Brgy. Gatbuca - PuroKalusugan

19/08/2026

19/08/2026

𝐅𝐎𝐎𝐃- 𝐀𝐍𝐃 𝐖𝐀𝐓𝐄𝐑-𝐁𝐎𝐑𝐍𝐄 𝐃𝐈𝐒𝐄𝐀𝐒𝐄𝐒: 𝐀𝐋𝐀𝐌𝐈𝐍 𝐀𝐍𝐆 𝐌𝐆𝐀 𝐒𝐈𝐍𝐓𝐎𝐌𝐀𝐒 𝐀𝐓 𝐒𝐄𝐍𝐘𝐀𝐋𝐄𝐒 🦠

Sa panahon ng baha at kontaminasyon ng pagkain at inuming tubig, mas tumataas ang panganib na magkaroon ng food- and water-borne diseases (FWBD).

Kaya mahalagang alam natin ang mga sintomas at senyales ng dehydration para maagapan agad.
🤢 Pagsusuka
💩 Pagtatae
🤕 Pananakit ng tiyan
💧 Matinding pagkauhaw, panghihina, o tuyong bibig—mga posibleng senyales ng dehydration

Para makaiwas sa FWBD:
✅ Siguraduhing malinis at ligtas ang pagkain at inuming tubig
✅ Maghugas ng kamay nang regular, lalo na bago kumain at pagkatapos gumamit ng banyo
✅ Panatilihing malinis ang bahay at paligid
✅ Iwasang kumain o uminom ng maaaring nakontamina ng baha

Kung matindi o tuloy-tuloy ang pagtatae at pagsusuka, o may mga senyales ng dehydration, huwag nang maghintay—kumonsulta agad sa pinakamalapit na health center o doktor.

08/08/2026

🦟 5S KONTRA DENGUE
Sabay-sabay nating sugpuin ang dengue!

1. SEARCH AND DESTROY 🔎
Hanapin at alisin ang mga lugar na maaaring pamugaran ng lamok—lalo na ang mga lalagyan na may naipong tubig.

2. SELF-PROTECTION 🛡️
Gumamit ng mosquito repellent, magsuot ng damit na mahaba ang manggas at pantalon, at gumamit ng kulambo kung kinakailangan.

3. SEEK EARLY CONSULTATION 🏥
Kapag may lagnat, pananakit ng katawan, sakit ng ulo, pagsusuka, o pantal, agad kumonsulta sa health center o healthcare provider.

4. SUPPORT FOGGING / SPRAYING 🌫️
Makipagtulungan sa mga awtoridad sa pagsasagawa ng fogging o spraying kung may outbreak o ayon sa rekomendasyon ng health authorities.

5. SUSTAIN HYDRATION 💧
Panatilihing hydrated ang may sakit at sundin ang payo ng healthcare provider. Huwag basta uminom ng gamot nang walang payo, lalo na kung pinaghihinalaang dengue.

💚 TANDAAN:
“Walang Dengue Kung Walang Pamumugaran ng Lamok!”

LINIS • ALIS TUBIG • PROTEKTA • MAGPA-CHECK • MAGTULUNGAN

04/08/2026

29/07/2026

Bawat bakuna ay hakbang tungo sa mas ligtas na kinabukasan ng ating mga chikiting. 💛

Bilang isang ina, alam niyang ang pagpapabakuna ay hindi lamang proteksyon para sa sariling anak, kundi ambag din sa kaligtasan ng buong komunidad.

Suportahan natin ang Ligtas Tigdas at tiyaking mabibigyan ng dagdag na proteksyon laban sa tigdas ang bawat batang 6 hanggang 59 buwan ang edad.

Sama-sama nating panatilihing ligtas ang ating mga anak. 💉

21/07/2026

July 21, 2026 | NIP / Weekly Child Immunization & Family Planning 👶💉

Weekly Child Immunization at Family Planning para sa ating mga kabarangay. Sa Pangunguna ng ating Barangay Midwife Mam Marilyn L. Opeña at nurse Joane katuwang ang ating mga BHW, Ml, Lln at sa Patnubay ng Sangguniang Barangay .

Layunin ng programang ito na mapanatiling ligtas at malusog ang mga bata sa ating komunidad.

Maraming salamat po sa pakikiisa at pakikipagtulungan ng lahat. 💚