25/06/2026
💖 TAOS-PUSONG PASASALAMAT 💖
Lubos po kaming nagpapasalamat sa lahat ng naging bahagi ng matagumpay na Buntis Congress 2026 na may temang:
“Tamang Kaalaman, Tamang Pangangalaga: Susi sa Ligtas na Pagbubuntis at Panganganak.”
Taos-puso po ang aming pasasalamat sa lahat ng mga buntis na dumalo at aktibong nakilahok sa programa. Nawa’y ang mga kaalamang inyong natutunan ay magsilbing gabay tungo sa ligtas, malusog, at masayang pagbubuntis at panganganak.
Lubos din po naming kinikilala at pinasasalamatan ang suporta ng Barangay Council ng Barangay Toril Proper, lalo na kina Kapitana Lilibeth L. Al-ag, Kagawad Olivia A. Alvarro (Committee on GAD), at Kagawad Gina Ching (Committee on Health), sa kanilang mahalagang ambag sa pagpaplano, koordinasyon, at matagumpay na pagpapatupad ng programang ito. Ang inyong dedikasyon at malasakit para sa kapakanan ng mga ina at sanggol ay tunay na kahanga-hanga.
Maraming salamat din po sa ating mga panauhin at katuwang:
• Dr. Pauline Angela S. Rosales – District Health Officer
• Dr. Jane Sempio – District Dentist Officer
• Ms. Ana Webon – Population Program Officer
• Ms. Joyce Guevarra at ang buong CHO HEPO Team
• Mga Barangay Health Workers (BHWs) at Barangay Nutrition Scholars (BNS)
• Mga partners at sponsors, lalo na ang LAMPIN at UNILEVER
• At sa lahat ng volunteers na nagbahagi ng kanilang oras, kaalaman, at serbisyo para sa ating komunidad.
Sa pamamagitan ng sama-samang pagkilos at pagtutulungan, patuloy nating maisusulong ang kalusugan at kapakanan ng bawat ina at sanggol sa ating komunidad.
Maraming salamat po sa inyong suporta, pakikiisa, at malasakit. Sama-sama nating itaguyod ang ligtas na pagbubuntis at panganganak para sa bawat pamilya.
💖 Mabuhay ang ating mga ina, healthcare workers, at Barangay Council ng Toril Proper! 💖
Total 43 participants:
30 Pregnant
13 Teenage Mothers
