Calape Primary Care Facility - RHU

10/10/2026

09/10/2026

📍 DOH-CVCHD RHEMS NAGPATUMAN SA ANNUAL ROUNDING-UP OF HEALTH FACILITIES FOR ASEAN 2026 UG DRRM-H TAVME SA CALAPE PRIMARY CARE FACILITY

Niadtong Oktubre 6, 2026, gipahigayon sa Department of Health – Central Visayas Center for Health Development (DOH-CVCHD), pinaagi sa Regional Health Emergency Management Services (RHEMS), ang Annual Rounding-Up of Health Facilities for ASEAN 2026 ug ang Disaster Risk Reduction and Management in Health (DRRM-H) Technical Assistance Visit Monitoring and Evaluation (TAVME) sa Calape Primary Care Facility, Calape, Bohol.

Kini nga kalihokan nagtumong sa pagpalig-on sa kapasidad sa pasilidad sa panglawas sa pag-andam, pagtubag, ug pagdumala sa nagkalain-laing emerhensiya ug mga katalagman nga mahimong mahitabo. Pinaagi sa pagpahigayon sa monitoring ug evaluation, adunay higayon nga masusi ang kahimtang ug kaandam sa pasilidad, mailhan ang mga aspeto nga angay pang pauswagon, ug mahatagan og tukmang teknikal nga giya ug tabang aron mapalambo pa ang pagpatuman sa mga programa ug pamaagi sa Disaster Risk Reduction and Management in Health (DRRM-H).

Dako usab og papel kini nga kalihokan sa pagsiguro nga ang mga pasilidad sa panglawas padayon nga maningkamot sa pagtuman sa angay nga mga sumbanan alang sa usa ka mas andam, luwas, ug lig-on nga sistema sa panglawas, ilabina sa panahon sa mga emerhensiya ug kalamidad.

Ang maong inisyatibo nagpamatuod sa padayon nga paningkamot sa DOH-CVCHD RHEMS ug sa mga lokal nga pasilidad sa panglawas sa pagpalambo sa kahandam ug pagpalig-on sa koordinasyon aron masiguro ang padayon nga paghatag og serbisyo panglawas ug pagpanalipod sa kinabuhi ug kaayohan sa katawhan.

Magpadayon kita sa pagpalig-on sa kahandam karon alang sa mas luwas ug mas lig-on nga komunidad ug sistema sa panglawas! 💚🏥

05/10/2026

🩺 PAGBISITA SA STROKE PATIENT

Makita sa hulagway ang pagbisita sa atong Municipal Health Officer, Dr. Mary Therese N. Arreza, sa Calape Primary Care Facility, kauban si Ma’am Noemi Deposa, Midwife, ug ang mga TAKLA responder personnel, aron motubag ug mohatag og tukmang pag-atiman sa usa ka stroke patient sa Brgy. Sohoton, Lungsod sa Calape, Bohol.

Kini nga pagbisita nagpakita sa padayon nga paningkamot sa atong Municipal Health Office sa paghatag og dali, hapsay, ug de-kalidad nga serbisyo panglawas alang sa atong mga kabarangayan. Pinaagi sa koordinasyon ug panaghiusa sa mga health workers, midwives, responders, ug uban pang health personnel, mas mapaligon ang pag-atiman ug pagtabang sa mga pasyenteng nanginahanglan og medikal nga atensyon.

Ang matag higayon sa pagresponde usa ka pahinumdom sa kamahinungdanon sa pas-pas nga aksyon, koordinasyon, ug pagpakabana alang sa kinabuhi ug kaayohan sa atong katawhan.

Daghang salamat sa atong mga health workers ug TAKLA responders sa ilang dedikasyon, serbisyo, ug walay hunong nga pag-atiman sa katawhan sa Calape. 💚

Serbisyo sa Panglawas, Alay sa Katawhan! 🩺💞

04/10/2026

🏥⚕️ PADAYON ANG SERBISYONG MEDICAL PARA SA ATONG MGA ATLETA! 🥎🇵🇭

Padayon gihapon sa ika-upat nga adlaw ang walay kapuy nga paghatag og serbisyong medical gikan sa atong mga masaligon ug dedikadong medics sa Calape Primary Care Facility alang sa mga atleta nga nakigbahin sa gipahigayon nga 2026 National Softball Championship dinhi sa Lungsod sa Calape.

Andam kanunay ang atong medical team sa paghatag og first aid, basic medical assistance, health monitoring, ug uban pang gikinahanglang pag-atiman aron masiguro ang kahimsog, kaluwasan, ug kaayuhan sa matag atleta atol sa kompetisyon.

Dili lamang ang talento ug paningkamot sa mga atleta ang atong gisuportahan, kundili apil usab ang ilang kahimsog ug kaluwasan. 💚

Dako among pasalamat sa atong mga health workers ug medics nga walay hunong sa ilang serbisyo ug pagpangga sa komunidad. Ang inyong dedikasyon usa ka dakong tabang aron mahimong mas luwas, hapsay, ug malampuson ang maong nasudnong kompetisyon.

🥎 Padayon sa pagpakita sa inyong kusog ug talento, mga atleta!
🏥 Kami ania aron mosuporta sa inyong kahimsog ug kaluwasan!

03/10/2026

🟢 DAY 3 | 2026 NATIONAL SOFTBALL CHAMPIONSHIP 🥎

Makita sa mga hulagway ang padayon nga paghatag og serbisyo sa atong mga Medics gikan sa Calape Primary Care Facility alang sa ika-tulong adlaw sa gipahigayon nga 2026 National Softball Championship dinhi sa Lungsod sa Calape, Bohol.

Sa matag duwa, andam ug alerto ang atong mga Medics aron motubag dayon sa mga panginahanglanon sa mga atleta, coaches, officials, ug uban pang partisipante. Ang ilang presensya usa ka importante nga bahin sa pagseguro sa kaluwasan, kahimsog, ug kaayohan sa tanan nga nalambigit sa maong dakong kalihokan.

💚 Padayon sa matinud-anong pagserbisyo ug pag-atiman sa atong komunidad!

Daghang salamat sa tanan nga nagtinabangay aron mahimong hapsay, luwas, ug malampuson ang 2026 National Softball Championship dinhi sa atong pinalanggang Calape, Bohol.

📸 Day 3 Highlights | Calape Primary Care Facility Medics

02/10/2026

🟢 🥎 DAY 2 | 2026 NATIONAL SOFTBALL CHAMPIONSHIP 🥎

Makita sa mga hulagway ang padayon ug matinud-anong paghatag og serbisyo sa atong mga Medics gikan sa Calape Primary Care Facility atol sa ikaduhang adlaw sa National Softball Championship nga gipahigayon dinhi sa atong matahum nga Lungsod sa Calape, Bohol.

🩺 Sa matag duwa ug matag higayon, ania ang atong mga health workers nga andam motubag sa panginahanglan sa mga atleta, coaches, officials, ug uban pang partisipante. Ang ilang presensya nagpakita sa atong padayong paghatag og prayoridad sa kaluwasan, kahimsog, ug kaayohan sa tanan nga kabahin niining dakong sporting event.

Daghang salamat sa atong mga Medics sa inyong walay kapoy nga pag-alagad, pagkaandam, ug dedikasyon. 💚 Padayon sa pagserbisyo ug pag-atiman alang sa atong komunidad! 👏🩺

Calape Primary Care Facility — kanunay nga andam sa pag-alagad alang sa kahimsog ug kaluwasan sa atong katawhan. 💚

02/10/2026

DOH: MAGPAKONSULTA SA UNANG SINTOMAS NG DENGUE!

Detalye sa comment section.

01/10/2026

🤰🌸 BUNTIS CONGRESS 2026 | SEARCH FOR MS. CALAPE HUWARANG BUNTIS 2026 🌸🤰

Usa ka makahuluganon ug malampusong kalihokan nga gipasiugdahan sa Calape Primary Care Facility ang Buntis Congress 2026 nga gipahigayon niadtong September 24, 2026 sa Calape Cultural Center, diin usa sa mga nag-unang highlight sa kalihokan mao ang Search for Ms. Calape Huwarang Buntis 2026. 💐👑

Pinaagi niini nga kalihokan, atong gihatagan og pag-ila ug pagpasidungog ang mga inahan nga nagpakita sa katahum, kalig-on, kahibalo, ug dedikasyon sa ilang responsibilidad isip usa ka inahan ug umaabot nga ginikanan. Dili lamang kini usa ka kompetisyon sa katahum, kondili usa usab ka selebrasyon sa importansya sa maternal health, proper prenatal care, nutrition, ug healthy pregnancy. ❤️

👑 Ms. Calape Huwarang Buntis 2026
🏆 Ms. Angel S. Largosa (Ulbujan)

🥈 1st Runner-Up
Ms. Myrna M. Apolinaria (Lucob)

🥉 2nd Runner-Up
Ms. Jean M. Mindoro (Mandaug)

Ang kalihokan gitambongan usab sa atong mga lokal nga lider ug health partners nga padayon nga nagsuporta sa mga programa alang sa kaayohan sa mga inahan, kababayen-an, ug mga pamilya sa lungsod.

Atong pasalamatan sa ilang presensya ug suporta sila:

• Calape Mayor Junie N. Yu Jr.
• Calape Vice-Mayor Atty. Roldan Damalerio
• SB Member Kagawad Kevin Damalerio
• Calape Municipal Health Officer Mary Therese N. Arreza, M.D
• Ma'am Rowena C. Quilab, Development Management Officer, Department of Health – Region VII Dr. Cecilia Camaya-Garay - Dentist (RHU)

Daghang salamat usab sa tanang health workers, organizers, partners, sponsors, ug sa tanang Buntis Congress participants nga mitampo aron mahimong malampuson ug makahuluganon kining maong kalihokan. 🙏💕

Sa atong mga inahan, padayon sa pag-atiman sa inyong kaugalingon ug sa inyong mga anak. Ang usa ka himsog nga inahan usa ka dakong pundasyon sa usa ka himsog ug malipayon nga pamilya. 🌷👩‍🍼

Congratulations sa tanang partisipante, labi na sa atong mga Huwarang Buntis 2026! 👑🎉

01/10/2026

🥎🇵🇭 2026 NATIONAL SOFTBALL CHAMPIONSHIP – OPENING CEREMONY 🇵🇭🥎

📍 Calape, Bohol | Oktubre 1, 2026

Usa ka dakong dungog alang kanamo nga mahimong kabahin sa 2026 National Softball Championship Opening Ceremony nga gihimo karong adlawa dinhi sa atong matahum nga Lungsod sa Calape.

👩‍⚕️🧑‍⚕️ Calape Primary Care Facility Medics, andam ug alerto sa pagtubag sa bisan unsang medical needs sa mga atleta, coaches, organizers, ug mga bisita atol niining dakong sporting event.

Dili lamang kita anaa aron motabang kung adunay medical emergency—anaa usab kita aron masiguro nga ang matag partisipante makabati og seguridad ug kahupayan samtang nagpakita sa ilang abilidad, determinasyon, ug sportsmanship. 💪🥎

Ang among presensya usa ka gamay apan importante nga bahin sa malampusong pagpatuman sa maong kalihokan. Mapasalamaton kami sa higayon nga makaserbisyo ug mahimong kabahin sa usa ka event nga naghiusa sa mga atleta gikan sa nagkalain-laing dapit sa nasud. 🇵🇭❤️

Padayon sa pagserbisyo, Calape Primary Care Facility!
Maayong duwa ug maayong panglawas sa tanang atleta! 🥎👏

01/10/2026

DOH: PROTEKTAHAN ANG SARILI LABAN SA MATINDING INIT

Ang El Niño ay nangyayari kapag umiinit ang malaking bahagi ng Karagatang Pasipiko. Dahil dito, mas mainit ang panahon at mas kaunti ang ulan sa loob ng ilang buwan. May ulan pa rin, pero hindi ito kasing dalas ng karaniwan.

Kung may makitang palatandaan ng heat stroke, tumawag agad sa National Emergency Hotline 911 o dalhin sa pinakamalapit na health facility sa inyong lugar.