶𝘁𝗼 𝗮𝗻𝗴 𝗱𝗲𝘁𝗮𝗹𝘆𝗲 𝗻𝗴 𝘀𝗲𝗿𝗯𝗶𝘀𝘆𝗼:
📍 𝗕𝗮𝗿𝗮𝗻𝗴𝗮𝘆 𝗦𝗮𝗻 𝗥𝗼𝗾𝘂𝗲 𝗖𝗼𝘃𝗲𝗿𝗲𝗱 𝗖𝗼𝘂𝗿𝘁
📅 𝗔𝗴𝗼𝘀𝘁𝗼 𝟴, 𝟮𝟬𝟮𝟲 (𝗦𝗮𝗯𝗮𝗱𝗼)
🕗 𝟴:𝟬𝟬 𝗔𝗠 – 𝟭𝟮:𝟬𝟬 𝗣𝗠

Paalala: Magdala ng photocopy ng birth certificate at photocopy ng valid ID.

Inaanyayahan ang lahat ng PhilHealth members na samantalahin ang programang ito at makiisa sa patuloy na pagsusulong ng mas malusog na pamayanan.

𝐒𝐞𝐫𝐛𝐢𝐬𝐲𝐨𝐧𝐠 𝐌𝐚𝐲 𝐏𝐮𝐬𝐨, 𝐊𝐚𝐥𝐮𝐬𝐮𝐠𝐚𝐧 𝐚𝐲 𝐒𝐢𝐠𝐮𝐫𝐚𝐝𝐨! ❤️🏥

04/08/2026

Ang Pamahalaang Bayan ng Angono kasama ang Municipal Helath Office (MHO), Office of the Senior Citizens Affairs (OSCA), Persons with Disability Affairs Office (PDAO), at ang Barangay Sto. Nino ay naglunsad ng isang Medical and Dental Mission ngayon, Agosto 4, 2026.

Ang programa ay naglalayong magbigay ng tulong sa mga mamamayan ng Angono. Naglunsad ng libreng medical check-up, health assessment, gamot at serbisyong dental sa nasabing programa.

Itinatampok ng inisyatibo ang patuloy na pangako ng pamahalaang munisipyo na gawing accessible ang pangangailangang pangkalusugan sa lahat ng residente, lalo na sa nga sektor tulad ng senior citizens at mga taong may kapansanan.

Ginanap sa Angono Gymnasium, ang mga healthcare worker ay tumanggap ng halos daan-daang dumalo sa buong araw, namamahagi sila ng mga iniresetang bitamina at gamot habang nagsasagawa ng pagbunot ng ngipin at mga regular na check-up nang walang bayad.

Binigyang-diin ng Tanggapan ng Munisipyo na ang mga collaborative outreach program na tulad nito ay tinitiyak ang proactive at inklusibong saklaw ng pangangalagang pangkalusugan para sa bawat pamilya sa bayan.

🖋️ Rein Hernandez

04/08/2026

July 2026 - Kaugnay sa pagpapalakas ng kampanya para sa darating na Ligtas Tigdas 2026 o Measles Rubella Supplemental Immunization Activity (MR SIA) at pagbibigay ng Vitamin A Supplementation, ay nagkaroon ng courtesy meeting o pakikipagpulong ang mga kinatawan ng Angono Municipal Health Office sa Barangay Mahabang Parang at sa ilang mga Purok Chairman / Homeowners Assoc. Officers.

Ito ay sa pangunguna ng Brgy. Health Station Midwife na si Annaliza Moreno, RM kasama sina Darilyn Familara, RM (DOH-HRH), Andrea C. Rodriguez, RN (Health Education Promotion Officer), Brgy. Health Workers at ilang midwives mula sa nasabing pasilidad.

Tinalakay sa bawat pagpupulong ang kahalagahan at benepisyong maidudulot ng pagbabakuna kontra Measles at Rubella (Tigdas at Tigdas Hangin / German Measles) sa mga batang nasa edad 6 hanggang 59 na buwang gulang na siyang ibinaba ng Department of Health sa mga lokal na pamahalaan sa buong bansa.

Naging bahagi ng pag-uusap ang mga target population, temporary fixed sites o kung saan gaganapin ang pagbabakuna, schedule ng pagbabakuna at paghingi ng suporta ng nasabing opisina mula sa mga barangay.

Naging bahagi din ng pagpupulong ang paghikayat sa mga dumalo na makipag tulungan at pagbibigay suporta ng Punong Barangay na si Hon. Melencio Villangca at Barangay Kagawad on Health na si Hon. Rogelio Hadap Jr.

Ang nasabing programa ay magsisimula sa darating na Agosto 10-28, 2026 na gaganapin sa mga piling temporary fixed posts na nasasakupan ng Barangay Mahabang Parang.

Para sa iba pang impormasyon o katanungan patungkol sa Ligtas Tigdas 2026, mangyari lamang na magmensahe dito sa ating page o bumisita sa ating Barangay Health Center (whitehouse).

04/08/2026

MAY ENTRY NA BA ANG LAHAT SA 2026 CALABARZON LIGTAS TIGDAS DANCE CHALLENGE?

Ipadala lang inyong dance video mula August 3 hanggang August 7, 2026 (12:00 NN) sa aming official gov mail:📧[email protected]

Huwag palampasin ang pagkakataong maipakita ang inyong talento, at maging bahagi sa pagsusulong ng isang na CaLaBaRZon!

Para sa kumpletong mechanics, at iba pang detalye, panuorin ang video na ito: https://www.facebook.com/share/v/1D23h8BVTR/?mibextid=wwXIfr

Official CaLaBaRZon Ligtas Tigdas Dance Video link: https://www.facebook.com/share/v/1DVb3h1kRS/?mibextid=wwXIfr

Abangan namin ang entries nyo ha, Takits!

04/08/2026

Matagumpay na isinagawa ngayong araw, Agosto 3, 2026 ang 𝐿𝑎𝑢𝑛𝑐ℎ𝑖𝑛𝑔 𝑜𝑓 𝐿𝑖𝑔𝑡𝑎𝑠 𝑇𝑖𝑔𝑑𝑎𝑠 sa pangunguna ng ating Punong Barangay, 𝐻𝑜𝑛. 𝐸𝑟𝑢𝑔𝑒𝑛𝑖𝑜 𝐷. 𝑀𝑖𝑟𝑎, kasama ang 𝑆𝑎𝑛𝑔𝑔𝑢𝑛𝑖𝑎𝑛𝑔 𝐵𝑎𝑟𝑎𝑛𝑔𝑎𝑦 𝑛𝑔 𝑆𝑎𝑛 𝑉𝑖𝑐𝑒𝑛𝑡𝑒 at Barangay Health Workers bilang suporta sa kampanya para sa kalusugan at proteksyon ng ating mga kabataan laban sa tigdas.

Magkakaroon po ng mga nakatakdang schedule ng Ligtas Tigdas sa iba’t ibang lugar na sakop ng ating Barangay San Vicente upang mas mapalapit ang serbisyong pangkalusugan sa bawat mamamayan.

Hinihikayat ang lahat ng magulang na abangan ang mga susunod na anunsyo tungkol sa petsa, oras, at lugar ng pagbabakuna.

Sama-sama nating isulong ang isang ligtas, malusog, at protektadong komunidad. 💉

04/08/2026

Ginanap Ang Buwanang Flag Raising Ceremony Ng Sangguniang Barangay ng San Vicente sa Pangunguna ni PB. Erugenio D. Mira at mga Kagawad para sa buwan ng Agosto 2026, Kasabay nito ang "LIGTAS TIGDAS" Measles-Rebulla Supplemental Immunization Activity kasama ang ating Barangay Health Workers kung san hinihikayat ang ating mga anak na magpabakuna para sa kanilang kaligtasan.

04/08/2026

𝟔 𝐚𝐫𝐚𝐰 𝐧𝐚 𝐥𝐚𝐧𝐠, 𝐋𝐢𝐠𝐭𝐚𝐬 𝐓𝐢𝐠𝐝𝐚𝐬 𝐌𝐑 𝐒𝐈𝐀 𝐧𝐚! 💉

Basahin ang buong suporta ng Philippine Pediatric Society - Southern Tagalog Chapter sa paparating na Ligtas Tigdas 2026: Measles-Rubella Supplemental Immunization Activity (MR SIA) na gaganapin sa August 10 hanggang 28, 2026.

Sama-sama tayo para sa Ligtas Tigdas na CaLaBaRZon!

04/08/2026

𝐌𝐀𝐀𝐀𝐑𝐈 𝐁𝐀𝐍𝐆 𝐁𝐀𝐊𝐔𝐍𝐀𝐇𝐀𝐍 𝐍𝐆 𝐌𝐑 𝐕𝐀𝐂𝐂𝐈𝐍𝐄 𝐊𝐔𝐍𝐆 𝐀𝐍𝐆 𝐁𝐀𝐓𝐀 𝐀𝐘 𝐌𝐀𝐋𝐍𝐎𝐔𝐑𝐈𝐒𝐇𝐄𝐃, 𝐌𝐀𝐘 𝐌𝐈𝐋𝐃 𝐃𝐈𝐀𝐑𝐑𝐇𝐄𝐀 𝐎 𝐌𝐀𝐘 𝐌𝐈𝐋𝐃 𝐑𝐄𝐒𝐏𝐈𝐑𝐀𝐓𝐎𝐑𝐘 𝐈𝐋𝐋𝐍𝐄𝐒𝐒?

Narito ang paglilinaw mula kay Dr. Melissa M. Montoya, presidente ng Philippine Pediatric Society - Southern Tagalog Chapter.

Mga Nanay at Tatay, Lolo at Lola, ngayong darating na August 10 hanggang 28, dalhin at pabakunahan ang mga batang may edad 6 hanggang 59 buwan sa pinakamalapit na fixed o temporary vaccination sites sa inyong lugar. Sama-sama tayo para sa Ligtas Tigdas na CaLaBaRZon!

01/08/2026