20/05/2026
TubercuLOSEit: Hinga Nang Malaya Health Communication Campaign, Nagmalampuson
Malampusong gipahigayon sa usa sa mga grupo sa Junior BA Communication sa Negros Oriental State University ang Health Communication Campaign nga giulohan og โTubercuLOSEit: Hinga Nang Malayaโ niadtong Mayo 19, 2026.
Ang maong kalihokan gipartisiparan sa piling mga estudyante sa Bachelor of Science in Information Technology sa NORSU. Tumong niini nga mas mapalig-on pa ang kahibalo sa mga tinun-an mahitungod sa sakit nga Tuberculosis, ilabina sa pamaagi sa pagpasa niini, mga sintomas, ug mga paagi aron malikayan ang maong sakit.
Atol sa maong kampanya, naghatag og impormasyon ang mga miyembro sa grupo pinaagi sa leaflet, presentasyon, ug interaktibong diskusyon aron mas masabtan sa mga partisipante ang importansya sa pag-atiman sa panglawas. Gipasiugda usab nila ang kahinungdanon sa sayong pagpakonsulta ug pagpa-check up aron malikayan ang dugang pang pagkaylap sa Tuberculosis sa komunidad.
Nagpahigayon usab og mga kalihokan sama sa Question and Answer session, diin aktibong miapil ang mga estudyante. Pinaagi niini, mas nahimong epektibo ug makalingaw ang paghatod sa impormasyon ngadto sa mga partisipante.
Ang matag miyembro sa grupo nagpaambit sa ilang kahibalo ug paningkamot aron mahimong malamposon ang maong health communication campaign. Sumala sa grupo, dako ang papel sa kabatan-onan sa pagpakaylap sa husto nga impormasyon aron mapalambo ang kahibalo sa komunidad bahin sa Tuberculosis ug uban pang mga isyu sa panglawas.
