23/04/2026
OPERATION TULI ISKEDYUL GIPAGAWAS SA CITY HEALTH OFFICE
Gipahibalo sa City Health Office ang iskedyul sa “Operation Tuli” sa nagkadaiyang barangay sa siyudad, aron mahatagan og libre ug luwas nga serbisyo ang mga kabatan-onan nga gustong magpatuli.
Sumala sa pahibalo, ang operasyon ipahigayon sa mosunod nga mga petsa ug lugar: sa Barangay Masulog karong Abril 23, samtang sa Barangay P**a sa Abril 30.
Sa bulan sa Mayo, magsugod kini sa Barangay Malaiba sa Mayo 6, sunod sa Barangay Linothangan sa Mayo 7, Bucalan sa Mayo 11, N. Aquino sa Mayo 12, ug Panubigan sa Mayo 13. Mosunod usab ang Barangay Budlasan sa Mayo 20.
Alang sa Barangay Bayog ug Lumapao, mahimo lamang moduol ang mga interesado sa Ninoy Aquino Barangay Health Station ug Malaiba Health Station.
Samtang sa Barangay Binalbagan, gikinahanglan nga mangutana una sa ilang mga Barangay Health Workers (BHWs) alang sa eksaktong iskedyul.
Sa Barangay Mabigo, padayon ang operasyon matag Martes, Miyerkules ug Huwebes sa hapon, nga adunay limit nga napulo (10) ka kliyente matag adlaw.
Giawhag sa City Health Office ang mga ginikanan nga suportahan ang ilang mga anak sa pag-apil niini nga programa aron masiguro ang hapsay ug limpyo nga proseso sa pagtuli, lakip na ang paglikay sa posibleng impeksyon.
Nagpasalig usab ang mga otoridad nga sundon ang tanang health protocols aron masiguro ang kaluwasan sa matag partisipante.
Source: HealthyCanlaon
