What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

https://www.facebook.com/680850758453374/

BOAC RHU II, Bantay, Boac (2026)

08/08/2026

Sa layuning mapanatiling ligtas at malusog ang bawat batang Boakeño, buong-pusong ipinapaabot ng ating Ina ng Bayan ng Boac, Mayor Armi Dela Cruz Carrion, ang kanyang mensahe ng suporta para sa Measles Rubella Supplemental Immunization Activity (MR SIA) Ligtas Tigdas Campaign 2026.

Ang kanyang pakikiisa ay patunay ng patuloy na pagtutok at malasakit ng Pamahalaang Bayan ng Boac sa kalusugan at kapakanan ng ating mga kabataan. Sa sama samang pagkakaisa, ating isusulong ang isang Boac na ligtas, malusog at may pag-asang kinabukasan.

SA HEALTHY BOAC, BAWAT BUHAY AY MAHALAGA!

07/08/2026

𝗠𝗲𝗮𝘀𝗹𝗲𝘀 𝗥𝘂𝗯𝗲𝗹𝗹𝗮 𝗦𝘂𝗽𝗽𝗹𝗲𝗺𝗲𝗻𝘁𝗮𝗹 𝗜𝗺𝗺𝘂𝗻𝗶𝘇𝗮𝘁𝗶𝗼𝗻 𝗔𝗰𝘁𝗶𝘃𝗶𝘁𝘆 (𝗠𝗥 𝗦𝗜𝗔) 𝗟𝗶𝗴𝘁𝗮𝘀 𝗧𝗶𝗴𝗱𝗮𝘀 𝗖𝗮𝗺𝗽𝗮𝗶𝗴𝗻 𝗞𝗶𝗰𝗸 𝗢𝗳𝗳

Matagumpay na naisagawa kahapon, ika-6 ng Agosto, sa Bantay Health Center ang Measles-Rubella Supplemental Immunization Activity (MR SIA) – Ligtas Tigdas Campaign Kick-Off.

Nakiisa sa ating gawain ang mga magulang at mga batang may edad 6 hanggang 59 buwang gulang mula sa mga Barangay ng Bantay, Puyog, at Ogbac. Layunin ng aktibidad na maprotektahan ang bawat bata laban sa tigdas at rubella sa pamamagitan pagbabakuna.

Pormal na binuksan ang programa sa pamamagitan ng panimulang mensahe ni Kgg. Renato Lope, Punong Barangay ng Barangay Bantay, na sinundan ng makabuluhang mensahe ni Dr. Catherine Dell J. Sadiwa-Cruz, ang ating Municipal Health Officer ng Bayan ng Boac.

Nagpaabot din ng inspirasyonal na mensahe ang ating Ina ng Bayan, Mayor Armi Dela Cruz Carrion, bilang pagpapakita ng kanyang buong suporta sa adbokasiya ng pagbabakuna. Nagbigay rin ng mensahe at suporta si Dr. Romina Victoria, Provincial Health Officer-OIC. Samantala, ibinahagi ni Dr. Russell S. Grepaldeo, Medical Officer III ng Department of Health – Center for Health Development (CHD) MIMAROPA, ang kahalagahan ng pagbabakuna bilang isa sa pinakamabisang paraan upang maprotektahan ang kalusugan ng ating mga kabataan laban sa pamamagitan ng bakuna.

Bilang bahagi ng programa, isinagawa ni Dr. Juliean R. Malubag-Muhi, Rural Health Physician ang isang oryentasyon lalo na para sa mga magulang upang higit nilang maunawaan ang layunin ng MR SIA at mabigyang-katiyakan na ang mga bakunang ibinibigay sa kanilang mga anak ay ligtas, de-kalidad, at epektibo.

Kasabay ng ating aktibidad ay isinagawa ang pamamahagi at pagpapatak ng Vitamin A sa mga batang kwalipikadong tumanggap nito.

Naging matagumpay ang gawaing ito sa pamamagitan ng sama-samang pagtutulungan at suporta ng ating mga katuwang sa kalusugan, kabilang ang Provincial Health Office, Provincial Department of Health – Marinduque, Department of Health – CHD MIMAROPA. Pasasalamat din sa Boac Municipal Nutrition Office, at ang ating katuwang na NGO ang Boac Elite Airsoft Team.

Lubos po kaming nagpapasalamat sa lahat ng nakiisa at nagbigay ng kanilang oras at suporta upang maging matagumpay ang gawaing ito. Sa ating pagkakaisa, patuloy nating isusulong para sa kinabukasan ng ating mga kabataan ang isang mas malusog, mas ligtas, at mas protektadong Bayan ng Boac.

29/07/2026

𝗕𝗔𝗞𝗨𝗡𝗔 𝗠𝗬𝗧𝗛 𝗕𝗨𝗦𝗧𝗘𝗥| 𝗠𝗬𝗧𝗛𝗦 𝘃𝘀. 𝗙𝗔𝗖𝗧𝗦

𝗔𝗟𝗔𝗠𝗜𝗡 𝗔𝗡𝗚 𝗞𝗔𝗧𝗢𝗧𝗢𝗛𝗔𝗡𝗔𝗡 𝗗𝗔𝗛𝗜𝗟 𝗔𝗡𝗚 𝗕𝗔𝗧𝗔𝗡𝗚 𝗕𝗔𝗞𝗨𝗡𝗔𝗗𝗢, 𝗣𝗥𝗢𝗧𝗘𝗞𝗔𝗗𝗢!

Ang pagbabakuna ay isa sa pinakamabisang paraan upang maprotektahan ang ating mga anak laban sa Tigdas (Measles), at Tigdas- Hangin (Rubella) at iba pang sakit na maaaring maiwasan sa pamamagitan ng bakuna. Marami pa ring maling paniniwala o myths tungkol sa bakuna na nagdudulot ng pag-aalinlangan sa ilang mga magulang. Ngunit ang katotohanan ang bakuna na ibinibigay ay ligtas, de-kalidad, at epektibo.

Alamin ang katotohanan at huwag magpadala sa maling impormasyon. Sa pamamagitan ng tamang kaalaman, sama-sama nating mapoprotektahan ang kalusugan at kinabukasan ng ating mga anak.

27/07/2026

𝐆𝐄𝐍𝐄𝐑𝐀𝐋 𝐂𝐎𝐍𝐒𝐔𝐋𝐓𝐀𝐓𝐈𝐎𝐍 𝐒𝐀 𝐁𝐑𝐆𝐘. 𝐏𝐔𝐓𝐈𝐍𝐆 𝐁𝐔𝐇𝐀𝐍𝐆𝐈𝐍| 𝐏𝐔𝐓𝐎𝐍𝐆 𝐏𝐀𝐑𝐀 𝐒𝐀 𝐊𝐀𝐀𝐑𝐀𝐖𝐀𝐍 𝐍𝐈 𝐃𝐑𝐀. 𝐉𝐔𝐋𝐈𝐄𝐀𝐍 𝐑. 𝐌𝐀𝐋𝐔𝐁𝐀𝐆-𝐌𝐔𝐇𝐈

Sa patuloy na pagpapaigting ng serbisyong pangkalusugan, matagumpay nating naisagawa ang General Consultation sa Barangay Puting Buhangin noong Biyernes, ika-24 ng Hulyo.

Sa pamamagitan ng gawaing ito, naihatid natin ang Medical Consultation, Laboratory Test, pamamahagi ng mga libreng gamot at bitamina, at PhilHealth YAKAP Registration, bilang bahagi ng ating layunin na mailapit ang dekalidad na serbisyong medikal sa bawat mamamayan.

Naging mas makahulugan ang araw sa munting pagsalubong at pagdiriwang na inihanda ng Sangguniang Barangay ng Puting Buhangin para sa kaarawan ng ating masipag at dedikadong Rural Health Physician, Dra. Juliean R. Malubag-Muhi. Sa pamamagitan ng isang simpleng putong, ipinahayag ang taos-pusong pagbati, pasasalamat, at pagpapahalaga sa kanyang walang sawang paglilingkod sa ating komunidad.

Lubos po kaming nagpapasalamat sa Sangguniang Barangay ng Puting Buhangin sa pangunguna ni Punong Barangay Hon. Merla Demin, kasama ang mga Barangay Health Workers (BHWs), Barangay Nutrition Scholar (BNS), at sa lahat ng mamamayan sa inyong mainit na pagtanggap, pakikiisa, at patuloy na suporta sa mga programang pangkalusugan na ating sama-samang isinusulong.

SA HEALTHY BOAC, BAWAT BUHAY AY MAHALAGA!

24/07/2026

𝗔 𝗖𝗲𝗹𝗲𝗯𝗿𝗮𝘁𝗶𝗼𝗻 𝗼𝗳 𝗟𝗲𝗮𝗱𝗲𝗿𝘀𝗵𝗶𝗽 𝗮𝗻𝗱 𝗜𝗻𝘀𝗽𝗶𝗿𝗶𝗻𝗴 𝗦𝗲𝗿𝘃𝗶𝗰𝗲

Today, the MHO- Boac Rural Health Unit II celebrates not only the birthday of our beloved Rural Health Physician, Dra. Juliean R. Malubag-Muhi, but also her unwavering commitment and dedication to serving our community.

More than a healthcare professional, you are an exceptional leader whose wisdom inspires, whose compassion uplifts, and whose discipline motivates us to strive for excellence.

Your approachable nature, constant encouragement, and cheerful sense of humor foster confidence among your colleagues, while your strong leadership continues to guide our team in providing quality healthcare and compassionate service to the people of Boac.

On this special day, we wish you abundant joy, good health, peace, and countless blessings. May God continue to guide, protect, and strengthen you as you faithfully fulfill your noble mission of caring for others.

Thank you for your invaluable service, inspiring leadership, and unwavering dedication. You are truly a blessing to our team and to the community we are privileged to serve.

𝗛𝗮𝗽𝗽𝘆 𝗕𝗶𝗿𝘁𝗵𝗱𝗮𝘆, 𝗗𝗿𝗮. 𝗝𝘂𝗹𝗶𝗲!💚

24/07/2026

𝗣𝗔𝗚𝗛𝗔𝗛𝗔𝗧𝗜𝗗 𝗡𝗚 𝗦𝗘𝗥𝗕𝗜𝗦𝗬𝗢𝗡𝗚 𝗣𝗔𝗡𝗚𝗞𝗔𝗟𝗨𝗦𝗨𝗚𝗔𝗡 𝗣𝗔𝗥𝗔 𝗦𝗔 𝗕𝗥𝗚𝗬. 𝗕𝗢𝗜

Matagumpay nating naisagawa kahapon ika-23 ng Hulyo ang General Consultation sa Barangay Boi bilang bahagi ng ating patuloy na adhikain na maihatid ang serbisyong pangkalusugan sa bawat mamamayan.

Sa pamamagitan ng gawaing ito, naihatid natin ang Medical Consultation, pamamahagi ng mga libreng gamot at bitamina, NCD Risk Assessment, Laboratory Test, pamamahagi ng PhilHealth ID at Member Data Record (MDR), at PhilHealth YAKAP Registration.

Kasabay nito, nagsagawa rin ng maikling oryentasyon tungkol sa deworming program upang mabigyang-kaalaman ang mga mamamayan sa kahalagahan nito. Ipinaalala na ang deworming ay isang ligtas, epektibo, at mahalagang hakbang sa pagpapanatili ng mabuting kalusugan, lalo na sa pag-iwas sa mga sakit na dulot ng intestinal worms at sa pagsuporta sa tamang paglaki at pag-unlad ng mga bata.

Hinikayat din ang lahat na huwag mabahala, sapagkat ang deworming ay isang ligtas na programang isinasagawa sa ilalim ng pangangasiwa ng ating mga propesyunal sa kalusugan.

Taos-puso po kaming nagpapasalamat sa Sangguniang Barangay ng Boi sa pangunguna ni Kgg. Punong Barangay Meinardo Epa, sa ating mga Barangay Health Workers (BHWs) at Barangay Nutrition Scholar (BNS), at higit sa lahat, sa mga mamamayan ng Barangay Boi para sa inyong aktibong pakikiisa at patuloy na pagtitiwala.

Makaaasa po kayo na kami ay patuloy na maglilingkod at maghahatid ng mga programang pangkalusugan para sa isang mas malusog at mas matatag na Brgy. Boi.

SA HEALTHY BOAC, BAWAT BUHAY AY MAHALAGA!

21/07/2026

𝗣𝗔𝗚𝗛𝗔𝗛𝗔𝗧𝗜𝗗 𝗡𝗚 𝗦𝗘𝗥𝗕𝗜𝗦𝗬𝗢𝗡𝗚 𝗣𝗔𝗡𝗚𝗞𝗔𝗟𝗨𝗦𝗨𝗚𝗔𝗡 𝗣𝗔𝗥𝗔 𝗦𝗔 𝗕𝗥𝗚𝗬. 𝗧𝗨𝗠𝗔𝗚𝗔𝗕𝗢𝗞

Matagumpay po nating naisagawa noong Biyernes, ika-17 ng Hulyo, ang konsultasyon sa Barangay Tumagabok bilang bahagi ng ating patuloy na paghahatid ng serbisyong pangkalusugan at pagpapaigting ng PuroKalusugan Program sa ating komunidad. Naihatid po natin ang Medical consultation, Dental check-up, pamamahagi ng mga gamot at bitamina, at PhilHealth YAKAP Registration.

Bilang mga lingkod ng kalusugan, ang aming misyon ay hindi lamang magbigay ng serbisyo kundi tiyaking may naaabot, may napapakinggan, at may napangangalagaan.

Ang bawat paglalakbay namin patungo sa mga Geographically Isolated and Disadvantaged Areas (GIDA) ay hindi lamang pagtahak sa malalayong lugar, kundi paglalakbay rin tungo sa pagbuo ng mas malusog na komunidad. Sa pamamagitan ng patuloy na pagpapaigting ng PuroKalusugan Program, mas napapalawak natin ang akses ng ating mga mamamayan sa dekalidad at abot-kayang serbisyong pangkalusugan. Sapagkat ang serbisyong pangkalusugan ay hindi dapat naghihintay—ito ay nararapat na naihahatid sa bawat taong nangangailangan.

Lubos po kaming nagpapasalamat sa Sangguniang Barangay ng Tumagabok, mga Barangay Health Workers (BHWs), Barangay Nutrition Scholar (BNS), at sa ating mga mamamayan sa lagi po ninyong pakikiisa at pagpapakita ng suporta para maihatid po namin ang serbisyong ito para sa bawat isa.

20/07/2026

Isang malusog na araw po sa ating lahat!

Narito ang opisyal na iskedyul ng 𝗠𝗲𝗮𝘀𝗹𝗲𝘀-𝗥𝘂𝗯𝗲𝗹𝗹𝗮 𝗦𝘂𝗽𝗽𝗹𝗲𝗺𝗲𝗻𝘁𝗮𝗹 𝗜𝗺𝗺𝘂𝗻𝗶𝘇𝗮𝘁𝗶𝗼𝗻 𝗔𝗰𝘁𝗶𝘃𝗶𝘁𝘆 (𝗠𝗥-𝗦𝗜𝗔) ng Rural Health Unit of Boac ngayong 𝗔𝘂𝗴𝘂𝘀𝘁 𝟲-𝟭𝟳, 𝟮𝟬𝟮𝟲.

Para ito sa lahat ng batang may 𝗲𝗱𝗮𝗱 𝗻𝗮 𝟲 𝗵𝗮𝗻𝗴𝗴𝗮𝗻𝗴 𝟱𝟵 𝗯𝘂𝘄𝗮𝗻, upang bigyan sila ng karagdagang proteksyon laban sa Tigdas (Measles) at Rubella.

Sa mga magulang na gustong pabakunahan ang kanilang mga anak, mangyari lamang po na tingnan ang iskedyul ng inyong barangay at dalhin sila sa itinakdang petsa at lugar ng pagbabakuna. Para sa mga karagdagang impormasyon, makipag-ugnayan lamang sa inyong Barangay Health Workers (BHWs) at Midwife na nakatalaga sa inyong barangay.

Ang bakuna ay ligtas, epektibo, at libre. Sa sama-samang pagkilos mapoprotektahan natin ang ating mga anak at komunidad laban sa mga sakit na maaaring maiwasan sa pamamagitan ng bakuna. Sama sama po nating isulong ang isang ligtas at malusog na Boac.

SA HEALTHY BOAC, BAWAT BUHAY AY MAHALAGA!

10/07/2026

𝗚𝗲𝗻𝗲𝗿𝗮𝗹 𝗖𝗼𝗻𝘀𝘂𝗹𝘁𝗮𝘁𝗶𝗼𝗻, 𝗛𝗲𝗮𝗹𝘁𝗵 𝗘𝗱𝘂𝗰𝗮𝘁𝗶𝗼𝗻 𝗦𝗲𝘀𝘀𝗶𝗼𝗻 𝗮𝘁 𝗣𝘂𝗿𝗼𝗞𝗮𝗹𝘂𝘀𝘂𝗴𝗮𝗻 𝗠𝗼𝗻𝗶𝘁𝗼𝗿𝗶𝗻𝗴 | 𝗕𝗿𝗴𝘆. 𝗦𝗮𝗯𝗼𝗻𝗴, 𝗕𝗼𝗮𝗰

Matagumpay po nating naisagawa noong 𝗛𝘂𝗹𝘆𝗼 𝟳, 𝟮𝟬𝟮𝟲 ang 𝗚𝗲𝗻𝗲𝗿𝗮𝗹 𝗖𝗼𝗻𝘀𝘂𝗹𝘁𝗮𝘁𝗶𝗼𝗻 sa Barangay Sabong, Boac bilang bahagi ng ating patuloy na paghahatid ng dekalidad at abot-kamay na serbisyong pangkalusugan para sa ating mga mamamayan.

Kabilang sa mga serbisyong naihatid ay ang Medical Consultation, Dental Check-up, pamamahagi ng libreng gamot at bitamina, NCD Risk Assessment, Laboratory Tests, at PhilHealth YAKAP Program Registration.

Kasabay nito, isinagawa rin ang 𝗛𝗲𝗮𝗹𝘁𝗵 𝗘𝗱𝘂𝗰𝗮𝘁𝗶𝗼𝗻 𝗦𝗲𝘀𝘀𝗶𝗼𝗻 bilang bahagi ng pagpapalakas ng implementasyon ng programang PuroKalusugan at upang higit pang maisulong ang kamalayan ng komunidad tungkol sa kalusugan.

Tinalakay ni 𝗠𝘀. 𝗟𝗼𝗿𝗲𝗻𝗮 𝗔. 𝗗𝗲𝗹𝗼𝗿𝗶𝗮, 𝗣𝗧𝗥𝗣 ang 𝗖𝗼𝗺𝗺𝘂𝗻𝗶𝘁𝘆-𝗕𝗮𝘀𝗲𝗱 𝗥𝗲𝗵𝗮𝗯𝗶𝗹𝗶𝘁𝗮𝘁𝗶𝗼𝗻 (𝗖𝗕𝗥), isang programang naglalayong matulungan ang mga Persons with Disabilities (PWDs) na magkaroon ng pantay na oportunidad sa kalusugan, edukasyon, kabuhayan, pakikilahok sa lipunan, at pagbibigay-kakayahan sa kanilang sarili.

Nagbahagi naman si 𝗠𝗿. 𝗚𝗶𝗹𝗯𝗲𝗿𝘁 𝗣𝗿𝘆𝗰𝗲 𝗟. 𝗠𝗮𝗻𝗿𝗶𝗾𝘂𝗲, 𝗥𝗡𝗗 ng mahahalagang kaalaman tungkol sa 𝗡𝘂𝘁𝗿𝗶𝘁𝗶𝗼𝗻 𝗮𝗻𝗱 𝗛𝗲𝗮𝗹𝘁𝗵𝘆 𝗘𝗮𝘁𝗶𝗻𝗴 𝗣𝗿𝗮𝗰𝘁𝗶𝗰𝗲𝘀, na nakatuon sa wastong nutrisyon at pagpapanatili ng malusog na pamumuhay.

Isinagawa rin ang 𝗣𝘂𝗿𝗼𝗞𝗮𝗹𝘂𝘀𝘂𝗴𝗮𝗻 (𝗣𝗞) 𝗦𝗶𝘁𝗲𝘀 𝗠𝗼𝗻𝗶𝘁𝗼𝗿𝗶𝗻𝗴 na pinangunahan ni 𝗠𝗿. 𝗗𝗲𝗹𝗯𝗲𝗿𝘁 𝗝. 𝗠𝗮𝗱𝗿𝗶𝗴𝗮𝗹, 𝗗𝗠𝗢 𝗜𝗩. Binisita niya ang Barangay Health Station upang masuri ang kalagayan ng pasilidad at makipag-ugnayan sa mga Barangay Officials at Health Workers upang matiyak ang patuloy na maayos na pagpapatupad ng programang PuroKalusugan.

Lubos po kaming nagpapasalamat sa Sangguniang Barangay Sabong sa pangunguna ni Kgg. Punong Barangay Loreta N. Abang, sa ating mga Barangay Health Workers (BHWs), Barangay Nutrition Scholars (BNS), at sa lahat ng mamamayan sa inyong patuloy na pakikiisa, suporta, at pagtitiwala. Dahil sa inyong kooperasyon, patuloy nating naihahatid ang serbisyong pangkalusugan para sa bawat isa.

SA HEALTHY BOAC, BAWAT BUHAY AY MAHALAGA!

30/06/2026

𝗣𝗔𝗚𝗛𝗔𝗛𝗔𝗧𝗜𝗗 𝗡𝗚 𝗦𝗘𝗥𝗕𝗜𝗦𝗬𝗢𝗡𝗚 𝗣𝗔𝗡𝗚𝗞𝗔𝗟𝗨𝗦𝗨𝗚𝗔𝗡 𝗣𝗔𝗥𝗔 𝗦𝗔 𝗕𝗥𝗚𝗬. 𝗠𝗔𝗛𝗜𝗡𝗛𝗜𝗡

Matagumpay po nating naisagawa muli noong Biyernes, ika-26 ng Hunyo, ang General Consultation sa Barangay Mahinhin, Boac bilang bahagi ng ating patuloy na paghahatid ng dekalidad at abot-kamay na serbisyong pangkalusugan sa ating mga mamamayan.

Kabilang sa mga serbisyong ating naihatid ay ang mga sumusunod:

✅ Medical Consultation
✅ Dental Check-up
✅ Pamamahagi ng mga libreng gamot at bitamina
✅ Immunization for babies (NIP)
✅ NCD Risk Assessment
✅ Laboratory Test
✅ PhilHealth YAKAP Program Registration

Lubos po kaming nagpapasalamat sa Sangguniang Barangay ng Mahinhin, mga Barangay Health Workers (BHWs), Barangay Nutrition Scholars (BNS), at sa ating mga mamamayan sa lagi po ninyong pakikiisa at pagpapakita ng suporta para maihatid po namin ang serbisyong ito para sa bawat isa.

SA HEALTHY BOAC, BAWAT BUHAY AY MAHALAGA!

BOAC RHU II

08/08/2026

07/08/2026

29/07/2026

27/07/2026

24/07/2026

24/07/2026

21/07/2026

20/07/2026

10/07/2026

30/06/2026

Address

Opening Hours

Website

Alerts

Shortcuts

Share

Category

Listing takedown request

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm