14/08/2026
Ugaliing mag pa vaccine agad habang hindi pa naka kalat ang Virus sa katawan kasi kahit naka pa vaccine kana kung late na ang pag pa vaccine mo useless parin vaccine mo kaya unahin lagi ang kaligtasan pumunta agad sa mga pina malapit na ABC tulad clinic
4-ANYOS, PATAY SA RABIES BISAN PA MAN OG NABAKUNAHAN NA
Patay ang usa ka 4-anyos nga batang lalaki tungod sa rabies kapin usa ka bulan na ang milabay human kini napaakan sa latagaw nga iro sa Barangay Sinawal, General Santos City.
Gikumpirma sa pamilya sa bata nga mipanaw ang biktima human mipakita og mga sintomas sa rabies sama sa pagkahadlok sa tubig ug hangin, bisan pa nga nakadawat na kini og tulo ka dose sa anti-rabies vaccine ug tetanus shot.
Gibutyag ni Dr. Ryan Oscar Aplicador, Chief sa Dr. Jorge P. Royeca City Hospital, nga naklasipikar sa Category 3 ang mga paak nga naangkon sa bata tungod sa nahimutang kini sa nawong ug dunggan nga labing duol lamang usab sa ulo, hinungdan nga paspas nga mikatap ang virus.
Dugang pa sa ospital, gihimo na nila ang mga gikinahanglang pamaagi sa pag-atiman sa emergency room, lakip ang paglimpyo ug pagtahi sa mga samad nga naangkon, ug wala na makaabot ang pasyente sa ika-upat nga dose sa bakuna.
Gipangita na sa City Veterinary Office ang nakapaak nga iro ug nagpahigayon na usab og mass anti-rabies vaccination sa mga hayop sa maong barangay.
