Calatagan RHU

03/06/2026

29/05/2026

Matagumpay na naisagawa ang 𝐁𝐔𝐍𝐓𝐈𝐒 𝐂𝐎𝐍𝐆𝐑𝐄𝐒𝐒 𝟐𝟎𝟐𝟔 bilang pakikiisa sa kampanya para sa pagpapalawak ng kaalaman tungkol sa wastong pangangalaga sa kalusugan ng mga buntis. Layunin ng programang ito na mabigyan ng sapat na impormasyon ang mga ina ukol sa ligtas na pagbubuntis, tamang pangangalaga bago manganak, ligtas na panganganak, at wastong pag-aalaga pagkatapos manganak.

Sa tulong at suporta ng Local Government Unit at ng iba’t ibang ahensya tulad ng Batangas Medical Center, Provincial Health Office Batangas, Batangas Provincial Department of Health Office, PhilHealth Lemery, Western Batangas Medical Society, DKT, at Rotary Club of Calatagan, matagumpay na ginanap ang BUNTIS CONGRESS 2026 na may temang: “Every Mother Matters: Alagang Ina para sa Ligtas na Panganganak”

Nagbigay rin ng iba’t ibang libreng serbisyo para sa mga buntis tulad ng:
✔️ Konsultasyon (OBGYN at Dentist)
✔️ Laboratory services (CBC, Urinalysis, Blood Typing, Hepatitis B, Syphilis at HIV screening)
✔️ PhilHealth assistance
✔️ Health education
✔️ Raffle at iba pang aktibidad para sa mga buntis

Taos-pusong pasasalamat sa lahat ng nakiisa, tumulong, at sumuporta upang maging matagumpay ang programang ito para sa kalusugan at kapakanan ng mga ina at sanggol sa ating komunidad.
Sama-sama nating pangalagaan ang kalusugan ng bawat ina para sa ligtas at masayang pagbubuntis.

29/05/2026

𝐑𝐄𝐆𝐔𝐋𝐀𝐑 𝐍𝐀 𝐅𝐈𝐕𝐄-𝐃𝐀𝐘 𝐖𝐎𝐑𝐊 𝐒𝐂𝐇𝐄𝐃𝐔𝐋𝐄 𝐒𝐀 𝐏𝐀𝐌𝐀𝐇𝐀𝐋𝐀𝐀𝐍𝐆 𝐁𝐀𝐘𝐀𝐍, 𝐌𝐀𝐆𝐁𝐀𝐁𝐀𝐋𝐈𝐊 𝐍𝐀 𝐒𝐈𝐌𝐔𝐋𝐀 𝐇𝐔𝐍𝐘𝐎 𝟏, 𝟐𝟎𝟐𝟔

Ipinaaalam sa publiko na opisyal nang tinatapos ang pansamantalang four-day workweek na unang ipinatupad sa ilalim ng EO No. 6 bilang bahagi ng energy conservation measures. Layunin ng pagbabalik sa normal na iskedyul na mas mapalawak ang aksesibilidad ng mga serbisyong publiko, mapataas ang produktibidad, at mas mabilis na matugunan ang mga pangangailangan at transaksyon ng mga mamamayan.

Kaugnay nito, ang lahat ng tanggapan at departamento sa ilalim ng Pamahalaang Bayan ng Calatagan ay magbabalik na sa regular na five-day workweek schedule simula sa Lunes, Hunyo 1, 2026. Ang opisyal na oras ng tanggapan ay itinakda mula 8:00 ng umaga hanggang 5:00 ng hapon, Lunes hanggang Biyernes.

Makakaasa kayo na ang lokal na pamahalaan ay patuloy na magbibigay ng tapat at mabilis na serbisyo publiko para sa bawat Calatagueño.

29/05/2026

𝐋𝐈𝐁𝐑𝐄𝐍𝐆 𝐔𝐋𝐓𝐑𝐀𝐒𝐎𝐔𝐍𝐃 𝐏𝐀𝐑𝐀 𝐒𝐀 𝐌𝐆𝐀 𝐁𝐔𝐍𝐓𝐈𝐒, 𝐇𝐀𝐓𝐈𝐃 𝐍𝐆 𝐊𝐍𝐈𝐆𝐇𝐓𝐒 𝐎𝐅 𝐂𝐎𝐋𝐔𝐌𝐁𝐔𝐒 𝐀𝐓 𝐋𝐆𝐔 𝐂𝐀𝐋𝐀𝐓𝐀𝐆𝐀𝐍

Inaanyayahan ng Pamahalaang Bayan ng Calatagan, katuwang ang Knights of Columbus (Luzon South State Council, District L-47, Sto. Domingo de Silos Council 12762), para sa gaganaping LIBRENG ULTRASOUND PARA SA MGA BUNTIS sa darating na Sabado. Narito ang mga detalye ng programa:

• 𝐏𝐞𝐭𝐬𝐚: Mayo 30, 2026 (Sabado)
• 𝐎𝐫𝐚𝐬: Magsisimula sa ganap na 8:00 AM
• 𝐋𝐮𝐠𝐚𝐫: Barangay Hall ng Poblacion 3, Calatagan, Batangas

Para sa mga karagdagang impormasyon, maaari po kayong makipag-ugnayan kay GK Ariel Penales sa pamamagitan ng mga sumusunod:
• Facebook Account: Yhel Penales
• Mobile Number: 0947 419 7813

Huwag palampasin ang pagkakataong ito upang masiguro ang kaligtasan at kalusugan ng inyong pagbubuntis. Kita-kits po tayo, mga Kabayan!

29/05/2026

29/05/2026

‼️ALAMIN ANG TAMANG IMPORMASYON TUNGKOL SA EBOLA‼️

Detalye sa comment sa section.

22/05/2026

Matagumpay na naisagawa ng Calatagan Rural Health Unit ang 𝐒𝐓𝐈, 𝐇𝐈𝐕, 𝐚𝐧𝐝 𝐀𝐈𝐃𝐒 𝐀𝐰𝐚𝐫𝐞𝐧𝐞𝐬𝐬 𝐚𝐧𝐝 𝐓𝐞𝐬𝐭𝐢𝐧𝐠 𝐃𝐫𝐢𝐯𝐞 sa iba’t ibang barangay ng Calatagan bilang pakikiisa sa 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐀𝐈𝐃𝐒 𝐂𝐚𝐧𝐝𝐥𝐞𝐥𝐢𝐠𝐡𝐭 𝐌𝐞𝐦𝐨𝐫𝐢𝐚𝐥.

Sa pamamagitan ng libreng counseling, health education, at HIV testing, patuloy nating pinalalakas ang kamalayan ng mga Calatagueño tungkol sa kahalagahan ng tamang impormasyon, maagang pagpapasuri, at paglaban sa stigma laban sa HIV at AIDS.

22/05/2026

Bilang pakikiisa sa pagdiriwang ng 𝐍𝐚𝐭𝐢𝐨𝐧𝐚𝐥 𝐖𝐨𝐦𝐞𝐧’𝐬 𝐌𝐨𝐧𝐭𝐡 noong buwan ng Marso at 𝐂𝐞𝐫𝐯𝐢𝐜𝐚𝐥 𝐂𝐚𝐧𝐜𝐞𝐫 𝐀𝐰𝐚𝐫𝐞𝐧𝐞𝐬𝐬 𝐌𝐨𝐧𝐭𝐡 ngayong buwan ng Mayo, nagsagawa ang Rural Health Unit ng 𝐕𝐢𝐬𝐮𝐚𝐥 𝐈𝐧𝐬𝐩𝐞𝐜𝐭𝐢𝐨𝐧 𝐔𝐬𝐢𝐧𝐠 𝐀𝐜𝐞𝐭𝐢𝐜 𝐀𝐜𝐢𝐝 (𝐕𝐈𝐀) 𝐀𝐜𝐭𝐢𝐯𝐢𝐭𝐲 sa iba’t ibang barangay sa Bayan ng Calatagan.

Layunin ng programang ito na mapalawak ang kaalaman at mapangalagaan ang kalusugan ng mga kababaihan sa pamamagitan ng maagang pagsusuri laban sa cervical cancer.

Mga bilang ng kababaihang sumailalim sa VIA screening:

📍 Barangay Real – 22 pasyente
📍 Barangay Lucsuhin – 13 pasyente
📍 Barangay Carlosa – 20 pasyente
📍 Barangay Santa Ana – 10 pasyente
📍 Barangay 1, 2, 3 at 4 – 29 pasyente
📍 Barangay B**a – 30 pasyente

Patuloy nating isulong ang kahalagahan ng regular na pagpapasuri para sa mas ligtas at mas malusog na kinabukasan ng bawat kababaihan. 💜

22/05/2026

𝐀𝐍𝐍𝐎𝐔𝐍𝐂𝐄𝐌𝐄𝐍𝐓

WALANG SCHEDULE ng Pre-Marriage Orientation (Family Planning) sa Mayo 25, 2026 (Lunes).