Barangay 167 Llano Health Center

16/06/2026

15/06/2026

📢 ANUNSYO MULA SA LLANO HEALTH CENTER

🩺 LIMITADONG SERBISYO SA LLANO HEALTH CENTER

Bilang pagbibigay-daan sa pagpapatuloy ng Ligtas Tigdas Supplemental Immunization Activity Plus Vitamin A (MR-SIA) 2026 ng Department of Health, at dahil sa pagpapalawig ng modified mobile vaccination activities mula Hunyo 15–21, 2026, magkakaroon po ng limitadong serbisyo sa ating health center.

Sa nasabing panahon, ang mga kawani ng Llano Health Center ay patuloy na magsasagawa ng house-to-house at community vaccination activities upang mabakunahan ang mga batang may edad 6 na buwan hanggang 59 na buwan laban sa tigdas at rubella.

✅ Medical Check-up lamang ang regular na serbisyong mananatiling available at gaganapin araw-araw simula 1:00 PM.

📌 Ang ibang serbisyo tulad ng:
• Dental Services
• Prenatal Check-up
• Family Planning Services
• Routine Immunization

ay maaaring magkaroon ng limitadong iskedyul habang isinasagawa ang MR-SIA activities.

🎯 Layunin ng programang ito na mabigyan ng karagdagang proteksyon ang ating mga kabataan laban sa tigdas at rubella at maiwasan ang mga komplikasyong dulot ng mga sakit na ito.

🤝 Hinihiling po namin ang inyong pang-unawa at pakikiisa upang maging matagumpay ang kampanyang ito para sa kalusugan ng bawat bata sa ating komunidad.

📩 Para sa mga katanungan at iba pang impormasyon, maaari po kayong mag-iwan ng mensahe sa Llano Health Center page.

💚 Maraming salamat po sa inyong patuloy na suporta at pakikiisa sa Ligtas Tigdas Campaign!

13/06/2026

📢 PAALALA SA MGA PRE-NATAL PATIENTS

Magkakaroon po ng HIV Screening at Blood Typing para sa mga buntis sa Hunyo 18, 2026 sa Llano Health Center.

Mahalagang makumpleto ang mga kinakailangang laboratoryo para sa ligtas na pagbubuntis at panganganak.

📍 Llano Health Center, Brgy. 167, Caloocan City

11/06/2026

📢 Paalala sa mga magulang! Mula Hunyo 12–14, magbabahay-bahay ang MR-SIA team para magbigay ng LIBRENG MR vaccine at Vitamin A sa mga batang edad 6–59 buwan.

Manatili lamang sa bahay at ihanda ang vaccination card ng inyong anak.

Sama-sama nating protektahan ang ating mga anak laban sa tigdas at rubella! 💙💉👶

11/06/2026

🇵🇭 Maligayang Araw ng Kalayaan!

Ipinapaalam po ng Llano Health Center na walang operasyon sa Hunyo 12, 2026 (Biyernes) bilang paggunita sa Araw ng Kalayaan.

Magpapatuloy po ang ating regular na serbisyo sa Hunyo 15, 2026 (Lunes).

Salamat po sa inyong pag-unawa at pakikiisa sa pagdiriwang ng ating kalayaan.

Mabuhay ang Pilipinas! 🇵🇭❤️

08/06/2026

📣 Llano Health Center is an accredited Philhealth YAKAP Facility.

We encourage all eligible residents to register and avail of PhilHealth benefits under the YAKAP program.

Let’s ensure health protection for every family in Brgy. 167, Caloocan City.

Visit us today and register now! 💙

06/06/2026

📢 MR SIA Schedule Advisory | June 8–12, 2026

Inaanyayahan ang lahat ng magulang at tagapag-alaga na dalhin ang kanilang mga anak para sa Measles-Rubella Supplemental Immunization Activity (MR SIA) mula June 8–12, 2026.

Ang pagbabakuna ay ligtas, libre, at mahalaga upang maprotektahan ang mga bata laban sa tigdas at rubella.

Pakisuri ang nakalakip na schedule para sa petsa, oras, at lugar ng pagbabakuna.

Sama-sama nating panatilihing ligtas at malusog ang ating komunidad! 💉👧👦

06/06/2026

📢 ABISO SA MGA RESIDENTE NG BRGY. 167 (LLANO), CALOOCAN CITY

Ayon sa abiso ng Maynilad, magkakaroon ng pansamantalang water service interruption sa ating lugar dahil sa nakatakdang preventive maintenance at system improvement works.

💧 Apektadong Barangay: Brgy. 167 (Llano)
📅 Simula: June 10, 2026 (Miyerkules) – 11:00 PM
📅 Hanggang: June 11, 2026 (Huwebes) – 3:00 PM

✅ Mag-imbak ng sapat na tubig para sa inyong pang-araw-araw na pangangailangan.
✅ Pagbalik ng suplay ng tubig, hayaang dumaloy muna ang tubig hanggang luminaw bago gamitin.

Para sa karagdagang impormasyon, mangyaring sundan ang mga opisyal na anunsyo ng Maynilad.

Maraming salamat at makiisa po tayo sa paghahanda. 💙🚰

05/06/2026

📢 MR-SIA (Ligtas Tigdas) Vaccination Campaign 💉❤️

Inaanyayahan ang lahat ng magulang ng mga batang edad 6–59 buwan na magpabakuna laban sa tigdas at rubella.

Kasama rin ang libreng Vitamin A supplementation para sa mas malusog na paglaki ng ating mga anak. Ang bakuna ay ligtas, epektibo, at libre.

Dalhin ang inyong anak sa itinakdang vaccination site sa inyong lugar sa June 6–7, 8:00 AM–12:00 NN.

Sama-sama nating protektahan ang ating mga bata at komunidad! ❤️👶🏽💙

02/06/2026

📢 PAALALA TUNGKOL SA DSWD MEDICAL FINANCIAL ASSISTANCE

Ang Medical Certificate para sa DSWD Medical Financial Assistance ay ibinibigay lamang sa mga pasyenteng tunay na gagamit nito para sa kanilang gamot, laboratory procedures, at iba pang kinakailangang serbisyong medikal.

Kung kayo ay nabigyan na ng Medical Certificate ngunit hindi ito nagamit at muling babalik para sa parehong concern, maaaring hindi na po kayo mabigyan ng panibagong certificate para sa parehong layunin. Layunin nitong matiyak na ang tulong pinansyal ay napupunta sa mga pasyenteng talagang nangangailangan at gagamit nito para sa kanilang pagpapagamot.

Tandaan na limitado ang pondo ng DSWD. Kapag hindi nagagamit nang tama ang assistance, may ibang pasyente na maaaring hindi mabigyan ng tulong kahit sila ay may agarang pangangailangan.

Kung ang hinihinging tulong ay hindi naman para sa gamot, laboratory tests, o iba pang medical expenses, maaaring may ibang programa o ahensya na mas angkop para sa inyong pangangailangan.

Maraming salamat sa inyong pag-unawa at pakikiisa upang matiyak na ang tulong ay makarating sa mga nangangailangan nito nang tama at patas.