29/05/2026
Ang Municipal Health Office nagpasigayon sa usa ka mahinungdanong pagsaulog sa World No To***co Day sa atong Municipal Dome. Ang aktibidadis gisugdan sa usa ka makabuluhang mensahe gikan sa atoang Municipal Mayor Mai Okinlay. Siya nag hangyo nga ubanan siya sa pagpalambo sa Impasugong ug ang pag undang sa sigarilyo usa sa tabang nga mahimo nato.
Ang atong guest speaker na si Ma. Dolores D. Mercado, MAN,RN gikan sa Department of Health Region 10 Office under sa Non Communicable Diseases nagpa sabot sa mga negatibo ug makalula nga epekto sa pagpanigarilyo. Iyang gipasabot nga daghan ang ma apektohan sa maong pagsindi sa sigarilyo o pag gamit sa v**e. Gi awhag ang mga partisipante hilabi na ang aktibong gapanigarilyo sa pag undang aron maprotektahan dili lang ang kaugalingon apan apil ang pamilya, higala ug ang kinatibuk-ang sa komunidad.
Ang ato pod SB secretary na si Teresa G. Comingues nag bansay sa lokal na ordinansa sa Munisipyo sa Impasugong kabahin sa mga bala-od sa pagpanigarilyo, ug ang mga bala-od pod sa Civil Service gipasabot sa atoang Humar Resource Manager na si Alele Joanne D. Rumbaoa. Aduna pod kitay gipasigayon nga pag saad sa pag undang sa pagpanigarilyo aron pag amuma ug paghigugma sa kaugalingon, pamilya, ug komunidad nga gipanguluhan sa atong Smoking Cessation Coordinator na si James Y. Nonato Jr. ICAP1, RC. Aron sa pag tapos sa maong aktibidadis ang atong Akting Municipal Health Officer nga si Dr. Miracle Clintine D. Andos nagpa dayag sa iyang dakong pasalamat sa tanan nga mipartisipar sa maong aktibidadis ug nagpahinumdom nga ang pinaka taas nga ka*o sa sakit sa Munisipyo nag gikan sa a*o nga masinhop diha sa pagpanigarilyo.
Para sa mas malambuon ug himsog nga Impasugong gi awhag ang tanan sa paglikay sa pagpanigarilyo.
Photo |Pitik Ni Yonams
