Brgy. Pto.Rivas Ibaba Health Promotion Activity

27/03/2025

Ipinapaalala ng Provincial Health Office sa mga magulang na mahalagang kumpletuhin ang bakuna ng inyong mga anak. Ito ang magbibigay sa kanila ng proteksyon laban sa ilang mga malulubhang sakit gaya na lamang ng polio, measles, mumps, rubella, at iba pa. Ito ay napatunayan nang epektibo at ligtas.

Ang mga health workers dito sa lalawigan ng Bataan ay patuloy pa rin sa pagbibigay ng routine vaccine o ang mga bakunang kinakailangang makumpleto ng mga bata para sa kanilang proteksyon.

Makipagugnayan sa pinakamalapit na health center sa inyong lugar ukol dito. Kunin ang pagkakataong ito upang sila'y bigyang proteksyon. Sama-sama tayo sa pagpapataas ng bilang ng mga batang protektado.

27/03/2025

ALAM NIYO BA?
Kung ikaw ay nakararanas ng mga sumusunod na sintomas sa loob ng dalawang linggo o mahigit, malaki ang tyansa na ikaw ay mayroong tuberculosis:
-Madalas na pag-ubo (na minsan ay may kasamang dugo)
-Pananakit ng dibdib
-Lagnat o panginginig
-Lagnat o panginginig
-Pagpapawis sa gabi
-Walang ganang kumain
-Pagkapagod
-Pagpayat nang walang rason

Ang Tuberculosis ay isang sakit na dulot ng bacteria na Mycobacterium tuberculosis na naipapasa sa pamamagitan ng paglanghap ng bacteria na mula sa ubo, bahing, o dura ng taong mayroon nito.

Ito ay nagagamot sa loob ng 6 na buwan o higit. Kung ikaw ay nakararanas ng mga nabanggit na sintomas sa loob ng mahigit dalawang linggo, ipinapayo ng Provincial Health Office na magtungo na sa pinakamalapit na health center sa inyong lugar.

Ngayong World Tuberculosis Day, sama-sama nating ikalat ang tamang impormasyon para wakasan ang pagkalat ng TB.

27/03/2025

27/03/2025

ALAM NIYO BA?
Pumapangalawa ang colorectal cancer sa mga sanhi ng kamatayan na dulot ng cancer. Ito rin ay isa sa mga karaniwang cancer na naitatala sa mga Pilipino. Isang uri ng sakit na walang pinipiling kasarian o edad.

Ang colorectal cancer ay cancer sa malaking bituka o di kaya'y sa dugtungan nito patungo sa tumbong. Ito ay karaniwang nagsisimula sa abnormal na pamumuo ng mga simpleng bukol na di agad makikitaan ng sintomas. Ngunit kapag ang mga bukol na ito ay napabayaan at lumaki, maaaring makaranas ng mga sumusunod na sintomas:
-Madalas na kabag, paghilab, o pananakit ng tyan
-Pagkakaroon ng anemia o ang pagbaba ng hemoglobin sa dugo
-Pagdumi na may kasamang dugo
-Di normal na pagbabago sa pagdumi
-Pagbagsak ng timbang

Paalala ng Bataan Provincial Health Office na mahalaga ang early screening para maiwasan ang malubhang banta ng colorectal cancer. Mas madali itong malunasan kung ito'y matutukoy agad. Magtungo sa pinakamalapit na health center sa inyong lugar upang malaman ang mga kinakailangang gawin.

Upang mapababa ang posibilidad ng pagkakaroon nito, muling pinapaalala ngayong Colorectal Cancer Awareness Month na:
-Iwasan ang pag-inom ng alak
-Huwag manigarilyo o gumamit ng v**e
-Sundin ang Pinggang Pinoy at ang Ten Kumainments
-Gawing madalas ang pag-eehersisyo

Maaaring makaligtas sa banta ng cancer kung ito'y agad lalabanan at bibigyang pansin. Sama-sama tayo sa pagkamit ng malusog at matatag na pamilyang Bataeño.

27/03/2025

'Pag ang alagang aso at pusa ay may bakuna, ligtas ang komunidad!

💉 Pabakunahan ang alagang aso at pusa:
Siguraduhing taon-taon nababakunahan laban sa rabies ang inyong mga aso at pusa.
Bantayan ang mga alaga at huwag hayaang gumala nang walang supervision. 🐕🐈

🛑 Iwas-Kagat Tips:
Huwag basta lumapit o manggulo ng hindi kilalang aso at pusa. 🐶🐱
Turuan ang mga bata na huwag mang-asar o kulitin ang mga alaga. 👧👦

🚨 Kung Nakagat o Nakalmot:
💦🧼 Hugasan agad ang sugat gamit ang sabon at umaagos na tubig sa loob ng 10-15 minuto.
🏥 Magpatingin agad sa health center para sa tamang lunas at bakuna. I-scan ang QR code para sa listahan ng mga Animal Bite & Treatment Centers (ABTC)

Tandaan: Sa tamang pag-iingat, bakuna, at mabilis na aksyon, protektado ang buong pamilya laban sa rabies! 💪👨‍👩‍👧‍👦

Isang paalala mula sa DOH ngayong Rabies Awareness Month

27/03/2025

PAALALA: Narito ang recommended schedule ng mga bakunang kinakailangan matanggap ng mga bata ayon sa kanilang edad.

Ang mga ito ay magbibigay sa kanila ng proteksyon laban sa ilang mga malulubhang sakit gaya na lamang ng polio, measles, mumps, rubella, at iba pa. Ito ay napatunayan nang epektibo at ligtas.

Kaya't patuloy pa rin ang mas pinaigting pang pagbibigay ng routine vaccine ng mga health workers dito sa lalawigan ng Bataan para sa mga bata. Makipagugnayan sa pinakamalapit na health center sa inyong lugar ukol dito.

Sama-sama tayo sa pagpapataas ng bilang ng mga batang protektado para sa mas matatag na pamilyang Bataeño.

27/03/2025

BABALA: Sa muling pagtaas ng naitatalang kaso ng hand, foot, and mouth disease (HFMD) dito sa Central Luzon, pinaaalalahanan ng Bataan Provincial Health Office ang lahat na sanayin ang mga batang maghugas ng kamay.

Bukod pa rito ay pinapayuhan din ang mga nakatatanda na ugaliin ang paghuhugas ng kamay bago at pagkatapos hawakan ang mga bata; siguraduhin na laging mayroong sabon at malinis na tubig sa inyong mga palikuran at lababo; kung maaari ay maglaan din ng alcohol o alcogel na maaaring gamitin anumang oras; sanayin din na i-disinfect ang mga bagay na palaging hinahawakan.

Kung sakali namang makaranas ng mga sumusunod na sintomas ay agad na sumangguni sa pinakamalapit na health center sa inyong lugar:
-Lagnat
-Pagkawala ng ganang kumain at uminom ng tubig
-Pagsakit ng lalamunan
-Pagkakaroon ng mga pantal sa palad ng mga kamay at talampakan ng paa, pati na sa puwitan at sa maselang bahagi ng katawan; at
-Pagkakaroon ng singaw sa bibig

Sama-sama tayo sa pagkamit ng protektadong komunidad.

27/03/2025

Iwasan ang Nakamamatay na Rabies! 🐕😿

Ang rabies ay isang nakamamatay na sakit mula sa virus na naipapasa sa kagat, kalmot at laway ng hayop. Protektahan ang sarili at pamilya:

✔ Pabakunahan ang alagang hayop taun-taon 🩹🐶🐱
✔ Huwag hayaang gumala ang alaga sa kalsada 🚷
✔ Iwasang lumapit sa di-kilalang hayop ⚠️🐾
✔ Turuan ang bata na huwag harutin ang mga alagang hayop 👦❌🐕

💉 Bakuna para sa alaga, proteksyon para sa lahat! 💉

27/02/2025

⏰Alas Kwatro, Kontra Mosquito!⏰

Inaanyayahan ang lahat na sumali sa Alas Kwatro, Kontra Mosquito para puksain ang pinamumugaran ng lamok! Makilahaok sa pagsugpo ng Dengue -- sabay sabay tayong mag Taob, Taktak, Tuyo at Takip! 💪

Sabayan ang paglilinis ng sumusunod na lugar sa ganap na 4:00 ng hapon:
- Brgy. Batasan Hills, Quezon City
- Brgy. Bolong Oeste, Sta. Barbara, Iloilo
- Munisipyo ng San Dionisio, Iloilo
- Brgy. 1, San Jose, Antique
- Mga munisipyo ng Guimaras
- Brgy. Tondog, Aklan
- Lahat ng opisina ng gobyerno sa Negros Occidental
- Munisipyo ng Josefina, Zamboanga del Sur
- Oroquieta City, Misamis Occidental
- El Salvador City, Misamis Oriental
- Iligan City, Lanao del Norte
- Munisipyo ng Norala, South Cotabato
- Munisipyo ng Banga, South Cotabato
- Munisipyo ng Surallah, South Cotabato
- Munisipyo ng Tantangan, South Cotabato
- Munisipyo ng Tupi, South Cotabato
- Munisipyo ng Polomolok, South Cotabato
- Munisipyo ng Lebak Sultan, Kudarat
- Munisipyo ng Columbio, Sultan Kudarat
- General Santos City
- Buhangin, Davao City

Madadagdagan pa ang listahang ito dahil ayaw natin ng mosquito!