Barangay Jugan - Health Station

17/08/2026

📢 PAHIBALO SA TANANG GINIKANAN!

Padayon gihapon ang atong Measles-Rubella Supplemental Immunization Activity (MR-SIA) sa atong barangay!

✅ Luwas ug epektibo ang bakuna – dili kini makadaot sa inyong mga anak
✅ Libre kini para sa tanang kwalipikadong bata
✅ Makatabang kini aron malikayan ang grabe nga sakit ug mga komplikasyon gikan sa tipdas ug rubella

📍 Asa: San Vicente Ferrer Chapel
📅 Kanus-a: Matag Lunes hangtod Biyernes
⏰ Oras: Alas 10 sa buntag hangtod alas 2 sa hapon

Ayaw na pagduha-duha! Ipa-bakuna dayon ang inyong mga anak aron mapanalipdan sila ug ang atong tibuok komunidad. Para sa dugang pangutana, pangutana lang sa atong mga Barangay Health Workers.

13/08/2026

📢 LIGTAS ANG MAY ALAM, LIGTAS TIPDAS.

⚠️ NAGPADAYON GIHAPON ANG MR-SIA DINHI SA ATONG BARANGAY!

Gisugda kini kaniadtong Agosto 10, 2026 ug nagpadayon gihapon ang paghatag og LIBRE nga bakuna batok sa Measles ug Rubella para sa mga kwalipikadong bata.

✅ LUWAS ug DILI MAKADAOT ang bakuna sa mga bata

Ayaw pagduha-duha! Ipa-bakuna dayon ang inyong mga bata sa Barangay Health Center o sa mga gitudlo nga lugar. Libre ra kini ug para sa kaayohan sa tanan.

Para sa dugang nga impormasyon, pangutan-a lang ang inyong mga BHW, NURSES ug DOCTORS. Ayaw tuohi ang mga walay basehanan nga balita—ang tinuod gikan sa mga opisyal nga tighatag og serbisyo sa panglawas! 💙

29/07/2026

𝗣𝗔𝗡𝗔𝗟𝗜𝗣𝗗𝗜 𝗔𝗡𝗚 𝗞𝗔𝗨𝗚𝗔𝗟𝗜𝗡𝗚𝗢𝗡 𝗕𝗔𝗧𝗢𝗞 𝗗𝗘𝗡𝗚𝗨𝗘 𝗞𝗔𝗥𝗢𝗡𝗚 𝗧𝗜𝗡𝗚-𝗨𝗟𝗔𝗡!

Karong panahon sa ting-ulan, angay nga magmaalerto sa sakit nga dengue nga makuha pinaagi sa paak sa lamok nga Aedes aegypti.

Maong kinahanglan nga mahibalo ta sa mga sintomas ug sa mga angay nga buhaton aron malikayan ang kini nga sakit.

𝗠𝗴𝗮 𝗦𝗶𝗻𝘁𝗼𝗺𝗮𝘀:
‼️Hilanat nga kalit nisaka
‼️Sakit sa kalawasan
‼️Pagkaluya
‼️Pagpanurok sa panit
‼️Pagtae o pagsuka nga adunay dugo

𝗔𝘁𝗼𝗻𝗴 𝗹𝗶𝗸𝗮𝘆𝗮𝗻 𝗮𝗻𝗴 𝗱𝗲𝗻𝗴𝘂𝗲 𝗽𝗶𝗻𝗮𝗮𝗴𝗶 𝘀𝗮 𝗺𝗴𝗮 𝗺𝘂𝘀𝘂𝗻𝗼𝗱:
✅ Buhata ang 4Ts: Taob, Taktak, Tuyo, Takip
✅ Magsul-ob og karsones ug long sleeves nga sanina
✅ Gamit og insect repellent

📞 Alang sa mga emerhensiya, tawag sa DOH Central Visayas Emergency Healthline #0711 o bisitaha ang pinakaduol nga tambalanan o health facility sa inyong lugar.

25/07/2026

Panahon na sa ting-ulan! Maong kinahanglan natong bantayan ang W.I.L.D nga mga sakit nga uso kung mag-ulan:

💧 Waterborne diseases - gikan sa hugaw nga tubig
🤒 Influenza-like Illnesses - trangkaso/hilanat, ubo, ug sakit sa kalawasan
🐀 Leptospirosis - gikan sa ihi sa daga nga naa sa baha
🦟 Dengue - gikan sa pinaakan sa lamok (Aedes Aegypti) nagpuyo sa nagpundo nga tubig

Bantayi ang dugang nga mga impormasyon aron malikayan ang maong mga sakit.

📞 Alang sa mga emerhensiya, tawag sa DOH Central Visayas Emergency Healthline #0711 o bisitaha ang pinakaduol nga tambalanan o health facility sa inyong lugar.

23/07/2026

📢NUTRITION MONTH CELEBRATION 2026

Nagpahigayon ang atong Barangay Jugan ug NUTRITION MONTH CELEBRATION 2026 ubos sa Tema "Nutrition At Kalikasan Ating Pangalagaan!"
Kini gipasiugdahan sa atong Day Care Teacher, Ms. Juvy Marinas, sa atong Barangay Nutrition Scholar, Ms Edylet Monterroyo ug sa atong Public Health Nurses, Ms. Ivy Maries S. Pepito ug ni Ms. Shekaina H. Villanueva kuyog sa atong Barangay Health Workers (BHW) pinangulohan sa ilang Presidente, Ms Eda Grace Sebial. Kini gitambongan usab sa atong Chairman, Committee on Health, Hon. Neil “Boboy” C. Pepito.
It was a Fun & Meaningful Celebration sa atong Jugan Child Development Center Learners kauban sa ilang inahan, amahan ug lola.

•HEALTHY BAON CHALLENGE WINNERS
(Morning Session)
👧 Mavy Reign Paglinawan
👦 Stephen Reis Abon
👧 Angela Jane Batoctoy
(Afternoon Session)
👧 Zian Tameer Piodos

•BEST IN NUTRITION COSTUME
(Morning Session)
👧 Chamel H. Anticamara
👦 Stephen Reis Aban
(Afternoon Session)
👧 Athena Rose Inato
👦 Ma. Jhanezille Rae Campugan

•SPECIAL AWARDS
👧 Mavy Reign Paglinawan
👧 Cathnesses Grace Palma
👦 Ma. Jhanezille Rae Campugan
👧 Arci Kianna Modeste

Ang atong Public Health Nurse, Ms. Ivy Marie S. Pepito nihatag ug mubo nga pakigpulong mahitungod sa kabililhon sa atong panglawas. Ug iya usab gipanghimug-atan ang pag-amoma sa kina-iyahan ug ang sakto nga Nutrisyon.

Nagpa-ambit usab ang atong Nurse mahitungod sa ilang kampanya sa pamakuna, ang LIGTAS TIGDAS CAMPAIGN nga mao ang MEASLES – RUBELLA Supplemental Immunization Activity (MR-SIA) nga magsugod karong Agosto 10, 2026 – Setyembre 04, 2026. Kini nga bakuna alang sa atong mga Kabataan nga nag edad ug 6 ka buwan – 59 ka buwan.

Nagmalampuson ang atong gipahigayon nga kalihukan ubos usab sa suporta sa atong Jugan Barangay Council pinangulohan sa atong Kapitan Hon. Antonietto S. Pepito

21/07/2026

“LIGTAS TIGDAS CAMPAIGN”
MEASLES – RUBELLA SUPPLEMENTAL IMMUNIZATION ACTIVITY (MR SIA) ADVOCACY
Ang atong Department of Health pinaagi sa atong Municipal Health Office magpahigayon ug “LIGTAS TIGDAS” o Measles – Rubella Supplemental Immunization Activity (MR SIA) nga magsugod karong umaabot Agosto 10, 2026 – Setyembre 04, 2026.
Ang atong JUGAN BARANGAY HEALTH STATION ubos sa pagdumala sa atong Public Health Nurses (PHN) nga sila si Ms. Ivy Marie S. Pepito ug si Ms. Shekainah H. Villanueva nagpahigayon ug pangumpanya para sa maong kalihukan.
Niadtong Hulyo 22, 2026, Martes si Ms. Ivy Marie S. Pepito, Public Health Nurse inubanan sa atong mga BAKUNA CHAMPIONS - Barangay Health Workers (BHWs) nga sila si Ms. Virgilia “Jenjen” Perales ug si Ms. Analie Sison ug sa atong Chairman, Committee on Health, Hon. Neil “Boboy” Pepito nibisita sa kapilya ni Sr. San Roque aron pagpahibalo sa atong umaabot nga kalihukan.
Usa sa ilang gipangumpanyahan mao ang atong mga Chapel Leaders o mga Opisyales sa atong mga Kapilya para sa maong adbokasiya.
Naghatag usab sila ug mga basahon mahitungod sa “LIGTAS TIGDAS CAMPAIGN”



-anon

15/07/2026

11/07/2026

fyi

🚨 𝐑𝐄𝐌𝐈𝐍𝐃𝐄𝐑: 𝐓𝐎𝐓𝐀𝐋 𝐑𝐎𝐀𝐃 𝐂𝐋𝐎𝐒𝐔𝐑𝐄 𝐓𝐎𝐍𝐈𝐆𝐇𝐓 🚨

Just a final heads-up to plan your travels ahead! The 𝗧𝗼𝘁𝗮𝗹 𝗥𝗼𝗮𝗱 𝗖𝗹𝗼𝘀𝘂𝗿𝗲 for the mounting of the 𝗛𝗶𝗹𝗹𝘁𝗼𝗽 𝗛𝗼𝗺𝗲𝘀, 𝗖𝗼𝗻𝘀𝗼𝗹𝗮𝗰𝗶𝗼𝗻 𝗣𝗲𝗱𝗲𝘀𝘁𝗿𝗶𝗮𝗻 𝗢𝘃𝗲𝗿𝗽𝗮𝘀𝘀/𝗦𝗸𝘆𝘄𝗮𝗹𝗸 happens 𝗧𝗢𝗡𝗜𝗚𝗛𝗧, 𝗝𝘂𝗹𝘆 𝟭𝟭, 𝟮𝟬𝟮𝟲, 𝗳𝗿𝗼𝗺 𝟭𝟬:𝟬𝟬 𝗣𝗠 𝘁𝗼 𝟱:𝟬𝟬 𝗔𝗠.

Please note the rerouting schemes below:
🚗 𝘓𝘪𝘨𝘩𝘵 𝘝𝘦𝘩𝘪𝘤𝘭𝘦𝘴: 𝘛𝘢𝘬𝘦 𝘵𝘩𝘦 𝘓𝘢𝘳𝘢𝘺 𝘙𝘰𝘶𝘵𝘦 𝘷𝘪𝘢 𝘵𝘩𝘦 𝘊𝘢𝘶𝘴𝘦𝘸𝘢𝘺 𝘪𝘯 𝘓𝘪𝘣𝘰.
🚚 10-𝘞𝘩𝘦𝘦𝘭𝘦𝘳 𝘛𝘳𝘶𝘤𝘬𝘴 & 𝘏𝘦𝘢𝘷𝘺 𝘝𝘦𝘩𝘪𝘤𝘭𝘦𝘴: 𝘙𝘦𝘳𝘰𝘶𝘵𝘦𝘥 𝘷𝘪𝘢 𝘵𝘩𝘦 𝘊𝘰𝘯𝘴𝘰𝘭𝘢𝘤𝘪𝘰𝘯–𝘓𝘪𝘭𝘰𝘢𝘯 𝘛𝘢𝘺𝘶𝘥 𝘙𝘰𝘶𝘵𝘦.

Please drive safely and take alternative routes to avoid delays!

09/07/2026

📢 𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘: 𝐒𝐔𝐒𝐏𝐄𝐍𝐒𝐈𝐎𝐍 𝐎𝐅 𝐈𝐍-𝐏𝐄𝐑𝐒𝐎𝐍 𝐂𝐋𝐀𝐒𝐒𝐄𝐒

Please be informed that 𝗮𝗹𝗹 𝗶𝗻-𝗽𝗲𝗿𝘀𝗼𝗻 𝗰𝗹𝗮𝘀𝘀𝗲𝘀 in the Municipality of Consolacion are 𝗦𝗨𝗦𝗣𝗘𝗡𝗗𝗘𝗗 tomorrow, July 10, 2026 (Friday), for 𝗮𝗹𝗹 𝗹𝗲𝘃𝗲𝗹𝘀 due to the ongoing Mt. Kanlaon Ashfall warning.

🔄𝗦𝗵𝗶𝗳𝘁 𝘁𝗼 𝗔𝗗𝗠: To ensure academic continuity, classes shall shift to the Alternative Delivery Mode (ADM). Students are advised to wait for specific guidelines and instructions from their respective teachers or school administrators.

😷𝗠𝗮𝘀𝗸 𝗨𝗽, 𝗖𝗼𝗻𝘀𝗼𝗹𝗮𝗰𝗶𝗼𝗻𝗮𝗻𝗼𝗻𝘀! Residents are highly encouraged to stay indoors as much as possible and mask up to protect themselves from potential health hazards caused by the ashfall.

𝗔𝗺𝗽𝗼 𝘂𝗴 𝗮𝗺𝗽𝗶𝗻𝗴, 𝗖𝗼𝗻𝘀𝗼𝗹𝗮𝗰𝗶𝗼𝗻𝗮𝗻𝗼𝗻𝘀!